Жаңалықтар

Астанада «Astana Finance Days 2026» IX қаржы форумы өтіп жатыр. Биылғы іс-шараның тақырыбы «Delivering Impact: Capital in Action» тақырыбына арналған, яғни алаңда экономикада практикалық нәтижелерге қол жеткізу жолдары талқыланады, деп хабарлайды kursiv.media.

«Астана» халықаралық қаржы орталығы (АХҚО) Әкімшілігінің өнім жөніндегі бас директоры Жанболат Кәкішевтің айтуынша, форумға 8 мыңға жуық қатысушы тіркелген.

Оның сөзінше, іс-шараға 90 елден келген компаниялар мен инвестициялық қорлардың өкілдері қатысып жатыр. Олардың басқаруындағы активтердің жиынтық көлемі шамамен 26 триллион долларды құрайды.

«Бұл біз үшін инвесторларға Қазақстанның стратегиялық басымдықтары, қолданыстағы мүмкіндіктер мен әлеуетті серіктестер туралы айтып беруге үлкен мүмкіндік», – деді спикер.

9 қыркүйектен бастап Freedom SuperApp қосымшасында бар болғаны 100 теңгеге пойыз билетін сатып алуға болады. Бұл туралы Kursiv Media хабарлайды.

Жеңілдіктер науқаны аясында 10 есе арзан бағада ішкі бағыттарға пойыз билетін сатып алуға болады. Мәселен, бағасы 9000 теңгеден аспайтын билетті 100 теңгеге, ал құны 9000₸-ден 20 000₸-ге дейін болса 5000 теңгеге сатып ала аласыз. Билет бағасы 20 мың теңге немесе одан жоғары болса Freedom 5000 теңгеге дейін жеңілдік береді.

Билеттер Алматы – Тараз, Астана – Қарағанды, Ақтөбе – Орал және басқа да бағыттарға арналған.

Акция аясында бір жолаушы тек бір билет қана ала алады. Басты шарт...

Қазақстандықтардың зейнетақы жинақтарын жеке басқарушы компанияларға сеніп тапсыруы уақытты қажет етеді. Бұл жайлы QAMS қауымдастығының атқарушы директоры Данияр Темірбаев пікір білдірген, деп хабарлайды Kursiv Media.  

7 қыркүйектен бастап қазақстандықтар зейнетақы қорындағы жинақтарының 100%-ын жеке басқарушы компанияларға бере алатыны белгілі. Бұған дейін бұл шек 50% болған.

Алайда сарапшы халықтың жеке зейнетақы қорларына деген сенімін қалыптастыру үшін бірнеше жыл қажет болуы мүмкін екенін айтады. Оның пікірінше, бұған бұрынғы жекеменшік зейнетақы қорларының жабылып қалуына қатысты қорқыныштың болуы әсер етеді.

Сарапшының айтуынша, зейнетақы жинағын жеке басқарушы компанияға бермес бұрын, азамат өзінің тәуекелге қаншалықты дайын екенін ескеруі керек. Себебі жоғары табыс табу мүмкіндігі артқан...

АҚШ күштері сейсенбі күні Иранның бес мұнай танкеріне соққы берген. Олардың біреуі суға батып кеткен.

ВВС ақпаратына қарағанда, бұл туралы АҚШ Орталық қолбасшылығы (Centcom) хабарлаған.  

Америкалық әскери ведомствоның мәліметінше, соққы Оман шығанағында орналасқан және Ислам революциясы сақшылар корпусымен (КСИР) байланысы бар Иранның төрт мұнай танкеріне бағытталған. Бұдан бөлек, Иран жағалауындағы ірі мұнай терминалы орналасқан Харг аралы маңындағы тағы бір танкерге шабуыл жасалған.

Бұған жауап ретінде Тегеран Иорданиядағы америкалық әскери базаға зымырандар ұшырды. Иордания тарапы олардың басым бөлігін атып түсіргенін мәлімдеді. Сонымен бірге Иран Ормұз бұғазында АҚШ-тың екі кемесіне және сегіз мұнай танкеріне шабуыл жасағанын хабарлады.

Соңғы аптада АҚШ...

«Бёрнли» сапында өнер көрсетіп жүрген 18 жастағы қазақстандық шабуылшы Дастан Сәтбаев жарақатына байланысты лондондық «Челсидің» жаттығу базасына қайта оралды. Бұл туралы Mirror Sport және football.london шолушысы Бобби Винсент хабарлады.

Қазақстандық жас талант Чемпионшиптің өткен турындағы «Мидлсброға» қарсы ойында санның артқы бұлшықетін зақымдап алып, алаңнан мерзімінен бұрын кетуге мәжбүр болған еді.

«Бёрнли» бапкері мен инсайдердің мәлімдемесі

«Бёрнлидің» бас бапкері Ники Хайен шабуылшының «бірнеше аптаға қатардан шыққанын» растады, бірақ нақты қашан алаңға оралатынын нақтыламады.

Журналист Бобби Винсент өзінің Х парақшасында лондондық клубтың оны қалпына келтіру процесіне тікелей араласатынын жазды.

«Дастан Сәтбаев өткен аптада «Мидлсбромен» тең түскен матчта...

Қазақстанда соңғы бір жылда көмір бағасы орта есеппен 8%-ға қымбаттады. Бірақ елде отынға деген тапшылық қатты байқалмады. Дегенмен әкімдіктер мен сарапшылар күзде көмірге деген кезек қатты дүрбелең туғызбауы үшін көмірді қазірден бастап сатып алуға шақырды, деп хабарлайды Kursiv.Media.

Energyprom.kz сарапшыларының мәліметінше, күз мезгілінде көмір тасымалдайтын теміржол жолдары мен көмір базаларында ұзын-сонар кезек пайда болуы ықтимал. Мұндай жағдай соңғы жылдары қыркүйек-қазан айларында тұрақты түрде қайталанып келеді.

Энергетика министрлігі көмірдің уақытылы жеткізілуін бақылау үшін арнайы жаңа жүйе іске қосты. Платформа көмірді қайдан, қанша көлемде шығарып жатқанын, вагондардың жеткілікті екенін және көмір базаларындағы кезектерді бір жерге жинақтайды. Соның арқасында министрлік көмір...

Қазақстандықтар енді Әзербайжанға паром арқылы қатынайтын болды. Қазақстанның Әзербайжандағы елшісі Әлім Байелдің айтуынша, Қазақстан тарапы Әзербайжанға Құрық – Баку – Құрық порттары паром желісінде жолаушылар тасымалын қайта бастауды ұсынды, деп хабарлайды Kursiv Media.  

2020 жылға дейін жүзеге асырылған бұл тасымалдар COVID-19 пандемиясына байланысты тоқтатылған болатын.

Әлім Байел паром арқылы тасымалдау тоқтағанға дейін Каспий теңізі арқылы жылына 1500-ге жуық жолаушы жүргенін атап өтті. Ол алдағы уақытта осы бағыт бойынша саяхаттауға ниет білдірген жолаушылардың саны артатынына сенім білдірді.

Паром желісін қайта іске қосу екі ел арасындағы жолаушылар қатынасының дамуына серпін береді. Туристер ағынын көбейтіп, орта дәліздің мүмкіндіктерін кеңейтеді. Әзербайжан Қазақстанның ұсынысын қолдаған...

«ҚазТрансОйл» 2026 жылдың 8 айында мұнай тасымалын едәуір арттырды. Осы кезеңде 31,9 млн тонна мұнай тасымалданып, ауыстырып тиелген. Бұл 2025 жылдың сәйкес кезеңімен салыстырғанда 4 пайызға артық, деп хабарлайды Kursiv.Media.

Магистральдық мұнай құбырлары арқылы 30,6 млн тонна мұнай тасымалданып, көрсеткіш 4%-ға жоғарылады. Шоғырландырылған жүк айналымы 30 млрд 546 млн тонна-километрді (+2%), ал магистральдық құбырлар жүйесіндегі жүк айналымы 23 млрд 696 млн тонна-километрді (+1%) құрады.

Отандық мұнай өңдеу зауыттарына 12 млн тоннадан аса мұнай жеткізілді. Атап айтқанда, «Павлодар мұнай-химия зауытына» 4 млн 316 мың тонна, «ПетроҚазақстан Ойл Продактсқа» 3 млн 664 мың тонна, «Атырау мұнай өңдеу зауытына...

Баян Алагөзова әлеуметтік желідегі діни фанатизм тақырыбындағы жазбасынан кейін қоғамда туындаған қызу талқылауға байланысты түсініктеме берді. Ол сөздері байқаусызда сенушілердің сезіміне тиген болса, кешірім сұрайтынын жеткізді  деп хабарлайды Kursiv.Media.

Продюсер өзінің кез келген адамға және оның сеніміне құрметпен қарайтынын, бірақ бұл сенім өзгеге зиян тигізбеуге тиіс екенін баса айтты.

«Мен дінге емес, радикализмге қарсымын»

Баян Алагөзова өзіне «дінге сенетіндердің сезімін қорлады» деп айып таққандарға жауап беріп, өз ұстанымын ашық түрде түсіндірді:

«Мен радикал, фанаттық пропагандаға қарсымын, діннің өзіне емес. Қыздарды 9 жасынан тұрмысқа бергенін, білім алуына немесе медициналық көмек алуына тыйым салынғанын қалайсыздар ма...

Елдің жаңа парламенті – Құрылтай журналистер мен бұқаралық ақпарат құралдары өкілдерін аккредиттеу тәртібін бекітті деп хабарлайды Kursiv.Media. БАҚ өкілдеріне қойылатын талаптар және олардың құқықтары мен міндеттері жазылған құжат 7 қыркүйекте Құрылтай сайтында жарияланған. 

Депутатты дәлізден ұстап алу болмайды

Құрылтайдың БАҚ-пен жұмысындағы басты өзгеріс – енді кулуарда депутаттарды күтіп алу, оларға сұрақ қою азаяды. Журналистер баспасөз қызметі келіскен орындарда ғана сұхбат жаза алады, дәлізден кездестіріп, сұрақ қою үшін де рұқсат алуы керек.

«Құрылтай ғимаратында фото, видео және аудиожазба Құрылтайдың баспасөз орталығында, сондай-ақ баспасөз қызметімен келісілген өзге орындарда жүргізіледі», – деп жазылған құжатта.

Павлодар облысында қос азаматтығы бар 27 адам анықталған. Жыл басынан төрт жүзге жуық адам Қазақстан азаматтығынан шыққан, деп хабарлайды Kursiv.Media.

Polisia.kz хабарлауынша, жыл басынан бері Павлодар облысында 398 азамат Қазақстан Республикасының азаматтығынынан шыққаны тіркелді. Көші-қон заңнамасын әртүрлі бұзғаны үшін 40 азамат әкімшілік жауапкершілікке тартылған. Олардың жетеуі Қазақстан Республикасының аумағынан шығарылды.

Павлодар облысы ПД көші-қон қызметі басқармасының бастығы Александр Кузьменконың айтуынша, 26 жастағы әйел 2015 жылдан бері көрші елдің азаматы бола тұра, бұл туралы полиция органдарына хабарламаған. Ал 29 жастағы тағы бір әйел көрші елдің азаматтығын алғанына қарамастан, мемлекеттік шекараны Қазақстан Республикасының паспортымен кесіп өткен. Қазақстан Республикасының азаматтығы...

АҚШ Қаржы министрлігі Иранның авиация саласына көмектесті деген айыппен 36 компанияны санкция тізіміне енгізді. Олардың арасында Қазақстанда тіркелген Tour Invest ЖШС-ы бар, деп хабарлайды Kursiv.Media.

Тізім Дональд Трамп әкімшілігі Тегеранға қарсы жойқын экономикалық санкция салатынын ескерткен соң шыққан.

Америка билігінің мәліметінше, бұл ұйымдар АҚШ-та жасалған ұшақтар мен құпия технологияларды Иранға жасырын жеткізу, әскери жүк пен кадрларды тасымалдау үшін арадағы дәнекер ретінде пайдаланылған.

Ал Tour Invest серіктестігі малайзиялық Icargo фирмасымен бірге санкция астындағы Mahan Air иран әуе компаниясының «сатылым бас агенті» ретінде әрекет еткен көрінеді.

Adata дерегі бойынша, туроператор ретінде тіркелген компания 2014 жылы құрылған...

«Астана» футбол клубы желіде тараған қаржылық қиындықтарға қатысты ресми мәлімдеме жасады, деп хабарлайды Kursiv.Media. Клуб басшылығы негізгі құрамдағы бірқатар футболшылар алдында келісімшарттық міндеттемелер бойынша қарыздың бар екенін және ойыншылардан ұжымдық өтініш түскенін растады.

Елордалық клуб жанкүйерлерге, серіктестерге және футбол қауымдастығына жағдайды түсіндіріп, футболшылардың ұстанымына түсіністікпен қарайтынын жеткізді.

Клуб басшылығының ресми ұстанымы

Қаржылық қиындықтарға қарамастан, команда құрамы мен бапкерлер штабы өздерінің кәсіби міндеттерін толық көлемде орындап келеді.

«Қалыптасқан қаржылық қиындықтарға қарамастан, футболшылар мен жаттықтырушылар штабы ұзақ уақыт бойы өздерінің кәсіби міндеттерін толық орындап, жаттығу үдерісіне және ресми матчтарға қатысып, алаңда «Астана» ФК мен Қазақстан...

Қасым-Жомарт Тоқаев Президент Эмомали Рахмон мен оның отандастарын Тәжікстан Республикасы Тәуелсіздігінің 35 жылдығымен құттықтады.

Ақорда ақпаратына қарағанда, Президент Тәжікстанның егемендік жылдарында мемлекеттік басқару, әлеуметтік-экономикалық даму, сондай-ақ әлемдік аренада ұлттық мүддені қорғау мен ілгерілету ісінде зор табысқа қол жеткізгенін атап өтті.  

«Қазақстан халқы еліңіздің жетістіктеріне риясыз қуанады. Біз достық қарым-қатынас пен өзара қолдауды жоғары бағалаймыз. Бірлескен күш-жігеріміздің арқасында қазақ-тәжік стратегиялық серіктестігі мен одақтастығы бауырлас қос халықтың игілігі жолында нығая беретініне сенімдімін», – делінген жеделхатта.

Қасым-Жомарт Тоқаев Эмомали Рахмонның жауапты мемлекеттік қызметіне табыс, ал бауырлас тәжік халқына құт-береке тіледі.

Мұның алдында Қазақстан президенті Дүниежүзілік кеден...

Қазақстан үкіметі Қашағанды игеріп отырған мұнай апауыттарынан 2,3 трлн теңге экологиялық айыппұлды өндіруін жалғастырады. Әділет министрлігінің түсіндіруінше, іс уақытша тоқтатылған, деп хабарлайды Kursiv Media.

Қашаған операторы NCOC компаниясы мемлекеттік сот орындаушының әрекетіне шағымданған. Осыған байланысты Атырау облысының мамандандырылған ауданаралық әкімшілік соты атқарушылық іс жүргізуге қатысты құжаттарды сұратқан.

Заң бойынша сот құжаттарды сұратқан кезде, іс бойынша өндіріп алу жұмысы уақытша тоқтатылады. Жұмыс сот материалдарды қайтарғаннан кейін қайта жалғасады.

Яғни, NCOC-тан мемлекет пайдасына қаражат өндіру тоқтатылған жоқ, тек сот материалдарды қарап жатқан кезеңде уақытша тоқтатылып отыр.

Әділет министрлігі сот құжаттарды қайтарғаннан кейін қаражатты өндіріп алу жұмыстары заңға сәйкес жалғасатынын хабарлады.

Экология...

Исландия үкіметі АҚШ президентінің әрекетіне наразы. Оған Дональд Трамптың әлеуметтік желіде жариялаған картасы себеп болған деп хабарлайды Kursiv Media.

Исландия Сыртқы істер министрлігінің мәліметінше, министр Торгердур Катрин Гуннарсдоттир АҚШ елшісін шақырып, картаға қатысты қатаң қарсылық білдірген. Министр мұндай картаның жариялануын «мүлдем қолайсыз» деп бағалаған.

Трамп жариялаған картада Солтүстік Америка аумағы өзгеше бейнеленген. Канада, Гренландия, Мексика және Исландия АҚШ туының түстеріне боялып, барлығы «Америка Құрама Штаттары» деген бір атаумен белгіленген. Алайда картада оның мақсатын түсіндіретін ешқандай қосымша ақпарат болмаған. Ресми Вашингтон да Исландия үкіметінің әрекетіне еш реакция білдірген жоқ.

Euronews жазуынша, ел қауіпсіздігін қамтамасыз етудегі АҚШ-тың рөлі маңызды. Исландия...

Екібастұз қаласын бірнеше күннен бері қою түтін басып тұр. Қала тұрғындары ауада күйік пен бензин және күкіртсутекке ұқсас белгісіз химиялық заттардың иісі сезілетінін айтып, шағымдануда. Алайда мамандар зиянды заттар рұқсат етілген мөлшерден асып кеткенін анықтамаған деп хабарлайды Kursiv Media КТК-ға сілтеме жасап.

Тұрғындар, әсіресе, таңертең анық байқалатын түтіннің видеоларын жариялап жатыр. Олардың айтуынша, қала үстін көкшіл тұман басып, ауада күйік пен химиялық затқа ұқсас өткір иіс сезіледі. Жағдай таңертең және түнге қарай күшейеді. Осы уақытта тұрғындардың арасында тамақтың ашуы, жүрек айну және бас ауруына шағымданатындар көбейген. Кейбір адамдар далада серуендегеннен кейін жөтел пайда болғанын айтады.

Тұрғындар жағдайға қала...

Бүгін, 9 қыркүйекте Қазақстан аймақтарының басым бөлігінде ауа райы жылы әрі ыстық болады. Тек еліміздің батыс өңірлерінде ауа температурасы төмендеп, жаңбыр жауады, деп хабарлайды Қазгидромет.

Астанада күн ала бұлтты, жауын-шашынсыз. Ауа температурасы түнде +14…+16°C, күндіз +30…+32°C аралығында жылы болады.

Алматыда күн ала бұлтты, жауын-шашын күтілмейді. Ауа температурасы түнде +15…+17°C, күндіз +31…+33°C дейін көтеріледі.

Шымкентте күн ала бұлтты. Күндіз өткінші жаңбыр жауып, найзағай ойнайды. Ауа температурасы түнде +18…+20°C, күндіз +33…+35°C құрайды. Күндіз желдің екпіні 15–20 м/с-қа дейін күшейеді.

Сонымен қатар күннің ысуына байланысты Қызылорда, Түркістан, Жамбыл, Ақтөбе және Ұлытау облыстарында төтенше өрт қаупі сақталады.

Air Astana-ның Алматыдан Лондонға ұшып шыққан KC663 рейсі 138 жолаушымен Франкфуртқа қонды. Бұған Лондондағы Хитроу әуежайының жабылуы себеп болған деп хабарлайды Kursiv Media әуе компанияның баспасөз қызметіне сілтеме жасап.

Әуе компаниясының мәліметінше, Хитроу әуежайы 10 қыркүйек түнге дейін жабық болады. Осыған байланысты KC663 рейсі Лондонға келесі күні таңғы сағат 09:25-те (UTC) ұшады.

«Бортта 138 жолаушы болды. Өкінішке қарай, Лондон Хитроу әуежайы ағымдағы түннің соңына дейін жабық болады. Осыған байланысты Air Astana рейстің әрі қарай ұшуын тоқтатуға мәжбүр болды», – деп хабарлады компания.

Жолаушылардың 67-сінде қолданыстағы Шенген визасы жоқ. Сондықтан олар Франкфурт әуежайының транзиттік аймағында...

8 қыркүйектен 9 қыркүйекке қараған түні УЕФА Чемпиондар лигасының жалпы кезеңінің 1-туры аясында мадридтік «Реал» өз алаңында Миланның «Интерін» қабылдайды.

Тікелей трансляция

«Реал» – «Интер» матчының тікелей трансляциясы Қазақстан уақытымен түнгі сағат 00:00-де басталады. Қазақстандық жанкүйерлер ойынды «Qazsport» телеарнасынан тікелей эфирде тамашалай алады.

Командалардың соңғы нәтижелері

«Реал Мадрид»

Жозе Моуринью баптайтын мадридтік клуб Испания чемпионатының жаңа маусымын қатардан үш жеңіспен бастаған еді. Олар сырт алаңда «Эспаньолды» (2:1) ұтса, өз алаңында «Реал Сосьедад» (4:1) пен «Малаганы» (4:0) тас-талқан етті. Дегенмен, корольдік клубтың жеңісті сериясы 4-турда тоқтады – «Реал» қонақта «Бетистен» күтпеген жерден 0:1 есебімен ұтылып қалды.

«Интер»

Әлемдік футболдағы ең беделді жеке марапат – «Алтын доп» (Ballon d’Or) жүлдесінің 2026 жылғы үміткерлер тізімі ресми түрде белгілі болды. Биылғы салтанатты шара тарихта алғаш рет 26 қазанда Ұлыбритания астанасы Лондон қаласындағы «Паладиум» театрында өтеді.

1956 жылы France Football журналы негізін қалаған «Алтын доп» марапаты биыл өзінің 70 жылдық мерейтойын атап өтуде. 2024 жылдан бері марапаттау рәсімін France Football мен УЕФА ұйымы бірлесе өткізіп келеді.

Марапаттау номинациялары

2026 жылы жүлделер төмендегі бағыттар бойынша сарапқа салынады:

Алматыда электр желілерін күрделі жөндеуден өткізуге байланысты қаланың бірқатар аудандарында электр энергиясын беру уақытша тоқтатылады. Жарықты өшіру кестесі 12 қыркүйекке дейін жалғасады.

«Алатау Жарық Компаниясы» АҚ хабарлауынша, жөндеу жұмыстары күн сайын таңғы сағат 08:00–09:00-ден кешкі 17:00-ге дейін жүргізіледі.

Шектеу болатын аумақтар

Жарықтан ажырату жұмыстары қаланың орталық көшелері мен бірқатар ықшамаудандарын қамтиды.

Атап айтқанда, орталық көшелер, Абай, Төле би, Достық, Сейфуллин және т.б.

Сондай-ақ Шаңырақ, Айгерім, Ақжар, Қалқаман, Горный Гигант, Самал және т.б. ықшамаудандарда жарық сөнеді.

Өшіру жұмыстарының нақты мекенжайлары мен уақытша кестесімен «Алатау Жарық Компаниясы» АҚ ресми сайтында танысуға болады.

Президент Қасым-Жомарт Тоқаев Ақордада Дүниежүзілік кеден ұйымының (ДКҰ) Бас хатшысы Иэн Сондерсті қабылдады. Кездесу барысында Президент екіжақты серіктестік пен достық байланыстарды нығайтуға қосқан зор үлесі үшін Иэн Сондерсті II дәрежелі «Достық» орденімен марапаттады, деп хабарлайды Kursiv.Media Ақордаға сілтеме жасап.

Кездесуде Қазақстан мен Дүниежүзілік кеден ұйымы арасындағы 30 жылдан астам уақыт бойы табысты ілгерілеп келе жатқан өзара тиімді ынтымақтастықты одан әрі тереңдету мәселелері талқыланды.

Кеден саласын цифрландыру мен «ақылды шекара»

Президент Қасым-Жомарт Тоқаев ДКҰ-мен ынтымақтастық еліміздегі кеден заңнамасын жетілдіруде және кедендік әкімшілендіру тиімділігін арттыруда маңызды рөл атқаратынын атап өтті.

Мемлекет басшысының айтуынша, Қазақстан Еуразиядағы көлік қатынасын нығайтуға және...

Танымал блогер Арайлым Жиенбаева Шымкент қаласы бокс федерациясының медиа директоры лауазымына тағайындалды. Ол өңірдегі бокс спортын ақпараттық тұрғыдан ілгерілету және медиа бағытын дамытумен айналысады. Kursiv.Media. бұл туралы Шымкент бокс федерациясына сілтеме жасап хабарлайды.

Федерация өкілдері жаңа медиа директорға қолдау білдіріп, жүктелген жауапты қызметіне сәттілік тіледі.

«Арайлым Бақытжанқызының бұл қызметке тағайындалуымен шын жүректен құттықтаймыз! Сізге үлкен сенім артамыз. Алдағы уақытта өз ісіңізге жауапкершілікпен қарап, Шымкент боксының абыройын арттыру жолында нәтижелі де керемет жұмыстар атқаратыныңызға сенім білдіреміз», – делінген Шымкент қаласы бокс федерациясының ресми хабарламасында.

Бұған дейін, Азия ойындарына қатысатын боксшылар тізімі жарияланған...