Жаңалықтар

Қазақстанда «харассмент» және жыныстық тиісу үшін жауапкершілікке тарту туралы заң жобасы дайындалып жатыр. Бұл туралы Орталық коммуникациялық қызмет брифингінде ІІМ Әкімшілік полиция комитеті төрағасының орынбасары Ренат Зулхаиров мәлімдеді. 

«Еңбек және әлеуметтік қорғау министрлігі харассмент үшін жауапкершілікті енгізу бойынша жұмыс жүргізуде. Түзетулер енгізу мемлекеттік органдарда талқылануда. Жақын арада бұл мәселе қаралады деп ойлаймын. Бұл заңды Еңбек министрлігі әзірлеп жатыр», – деді Зулхаиров.

Бұған дейін Үкімет депутаттардың харассмент пен сталкинг үшін қылмыстық жауапкершілік енгізу жөніндегі түзетулерін қолдамаған еді. Бұл нормалар 15 маусымнан бастап күшіне енетін тұрмыстық зорлық-зомбылық туралы заңға енбей қалған.

KURSIV Media KZ берген сұхбатында...

Бейсенбі, 13 маусымда, Tesla акционерлерінің жиналысында компанияның Бас атқарушы директоры Илон Маскқа 56 млрд доллар сыйақы пакетін төлеу мақұлданды. Егер мемлекеттік сот төлем жасауға кедергі жасаса, онда акционерлер «Б» жоспарына көшеді. Олар компанияның заңды тіркеуін Техас штатына көшіруді қолдады деп жазады Bloomberg.

Толығырақ

Электромобиль өндірушісі Tesla Остинде өткен жиналысындағы акционерлердің дауыс беру нәтижесін жариялады. Акционерлер 2018 жылғы келісімшарт бойынша Бас директор Илон Маскқа тиесілі 55,8 млрд долларлық өтемақы пакетін төлеуге шешім қабылдады. Осыдан сәл бұрын Масктың өзі әлеуметтік желіде «үлкен басымдықпен» жеңіске жеткенін жазды.

Бұл хабарламадан кейін компанияның акция бағасы 3%-ға жуық өсті. Содан кейін – дауыс...

Қазақ альпинизміндегі қыздар саусақпен санарлықтай. Оның басты себебі қоғамдағы әйелдерге қатысты шектеулердің болуы. Бұл туралы «Курсивке» берген сұхбатында Эвересті бағындырған тұңғыш қазақ қызы Анар Борашева айтты.

«Қазақстанда әйелдерді шектеп қояды. Бала туу керек, отбасымен бірге болу керек. Бірақ әйелдер ерлермен қатар кез келген мамандықты иемденіп, кез келген саланы дамытуға мүмкіндігі бар. Менталитеттегі кейбір шектеулерге байланысты әйелдер альпинизмге аз келеді», – дейді альпинист.

Оның сөзінше,  қазіргі таңда жағдай өзгеріп, жыл сайын альпинист әйелдердің саны артып келеді.

«Кеңес үкіметі кезеңінде 5% ғана әйелдер болған шығар. Қазір көбейіп 10%-ға жетіп қалды. Жеке мен үшін...

Сара Назарбаева негізін қалаған институт мемлекет меншігіне өтті.

Үкімет қаулысында «Өркен» балалардың әл-ауқатын арттыру ұлттық ғылыми-практикалық институты» коммерциялық емес акционерлік қоғамы акцияларының мемлекеттік пакеттері мен үлестері республикалық меншікке жатқызылған акционерлік қоғамдар мен шаруашылық серіктестіктердің тізіміне енді.

Аталған институт соңғы екі жылда жұмыс бағытын өзгертіп, ребрендинг жасаған болатын. Оған дейін «Адамның үйлесімді дамуы ұлттық институты» деп аталып келді. 

«Аталған институт 2021 жылы Сара Назарбаева негізін қалаған «Бөбек» қорының жанынан ашылған еді. Институттың негізгі миссиясы «Өзін-өзі тану» рухани-адамгершілік білім беру бағдарламасы арқылы елдің адами әлеуетін дамытуға үлес қосу болды. Ал Қазақстанда «Өзін-өзі тану» рухани-адамгершілік білім беру бағдарламасы...

Жамбыл облысының прокуратурасы «Jibek Joly» арнайы экономикалық аймағын басқарушы компания» АҚ аумағындағы жер теліміне қатысты проблемаларды шешті. Солайша кәсіпкер Владимир Жұманбаевтың жобасын жүзеге асыруға келітірілген кедергілер жойылған. Бұл жайлы Жамбыл облыстық прокуратурасының баспасөз қызметі хабарлады.

«Жұмыс шеңберінде «Jibek Joly» арнайы экономикалық аймағын басқарушы компаниясы» АҚ аумағында жобаларды жүзеге асыратын инвесторлар жер телімдерін тіркеу  проблемасына тап болғандығы анықталды», – делінген баспасөз хабарламасында.

Атап айтқанда, АЭА әкімшілігі 2017-2018 жылдары жобалардан бас тартқан 6 инвестордың жер телімдерінің мемлекеттік актілерінің күшін ұзақ уақыттан бері жоя алмай келген. Осының салдарынан сол жерлерге қызығушылық танытып, инвестиция тартуға ниетт...

Қаңтар-мамырда Қазақстанның қысқамерзімді экономикалық индикаторының одан әрі баяулауы экономиканың баяулауының белгісі боп саналады. Бұл туралы tengenomika хабарлады.

«ҚР Ұлттық экономика министрлігі ағымдағы жылдың алғашқы 4 айындағы нақты экономикалық өсімі туралы айтпағанымен, Ұлттық статистика бюросы 2024 жылдың қаңтар-мамыр айлары мен 2023 жылдың қаңтар-мамыр айларына арналған қысқамерзімді экономикалық көрсеткішті (ҚҚБ) жариялады. Бұл 103,7%-ды құрады және қаңтар-сәуірде 103,9%-ды құраған EI-ден кейін экономиканың одан әрі баяулауын көрсетеді» деп жазады арна.

Статистикалық мәліметтерге сәйкес, 2024 жылғы қаңтар-мамырда 2023 жылғы қаңтар-мамыр айларында нақты көлем индексінің ең көп өсімі байланыс (108,7%), құрылыс (108,1%) және көлік және қойма шаруашылығы (107,1%) салаларында байқалды. Керісінше, нақты көлем индексін...

Бүгін, 14 маусымда, Жоғарғы соттың қылмыстық істер жөніндегі сот алқасының төрағасы Назгүл Рахметуллина қаңтар айындағы тәртіпсіздіктер кезінде ұсталған Арман Жұмагелдиевтің ісіне қатысты пікір білдірді.

«Мен істің материалдарымен таныс емеспін және оларға қол жеткізе алмаймын, себебі іс басқа инстанцияда өтіп жатыр. Барлығы істің мән-жайына, процеске қатысушыларға, куәларға, мамандарға, сотталушыларға байланысты. Аудио, бейнежазбалар, жедел-іздестіру іс-шаралары бар, мұның барлығын қорғаушылардың сөздері, өтініштері бар, сот толық тексеруге міндетті», – деп жауап берді Назгүл Рахметуллина журналистердің сұрағына.

«Сот істің мән-жайына байланысты әрбір инстанцияда барлығын жеке шешеді», – деп қосты Жоғарғы Соттың қылмыстық істер жөніндегі сот алқасының төрағасы.

Журналистер...

Банк лицензиясынан айырылған жағдайда Қазақстанның депозиттерге кепілдік беру қоры асыл металдарға кепілдік бермейді. Бұл туралы қор хабарлады.

«Бүгінде қазақстандықтардың көпшілігі алтынды инвестиция үшін маңызды қаржы құралы деп есептейді. Сондықтан пәтер, валюта, сондай-ақ акциялар сатып алумен қатар асыл металдар да сұранысқа ие. Оны шашыранды күйінде, монета, құймалар немесе әшекейлер түрінде сатып алады. Мұндай қымбат заттарды иелері көптеп сақтағылары әрі сенімді қорғағылары келеді. Асыл металдарды сақтандыруға немесе әрине, үйде жасыруға болады. Ал кейбіреулер оларды банктердің ұяшықтарында сақтағанды жөн санайды. Банк лицензиясынан айырылған жағдайда оған кепілдік берілмейді», – дейді ҚДКБҚ.

Нақты айтар болсақ, ҚДКБҚ кепілдіктер...

АҚШ қор нарығындағы ралли біркелкі жүріп жатқан жоқ – Dow индексі S&P 500 және Nasdaq-тан айтарлықтай артта қалып барады. Алайда JPMorgan компаниясының екінші жартыжылдыққа болжамы оң, стратегия мамандары америкалық акциялар одан әрі қымбаттайды деп отыр. Ал Францияда биліктегі партия Еуропарламент сайлауында жеңілгеннен кейін қарыз дағдарысы белең алды. Осы және басқа да тақырыптарға арналған материалдарды 13 маусымдағы әлемдік БАҚ шолуынан оқыңыз.

Dow индексі S&P 500 және Nasdaq-тан едәуір артта қалып барады

АҚШ қор нарығындағы ралли біркелкі жүріп жатқан жоқ – Dow индексі S&P 500 және Nasdaq-тан айтарлықтай артта қалып барады дейді Market Watch. Сәрсенбіде S&P 500 индексі 0,85%-ға өсіп, Dow...

Қаржы ұйымдарында биометриялық сәйкестендіру өткізу қағидалары бекітілді. Бұл жайлы Қаржы нарығын реттеу және дамыту агенттігінің «Ашық НҚА» порталында жарияланған құжатта жазылған.

«Жоба – биометриялық сәйкестендіруді айқындау және жүргізу үшін «Қазақстан Республикасындағы банктер және банк қызметі туралы» Қазақстан Республикасы Заңының 34-бабының 5-5-тармағына және «микроқаржы қызметі туралы» Қазақстан Республикасы Заңының 3-бабының 3-5-тармағына сәйкес әзірленді», – делінген құжатта.

Жобаға сәйкес, биометриялық деректерді пайдалану және қорғау қағидаттары енгізіледі. Қағидаларда бекітілген талаптар бойынша биометриялық деректер рұқсатсыз қол жеткізуден, қолданудан және жария етуден қорғалады. Биометриялық деректерді жинау, сақтау және өңдеу бойынша процестердің орындалуы арнайы құжаттамамен рәсімделеді.

Сондай-ақ биометриялық сәйкестендіру рәсім...

Қазақстанда судья болу үшін конкурс талаптары жеңілдеуі мүмкін. Бұл туралы Парламент қос палатасының отырысынан кейін, журналистер сұрағына жауап берген депутат Абзал Құспан айтты.

Депутаттың сөзінше, жауапкершілікпен қоса, судья болуға конкурс талаптары өте жоғары. Алайда маман жетіспеуіне байланысты конкурс талаптары жеңілдейтінін айтты. 

«Қайта-қайта конкурс өткізе бергеннен гөрі сот төрелігі академиясын бітірген түлектерді Жоғарғы сот кеңесінің ұсынысымен тікелей тағайындауды енгізіп отырмыз. Бұл амалсыздан барып отырған шарамыз», – деді депутат.

Абзал Құспан көптеген ауылдық жерлерде, шалғай аудандарды судья жетіспейтінін айтады. Себебі қарапайым судья болуға мүдделі адамдар өте аз. 

«Қарапайым судьялардың жұмысының қаншалықты ауыр екенін...

ҚР Жоғарғы Сотының қылмыстық істер жөніндегі сот алқасының төрағасы Назгүл Рахметуллина Нұрсұлтан Назарбаевтың немере інісі, Ұлттық қауіпсіздік комитеті төрағасының экс-бірінші орынбасары Самат Әбішке шығарылған үкімге қатысты пікір білдірді.

Журналистер Жоғарғы Соттың қылмыстық істер жөніндегі сот алқасының төрағасынан Самат Әбішке не себепті шартты мерзім берілгенін және үкімнің қаншалықты әділетті екенін сұрады.

«ҚР ҚК-нің 63-бабында шартты түрде соттау қолданылмайтын қылмыстардың тізбесі бар – бұл сыбайлас жемқорлық қылмыстар, аса ауыр қылмыстар, бұл жазалау мерзімі 12 жылдан асқан және басқа да бірнеше санаттағы қылмыстар. Шартты түрде жазаны қолдануға тыйым болмаса, оны әрбір нақты жағдайда сот шешеді», – деп жауап берді.

Парламент депутаттарының басым көпшілігі утильалымға қарсы шығып отыр. Оның басты себебі Үкіметтің толыққанда ақпарат бермеуінде. Бұл туралы қос палатаның бірлескен отырынан кейін, журналистер сұрағына жауап берген депутат Абзал Құспан айтты.

«Депутаттардың басым көпшілігі утильалымға қарсы. Санжар Боқаевтың берген мәліметтерін жоққа шығаратындай Үкімет тарапынан мәліметті көре алмай отырмын. Неге екендігін білмеймін ашықтық жоқ бұл жерде», – деді депутат. 

Абзал Құспан Үкіметтің 2016 жылдан бастап утильалымнан жиналған қаржының қайда кеткені туралы ақпаратты депуттарға да бермей отырғанын айтады. 

«Мені таңғалдырған дүние Жоғарғы соттың шешімі болды. Жоғарғы сот азаматтар өздерінің қалтасынан шығып жатқан ақшаның қайда кетіп жатқанын...

«Қазақстан Республикасының сот жүйесі мен судьяларының мәртебесі туралы» Қазақстан Республикасының Конституциялық заңына өзгерістер мен толықтырулар енгізу туралы» заң жобасы Парламенттің бірлескен отырысында мақұлданды.

Бірінші оқылымда мақұлданған заң жобасын екінші оқылымға дайындау үшін қос палатаның шешімімен бірлескен комиссия құрылды. Бірлескен комиссияның төрағасы болып Мәжіліс депутат Снежанна Имашева сайланды.

«Заң жобасының басты мақсаты – сот жүйесін одан әрі жетілдіру. Заңнамалық өзгерістерде судьялар корпусының кәсібилігін және олардың тәуелсіздігін, сот төрелігін іске асыру сапасын арттыруға, судьялар корпусын жаңартуға, отставкадағы судьялардың материалдық кепілдіктерін жақсартуға, тәртіптік іс жүргізуде судьялар құқықтарының кепілдіктерін бекітуге бағытталған түзетулер көзделген»,  – деді депутат.

Қырғыз Республикасы Қазақстан азаматы Владимир Жұманбаевқа іздеу салғаны туралы Қазақстанға ресми түрде жүгінбеген. Бұл туралы «Курсивтің» сауалына берген жауабында Бас прокуратура жазды.

«Қырғыз Республикасының құзыретті органдары Қазақстан Бас прокуратурасына В.В. Жұманбаевты ұстап беру немесе оны қылмыстық қудалау туралы сұрау салған жоқ», – делінген жауапта.

Бұған қоса, Бас прокуратура Қазақстан Республикасы Конституциясының 11-бабының 1-бөлігіне сәйкес, Қазақстан Республикасының азаматын шетелге беруге болмайтынын жазған.

Қазақстанның Forbes рейтингіндегі кәсіпкер Владимир Жұманбаевқа Қырғызстанда қылмыстық топты қаржыландырды деген күдікке ілінген. Қырғызстан МҰҚК ақпаратына сүйенсек, Жұманбаев бұған дейін «бірлескен бизнес-жобаларды жүргізу үшін Қырғызстан аумағында қолдау үшін» Көлбаевпен байланыс орнатқан.

Америкалық PepsiCo компаниясы Алматы облысында тұздалған снектер шығаратын зауыт салады. Жобаға шетелдік компания 160 млн доллар инвестиция құяды. Бұл жайлы премьер-министр Олжас Бектеновтің компания өкілі Давид Манзинимен кездесуі барысынды айтылған.

«АҚШ – Қазақстанның маңызды инвестициялық серіктестерінің бірі. Қазақстан PepsiCo секілді стратегиялық инвесторлармен ұзақмерзімді ынтымақтастыққа мүдделі. Біз инвестицияларды қорғау бойынша міндеттемелерді сақтаймыз және қажетті қолдау көрсетуге дайынбыз», – деді Бектенов.

Компания Алматы облысында қытырлақ картоп шығаратын жеңіл тағам өндіретін зауыт салуды жоспарлап отыр. Снектер шығаратын толыққанды жаңа зауытқа 160 млн доллар көлеміндегі шетелдік жеке инвестиция бөлінген.

Бұл – Орталық Азиядағы ең ірі жоба болады...

13 маусым сағат 22:25 шамасында Алматы мен Талғарда тиісінше 1,6 және 1,4 баллдық жер сілкінісі болды. Бұл туралы Төтенше жағдайлар министрлігі хабарлады. 

«Жер сілкінісінің эпицентрі Қазақстан аумағында Қырғызстанмен шекарада Алматыдан оңтүстік-шығысқа қарай 34 км жерде орналасқан. Біздегі мәліметтерге сәйкес (шкала бойынша): Алматы — 1,6 балл, Талғар — 1,4 балл. Зардап шеккендер мен қираған ғимараттар тіркелмеді», – делінген хабарламада.

ТЖМ жер сілкінісі кезіндегі қарапайым 10 қадамды еске түсірді:

Мәскеу биржасына АҚШ санкцияларынан кейін, Ресейдің Орталық банкі Қытай юанін елдегі негізгі шетел валютасы деп атады.

РБК ақпаратына сүйенсек, Мәскеу биржасында доллар мен Еуро сауда-саттығы тоқтатылғаннан кейін, валюта нарығы үшін жаңа анықтау көрсеткіші ретінде қытай валютасы алынатын болады.

Соңғы екі жылда Ресей нарығындағы АҚШ доллары мен еуроның рөлі біртіндеп төмендей бастады, нарық шығыс Азия елдеріне, дәлірек айтқанда Қытай нарығына бейімделді. Қазір елдегі сыртқы сауданың 80%-ы рубль, юань және Ресеймен «дос елдер» валютасында жасалады.

«Мамыр айында Мәскеу биржасының сауда-саттығында юань үлесі 54%-ды құрады. Осылайша қазірдің өзінде биржалық сауда-саттықтағы негізгі валюта юань болды. Юань/рубль биржалық бағамы басқа...

Астана әуежайы жолаушыларға ыңғайлы болу үшін 14 маусымнан бастап жұмыс регламентін ұзартады. Жыл соңына дейін енгізілген техникалық үзілісті қысқартады.

«Авиатасымалдаушылар тарапының өтінішіне сәйкес әуежай жұмысына жауапты компанияның техникалық мамандары әуеайлақтағы жөндеу жұмыстары процесін оңтайландыруда», – делінген Көлік министрлігінің хабарламасында.

Министрлік ақпаратына сүйенсек, жазда әуе тасымалдары жоғары сұранысқа ие болғандықтан, 14 маусымнан бастап жолаушылардың ыңғайы үшін әуежай жұмысының регламенті күнделікті технологиялық үзіліспен (23:00-ден 00:30-ға дейін) ұзартылады.

Бұл уақытта әуежай ұшу-қону жолағының жұмысын қамтамасыз етеді. Жөндеу жұмыстары кейіннен ұшу-қону жолағына ауыса отырып, әуеайлақ жабындарының басқа учаскелерінде жалғасады.

«Қазір магистральдық такси жолында жұмыстар жүргізілуде. Бұл әуежайды...

13 маусым күні оқу-жаттығу кезінде әскери  қызметші көз жұмды. Аягөз гарнизонындағы әскери бөлімдердің біріндегі мерзімді қызметтегі әскери қызметші жарақат алған. ҚР Қорғаныс министрі қауіпсіздік ережелерінің сақталмауына байланысты тексеріс жүргізілетінін хабарлады.

«Аталған факті бойынша қызметтік тексеріс тағайындалып, қылмыстық іс қозғалды. Кінәлі және лауазымды тұлғалар Қылмыстық кодекс және Тәртіптік жарғы аясында тиісті жауапкершілікке тартылатын болады. Қарулы күштер әскери қызметшінің туған-туыстары мен жақындарына орны толмас қайғысына ортақтасып, көңіл айтады. Оларға барлық көмек көрсетілетін болады», – делінген хабарламада.

Наурыз айында Орталық коммуникациялар қызметінде өткен брифингте ҚР Қорғаныс министрлігінің баспасөз хатшысы әскерде сарбаздардың өлімі жиі тіркелмейтінін, ондай оқиғалар бірлі-жарымды жағдайларда болатынын мәлімдеген.

«Қазақстан Республикасын...

Future Digital Awards for Smart Cities & IoT Innovation 2024 халықаралық байқауында отандық IT-компания озық шықты. Sergek Group «Интеллектуалды трафик басқарудағы ең үздік шешім» (Best Smart Traffic Management Solution) аталымында алтын жүлдеге ие болды. Компания «Ақылды қалалардағы тұрақты даму және инновация» санаты бойынша жоба ұсынған.

Байқауды мобильді және цифрлы технология саласындағы жетекші сараптамалық компания «Juniper Research» ұйымдастырды. Аталған сыйлықтың үш санаты, яғни «заттар интернеті», «ақылды қалалар» және «төрешілерді таңдау» жыл сайын әлемнің түкпір-түкпіріндегі компаниялардың назарын өзіне аударады. Үміткерді іріктеу кезінде өнімнің инновациялары, сипаттамасы, артықшылығы, сертификаттары, халықаралық талаптарға сәйкестігі, бизнесті дамыту перспективалары сияқты критерийлер ескерілді.

Айта кетерлігі, бұған дейін байқаудың жеңімпаздары...

Kcell ұялы байланыс операторы 2024 жылдың бірінші тоқсанының қорытындысы бойынша 2023 жылдың сәйкес кезеңімен салыстырғанда кірісін 4,6 есеге, яғни 2,8 млрд теңгеге дейін қысқартты. Бұл туралы компания Қазақстан қор биржасына (KASE) хабарлады.Halyk Finance сарапшылары қағазды 2 234 теңге деңгейінде бағалап, компания акцияларын сатуды ұсынады.

Kcell таза табысы  жалпы (31%-ға) және операциялық пайданың (2,3 есеге) төмендеуіне байланысты төмендеді. Қаржылық шығыстар 2,7 есе өсті, табыс 5 есе азайды. Тұтынушылармен жасалған келісімшарттардан түскен кіріс өзгеріссіз қалды. Бірақ өндіріс шығындары 22%-ға өсті. Бұл ретте жалпы пайда бағанында ескерілетін мемлекеттік субсидиялар 48,7%-ға, 20,3 млрд теңгеге өсті.

Halyk Finance компанияның қызмет көрсету кірісі (B2C) 14,4%-ға...

Президент туризмді дамыту жөнінде кеңесте біраз түйткілді мәселені атап өтті. Бұл жөнінде Ақорданың баспасөз қызметі хабарлады.

Тоқаев әлемнің түкпір-түкпірінен шетелдік IT-мамандарды, яғни «цифрлы көшпенділерді» тарту ісіне айрықша мән беру қажет деп санайды. Үкіметке биыл қазан айынан бастап арнайы «Digital Nomad Visa» және «Digital Nomad Residency» бағдарламаларын іске қосуды тапсырды.

«Туризм саласына инвесторларды тарту үшін ашық әрі тұрақты жағдай қажет. Үкімет пен өңірлердің әкімдері курорттық аймақтар құрылысының бас жоспарын цифрлық нұсқаға көшіруге кірісіп, оған ашық қолжетімділікті қамтамасыз еткені жөн. Әлеуетті инвестордың бос жер телімдері туралы маңызды ақпарат алуға мүмкіндігі болуға тиіс», – деді Қасым-Жомарт Тоқаев.

2023 жылы Алматы қаласының жергілікті бюджеті негізінен жер салығы, әкімшілік айыппұлдар мен сыртқы жарнама есебінен толықтырылған. Бұл туралы Алматы Мәслихатының кезекті сессиясында тексеру комиссиясының төрағасы Алтай Бердіқұлов айтты.

Оның айтуынша, әкімшілік айыппұлдарды өндіріп алу ұлғайып, соның есебінен 2023 жылы бюджетке түсімдер 14,9 млрд теңгені құраған.  

«Қаланың сауда базарларын көлеңкеден шығару Алматының жергілікті бюджетіндегі қаражат көлемін ұлғайтуға мүмкіндік берді. Мемлекеттік кірістер департаменті (МКД) жүргізген сауда базарларын паспорттау нәтижесінде «көлеңкеден» 19 898 сауда нүктесі шығарылды», – делінген әкімдік хабарламасында.

Бұдан бөлек, жер салығының ставкалары қайта қаралып, мүлік салығы бойынша қосымша көздер анықталды. Бұл жұмыстар нәтижесінде Алматы бюджет...