Жаңалықтар

Депутаттар әскери және арнаулы оқу орындарынан үлгерімі төмен офицер-магистранттар мен докторанттарға берілетін кейбір өтемақыларды алып тастауды ұсынды. Сондай-ақ әскери ерлі-зайыптыларға берілетін төлем қысқаруы мүмкін. Бұл «Арнаулы мемлекеттік органдарының қызметі мәселелері бойынша және Әкімшілік құқық бұзушылық туралы кодексіне өзгерістер мен толықтыру енгізу туралы» заң жобасы аясында бюджет қаржысын үнемдеуге арналған ұсыныстардың бірі.

Мәжіліс депутаты Болат Керімбектің айтуынша, енгізілетін нормалар мемлекеттік шығындарды азайтуға және қаражатты тиімді пайдалануға мүмкіндік береді.

«Мәселен, ерлі-зайыптылардың екеуі де әскери немесе күштік құрылым саласы қызметшісі болса, онда қызмет бабында ауысқан кезде олардың өз мүлкін тасымалдауға кететін шығын тек біреуіне ғана өтеледі«, – деп мәлімдед...

Ұлттық банк төрағасы Тимур Сүлейменов ұлттық валюта нығайып, доллардың айтарлықтай арзандау себебін түсіндірді. Бүгін доллар 2024 жылғы жаздағы бағамға қайта оралды.

Теңге неге нығайды

1 сәуірде түскі сағат 12:00-де Қазақстан қор биржасында (KASE) 1 доллар шамамен 474 теңгеден саудаланып жатыр. Ұлттық валюта бір айдың ішінде шамамен 25 теңгеге нығайды.

Доллардың едәуір арзандау себебін журналистер сейсенбі күні парламентте баяндама жасаған Ұлттық банк төрағасынан сұрады.

«Теңге нығайып жатыр. Оның себебін экономика негізімен түсіндіруге болады. Қазақстанның экспортқа шығаратын басты өнімі – мұнай қымбаттап жатыр. Экспорттық түсімнің жартысынан астамы содан тұрады. Өндіріс көлемі сол күйінде қалса, баға көтеріліп жатыр...

Астана халықаралық қаржы орталығының (АХҚО) тізілімінде Meridian Capital Ltd. атты жаңа компания пайда болды. Кәсіпорынның құрылтайшысы ретінде Патох Шодиев (Patock Chodiev) көрсетілген. Экономист Арман Батаевтың жазуынша, компанияның негізгі қызмет түрі – бақылау мен басқару мақсатында еншілес құрылымдардың активтеріне иелік ету.

Айта кетерлігі, соңғы уақытта АХҚО алаңы ірі активтерді қайта бөлу мен сатып алу-сату мәмілелерінің негізгі орталығына айналып келеді. Жақында ғана кәсіпкер Шахмұрат Мүтәліп осы орталықта тіркелген Central Asia Resources Holding Ltd. компаниясы арқылы «Алтыналмас» АҚ алтын өндіруші компаниясын сатып алған болатын.

Сонымен қатар, Financial Times басылымының дерегінше, Шахмурат Мүтәліп ERG тобының 40% үлесін сатып...

Мәжіліс мемлекеттік құпияларды қорғауды күшейтетін құжатты мақұлдады. Заң жобасында экстремистік және террористік мазмұндағы әдебиеттерді сақтауға тыйым салуды бекіту ұсынылған.

«Кейбір заңнамалық актілерге Қазақстанның арнаулы мемлекеттік органдарының қызметі мәселелері бойынша өзгерістер мен толықтырулар енгізу туралы» заң жобасы мен ілеспе құжат бірінші оқылымда мақұлданды.

«Құжат ұлттық қауіпсіздікті қамтамасыз ету және ҚР арнаулы мемлекеттік органдарында қызмет өткеру саласындағы заңнаманы одан әрі жетілдіру мақсатын көздейді. Заң жобасы мемлекеттің қауіпсіздігін қамтамасыз етуге жауапты құрылымдар қызметінің тиімділігін арттыруға, құқық қолдану қызметі барысында анықталған құқықтық олқылықтардың орнын толтыруға бағытталған. Жалпы, заң жобасы 3 кодекске және 11 заңға түзетулер енгізуді көздейді», – дед...

Қазақстанда 700-ден астам білім беру бағдарламасы қысқартылады. Үкімет осындай ауқымды науқанды елдегі 78 жоғары оқу орнында жүргізуді көздеп отыр.

Қажетсіз мамандықтар

Мәдениет және ақпарат министрі Аида Балаева білім беру және кадрлар даярлау жүйесін реформалау бойынша атқарылып жатқан жұмыстар туралы айтып берді. Вице-премьер, әсіресе, маман даярлау саласындағы «айқын сәйкессіздікке» мән берді.

«Өңірлердегі нақты кадр қажеттілігі мен мамандарды даярлау бағыттары арасында елеулі алшақтық бар. Мәселен, Ақтөбе облысында ауыл шаруашылығы саласына 800 маман қажет болса, білім беру жүйесі бұл сұранысты толық қамтамасыз ете алмай отыр. Ал Қарағанды облысында 351 IT вакансияға 2500-ден астам студент дайындалып жатыр...

Қырғызстанда Жогорку Кеңештің бұрынғы депутаты Шаирбек Тәшиев сыбайлас жемқорлық ісі бойынша ұсталды.

24.kg ақпаратына қарағанда, бұл туралы Қырғызстан Ішкі істер министрлігі хабарлады.

Экс-депутат қамалды

Ол Қырғызнефтегаз ашық акционерлік қоғамындағы сыбайлас жемқорлық фактісі бойынша қозғалған қылмыстық іс аясында ұсталған.

Тергеу барысында ІІМ бұрын Қырғызстан Ұлттық қауіпсіздік мемлекеттік комитеті төрағасы болған Қамшыбек Тәшиевтің туған інісі, экс-депутат Шаирбек Тәшиевті ұстады.

Күдікті Бішкек қалалық ІІБ-нің уақытша ұстау изоляторына қамалды.

Ресми айып

Қылмыстық қудалауға негіз болған – Салық қызметінің тергеуі. Онда 2021–2025 жылдар аралығында «Қырғызнефтегаз» компаниясында ірі көлемдегі қаржы жымқыру фактілері анықталған. Тергеу деректеріне сәйкес, күмәнді делдалдық схемалар мен шикізатты негізсіз есептен...

Қазақстанның «қауіпсіздік жастығы» – Ұлттық қордан ел экономикасын дамытуға бөлінген миллиардтаған қаржы тиімсіз жұмсалған. Бұл туралы Ұлттық қор қаражатының жұмсалуына жауапты комиссия отырысында айтылды.

Әлихан Смайыловтың төрағалығымен өткен бұл жиында 7,2 трлн теңгені қамтитын 3 мыңнан астам жоба мен облигациялық қарыздың тиімділігі сарапталды. Аудит қорытындысы бойынша, экономикалық нәтиже бар болғанымен, миллиардтаған қаржының тиімсіз жұмсалуына әкелетін кедергілер әлі де жойылмаған.

Басқаруда бірізділік жоқ

Тексеріс барысында анықталған басты мәселе – Ұлттық қор қаражатын пайдалануға жауапты біртұтас мемлекеттік органның жоқтығы.

Қазіргі кезде қорға қатысты функциялар үш тарап: Ұлттық экономика министрлігі, Қаржы министрлігі мен Ұлттық банкке...

Заңгер әрі блогер Әділетхан Молдахан 10 тәулікке қамалды. Бұл туралы Алматы қалалық полиция департаменті хабарлады.

«Алматы қаласы Полиция департаменті көрінеу жалған ақпарат тарату фактісі бойынша сотқа дейінгі тергеп-тексеру жүргізуде. Соттың қаулысымен бұрын тонау қылмысын жасаған күдіктіге қатысты 10 тәулік мерзімге қамауда ұстау түріндегі бұлтартпау шарасы санкцияланды», – деп жазылған хабарламада.

Тергеу жүріп жатқандықтан басқа мән-жайы жария етілмеді.

Молдаханды 31 наурызда қамауға алды. Одан жалған ақпарат таратты деп күдіктеніп отыр.

Әділетхан Молдахан – заңгер, парақшасында миллион оқырманы бар. Әл-Фараби даңғылындағы жол апатына қатысты бірнеше видео жариялаған, оның ішінде заңсыз жарыстарды ұйымдастыруға полицияны...

Қазақстанның төрт қаласында құны 1,6 млрд теңге тұратын шағын спорт кешендері салынады. Жобаларды «Самұрық-Қазына» әл-ауқат қоры қаржыландырады.

Атап айтқанда, мұндай спорт кешендері Ақтөбе, Семей, Арқалық және Қонаев қалаларында ашылады.

Абай облысы әкімдігінің мәліметінше, жалпы ауданы 2 мың шаршы метр болатын екі қабатты орталықта әртүрлі спорт түрлеріне арналған зал, 100 көрерменге арналған трибуна, күрес және бокс залдары, тренажер залы мен қосалқы бөлмелер қарастырылған. Кешен Семей қаласының оң жағалауында, Сәтбаев көшесінде орналасады.

«Жобаны жүзеге асыруға шамамен 1,6 млрд теңге бөлініп, құрылыс келесі жылы аяқталады. Осындай кешендер Ақтөбе, Арқалық және Қонаев қалаларында да салынады», – деп таратты...

Мәжіліс депутаты Бақытжан Базарбек жалған ақпарат тарату ісі бойынша күдікті ретінде танылған журналист Ботагөз Омароваға кепілгер болды. Бұл туралы депутат Мәжіліс кулуарында журналистерге мәлімдеді.

Ол журналиске қатысты тергеу әділ әрі ашық өтеді деп үміттенетінін айтты.

«Біз Ботагөз Омарова ісінде әділдік салтанат құрады деп үміттенеміз. Мен оның қылмыстық қудалаудан жасырынбайтынына, тергеу органдарының барлық талабын орындайтынына кепілдік бергендердің бірімін», – деді Базарбек.

Еске салайық, 20 наурыз кешке журналист Ботагөз Омарова полицияға тергеу әрекеттеріне байланысты шақырылды. Тілшімен «президенттік ат қоралары» туралы материалға байланысты әңгімелескен.

Журналист  «көрінеу жалған ақпарат тарату» ісі бойынша күдікті деп танылды. 21 наурызға қараған түні сот...

Актер Алмат Сақатов өмірден түйгенін айтып берді. Оны адамдардың болмысы қатты таңғалдырған.

Айтуына қарағанда, адамдар бойында жоқ қасиетті жұртқа көрсетуге ұмтылады. Бірақ тектілік қана жасандылыққа көнбейді.

«Қайырымсыз адамдар болады. Бірақ өтірік қайырымдылық көрсетіп жүреді. Сараң адамдар өздерін жомарт етіп көрсетуге тырысады. Өтірікші адам болғанымен, шындық жайында әңгіме айтады. Тек бір ғана нәрсені жасай алмайсың. Тектілікті жасай алмайды екенсің. Тексіз болсаң, бетіңе шығып тұрады», – дейді актер.

Алмат Сақатов достар арасындағы сатқындық туралы да пікір бөлісті. Сатқын достар неге ат-құйрығын кесуге әзір болатынын атады.

«Сатып кеткен дос сенімен кездескісі келмейді. Сенен қашады. Неге екенін білесің бе...

Мәжіліс депутаты Мұрат Әбенов ұсталған заңгер әрі блогер Әділетхан Молдаханға қатысты пікір білдірді. Ол Kursiv Media тілшісіне заңгерді ұстауға не себеп болғанын да айтты.

«Мен ІІМ-нен білдім, оған заңды негіз бар. Біз құзырлы органдардың жұмысына араласа алмаймыз, бірақ мендегі бар ақпаратқа сенсем, оған бірнеше мәселе бойынша сұрақ туындаған. Барлық шара заңды негізде жүріп жатыр. Прокуратура мен ІІМ қажет болған кезде барлық ақпаратты айтады», – деді ол.

Осыған дейін Алматыдағы Әл-Фараби даңғылында болған жантүршігерлік апат жайлы Әбенов бірнеше мәлімдеме жасаған еді. Ол апатқа себепкер жүргізушінің жанында полиция қызметкерлері болғанын айтып, оны «заңсыздық» деп...

Шығыс Қазақстанның өндірістік әлеуетінің символына айналуға тиіс болған, бірақ соңы дау-дамайға ұласқан «Азия Авто» автоқұрастыру зауытының тағдыры шешілер сәт жақын. Экс-миллионер Анатолий Балушкинге тиесілі болған, құрылысы бітпеген зауыт құрылысы сатылымға шығарылды. Бір қызығы, бағалау құны 23 млрд теңгеден асатын нысанның сауда-саттықтағы бастапқы бағасы небәрі 0 теңге деп көрсетілген.

Тегін мүлік пен қатаң шарт

Шығыс Қазақстан облыстық мемлекеттік мүлік және жекешелендіру департаменті бұл лотты наурыз айының ортасында жариялады. 7 сәуірге жоспарланған аукционның басты ерекшелігі – актив тегін берілмек.

Алайда бұл кез келген адам иелік ете алатын олжа емес. Сауда-саттық талаптарына сәйкес, зауыт...

2026 жылғы жазда өтетін әлем біріншілігіне Еуропадан тағы бірнеше құрама жолдама алды. Олардың арасында Түркия бар да, Италия жоқ.

Ширек ғасырдан соң

Түркия құрамасы 24 жылда алғаш рет дүбірлі додаға шықты. Түрік футболшылары Еуропадағы іріктеу сынының плей-офф кезеңінде сырт алаңда Косово құрамасын 1:0 есебімен жеңді.

Аса тартысты өткен матчтағы жалғыз голды ойынның 53-минутында жартылай қорғаушы Оркун Кёкчю соқты. Түркия ширек ғасырға созылған үзілістен соң әлем чемпионатына жолдама алды. Құрама D тобында АҚШ, Аустралия және Парагвай командаларымен күш сынайды.

Түрік футболшылары мундиальға соңғы рет 2002 жылы қатысып, қола жүлдегер атанған.

Сенсация

Ал Италия құрамасы болса қатарынан үшінші мәрте әлем...

Анасы мен ағасынан айырылған Тараз қаласының мектеп оқушысы әкесін сотқа берді.

Жоғарғы сот мәліметінше, оның бұрын ата-ана құқығынан бас тартқанына қарамастан алимент өндіріп алды.

2008 жылы қыздың әкесі нотариус арқылы екі баласына, соның ішінде осы қызына қатысты ата-ана құқығынан бас тартқан. 2018 жылы мектеп оқушысының анасы мен ағасы қайтыс болғаннан кейін ол әжесінің қолында тұрып, толықтай соның қамқорлығында болған.

Әкесі материалдық көмек көрсетпей, байланыстан қашқақтаған. Қыздың айтуынша, көмек сұраған кезде әкесі оның телефон нөмірін бұғаттап отырған. Оқушының оқуына және тұрмысына кететін барлық шығынды әжесі көтеріп келеді.

Тараз қалалық соты әкені қызы мектепті аяқтағанға дейін ай сайын 17 АЕК ...

Қазақстанда көмір генерациясын дамытудың 2026-2030 жылдарға арналған ұлттық жобасы бекітілді. Бағдарламаның негізгі мақсаты – электр энергиясына сұранысты өтеу және энергетикалық жүйені жаңғырту.

Жаңа құрылыс және қуаттылық

2030 жылға қарай жалпы қуаты 7,8 ГВт болатын нысандарды іске қосу жоспарланған. Бұл көрсеткішке 8 жаңа станция салу және жұмыс істеп тұрған 11 нысанды жаңарту есебінен қол жеткізілмек.

Жалпы қуаты 5,3 ГВт болатын 8 нысан жаңадан салынады. Олар:

Қырғызстанда ер адам балаларға ішіне ине салынған кәмпит таратқан. Қауіпті затты балалардың анасы байқап қалып, полицияға хабарлаған.

Бішкек тұрғыны 11 жастағы қызы мен жанындағы басқа балалардың қолындағы кәмпиттен ине байқап қалады. Дүкендегі бейнебақылау камералары арқылы күдіктіні анықтап, полицияға хабарлаған.

«Жүргізілген тергеу және жедел-іздестіру іс-шараларының нәтижесінде милиция қызметкерлері күдіктінің тұлғасын анықтады. Ол Н.Д. есімді азамат болып шықты және Тергеу қызметіне жеткізілді. Қырғыз Республикасының Қылмыстық-процестік кодексінің 96-бабына сәйкес, ол Бішкек қалалық ІІББ-ның уақытша ұстау изоляторына қамалды», – деп хабарлады Бішкектегі Ленин ауданы Ішкі істер басқармасы.

Оның тұрғылықты мекенжайы бойынша жүргізілген тінту кезінде кәмпиттер мен басқа...

АҚШ президенті Дональд Трамптың мәлімдеуінше, Құрама Штаттар Ирандағы билікті ауыстырды, соған байланысты соғыс 2-3 аптадан соң аяқталады.

Соғыс қашан бітеді

«Біз әлі екі немесе үш апта жалғастырамыз деп ойлаймын. Сосын біз кетеміз, өйткені онымен әрі қарай айналыса беруге себеп жоқ», – деп мәлімдеді Трамп. Оның мәлімдемесін CNN таратты.

Бұл ретте Ақ үй қожайыны Иранда «билікті ауыстыру» мақсаты орындалғанын атап өтті.

«Жүйе ауысты. Билікті алмастыру менің жоспарыма кірмеген. Менің бір ғана мақсатым болды: олардың ядролық қаруға жетуіне жол бермеу. Мақсат орындалды. Олардың ядролық қаруы болмайды», – деді АҚШ...

2026 жылдың алғашқы екі айында банк секторы үшін өзгеріс көп болды. Екінші деңгейлі банктердің жалпы таза табысы 388,9 млрд теңгеге жетіп, былтырғымен салыстырғанда +3,5%-ға өскен. Бірақ бұл өсім нарықтағы барлық ойыншыға қатысты емес. Kursiv Media екінші деңгейлі банктердің екі айдағы таза табысын саралап көрді.

Алыптардың «диетасы»

Еліміздің ең ірі үштігі Халық (-12.9%), Kaspi (-14.8%) және БЦК (-31.7%) жылды төмендеумен бастады. Бұл банктердің нашар жұмыс істегенін білдірмейді, керісінше, былтырғы базаның өте жоғары болғанын немесе несие беру талаптарының қатаңдағанын көрсетуі мүмкін. Әсіресе, ЦентрКредиттің 31%-дық құлдырауы нарық сарапшылары үшін үлкен сұрақ. Төмендегі кестеде 2026 жылдың қаңтар-ақпан айларында ЕДБ-ің таза...

Қазақстанда алғаш рет жасөспірімнің жүрегіне трансплантация жасалды. 43 жастағы ер адамның жүрегін 15 жастағы жасөспірімге салды. Бұл елдегі бала трансплантологиясын дамытудағы маңызды қадам деп хабарлайды Астанадағы UMC Жүрек орталығы.

Науқастың он жасынан бастап жүрегі ауырған. Жағдайы жиі нашарлап, үнемі ауруханада ем қабылдауға тура келген. Оның өмірін сақтап қалудың жалғыз жолы трансплантация болды.

Ал донор – 43 жастағы ер адам. Донар болған адамның миы өліп, диагнозы белгілі болғаннан кейін туыстары дене мүшелерін донорлыққа алуға келісім берді.

«Олардың қабылдаған шешімінің, сондай-ақ дәрігерлер мен транспланттау бригадасының үйлесімді жұмысының арқасында жасөспірімде жаңа, толыққанды өмірге нақты мүмкіндік пайда болды. Қазіргі уақытта...

Ресейде Ан-26 ұшағы апатқа ұшырап, экипаждың алты мүшесі мен 23 жолаушы қаза тапты. Бұл туралы көрші елдің ақпарат құралдары Ресей қорғаныс министрлігінің мәліметіне сүйене отырып хабарлады.

Министрлік дерегінше, ұшақ апатқа ұшыраған орын анықталған. Ан-26 «техникалық ақауға» байланысты құлағаны айтылды. Мәліметтерге қарағанда, ұшақ жартасқа соғылған.

Осының алдында, 31 наурыз күні кешке Ресей қорғаныс министрлігі Қырым түбегі маңында ұшақпен байланыс үзілгенін хабарлаған. Сол кезде-ақ федералдық мекеме Ан-26-ны атып түсіруі мүмкін деген болжамды жоққа шығарған.

Ан-26 – «Антонов» бюросы құрастырған, көп мақсатқа пайдаланылатын ұшақ. Оны құрастыру 1964 жылы басталып, ұшақ алғаш рет әуеге сол жылы көтерілген. Ан-26 ұшағының экипажы әдетте алты...

Әлеуметтік желілерде Ақтаудағы бес қабатты үйдің жанындағы құбырға байланған түйенің видеосы тарап кетті. Ерекше роликті 112_aktau паблигі жариялады. Видео авторы: «Түйе кімдікі?» — деп сұрайды.

Lada.kz мәліметінше, ролик 13-шағын аудандағы №2 үйдің жанында түсірілген.

Қала әкімдігі оқиғаға жедел үн қатып, тұрғын үй-коммуналдық шаруашылық бөлімінің қызметкерлері учаскелік полиция инспекторларымен бірлесіп, жануардың иесін тапқанын хабарлады. Оған қатысты әкімшілік хаттама толтырылып, түйе иесіне қайтарылды.

«Ол жауапқа тартылып...

Түркістан облысының екі тұрғыны көлік жуу орнында болған аса қатыгездікпен кісі өлтіру және кісі өлтіруге оқталу қылмыстары бойынша кінәлі деп танылды. Істі өңірдің қылмыстық істер жөніндегі мамандандырылған ауданаралық соты қарады.

Іс материалдарына сәйкес, қайғылы оқиға 2025 жылдың 29 қазанында кешкі уақытта Зағамбар ауылында болған. Көлік жуу орнына келушілер арасында жанжал туындап, ол тез арада қатыгез шабуылға ұласқан. Сотталушылардың бірі, аудан тұрғыны, алдымен бір ер адамды соққыға жығып, кейін пышақ шығарған. Ол пышақпен тағы екі келушіні жарақаттаған: біреуі оқиға орнында көз жұмды, екіншісі жараланды. Осыдан кейін шабуылдаушы алғашқы зардап шегушіге қайта оралып, оған тағы да пышақ сұғып, содан соң оқиға орнынан...

Белгілі әнші Қайрат Нұртастың әкесі Нұртас Айдарбеков Алматыдағы Политехникалық институтқа қалай оқуға түскені туралы журналист Аман Тасығанның TALK LIKE бағдарламасында айтып берді.

Айдарбековтің айтуынша, 1987 жылы Ақмолада Көлік құрастыру зауытында жұмыс істеп жүрген кезінде Алматыдағы оқу орнына студенттер қабылданып жатқанын біліп, зауыттың жолдамасымен оңтүстік астанаға келген.

Оқуға түсуге келген абитуриент жоғары курстың студенттерімен төбелесіп, олардың бірі Айдарбековке пышақ сұғып алған. Жарақат алғаннан кейін полиция келгенде, Айдарбеков арыз жазудан бас тартқан.

«Сол кездегі заңның қаттылығы ғой, мен арыз жазсам, ректор да, декан да, бәрі жұмыстан кетеді екен. Айдалада жүрген біреудің баласы төбелесіп, ректор жұмыстан кетіп қалады...