Жаңалықтар

Халықаралық энергетика агенттігінің болжамынша, электромобильдердің жаһандық сатылымы биылғы жылы 20%-ға өсіп, 17 миллион данаға жетуі мүмкін. Бұл туралы ведомствоның кезекті зерттеуінде жазылған.

Агенттіктің салалық есебіне сүйенсек, бірінші тоқсанда электр көліктерінің сатылымы шамамен 25%-ға өсті.

2024 жылы автомобильдердің жалпы сатылымындағы электромобильдердің үлесі 20%-ды құрайды. Ал 2035 жылға қарай ол үштен екіге дейін артуы мүмкін.

Бұл ретте Қытайда биыл көрсеткіш 45%, Еуропада 25%, АҚШ-та 11%-ға жетуі мүмкін.

Агенттік толығымен электромобильдерді де, гибридті көліктерді де бірге жіктейді.

«Автоөндірушілер болса, бағаның жоғары болуы мен зарядтау станцияларының жоқтығынан «жасыл көліктерге» тұтынушылардың жаппай қызығушылығы артып отырған жоқ», – деп жазады...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжанова қатысты сот жалғасып жатыр.

Сот отырысына Бишімбаев қайғылы оқиға болған күні хабарласқан көріпкел мен Нүкенованың үй қызметшісі шақырылатын болды. Куәгерлерден жауап алуды мемлекеттік айыптаушы Айжан Аймағанова сұрады.

Тараптар прокурордың бұл өтінішхатына қарсылық білдірмеді.

Сондай-ақ сот отырысына сол күні Бишімбаевпен кездескен әйел Гүлнар Насырбекова келді. Оның сөзінше, Бишімбаев Насырбекованы күтіп алған. Екеуі жұмыс бойынша сөйлескен. Бишімбаев Насырбекованың блогер қызымен жұмыс істегісі келетінін жеткізген.

Мемлекеттік айыптаушы Айжан Аймағанова көріпкел мен Бишімбаевтың үй қызметшісі болған әйелдің сот процесіне онлайн форматта қосыла алатынын айтты.

Айта кетейік, 23 сәуірдегі сот отырысында Қуанды...

Ресей Федерациясында кітаптардың мағынасын тексеріп, оны қадағалауға байланысты мемлекеттік кеңес құрылды.

DW ақпаратына сүйенсек, Сараптамалық кеңес жария болған кітаптардың Ресей Федерациясының заңдарына сәйкес келу\келмеуін анықтауы қажет. Қазірдің өзінде кеңестің ұсынысы бойынша Сорокин, Каннингем және Болдуин сынды авторлардың кітаптарының сатылымы тоқтатылған.

Ресей өз елінде жарияланған кітаптардың қолданыстағы заңнамаға сәйкес келетіндігін анықтайтын сараптамалық орталықты Федерациялық кітап одағының базасында құрған. Оның құрамына Роскомнадзор, Ресей тарихи қоғамы, Ресей әскери-тарихи қоғамы, Орыс православие шіркеуі, Ресей мұсылмандары діни басқармасы, Ресейдің еврей қауымдастықтары, Ресей заңгерлер қауымдастығы, Ресей білім академиясы, А.М. Горький атындағы әдеби институты және басқа мекемелердің өкілдері кірген.

Бұдан бөлек, сараптамалық кеңес оқу, нормативтік және...

Қазақстандықтар 2024 жылдың үш айында өткен жылдың сәйкес кезеңімен салыстырғанда тұрғын үй жағдайын жақсарту мен емделу үшін Бірыңғай жинақтаушы зейнетақы қорынан (БЖЗҚ) көбірек қаражат ала бастады.

Біржолғы зейнетақы төлемдеріне сұраныс артты

Биылғы жылдың қаңтар-наурызында БЖЗҚ-дан алынған қаражаттың жалпы сомасы шамамен 193 млрд теңгені құрайды. Ал 2023 жылдың 1 сәуіріндегі жағдай бойынша БЖЗҚ осы кезеңде шамамен 98 млрд теңге алынған. Қазақстандықтар қордан зейнетақы қаражатын өткен жылмен салыстырғанда 96,9%-ға көп алған.

Бұл ретте осы соманың негізгі бөлігі тұрғын үй жағдайларын жақсартуға және емделу ақысын төлеуге арналған біржолғы зейнетақы төлемдерінен (БЗТ) құралған – шамамен 83,7 млрд теңге.  Бұл өткен жылғы көрсеткіштен 2,4 есеге...

Елімізде 1 мамырда іске қосылады деп жоспарланған «Наурыз» жаңа ипотекасы бес күн ерте басталады. Бағдарлама операторы «Отбасы Банкі» 25 сәуірде қазақстандықтардың өтініштерін қабылдауға дайын. Өтініштерді қабылдау маусым айының соңына дейін созылады. Бұл туралы «Отбасы банкі» АҚ басқарма төрағасының орынбасары Нұрлан Ақшанов Үкіметте өткен брифинг барысында мәлімдеді.

Нұрлан Ақшановтың айтуынша, Қазақстанның барлық азаматы, сондай-ақ 18 жастан 63 жасқа дейінгі қандастар ипотекаға үміткер бола алады.

«Бұрынғы «Отау» бағдарламасына қарағанда, біз салым мерзіміне шарт қоймаймыз. Яғни 30 сәуірде депозит ашып, оны миллион теңгеге толықтырып, іріктеуге қатысуға болады. Соңғы 5 жыл ішінде жылжымайтын мүлік немесе меншік құқығындағы жылжымайтын мүлікпен ешқандай...

Үкімет 2024-2028 жылдарға арналған агроөнеркәсіптік кешенін дамыту жөніндегі «Қуатты АӨК» ұлттық жобасын бекітеді. Бұл жайлы «Ашық НҚА» порталына орналастырылған қаулыда жазылған.

«Ұлттық жобаны іске асыруға жауапты орталық, жергілікті атқарушы органдар мен өзге де ұйымдар ұлттық жобаны іске асыру жөнінде шаралар қабылдасын», – делінген құжатта.

2024-2028 жылдарға арналған  агроөнеркәсіптік кешенін дамытудың «Қуатты АӨК» ұлттық жобасында көзделген шараларды іске асыру арқылы ауыл шаруашылығындағы жалпы өнімінің көлемін 2028 жылы 17 трлн теңгеге дейін ұлғайту көзделген. Осылайша көрсеткіштер екі есеге артпақ. Ал 2023 жылғы көрсеткіш бойынша бұл сома 8,7 трлн теңгені құраған. Бұл номиналды мәнде 2019 жылғы...

QazaqGaz Ұлттық компаниясы 2023 жылы 325,8 млрд теңге шоғырландырылған таза пайда тапқан. Соның 22,8 млрд теңгесін немесе 7 пайызын акционеріне дивиденд ретінде төлейді. Компанияның жалғыз акционерінің шешімі мен қаржы есебі Қазақстан қор биржасының сайтында орналастырылған.

Былтыр QazaqGaz жалғыз акционері – «Самұрық-Қазынаға» дивиденд ретінде 27,1 млрд теңге төлеген еді. Бұл 2022 жылы тапқан 386,6 млрд теңге таза пайданың 7%-ын құрайды.

Биыл 1 қарапайым акция үшін 60,89 теңге дивиденд төленеді. 22,8 млрд теңге «Самұрық-Қазына» қорының есепшотына шешім қабылданған күннен бастап 5 тәулік ішінде аударылады. Ал таза табысының қалған бөлігі – 303,04 млрд теңгесі бөлінбеген күйде қалдырылған.

QazaqGaz компаниясының жиынты...

Тұрмыстық зорлық-зомбылық құрбандары 16 маусымнан бастап 30 күнге дейін ақысыз еңбек демалысына шыға алады.

Еңбек кодексінің «Әйелдер құқықтары мен балалардың қауіпсіздігін қамтамасыз ету» бөлігіне енгізілген түзетулерге сәйкес, жұмыс берушілер тұрмыстық зорлық-зомбылықтан зардап шеккен қызметкерге ақысыз демалыс беруге міндетті.

«Жұмыс беруші тұрмыстық зорлық-зомбылықтан зардап шеккендер арнаулы әлеуметтік қызметтер көрсететін ұйымдарда болған кезеңде жалақысы сақталмайтын, бірақ күнтізбелік отыз күннен аспайтын демалыс беруге міндетті», – делінген түзетуде.

Жалақысы сақталмайтын демалысты қызметкер ұзақтығын көрсете отырып, жазбаша хабарлама арқылы ала алады. Басты шарт арнаулы әлеуметтік қызметтер көрсету туралы анықтаманың көшірмесі болуы керек.

Сондай-ақ кодекске ұжымдық шарттың мазмұны мен құрылымына...

Қазақстан әртүрлі аймақтардағы жанармай құю станцияларында бензин мен дизель отынына сұранысты болжау үшін жасанды интеллектіні пайдаланады. Бұл туралы «Ұлттық ақпараттық тхнологиялар» АҚ-ның платформалық шешімдер жөніндегі басқарушы директоры Қуаныш Байтенов айтты.

«Бірнеше модельді қолданып жатырмыз. Олар бір-бірін екі рет тексереді және соңғы нәтижені көрсетеді. Мұнымен тоқтап қалған жоқпыз. Өнеркәсіп саласына тоқталатын болсақ, шамамен екі жыл бұрын дәл сол деректер жүйесінде бензинге қатысты үлкен проблемалар болған. Сондықтан аймақтар бойынша бензин балансына қатысты болжамдар жасадық және жедел шешімдер қабылдау үшін мемлекетке тиісті ақпаратты бердік. Ол тиімділігін көрсетті және көптеген іс мерзімінен бұрын атқарылды», – деді спикер 23 сәуірде VK...

Азат Еуропа/Азаттық радиосы мен Қазақстанның Сыртқы істер министрлігі журналистердің аккредитациясы бойынша өзара медиативті келісімге келді.

«Біз сыртқы істер министрлігімен келісімді құптаймыз. Бұл процесс барысында басты мақсатымыз журналистеріміздің Қазақстандағы маңызды жұмысын қауіпсіз әрі компромиссіз жүргізуге мүмкіндік жасау болды. Өз аудиториямызға тәуелсіз әрі шынайы ақпарат беру міндетіне адал болып қала береміз және бұл келісім осыны жүзеге асыруға жағдай жасайды деген сенімдемін», – деді Азат Еуропа/Азаттық радиосының президенті әрі атқарушы директоры Стив Капус.

Осыған дейін Халықаралық «Журналистерді қорғау комитеті» Қазақстан билігінің «Азаттық радиосының» 36 тілшісіне аккредитация бермеу туралы шешіміне қатысты пікір білдірген.

«Азат Еуропа радиосы/Азаттық радиосы» қазақ қызметі шынайы әрі сенімді ақпарат көзі ретінде танылған. Билікт...

Ресей Қазақстанға 2025 жылдан кейін Байқоңыр ғарыш айлағынан «Протон» зымыран тасығыштарын ұшыруды жалғастыруды ұсынды. Бұл туралы Ресейдегі зымыран өндіретін Хруничев атындағы орталық бас директоры Алексей Варочко «РИА Новости» агенттігіне берген сұхбатында айтты.

Қолданыстағы уағдаластық бойынша Ресей тарапы екі жылдан кейін Қазақстан аумағынан «Протон» ұшыруды тоқтатуы тиіс.

Хруничев орталығы Қазақстанға осы тасымалдаушыларды Байқоңырдан 2025 жылдан кейін де ұшыруды жалғастыруды ұсынды. 

«Хруничев орталығы мен «Роскосмос» мемлекеттік корпорациясы тарапынан ұсыныстар пысықталып, қазақстандық әріптестерімізге жолданды. Қазіргі уақытта бұл мәселені, оның ішінде «Байқоңыр» кешені бойынша «үкіметаралық комиссия шеңберінде іске асыру жолдарын іздеу процесі жүріп жатыр», — деді Варочко.

Варочконы...

Қазақстанда 650 мыңнан астам адам үй кезегінде тұр. Бұл жайлы Үкімет отырысында премьер-министр Олжас Бектенов айтты.

Жиында Үкімет басшысы биыл рекордтық 18 млн шаршы метр тұрғын үйді тапсыру міндеті тұрғанын айтты. Сонымен бірге үкімет алдында мемлекет басшысының жаңа ипотекалық бағдарламаны іске қосу туралы тапсырмасын жүзеге асыру міндеті тұрғанын ескертті.

«Біз жаңа тұрғын үй бағдарламаларын іске қосып жатырмыз. Баспанаға деген сұраныс арта түсуде. Қазіргі уақытта 650 мыңнан астам адам үй кезегінде тұр. Өткен жылы мемлекеттік органдарға осы тізімдерді реттеу жұмыстарын жүргізу тапсырылған болатын. Яғни аталған тізімде талаптарға толық сай келетін, баспанаға барынша мұқтаж азаматтар ғана...

Су тасқыны салдарынан қираған баспаналар тендерсіз салынады. Төтенше жағдай орын алған өңірлердің әкімдіктері үй салу үшін құрылыс компанияларымен тікелей келісімшартқа отырады. Бұл туралы Өнеркәсіп және құрылыс министрі Қанат Шарлапаев мәлімдеді.

Министр қазіргі жағдайда әкімдіктер тендер жариялап отырмайтынын айтты. Өйткені тендер өткізудің жұмысы тым ұзаққа созылады деп түсіндірді ведомство басшысы.

«Егер қазір тендер жарияласақ, ол бірнеше айға созылып кетеді. Ол жұмысты созбау үшін тікелей келісімшартқа кіріп жатырмыз. Ақтөбені мысалға алсақ, ол жерде бірнеше құрылыс компаниясы осы жұмысты жүргізіп жатыр. Ең алдымен, айтарым, ешкімге ешқандай бизнес емес. Ол компаниялар ешқандай табыс алмайды.  Олар 0-ге жұмыс істейді»,- деді министр.

Шарлапаев...

АҚШ кейбір қытайлық банктерді жаһандық қаржы жүйесінен ажыратуы мүмкін. Бұл мақсатта қазір санкциялар әзірлеуде. Ресми Вашингтон бұл шектеу Бейжің Ресей әскери өнеркәсібіне қолдау көрсетуді тоқтатуға мәжбүр етеді деген болжам жасады, деп хабарлайды The Wall Street Journal (WSJ) жеке дереккөздеріне сілтеме жасап.

«Қытай тарапының көмегі Мәскеуге өзінің әскери-өнеркәсіптік әлеуетін қалпына келтіруге мүмкіндік берді. Өйткені Қытай Ресей Федерациясына электронды схемаларды, ұшақ бөлшектерін, машиналарды жеткізеді. Банктер Ресейге коммерциялық экспортта негізгі делдал ретінде қызмет етеді, төлемдерді өңдейді және клиенттік компанияларға сауда несиесін береді», – деп жазды басылым.

Дегенмен Құрама штаттар шенеуніктері дипломатиялық келіссөздер Бейжіңді Ресей Федерациясына экспортты шектеуге...

Төтенше жағдайлар министрінің орынбасары Бауыржан Сыздықов министр Шыңғыс Әріновтің журналистер алдына не үшін шықпай жүргеніне түсініктеме берді.

Сыздықовтың сөзінше, қазір Төтенше жағдайлар министрі Шыңғыс Әрінов Батыс Қазақстан және Атырау облысындағы су басқан елдімекендерде жүр.

«Қазіргі таңда Батыс Қазақстан облысында, Атырау облысында, Солтүстік Қазақстан облысында жағдай өте күрделі. Премьер-министрдің тікелей тапсырмасы бойынша қазір төтенше жағдайлар министрі Атырау облысы мен Батыс Қазақстан облысының ортасындағы елдімекендерде жүр. Жеке құраммен, халықпен бірге қалай болғанда да су тасудың зардабын төмендетсек деген жұмыспен айналысып жүр. Сондықтан жауапкершіліктен қашып, келмей жатыр деп айту ұят болады», – деп жауап берді Сыздықов.

Ол су...

Teniz Capital Investment Banking АҚ ((бұрынғы «YURTA қаржы үйі») жарғылық капиталын 639,9 млн теңгеге арттырды. Бұл туралы компанияның Қазақстан қор биржасына жіберген хабарламасында жазылған.

Компания жарғылық капиталын 212,6 мың қарапайым акциясын сату арқылы өсірген. Қазіргі кезде орналастырылған қарапайым акциялардың саны 760,8 мың.

«Акциялары Қазақстан қор биржасының ресми тізімінде тұрған «Teniz Capital Investment Banking» АҚ KASE-ге «Teniz Capital Investment Banking» АҚ-ның (бұдан әрі – Қоғам) төленген жарғылық капиталы ұйымдастырылған қор нарығында қоғамның 212 683 қарапайым акциясын сату жолымен 639 943 213,71 теңге мөлшерінде ұлғайтылғаны туралы хабарлады. 2024 жылдың 19 сәуіріндегі жағдай бойынша орналастырылған қарапайым...

27 сәуір ресейлік «Вкусвилл» Алматыда алғашқы дүкенін ашады, деп жазады «Коммерсантъ».

Азық-түлік сату желісінің жаңа дүкенге нақты қанша инвестиция салғаны белгісіз. Бірақ сарапшылар бұл желі Қазақстанда бірқатар кедергіге тап болуы мүмкін деп есептейді. Компания Қазақстанға өз брендімен өнімдерді 2023 жылдың жазынан бастап жеткізе бастады. Қазір республикадағы 125 дүкенде олардың тауары сатылады.

«Қазақстан халқының компания ассортименті мен концепциясына деген қызығушылығын көріп, осында дүкен ашуды ұйғардық», – деп хабарлады сауда желісі ақпарат құралына.

Сонымен қатар желі елде қоймасы мен кеңсесін ашып, кейін одан әрі кеңейтуді жоспарлап отыр.

Компания басшылығы Қазақстандағы дүкенге салған инвестиция көлемін ашып айтпады...

Су тасқынынан зардап шеккен қазақстандықтарға көмектесу үшін Forbes тізіміндегі бизнесмендер бөлген қаржы тұрғын үй салуға жұмсалады. Бұл туралы Үкіметтің баспасөз алаңында журналистер сұрағына жауап бергенде Өнеркәсіп және құрылыс министрі Қанат Шарлапаев айтып берді.

«Көп кәсіпкер әлеуметтік жауапкершілігін сезініп, қаражат бөліп жатыр. Ең алдымен, құрылысқа кәсіпкерлердің көмегін жұмсаймыз. Одан кейін республикалық бюджеттен резерв бар, осы резервтің қаражатын бөлеміз. Содан кейін жергілікті бюджеттен қаржы бөлеміз», – деді. 

Министр аймақтарда тұрғын үй салу жұмысын бір қаржы көзінен қаржыландыру мүмкін емес екендігін айтты. Үкімет құрылысқа қаржыны нақты қайдан бөлу керек екендігін білу үшін алдымен шығынды есептеу жұмыстарын аяқталуын күтуге мәжбүр екенін...

Bank of America 2024 жылы инвесторлар үшін Apple акциялары ең жақсы таңдау екенін айтады. Банк мамыр айының басында шығатын есеп алдында Applе нәтижелеріне оптимизмен қарайды. Сондай-ақ компанияның ұзақмерзімді перспективасына да үміті зор және баға белгілеу 35%-ға өседі деп отыр. Morgan Stanley, керісінше, дүйсенбі, 22 сәуір күні, Apple акцияларына қатысты нашар божам жасап, мақсатты бағаны төмендетті, деп жазады Bloomberg

Bank of America бағалауы

«Apple траекториясында қорғаныстық ақша ағындарын жылдамдататын көптеген фактор бар» , – деп жазады Уамзи Мохан. Сарапшы инвесторларға Apple акциясын сатып алуға кеңес береді және мақсатты баға 225 доллар болады деп болжап отыр. Яғни бұл акция бағасы...

Астана қаласында салымшылардың 158 млн теңге ұрлаған қаржы пирамидасының басшысы 5 жылға бас бостандығынан айырылды.

Астана қаласының қылмыстық істер жөніндегі ауданаралық соты қаржы пирамидасының құрылымдық бөлімшесін басқарған азаматты 5 жылға бас бостандығынан айырды.

Сот ақпаратына сүйенсек, 2019 жылы пирамида басшысы жеке тұлғалардың ақшасын кәсіпкерлік қызметке пайдаланбай кіріс алу мақсатында «Hermes Ltd» өнімі бойынша «Life is good» қаржы пирамидасының құрылымдық бөлімшесін басқарған.

«Сотталушы бағдарлама салымшыларынан қаражат тарту мақсатында ай сайын салымшыларға сыйақы беруге уәде берген. Осылайша, ол жалпы сомасы 158 млн теңгеден асатын 17 азаматтың қаражатын тартты», – делінген сот хабарламасында.

Сот оны Қылмыстық кодекстің 217-бабы 3-бөлігі бойынша кінәлі деп таныды және 5 жыл мерзімге азаматтарды...

Jusan Invest брокерлік компаниясының 2023 жылғы жиынтық кірісі 2,279 млрд теңгені құраған. Бұл жайында компанияның жылдық қаржы есебінде жазылған.

Брокердің 2023 жылғытаза пайыздық кірісі 2,8 млрд теңгеге жеткен. 2022 жыл бұл көрсеткіш 1,6 млрд теңгені құрады.

Компанияның жиынтық активтері бір жыл бұрынғы 59 млрд теңгемен салыстырғанда 62,5 млрд теңгеге жеткен. Ал міндеттемелері 2022 жылдың соңындағы 20,3 млрд теңгеден 2023 жылы 14,5 млрд теңгеге дейін азайды.

Компанияның меншікті капиталы да өскен. 2022 жылы мешікті капитал көлемі 42,2 млрд теңгені құраса, 2023 жыл қорытындысында 44,4 млрд теңгеге жеткен.

Jusan Invest – бағалы қағаздар нарығында қазіргі заманғы инвестициялық шешімдердің ке...

Қазақстанда соңғы 5 жылда тұрғын үй құрылысына 12 трлн теңгеден астам инвестиция тартылған. Бұл жайлы Үкімет сағатында Өнеркәсіп және құрылыс министрі Қанат Шарлапаев айтты.

«Еліміздегі жалпы тұрғын үй құрылысын алсақ, соңғы 5 жылда тұрғын үй құрылысына 12 трлн теңгеден астам инвестиция тартылып, 78,5 млн шаршы метр жаңа тұрғын үй пайдалануға берілді», – деді Шарлапаев.

Нәтижесінде барлық қаржыландырудың көздері есебінен 695 мың отбасы тұрғын үй жағдайларын жақсартқан. 2030 жылға қарай бұл көрсеткішті 1 млн адамға жеткізу көзделіп отыр. Сол мақсатта 111 млн шаршы метр тұрғын үй салу жоспарланған. Ал 2024 жылы экономикалық өсуд...

Су тасқынынан зардап шеккен әр отбасыға бір реттік төлемнен бөлек қосымша 150 АЕК-ке дейін қаражат бөлінеді. Бұл жайлы Үкімет отырысында премьер-министр Олжас Бектенов айтты.

Ол өңірлердегі жағдай біртіндеп тұрақталып келе жатқанын, Ақмола, Ақтөбе, Қарағанды, Қостанай және Павлодар облыстарында қауіптің беті қайтқанын мәлімдеді. Ал жағдай аса күрделі болған Петропавл және Құлсары қалаларында су тартыла бастаған.

«Өткен аптада залалды өтеу жұмыстары басталып кетті. Зардап шеккендерге келтірілген шығындарды өтеу тәртібіне түзетулер бекітілді. Кеше мен тиісті қаулыға қол қойдым. Қазіргі уақытта 11 мыңға жуық отбасы 100 айлық есептік көрсеткіш мөлшерінде төлем алды. Бұл – үлкен жұмыстың басы ғана...

Қаржы мониторингі агенттігі гидротехникалық нысандарын күтіп-ұстауға бөлінген қаржыны тексеріп, 1 млрд теңге шығын келгенін анықтаған.

«Қаржылық мониторинг органдары Алматы қаласында, Ақтөбе, Қызылорда және Ұлытау облысында жымқыру белгілері бойынша төрт іс қозғады. 5 адам күдікті деп танылды. Залалдың жалпы сомасы 1 млрд теңгеден асты», – делінген хабарламада.

ҚМА төрағасы Дмитрий Малахов тасқын салдарын жоюға бөлінген қаржыны мақсатты пайдалану мен көмек зардап шеккен барлық азаматқа нақты жетуін қамтамасыз етуді тапсырды. Одан бөлек жергілікті әкімдіктер мен құзырлы мекемелер азық-түліктің қымбаттамауын қадағалайтын болады.

«Агенттіктің аумақтық департаменттерінің басшылары мемлекеттік органдар мен шаруашылы...