Жаңалықтар

Қазақстанның Сыртқы істер министрінің орынбасары Роман Василенко катарлық Al Jazeera телекомпаниясына сұхбат берді. Ол Қазақстанның Украинадағы соғысқа қатысты ұстанымы және Киевке гуманитарлық көмек туралы айтты.

«Біз өз ұстанымымызды нақты белгіледік. Біз тек дипломатиялық әдістерді қолдана аламыз. Ресейдің көршісі ретінде және Ресеймен байланысын жалғастыратын ел ретінде бұл ұстаным барлық серіктестерімізге түсінікті», – деді СІМ басшысының орынбасары Al Jazeera-ға Қазақстан соғысты тоқтату үшін үлкен әсер ете ала ма деген сұрағына.

Василенко сонымен қатар, Қазақстан Херсон, Луганск, Донецк және Запорожье облыстарының аумақтарын ресейлік деп танымайтынын атап өтті.

Біз барлық мемлекеттердің, соның ішінде Украинаның аумақтық тұтастығын жақтаймыз...

«QazaqGaz» ҰК» АҚ Басқарма Төрағасының стратегия және инвестициялар жөніндегі орынбасары Акбар Төлегенов пен Шымкент қаласы әкімінің орынбасары Мақсұт Исахов газ және газ моторлы отын саласындағы ынтымақтастық туралы меморандумға қол қойды. Бұл туралы «QazaqGaz» ҰК» АҚ баспасөз қызметі хабарлады.

Қол қойылған құжат тараптарға жаңа жобаларды іске асыру бөлігінде тиімді ынтымақтастықты жүзеге асыруға мүмкіндік береді. Олардың қатарында автомобильдік газ толтыру компрессорлық станцияларын (АГТКС) салу және пайдалануға беру, қалалық газ тарату жүйесінің өткізу қабілетін ұлғайту, сондай-ақ газбен үздіксіз жабдықтауды және тұрғындардың қауіпсіздігін қамтамасыз ету.

Табиғи газды мотор отыны ретінде пайдалануды кеңейту сығымдалған табиғи газбен (СТГ) жүретін автобустар паркін ұлғайтуға мүмкіндік беретінін атап өту...

ҚР Премьер-Министрі Әлихан Смайыловтың төрағалығымен өткен Энергетикалық кеңестің отырысында «жетілген» мұнай кен орындарын одан әрі игеру жөніндегі шаралар қаралды. Бұл туралы Үкіметтің баспасөз қызметі хабарлады.

Атап айтқанда, өндіріске тартылған инвестициялар көлемін ұлғайту және кен орындарының техникалық-экономикалық көрсеткіштерін жақсарту, салық салу, жұмыспен қамту, экологиялық талаптарды сақтау және басқа да бірқатар мәселе талқыланды делінген хабарламада.

Премьер-Министр «ҚазМұнайГаз» ҰК» АҚ мен уәкілетті мемлекеттік органдар ұсынған кен орындарындағы тұрақты өндіру деңгейін және мемлекеттік бюджетке түсімдердің ұлғаюын қамтамасыз етуге мүмкіндік беретін тәсілдерді қолдады.

Сонымен қатар отырыста «Теңізшевройл» ЖШС жұмысының өзекті мәселелері қаралды.

Бұған дейін Үкімет басшысы жаңа Энергетика...

Фото: ИИДМ

Қазақстанда Airbus тікұшақтары құрастырыла бастады. Ол «Еврокоптер Қазақстан инжиниринг» зауытында жасалып жатыр. Бұл туралы ИИДМ баспасөз қызметі хабарлады.

«Қазақстан Инжиниринг» ұлттық компаниясына қарасты «Еврокоптер Қазақстан инжиниринг» зауытында H145 және H125 маркілі тікұшақтары жинақталып, тапсырыс берушілерге табысталды.

Airbus Helicopters H145-тің алғашқы данасы ҚР Төтенше жағдайлар министрлігіне берілді. Бұл үлгідегі модель Airbus-тың қос моторлы тікұшақтарының тобына жатады.

«Аталған әуе техникасының сапасы әлемдік өндіруші компаниялардың қолданыстағы стандарттарына, сондай-ақ Еуропалық авиациялық қауіпсіздік агенттігінің (EASA) ұшу жарамдылығының нормаларына сай келеді.  Осы тікұшақ өз санатында ауыр салмақты әуе техникасы саналады. Мысалы,  2019 жылы H145 Анд тауының биіктіктіг...

Бүгінде жаңа халықаралық терминал құрылысы жүргізіліп жатыр. 53 пайызға аяқталған бұл құрылысты жоспар бойынша 2024 жылдың жазында іске қосу жоспарланған. Құрылыс жұмысы аяқталған соң, жаңа терминал халықаралық рейсетерге, қазіргі терминал ішкі рейске арналатын болады.

«Біздің әуежай 3 миллион жолаушыға арналған. Ал біз жылына 8 миллион жолаушы тасымалдауды жоспарлап отырмыз.Сол себепті әуежайды кеңейтуге, жұмысын жақсартуға қатысты бұдан басқа да инвестициялық жобаларымыз бар. Ол жұмыстар біздің жолаушыларымызға біраз ыңғайсыздық тудыратыны анық. Сондықтан олардан, шыдамдық танытулырын сұраймыз», Алматы халықаралық әуежайының президенті Альп Ер Тунға Ерсой мәлімдеді.

Сондай-ақ, әуежай басшысы автотұрақтардағы кептелісті азайту мақсатында әуежай пандусында жөндеу жұмыстары жүргізіліп...

Біріккен Ұлттар Ұйымының Азық-түлік және ауыл шаруашылығы ұйымы (ФАО) бүгін халықаралық азық-түлік тауарлары бағасының эталондық индексі астық және өсімдік майларына әлемдік баға белгілеулерінің төмендеуіне байланысты наурызда қатарынан 12-ші ай бойы төмендегенін хабарлады.

ФАО азық-түлік бағасының индексі ақпанмен салыстырғанда 2,1 пайызға және бір жыл бұрынғыдан 20,5 пайызға төмендеді.

ФАО жарма бағасының индексі ақпан айымен салыстырғанда 5,6 пайызға төмендеді. Жаһандық бидай бағасы 7,1 пайызға төмендеді, бұл Австралиядағы күшті өндірісіне, Еуропалық Одақтағы егін жағдайларының жақсаруына, Ресей Федерациясынан күшті жеткізіліміне және Украинадағы Қара теңіз порттарынан экспорттың жалғасуына байланысты. Жүгерінің әлемдік бағасы Бразилияда рекордтық егін жиналады деген болжаммен ішінара...

Алматы қаласының Авиациялық көлік прокуратурасы заңсыз шығарылған мемлекеттік активтерді қайтару жөніндегі жұмыс шеңберінде Алматы халықаралық әуежай жолаушылар терминалының коммерциялық үй-жайларын мемлекет меншігіне қайтарды. Бұл жайлы Бас көлік прокуратурасы хабарлады.

2003 жылы «Имсталькон» АҚ Алматы қаласы әкімдігінің тапсырысы бойынша жаңа жолаушылар терминалын салған. Құрылыс аяқталғаннан кейін жаңартылған терминалдың сауда алаңдарының бір бөлігі мердігерге шарт бойынша 333 млн теңге мөлшерінде қалған соманы өтеу есебінде өткен. Сонымен қатар, Ішкі мемлекеттік аудиттің нәтижесі бойынша құрылыс салушы алдында қандай да бір берешек болмағаны анықталған.

«Әкімдікке осы объектілерге меншік құқығын қайтару үшін авиациялық көлік прокуратурасы Түрксіб аудандық сотына жауапкер – А.Бақтиярқызына жалпы...

Мемлекеттік қызметшілердің мүлкін сенімгерлік басқаруға беру қағидаларын бекіту туралы Мемлекеттік қызмет істері агенттігінің төрағасы Дархан Жазықбаевтың бұйрығы ашық талқыға шығарылды.

«Мемлекеттiк қызметшi лауазымға кiрiскен күннен бастап күнтізбелік отыз күн ішінде осы адамға заңды түрде тиесілі ақшаны, сондай-ақ мүліктік жалдауға берілген мүлікті қоспағанда, өз меншігіндегі, коммерциялық ұйымдардың жарғылық капиталындағы үлестерді, акцияларды (акцияны) және пайдаланылуы кірістер алуға әкелетін өзге де мүлікті мемлекеттік қызметтi атқару уақытында сенімгерлік басқаруға береді», делінген қағидада.

Сонымен қатар, мемлекеттік қызметші өз мүлкі сенімгерлік басқаруға бергені туралы жұмыс орнындағы кадр бөліміне ақпарат беруі тиіс.

«Мемлекеттік қызметші мүлікті сенімгерлік...

Жұма күні Астанада «ӨКМ операторы» бойынша алдын ала сот тыңдауы жалғасты. Ал, бұл іс бойынша басты сот талқылауы 17 сәуірге тағайындалды. Істі Астана қаласы Байқоңыр ауданының №2 сотында судья Кемеңгер Иманшев қарайды.
Сондай-ақ судья айыпталушыларға қатысты қамауда ұстау түріндегі бұлтартпау шарасын үйқамаққа ауыстыру және кепілмен босату туралы өтінішін қанағаттандырмады.

Іс бойынша 4 сотталушы бар. Олар: бұрынғы экология, геология және табиғи ресурстар вице-министрі Ахметжан Пірімқұлов, «ӨКМ операторы» ЖШС бұрынғы басқарма төрағасы Медет Құмарғалиев, бұрынғы қаржы директоры Рустам Темірбек және «ӨКМ операторы» бұрынғы бас директоры – Украина азаматы Светлана Коротенко.

Айыпталушылар «ӨКМ операторы» ЖШС-дан миллиардтаған қаржы жымқырды деп...

Астанада биыл 6,5 мың әлеуметтік пәтер салу жоспарланып отыр. Қасым-Жомарт Тоқаевтың қабылдауында болған қала әкімі Жеңіс Қасымбек сондай-ақ, жыл басынан бері елордаға шамамен 200 миллиард теңге инвестиция құйылғанын айтты. Бұл өткен жылдың осы кезеңімен салыстырғанда 20 пайыз көп.

Сондай-ақ, Президентке елорданың әлеуметтік-экономикалық және инфрақұрылымдық дамуы туралы ақпарат берілді.

«Қасым-Жомарт Тоқаевқа қала тіршілігін қамтамасыз ету жүйесінің нысандары (ССС-3, газ жылу станциялары, ЖЭО-3, т.б.) және мектеп, медициналық орталық, жеңілдетілген қолжетімді тұрғын үй секілді әлеуметтік нысандар құрылысының барысы, сондай-ақ апатты жағдайдағы ескі тұрғын үйлерді сүру, тұрғын үй алаптарын дамыту, үлестік құрылыс нысандарын аяқтау, қалаға газ тарту және...

Ұлттық банктің дерегінше, Қазақстан экономикасы 2023 жылғы қаңтар-ақпан айында 4,3%-ға өсті. Экономиканың өсімі жыл қорытындысы бойынша 3,5-4,5% болады деген ҰБ болжамына сәйкес келеді. Оған үшкі сұраныста қалыптасқан орнықтылық, автомобильді, электр тұрмыстық техниканы, азық-түлік пен киім-кешекті сату нәтижесіндегі бөлшек тауар айналымының оң динамикасы дәлел болып отыр.

Жалпы, Ұлттық банктің дерегінше, Инфляция баяулай бастады және болжам траекториясына сәйкес келеді.
2023 жылдың наурыз айында жылдық инфляция 18,1%-ға дейін төмендеді. Сонымен қатар, инфляцияның баяулауы ақпандағы реттелетін қызметтер тарифінің және оңтүстік өңірлерде егіннің жойылып, үсікке тап болуына байланысты жеміс-жидек пен көкөніс өнімдері бағасының өсуімен, сондай-ақ жоғары сұраныс жағдайында көлік қызметі құнының өсуімен шектелді, делінген ҰБ...

ҚР Ұлттық Банкінің Ақша-кредит саясаты комитеті базалық мөлшерлемені +/– 1п.т. дәлізімен жылдық 16,75% деңгейінде сақтау туралы шешім қабылдады. Бұл туралы Ұлттық банктің баспасөз қызметі хабарлады.

Кейбір елдерде инфляцияның баяулауына қарамастан жаһандық инфляцияның қысымы әлі де жоғары болып тұр. Қазақстанда жылдық және айлық инфляция, наурыз айында төмендегенін көрсетті.

«Инфляциялық процестердің баяулай бастағанына қарамастан, инфляцияның орнықты және тұрақты төмендеу тренді туралы айтуға әлі ерте. Тұрақсыз инфляциялық күтулер, мемлекеттік шығыстардың ұлғаюы, жанар-жағармай және тұрғын-үй коммуналдық шаруашылық нарығында уақыты келген реформалар түріндегі проинфляциялық факторлар сақталып және іске асырыла бастады. Факторлардың жиынтық балансы ортамерзімді келешекте инфляцияны төмендету үшін...

Құқық қорғау органдары  аса ауыр қылмыс жасаған 284,  ауыр қылмыс жасаған 1553 және орташа және онша ауыр емес қылмыс жасаған 574 адамды іздестіруде. Жыл басынан бері іздеу жарияланған 684 адамның 473-і ұсталды, бұл 70% құрайды. 2022 жылдан бастап іздестіру жұмысының тиімділігін арттыруды қамтамасыз ететін «электрондық іздестіру журналы» жүйесі іске қосылған. Бұл туралы Бас прокуратураның баспасөз қызметі хабарлады.

Бас прокуратурада ҰҚК, СЖҚІА, ҚМА, ІІМ-нің, аумақтық қылмыстық қудалау органдары мен прокуратура басшыларының қатысуымен күдікті адамдарды іздестірудің тиімділігін арттыру мәселелері қаралды.

Құқық қорғау органдарының бірлескен жұмысының нәтижесінде соңғы 3 жылда іздеудегі тұлғалардың саны 5 мыңнан 2,5 мыңға дейін, екі есеге төмендеген.

Ресей, АҚШ, Түркия, БАӘ, Қырғызстан, Өзбекстан және Украинадан бүгінгі таңда...

Бүгінгі таңда елімізде өзге салалармен қатар әлеуметтік бағытты да көтеруге біршама нақты  қадамдар жасалып жатқаны байқалады. Әсіресе, бұл бағытқа Қасым-Жомарт Тоқаев билікке келгелі бері басымдық беріліп жатқаны  рас.  Бірақ, осы қадамдарды жүзеге асыру үшін Үкімет қажетті қаржыны көбіне Ұлттық қордан алып отыр. Ел үкіметінің бұл әрекеті аталған салада қабылданып жатқан түрлі бастамалардың болашағы бұлыңғыр екенін көрсетпей ме? Біздің бұл пікірімізді белгілі экономист Сапарбай Жобаев та растап отыр.

«Жалпы қазіргі кезде біздің ішкі қаржы жағдайымыз алғашқы тәуелсіздік алған жылдарға қарағанда біршама  жақсарған деп есептейміз. Мәселен, бүгінгі таңда Ұлттық қорда 60 млрд. доллар ақшамыз бар. Оған қоса Ұлтты...

Жерінің асты қазба байлыққа толған еліміздегі экономикалық ахуалды тәп-тәуір деуге келмейді. Өзімізден шыққан шикізаттың кезінде дұрыс игерілмеуі, содан түскен табыстың халық игілігіне жұмсалмауының салдары қазір қатты сезіліп жатыр. Мұнай да, газ да өзімізден шығады. Бірақ өзімізге жетпейді. Әрі қымбат. Күрмеуі қиын мәселелердің себебі жалғыз емес. Жан-жақты. Осы орайда мұнай-газ саласының сарапшысы Абзал Нарымбетовпен Kursiv тілшісі кездесіп, пікір сұраған еді.

– Жанар-жағар май бағасының неге қымбаттап отырғаны бәрімізге түсінікті. Бірақ халық әлі де болса мұны қабылдағысы келмейді. Осы жағдайға қалай жеттік? Неліктен мұндай ахуал орнап отыр нарықта?

– Бағаны өзгертпейінше тапшылық бәрібір жойылмайды. Жанар-жағар майды сыртқа жібермеудің жалғыз жолы – бағаларды...

Алаяқтар тұрғындарға хабарласып, «пәтерлер ұтысы» өткізіліп жатқанын хабарлайтын болған. Осы орайда, Индустрия және инфрақұрылымдық даму министрлігіне «конкурстық негізде өткізілетін пәтерлер ұтысы» туралы азаматтардың тарапынан қоңыраулар жиі түсіп жатыр.

Алаяқтар өздерін ведомство қызметкерлері ретінде таныстырып, министрлік жергілікті атқарушы органмен бірлесе отырып конкурстық негізде пәтерлердің ұтысын өткізетіні туралы айтып, тұрғындарға хабарласатын болған. Сонымен бірге мемлекеттік органға «қаржылай берешегі» туралы мәлімдеп, ол өтелген жағдайда азамат конкурстық негізде «пәтер алатыны» туралы жалған ақпар береді екен.

«Өз кезегінде министрлік бұл ақпаратты ресми түрде жоққа шығарады. Өйткені тұрғын үй беру мәселесі жергілікті атқарушы органдардың құзыретіне кіреді әрі санаттарға сәйкес және кезекке...

Үкімет басшысы Әлихан Смайылов пен GE Healthcare компаниясының Ресей және ТМД-дағы бас директоры Елена Легезина кездесті. Тараптар компанияның Қазақстандағы жаңа инвестициялық жобаларын жүзеге асыру жөніндегі жоспарларын талқылады. Бұл туралы Премьер-министрдің баспасөз қызметі хабарлады.

Елена Легезина республикада компания қызметін дамыту үшін үлкен әлеует барын атап өтті. Бұл ретте Қазақстанда УДЗ аппараттары мен компьютерлік томографтар өндірісін локациялау жобасы пысықталуда.

«Біз Қазақстанға тек жоғары технологиялық жабдықтарды ғана емес, сонымен қатар онкологиялық және жүрек-қан тамырлары ауруларын емдеу тәсілдері мен тұжырымдамаларын ұсына аламыз. Сонымен қатар Астана мен Алматы қалаларынан екі академия ашуды жоспарлап отырмыз, мұнда қазақстандық мамандар құрал-жабдықтармен...

«Теңізшевройл» компаниясын құру туралы келісімге қол қойылуының 30 жылдығында ҚР энергетика министрі Алмасадам Сәтқалиев, компанияның акционерлері – «Шеврон» Еуразиялық бөлімшесінің, «ҚазМұнайГаз «ҰК» АҚ, «ЭксонМобил Қазақстан Венчурс Инк.», «Лукойл» өкілдері Шаңырақ вахталық кентінде компания қызметкерлерін құттықтады.

Қонақтар мұнайшылардың сіңірген еңбегін атап өтіп, компанияның ондаған мың жұмыс істеп жүрген және бұрынғы қызметкерлеріне, әсіресе кен орнын ашқан және оның табысының негізін қалаған Теңіз ізашарларына шексіз алғыстарын білдірді.

«Келісімге қол қою кезінде жобаның алдына бірден нақты мақсат қойылды – мұнайды қауіпсіз және үздіксіз өндіру, Қазақстан бюджетіне төлемдерді уақтылы жасау және қызметкерлердің қауіпсіздігін қамтамасыз ету. Біз ТШО-ның 30 жыл бойы осы міндеттемелерін мінсіз орындап жатқанына...

Фото: Ukimet телеграм арнасы

Үкіметте Әлихан Смайыловтың төрағалығымен экономиканы демонополизациялау жөніндегі комиссияның кезекті отырысы өтті. Оған орталық мемлекеттік органдар, Бас прокуратура, БҚДА, ҚМА және басқа да ведомстволар басшылығы қатысты. Бұл туралы Премьер-министрдің баспасөз қызметі хабарлады.

«Қатысушылар мұнай-газ саласының маңызды инфрақұрылымдық объектілерін мемлекет меншігіне қайтару барысын, теміржол жүк тасымалы нарығындағы жасанды монополияларды жою жөніндегі шараларды және астық тасымалдау нарығы субъектілерінің жауапкершілігін арттыру тетіктерін талқылады», делінген хабарламада.

Жиында Әлихан Смайылов алдағы уақытта нақты экономикалық нәтижелерге қол жеткізу үшін басталған істер бойынша рәсімдерді және жалпы экономиканың негізгі секторларын демонополизациялау қарқынын жеделдетудің маңызын атап өтті.

«Атамекен» Ұлттық кәсіпкерлер палатасы ҚР Қаржы министрлігінің Мемлекеттік кірістер комитетімен бірлесіп, ҚҚС қайтаруды қайта қарауды талқылауға бастамашы болды Бұл туралы atameken.kz хабарлады.

Еске салсақ, өткен жылдың наурызында Қаржы министрлігі бизнес-қоғамдастықпен талқылау өткізбей, Салық кодексі мен «Құқықтық актілер туралы» заңның ережелеріне қайшы келетін ҚҚС қайтару бойынша жаңа қағидаларды қабылдады. Бұл жайт мәселені түрлі деңгейде, соның ішінде «таза парақтан реттеу» жөніндегі жұмыс тобы шеңберінде бірнеше рет талқылауға әкелді.

Содан кейін тараптар ҚҚС-ті қайтару қағидаларына қатысты бизнестің ұсыныстары бизнес-қоғамдастықпен апта сайынғы талқылау қорытындылары бойынша пысықталатыны туралы уағдаласты. Талқылау салықтық және кедендік әкімшілендіруді жетілдіру жөнінде ұсыныстар әзірлеу үшін жұмыс тобы шеңберінде жүргізіледі.

Өзбекстанның Сенат мәжілісі әйелдер мен балаларға қатысты құқықбұзушылықтар үшін жазаны қатайтатын заңды қабылдады. Бұл туралы ҚазАқпарат хабарлады.

Жаңа заң бойынша отбасылық және тұрмыстық зорлық-зомбылық қылмыстық істерге жатқызылмақ. Аталмыш заң бүгінгі таңда әйелдер мен кәмелетке толмағандарға қатысты орын алып жатқан түрлі зорлық-зомбылықтар үшін қатаң жазалар белгілеумен қатар, осындай жағымсыз оқиғалардың алдын алатын болады.

Зорлық-зомбылық жасаған тұлғаларға, оның ішінде кәмелетке толмағандарға қатысты жазадан мерзімінен бұрын шартты түрде босату немесе жұмсақ жазамен алмастыру қолданылмайды. Керісінше, мұндай қылмыстар қатаңдатылады.

Зорлық-зомбылықпен байланысты қылмыстарды саралаудағы критерийлердің бірі – қылмыскердің зардап шегушісінің жасын білуі жойылды. Бұдан былай айыпталушы жәбірленушінің жасын білмеуі оны Қылмыстық кодексте қарастырылған жауапкершіліктен...

2023 жылғы 6 сәуірде ҚР Премьер-Министрінің бірінші орынбасары Роман Склярдың төрағалығымен жанар-жағармай (ЖЖМ) нарығындағы ахуал бойынша кеңес өтті.

Жалпы ел бойынша дизель отынының жиынтық қоры 308,56 мың тоннаны құрайды, бұл 2023 жылғы 1 қаңтардағы қормен салыстырғанда 59 мың тоннаға артық.

Сонымен қатар кейбір өңірлерде жекелеген жанармай құю станцияларында дизель отынын сатуда шектеулер байқалады.

Осыған байланысты ЖЖМ ішкі нарығын қамтамасыз ету үшін:

– Өңірлік штабтарға (ЖАО, БҚДД, МКД, ЭТД, ТМРД) ЖЖМ жасанды тапшылығын тудырмау мақсатында өңірлік мұнай базаларын комиссиялық тексеру жөнінде шаралар қабылдау;

– Бұзушылық фактілері болған жағдайда тиісті мемлекеттік органдарға нарық субъектілерінің бәсекелестікке қарсы немесе доминантты әрекеттері бойынша тергеу жүргізу...

Мәдениет және спорт министрлігінің мәліметінше, өткен жылы Маңғыстау облысына 41 мыңнан астам шетелдік турист келген. Орташа алғанда, шетелден келген қонақтар Каспий теңізінің жағалауында бір аптадан 12 күнге дейін болған. Бұл туралы ҚР Мәдениет және спорт министрлігі хабарлады.

Сондай-ақ, еліміздегі демалыс мерзімінің ұзақтығы бойынша алғашқы үштікке Алматы және Астана қалалары кірді.

2022 жылы Алматыға 417 мыңнан астам шетелдік қонақ келді. Орташа алғанда, олар оңтүстік астанада 3-5 күн өткізген.

Былтыр Астанаға 238 мыңнан астам шетелдік турист келді. Елордада олар орта есеппен 2-3 күн болды.

Ал шетелден келген туристердің Қазақстанда саяхаттау мерзімінің орташа ұзақтығы 4 күнді құрайды.

«Сапардың ұзақтығы өңірдің туристік...

Қосылған құн салығының асып кетуін қайтару қағидаларына өзгерістер енгізу барысында бизнес қауымдастығының ескертулері мен ұсыныстары ескеріліп, біраз оңтайландыратын өзгерістер қабылданды. Бұл туралы Мемлекеттік кірістер комитеті хабарлады.

«Қосылған құн салығының асып кетуін қайтару және қосылған құн салығының асып кеткен сомасының анықтығын растау мақсатында тәуекелдерді басқару жүйесін қолдану қағидаларын, сондай-ақ тәуекел дәрежесінің өлшемшарттарын бекіту туралы» Қазақстан Республикасы Қаржы министрінің 2018 жылғы 19 наурыздағы №391 бұйрығына (НҚА) Қазақстан Республикасы Қаржы министрінің 2023 жылғы 20 наурыздағы № 289 бұйрығымен өзгерістер мен толықтырулар енгізілді.

Өзгертілген қағидалар 2023 жылғы 6 сәуірден бастап қолданысқа енгізіледі.

ҚҚС асып кетуін қайтару мерзімін 155 күнтізбелік күннен 75 жұмыс күніне дейін...