Жаңалықтар

Қырғызстанның Ауыл шаруашылығы министрлігі Қазақстанның Жамбыл облысын сумен қамту жағдайына қатысты түсініктеме берді, деп хабарлайды 24.kg. Қырғыз тарапының мәліметінше, Қазақстан өзіне тиесілі үлесті пайдаланып тастаған. Яғни, үнемдемеген. Ал қырғыз тарапы кесте бойынша үнемдеп, су тапшылығын болдырмаған.

«Қазақстан Республикасымен суды бөлісу жыл сайын вегетациялық кезең басталғанға дейін әзірленетін және Шу-Талас су комиссиясының тең төрағаларымен қол қойылған суды алу кестелеріне сәйкес жүзеге асырылады. Бірақ 2023 жылы бұл кестелер маусым айында ғана келісіліп, су көздеріндегі судың аздығына байланысты ағымдағы жағдайды ескере отырып бекітілді», делінген хабарламада.

Ведомствоның хабарлауынша 2023 жылғы 17-19 шілдесінде Бішкек қаласында Шу және Талас...

Ақмола облысы Ақкөл ауданының прокуратурасы жалпы ауданы 264 га сауықтыру, туристік және спорттық мақсаттар үшін ұзақ мерзімге  пайдалануға берілген орман қорының учаскесін мемлекетке қайтарды, деп хабарлайды Атырау облысы прокуратурасының баспасөз қызметі. 

«Учаске 2018 жылдан бастап көзделген мақсатта пайдаланбаған және жалдау ақысы төленбеген. Сонымен қатар, орман өрттері қаупінің жоғары дәрежесіне қарамастан, олардың алдын алу бойынша іс-шаралар жүргізбей, өртке қарсы жоспарлар әзірлемеген», делінген баспасөз хабарламасында. 

Баспасөз қызметінің хабарлауынша, бұл мән-жайлар аудан прокуратурасының актісі бойынша уәкілетті органмен сотқа жүгінуге негіз болған.

Нәтижесінде Ақмола облысының мамандандырылған ауданаралық экономикалық сотының шешімімен ұзақ мерзімді орман пайдалану шарты бұзылып, жалпы құны...

Қазақстан, Ресей, Өзбекстан «үш жақты газ альянсын» кеңейтуге қатысты туындаған бірқатар мәселелерді айқындау керек. «Түркіменгаз» мемлекеттік концерні басшысының орынбасары Мырад Арчаев осылай деп мәлімдеді.

Бұған дейін, РФ СІМ экономикалық ынтымақтастық департаментінің директоры Дмитрий Биричевский Қазақстан, Ресей, Өзбекстан «үш жақты газ альянсын» кеңейтуге қатысты мәлімдеме жасаған. Ол «газ саласындағы үш жақты ықпалдастықты кеңейту» мүмкіндігі бар екенін және «оған өзге де мемлекеттер қызығушылық танытып отырғанын білетінін» жария еткен.

Арчаевтың сөзінше, мұндай мәлімдемеге қатысты бірнеше сауал туындайды, атап айтқанда, қандай кеңею мүмкіндіктері туралы сөз болып отыр, ол жобаға қызығушылық танытып отырған қандай мемлекеттер және газ саласындағы үш жақты ынтымақтастық деген...

«Ашық НҚА» порталында қызметтік міндеттерін (мемлекеттік орман қорын күзету және қорғау қызмет міндеттерін) атқару кезінде мертігуі (жарақаттануы, жаралануы, контузия алуы) салдарынан қаза тапқан мемлекеттік орман күзету қызметкерінің отбасы мүшелеріне ақшалай төлемді жүзеге асыру қағидалары мен мөлшерін бекіту туралы үкімет қаулысы талқыланып жатыр.

Құжатта қызметтік міндеттерін атқару кезінде мертігуі салдарынан қаза тапқан мемлекеттік орман күзету қызметкерінің отбасы мүшелеріне ақшалай төлемді жүзеге асыру  қағидалары мен мөлшері бекітілген.

«Қоса беріліп отырған Қызметтік міндеттерін (мемлекеттік орман қорын күзету және қорғау қызмет міндеттерін) атқару кезінде мертігуі (жарақаттануы, жаралануы, контузия алуы) салдарынан қаза тапқан (қайтыс болған) мемлекеттік орман күзету...

2023 жылдың алғашқы тоқсанында Қазақстанға келген шетелдік туристер саны 2,3 есе артты, деп хабарлайды Мәдениет жән спорт министрлігінің баспасөз қызметі.

«Былтыр елімізге 1 миллионға жуық шетелдік турист келді. Биыл бұл көрсеткіш 1,4 миллионға дейін өседі деп күтілуде. Бұл шетелдік қонақтардың Қазақстанға туристік бағыт ретінде қызығушылығының артып келе жатқанын көрсетеді. Мәселен, жаз басталғалы Қазақстанға келген шетелдіктер саны 3 есе артты», деді ҚР МСМ Туризм индустриясы комитетінің төрағасы Дастан Рыспеков.

Биылғы қаңтар-наурыз аралығында елімізге 227,7 мың шетелдік турист келген. Бұл 130 мың адамға немесе 2,3 есе көп. Салыстырмалы түрде, өткен жылдың сәйкес кезеңінде Қазақстанға 97 мың шетелдік...

Оқу-ағарту министрлігінің Балалардың құқықтарын қорғау комитетінің хабарлауынша, қыркүйектің 1-нен бастап аз қамтылған отбасылардан шыққан 1,5 миллионнан астам оқушы, сондай-ақ әлеуметтік мәртебесіне қарамастан бастауыш сынып оқушылары тегін тамақпен қамтылады. Министрлік мектептегі тамақтану сапасын арттыру мәселесін пысықтап жатыр.

Ақпаратқа сәйкес, республика бойынша бір балаға берілетін бір күндік астың құны орта есеппен 577 теңге, алАлматы қаласында 800 теңгені құрайды.

«Алдыңғы жылдары 1-4 сынып оқушыларын тегін тамақпен қамту 56,6% құрады. Бұл Астана, Алматы және Шымкент қалаларының, Павлодар, Батыс Қазақстан, Қарағанды, Ұлытау, Қызылорда және Атырау облыстарының оқушылары. Мемлекет басшысының тапсырмасын орындау мақсатында қалған өңірлердің оқушыларын тегін тамақпен қамтамасыз ету...

Маңғыстау облысының бірқатар елді мекендерінде электр энергиясын «тиімді» ажырату әдісі қолданыла бастайды. Бұл жайлы Энергетика министрлігнің баспасөз қызметі хабарлады.

«Осы жылдың 13 тамызында №3 энергоблоктың авариялық жөндеуде болуына және «МАЭК» ЖШС электр станциясында №1 ЖЭС энергоблогының тоқтауына байланысты «КЕГОК» АҚ Ұлттық диспетчерлік орталығы диспетчерінің келісімімен электр энергиясын тұтынуға ішінара шектеулер енгізілді», деп хабарлайды Қоғамдық коммуникация орталығы.

Осыған байланысты өңірде облыс басшылығының төрағалығымен жедел штаб ашылып, оның құрамында уәкілетті мемлекеттік органдар мен коммуналдық қызмет өкілдері кірген. 13-14 тамызға қараған түні жедел штаб жұмысы барысында бірінші санаттағы әлеуметтік және денсаулық сақтау объектілерін электр энергиясымен қамтамасыз ету мәселес...

Қазақстан Республикасының Аустрия және Андорра князьдігіне елшілер тағайындалды, деп хабарлайды Ақорда.

«Мемлекет басшысының жарлығымен Мұхтар Бескенұлы Тілеуберді Қазақстан Республикасының Аустрия Республикасындағы Төтенше және Өкілетті Елшісі, Қазақстан Республикасының Вена қаласындағы халықаралық ұйымдар жанындағы Тұрақты өкілі лауазымына тағайындалды», делінген хабарламада.

Қазақстан Республикасының Аустрия Республикасындағы Төтенше және Өкілетті Елшісі, Қазақстан Республикасының Вена қаласындағы халықаралық ұйымдар жанындағы Тұрақты өкілі және Қазақстан Республикасының Словения Республикасындағы Төтенше және Өкілетті Елшісі қызметін атқарып келген Әлібек Әсетұлы Бақаев балық лауазымдарынан босатылған.

Сонымен бірге Қазақстан Республикасының Испания Корольдігіндегі Төтенше және Өкілетті Елшісі Данат Өмірбайұлы Мұсаев Қазақстан Республикасының Андорра Князьдігіндегі Төтенше...

Бүгін сағат 13:22-де 101 пультіне  Ақтөбе қаласының Жаманқұлов көшесіндегі бес қабатты тұрғын үйлердің бірінде өрт шыққаны туралы  хабарлама келіп түсті. Бірінші қабаттағы пәтерде үй заттары өртенді. Бұл туралы Ақтөбе облысы ТЖД баспасөз қызметі хабарлады.

Шақыру орнына келген өрт сөндірушілер өртті сөндіруге және тұрғындарды эвакуациялауға кірісті.

Барлау  жүргізу кезінде өрт сөндірушілердің жедел әрекеттерінің арқасында құтқару қалпақтарының көмегімен 4 адам құтқарылды. Сонымен қатар баспалдақ маршы арқылы 40 адам, оның ішінде 10 бала эвакуацияланды.

Өрт сағат 13.47-де сөндірілді. Өрт алаңы 20 шаршы метрді құрады. Зардап шеккендер жоқ, өрттің себебі анықталуда.

Өртті сөндіруге Ақтөбе облысы ТЖ департаментінің 26 өрт сөндіруші мен 6 бірлік техникасы...

Астанада 13 жыл қылмыстық қудалаудан жасырынған Қырғызстан азаматы ұсталды, деп хабарлайды 24kg.

Басылымның хабарлауынша, 2008 жылдың қазан айында күдікті азаматтардың сенімін пайдаланып, ұялы телефондарды иемденген.

Екі жылдан кейін Бішкек Свердлов ауданының ІІБ ер адам мемлекетаралық іздеуге жарияланды.

Қазіргі кезде Қырғызстан азаматы Астана полиция департаментінің уақытша ұстау изоляторында.

Оны Қырғызстанға экстрадициялау мәселесі шешілуде.

ЕО Батыс Африка елдерінің экономикалық қоғамдастығының республикадағы «демократияны қалпына келтіру» әрекеттерін қолдау үшін Нигерге қарсы жеке санкция енгізуге дайындалып жатыр. Бұл туралы «Известия» басылымы ЕО-ның Сыртқы істер және қауіпсіздік саясаты жөніндегі Жоғарғы өкілі Жозеп Боррелдің Х әлеуметтік желісіндегі Твиттерге сілтеме жасап хабарлады.

ЕО сыртқы саясат қызметі басшысының айтуынша, Еуроодақ Батыс Африка елдерінің экономикалық қоғамдастығының күш-жігерін қолдайды. Жеке санкциялардың жаңа режимін енгізу арқылы оларды іс жүзінде жүзеге асыру үшін үлес қосуға дайындалып жатыр.

Баррель қандай санкциялар енгізілетінін айтқан жоқ.

Қазіргі уақытта жағдай тұрақты, су басқан үйлер жоқ. Бұл туралы ТЖМ баспасөз қызметі хабарлады.

Жұмылдырылған күштер мен құралдар жүргізген инженерлік және су сору жұмыстарының нәтижесінде Жетісу облысының елді мекендерінің аулалар мен аулалар маңы аумақтарынан су кетті. Жалпы  3 456 текше метр су сорылды. 

Құтқарушылар тұрғындарға аула аумақтарын қоқыс пен балшықтан  тазартуға көмек көрсетуде.

Эвакуациялау пунктінде 16 адам, оның ішінде 7 бала қалды.

Қазгидрометтің болжамына сәйкес 13 тамызда түнде Жетісу облысының оңтүстігінде, таулы аудандарында қатты жаңбыр күтіледі. Облыстың оңтүстігінде, таулы аудандарында найзағай, күндіз бұршақ, дауыл күтіледі.Солтүстік-батыстан жел соғады, облыстың оңтүстігінде, шығысында, таулы аудандарында екпіні15-20, кей уақытта 25-28 м/с.

ҚР ДСМ Медициналық және фармацевтикалық бақылау комитеті Өзбекстанда балалардың өліміне әкеп соққан ДОК-1 МАКС препаратының ақпаратына қатысты келесіні хабарлады.

ДОК-1 МАКС Қазақстан Республикасының аумағында тіркелмеген, тиісінше іске асыруға жатпайды. ҚР-дағы ірі дәріхана желілері мен дәрілік заттар дистрибьюторларының ресми деректері бойынша бұл препарат жоқ және республика бойынша сатылмайды деп ресми мәлімдеді.

Айта кету керек, ҚР «Халық денсаулығы және денсаулық сақтау жүйесі туралы» Кодексіне сәйкес дәрілік заттардың сапасын бақылау жүйесі олардың өмірлік циклінің барлық кезеңдерінде жұмыс істейді. Дәрілік заттардың сапасы мен қауіпсіздігін реттеудің негізгі элементі мемлекеттік тіркеу болып табылады, оның алдында олардың тиімділігін, қауіпсіздігі мен сапасын кешенді бағалау жүргізіледі. Онсыз дәрілік...

Алдағы жылыту маусымына дайындық мақсатында жалпы сомасы 8 098,2 млн теңгеге жылу желілері мен жылу көздерін жөндеу және қайта жаңғырту бойынша жоспарлы жұмыс жүріп жатыр. Бұл туралы ҚазАқпарат хабарлады.

Жөндеу жұмысы 30 қыркүйекке дейін аяқталуы керек.

Сонымен қатар жылыту маусымының басына қарай «Ғаббасов» және «Орталық» қазандықтарын қайта жаңғыртуды аяқтау жоспарланып отыр.

Қазіргі таңда екі қазандықта да жұмыстың 80% аяқталды.

Абай облысын орталықтандырылған жылумен жабдықтау қуаты 100 Гкал/сағ астам 4 ірі жылу көзімен (ЖЭО – 1, АҚ-1, Семей қаласындағы «Орталық» қазандығы және Бородулиха ауданы Жезкент кентінің қазандығы) және қуаты 100 Гкал/сағ кем 40 жылу көзімен: Бородулиха ауданы – 6, Абай...

50,3 келі кептірілген марихуана және каннабис өсімдігі есірткі құралдары тәркіленді.

Жедел-іздестіру іс-шараларын Жамбыл облысы ПД ЕҚҚІБ, ҚР ІІМ ЕҚҚІД, ҰҰ «Бүркіт» АМБ қызметкерлері Теа атты қызметтік-іздестіру итін қолдана отырып жүргізді.

Ұсталған адам кінәсін мойындап, Шу қаласының УҰИ-ға қамауға алынды. ҚР ҚК 296-бабы 4-бөлігімен сотқа дейінгі тергеу басталды.

 Гавай аралдарындағы өрттен қаза тапқандар саны 67 адамға жетті. Бұл туралы ҚазАқпарат хабарлады.

Басқа жүздеген адам жоғалғандар тізімінде, сондықтан құрбандар саны тағы өсуі мүмкін.

Коменданттық сағат Лахайнада күн сайын жергілікті уақыт бойынша 22.00-ден 06.00-ге дейін жұмыс істейді, ал қаланың ең көп зардап шеккен бөлігі іздеу-құтқару қызметтері үшін әлі де шектеулі.

Естеріңізге сала кетейік, бұған дейін АҚШ сенаторы әлеуметтік желіде Лахайна «толығымен дерлік өртеніп кеткенін» айтқан болатын.

Лахайна орналасқан батыс Мауи әлі күнге дейін электр қуаты мен сусыз отыр.

«Лахайна қираған аймаққа айналды. Олар (тұрғындар) өз өмірлерінде бұрын-соңды мұндайды көрмеген», – деді апаттан кейін қалаға келген губернатор Джош Грин...

«Семей орманы» резерватының қызметкерлері шу шығарды. Олар басшылықтан еңбекақыны 70%-ға көтеруді талап етті. Бұл туралы Zakon.kz хабарлады.

«Олар орман шаруашылығының барлық қызметкерінің жалақысын көтеруге уәде берген еді. Алайда ол үстемақыны көрмедік. Қазір барлығы қымбат. Мардымсыз еңбекақымен қалай күн көреміз? Нағыз, қауіпке бас тігетіндердің ақшасы өспеген»,-деді «Семей орманы» МОТР филиалының өрт сөндіру станциясының бастығы Таңатбек Мусин.

КТК телеарнасының хабарлауынша, «Семей орманы» резерватының кеңсесіне жиналған қызметкерлер жұмыс істеуден жаппай бас тартты. Себебі алапат өрттен кейін, экология және табиғи ресурстар министрі олардың жалақысын көтеруді уәде еткен. Дегенмен 1 шілдеден бастап 70% үстемақы орманшылардың бәріне...

«KEGOC» АҚ 11 тамызда Астана уақытымен сағат 14:20-да Маңғыстау облысындағы ЖЭО-2-де екі турбоагрегат сөндірілгенін мәлімдеді. Бұл туралы ҚазАқпарат хабарлады.

Соның салдарынан Атырау электр орталығында тұтынушылық – 45 МВт-қа, кейіннен Маңғыстау электр орталығында 98 МВт-қа ажыратылды.

«Автоматтандырудың жүйелі жұмысы желі мен инфрақұрылым объектілеріне ауыр зардаптар келтірмеуге ықпал етті. 1-ші санатты тұтынушылардың, өмірлік маңызды нысандардың, соның ішінде ауруханалардың жұмысы зардап шеккен жоқ», – деп жазды KEGOC компаниясынан.

Кейін, сағат 16:30-да жаңа апат орын алған. Жүктеме 147 МВт-қа төмендеген соң, МАЭК ЖЭО-дағы 3-блок өшірілді. Бұл Атырау энергетикалық орталығында электр энергиясын тұтынуды 55 МВт-қа және Маңғыстау энерготорлығында...

Барахолка базарындағы өрт оқшауланды. Бұл туралы ТЖМ баспасөз қызметі хабарлады.

«Алматылық өрт сөндірушілердің күшімен 2250 ш.м. аумақтағы өрт оқшауланды»-делінген хабарламада.

Өртті сөндіруге ТЖД 25 техникасы, 85 адамы, сондай-ақ қаланың өзара іс-қимыл қызметі жұмылдырылды.

Айта кетейік, Алматыда «барахолка» базары аумағында ірі өрт шықты деп хабарладық.

Алматыда «барахолка» маңында өрт шықты. Бұл туралы ТЖМ баспасөз қызметі хабарлады.

Алматы қалалық төтенше жағдайлар департаментінің мәліметінше,12 тамыз сағат 07:16-да Алматы қаласының Жетісу ауданында Москвин көшесіндегі қоймалар өртенгені туралы хабарлама келіп түсті.

«Жедел штаб, бірнеше өрт сөндіру учаскелері құрылды. Ғимараттың құрылымдық ерекшеліктеріне байланысты жоғары температура жоғарылап, құрылымдардың құлау қаупі пайда болды. Көрші қоймаларды сөндіруге және қорғауға оқпандар енгізілді»-делінген хабарламада.

Өртті сөндіруге ТЖД 25 техникасы, 85 адамы, сондай-ақ қаланың өзара іс-қимыл қызметі жұмылдырылды.

Жетісу облысы Сарқан ауданында металлургиялық кешен құрылысы жүріп жатыр. Бүгін Сарқан ауданының әкімдігі аталмыш кәсіпорынмен ынтымақтастық туралы меморандум жасасты. Құжатта аудан тұрғындарын кәсіпорынға жұмысқа орналастыру, өнеркәсіп орнын аудан аумағына тіркеу туралы мәселелер қамтылды, – деп хабарлады Жетісу облысы әкімінің баспасөз қызметі.

Аудан әкімдігінің мәліметіне қарағанда, «Aksenger LTD» ЖШС Сарқан ауданы Лепсі ауылдық округіне қарасты Шөлқызыл станциясының маңында құрамында алтыны бар кенді өндіру және өңдеу металлургиялық кешені құрылысын жүргізіп жатыр. Жобаға 3 млрд. теңгеге жуық инвестиция тартылды.

Кәсіпорын іске қосылғанда жылына 180 мың тонна кен өндіретін қуатқа ие болмақ. Жоба толық қуатына шыққанда 200 адамды жұмыспен қамтиды. Қазірге кезде мұндағы құрылыс...

Жамбыл облысында жұмыс сапары барысында ҚР Премьер-Министрі Әлихан Смайылов жергілікті егіншілермен кездесті. Сеңкібай су арнасы құрылысының барысын тексеріп, вегетациялық кезеңде суды пайдалану тиімділігін арттыру шараларымен танысты. Бұл туралы Үкімет баспасөз қызметі хабарлады.

Әлихан Смайыловтың өңірлік ауыл шаруашылығы құрылымдарының басшыларымен кездесуі барысында субсидиялау, ауыл шаруашылығы техникасы мен минералды тыңайтқыштар сатып алу, егістік сумен қамтамасыз ету және басқа да бірқатар мәселелер көтерілді. Атап айтқанда, құрғақшылық салдарынан болған егін шығынын өтеу туралы мәселе көтерілді. 

Премьер-Министр қазіргі уақытта өңірлік ауқымдағы төтенше жағдай жариялау және Үкімет резервінен қаражат бөлу есебінен фермерлердің шығындарын өтеу мәселесі пысықталып жатқанын атап өтті. 

«Жоспар бойынша қыркүйек айының соңына дейін барлығы есептеліп...

Таиландтағы Паттайя курорттық қаласының жағажайларында коменданттық сағат енгізілуі мүмкін. Бұл туралы  inbusiness.kz хабарлады.

Bangkok Post басылымның мәліметінше, жағажайларда таңертеңге дейін жалғасатын шулы кештер өтіп, қоқыс тау болып үйіліп жатады. Жергілікті тұрғындардың осыған қатысты шағымдары жиілеген.

«Бүгінгі таңда бұл жағажайлардың ашылу және жабылу сағаттарын енгізу мәселесі пысықталып жатыр. Бұл мәселені шешу жолы болуы мүмкін», – деді Паттайя мэрінің орынбасары Вуттисак Ремкичакан.

Бүгін сағат 13: 20-да МАЭК ЖШС тарапынан электр энергиясын авариялық ажыратылуына байланысты «ҚазАзот»АҚ зауытында 2 агрегаттың жұмысы тоқтатылды. Бұл туралы ҚР Экологиялық реттеу және бақылау комитеті хабарлады.

Экологиялық реттеу және бақылау комитетінің хабарлауынша, Сөндіру нәтижесінде әлсіз азот қышқылының өндірістік цехында атмосфераға нитрозды газдың қысқа мерзімді шығарылуы орын алды.

Экология департаментінің қызметкерлері кәсіпорынның санитарлық-қорғау аймағында атмосфералық ауаны өлшеуді жүзеге асырды, ластаушы заттардың ШРК асып кетуі тіркелген жоқ.

Қазіргі уақытта Департамент «ҚазАзот» АҚ-ға қатысты жоспардан тыс тексеруді ашу бойынша жұмыс жүргізуде.