Жаңалықтар

Air Astana-ның еншілес компаниясы – FlyArystan президентi Адриан Хэмильтон-Маннс қызметінен кетті. Ол «отбасымен көбірек уақыт өткізу үшін компаниядан кетіп, Оңтүстік Африкаға оралу туралы шешім қабылдаған». Бұл туралы Air Astana баспасөз қызметі хабарлады.

Оның орнына 20 мамырда Ричард Леджер келеді. Ол міндетті реттеу рәсімдеріне сәйкес тұрақты тағайындалғанға дейін президенттің міндетін атқарады.

Хэмильтон-Маннс мамыр айының соңына дейін FlyArystan-да болып, бүкіл шаруаны Леджерге тапсырады.

Ричард Леджер 2009 жылдан 2017 жылға дейін Air Astana-ның жаһандық сату жөніндегі директоры және 2017 жылдан 2022 жылға дейін маркетинг және сату жөніндегі вице-президенті қызметін атқарған. Air Astana таратқан баспасөз мәлімдемесінде осы аралықта компанияның кіріс...

АҚШ қор нарығы I тоқсандағы ЖІӨ туралы мәліметтер шығар алдында сілтідей тынған. Ал азиялық акциялар өсті. Кезекті аукцион АҚШ қазынашылық облигацияларына деген сұраныстың төмендегенін көрсетті.

Қор нарықтары АҚШ-тың ЖІӨ бойынша есебін күтіп отыр

Бейсенбі, 25 сәуір күні, I тоқсандағы америкалық ЖІӨ бойынша есеп жарияланады. Жақында WSJ басылымының сауалнамасына қатысқан сарапшылар көрсеткіш 2,2% болады деген байламға келген. Яғни АҚШ экономикасы жетінші тоқсан қатарынан өседі деген сөз.  

Жылдық есептеуде үй шаруашылығы шығындары алдағы екі тоқсандағыдай бірінші тоқсанда да 3%-ға өседі деп күтілуде. Бұл маңызды көрсеткіш. Өйткені АҚШ-тың экономикалық белсенділігінің 70%-ға жуығы тұтынушылық шығындарға тиесілі. Бизнеске салынған...

Түркияның «Aksa Energy» компаниясы Шымкент қаласы аумағында құны 700 млн доллар болатын аралас циклды газ зауытын салатын болды.

Шымкент билігі мен «Aksa Energy» компаниясының өкілдері кездесіп, қуаттылығы 500 МВт-қа дейін аралас циклды газ зауытын салу жобасын жүзеге асыру туралы меморандумға қол қойды. Қондырғы құрылысы биыл басталады.

Жаңа жоба қаланың экологиялық жағдайын жақсартуға оң әсерін тигізіп, қала бюджетіне кіріс әкеледі деп күтілуде.

«Құны 700 миллион долларға жуықтайтын инвестициялық жобаны жүзеге асыру қала тұрғындарын сапалы электр және жылу энергиясымен және ыстық сумен қамтамасыз етуге бағытталғанын ерекше атап өткен жөн. Құрылыс кезінде 1000-нан астам жұмыс...

ЕуроОдақ мұнай бағасының шекті деңгейін бұзғаны және Солтүсік Кореядан техника тасымалдағаны үшін Ресейге қарсы сакциялар пакетіне жаңа шаралар енгізбек. Бұл туралы Reuters агенттігі Еуропалық Одақтағы дереккөзге сілтеме жасай отырып жазады.

Еурокомиссия Мәскеуге қарсы санкциялардың 14-пакетінің бір бөлігі ретінде Солтүстік Кореяның әскери техникасын Ресейге тасымалдайтын кемелерге, сондай-ақ G7 елдерінен келетін мұнай бағасының шекті деңгейін бұзған танкерлерге қарсы шара енгізуді ұсынады.

Сонымен қатар ЕуроОдақ санкциялық тізіміне 40 компания кіруі мүмкін. Олар қарулы күштерге құрал-жабдық сатып алатын ресейлік компаниялар, сондай-ақ, Ресейге еуропалық және америкалық электроника, жартылай өткізгіштер мен чип жеткізетін үшінші елдердің компаниялары. Шетелдік компаниялар Біріккен Араб Әмірліктері, Қырғызстан, Түркия мен...

Полиция 19 сәуірде Алматы облысының Балқаш ауданында қамыстың өртенуіне қатысты ҚК-ның «Ормандарды жою немесе бүлдіру» деген 341-бабы бойынша қылмыстық іс қозғады.

Бастапқыда қамыс өртеніп, кейін тілсіз жау 31 гектар орман қорына таралған. Өртті сөндіру үшін тікұшақпен жалпы көлемі 387 тоннадан астам 129 су ағызу жұмысы жүргізілген. Қазіргі уақытта өрт оқшауланды.

«Аталған факт бойынша ішкі істер органдары Қылмыстық кодекстің «Ормандарды жою немесе бүлдіру» деген 341-бабы бойынша қылмыстық іс қозғады. Осы баптың санкциясы мүлкін тәркілей отырып, сегіз жылға дейін мерзімге бас бостандығынан айыруды көздейді», – делінген ТЖМ хабарламасында.

«Іле-Балқаш» мемлекеттік табиғи резерваты Қазақстан Республикасы Алматы...

АҚШ президенті Джо Байден егер қытайлық иесі бір жыл ішінде сервисті сатпаса, TikTok-ты бұғаттайтын заңға қол қойды. TikTok бұл шешімді сотта даулап және жеңіске жететініне сенімді.

Байден 24 сәуірде қытайлық ByteDance компаниясына тиесілі TikTok-ты бір жыл ішінде сатуды талап ететін заңға қол қойды. Егер компания мұны жасамаса, әлеуметтік желі Америка Құрама Штаттарында бұғатталады.

ТикТок бұл шешімнің үстінен сотта шағымдануға уәде берді. Компанияның бас директоры Шоу Цзу Чу сотта жеңіске жететініне сенімді. «Біз ешқайда кетпейтінімізге сенімді болыңыз. Дәлел мен Конституция біз жақта және тағы да жеңіске жетеміз деп үміттенеміз», – деп Reuters агенттігі топ-менеджердің сөзін келтіреді. Шоу Цзу Чуды...

Алматы полициясы ProTenge басылымының негізін қалаушы Жәмила Маричеваны оқыстан әкімшілік хаттамаға қол қоюға шақырды. Бұл жөнінде Жәмиланың өзі фейсбук парақшасында жазба жариялады.

«Күн сайын жүгіремін. Бүгін де жүгіру үшін шығып едім. Үш шақырымнан соң, мені біреу қуып жетті. Участковый екен! Ентігіп келіп, әкімшілік хаттамамен танысу керектігін айтқан соң, қызметтік көлікке мінуді талап етті. Олардың сыпайы қарым-қатынасы мен қызмет әдебі мені таңқалдырды. Бұрын маған әкімшілік айыппұлдар салынбаған еді. Әрқашан осылай болатын ба еді?», – дей келе полиция оны босатқанын, мән-жайды кейін түсіндіретінін жазған.

Ақпарат құралдары, сәрсенбі, 22 сәуір күні кешке ProTenge басылымының бас редакторы және негізін қалаушы Маричеваны тәртіп сақшысы...

Қазақстандықтар балық пен теңіз өнімдерін аз тұтына бастады. Бұл Ұлттық статистика бюросының былтырғы мәліметінен айқын байқалады.

2022 жылмен салыстырғанда, нан мен жарма, балық пен теңіз және май мен тоңмайдан басқа азық-түлік өнімдерін тұтыну көрсеткіші өскен.

Сүт және сүт өнімдерін Қарағанды, Ақмола облыстары, Алматы қаласы көп тұтынады. Ең тәттіге құмар облыс – Ұлытау. Осы облыс тұрғындары орта есеппен жан басына шаққанда жылына 59 келі қант, джем, бал, шоколад, кондитерлік өнімдерін азық қылған.

Азық-түлік сатып алуға жұмсалатын қаражаттың ең көп үлесі ет және ет өнімдеріне (17%), нан мен жарма өнімдеріне (7,9%) тиесілі.

Атырау, Ақмола, Жетісу облыстарының халқы ет және ет...

Президент Ұлыбританияның Сыртқы істер министрі Дэвид Кэмеронды қабылдады. Тоқаев Кэмеронның Қазақстанға сапары екіжақты қатынастарды дамытуға тың серпін беретінін айтты.

– Біздің маңызды стратегиялық серіктесіміз – Ұлыбританиямен арадағы өзара тиімді ынтымақтастықтың қарқынды дамып келе жатқанына көңіліміз толады. Бүгін Стратегиялық серіктестік және ынтымақтастық туралы келісімге қол қойылғанын айрықша атап өткім келеді. Бұл жан-жақты құжат біздің сан қырлы байланыстарымызды кеңейту үшін берік негіз қалайтынына сенімдімін, – деді Президент.

Мемлекет басшысы сауда-экономикалық және инвестициялық ықпалдастықты, соның ішінде энергетика, «жасыл» экономика, қаржы, инновация салаларындағы ынтымақтастықты нығайтуға мол әлеует бар екеніне назар аударды.

Дэвид Кэмирон стратегиялық диалогты құптайды

Су тасқыны болған алты аймақтағы түлектер үшін ҰБТ бөлек кестемен өткізіледі. Бұл жөнінде Үкіметтің баспасөз қызметі хабарлады.

Эвакуациялық орталықтарда болған 4 мыңнан аса бала сауықтыру лагерлеріне, колледждер мен жоғары оқу орындарының жатақханаларына, Назарбаев зияткерлік мектептері, Білім инновация лицейлерінің интернаттарына орналастырылды. Бұған қосымша 4 мыңнан аса орынға резерв дайындалды. Барлық медициналық мекеме күшейтілген режимде жұмыс істеп жатыр. Қажетті дәрі-дәрмек қоры әзірленген. Эпидемиологиялық бригадалар құрылып, зардап шеккен аймақтардағы ауызсу сапасы мен ерекше қорғалатын аумақтар тұрақты бақылауға алынған.

Бұған дейін Сенат депутаты Ғалиасқар Сарыбаев су тасқыны болған аймақтарда ҰБТ тапсыратын оқушылардың дайындық сапасы төмендеп кеткенін айтып, Үкімет басшысы Олжас Бектеновке депутаттық сауал...

Жаңаөзенде құны 17 млрд теңге болатын мұнай-газ жабдықтарын шығаратын зауыт салынады. Кәсіпорын келесі жылы пайдалануға беріледі. 

«ҚазМұнайГаз» ақпаратына сүйенсек, зауыт жылына 51 мың тонна құбыр өнімін, 540 мың сорғы штангасын және 100 мұнай жылытқышын өндіретін болады. Жаңаөзен тұрғындары үшін 250 жаңа жұмыс орны құрылады. Олар арнайы дайындықтан өткеннен кейін кезең-кезеңімен үш жыл бойы жұмысқа алынады.

24 сәуірде Жаңаөзенде ҚМГ Басқарма төрағасы Мағзұм Мырзағалиев пен Маңғыстау облысының әкімі Нұрлан Ноғаевтың қатысуымен болашақ зауыттың іргетасын қалау рәсімі өтті.

Зауытты Қазақстандағы KazPetroDrilling ірі бұрғылау компаниясы салатыны хабарланды. Ол 1965 жылдан бастап ұңғымаларды бұрғылау, жөндеу және жою қызметтерін ұсынады. Оған мұнай-газ секторына арналған...

Facebook-те қазақстандықтарға жаңа мемлекеттік бағдарлама бойынша төлемдер туралы алаяқтар жарнамасы тараған. Алаяқтар бейнеге жалған дыбыс қойып, ресейлік «Мир» телеарнасы жүргізушісінің бейнесін және Тоқаевтың қатысуымен өткен кеңестің үзіндісін қосқан.

Алаяқтар әлеуметтік желіде қазақстандықтар мемлекеттен қосымша төлемдер алады деген жарнаманы іске қосады. Stopfake.kz телеграмм арнасы бұл ақпаратты жоққа шығарды.

«Бейнеде жалған дыбыс бар, ал сенімділік үшін алаяқтар 2024 жылдың 22 сәуір айындағы бейнені көрсеткен. Таратылған бейнеде бір-бірімен байланысты емес жаңалықтар сюжеттері жинақталған. «Мир» телеарнасындағы бағдарламадан жүргізушісі Екатерина Абрамованың видеосын алған», – делінген хабарламада.

Ресейлік «Мир» телеарнасының сайтында тұрғындарға дивидендтер төленетін Қазақстандағы жаңа мемлекеттік бағдарлама туралы ақпарат...

Алматыда автобус жүргізушісі Ермек Шөкебаеваны ұрған жолаушы Дархан Ахметжановқа қатысты сот процесі жалғасын тапты. Соққыдан жүргізуші әйел есінен танып, оның көлігі аялдамада тұрған жаяу жүргіншілерді қағып, үш адам қайтыс болған. 24 сәуірде жүргізуші мен күдіктіні сотқа дейінгі беттестіру болып, тараптар бір-біріне сұрақ қойды.

Бұл іс бойынша сот наурыз айында басталған. 24 сәуірде Жоғарғы сот қоғамдық қызығушылыққа байланысты сот процесін тікелей эфирде өткізу туралы шешімін жариялады. Бұл Жоғарғы сот Youtube арнасында көрсетілген Қазақстан тарихындағы екінші процесс.

Отырыс барысында автобус жүргізушісі Шөкебаева мен сотталушы арасында беттесу сөз болды. 

«Әйел адамға қол көтеру керек пе? Үйде әйеліңізді ұрасыз ба...

Astana International Exchange кросс-биржалық сауда-саттық үшін Әбу-Даби биржасы (ADX) құрған Tabadul цифрлық биржалық хабына қосылды. Енді қазақстандықтар араб компанияларының акцияларын AIX арқылы сатып ала алады.

«Бұл AIX және ADX-тегі бағалы қағаздарға қолжетімділікті қамтамасыз етіп, өтімділікті арттырады және инвесторлар үшін сауда механизмдерін жеңілдетеді», – деп хабарлады AIX баспасөз қызметі.

Tabadul брокерлік компанияларға қашықтан қызмет етеді. Бұл хаб серіктестері үшін ыңғайлы.

ADX Tabadul хабын 2022 жылдың шілдесінде нарыққа өзара қол жеткізу моделі бойынша жұмыс істейтін өңірдегі алғашқы цифрлық биржалық сервис ретінде іске қосты. Платформа қатысушы биржалар арасында өңірлік және жаһандық деңгейде сауда-саттық үшін цифрлық биржа желісін құрады. Бахрейн биржасы...

Қазақстандағы асфальтбетон зауыттарының 38%-ы, яғни 91 зауыт осы жылғы жол-құрылыс маусымына мүлдем дайын емес.

Қазақ жол ғылыми зерттеу институтының зерттеуіне сүйенсек, елдегі 239 асфальтбетон зауыттың 91-і, яғни 38%-ы жаңа жол маусымына дайын емес. Дайындығы төмен зауыттар қатарында ірі жол жобаларына қатысуы тиіс зауыттар да бар.

Қалыптасқан жағдайды түзету үшін кәсіпорындарға 20 күн берілген. Осы уақыт өткеннен кейін олардың дайындығы осал болса, сәйкестік сертификаттарын қайтарып алу туралы мәселе қаралады.

Қазақстан жол ғылыми-зерттеу институты бастамасымен әрі Көлік министрлігі Автомобиль жолдары комитетінің қолдауымен Қазақстанның асфальтбетон зауыттары жол-құрылыс маусымының алдында тексерілген. Тексеру алдында республикада асфальтбетон қоспаларын өндіру саласы туралы статистика жиналған. 

«91 зауытта диспенсерлер мен...

20 сәуірдегі жағдай бойынша қытайлық Xiaomi өзінің алғашқы электромобилі SU7-ге 70 мыңнан астам тапсырыс алды, деп хабарлады компанияның бас директоры Лей Цзюнь. Бұл туралы REUTERS агенттігі жазды.

Компания биыл 100 мың электромобиль жеткізуді көздеп отыр. Басылым бұл ретте бас директордың сөзін келтіреді.

«Xiaomi наурыз айының соңында электромобильге тапсырыс қабылдай бастады. Оның негізгі конфигурациядағы құны 215,9 мың юаньді (30,4 мың доллар) құрайды», – деп хабарлады басылым.

Бұл Tesla-ның Model S электр көлігі бағасынан шамамен 4 мың долларға төмен.

Citi сарапшыларының айтуынша, компания жыл сайынғы жеткізілімдері 300-400 мыңға жеткенде, көлік өндірісінде шығынсыз...

Соңғы тәулікте БҚО аумағынан келетін судың әсерінен Атырау қаласында су деңгейі 6 см-ге көтерілді. Өңірде жағдай әлі де күрделі күйінде қалып отыр. Осыған орай Үкімет басшысы Олжас Бектенов өңірге әскери қызметшілер мен техниканы жедел жеткізуді тапсырды. Бұл туралы Үкіметтің баспасөз қызметі хабарлады.

Премьер-Министр Олжас Бектенов су тасқынының екінші толқынына дайындық шараларын жүргізіп жатқан Атырау облысына барды. Үкімет басшысы су басу қаупін азайту үшін қабылданып жатқан шаралардың барысын тексерді.

«Батыс өңірде Ресей Федерациясының Ириклин су қоймасынан судың келуіне байланысты, сондай-ақ Жайық өзеніне құйылар сағадағы ірі тасқын мен су деңгейінің көтерілуі салдарынан жағдай күрделі күйінде қалып отыр. Бұрын хабарланғандай, Батыс...

«Қазақалтын» компаниясы («Алтыналмас» компаниясының еншілес кәсіпорны) Ақмола облысындағы Степногорск қаласынан 18 шақырым жерде орналасқан Ақсу кен орнында алтын өндіру көлемін арттыруды жоспарлап отыр. Бұл туралы Бірыңғай экологиялық порталда жарияланған құжатта жазылған.

«Біз тау-кен өндіру қуатын 100 мың тоннадан келесі кен өндіру қуатына дейін арттыруды қарастырдық: 2024 – 6 710 мың тонна; 2025 – 4174 мың тонна; 2026 – 5761 мың тонна; 2027 – 5932 мың тонна және өндіру мерзімі ұзартылды», – деп жазылған құжатта.

Ұсынылған құжатта Ақсу кеніші мен карьерді бөлу мәселесі қарастырылған. Бұрын шахта мен карьерге жалпы экологиялық рұқсат алынған. Экология және табиғи...

ҚР Қаржы нарығын реттеу және дамыту агенттігі несиені қайта құрылымдауға қатысты бірқатар нормативтік талапты өзгертуді жоспарлап отыр. Бұл жайлы «Ашық НҚА» сайтында орналастырылған қаулыда жазылған.

Жобада төлемге қабілетсіз қарыз алушылар санының ұлғаюына жол бермеу мақсатында қайта құрылымдау кезінде борыштық жүктеме коэффициентін есептеуге, сондай-ақ шығару мерзіміне байланысты автокөлік құралдарына өтімділік коэффициентін қолдануға қойылатын талаптарды алып тастау ұсынылған.

Құжат түсіндірмесінде бұл талаптардың қаржылық қиындықтарға тап болған қарыз алушының кредиттері бойынша төлем мөлшерін азайту мақсатында мерзімді төлемдердің мерзімін және мөлшерін ұлғайту жолымен қарызды қайта құрылымдау мүмкіндігі берілетіні айтылған.

«Қарыз бойынша мерзімнің ұлғаюына әкеп соғатын қарыз алушының БЖК...

Ресейлік Ozon маркетплейсі бір жыл ішінде Қазақстанда 424 млрд рубль пайда тауып, Қазақстандағы сауда айналымын 5 есе өсірген.

Компанияның кірісі 2023 жылға қарай жылына 53%-ға өсті және негізінен қызмет көрсетуден түскен кірістің өсуіне байланысты 424 миллиард рубльге жетті. Қызмет көрсетуден түскен түсім 2023 жылдың 4 тоқсанында жылына 49% және 2023 жылдың соңына қарай жылына 82% өсті.

Ozon Қазақстан 2021 жылдан бастап елімізде логистикалық инфрақұрылымды дамытып келеді. Қазір компанияның өңірдегі логистикалық қуаттылығы жайын айтар болсақ, Алматы мен Астанада 2 фульфилмент-орталығы бар. Ал тапсырыс беру пунктерінің саны 2023 жылы 27 есеге артып, 2022 жылмен салыстырғанда 1300-ден асты.

Әлім бойынша, компания ақпаратына сүйенсек...

Orbis Group компаниясы су тасқынынан зардап шеккендерге 1 миллиард теңге көмек жібереді. Бұл жайлы компанияның баспасөз қызметі хабарлады.

Баспасөз қызметінің хабарлауынша, Orbis Group компаниясының құрылтайшылары Фаррух және Сухраб Махмудовтар «Нефтегаз Капитал» компаниясымен бірлесіп, су тасқынынан зардап шеккен қазақстандықтарға көмек көрсету үшін 1 млрд теңге бөледі.

Бұл қаражат Батыс Қазақстан облысына баспанасыз қалған тұрғындардың баспанасын қалпына келтіруге және салуға, сатып алуға жұмсалады.

«Осы қиын кезеңде баспанасыз, күн көріссіз қалған отандастарымызға бүкіл елмен бірге көңіл айтамыз. Мемлекет басшысы Қасым-Жомарт Тоқаевтың халыққа көмек қолын созуға шақыруын қолдауды өз парызымыз деп санаймыз. Азаматтардың қалыпты өмірге тезірек оралуына тілектеспіз...

«Қазақтелеком» АҚ 2023 жылы таза кірісі 2022 жылмен салыстырғанда 19%-ға, 104,403 млрд теңгеге дейін азайған. Бұл туралы компанияның Халықаралық қаржылық есептілік стандарттары бойынша шоғырландырылған қаржылық есебінде көрсетілген.

Компанияның салыққа дейінгі пайдасы 18,4%-ға, 134,237 млрд теңге, операциялық пайдасы – 11%-ға төмендеп, 161,311 млрд теңгені құрады. Жалпы пайда 1%-ға өсіп, 237,728 млрд теңгеге жетті.

Компанияның активтері 15,2%-ға өсіп, 1,483 трлн теңгеге, міндеттемелері – 22,1%-ға, 679,338 млрд теңгеге, меншікті капиталы – 10%-ға, 803,662 млрд теңгеге дейін өсті.
Жарғылық капитал 12,136 млрд теңге деңгейінде қалған.

«Қазақтелеком» жергілікті телекоммуникация нарығында басым орынға ие. Компания Kcell ұялы байланыс операторының 51% акциясына, сондай-ақ «Мобайл Телеком Сервис» ЖШС...

Қазақстан Ұлттық Банкі жасанды интеллектіні қолданушы алаяқтардың көбейіп келе жатқанын ескертеді. Енді олар өз «құрбанының» туысы, жақын адамы немесе танымал медиа-тұлғаның дауысын салып, хабарласатын болған.

Жасанды интеллект құралдарымен мессенджерлерде «күштік құрылым өкілдерінің» (ҚР ІІМ, Бас прокуратура және т.б.) атынан бейнеқоңырау шалып, азаматтарды Қазақстан Ұлттық Банкімен «бірлесіп жасалатын» төлем операцияларына қатысуға үндейді. Алайда Ұлттық Банк жеке тұлғалардың шотына қызмет көрсетпейді және азаматтардың қаражатын сақтандырумен айналыспайды.

Адамның шынайы дауысын пайдалану үшін алаяқтар мессенджерлердегі (WhatsApp, Telegram және т.б.) аккаунттарды бұзып, дауыс хабарламаларды көшіріп алады да, оларды нейрондық желіге жүктейді. Не болмаса дауыс өзгертетін технологияларды қолданады. Кейін смартфон иесінің дауысымен ақша жіберуд...

Гидротехникалық нысандарды күтіп-ұстауға бөлінген бюджет қаржысын жымқырды деп күдікке ілінгендер әлі қамауға алынған жоқ. Бұл туралы Қаржылық мониторинг агенттігі төрағасының орынбасары Жеңіс Елемесов мәлімдеді. Агенттік өкілі гидротехникалық құрылыстар салуға бөлінген қаржыны жымқыру фактілері бойынша қозғалған  қылмыстық істердің қалай жүріп жатқанын баяндап берді.

 Агенттік басшысының орынбасары Ұлытау, Ақтөбе, Алматы мен Қызылордада облыстарында, гидротехникалық құрылыстар салуға бөлінген бюджет ақшасын ұрлау дерегі бойынша төрт қылмыстық іс тіркелгенін растады.

 «Бұл қылмыстық істің басым бөлігі бюджет қаржысын жымқыру дерегі бойынша тіркелді. Бір дерек дамбаға заңсыз қызмет көрсетуге қатысты», – деді Жеңіс Елемесов Мәжіліс кулуарында.

5 адам күдікті деп танылған. Залалды...