Жаңалықтар

Сауд Арабиясының Қажылық және ұмра министрлігі Қазақстанға 2026 жылға 4 мың орын бөлінгенін ресми түрде жариялады. Бұл туралы Kursiv.Media мүфтият мәліметіне сүйене отырып хабарлады.

Қазақстан мұсылмандары діни басқармасының төрағасы, бас мүфти Наурызбай қажы Тағанұлы Сауд Арабиясына барып, осы елдің қажылық және ұмра министрі Тауфиқ ибн Фаузан ар-Рабиамен Жидда қаласында кездесті. Жүздесу барысында 2026 жылы республикаға 4 мың қажылық квотасы бөлінгені мәлім болды. Бұл 2025 жылға қарағанда аз көрсеткіш. Биыл Қазақстан 4,5 мың орын алған еді.

«Кездесуде тараптар 2026 жылғы үлкен қажылық маусымын жоғары деңгейде ұйымдастыру мәселелерін жан-жақты талқылады», – деп таратты мүфтият.

Бас...

«Хуторлық» деген атпен белгілі Хасан Қасымбаев үкім оқылар кезде айыпталушы отыратын кабина әйнегін сындырды. Ол сот залынан БАҚ өкілдерін шығаруды талап етті, деп хабарлайды KursivMedia тілшісі сот залынан.

Сотталушының туыстары да журналистердің шығуын сұрап, сот залында шу шығарды. Олардың сөзінше, БАҚ өкілдері бұған дейінгі сот отырысына қатыспаған.

Алматы облысы соты мамандары БАҚ өкілдері қауіпсіздігін ескеріп, оларды басқа кабинетке шығарды.

Айта кетейік, 11 қарашада Хасан Қасымбаевқа сот үкімі шығады.

Қостанай облысының Рудный қаласында Sustainable Aviation Fuel (SAF) – экологиялық таза авиаотын өндіретін зауыт салынбақ.

Қазақстан Үкіметі экологиялық таза авиаотын өндірісін жолға қою бойынша америкалық LanzaJet компаниясымен ынтымақтастық орнатқан. Премьер-министр Олжас Бектенов компанияның бас директоры Джимми Самариц пен коммерциялық вице-президент Стефан Тионмен кездесу өткізіп, өнеркәсіп және технологиялық серіктестік мәселелерін талқылады.

LanzaJet компаниясы биоэтанолдан авиаотын өндірудің озық технологиясын ұсынады. Этанол әртүрлі органикалық шикізаттан (дәнді дақылдар, жүгері, картоп және басқа ауылшаруашылық өнімдері) өндіріледі. Болашақ кәсіпорынның жылдық қуаттылығы 54 мың тонна авиаотын және 100 мың тоннаға дейін биоэтанол өңдеу көлемін қамтиды. Қазіргі таңда зауыттың техникалық-экономикалық негіздемесі (ТЭН) дайын.

Биологиялық авиаотын...

Қазақстанда 20 мыңнан астам ресейлік компания жұмыс істеп тұр. Осының нәтижесінде жаңадан ондаған мың жаңа жұмыс орны ашылған. Бұл туралы Қасым-Жомарт Тоқаевтың «Российская газетаға» жариялаған мақаласында айтылған.

Президенттің сөзінше, Қазақстан – Ресей арасындағы ынтымақтастықта энергетиканың рөлі ерекше.

«Бірлескен күш-жігердің нәтижесінде Ресей энергия ресурстары транзиті Қытай мен Орталық Азия елдеріне үздіксіз қамтамасыз етіліп отыр. Ірі энергетикалық нысандардың құрылысы жүргізіліп, жаңғыртылып жатыр. Қазақстандағы алғашқы атом электр станциясының құрылысы «Росатом» басқаратын халықаралық консорциумның қатысуымен жүзеге асырылады», – деген Тоқаев.

АЭС құрылысы жоба технологиялар трансфері, маман даярлау, жаңа жұмыс орындарын ашу, машина жасау салаларын дамытуда жаңа мүмкіндіктерге...

Зүлфия Сүлейменова Қазақстан Республикасы Сыртқы істер министрлігінің арнайы тапсырмалар жөніндегі елшісі қызметіне тағайындалды.

Зүлфия Болатқызы Сүлейменова 1990 жылы Ақтөбе қаласында дүниеге келген.

2012 жылы Л.Н. Гумилев атындағы Еуразия ұлттық университетін «халықаралық қатынастар» мамандығы бойынша тәмамдап, 2014 жылы халықаралық қатынастар магистрі дәрежесін алған. Кейін 2016 жылдан бастап Жапониядағы Ұлттық саясат зерттеулері институтында (GRIPS) PhD бағдарламасы бойынша білім алды.

Еңбек жолын 2013 жылы бастаған.

2014–2015 жылдары Қазақстан Республикасы Президенті жанындағы Қазақстан стратегиялық зерттеулер институтының (ҚСЗИ) сыртқы саясат және халықаралық қауіпсіздік бөлімінде ғылыми қызметкер болды.

2015–2017 жылдары Біріккен Ұлттар Ұйымының Азия және Тынық мұхиты өңіріне арналған экономикалық және әлеуметтік комиссиясында (ЭСКАТО, Бангкок, Таиланд...

Мәскеу қаласы Президент Қасым-Жомарт Тоқаевтың мемлекеттік сапарына ерекше дайындықпен кірісті. Қала көшелерінде Қазақстан мен Ресейдің тулары қатар ілінді. Әсіресе Ленин даңғылы бойында, қала орталығына қарай және «Октябрьская» метро станциясына дейінгі аралық екі елдің достығын бейнелейтін ту жұптарымен безендірілді.

Бүгін Қасым-Жомарт Тоқаевтың Ресей Федерациясына мемлекеттік сапары ресми түрде басталды. Сапар барысында Мемлекет басшысы Ресей Президенті Владимир Путинмен келіссөздер өткізеді. Сонымен қатар Қасым-Жомарт Тоқаев бейнебайланыс арқылы Орал қаласында өтіп жатқан Қазақстан мен Ресейдің XXI өңіраралық ынтымақтастық форумының пленарлық отырысына қатысады.

Сапар аясында екі ел арасындағы стратегиялық әріптестікті нығайтуға бағытталған маңызды құжаттарға қол қойылмақ.

Бельгия құрамасының және мадридтік «Реалдың» қақпашысы Тибо Куртуа жарақатына байланысты Қазақстан құрамасына қарсы ойынға қатыспайтын болды.

«Реалдың» баспасөз қызметінің мәліметінше, медициналық тексеріс нәтижесінде қақпашының оң аяғындағы бұлшық еті жарақаттанғаны анықталған. Дәрігерлер оның жағдайын алдағы күндері бақылауда ұстайды.

Осыған байланысты Тибо Куртуа Бельгия құрамасына қосылып, әлем чемпионатының іріктеу кезеңіндегі Қазақстанмен (15 қараша) және Лихтенштейнмен (18 қараша) өтетін матчтарға қатыспайды.

Айта кетейік, қыркүйек айында «Қайрат» пен «Реал Мадрид» арасындағы кездесуден кейін Куртуа жас қазақстандық қақпашы Шерхан Қалмұрзаны қолдап, онымен жейде алмастырған еді. Сондай-ақ бельгиялық ойыншы бұл сәттің суретін өзінің Instagram парақшасында жариялады. Осы жазбадан кейін Шерханның әлеуметтік желідег...

Игорь Мартынюк- Павлодардағы Ахмет Байтұрсынұлы атындағы орта мектеп оқушысы, қазір 11-сыныпта оқиды. Осы жылы жазда Игорь прокрастинацияны (бойдағы мазасыздық салдарынан маңызды істерді кейінге ысыру) жеңіп, фокусыңды тек бір жобаға аударуға көмектесетін TabAI деп аталатын қосымша дайындады. Яғни интернетте жұмыс істегенде артық контентке назар салмай, тек өз жұмысыңмен айналысуға көмектесетін стартап. Қазір оны 10 мыңға жуық адам қолданады. Игорьдің өзі қолданбасын дамыту үшін 30 мың доллар грант тартқан. Kursiv.Media тілшісі оқушымен тілдесіп көрді.

Nasa ұйымдастырған конкурсқа қатысып, 500 мың теңге алдық

– Игорь, алдымен өзіңді таныстыра кетсең. Бағдарламалауға қалай келдің?

– Қазір мен 11-сыныпта оқимын, жасым он жетіде. Бірақ бағдарламалаумен 14 жасымнан...

Әйгілі «Дәстүр» франшизасының жалғасы  «Дәстүр: Теріс бата» фильмі 25 желтоқсанда үлкен прокатқа шығады. Туындыны Tolqyn Film Fund қоры қаржыландырған.

Фильмнің режиссері – көрерменге «5:32» сериалымен танылған Алишер Өтев, ал продюсерлер қатарында алғашқы бөлімнің авторлары Қуаныш Бейсек пен Алмас Жәлі бар. Алдияр Жапархан мен Фариза Ескермес басты рөлдерде ойнайды.

5 қыркүйекте фильм продюсерлері түсірілім алаңындағы кейбір кадрларды жариялаған. Ол жерден актерлер қатарынан Бақытжан Әлпейіс те көрінді. Әзірге, жобаның не туралы екені белгісіз.

Айта кетейік, 2023 жылы шыққан «Дәстүр» фильмі Қазақстан кино тарихындағы ең кассалық жобаға айналып, прокатта 2 млрд теңгеден астам табыс жинаған. Киногерлердің айтуынша, жаңа бөлім отандық киноиндустриядағы кезекті жарқын әрі креативті оқиға болмақ.

Инвестор Уоррен Баффет Berkshire Hathaway компаниясының акционерлеріне арналған соңғы қоштасу хатын жариялады. Ол компанияның 1800 акциясын қайырымдылық қорларына, атап айтқанда, өз балаларының қорларына аударатынын мәлімдеді. Bloomberg есептеуінше, Баффет 1,3 млрд доллардан астам қаржыны қайырымдылыққа бермекші.

Сонымен қатар ол енді Berkshire Hathaway компаниясының жыл сайынғы есептерін жазбайтынын және акционерлер жиналыстарында сөз сөйлемейтінін айтты. Ал өзінің мұрагері ретінде компанияда 30 жылдан астам жұмыс істеген Грег Абельді атады.

«Ол – үздік менеджер және жақсы коммуникатор. Біздің компанияларымыз бен ондағы адамдар жайлы менен де жақсы біледі», – деп жазды Баффет мұрагері жайлы.

Баффет соңғы хатында өзінің серіктеріне ерекше ризашылығын білдірді. Қартаю, сәттілік және мейірімділікт...

Әлемге әйгілі америкалық жазушы Стивен Кингтің пайымдауынша, елдің әлеуметтік-экономикалық ахуалы нашарлап, дағдарысқа ұшыраған шақта хоррор жанрындағы фильмдерге сұраныстың артатыны таңғаларлық жайт емес.

Автордың туындыларын кино тіліне бейімдеп шығарамын деушілердің саны азайған емес: биылдың өзінде Кингтің төрт романы мен екі әңгімесі экранизацияланып, көрерменге жол тартты. Мұндай сұраныстың саябырсымай тұрғанына бірден-бір себеп – жазушының оқиғаны мейлінше көрнекі етіп жеткізуі әрі Голливуд «ережелеріне» қарсылық білдірмей, режиссерлердің жұмысына араласпауы екен.

Алмағайып кезеңдегі хоррор

Бертінде Кинг шығармалары желісімен фильм түсіруге жаңа серпін берген туынды – оның әйгілі «Сол» (It) атты романының режиссер Энди Мускетти жасаған жаңа (2017 ж.) экранизациясы еді. Көрерменн...

Сауд Арабиясының Эр-Рияд қаласында өтіп жатқан Ислам ынтымақтастығы ойындарында Қазақстанның ерлер құрамасы үстел теннисінен чемпион атанды. Бұл туралы ҰОК хабарлады.

Кирилл Герасименко, Алан Құрманғалиев және Айдос Кенжіғұлов бастаған құрам финалда Иран құрамасымен күш сынасты. Тартысты өткен кездесуде отандастарымыз қарсыластарын 8:1 есебімен ойсырата жеңіп, алтын медаль иегері атанды.

Финалдағы жекелей және жұптық кездесулердің нәтижесі төмендегідей:

Енді Кирилл Герасименко мен Алан Құрманғалиев жеке және жұптық сайыстарда ел намысын қорғайды.

Айта кетсек, Ислам ынтымақтастығы...

2025 жылдың үшінші тоқсаны – еңбек нарығы туралы көп нәрсе айтатын кезең. Ресми дерекке сүйенсек, ел бойынша орташа айлық жалақы 429 368 теңгеге жетті. Бір қарағанда жаман емес секілді. Бірақ осы санның артында не тұр? Бұл – әрбір жұмыс істейтін азаматтың қалтасына түсетін нақты табыс емес, орташа арифметикалық көрсеткіш. Ал, шын мәнінде, қазақстандықтардың басым бөлігі бұдан әлдеқайда аз алады.

Орташа мен шындықтың айырмасы

Мысалы, 2025 жылдың III тоқсанында Қазақстандағы жалақының медиандық мәні – 302 584 теңге болды. Бұл не деген сөз?

Яғни елдегі жұмысшылардың жартысы 302 мың теңгеден аз, ал қалған жартысы көбірек табады. Осы аралықта 127 мың теңген...

11 қарашада Абай облысының әкімі Берік Уәли алғаш рет Астанада үлкен баспасөз конференциясын өткізіп, өңірдің әлеуметтік-экономикалық дамуы туралы бір жылдың есебін береді. Шенеуніктің осы облысқа басшы болып келгеніне тоғыз ай болды.

Осы уақытта әкім не іс тындырды? Кинотанушы һәм журналист, қазіргі шенеунік жергілікті халықтың көңілінен шықты ма? Семей неге жаурады? Полигондағы кен орнынан жеткізетін көмір улы емес пе? Kursiv.Media осы және өзге де сауалдарды семейлік қоғам қайраткері Майра Әбеноваға қойды.

Берік Уәли ел басқара ала ма?

Семей ғана емес, бүкіл ел танитын азаматтық белсенді Майра Әбенова өзі тұратын облысты «қырық жыл бойы полигон зардабын тартқан, 25 жыл...

Павлодар облысында бірінші ауысымда бірінші сыныптан төртінші сыныпқа дейінгі оқушылар қашықтан оқыту форматына ауыстырылды, деп хабарлайды өңірдің білім басқармасы.

«11 қарашада Павлодар облысының барлық мектебінде мектепалды топтар мен бірінші ауысымдағы 1-4 сынып оқушыларының сабақтары ауа райының қолайсыздығына байланысты қашықтықтан оқыту форматына ауыстырылады (температура 0-5 °С, жел 15-20 м/с, көктайғақ)», – делінген хабарламада.

Сонымен қатар барлық мектепте оқушыларды тасымалдау да тоқтатылды.

Осыған дейін еліміздегі ауа райы болжамын жария еткен едік.

Белгілі қытайлық әлеуметтік желі жұлдызы TaotaoAima Қазақстанға келіп, табиғатта түскен бейне жазбаларымен бөлісті.

Блогердің әлеуметтік желідегі жазбаларына сүйенсек, ол Маңғыстау облысы мен Алматы маңында болған. Маңғыстаудан ол Бозжырада бүркіт ұстап түскен видеосымен бөлісті.

Ал Алматы маңынан тауға шығып, қазақша киім киіп, садақ атып, бүркіт ұстап тұрған бейнежазбаны жария етті.

Айта кетейік TaotaoAima-ның инстаграм желісінде 2 миллионнан астам, Tiktok-та 1,5 миллионнан көп және Youtube-те 600 мың жазылушысы бар. Ол осыған дейінде Көшпенділер мәдениетіне қызығушылық танытып, Қазақстанға қатысты көптеген бейнежазбалар түсіріп, жариялап келген. Ол өз бейнежазбаларына негізінен қазақ әндерін қолданады.

Cейсенбіде ел аумағында қайтадан күн жылынып, кейбір өңірлерде қар аралас жаңбыр, ал кейбірінде жаңбыр жауады деп күтілуде. «Қазгидромет» 11 қарашаға ауа райы болжамын ұсынды.

Beeline мобильді операторының иесі VEON Ltd. телекоммуникациялық компаниясы Қазақстандағы такси және жеткізу нарығына шығуды жоспарлап отыр, деп хабарлайды Bloomberg.

Бұған дейін Veon онлайн-хабарландыру алаңы OLX Kazakhstan-ды сатып алуға уағдаласты. Компания қазақстандық финтех-компания Kaspi.kz және Yandex брендімен бәсекелестікке түспек.

Veon Дубайда орналасқан, бірақ Пәкістан мен Украина сияқты елдерде жұмыс істейді. Түсім көлемі бойынша үшінші нарық – Қазақстан.

Бас директор Каан Терзиоглудың айтуынша, Veon материалдық активтердің жоғары үлесі бар дәстүрлі модельден цифрлық қызметтерге көшу арқылы бизнесті әртараптандыруға ниетті.

«Өз нарығымызды телеком ретінде ғана емес, қаржылық қызметтер, ойын-сауық, білім беру және денсаулық сақтау ретінде де көреміз. Негізг...

Президент Қасым-Жомарт Тоқаев балалары әскерде қаза тапқан аналардың арызына 12 күнде баға беруді тапсырды, деп хабарлайды Ақорда.

«Президент Қасым-Жомарт Тоқаев Бас прокурорға әскерде қаза тапқан сарбаздардың аналарынан түскен арыз-шағымды 12 күн ішінде қарастырып, істі тергеу барысында заңның сақталуына баға беруді тапсырды», – делінген Ақорда хабарламасында.

10 қарашада Астанада әскерде қаза тапқан және зардап шеккен әскери қызметшілердің аналарының қатысуымен митинг өтті. Олар ел басшылығына әскери қызмет жүйесін реформалауды және сарбаздардың қауіпсіздігін арттыруды талап етті. Бұған жауап ретінде Қорғаныс министрлігі жеке құрамның қауіпсіздік мәселелеріне басымдық берілгенін айтты.

Осыған дейін әскерде сарбаз өлімін тоқтату үшін Қорғаныс министрліг...

133 қарағандылықтың жалпы сомасы 717,1 млн теңге кредиті есептен шығарылды. Бұл азаматтардың атынан алаяқтар кредит алған. Бұл туралы Бас прокуратура басшысы Берік Асылов мәжілісмендердің сұрағына жауабында жазған.

Бір ай бұрын мәжіліс депутаттары Берік Асыловқа сауал жолдады. Олар 232 адамнан тұратын бастамашыл топ оларға арызбен келгенін айтты. Олардың барлығы кибер алаяқтардың әрекетінен зардап шеккен.

«Өткен жылы елімізде интернет-алаяқтыққа қарсы тұру үшін «Киберпол» жобасы енгізілгеніне қарамастан, алданған адамдардың саны одан да көп болды. Алаяқтық жолмен алынған ақша елден тыс жерлерге кетуді жалғастыруда және оны уәкілетті органдар қадағаламайды. Нәтижесінде осы фактілер бойынша қылмыстық істер іс жүзінде тексерілмейді», – делінген...

Қазақстан президенті Қасым-Жомарт Тоқаев жоғары аудиторлық палатаның төрағасы Әлихан Смайыловпен кездесті, деп хабарлайды Kursiv.Media.

«Қасым-Жомарт Тоқаевқа ведомствоның биылғы тоғыз айдағы қызметінің есебі және 2026 жылға арналған жоспары таныстырылды»,-делінген Ақорда хабарламасында.

Әлихан Смайылов 2025 жылы аталған мемлекеттік аудиторлар 32 трлн теңге сомасына қаражатты қамтыған 18 ірі тексеру жүргізгенін хабарлады. Бұл көрсеткіш өткен жылдың сәйкес кезеңімен салыстырғанда 22,8 трлн теңгеге жоғары.

Президентке мемлекет бюджетіне 112 млрд теңге қайтарылғаны баяндалды. Анықталған кемшіліктерді жою үшін Үкіметке және тексерілетін ұйымдарға 96 ұсыным және орындауға міндетті 800-ге жуық нұсқама жіберілген. Сонымен қатар, аудит қорытындысы бойынша 42 материал құқық қорғау...

Париждегі апелляциялық сот Францияның бұрынғы президенті Николя Саркозиді түрмеден босатты. Сот оның жазасын арнайы білезік тағып, бақылауда жүрумен алмастырды.

BFM TV ақпаратына сүйенсек, апелляциялық сот адвокаттардың өтінішімен экс-президенттің жазасын жеңілдетті. Яғни осыған дейінгі соттың 5 жылға бас бостандығынан айыру туралы шешімін өзгертті. 70 жастағы 3 апта бойы Париж түрмесінде отырған еді.

70 жастағы Николя Саркози президенттік сайлауалды кампаниясын Ливия қаржыландырды деген айып бойынша 5 жылға бас бостандығынан айырылып, дереу қамауға алынған болатын. Бұл оқиға – Франция тарихында бұрынғы президенттің тұтқындалуымен байланысты тұңғыш жағдай. Қоғамда үлкен дау тудырды.

Саркози өз үкімімен келіспей, апелляцияға берді.

10 айдың қорытындысы бойынша Қазақстан экономикасы 6,4%-ға өсті. 9 айлық кезеңмен салыстырғанда қарқын 0,1 пайыздық тармаққа жеделдеді, деп хабарлайды Kursiv.Media.

Экономика министрлігінің ақпаратына сүйенсек, 2025 жылдың сегіз айында ЖІӨ өсімінің 6,5 пайыздық ең жоғары деңгейінен кейін экономика қаңтар-қыркүйек айларында 0,2 п.т.-ға төмендеді, бірақ қазір қарқын қайта қалпына келеді.

Экономика өнеркәсіп, сауда және көлік есебінен жеделдеуде – бұл үш сектор жалпы алғанда елдегі ЖІӨ өсімінің 70%-дан астамын құрады. Өнеркәсіптің ең үлкен өсімі – 7,3%. Тауар өндірісі 8,2%-ға өсті.

Өңдеу өнеркәсібінде машина жасау (+11,5%), оның ішінде автомобиль жасау (+13,3%), химия өнеркәсібі (+10,9%), тамақ өнімдерін өндіру (+9,1%) ең жоғары өсім көрсетті.

Қырғызстан Жоғарғы кеңесіне депутаттарды сайлау науқаны басталды. Осыған орай бірқатар адамдарға кандидаттардың әлеуметтік желідегі жазбаларына «лайк» басуға тыйым салынды, деп хабарлайды Kursiv.Media.

24.kg ақпаратына сүйенсек, Сайлау және референдум өткізу жөніндегі орталық комиссияның мүшесі Ұзарбек Жылқыбаев кандидаттардың әлеуметтік желілердегі жазбаларына кімнің «лайк» баса алмайтынын айтқан.

Оның айтуынша, мемлекеттік және муниципалдық қызметкерлерге, акцияларының 30 пайыздан астамы мемлекетке тиесілі ұйымдардың қызметкерлеріне реакция қалдыруға және әлеуметтік желілерде біреуді қолдайтын пост жазуға тыйым салынады.

«Сонымен қатар, мемлекеттік БАҚ өкілдері мұны істемеуі керек. 30 қарашада сайлау учаскесіне барып, өз кандидатыңызға дауыс беріңіз», – деді Ұзарбек Жылқыбаев.

Естеріңізге сала кетейік...