Жаңалықтар

Астанадағы ақылы автотұрақтар қаланың коммуналдық меншігіне өтеді. Оларды басқарып келген компания инфрақұрылымды әкімдікке өтеусіз береді, ал тиісті келісімшартқа келесі аптада қол қойылады. Бұл туралы Астана әкімінің орынбасары Ерсін Өтебаев хабарлады.

Автотұрақтарда қандай өзгерістер болады

Өтебаевтың айтуынша, қалада автотұрақтар саны артады, ал тығыз салынған аудандарда баға өсуі мүмкін.

«Кейбір жерлерде баға саясаты қымбаттау жағына қарай қайта қаралуы мүмкін. Мысалы, тығыз қоныстанған аймақтарда, «Сол жағалау» сияқты», – деді әкімнің орынбасары.

Сонымен бірге әлеуметтік нысандар маңындағы автотұрақтар тегін болып қала береді, ал жексенбі күндері барлық қалалық автотұрақтар тегін болмақ.

«Біз демалыс күндері, жексенбіде...

2026 жылғы қаңтар-сәуір айларында Астана қаласындағы LRT құрылысына 66,7 млрд теңге бөлінді. Мәлімет Қаржы министрлігінің трансферт туралы есебінде көрсетілді.

Тағы ақша құйылды

Жыл басынан бері Астана қаласының бюджетіне LRT құрылысы үшін екі мәрте қаражат аударылған. Әуелі 16,7 млрд теңге «ағымдағы бағдарламалар» бойынша, содан кейін тағы 50 млрд теңге «даму бағдарламалары» аясында трансферленген. Төрт айдың ішінде барлығы 66,7 млрд теңге бөлінген.

Қаражат LRT көлік жүйесінің әуежайдан жаңа теміржол вокзалына дейінгі учаскесіндегі құрылысына жұмсалды.

Өзін ақтамайтын жоба

Астанадағы LRT құрылысы бюджет қаражатын жымқыру, сыбайлас жемқорлыққа қатысты дауларға толы. Жоба сонау 2011 жылы қолға алынған. Алайда көп уақыт өтпей...

Бүгін Тоқаев БҰҰ Дүниежүзілік метеорология ұйымының президенті, БАӘ Ұлттық метеорология орталығының бас директоры Абдулла Әл-Мандуспен кездесті.

Ақорда хабарлауынша, Түркістан облысы Ұлттық метеорология орталығымен бірге жасанды жолмен жауын-шашын шақырып, өңірдегі су қоймаларын толтырмақшы. Дәл осындай жолмен ауыл шаруашылығы жерлеріне су жеткізбек. Жоба 17 мамырда іске қосылуы керек.

«Осылайша, Қазақстан өңірде жасанды жаңбыр технологиясын пайдаланған алғашқы ел болмақ», – деп хабарлайды Ақорда.

Бұдан бөлек, екі тарап өңірлік және жаһандық деңгейдегі су қауіпсіздігі мен су ресурстарын басқару мәселелерін шешудің өзектілігіне мән берді. БҰҰ тарабы Қазақстанның Халықаралық су ұйымын құру жөніндегі бастамасын маңызды деп бағалады.

Жалпы...

Парламент Палаталарының бірлескен отырысында депутаттар «ҚР астанасының мәртебесі туралы» Конституциялық заң жобасын бірінші оқылымда мақұлдады. Ұлттық экономика вице-министрі Бауыржан Омарбеков Астанаға қандай құзырет берілетінін айтты.

Конституциялық реформаның жалғасы

Вице-министрдің айтуынша, заң жобасы конституциялық реформалардың жалғасы ретінде әзірленген.

«Астана бүгінде тек әкімшілік орталық қана емес, саяси басқару, экономикалық белсенділік, инвестициялық тартымдылық және қоғамдық даму үдерістерінің негізгі шоғырланған орталығы болып саналады. Елорданың қарқынды дамуы, халық санының өсуі және урбанизация үдерістерінің күшеюі құқықтық және басқарушылық тетіктерді жетілдіруді қажет етеді. Осыған байланысты тиісті конституциялық заң жобасы әзірленді«, – деп баяндады вице-министр.

Заң жобасының мақсаты

За...

Желіде кезекті атышулы жанжал бұрқ ете түсті. Бұл жолы продюсер Баян Алагөзова мен журналист Динара Сәтжан ақтөбелік интернет-емшінің үстінен шағым түсіріп, оның қызметіне шүйлікті.

«Сотта кездесеміз»

Динара Сәтжан мен Баян Алагөзова бір уақытта дерлік Инстаграм парақшаларында жазба жариялап, аты-жөні аталмаған «емшіні» балағат сөздер айтты, жалған ақпарат таратты және заңды белшесінен басты деп айыптады.

Тележүргізушінің айтуынша, ақтөбелік әйел TikTok және Instagram желілерінде ақылы бата беріп, «қасиетті заттар» мен БАД-тарды саудалаумен айналысады. Динара Ақтөбе облыстық Экономикалық тергеу департаментіне ресми сұрау жолдағанын хабарлады.

«Ақылы батадан» түскен миллиондар қайда кетіп жатыр? Жеке Kaspi-ге ме? Бұл баталар ресми патенттелген бе...

Тұңғыш президенттің жиен немересі Нұрәли Әлиев пен Алматының бұрынғы әкімінің қызы Айжан Есім Қазақстандағы ең жас миллионерлердің қатарына енді. Forbes Kazakhstan басылымы биылғы рейтингіндегі 44 жасқа толмаған ең дәулетті бизнесмендер тізімін жариялады.

Миллионер мұрагерлер

Тізімдегі көпшілікке таныс есімдердің бірі- 41 жастағы Нұрәлі Әлиев. Экс-президенттің жиен немересінің байлығы 280 млн долларға бағаланған.

Ол Capital Holding пен Darmen Holding-тің ірі үлескері болумен қатар, Дубайдағы Donatello Hotels and Resorts және Алматыдағы Donatello Boutique Hotel қонақ үйіне иелік етеді.

Алматының экс-әкімі Ахметжан Есімовтің қызы, 44 жастағы Айжан Есімнің активтері 207 млн долларды құрады.

Кәсіпкер өз...

14 мамыр күні Қазақстан футбол федерациясы (ҚФФ) Премьер-лига және Бірінші лига клубтарының басшыларымен маңызды онлайн кездесу өткізді. Жиынның негізгі себебі – 12 мамырда клубтар тарапынан түскен, төрешілік сапасы мен матчтарды ұйымдастыруға қатысты ұжымдық хат болатын.

Кездесу барысында Федерация өкілдері мен клуб басшылары ашық пікір алмасты. Маңыздысы, хатқа қол қойған клуб өкілдері бұл бастаманы Федерация басшылығына қойылған ультиматум немесе кадрлық талап ретінде қарастырмайтынын мәлімдеді.

Төрешілік, қадағалау және VAR дамыту департаментінің директоры Нуну Алешандре Паррейра де Каштру клубтарға департаменттің қазіргі жұмыс жүйесін егжей-тегжейлі таныстырды. Қазақстандық төрешілердің жұмысы мен фитнес-тесттері толығымен УЕФА стандарттарына сәйкес келетіні және Еуропаның жетекші елдеріндегідей Hawk-Eye жүйесі қолданылатыны...

Халық кеңесіне «ең беделді қазақстандықтар» кіреді, олар еш жалақы алмайды. Мәжіліс депутаты Ерлан Саиров осылай деп мәлімдеді, бірақ «ең беделді» деген ұғымға кімдер кіретінін атап бере алмады.

«Халық кеңесінің мүшелері қоғамдық бастамамен жұмыс істейді, ешкім ешқандай жалақы алмайды. Ол паритетті негізде қалыптасады: әрбір ұлттық-мәдени орталықтан, қоғамдық бірлестік пен аймақтардан 42 адамнан ұсынылады. Барлығы 126 адам болады. Қоғам белсенділерін ұсынады, бірақ соңғы тізімді президент бекітеді», – деді депутат.

Саировтың түсіндіруінше, белгілі бір шорт-тізім құрылады. Тілшілер ол тізімге үміткерлер қандай негізде кіретінін сұрады.

«Енді Қазақстан Республикасының ең беделді азаматтары, қоғамдық-саяси салмағы...

Мемлекеттік қызметкер Мақсат Қиқымов Қытайда аты аңызға айналған актер, режиссер әрі продюсер Джеки Чанмен кездескен. Dala Edge Creative Tech Park басшысы әлеуметтік желіде әлемдік кино жұлдызының қарапайымдылығы оны қатты таңырқатқанын жазды.

Қиқымов Джеки Чанның кеңсесінде болған.

«Ол бізді өте жылы әрі шынайы қарсы алды, кейін Michelin жұлдызы бар Hong Kong-тағы ең үздік мейрамханалардың біріне шақырды. Ерекше таңғалдырғаны – әлемге танымал бола тұра, оның өте қарапайым, ақкөңіл және керемет энергияға толы адам болып қалуы. Кешкі ас кезінде қонақтарға өзі қызмет көрсетіп, ас салып, бәріне жайлы болуын қадағалап отырды», – дейді ол.

Қиқымовтың сөзіне...

Президент Қасым-Жомарт Тоқаев Түркі мемлекеттері ұйымының бейресми саммитіне қатысу үшін Түркістан қаласына келді.

Ақорда мемлекет басшысы мінген ұшақтың Түркістан қаласының Қожа Ахмет Яссауи атындағы халықаралық әуежайға қонған сәтінен фото және видео жариялады. Президент және мәртебелі меймандар саммит қарсаңында қаланың көрікті жерлерін, соның ішінде Яссауи кесенесін аралайды деп жоспарланған.

Алдын ала мәлімет бойынша, түркі елдерінің бейресми саммиті жұма күні Астана уақытымен сағат 15:30-да басталады. Бұған дейін БАҚ өкілдеріне жиын 17:00-де басталуы мүмкін екені айтылған.

Форум Конгресс Холл ғимаратында өтеді. Басты тақырыптарының бірі – «Жасанды интеллект және цифрлық даму».

Айтулы шарадан хабар тарату үшін Түркістан қаласына 500-ге жуық журналист...

2026 жылғы қаңтар-сәуір айларында Алматы метрополитенінің құрылысына 20,5 млрд теңге бөлінді. Бұл туралы Қаржы министрлігінің трансферттер туралы есебінде көрсетілді.

Қанша ақша жұмсалды

20 млрд 564 млн 498 мың теңге Бауыржан Момышұлы бекетінен Қалқаман бекетіне дейінгі құрылысын жүргізуге бөлінді. Құжатта мұндай жұмыс «Алматы метросының бірінші кезеңі екінші кезегінің үшінші кешені» деп сипатталды.

Қомақты ақшаны «BCN-Group» (бұрынғы «Bazis Construction») компаниясы игереді Бірнеше жыл бұрын «Қалқаман» бекетінің құрылысы үшін 47,7 млрд теңгенің келісім-шарты жасалғаны мәлім. Ал бекет құрылысының ресми бекітілген жалпы құны 67,8 млрд теңге.

Соның 28,6 млрд теңгесі 2025 жылы Ұлттық қордан аударылған. Биыл 20,5 млрд теңге бөлсе...

Шавкат Рахмоновтың бұрынғы жары Гүлайым Рахмонова желідегі парақшасында нәрестенің суретін жариялап, сүйінші сұрады.

Бесінші сәби

Айта кетерлігі, өліммен аяқталған жол апатына қатысты тергеу мен сот процестері жүріп жатқан уақытта Гүлайым бесінші перзентіне аяғы ауыр болған. Бірақ қашан босанғаны белгісіз.

Осы жылдың наурыз айында сот оны кінәлі деп танып, 5 жылға бас бостандығынан айыру туралы үкім шығарған еді. Алайда кішкентай балалары бар екені ескеріліп, жазаны өтеу мерзімі 5 жылға шегерілген.

Ажырасу себебі мен мүлік мәселесі

Гүлайым Рахмонова бұған дейін берген сұхбатында әлемге әйгілі спортшымен ажырасуының басты себептеріне тоқталған еді. Балаларының болашағы үшін ол Шавкат Рахмоновтан...

Бақытжан Базарбек депутаттық айлығы отбасының шығындарын жабуға жетпей, әйелінен жұмыс істеуді сұрағанын айтты.

«Депутаттардың жалақысы өсе ме?» деген сауалға осылай жауап берді.

«Бұл сұраққа жауап бере алмаймын. Бұл мәселені мен шешпеймін. Кез келген шешім қабылдануы мүмкін. Қазіргі экономикалық ахуал кезінде дұрыс шешім болады деп ойламаймын. Алдағы бес жылда бұл мәселе көтерілмейтін шығар», – деді депутат.

Бақытжан Базарбектің айтуынша, қазіргі жалақы ештеңеге жетпейді. Кейбір депутаттың бес-алты баласы бар.

«Бір отбасында бес-алты бала болса, 500-800 мың айлық кімге жетеді? Баланы балабақшаға, секцияларға беру үшін, киімдерін әперу үшін 300 мың теңге кетіп қалады. Азық-түлік бағасы көтеріліп жатқанын ескерсек, миллион...

Бүгін, 15 мамырда Парламент Палаталарының бірлескен отырысында депутаттар «Қазақстан Халық Кеңесі туралы» Конституциялық заң жобасын бірінші оқылымда мақұлдады. Заң жобасының мәртебесі мен міндеттерін Әділет министрі Ерлан Сәрсембаев таныстырды.

Қазақстан Халық Кеңесі не үшін құрылады

«Қазақстан Халық Кеңесі туралы» Конституциялық заң жобасы 2026 жылғы 15 наурызда қабылданған ҚР Конституциясын іске асыру мақсатында әзірленді.

Әділет министрі Ерлан Сәрсембаевтың айтуынша, жаңа Конституцияда Қазақстан халқы мемлекеттің басты билік көзі әрі егемендіктің иесі ретінде айқындалған.

«Жаңартылған конституциялық модельдің өзегінде – адам, оның қадір-қасиеті, құқықтары мен бостандықтары тұр. Адамға бағдарланған тәсіл негізінде қоғам мен мемлекеттің өзара іс-қимылының сапалы жаңа үлгісі қалыптастырылуда...

«Ирина Қайратовна» тобы мен қазақ эстрадасының аңызына айналған «Музарт» триосы бірлескен «Лаула» атты туындысын жарыққа шығарды. Күтпеген фит желі қолданушылары арасында қызу пікірталас тудырып, бірі сүйсінсе, бірі түсінбей қалды.

Каверден жаңа әнге дейін

Топ мүшесі Алдияр Жапархановтың айтуынша, жоба ақпан айында басталған. Мейрамбек Беспаев ұсыныс тастап, «Музарт Фест» аясында топтың ескі әндерінің біріне кавер жасау жоспарланған. Алайда шығармашылық процесс барысында кавер нұсқасы көңілден шықпай, мүлдем жаңа дүние жазу туралы шешім қабылданған.

«Бұл өмірде барлық нәрсені күтетін едім, бірақ «Ирина Қайратовна» мен «Музарт» фит жазады деп мүлдем күтпедім», – деген пікірлер жазылды.

«Музарт...

Астана әкімдігі тура аурухана жанынан тұрғын үй кешенін салудың сөкеттігі жоқ, ал құрылыс жұмыстары жедел жәрдем көлігіне еш кедергі кетірмейді деп есептейді. Бірақ әкім орынбасары Ерсін Өтебаев тұрғын үй кешенінің құрылысына кім рұқсат берді деген сұраққа жауап бере алмады.

Мәселенің мән-жайы

Астана тұрғындары бірнеше айдан бері №2 қалалық аурухана жанынан тұрғын үй құрылысының басталғанына алаңдаулы. Олардың сөзінше, медициналық мекеменің аумағы құрылыс алаңына айналып кеткен.

Желіге жарияланған кадрлардан құрылыс краны Рысқұлов көшесінде орналасқан қалалық аурухана аумағынан өтіп бара жатқанын көруге болады. Медициналық мекеме жанынан бизнес-санаттағы, тоғыз қабатты BAYAAN кешені салынбақшы.

Бірақ тұрғын үй ауруханаға тым жақын орналасқан. Тұрғындар...

Қостанай тұрғыны тротуарлардан алынған брусчаткаларды төрт көлікке тиеп, сатпақ болған.

Алау мәліметіне қарағанда, мұндай материалды рұқсат құжаттарынсыз тасымалдау және сақтау мемлекеттік мүлікті ұрлау ретінде бағалануы мүмкін. Әкім аппаратының заң қызметінің бас инспекторы Төлеген Заксалықов жауапкершілік брусчаткаларды алып кетушілерге ғана емес, оны сатып алушыларға да жүктелетінін атап өтті.

Мамандардың айтуынша, өткен аптада (4–10 мамыр аралығы) Солтүстік шағынауданы мен Заречный кентінде бөлшектелген брусчаткалар тиелген төрт көлік анықталған. Жеке тұлға құрылыс материалының қайдан алынғанын түсіндіре алмаған. Осыдан кейін тұрғын үй-коммуналдық шаруашылық бөлімі полицияға арыз берген.

Әкімдік өкілдерінің түсіндіруінше, алынған брусчаткалар арнайы күзетілетін алаңдарға жеткізіледі. Оның бірі «Қостанай-Су» кәсіпорнының аумағында, тағы бірі жылу...

Соңғы күндері әлеуметтік желі қолданушылары арасында Тұрсынбек Қабатовтың жеке өмірі қызу талқыға түскен еді. Танымал әзілкештің екінші әйелі Айман Талғатқызы Инстаграм парақшасынан жоғалып кетуі мен Тұрсынбектің парақшасында Мөлдірмен бірге түскен ескі суреттердің жариялануы түрлі қауесеттерге себеп болды.

«Инстаның болмағаны да бір рахат екен»

Бірнеше күн бойы байланысқа шықпаған Айман желіге қайта оралып, оқырмандарына мән-жайды түсіндірді. Оның айтуынша, парақшасы уақытша бұғатталып (блок), осы сәтте отбасымен демалыста болған.

«10 шақты күн бойы инстаграмсыз бір жақсы демалыс болды. Ойда жүрген шаруаларға көңіл бөліп, бала-шағаға уақыт бөліп, отбасымызбен демалысқа шығып, бір рухани азық алдық», – деп жазды сторис...

Trade Report мәліметінше, Қазақстан 2025 жылы жалпы сомасы 10,3 млн долларға 2 250 дрон (ұшқышсыз ұшу аппаратын) импорттаған.

Қызығы сол, импорт көлемі бірлік саны бойынша 26%-ға қысқарғанымен, ақшалай мәнде 42%-ға өскен. Яғни, дрондар аз сатып алынғанымен, олардың бағасы қымбатқа түскен.

Қарағанды облысында құны 42,5 млрд теңге болатын фармацевтикалық зауыт салынады. Денсаулық сақтау министрлігі мен «Қарағанды фармацевтикалық кешені» ЖШС арнайы келісімді мақұлдады.

Жоба аясында 74 түрлі препарат шығармақшы. Оның ішінде онкология, аутоиммунды және орфандық ауруларды емдеуге арналған инновациялық дәрілік препараттар да бар.

Кәсіпорын тек әлеуметтік маңызы бар ауруларға арналған препараттарды шығарып қоймай, әлемдік стандартқа сай фармацевтикалық ингредиенттерді (БФИ) синтездеуді жоспарлап отыр. Бұл өндіріс Қарағанды өңірінде 70 жаңа жұмыс орнын ашуға мүмкіндік береді.

Жалпы алғанда, отандық фармацевтика секторы соңғы жылдары жақсы дамып келеді. 2024 жылмен салыстырғанда 8,7% өсіп, 191,1 млрд теңгеге жетті. Бір жылда 91,3 млн доллардан 142,8 млн...

15 мамыр – Халықаралық отбасы күні. Бұл атаулы күнді 1993 жылы БҰҰ Бас Ассамблеясы бекіткен еді. Содан бері бұл мереке әлемнің түкпір-түкпірінде отбасылық құндылықтарды дәріптеу, жақындар арасындағы сыйластықты нығайту және қоғам назарын жанұя мәселелеріне аудару мақсатында атап өтіледі.

Отбасы – мемлекеттің негізі

«Отан отбасынан басталады» деген аталы сөздің астарында терең мағына жатыр. Мемлекеттің мықтылығы ондағы әрбір шаңырақтың беріктігіне тікелей байланысты.

Отбасыда баланың алғашқы әлеуметтік ортасы, мұнда ұлттық салт-дәстүрлер мен этикалық нормалар бойға сіңеді. Қиын сәтте демеу болатын, қуанышта бірге қуанатын ең жақын жандардың шоғыры. Үлкенге құрмет, кішіге ізет сияқты асыл қасиеттер ұрпақтан ұрпаққа осы ортада беріледі.

Қазақ халқы үшін...

Түркі мемлекеттері ұйымының 15 мамырдағы бейресми саммитіне бұқаралық ақпарат құралдарының 500-ге жуық өкілі жиналды. Түркістан қаласындағы қонақ үйлерде орын жоқ.

Журналист көп

Бауырлас елдердің форумынан Қазақстанның өзінен 300 журналист ақпарат таратуға дайын отыр. Ұйымға мүше Әзербайжан, Қырғызстан, Түркия және Өзбекстаннан, сонымен бірге бақылаушы мәртебесіне ие Венгрия мен Түркіменстаннан 200-ге жуық журналист жұмыс істейді.

Түркістандағы қонақүйлерде орын қалмағандықтан, БАҚ өкілдерінің кейбірі университет жатақханасында, хостелдерде тұрып жатыр.

Журналистердің дені саммит өтетін Конгресс Холл ғимаратына кіре алмайды. Олар Woosong университеті (Оңтүстік Корея) Түркістан филиалының баспасөз орталығында жұмыс істейді. Саммиттің тікелей трансляциясы осында көрсетіледі. Kursiv.Media бейресми саммиттен хабар таратады.

Саммит...

Алматы облысының Боралдай кентінде 26 жастағы ер адамның өліміне қатысты тергеу жүріп жатыр, деп хабарлады өңірлік полиция департаменті.

Қайтыс болған адамның туыстарының айтуынша, ер адам дәмханаға жұмысқа келіп, үш тапсырысқа қызмет көрсетіп үлгерген. Жақындарының пайымдауынша, бұдан кейін оның таныстарымен арада түскен табысқа байланысты жанжал туындаған. Туыстары күдікті жас жігітті соққыға жығып, басына мұқыл затпен соққан болуы мүмкін деп отыр.

Қайтыс болған адамның ағасының сөзіне қарағанда, алдын ала сараптама көкбауыр жарылғанын көрсеткен. Ер адам қан құса бастаған. Сондай-ақ, туысы жедел жәрдем шақырғанға дейін оқиға орнында еден жуылғанын, ал зардап шеккен адамды жұмыс орнында киіндіріп қойғанын алға тартады. Кейін ауруханада ер адамны...

Қызылорда облысында полицейлер 14 жыл бұрын жасалған кісі өлтіру қылмысын ашты, деп хабарлайды Polisia.kz.

Қайғылы оқиға 2012 жылдың қазан айында Қармақшы ауданының Жосалы кентінде болған. Топтық төбелес кезінде кәмелетке толмаған бала пышақ жарақатын алған. Жасөспірім аудандық ауруханаға жеткізілгенімен, оны құтқару мүмкін болмады. Ол есін жимастан қайтыс болды.

Оқиғадан кейін бірден жанжалдың барлық қатысушылары анықталып, тексерілді. Алайда тікелей айғақтар мен куәгерлердің болмауына байланысты қылмыс көп жылдар бойы ашылмай келді.

«Биылғы жылы жедел-тергеу тобының қажырлы жұмысының арқасында маңызды куәгерді анықтауға және болған оқиғаның толық бейнесін қалпына келтіруге мүмкіндік туды. Жүргізілген жедел іс-шаралардың нәтижесінде полицейлер күдіктін...