Жаңалықтар

Денсаулық сақтау министрлігі Медицина қызметкер күні қарсаңында «Үздік маман – 2026» республикалық байқауының жеңімпаздарын анықтайды. Бұл туралы ведомствоның баспасөз қызметі хабарлады.

Жеңімпаздар байқаудың республикалық кезеңінің қорытындысы бойынша іріктеледі. Қазір комиссия өңірлік деңгейде үздік атанған мамандардың кандидатураларын қарап жатыр.

Байқау 17 номинация бойынша өтеді. Әр жеңімпазға 500 АЕК көлемінде, яғни 2 162 500 теңге сыйақы беріледі.

Жеңімпаздар мына номинациялар бойынша анықталады:

– «Үздік стационар дәрігері»;
– «Үздік жедел көмек дәрігері»;
– «Үздік алғашқы медициналық-санитарлық көмек дәрігері»;
– «Үздік ауыл дәрігері»;
– «Денсаулық сақтау саласындағы үздік әлеуметтік қызметкер»;
– «Үздік акушер»;
– «Үздік стационар мейіргері»;
– «Үздік алғашқы медициналық-санитарлық көмек мейіргері»;
– «Үздік ауыл мейіргері»;
– «Үздік фельдшер»;
– «Үздік...

Астана қаласының №50 мектебінде жұмыс істейтін мұғалім Айгүл Ержанова 13,5 тонналық автобусты сүйреп, әлемдік рекорд орнатты.

Өткен жылы ол жалпы салмағы сегіз тонна болатын екі пикапты 57 метрге сүйреп, рекорд орнатқан еді. Биыл мұғалім өз нәтижесін жаңартып, 13,5 тонналық автобусты таңдаған. Осы арқылы ол шәкірттеріне де үлгі болғысы келгенін жасырмайды.

«Мен мектеп бітіріп жатқан жастарға қолдау көрсетіп, өз мақсаттарына сенімді түрде ұмтылсын дедім. Адам арманына шын ниетпен ұмтылса, ол міндетті түрде орындалады», – деді Айгүл Ержанова.

Мұндай рекордтар әлемде бұрын да болған. Алайда 50 жастан асқан әйелдер арасында 13 тонна салмақтағы автобусты сүйреу...

28 ақпанда басталған соғысқа осы аптаның бейсенбісінде тура үш ай толады. Дәл осындай маңызды сәтте АҚШ Иранмен не жақсы келісімге келеді, не болмаса мәселені «басқа жолмен» шешеді деп мәлімдеді АҚШ Мемлекеттік хатшысы Марко Рубио.

Рубио АҚШ дипломатияға толық мүмкіндік беретінін айтса, президент Дональд Трамп Иранмен келісім жасауға асықпауды тапсырды. Трамп АҚШ-тың Ормұз бұғазындағы Иран кемелерін бұғаттауы келісімге қол қойылғанға дейін күшінде қалатынын ескертті. Иран үкіметі ресми жауап бермегенімен, АҚШ-ты бұғатталған қаржыны қайтаруға кедергі жасап отыр деп айыптайды. Иран парламентінің өкілі Ибрагим Резаи Иран қысымға берілмейтінін, ал АҚШ келісімге келгісі келмесе, бензин бағасы 6 доллар болуына дайын болуы керектігін жеткізді.

Қырғызстанда уақытша ұлттық жүргізуші куәліктері енгізіледі. Тиісті қаулыға ел үкіметі қол қойды. Бұл туралы АКИpress агенттігі хабарлады.

Жаңа ережелер жүргізушілерді даярлау жүйесін және жүргізуші куәлігін беру тәртібін жетілдіру мақсатында қабылданған. Енді емтихан тапсыру рәсімінде ресми түрде жаңа құжат түрі – уақытша жүргізуші куәлігі қолданылады.

Сонымен қатар куәліктердің жіктемесі жаңартылды. Олар: ұлттық, уақытша ұлттық және халықаралық жүргізуші куәлігі болып бөлінеді.

Уақытша куәлікті кемінде төрт ай оқып, емтихандарды сәтті тапсырған үміткерлер ала алады. Емтихан тапсыру үшін оқу курсынан өткені туралы анықтама қажет болады. Оны қағаз түрінде де, мемлекеттік қызметтер порталы арқылы электронды форматта да ұсынуға болады.

Жаңа ережеге сәйкес уақытша...

Қазақстанда 112 нөмірінен тұрғындарға жіберілетін хабарламалар неге әртүрлі уақытта барады? Ол үшін бюджеттен қаражат бөліне ме? Kursiv Media осыған қатысты төтенше жағдай министрлігіне арнайы сауал жіберген еді.

Неге хабарлама уақыты әртүрлі?

Желі қолданушылары 112-ден келетін хабарлама азаматтарға түрлі уақытта келетінін жиі жазады. Мәселен, нөсер жауатыны туралы хабарлама біріне кешкі 18:00-де келсе, екінші тұрғынға 20:30-да баруы мүмкін. Министрлік мұны байланыс операторлары желілерінің техникалық мүмкіндіктері мен сол сәттегі жүктемемен түсіндіреді. Яғни хабарламалар тұрғындарға кезең-кезеңімен жеткізіледі.

«SMS-хабарламаларды жеткізу байланыс операторлары желілерінің техникалық ерекшеліктері мен сол сәттегі жүктемені ескере отырып жүзеге асырылады, осыған байланысты хабарламалар абоненттерге бір мезгілде емес, кезең кезеңімен...

Белгілі продюсер Баян Алагөзова КешYou жайлы деректі фильмінде әнші Мөлдір Әуелбековамен арадағы келіспеушіліктер және бұл іске белгілі өнер иесі Мейрамбек Беспаевтың қалай араласқанын айтты.

Түн ортасындағы қоңырау

Продюсердің айтуынша, Ыстанбұлда жүрген кезде, түн ортасында күтпеген жерден белгілі әнші, «МузАРТ» тобының мүшесі Мейрамбек Беспаев телефон соққан. Сөз арасында Мейрамбек Мөлдір Әуелбекованы жақтап, продюсерге өтініш білдірген:

«Мейрамбек маған: «Баян, қойсаңшы, ол менің қарындасым», – деді. Мен Мейрамбекті жақсы көремін және қатты құрметтеймін. Мөлдір екеуі жерлес болғандықтан, Мейрамбек оны әрдайым қолдап жүреді», – деп ағынан жарылды продюсер.

«Мені жол ортасында тастап кетті…»

Сұхбат барысында Баян Мақсатқызы...

Президент Қасым-Жомарт Тоқаевтың шақыруымен Қазақстанға 27-29 мамыр күндері Ресей президенті Владимир Путин мемлекеттік сапармен келеді.

Ақорданың мәліметінше, екі ел басшылары келіссөздер барысында Қазақстан мен Ресей арасындағы жан-жақты стратегиялық серіктестіктің және одақтастық қатынастардың қазіргі жай-күйін, сондай-ақ оны нығайту перспективасын талқыламақ.

28 мамырда Еуразиялық экономикалық одаққа мүше мемлекеттер басшыларының қатысуымен Еуразиялық экономикалық форум өтеді.

29 мамырда Жоғары Еуразиялық кеңестің отырысы ұйымдастырылады.

Мұның алдында 9-мамырда Тоқаев пен Путин Мәскеуде кездескен болатын. Кездесуде тараптар екіжақты күн тәртібіндегі маңызды мәселелерді, соның ішінде экономикалық көрсеткіштер мен алдағы мемлекеттік сапардың жоспарын талқылаған-ды.

ҰБТ-ның екінші аптасында 178 ереже бұзушылық анықталды. 103 талапкер смартфондарды, смарт көзілдіріктерді, микро құлаққаптарды, шпаргалкаларды және басқа да тыйым салынған заттарды алып кірмек болғаны үшін тестілеуден шеттетілді.

Тағы 75 адам тестілеу кезінде ережелерді бұзғаны үшін аудиториядан шығарылды, олардың нәтижелері жойылды. Өзге адамдардың орнына кіру фактілері анықталған жоқ.

Екінші аптаның қорытындысы бойынша талапкерлердің 65%-ы шекті балл жинады. Бес пән бойынша орташа балл 63 балды құрады. Ең жоғары нәтиже – 138 балл.

2026 жылдың 10 мамырында басталған негізгі ҰБТ 92 мыңға жуық рет тапсырылды. Талапкерлердің 71%-ы тестілеуді қазақ тілінде, 29%-ы орыс тілінде және 164 адам ағылшын тілінде тапсырды.

Ерекше білім беру...

Батыс Қазақстан облысы «Сырым» шекара бекетінде белгісіз дрондар ұшып жүр. Ұшу аппараттарының екі тәулік қатарынан ұшып жүргенін куәгерлер бейнеге түсіріп алған деп жазады Uralskweek басылымы.

«Самара облысынан ұшып келе жатыр, он дрон. Олар шекара бекетінің үстінен ұшып өтті. Оны бірінші күн көріп тұрған жоқпыз, бірақ тіпті кеденшілердің өзі хабарсыз», – дейді бейнежазба авторы.

Жағдайға қатысты Қорғаныс министрлігі пікір білдірді.

«Әлеуметтік желілерде Батыс Қазақстан облысы аумағындағы аспанда белгісіз әуе нысандары байқалғаны туралы таралған ақпаратқа байланысты төмендегіні хабарлаймыз. Қазақстан Республикасының әуе кеңістігін бұзу факілері тіркелген жоқ. Жағдай тиісті қызметтердің бақылауында...

2025-2026 оқу жылында Қазақстандық оқушылар халықаралық олимпиадалар мен ғылыми конкурстарда мыңнан астам медаль жеңіп алды.

Оқу ағарту министрлігінің ақпаратына қарағанда, 80-нен астам республикалық зияткерлік жарысқа 1,6 млн-ға жуық оқушы қатысқан.

Халықаралық деңгейде ел намысын 5 052 оқушы қорғады. Олар 37 олимпиада мен ғылыми конкурсқа қатысып, 1 026 медаль жеңіп алды. Оның ішінде 190 алтын, 332 күміс және 504 қола медаль бар. Тағы 56 қатысушы арнайы марапаттарға ие болды.

«Математика бағытындағы жетістіктерді бөлек атап өткен жөн. Қазақстан құрамасы Вильнюсте өткен European Mathematical Olympiad жарысында абсолютті көшбасшы атанды. Салоники қаласында өткен Balkan Mathematical Olympiad жарысында команда...

Бастапқыда із-түссіз жоғалып, төрт күннен кейін мәйіті табылған Ерзат Егінбай Алматыда әйелімен бірге пәтер жалдап тұрған. Бір апта бұрын ғана әйелінің аяғы ауыр екенін естіген. KursivMedia тілшісі қайтыс болған Ерзат Егінбайдың қарындасы Жұлдыз Нұрлыбекқызымен сөйлесіп, жағдайдың мән-жайын білді.

Туыстарының сөзінше, полиция Ерзат суицид жасаған болуы мүмкін деген болжам жасаған. Алайда жақындары мұны қасақана жасаған деп отыр.

Оқиғаның басы

Ерзат Егінбай Алматыда геодезист көмекшісі болып жұмыс істеген. 19 мамырда Саяхат жақтағы нысанда жүрген. Жұмыста жүргенде бастығынан 15 минутқа дүкенге барып келуге сұранған, бірақ дүкенге кірмеген.

Жұмыстан сағат 14:00 шығып кеткен.

Сағат 17:00 кезінде бастығы Ерзаттың әйеліне хабарласып, жиналысқа қатыспағанын айтады. Содан...

2026 жылдың алғашқы төрт айында Алматы қаласында шағын бизнестің, атап айтқанда, дара кәсіпкерлік субъектілерінің жаппай жабылу тенденциясы байқалды. Статистикалық деректерге сүйенсек, жыл басында тіркелген 304 мыңнан астам кәсіпкердің 47 мыңнан астамы көктемнің соңына қарай қызметін тоқтатқан. Бұл қаладағы әрбір алтыншы дара кәсіпкер нарықтан кетті деген сөз.

Құлдырау хронологиясы: мамыр айындағы соққы

Жыл басынан бері кәсіпкерлер санының төмендеуі тұрақты сипатқа ие болды. Дегенмен ең үлкен құлдырау көктемнің соңғы айында тіркелді:

Америка Құрама Штаттары грин-карта беру ережелерін қатаңдатты. Енді шетел азаматтары елде жұмыс істеуге және тұруға құқық беретін бұл құжатқа өтінішті тек АҚШ-тан тыс жерде ғана бере алады. Бұл туралы United States Citizenship and Immigration Services хабарлады.

Ведомство таратқан мәліметке сәйкес, АҚШ-та уақытша жүрген шетел азаматтары грин-картаға өтініш беру үшін өз еліне қайтуы керек. Тек төтенше жағдайларда ғана өтінішті АҚШ аумағында тапсыруға рұқсат беріледі.

«Шетел азаматтары өтінішті өз елінде тапсырса, грин-картадан бас тартылғаннан кейін, АҚШ-та заңсыз қалып қоятын адамдар саны азаяды», – деді United States Citizenship and Immigration Services ведомствосының баспасөз хатшысы Зак Калер.

Әлеуметтік желіде танымал актер, әзілкеш Жүсіп Ақшораның велосипед теуіп жүрген видеосы мен суреттері тарап, қызу талқыға түсті.

Жүсіп Ақшора өзі өмірлік ұстанымын өте терең әрі қысқа қайырды.

«Менікі қарапайымдылық емес, өзің нені қалайсың, солай өмір сүр» деп жазды.

Әкемнің тәрбиесі солай болар…

Бұл ерекше сәтке қатысты оның ұлы Ахан Ақшораев та өзінің Instagram парақшасында жүрекжарды жазба қалдырып, әкесіне деген перзенттік алғысы мен мақтанышын жеткізді.

 «Адам болғым келеді қарапайым… Әкемнің тәрбиесі солай болар, кісілікпен қалай мен таласайын. Адамгершілігі мен қарапайымдылығы қатар жүретін, кісі алдындағы кішілігін көрсететін, үлкен алдындағы үлгісі, талай...

Батыс Қазақстан облысы Қатталов ауданына қарасты Жалпақтал ауылында Эйфель мұнарасының көшірмесі пайда болды. Оны осы ауылдағы мектептің 2006 жылғы түлектері өз қаражатына сыйға тартқан.

Жалпақталдағы «Ынтымақ» мұнарасы әсіресе әлеуметтік желілерде кеңінен талқыланып жатыр. Биіктігі шамамен 40 метр болатын биік нысан «соңғы қоңырау» қарсаңында ашылды.

Орал қаласынан шамамен 250 шақырым жерде орналасқан Жалпақтал түлектері мерейтой жылдарында ауылға үлкен сый жасауды дәстүрге айналдырған. «Ынтымақты» тұрғызуға шамамен 45 млн теңге жұмсалғаны сөз болды.

Жалпақтал ауылында шамамен 4,6 мың адам тұрады.

Қазақстандағы көптеген қалада, атап айтқанда Астана мен Алматыда Эйфель мұнарасының көшірмесі бар.

Үкімет Алматы облысындағы «Алатау» АЭА аумағында толық циклді биофармацевтикалық кешен салу жөніндегі инвестициялар туралы келісімді мақұлдады. Премьер-министр Олжас Бектенов тиісті қаулыға қол қойды.

Жеке инвестициялардың жалпы көлемі 32,5 млрд теңгені құрайды. Фармацевтикалық зауыт дәрілік препараттың 20 түрін шығаруды жоспарлап отыр. Олардың қатарында онкологиялық және сирек кездесетін ауруларды емдеуге арналған дәрілер, сондай-ақ заманауи иммунобиологиялық препараттар бар.

Кәсіпорынды іске қосу 2031 жылға, жобалық қуатқа шығу 2032 жылға, ал негізгі бағыттар бойынша толық циклге көшу 2034 жылға жоспарланған.

Жобаны жүзеге асыру елдің дәрілік қауіпсіздігін нығайтуға және Алматы облысы аумағында заманауи фармацевтикалық өндіріс инфрақұрылымын қалыптастыруға мүмкіндік береді. Шамамен 60 жаңа жұмыс орны...

Қазақстан мен Тәжікстаннан кейін Қырғызстан да Starlink спутниктік интернет желісіне қосылды. Өзбекстан мен Түркіменстан оған биыл қосылуға тиіс.

Starlink компаниясының ғаламдық картасында Қырғызстан желіге қосылған елдер қатарында тұр. Көрші ел 2026 жылғы 23 мамырдан бастап спутниктік интернет қызметін тұтына бастады.

Естеріңізге сала кетейік, биыл сәуір айында қырғыз үкіметінің өкілдері Вашингтонға барып, SpaceX компаниясымен келіссөз жүргізген. Сол кезде Бішкек спутниктік интернет жақында жұмыс істейтінін жариялаған.

Қырғыз билігі оған шалғайдағы ауылдарды, мектептер мен ауруханаларды, басқа да әлеуметтік нысандарды қосуды көздеп отыр.

Айта кетейік, 2026 жылғы ақпанның басында Тәжікстан ресми түрде Starlink спутник интернетіне қосылған. Қазақстанда бұл...

«Самұрық-Қазына» акцонерлік қоғамы ҚТЖ компаниясының IPO-сы кейінге қалды деген ақпаратты жоққа шығарды. Қордың мәлімдеуінше, IPO осы жылы өтеді.

«Қазақстан Республикасы Үкіметінің 2025 жылғы 24 қазандағы №894 «Квазимемлекеттік сектор субъектілері мен мемлекеттік меншік объектілерін оңтайландырудың кейбір мәселелері туралы» қаулысына сәйкес, ҚТЖ-ның IPO-сын 2026 жылы өткізу көзделген. Бұл Қор мен ҚТЖ-ның мақсаттарының бірі болып қала береді», – деп жазылған компания хабарламасында.

Компания қор ҚТЖ-мен бірлесіп халықаралық IPO өткізуге белсенді дайындалып жатыр деп мәлімдейді. Бірақ нақты мерзімі хабарланбаған. IPO Лондон және Гонконг қор биржаларында, сондай-ақ Қазақстандағы жергілікті биржада үш реттік листинг жүзеге асырылады деп жоспарланған. Ал IPO...

Алаяқтар енді жасөспірімдердің sim-карталары мен аккаунттарын алып, оларды өз мақсаттарына пайдалануға көшкен. Полиция мұндай әрекет қылмысқа жәрдемдесу деп саналатынын айтып, ескерту жасады.

«Кәмелетке толмағандардың материалдық сыйақы алу мақсатында әлеуметтік желілер мен мессенджерлер арқылы үшінші тұлғалардың өтінішімен sim-карталарды іске қосып, оларды әлеуметтік желілер мен мессенджерлерге тіркеп, кейін басқа адамдарға беру жағдайлары тіркелуде. Қаскөйлер бұл аккаунттарды азаматтарға алаяқтық қоңыраулар жасау үшін пайдаланады. Әлеуметтік желілер мен мессенджерлердегі аккаунттарды тіркеу және оларды бөгде адамдарға беру алаяқтық пен өзге де заңсыз әрекеттерді жасау құралына айналуы мүмкін», – деп ескертеді ІІМ.

Ел заңнамасына сәйкес, мұндай әрекеттер қылмысқа жәрдемдесу деп саналады...

Өзбекстан футбол қауымдастығы 2026 жылғы Әлем чемпионатына қатысатын ұлттық құраманың кеңейтілген тізімін жариялады. Бас бапкер Фабио Каннаваро мұхит асып, АҚШ пен Канададағы оқу-жаттығу жиынына аттанатын 30 футболшыны таңдап алды. Алайда турнирдің ресми додасына тек 26 ойыншы ғана жолдама алады.

Өзбекстан футбол ассоциациясының вице-президенті Равшан Ирматовтың айтуынша, төрт футболшыны сақтық үшін алған.

Тізімде қазақстандық жанкүйерлер үшін де таныс есімдер бар. Құрамда отандық премьер-лигада доп тепкен «Ақтөбе» мен «Тобылдың» намысын қорғаған шабуылшы Игорь Сергеев және «Қайратта» ойнаған жартылай қорғаушы Жасур Жалолиддинов Әлем чемпионатында бақ сынауы мүмкін. Өкінішке қарай, алматылық «Қайраттың» тағы бір бұрынғы қорғаушысы Иброхимхалил Юлдошев жарақатына байланысты бұл тізімнен тыс қалды.

25 мамырға қараған түні Астана қаласы Сарайшық ауданы, Қошкарбаев көшесі бойындағы балалар ауруханасының ғимараты өртенді. Бұл туралы Төтенше жағдайлар министрлігі хабарлайды.

Мәліметке қарағанда, аурухана ғимаратының жертөлесіндегі электр қалқаны өртенген.

Өрт сөндірушілер хабарлама түскеннен кейін, 2 минут ішінде оқиға орнына жетіп, өртті сөндіруге дереу кірісті. Қауіпсіздік мақсатында аурухана қызметкерлері мен науқастар эвакуацияланды. Олар жақын маңдағы медициналық мекемелерге уақытша орналастырылды.

Өрт сөндіру штабы құрылып, жылыту пункті ұйымдастырылды.

Құтқарушылардың үйлесімді әрекеттерінің арқасында өрт 10 шаршы метр аумақта толық сөндірілді. Төтенше жағдайдан ешкім зардап шеккен жоқ. Өрттің тұтану себебі анықталып жатыр.

Бір күн бұрын Рудныйда бес қабатты тұрғын үй өртеніп, тұрғындар...

Астанада Кенесары көшесінің Шоқан Уәлиханов көшесінен Мәлік Ғабдуллин көшесіне дейінгі аралығында жол төсемінің жоғарғы қабатын салу жұмысы жүргізіледі. Осыған орай көлік қозғалысы шектеледі.

Елорда әкімдігінің хабарлауынша, 24-26 мамыр күндері аталған аралықта көлік қозғалысы ішінара жабылатын болады.

«Жүргізушілер мен жаяу жүргіншілер жүру бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады», – делінген хабарламада.

Айта кетейік Астанада қос деңгейлі жолдар салынады. Қала әкімінің орынбасары Ерсін Өтебаевтың сөзінше, жоба эскизі әзірленіп жатыр.

24 мамырда Қазақстанның жеті қаласында ауаның ластану деңгейі күшейеді. Ұлттық гидрометеорологиялық қызметтің мәліметінше, Жезқазған, Орал, Ақтөбе және Алматы қалаларында ауа сапасының нашарлайды. Ал түнгі уақытта Қарағанды, Балқаш және Теміртау қалаларында қолайсыз метеожағдайлар тіркеледі.

Синоптиктердің хабарлауынша, қолайсыз метеожағдайлар жел екіпіні бәсеңдеп, тұман және температуралық инверсия сияқты факторлардың бірігуінен туындайды. Олар атмосферадағы зиянды қоспалардың жерге жақын қабатта шоғырланып, таралмай қалуына әсер етеді.

Ауа сапасы көбіне жел жылдамдығы, жауын-шашын, ылғал және температура сияқты синоптикалық жағдайларға байланысты болады.

Қолайсыз метеожағдай кезінде тұрғындарға ашық ауада болу уақытын қысқартуға, әсіресе, автокөлік жолдары мен ластанған аймақтарға жақын болмауға кеңес беріледі. Балалар мен жүкті әйелдерге ұзақ уақыт серуендеуден бас тарту ұсынылады.

Қазақстан Қарулы күштерінің төрт мыңнан аса сарбазы әскери ант қабылдады.

Қорғаныс министрлігі мәліметінше, салтанатты рәсімдер «Оңтүстік», «Шығыс» және «Батыс» өңірлік қолбасшылықтарына қарасты 19 әскери бөлімде өтті. Олар Тараз, Гвардейск гарнизоны, Жаркент, Абай облысы, Ақтау, Атырау, Бейнеу гарнизоны және Ақтөбе гарнизондарында орналасқан.

Жас сарбаздарды қолдау үшін қолбасшылық өкілдері, Қарулы күштердің ардагерлері, туған-туыстары мен жақындары жиналды.

Сарбаздар жас жауынгер курсы барысында әскер тәртібіне бейімделіп, жалпы әскери жарғыларды оқып, қару-жарақпен жұмыс істеу негіздерін меңгерді және жауынгерлік дайындықтың бастапқы дағдыларын үйренді.

«Әскери ант – Отанға адал болуға және ел тәуелсіздігін қорғауға дайын болу үшін берілетін серт. Осы күннен...