Жаңалықтар

Батыс және оңтүстік аймақтарда жаңбыр жауады, солтүстікте көктайғақ пен тұман болады. «Қазгидромет» 21 наурызға ауа райы болжамын ұсынды.

Актер Асқар Жұмабек қыз балаға қол көтермек болды деген айыптан кейін өзі ұстанымын білдірді. Ол жанжал болғанын растады, бірақ жағдайды өз тарапынан түсіндіріп берді.

«Жанжал шынымен болды, мен шынымен ұрыстым. Біреу бетіме қарап тұрып тіл тигізсе, мен үндемей қала алмаймын – мінезім сондай. Ақтау немесе кінәлау – өз еріктеріңіз. Мен де адаммын, ол бойжеткенге қатысты ешқандай жаман ойым немесе зұлым ниетім жоқ. Бәрін Алланың қалауына қалдырдым», – деді актер.

Қазақстан Президенті Қасым-Жомарт Тоқаевтың атына мұсылмандардың қасиетті мерекесі — Ораза айтқа орай шет елдердің көшбасшылары мен халықаралық ұйымдардың жетекшілерінен құттықтау жеделхаттары келіп түсуде, деп хабарлайды Ақорда.

Құттықтау жолдағандардың қатарында Өзбекстан Президенті Шавкат Мирзиёев, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Түркия Президенті Режеп Тайып Ердоған, Әзербайжан Президенті Ильхам Әлиев, Сауд Арабиясының Королі Салман бен Әбделазиз Әл Сауд және Мұрагер ханзада Мұхаммед бен Салман бар.

Сондай-ақ құттықтауларды БӘӘ және Мысыр президенттері, Иордания Королі, Палестина Президенті, Үндістан және Пәкістан премьер-министрлері, Ливия басшысы, сонымен қатар Татарстан Раисы Рустам Минниханов, ИЫҰ Бас хатшысы Хиссейн Брахим Таха және Түркі мемлекеттері ұйымының Бас хатшысы Қубанышбек Өмірәлиев жолдады.

Құттықтау жеделхаттары әлі де келіп түсуде.

Стадион маңында 21 және 22 наурыз күндері ауқымды халықтық серуендер өтеді. Елордада Наурыз мейрамын мерекелеу кезінде Astana Arena маңында көлік қозғалысы шектеледі, деп ескертті әкімдік.

Стадион жанында 21 және 22 наурызда ауқымды халықтық серуендер өткізіледі. Шектеулер «Алау» мұз айдыны сарайы жағындағы көшеге, сондай-ақ Astana Arena-ның шығыс беткейіндегі көшеге қатысты болады.

Шектеулер сағат 10.00-ден бастап күшіне енеді және іс-шаралар аяқталғаннан кейін алынады.

Жүргізушілерден қозғалыс бағыттарын алдын ала жоспарлау сұралады.

«Крутой Уокер» (Уокер, техастық рейнджер) атты культтік телехикаядағы рөлімен танымал американдық актер және жекпе-жек шебері Чак Норрис 86 жасында өмірден озды, деп хабарлады оның отбасы.

Өлімнің мән-жайы жарияланған жоқ. Жақындарының айтуынша, ол соңғы сәттерінде туыстарының ортасында болып, тыныш аттанған.

«Әлем үшін ол актер, жекпе-жек шебері және күш-қуаттың символы болды. Ал біз үшін – адал жар, сүйікті әке және ата, керемет бауыр және отбасымыздың жүрегі еді. Ол өз өмірін сенімге, тәртіпке және жақындарына қамқорлық жасауға арнады. Оның еңбегі мен адами қасиеттері бүкіл әлем бойынша миллиондаған адамға шабыт берді», – делінген отбасының әлеуметтік желілердегі ресми мәлімдемесінде.

Актердің отбасы сонымен...

Журналист Ботагөз Омарова полицияға тергеу әрекеттеріне байланысты шақырылғанын хабарлады. Бұл туралы желіде Жания Ұранхаева жазды.

Оның айтуынша, сағат 17:45 шамасында ол Алматы қаласы, Сейфуллин көшесі 37 мекенжайында орналасқан полиция бөлімінде болған. Журналисті «президенттік ат қоралары» туралы материалға байланысты әңгімелесуге шақырған.

Полиция өкілдерінің мәліметінше, Ботагөз Омарова куәгер ретінде, қорғау құқығымен жауап алынады. Істі жүргізіп жатқан тергеуші – Виталий Шутько.

Сағат 18:53-те журналистің адвокаты Әсел Токаева Омарованың әлі де полиция департаментінде екенін мәлімдеді.

Мұның алдында Бас прокуратура белсенді Санжар Боқаевтың ұсталғанын хабарлаған еді. 

Жамбыл облысында Көпбейінді орталық аудандық аурухананың бұрынғы бас дәрігері бюджет қаражатын жымқырды деп күдіктелуде. Бұл ақпаратты аймақтық прокуратура растады.

Қаржылық заңсыздықтарды қадағалау органы клиника жұмысын тексеру барысында анықтаған.

«Бұрынғы бас дәрігер бухгалтерлермен бірлесіп, 2023 жылдың ақпаны мен 2024 жылдың наурызы аралығында жалпы сомасы 49 млн теңге бюджет қаражатын жымқырғаны анықталды. Олар бұл заңсыз әрекеттерді қызметкерлерге жоғары жалақы аударып, кейін ол ақшаны қолма-қол қайтарып алу, сондай-ақ іс жүзінде орындалмаған жұмыстар үшін үшінші тұлғаларға, соның ішінде жеке кәсіпкерлерге негізсіз аударымдар жасау арқылы жүзеге асырған», – делінген хабарламада.

Прокуратура тексеруден кейін аурухана басшылығы мен бухгалтерлеріне қатысты сотқа дейінгі тергеу амалдарын...

Бүгін, 20 наурызда, Алматыда Наурыз мерекесіне орайластырылған Air Astana әуе компаниясының жаңа борттық мәзірінің таныстырылымы өтті. Әуе компаниясы «Сандық» ұлттық дәм мейрамханасымен коллаборация жасағанын ресми түрде жариялады.

Тұсаукесер еліміздің басты инфлюенсерлері, жұлдыздары мен медиа тұлғаларының басын қосқан нағыз зайырлы тойға айналды. Қонақтар арасында белгілі қазақстандық журналистер Айгүл Мүкей мен Дина Төлепберген, танымал блогерлер Айжұлдыз Адайбекова жұбайы Сәкен Қағаровпен, Артур Асқарұлы, интервьюер Тимур Балымбетов әйелімен және басқалар болды. Іс-шараның жүргізушісі — актер Санжар Мәди.

Қонақтарды Air Astana компаниялар тобының президенті Питер Фостер қарсы алды. Кештің басты бөлімі — рейстерде беріле бастаған жаңа мәзірдің дегустациясы болды. Бүгіннен бастап жолаушылар мерекелік тағамдардан тікелей ұшу кезінде дәм тата алады. Жаңа мәзір ұзақтығы үш сағаттан асатын халықаралық рейстерде қолжетімд...

Ұлттық банк деректеріне сәйкес, 2026 жылғы ақпанның қорытындысы бойынша қазақстандық банктер 190,4 млрд теңге табыс тапты. Бұл өткен айдың көрсеткішімен (198,6 млрд теңге) салыстырғанда 4,2%-ға аз.

Егер 2025 жылмен салыстыратын болсақ, биылғы ақпан айтарлықтай әлсіз болып шықты: 220,4 млрд теңгеге қарсы 190,4 млрд теңге, бұл 13,6%-ға немесе 31 млрд теңгеге кем.

Бұл үрдіс өткен айда басталған болатын. Банк секторының қаңтардағы таза пайдасы өткен жылдың сәйкес кезеңімен салыстырғанда 29,9 млрд теңгеге немесе 13,1%-ға төмендеді. Сол кезде ең көп құлдырауды мына банктер көрсетті:

Актриса Айгүл Иманбаева бақытты болу құпиясын ашты. Айтуынша, ұдайы күліп жүрудің сыры – шүкіршілік пен қуана білу.

Оқырмандарының бірі актрисадан «Сіз ұдай күліп жүресіз? Оның құпиясы неде?» деп сауал тастаған.

«Күн шыққанда күліп оян» деген Күләш Ахметованың әдемі өлеңі бар. Шынымен де, күннің шыққанына да қуану керек. Ауа жұтсаң да қуану керек. Жалпы, өмір сүріп жатқаныңа қуанған сайын сізге құт қонады. Энергия, береке келеді. Мен мұның құпиясы осында шығар деп ойлаймын», – деді Айгүл Иманбаева.

Актриса өзінің әр нәрсе үшін қуана білетінін айтты. Сонда ғана адамның дені сау болып, ұзақ ғұмыр сүреді.

Қазақстан Президенті Қасым-Жомарт Тоқаев ресейлік әріптесі Владимир Путинмен телефон арқылы сөйлесті, деп хабарлайды Ақорданың баспасөз қызметі.

Путин Қазақстан көшбасшысын жалпыұлттық референдумның сәтті өтуімен және жаңа Конституцияның қабылдануымен құттықтады.

Президенттер сонымен қатар Путиннің мамыр айының соңына жоспарланған Қазақстанға сапарын талқылады.

Қасым-Жомарт Тоқаевтың айтуынша, бұл кездесу елдер арасындағы стратегиялық серіктестік пен одақтастық байланыстарды нығайтуға қосымша серпін береді.

Владимир Путин бұл бағаны қолдап, Қазақстан мен Ресей арасындағы ынтымақтастық барлық негізгі бағыттар бойынша жүйелі түрде дамып келе жатқанын атап өтті.

Жоғары деңгейдегі келіссөздер Астанада өтеді деп күтілуде.

«Оператор РОП» ЖШС атауын Green Development деп өзгертіп, акционерлік қоғам болады. Мұндай шешімді кейінгі екі жылдан бері операторға иелік етіп отырған «Жасыл даму» компаниясы қабылдады. Бұл туралы компанияның корпоративтік деректерінде көрсетілген.

Өзгерістерден кейін де «Жасыл даму» «Оператор РОП-тың» жалғыз акционері болып қала беретіні айтылған.

ЖШС-дан АҚ-ға ауысу Бәсекелестікті қорғау және дамыту агенттігі қайта құруға келісім бергеннен кейін жүзеге асады.

Қайта ұйымдастыру кезінде «Оператор РОП» жаңа функция немесе қызметке ие болатын-болмайтыны әзірге белгісіз.

Айта кетейік, елде утильалым жинау ісімен бірнеше жыл Қазақстанның бұрынғы президенті Нұрсұлтан Назарбаевтың кенже қызы Әлия Назарбаеваның бизнесімен байланысты жеке «Оператор РОП» айналысып келді.

2022 жылдың қаңтарында президент...

Астанадан Оралға ұшып бара жатқан ұшақ бортында жүкті әйелдің толғағы басталған. Дәрігер оған медициналық көмек көрсетті.

Ол – Батыс Қазақстан облысының көпбейінді ауруханасының дәрігері Таубай Байжекенов еді.  Бұл туралы Денсаулық сақтау министрлігі хабарлады.

«Кеше Астана–Орал рейсінде ерекше жағдайға тап болдым. Ұшу кезінде жүктіліктің 27-аптасындағы әйелде мерзімінен бұрын босану басталды. Суы кетіп, жедел түрде медициналық алғашқы көмек көрсетуге тура келді»,  – деп жазды дәрігер.

Оның айтуынша, мұндай сәттерде дәрігер үшін сабыр сақтап, бар білім мен тәжірибені дұрыс қолдану аса маңызды.

«Нәтижесінде ұл бала дүниеге келді. Барлығы сәтті аяқталды. Осындай...

3000 жылдық тарихы бар Наурыз Шығыс халықтары мен Орталық Азия елдері үшін басты мерекелердің бірі. Парсы елдері, күрдтер, армяндар, әзербайжандар, тәжіктер мен өзбектер, қазақ халқы да бірнеше күн тойлайды. Иран халқы үшін де бұл мереке көктемнің, жаңа жылдың бастауы. Бірақ осы жылы ирандықтар Наурызды отшашумен емес көктен түскен әуе бомбасымен қарсы алмақ. Назарларыңызға Ирандағы Наурыз туралы ВВС материалын ұсынамыз.

Соңғы рет 1980 жылдары ирандықтар Наурызды соғыс жағдайында қарсы алған. Ол кезде Иракпен сегіз жылға созылған соғыс болған. Енді араға 46 жыл салып Наурызды тағы да қақтығыстың ортасында қарсы алмақ.

«Жаңа жыл басталғанда теледидардан...

Қазақстанда туыстардан келетін қаржылай көмектің ең жоғары көлемі Астанада тіркелді.

Ұлттық статистика бюросының мәліметінше, елордадағы бір отбасы тоқсанына орта есеппен 77 мың теңге қаржылай көмек алады.

Ал Алматыда бұл көрсеткіш 17,5 мың теңгені құрайды. Ал Атырау облысында бұл көрсеткіш үш айда небәрі 7 941 теңгені құрайды.

Деректер өңірлер арасындағы айырмашылықтың айтарлықтай екенін көрсетеді.

Айта кетейік, Қаржы нарығын реттеу және дамыту агенттігі қазақстандықтарға несие аларда шарт талаптарын мұқият оқуға қатысты жеті кеңес берді.

АҚШ-тың Әсем өнер комиссиясы елдің 250 жылдығына орай президент бейнеленген 24 караттық алтын естелік монета шығаруды қолдап дауыс берді.

Kazinform агенттігінің хабарлауынша, монетаның дизайнында Дональд Трамп Овал кабинетіндегі бейнесі бар. Ал бір жағында 1776, екінші жағында 2026 сандары жазылады.

АҚШ қазынашысы Брэндон Бич бұл монетаны «әдемі естелік алтын монета» деп атады. Оның айтуынша, елдің 250 жылдығы жақындап келеді. Бұл монеталар АҚШ-тың рухы мен демократиясын бейнелейді.

2020 жылғы коллекциялық монеталарды қайта жобалау туралы заңға сәйкес, Қаржы министрлігі 2026 жылдың 1 қаңтарынан бастап бір жыл ішінде АҚШ тәуелсіздігінің 250 жылдығын бейнелейтін 1 долларлық монеталарды шығара алады.

Бұған дейін демократ...

Желіде белгілі актер Асқар Жұмабектің қатысуымен кезекті дау туындады. Бұл жолы Айнұр Нарзиева (nai_ainura) есімді модель Threads әлеуметтік желісінде актердің физикалық күш көрсетпек болғаны туралы мәлімдеме жасады.

Айнұрдың айтуынша, 20 наурызда таңғы уақытта болған. Сол күні сағат 10:00-ге түсірілім жоспарланған. Актер бұған дейін бірнеше рет жұмысқа кешігіп немесе мүлдем келмей, түсірілімді үзіп келгендіктен, өзі Айнұрдан таңертең оятуды өтінген.

Сағат 08:30-дан бастап Айнұр актерге қоңырау шалып оятуға тырысқан. 09:18-де қайта хабарласып, оның ұйықтап қалмағанына көз жеткізген. Сағат 09:55-те Асқар Жұмабек түсірілім алаңына келіп, Айнұрға «тым ерте ояттың» деп агрессивті түрде наразылық білдіре бастаған.

Қақтығыстың өршуі

Айнұрдың «Бастамаңызшы, Асқар...

Прокуратура Қылмыстық кодекстің 115-1-бабы яғни, адамды заңсыз қудалау (сталкинг) бойынша қылмыстық іс қозғаған.

YK-news.kz ақпаратына қарағанда, тергеу нұсқасына сәйкес, қала тұрғыны бұрын қарым-қатынаста болған қызды қудалаған. Оны жұмыс орнының маңында аңдып, қоғамдық орындарға барып жүрген, келісімінсіз ұялы телефонға түсіріп, видеоларды әлеуметтік желілерде жариялап, ар-намысы мен қадір-қасиетіне нұқсан келтіретін пікірлер қалдырған.  

Қазіргі уақытта іс бойынша қажетті тергеу әрекеттері жүргізілуде.

«Қала прокуратурасы адам қарым-қатынас жасаудан бас тартқанын ашық білдірсе, кез келген мазасыз әрекет немесе қудалау қылмыстық жауапкершілікке әкелуі мүмкін екенін ескертеді», – деп атап өтті ведомство.

Жалпы елімізде жұбайының қыр соңынан қалмаған 51 адам...

Алматыға жұмыс сапарымен келген Тоқаев қала әкімі Дархан Сатыбалдыны қабылдады. Ол Алматы экономикасының өсімі, әлеуметтік ахуалы туралы есеп берді.

Қала әкімінің сөзінше, былтыр Алматы экономикасының өсімі 6,5% құраған. Ал осы жылы қаңтар-ақпан айында қысқа мерзімді экономикалық индикатор 9,4%-ға жетті. Оған өнеркәсіп, құрылыс, көлік және сауда салалары жатады.

Алматының инвестициялық портфелі 2,8 трлн теңгеден асқан. Қазір «Алматы» индустриялық аймағы мен «Алатау» арнайы экономикалық аймағы жаңа жобаларды тарту үшін үшін жұмыс жүргізіп жатыр.

Дархан Сатыбалды туризм мен тау кластері саласындағы жаңалықтар туралы да айтты. Биыл Шымбұлақтағы инфрақұрылымды жаңғырту, іргелес шатқалдарға туристік орындар салу деген жұмыстар басталады. Сонымен қатар...

Қырғызстанның Ұлттық қауіпсіздік мемлекеттік комитетінің (МҰҚК) бұрынғы басшысы Қамшыбек Тәшиев Ораза айт мерекесінде көпшілікті таңғалдырды. Лауазымынан босатылғаннан кейінгі бұл алғашқы мәлімдемесінде елді бірлікке шақырып, өзіне қатысты айтылған сын-пікірлерге жауап берді.

«Алла ризалығы үшін кешірдім»

Әлеуметтік желілерде кең таралған видеода Тәшиев әрбір отбасыға амандық пен береке тіледі. Сондай-ақ, қасиетті күндерде кешірімді болудың маңыздылығын атап өтті:

«Егер байқаусызда қателік жіберіп, біреудің көңіліне тиген болсам, кешірім сұраймын. Қасиетті Ораза айында мен туралы түрлі қауесет таратып, қара күйе жаққандардың барлығын Алла ризалығы үшін кешірдім. Алдағы уақытта олар шындыққа жанаспайтын ақпарат таратпайды деп үміттенемін», – деді экс-шенеунік.

Саяси...

Каспий құбыр консорциумы (КҚК) ағымдағы жылдың сәуір айында CPC Blend маркалы мұнай экспортын тәулігіне 1,6-1,7 миллион баррельге дейін жеткізуді көздеп отыр. Бұл наурыз айындағы нақтыланған жоспармен (тәулігіне 1,4-1,5 млн баррель) салыстырғанда шамамен 14%-ға артық. Бұл туралы Рейтер агенттігіне саладағы екі дереккөз хабарлады.

Дегенмен, мамандар сәуірдегі жоспардың қайта қаралуы мүмкін екенін жоққа шығармайды. Бұған КҚК-ның Қара теңіздегі терминалы арқылы мұнай жөнелту жағдайының жиі өзгеруі себеп болуы мүмкін.

Айта кетейік, наурыз айындағы CPC Blend экспортының тасымалы 15%-ға қысқарған болатын. Жөнелту көлемінің азаюына алып Теңіз кен орнындағы өндіріс жоспарының қайта қаралуы, сондай-ақ Қара теңіздегі ауа райының қолайсыздығы мен дрондар шабуылы әсер...

Қасиетті Рамазан айы аяқталып, мұсылман қауымы Шәууәл айына қадам басты. Қазақстан мұсылмандары діни басқармасы (ҚМДБ) биылғы Шәууәл айында ұсталатын 6 күндік нәпіл оразаның кестесін ресми түрде ұсынды.

Шәууәл оразасының кестесін қайдан алуға болады

Еліміздің әрбір қаласы мен ауылы үшін намаз және ауыз бекіту уақыттары бекітілген. Өзіңізге қажетті өңірдің кестесін төмендегі қадамдар арқылы жүктей аласыз:

Шәууәл айында 6 күн ораза ұстаудың сауабы қандай

Шариғат бойынша, Рамазаннан кейінгі Шәууәл айында 6 күн ораза ұстау үлкен сауапты іс...

Алматы мен Алатау қаласының арасында сағатына 350 км жылдамдықпен аэротакси ұшады. Бұл туралы Парламент палаталарының бірлескен отырысында Премьер-министрдің орынбасары Қанат Бозымбаев мәлімдеді. Ол Алатау қаласын дамытудың негізгі бағытының бірі ретінде «төменгі биіктік экономикасын» іске асыру жоспарын таныстырды.

Бұл бағыт 120 метрден жоғары биіктікте әуе таксиі мен жүк дрондарын сынақтан өткізуді және тұрақты пайдалануды көздейді. Қазіргі уақытта мұндай жобалар тек Қытайдың Шэньчжэнь қаласында ғана іске асырылып жатыр.

Жобаны дамыту мақсатында Қазақстан үкіметі осы саланың көшбасшы америкалық «Joby» және қытайлық «AutoFlight» компанияларымен келіссөздер жүргізіп, ынтымақтастық туралы құжатқа қол қойған.

Жоспар бойынша Алатау, Қонаев қалалары мен...

Бүгін премьер-министрі елдің әлеуметтік-экономикалық дамуына елеулі үлес қосқан бірқатар азаматтарды премьер-министр атынан жоғары мемлекеттік наградалармен марапаттады.

Оларға «Парасат» ордені табысталды:

Осыған дейін 17 наурызда Тоқаев  заң мен тәртіпті нығайтуға үлес қосқан азаматтарды марапаттаған еді. Олардың арасында премьер-министр Олжас Бектенов, мемлекеттік хатшы Ерлан Қарин, мәжіліс депутаты Ринат Зайытов, Айдос Сарым, «Amanat» партиясының атқарушы хатшысы Дәулет Кәрібек, мәдениет және ақпарат министрі Аида Балаева бар.