Жаңалықтар

Ауыр генетикалық ауруы бар гонконгтік 17 жастағы Чэнь Цзы-кин өзінің ЖИ-сыңарын жасап шығарды, деп хабарлайды Kursiv.media.

South China Morning Post ақпаратына қарағанда, ол Дюшенн миодистрофиясына шалдыққан. Бұл – адамды біртіндеп бұлшықет күшінен айыратын дерт. Мұндай диагноз қойылған адамдардың орташа өмір сүру ұзақтығы шамамен 25 жыл. Соңғы бір жылда жасөспірімнің денсаулығы нашарлай түскен.

Бір жарым жыл бұрын Чэнь Гонконгтағы Digital Domain компаниясымен бірге өзінің цифрлық сыңарын – AI Tsz-kin жобасын жасай бастады. Аватарды жасау үшін оның бет-әлпетінің 400 фотосуреті мен дауысының жазбалары пайдаланылып, жоба алты апта ішінде дайын болған.

«Өмір аяқталуы мүмкін. Бірақ жасанды интеллектін...

Байқоңыр қаласының тұрғыны әкесінен 21 жасқа толғанға дейін алимент төлеуді талап етіп, сотқа жүгінген, деп хабарлайды Kursiv.Media Қызылорда облыстық сотына сілтеме жасап.

Байқоңыр қалалық сотында бойжеткеннің әкесінен алимент өндіру туралы азаматтық ісі қаралды.  

«Талап қоюшы қазіргі таңда өзінің күндізгі оқу бөлімінде білім алып жатқанын, соған байланысты материалдық көмекке мұқтаж екенін, алимент бойынша өзара келісімнің жоқтығын көрсетіп, өзі 21 жасқа толғанға дейін әкесінен 25 айлық есептік көрсеткіш мөлшерінде (2026 жылы – 108 125 теңге) алимент өндіруді сұраған», – деп хабарлады соттан.

Келісімнің шарттары бойынша, жауапкер талап қоюшыға 21 жасқа толғанға дейін...

18 қыркүйекте Бішкекте Akon қатысуымен ауқымды концерт өтеді деп хабарлайды Kursiv Media.

Akon-нан бөлек Ne-Yo және Busta Rhymes та өнер көрсетеді. Ұйымдастырушылардың хабарлауынша, көрермендерді әлемдік хиттер мен ауқымды шоу күтіп тұр.

Концерттік бағдарлама кешкі сағат 19:00-де басталады. билет бағасы орындардың орналасуына қарай 5 500 сомнан ( 31 625 теңге) жоғары. Fanzone сахна алды аймағы 11 000 сом ( 63 250 теңге), ал ең жоғары санаттағы VIP Standing орындары 19 000 сомға ( 109 250 теңгеге) дейін барады.

Kaktus Media жазуынша, Akon Бішкекке 17 қыркүйекте таңертең келген. Оны «Манас» әуежайында салтанатты түрде қарсы алды.

Оқи...

Қайрат Шайжанов Жезқазған қаласының әкімі қызметін аяқтағанын хабарлады. Ол өз еркімен жұмысынан кетті деп жазады Kursiv Media.

«Осы уақыт ішінде біз бірге көптеген мәселелерді көтеріп, көптеген бастамаларды іске асырдық. Сіздер мені қолдаған жерде мен де күшейдім, сынаған жерде де ширыға түстім», – деп атап өтті Қайрат Шайжанов мәлімдемесінде.

Сонымен бірге ол тұрғындарға сенім артқаны үшін алғыс білдіріп, Жезқазған жай жұмыс орны емес, тағдыры мен еңбек жолы тығыз байланысты туған қаласы болып қала беретінін жеткізді.

Қайрат Шайжанов 1977 жылғы 22 шілдеде дүниеге келген. «Өнеркәсіптік және азаматтық құрылыс» және «Құқықтану» бағыттары бойынша екі жоғары білім...

Алматы облысы Қарасай ауданына қарасты Іргелі ауылдық округіндегі Көксай ауылының маңында заңсыз қоқыс полигоны өртенді деп хабарлайды Kursiv Media.

Қараусыз қалған аумақтағы өрттің аумағы 400 шаршы метрді құрады.

Төтенше жағдайлар қызметінің жедел әрекет етуінің арқасында өрт оқшауланды. Оқиға орнында үздіксіз су шашып, арнайы техника жұмылдырылды. Қазір мамандар өрт ошақтарын топырақпен көму және аумақты қалпына келтіру жұмыстарын жүргізіп жатыр.

Жалын толықтай сөнген жоқ, әлі де өрт сөндірушілер жұмыс істеп жатыр. Зардап шеккендер туралы ақпарат түскен жоқ.

Непалда табиғи апат – жойқын су тасқыны салдарынан қаза тапқандар саны 1 403 адамға жетті. Алты мыңнан астам тұрғын әлі де хабар-ошарсыз кеткендер қатарында, деп хабарлайды Кursiv.Media.

Ұлттық қатерлерді азайту және апат сандарымен күрес басқармасының мәліметінше, 6 150 адам із-түзсіз жоғалған деп саналады. Олардың арасында 600-ден астам шетел азаматы бар. Ресей елшілігінің мәліметінше, із-түзсіз жоғалғандар тізімінде 11 ресейлік азамат бар.

Құтқару қызметтері қирандыларды аршып, су басқан аумақтарда жұмыстарын жалғастыруда. Соңғы апталарда 13,7 мыңнан астам адамды құтқару мүмкін болды.

Еске сала кетсек, 26 тамызда болған су тасқынынан қаза тапқандарды еске алу үшін Непалда 7 қыркүйек ұлттық аза тұту күні болып жарияланды. Мемлекеттік мекемелерде тулар түсіріліп, қаза тапқандарды...

Ақтөбе облысы Алға қаласындағы бау-бақша ұжымдарының аумағында өрт шықты, деп хабарлайды Кursiv.Media.

Төтенше жағдайлар министрлігінің ақпаратына сүйенсек, саяжайлардың қақ ортасында құрғақ шөп отқа оранды.

«Құтқарушылардың жедел әрекеттерінің арқасында оттың әрі қарай таралуына жол берілмей, 34 жаяжай үйі аман сақталды», – деп хабарлады ведомствода.

Өртті сөндіру жұмыстарының мәліметтері:

ТЖМ мәліметінше, оқиға салдарынан ешкім зардап шеккен жоқ.

Айта кетейік, осыған дейін Баянауыл ұлттық паркіндегі өрт оқшауланы туралы жазған едік.

«Прогресс МС-35» жүк кемесі Байқоңырдан Халықаралық ғарыш станциясына (ХҒС) қарай жолға шықты, деп хабарлайды Кursiv.Media.

Зымыран экипажға қажетті қорлармен бірге қашықтан басқарылатын роботқа арналған эксперимент жабдығын да ала кетті.

«Союз-2.1б» зымыранын ұшыру 16 қыркүйекте Мәскеу уақытымен 16:34-те (Астана уақытымен 18:34-те) 31-ші алаңның ұшыру кешенінен жүзеге асырылды. «Роскосмос» кеменің белгіленген орбитаға штаттық режимде шыққанын, зымыранның үшінші сатысынан бөлініп, күн батареялары мен антенналарын ашқанын хабарлады.

«Прогресс МС-35» жалпы есебімен 2,4 тоннадан астам жүк жеткізеді. Олардың қатарында:

Жүктің бір бөлігі, соның ішінде «Теледроид» ғылыми эксперименттеріне арналған.

Қазақстанның басым бөлігінде таңертең тұман түссе, солтүстік пен батыста жаңбыр жауады. «Қазгидромет» 17 қыркүйекке арналған ауа райы болжамын ұсынды.

Астанада көшпелі бұлт, жауын-шашынсыз, жел 9-14 м/с. Ауа температурасы түнде +6…+8°C, күндіз +23…+25°C.

Алматыда көшпелі бұлт, жауын-шашынсыз, жел 3-8 м/с. Ауа температурасы түнде +12…+14°C, күндіз +25…+27°C.

Шымкентте көшпелі бұлт, жауын-шашынсыз, жел 8-13, екпіні 15-20 м/с. Ауа температурасы түнде +14…+16°C, күндіз +28…+30°C.

Ақтауда көшпелі бұлт, жауын-шашынсыз, жел 5-10 м/с. Ауа температурасы түнде +17…+19°C, күндіз +27…+29°C.

Ақтөбеде бұлтты, жаңбыр, жел 7-12, екпіні 15-18 м/с. Ауа температурасы түнде +17…+19°C, күндіз +21…+23°C.

Атырауда көшпелі бұлт, жауын-шашынсыз, жел 6-11 м/с. Ауа температурасы түнде +17…+19°C, күндіз +26…+28°C.

Жезқазғанда көшпелі бұлт, жауын-шашынсыз, жел 2-7 м/с...

Ақмола облысы Зеренді ауданының әкімі сот ісін қарауды созғаны үшін 10 АЕК мөлшерінде ақшалай өндіріп алу жазасына тартылды, деп хабарлайды Кursiv.Media.

Ақмола облыстық сотының баспасөз қызметі хабарлауынша, тұрғын әкім мен оның аппаратына қатысты әкімшілік сотқа талап арыз берген. Ол төтенше жағдай салдарынан тұруға жарамсыз болған үйінің орнына тұрғын үй сатып алуды сұраған. 21 сәуірде сот аудан әкіміне тұрғын үй сатып алуды міндеттеді.

Алайда аудан әкімі сот актісіне апелляциялық шағым беру мерзімін өткізіп алып, оны қалпына келтіру туралы сотқа өтініш берген. Сот өтінішті қанағаттандырмай, апелляциялық шағымды кемшіліктерін түзету үшін қозғалыссыз қалдырған.

30 маусымда әкімнің өкілі сотқа апелляциялық шағымданып, Ақмола облысы әкімін...

Белгілі актер әрі әуесқой жекпе-жек жауынгері Еркебұлан Тоқтар інісі Әділ Тоқтарға өзінің көлігін сыйға тартты, деп хабарлайды Kursiv.LifeStyle.

Актер осыған дейін сатылымға шығарған Гелендваген көлігін сатпай, інісіне сыйлауға шешім қабылдағанын айтты. Осы арқылы ол өзінің барлық бастамаларын қолдап, еңбек етіп жүрген інісін қанаттандырғысы келген.

«Көлікті сатамын деп ойлаған кезде, екеуміз екі Геленге отырып, айдап бара жатқанда, көліктің саған қалай жарасып тұрғанын көрдім де, Құдайдан «егер маған қазір керек ақшамды басқа жолмен табуға мүмкіндік берсең, ініме осы көлікті сыйлаймын» деп сұрадым. Ертесінде бірнеше жобамен келісімге келіп ақша өзі-ақ келді», – деді актер.

Осыған дейін ол өзіне...

Қазақстан азаматтары 2026 жылдың шілдесінен бастап Индонезияға визасыз кіріп, елде 30 күнге дейін бола алады, деп хабарлайды Кursiv.Media.

Сыртқы істер министрлігі хабарлауынша, визасыз режим тегін негізде және бір рет кіру мүмкіндігін қарастырады.

Индонезия СІМ шешіміне сәйкес, Қазақстан азаматтары ұлттық төлқұжатымен елге визасыз кіре алады. Елде болудың ең ұзақ мерзімі – келген күннен бастап 30 күн.

Қазақстан СІМ ресми өкілі Жанболат Үсеновтің айтуынша, бұл шешім өзара визасыз режим қағидаты негізінде қабылданған. Қазақстан бұған дейін Индонезия азаматтарына елге визасыз кіріп, 30 күнге дейін болуға мүмкіндік берген.

Осылайша, екі ел азаматтары үшін де 30 күнге дейінгі өзара визасыз режим қолданылады.

Қазақстан азаматтары сапар...

Қазақстан Экология және табиғи ресурстар министрлігі Атырауда ауадағы күкіртсутек деңгейінің жоғары болу себептерін атады, деп хабарлайды Кursiv.Media.

Әлеуметтік желілерде қала тұрғындары ауа сапасына шағымданды. Олардың айтуынша, өткір әрі тұншықтырғыш иіс жабық терезелерден де үйге кіріп жатыр.

Министрліктің мәліметінше, Атырау үшін күкіртсутекпен ластану мәселесі өзекті. Қолайсыз метеорологиялық жағдайларда зиянды заттардың шекті рұқсат етілген концентрациясы айтарлықтай асып кетуі мүмкін.

Ауаны ластаудың негізгі көздері:

Бұған қоса, желдің әлсіздігі, түнгі уақыт және ластаушы заттардың баяу таралуы ауа сапасына әсер етеді.

Министрлік экологиялық жағдайды жақсарту үшін шығарындыларды...

Миллиардтаған қаражатты жымқырды деп сотталған экс-банкир Жомарт Ертаев жаза мерзімін толық өтеп шықты, алайда оның жазаға қатысты шектеулері әлі аяқталған жоқ, деп хабарлайды Кursiv.Media.

Ертаевтың босатылуына қатысты ақпаратқа Қылмыстық-атқару жүйесі комитеті (ҚАЖК) түсінік берді.

Ертаев қатаң бақылауға алынады

«Заңнамаға сәйкес бұл сотталған адамға қатысты 6 жыл мерзімге әкімшілік қадағалау жүзеге асырылатын болады. Әкімшілік қадағалау бас бостандығынан айыру орындарынан босатылған адамның мінез-құлқына ішкі істер органдары тарапынан заңмен белгіленген бақылау жасауды білдіреді», – деп мәлімдеді ҚАЖК.

Жомарт Ертаев 1972 жылы Алматы облысында дүниеге келген. 2000 жылдардың басында «Альянс Банкті» басқарды, кейін «БТА Банкте» және «Евразийский банкте» жұмыс істед...

Баянауыл мемлекеттік ұлттық табиғи паркінің Долбин орманшылығында бірнеше күн бойы жанып жатқан өртті оқшауланды, деп хабарлайды Кursiv.Media.

Орман шаруашылығы және жануарлар дүниесі комитетінің ақпаратына сүйенсек, 14 қыркүйекте тұтанған өрттің таралуын біршама уақыт бұрын тоқтату мүмкін болған еді. Алайда желдің бағыты өзгеруіне және күшеюіне байланысты жалын өте жоғары жылдамдықпен таралып кеткен.

«Өртті оқшаулау үшін «Қазавиаорманқорғаудың» су ағзу құрылғысымен жабдықталған Ми-8 тікұшағы, сондай-ақ әуе барлауын жүргізу және қажетті күштерді жеткізу үшін «Ертіс орманы» тікұшақтары тартылды», – делінген хабарламада.

Өртпен күрес жұмыстарының егжей-тегжейі:

Теміржол өткелінде жүк көлігі мен жүк пойызының тепловозы қатысқан жол-көлік оқиғасы орын алды. Апат салдарынан жүк көлігінің жүргізушісі жарақат алып, аталған жол учаскесінде қозғалыс уақытша шектелді, деп хабарлайды Кursiv.Media.

Оқиға 16 қыркүйекте Ақтөбе облысындағы «Қарабұтақ — Қостанай» облыстық маңызы бар автожолында болды.

Алдын ала мәліметтер бойынша, теміржол өткелінде жүк көлігі тепловозбен соқтығысқан. Жүк көлігінің жүргізушісі жеңіл дене жарақаттарын алып, аудандық ауруханаға жеткізілді.

Жол көлік оқиғасы салдарынан басқа зардап шеккендер жоқ.

«Оқиғадан кейін осы жол учаскесінде көлік қозғалысы уақытша шектелді. Қазіргі уақытта тиісті қызметтер оқиға орнында жұмыс істеп, жүру бөлігін босату және қозғалысты қалпына келтіру шараларын қабылдауда», – деп...

Грузия шетелдіктер үшін еңбек ережелерін қатаңдатып, заңсыз жұмыс істегендерге депортация жасау, айыппұл салу немесе елге кіруге бес жылға тыйым салу шараларын енгізді, деп хабарлайды Кursiv.Media.

Сыртқы істер министрлігінің ақпаратына сүйенсек, шектеулер 2026 жылдың 1 қыркүйегінен бастап күшіне енді.

СІМ қазақстандықтар үшін Грузияға кіру және онда болудың 365 күндік визасыз режимі сақталатынын атап өтті. Алайда бұл режим жұмыс істеуге құқық бермейді.

Грузияда заңсыз еңбек еткені үшін қандай жауапкершілік қарастырылған?

«Осыған байланысты Грузияда жұмысқа орналасуды, кәсіпкерлік немесе басқа да ақы төленетін қызметті жүзеге асыруды жоспарлап отырған Қазақстан азаматтарына...

Ақтөбеде көлік қағып кеткен жаяу жүргінші ретінде көрсетіп, ақша бопсалаушы ер адам әшкереленді, деп хабарлайды Kursiv.media.

Kriminal Kazakhstan ақпаратынша, Жиенбаев пен Ташкентская көшелерінің қиылысында ер адам көліктерді күтіп тұрып, жаяу жүргіншілер жолағында өзін көлік қағып кеткендей көрсеткен.

Кейін ол аяғы ауырғанын айтып, жүргізушілерден жол-көлік оқиғасын ресми түрде рәсімдемеу үшін ақша талап еткен.

«Осы схема бойынша бір жүргізуші оған 250 мың теңге, ал екіншісі 200 мың теңге аударған. Жалпы шығын көлемі 450 мың теңге болған», – делінген полиция мәліметінде.

Кейін жүргізушілердің бірі алаяқтыққа күмәнданып, полицияға жүгінген. Күдіктінің кім екені анықталды. Қазір тергеу амалдары...

Еуропалық комиссия балалардың әлеуметтік желіге кіруін жасына қарай шектеуді ұсынды. ЕК төрағасы Урсула фон дер Ляйеннің ұсынысы бойынша, 13 жасқа толмаған балаларға әлеуметтік желі қолдануға толық тыйым салынуы мүмкін. Ал 13–15 жастағы жасөспірімдерге ата-анасының бақылауымен шектеулі мүмкіндіктері бар арнайы аккаунттар ашу көзделіп отыр. Бұл туралы Kursiv.media Associated Press-ке сілтеме жасап хабарлайды.

Балаларға әлеуметтік желіге шектеу қойылады

Фон дер Ляйен бұл ұсынысты Страсбургте Еуропалық одақтың жыл сайынғы есебін таныстыру кезінде айтты. Оның сөзінше, платформалар балаларды тәуелді ететін функциялар мен зиянды контенттен қорғауы керек.

«Біз тәуелділік тудыратын функцияларға және балалардың барған сайын қауіпті контентке...

Қазақстанда корей үлгісіндегі балмұздақ түрлері шығарыла бастайды. Бұл туралы Ауыл шаруашылығы министрлігі хабарлады, деп жазады Kursiv.Media.

Бүгінде Ауыл шаруашылығы министрлігі, «Шин-Лайн» компаниясы және Оңтүстік Кореяның Sungwon Machinery Co., Ltd. компаниясы үшжақты өзара түсіністік туралы меморандумға қол қойды.

Меморандум озық азиялық технологияларды Қазақстанда енгізуге, өндірістік қуаттарды дамытуға және корей үлгісіндегі балмұздақ түрлерін шығаруды жолға қоюға бағытталған.

Балмұздақ шығаратын жаңа компания пайда болады

«Шин-Лайн» серіктестігі базасында «Шин-Лайн Инжиниринг» компаниясы құрылады. Жаңа компания заманауи өндірістік технологияларды енгізу, жетілдіру және қазақстандық өндіріс жағдайына бейімдеу бағытында жұмыс істейтін орталыққа айналмақ.

Ынтымақтастық аясында балмұздақ өндіруге арналған автоматтандырылған шешімдер енгізіледі. Атап айтқанда, құрғақ глазурьлеу...

Сыртқы істер министрлігінің ресми өкілі Жанболат Үсенов ведомстводағы брифинг барысында АҚШ-та ұсталған қазақ қызы жайлы тың мәлімет айтты, деп хабарлайды Кursiv.Media.

«Бұл жерде де қысқаша жауап беремін. Өйткені азаматымызға қатысты оның өзі жариялағысы келмеуі мүмкін қосымша ақпаратты жария еткіміз келмейді. Оның АҚШ-та заңды миграциялық мәртебесі жоқ. Соған қарамастан, ол бұл елде бірнеше жыл бойы ұзақ уақыт тұрған», – деді ол.

Ресми өкілдің айтуынша, қазіргі таңда оның заңды құқықтарын қорғау үшін адвокат жалданды.

«Сонымен қатар консулдық қызметкерлеріміз оның отбасымен байланыс орнатты. Жағдай қандай да бір жолмен оң шешімін табады деп үміттенеміз...

Apple компаниясы Қазақстанда Apple TV сервисін толыққанды іске қосуды жоспарлап отыр. Енді қазақстандық пайдаланушылар Apple-дің төл фильмдері мен сериалдарын небәрі 499 теңге төлеп көре алады, деп жазады Kursiv.Media.

Apple TV сервисі Apple Arcade-пен бірге iCloud+ тарифінің ішіне қосылғандықтан оған бөлек төлеудің қажеті жоқ.

Ал iCloud+ қызметінің ең арзан тарифі айына 499 теңге тұрады. Бұл сомаға пайдаланушыға бірден үш сервис қолжетімді болады: iCloud-тан 50 ГБ, Apple TV және Apple Arcade.

Сонымен бірге Family Sharing (Отбасылық қолжетімділік) функциясы арқылы жазылымға тағы бес отбасы мүшесін қосуға болады.

Apple Arcade Қазақстанда бұрыннан қолжетімді, ал толыққанды Apple TV елімізде алғаш рет іске қосылып...

Танымал продюсер Гүлзира Айдарбекова бүгін сот үкімі шыққан актер Нұрсұлтан Жақсыгенге қатысты пікір білдірді, хабарлайды Kursiv.media.

Продюсердің сөзінше, Жақсыгенге қатысты жаза тым қатаң. Ол актердің отбасын да ескеруді сұраған.

«Мүмкіндік болса, соншалықты қатыгездік танытпауға да болар ма еді. Ортада бала-шағалары бар шығар. Кісі өлтіріп, қыз зорлап, ұрлық жасаған жоқ. Жеңілдеткені дұрыс-ау, кімнің басынан не өтпейді. Ешқайсыңыздың бала-шағаңыздың басына бермесін», – деп жазды Айдарбекова.

Ол Жақсыген жазасын толық өтеуі керек екенін айтқанымен, мерзімді жеңілдету мәселесін көтерді.

«Жазасын алу керек, бірақ кішкене жеңілдетіп, 2 жарым жыл емес, 1 жыл да жеткілікт...

Қытай мен Непал шекарасында болған апат аймағында үш қазақстандық азаматпен байланыс үзілген. Бұл туралы сыртқы істер министрлігінің ресми өкілі Жанболат Үсенов мәлімдеді, деп хабарлайды Кursiv.Media.

«Қазіргі таңда Қытай мен Непал шекарасында орналасқан апат аумағында біздің үш азаматымыз хабар-ошарсыз кеткен. Өкінішке қарай, әзірге олар туралы ешқандай жаңалық жоқ», – деді ол.

Оның айтуынша, Қазақстанның дипломатиялық қызметкерлері жергілікті билік органдарымен бірлесіп жұмыс жүргізіп жатыр. Үш азаматты іздестіру жұмыстары жалғасып жатыр.

«Олардың отбасыларымен байланыс орнатылды. Іздестіру жұмыстары жалғасып жатыр», – деді ресми өкіл министрліктегі брифингте.

Непал мен Қытай шекарасындағы табиғи апат аймағында...