Жаңалықтар

Австралияда Asia Pacific Screen Awards азиялық беделді киносыйлығы өз жеңімпаздарының есімдерін жариялады. Биылғы жылы үш қазақстандық фильм – Асхат Кучинчирековтың «Бауырына салу», Дархан Төлегеновтың «Ағайынды» және Айсұлтан Сейітовтың «Қаш» картиналары жүлдегерлер қатарына енді. Айта кететін жайт –  үш фильм де режиссерлердің дебюттік жұмыстары.

Оның ішінде екі фильм, атап айтсақ, «Бауырына салу» мен «Ағайынды» Мәдениет және ақпарат министрлігінің тапсырысы бойынша Ұлттық киноны қолдау мемлекеттік орталығының көмегімен түсірілген.

«Бауырына салу» «Үздік жастар фильмі» номинациясында жеңіске жетсе, «Ағайынды» картинасында басты рөлдерді сомдаған Айбар Салы мен Әлішер Исмаилов «Үздік жаңа қойылым» үшін жүлдеге ие болды. Ал «Қаш» туындысы «Үздік операторлық жұмыс» номинациясында марапатқа...

GnS Economics бас экономисті, Хельсинки университетіндегі экономика доценті Туомас Малиненнің айтуынша, Газа секторындағы ушыққан ахуал тудыратын тәуекел тым жоғары болмақ. Бұл ретте маман бірнеше қауіпті тізбелеп өтеді.

Қауіпті салдарлар:

• Қақтығыс ауқымы кеңейіп, тікелей АҚШ-тың қатысуымен өңірлік соғысқа ұласады;
• ОПЕК мұнай эмбаргосымен жауап қатады;
• Иран Ормуз бұғазын жауып тастайды;
• Мұнай бағасы барреліне 300 долларға жетеді;
• Сұйытылған табиғи газдың тапшылығынан Еуропа толықтай энергетикалық дағдарысқа ұшырайды;
• Энергия тасымалдаушылар бағасының жаппай көтерілуі инфляцияны үдетіп, Орталық банктер бұған амалсыз назар аудара бастайды;
• Қаржы нарықтары және әлемдік банк секторы құлдырайды;
• Қарыз кризисі АҚШ-қа да жетеді, бұл өз кезегінде ФРЖ-ны қаржы нарығына тағы бір мәрте көмек...

Истаграм желісінде 1,9 миллион оқырманы бар Ресейлік блогер, бизнес-коуч Аяз Шабутдинов ұсталды.

Ол оқу курстарын сатуда алаяқтық жасады деген күдікке іліккен. Бұл туралы ТАСС агенттігі хабарлады.

«Бүгін блогер шетелден Мәскеуге келді, кейін ол үйіне емес, жалға алынған пәтеріне бет алды. Оны сол жерде полиция ұстады. Қазір Шабутдиновтың жағдайы белгісіз», – деп жазылған хабарламада.

32 жастағы бизнес-коуч Аяз Шабутдиновты полиция қызметкерлері 3 қараша күні таңертең Мәскеуде жалға алған пәтерінде ұстаған.

Ресей Ішкі істер министрлігінің мәліметінше, блогер сыбайластарымен бірге кәсіпкерлерге табыс табуды үйретуге уәде берген.

«Блогер агрессивті маркетинг әдістерін қолдана отырып...

Газа секторындағы гуманитарлық апат, Ауғанстанда тұрақтылық орнатудың маңыздылығы және энергетикалық қауіпсіздік пен түркі елдеріне ортақ әліпби әзірлеу.
Түркия президенті Астанада өткен Түркі мемлекеттері ұйымының Х саммитінде осы мәселелерді тілге тиек етті.

«Жаһандық сын-қатерлерге қарсы күрестегі ең маңызды күшіміз – түркі әлемінің бірлігі мен ынтымағы. Соңғы кездері басымыздан өтіп жатқан оқиғалардан ақиқатты көреміз. Әзірбайжан Қарабақта 30 жылға созылған оккупациядан толық құтылды. Біз бұл тарихи жетістікті мақтан тұтамыз және қуанамыз», – деді Режеп Тайип Ердоған.

Палестина әлемнің көз алдында бұрын-соңды болмаған адамзаттық трагедияны бастан кешіріп жатқанына тоқталған Түркия президенті Израильдің ауруханаларды, мектептерді мешіттерді бомбалап жатқанын айыптады.

Мемлекеттік техникалық қызмет Қазақстанның қандай мемлекеттік органдарына кибершабуылдар жасалатыны және оның артында кім тұрғаны туралы ақпаратты жария ете алмайды. Шабуылдаушылар қазақстандық сайттарға қандай мақсатпен шабуыл жасайтыны туралы» Курсив » сұрауына МТҚ бұл «философиялық сұрақ»деп жауап берді.

Не болды. «Курсив» журналисі қай мемлекеттік органдарға жиі кибершабуылдарды жасайтынын білу үшін ҚР цифрлық даму, инновациялар және аэроғарыш өнеркәсібі министрлігінен сұрау салды.

Неліктен бұл ақпарат құпия болып шықты

«Ақпараттандыру туралы» Заңға сәйкес, Ұлттық ақпараттық қауіпсіздікті үйлестіру орталығының (ҰҚКҰ) қызметкерлері өз қызметі нәтижесінде алған коммерциялық және заңмен қорғалатын өзге де құпияны жария етуге жауапты болады.

Ақпараттандырудың нақты объектілері, оның ішінде мемлекеттік...

«Түркі әлемі» атты жаңа брендті дәріптеу қажет. Түркі мемлекеттері ұйымының Х саммитінде Президент Қасым-Жомарт Тоқаев осындай бастама көтерді.

«Түркі жұрты Байкалдан Балқанға дейінгі ұлан-ғайыр аумақты жайлап жатыр. Түркі әлемінің өркениеті Ұлы даладан бастау алатыны баршаға мәлім. Осы ортақ құндылықтарымыздың мұрагері – Түркі мемлекеттері ұйымы. Қазақстан Түркі мемлекеттері ұйымын одан әрі дамытуға мүдделі. Түркі ықпалдастығын тереңдету – ортақ мұрат. Біз «Түркі әлемі» атты жаңа брендті дәріптеуіміз керек. Сонда ғана түркі халықтарының ынтымағы барынша нығайып, әлеуеті арта түседі», – деді Қ.Тоқаев.

Президент түркі халықтарының ынтымағын нығайтып, әлеуетін арттыруға ықпал ететін 8 бағытқа басымдық беруді ұсынды.

Орталық банктердің алтынға сұранысы рекордтық деңгейге жетті, бірақ бұл Қазақстанға қатысты емес. Дүниежүзілік алтын кеңесі өзінің кезекті тоқсандық есебін жариялады. 

Оның қорытындысына сүйенсек, биыл жаһан елдерінің орталық банктері 800 тонна алтын сатып алған. Бұл соңғы тоғыз айдағы рекордтық көрсеткіш.

Мәселен, үшінші тоқсанда Қытайдың Орталық банкі алтын қорын 78 тоннаға арттырып, әлемдегі ең ірі сатып алушы атағын қайтарып алды. Жыл басынан бері Қытай Халық банкі алтын қорын 181 тоннаға ұлғайтып, 2 192 тоннаға жеткізді. Бұл аталған елдің халықаралық қорының 4 пайызына үлесін алады.

Сонымен қатар, алтын қорын кеңейткен елдердің қатарында Түркия бар. Үшінші тоқсанда Анадолы елі 39 тонна бағалы метал...

«Самұрық-Қазына» жалғыз акционері Үкімет атынан мемлекеттік холдингтің тәуелсіз директорларын дербес тағайындайтын болады. Сондай-ақ, Тұңғыш Президент Нұрсұлтан Назарбаев атындағы қорды басқару жөніндегі кеңеспен келісу қажет, деп хабарлады Үкімет қаулысының жобасында.

«Қазақстан Республикасының Үкіметі ҚАУЛЫ ЕТЕДІ: … 49-1-тармақ мынадай редакцияда жазылсын:» 49-1. Осы Жарғының 49 – тармағының 6) (Тәуелсіз директорларды сайлауға қатысты) және 6-1) тармақшалары бойынша шешімдерді Қордың жалғыз акционері қабылдайды», – делінген жарияланған қаулының жобасында.

«Самұрық-Қазына» Жарғысының қолданыстағы редакциясына сәйкес Жалғыз акционер қорды басқару жөніндегі кеңеспен келісім бойынша Тәуелсіз директорларды сайлау туралы шешім қабылдайды. Осылайша, Үкіметтің өзі мемлекеттік холдингтің тәуелсіз директорларын тағайындайтын болады.

«Самұрық-Қазынаны...

Қасым-Жомарт Тоқаев Түркі мемлекеттері ұйымының 10-шы саммитіне қатысу үшін Астанаға келген Түркия Президенті Режеп Тайип Ердоғанмен кездесу өткізді. Бұл туралы Ақорда баспасөз қызметі хабарлады.

Режеп Тайип Ердоған өзара құрметтің белгісі ретінде Қасым-Жомарт Тоқаевқа Түркияда шығарылған TOGG электромобилін сыйға тартты. Сондай-ақ Мемлекет басшысына жаңа электрокарды өзі таныстырды.

«Қасым-Жомарт Тоқаев Түркі мемлекеттері ұйымының 10-шы саммитіне қатысқан Режеп Тайип Ердоғанға ілтипат білдіріп, елорда әуежайынан шығарып салды.

Режеп Тайип Ердоған өзара құрметтің белгісі ретінде Қасым-Жомарт Тоқаевқа Түркияда шығарылған TOGG электромобилін сыйға тартты. Сондай-ақ Мемлекет басшысына жаңа электрокарды өзі таныстырды»-делінген хабарламада.

Қасым-Жомарт Тоқаев Режеп Тайип Ердоғанға алғыс айтып, әріптесін...

ҚР Сыбайлас жемқорлыққа қарсы іс-қимыл агенттігі Америка Құрама Штаттарындағы әріптестерімен жемқорлыққа қарсы мәселені талқылады. Бұл туралы Антикор хабарлады.

Агенттік Төрағасы Асхат Жұмағалидің АҚШ Мемлекеттік департаментінің Есірткімен халықаралық байланыстар және құқық қорғау органдары бюросының кеңесшісі, Азия аймағында бағдарламалар мен жобаларды енгізу саласындағы сарапшы Кайл Оджимамен кездесуі өтті.

Асхат Жұмағали Агенттіктің қызметі және жүргізіліп жатқан реформалар туралы хабардар етіп, сондай-ақ американдық тараптың жемқорлыққа қарсы жобаларды іске асыруда және ілгерілетуде көрсетіп отырған қолдауының маңыздылығын атап өтті.

Тараптар екіжақты ынтымақтастық мәселелерін талқылап, қаржылық тергеу, активтерді қайтару, цифрлық қаржы активтерін, криптобиржаларды және басқа да цифрлық платформаларды пайдалана отырып жасалған жемқорлық қылмыстарға...

Өзбекстан 2024 жылы үкіметаралық келісім аясында Ресейден 1 млн тоннадан астам мұнай мен мұнай өнімдерін сатып алу мүмкіндігін қарастыруда, деп хабарлады республиканың Энергетика министрі Журабек Мырзамахмудов 16-шы Верона Еуразиялық экономикалық форумының аясында.

«Біз мұнай мен мұнай өнімдерін жалпы алғанда 1 миллион тоннадан астам деп санаймыз», – деді ол журналистердің 2024 жылы жеткізілім көлемі туралы сұрағына жауап ретінде.

Мырзамахмудов 2023 жылдың қорытындысы бойынша Ресейден мұнай және мұнай өнімдері импортының көлемі де 1 млн тоннадан асатынын, бірақ 2024 жылға «біз қолымыздан келгенше көбірек жоспарлаймыз, экономика өсуде – қажеттілік өсуде»деп атап өтті.

Министр Өзбекстанның Ресеймен мұнай жеткізу...

Қорғаныс министрлігі ҚР Парламенті Мәжілісінің депутаты Ерлан Стамбековтың мерзімді қызметтегі әскери қызметшілерді кредит алуға мәжбүрлеу туралы пікіріне қатысты ресми түсініктеме берді.

Министрлік заң шығарушы билік өкілінің мәлімдемесін негізсіз санап, шындыққа жанаспайтынын айтқан. Қоғаныс министрлігі тарапынан керісінше жауынгерлерге несие төлеуге жеңілдік жасалып, әскери қызмет еткен уақытта несие мерзімі тоқтатылатынын айтқан.

«Мерзімді қызметтегі сарбаздардың әскери қызмет өткеру кезеңінде әскери бөлімде жүріп несие ресімдеуге мүмкіндігі жоқ. Бүгінгі таңда мерзімді әскери қызметке шақырылғанға дейін жастардың алған несиесі қомақты соманы құрайды. Қарулы Күштер қатарына келгенге дейін 12 мыңға жуық сарбаздың екінші деңгейдегі банктер мен микрокредиттік ұйымдарда 4,8 млрд.теңге...

Фото: kursiv.media

Қазанда іскерлік белсенділік индексі 49,6-ге дейін біршама жақсарғанымен, әлі теріс аймақта тұр. ҚР ҰБ ақша-кредит саясаты департаментінің директоры Рүстем Оразалиннің айтуынша, өндірістегі көрсеткіш оң аймаққа өтіп, 51,6 көрсеткішке дейін жақсарған.

«Құрылыста іскерлік белсенділік индексі өзгеріссіз. Көрсеткіш алдыңғы айдағыдай 48,5 күйінде қалды. Қызмет көрсету және тау-кен өндіру секторында да индекс теріс аймақта тұр. Әсіресе, қызмет көрсетуде 49,5-ке дейін (қыркүйектегі 49,1-ден) біршама ұлғайды. Тау-кен өндіру өнеркәсібінде жеткізу мерзімі ұзарып, жұмыспен қамту деңгейі төмендегендіктен 48,7-ден 48,0-ге дейін түсті», – дейді ҰБ өкілі.

8 өңірде іскерлік белсенділік жақсарып, 9 өңірде нашарлап, 1 өңірде өзгеріссіз қалды.
Индекстің ең жоғары...

2024 жылғы 1 қаңтардан бастап құрамында денатуратталмаған этил спирті бар дәрілік заттар мен медициналық бұйымдарға акциз салынады. Бұл өз кезегінде, құрамында спирті бар, йод, корвалол, этанол секілді заттардың қымбаттауына алып келуі мүмкін.

«Атамекен» ҰКП медициналық қызметтер департаментінің директоры Назгүл Қабдрахманованың айтуынша, бұл норма құрамында спирті бар отандық өнім бағасының 30-100%-ға өсуіне алып келеді. 

Акциздің салынуына байланысты отандық өндірушілер өз өнімдерінің бағасы өсіп, шетелден келетін арзан тауарлармен бәсекеге түсе алмай, өндірістік қуаттылық төмендеп, қызметкерлердің саны да қысқаратынын айтып жатыр.

«Этанолды сатып алуға акцизді қосу өнімдеріміздің 80%-ға қымбаттауына алып келеді. Тиісінше, алкогольге акциз салынбайтын Беларусь және Ресей...

Астана қаласында мас күйінде көлік айдап, жүргізуші куәлігінен айырылған азамат Конституциялық сотқа шағым түсірген. Ол ӘҚбК-нің 608-бабы бірінші бөлігін алтернативсіз деп бағалаған.

Астана қаласының әкімшілік құқық бұзушылықтар жөніндегі мамандандырылған ауданаралық сотының қаулысымен өтініш беруші ӘҚбК-нің 608-бабының бірінші бөлігінде көзделген әкімшілік құқық бұзушылықты жасауда кінәлі деп танылып, жеті жыл мерзімге көлік құралын басқару құқығынан айырыла отырып, он бес тәулікке әкімшілік қамаққа алынған.

Жазасын өтеп шыққан соң, С. есімді азамат ӘҚбК-нің 608-бабы бірінші бөлігінің: «Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе)
уытқұмарлық масаң күйдегі адамның басқаруына беру он...

Коллаж: kursiv.media

Қаржы нарығын реттеу және дамыту агенттігі бұрынғы Экономикалық даму және сауда вице-министрі Абай Ескендіровке кәсіпкер Кеңес Рақышевқа тиесілі болған «Аманат» сақтандыру компаниясының капиталындағы ірі үлесті сатып алуға рұқсат берді.

Рұқсат алынған меншіктің нақты үлесі жарияланбаған. Тек Ескендіровтың енді «Amanat» сақтандыру компаниясы» Акционерлік қоғамының ірі қатысушысы мәртебесіне ие екені айтылған. Бұл өз кезегінде «сақтандыру ұйымының қаржылық жағдайы нашарлаған жағдайда оның қаржылық жағдайын жақсарту жөнінде, оның ішінде қаржылық тұрақтылықты қамтамасыз ету үшін жеткілікті мөлшерде өзінің меншікті капиталын ұлғайту жөнінде шаралар қабылдау міндетін көздейді».

Абай Ескендіров «Қазына» тұрақты даму қорында және оның мұрагері «Самұрық-Қазына» қорында басшылық қызмет атқарды. 2011–2014 жылдары Экономикалы...

1-сәуірге дейін Шардара су қоймасына 11,1 текше шақырым су келеді деп күтілуде. Осыған орай Су ресурстары және ирригация министрі Нұржан Нұржігітов көрші елдермен Шардара су қоймасының суын пайдалану жөніндегі келісімге қол қойды.

«Ташкентте өткен Мемлекетаралық су шаруашылығын үйлестіру комиссиясының 85-ші отырысы аясында Қазақстан, Тәжікстан, Түрікменстан және Өзбекстан Сырдария және Әмудария өзендерінің бассейндеріндегі су қоймалары каскадтарының болжамды жұмыс тәртібі кестесі мен 2023-2024 жылғы вегетациялық кезеңде су алу лимиті көрсетілген хаттамаларға қол қойды», делінген министрліктің баспасөз қызметі таратқан ақпаратта.

1-ші сәуірге дейін Шардара су қоймасына 11,1 текше шақырым су келеді деп болжанып отыр. Ал...

АҚШ өкілдер палатасы республикалықтардың Украинаға емес, тек Израильге көмектесу туралы ұсынысын қабылдады. Оған сай Америка Израильге 14,3 миллиард доллар көмек жіберуі қажет. 

Reuters хабарлауынша, бұл заңға 226 өкіл келісім берсе, 196 өкілге оған қарсы дауыс берген. Келісім бергендердің 214-і республикалықтар. Ал қарсы шыққандардың 194-і демократтар. Енді заң жобасы Сенатқа өтіп, одан кейін президент Джо Байденнің алдына баруы тиіс. 

Бұл Өкілдер палатасына республикалық өкіл Майк Джонсон төрағалық еткендегі қабылданған алғашқы заң жобасы болды. Ол «Иран қолдап отырған Хамаспен күрес кезінде Израильге көмек берудің маңызды екенін» айтқан.

Айта кетейік, осыған дейін аталмыш заң жобасын қабылдауға президент Джо Байденнің қарсылық білдіріп, оған вето қоюға мүдделі екенін хабарлағанбыз. Себеб...

Қазақстанда инфляция мен жұмыссыздық көрсеткіштері өскен. Еліміз жұмыссыздық пен инфляция жөнінен ЕАЭО елдерінің ішінде алдыңғы орында.

2023 жылдың қаңтар-тамыз айларында Қазақстанна басқа, одаққа кіретін елдердің барлығында жұмыспен қамту орталықтарында тіркелген жұмыссыздар саны айтарлықтай азайған. Өткен жылдың сәйкес кезеңімен салыстырғанда жұмыссыздар саны Қырғызстанда – 5,1%-ға, Арменияда – 13,7%-ға, Беларусьте – 26,2%-ға, Ресейде – 27,2%-ға азайған. Ал Қазақстанда бұл көрсеткіш, керісінше 14,1%-ға өскен.

ЖІӨ бойынша ЕАЭО-дағы ең жоғары көрсеткішке Армения мемлекеті жеткен. Бұл елде ЖІӨ – 10,5% құрады. Қазақстан +5,3% экономикалық өсіммен екінші орында тұрса, Қырғызстан +3,9% үшінші орында тұр. Ал Беларусьте ЖІӨ деңгейі сегіз айда 2%-ға ғана көтерілсе...

Қазақстанның 200 мыңға жуық азаматы шет елдерде еңбек мигранты болып жүр. Отандастырмыздың еңбек құқығын қорғау үшін Еңбекмин еңбек мигранттарына квота бөлу мәселесін қарастырмақ. Бұл туралы Еңбек және халықты әлеуметтік қорғау министрлігінің «Курсив» сауалына берген жауабында жазылған.

Министрліктің хабарлауынша, халықаралық еңбек нарығында қазақстандықтарға сұраныс географиясы кеңейіп келеді. Осыған байланысты Қазақстанның 2023-2027 жылдарға арналған көші-қон саясаты тұжырымдамасында шетелде жұмыс істейтін азаматтардың әлеуметтік-еңбек құқығын қорғауға бағытталған шаралар қарастырылған. Оның ішінде қазақстандық жұмыс күшін тартатын елдермен еңбек мигранттарының әлеуметтік және еңбек құқықтарын сақтау жөніндегі екіжақты келісімге келу де бар.

«Жоғарыда аталған Келісімдер қабылдағаннан кейін, министрлік жеке жұмыс агенттіктер...

«Қазатомөнеркәсіп» ұлттық компаниясы француздық Orano  компаниясымен бірге уранды өңдеу және байыту технологиясын қолданып, оны үйренуді жоспарлап отыр. Бұл туралы Алматыдағы сапары кезінде Энергетика министрі Алмасадам Сатқалиев айтты.

«Қазір «Қазатомөнеркәсіптің» уранды конверция және байыту жұмыстарын жүргізуі жоспарланып отыр. «Қазатомөнеркәсіп» мен Orano арасындағы келісім Қазатомпромның осы технологияларға қол жеткізуіне мүмкіндік береді», – деді министрі.

Қазіргі таңда «Қазатомөнеркәсіпте» жилу жинауға арналған таблеткалар жасап шығару мүмкіндігі бар. Бұл таблеткалар француз реакторларының дизайнына сай жасалған. Енді осы бағыттағы жұмысты әрі қарай дамытып, келесі циклға өту көзделіп отыр. Яғни уран өндіруден бірінші орындағы ел ретінде Қазақстан уранды өңдеу және байыту технологиясын үйренуге ниетті.

Фото: kursiv.media

Астанада өтіп жатқан Түркі мемлекеттері ұйымының Х саммитінде Өзбекстан Президенті Шавкат Мирзиёв осындай бастама көтерді.

«…Келесі кезеңде бізге Түркі даму банкін қалыптастыруға қадам жасауымыз қажет. Біз осы қаржылық институтты Ташкентте құруды ұсынамыз», – деді Ш.Мирзиёв.

Өзбекстан Президенті Түркі мемлекеттерінің сауда-саттығын зерттеу ұйымының бастамасын толығымен қолдайтынны мәлімдеді.

«Осы ұйымның жұмысын дұрыс жолға бағыттау бірқатар кедергілерді еңсеруге мүмкіндік береді. Оның ішінде сауда-саттық саласындағы кедергілер, импорт пен экспорттың көлемін арттыру, электронды дамыту бағытындағы кедергілерді жояды», – деді Ш.Мирзиёв саммитте.

Өзбекстан басшысының пікірінше, жаһандық логистикалық тізбектерді әртараптандыру мәселесі Түркі мемлекеттері ұйымының ерекше...

Фото: kursiv.media

Ақорда Қасым-Жомарт Тоқаев Президент Ильхам Әлиевті Әзірбайжанның аумақтық тұтастығының қалпына келуімен құттықтады, деп хабарлады.

Қазақстан Президенті Түркі мемлекеттері ұйымының Х саммитіне қатысу үшін Астанаға келген И.Әлиевті Әзербайжан халқының ел іргесін бекемдеуімен құттықтады.

«Сіздің еліңіз аумақтық тұтастығын қалпына келтіріп, дамудың жаңа тарихи дәуіріне қадам басты. Осы тарихи қадам Біріккен Ұлттар Ұйымының Жарғысына және Қауіпсіздік кеңесінің қарарына сәйкес жүзеге асты», – деді Қазақстан басшысы.

19 қыркүйекте Әзірбайжан мойындалмаған Таулы Қарабақ аумағында әскери операция жүргізді. Операция Степанакерттегі «режимді» таратуды мақсат тұтты. Бір күнге созылған операция 20 қыркүйекте тоқтады. Тараптар атысты тыю туралы келісімге келді.
28 қыркүйекте...

Қазақстан Қытайға қосымша 10 миллион тоннаға дейін мұнай экспорттай алады. Бұл жайлы Алматыда өткен брифингте Энергетика министрі Алмасадам Сәтқалиев айтты.

«Қазіргі уақытта Қазақстан экспортының көлемі аз. Биыл бұл көрсеткіш 1 миллион тоннадан сәл ғана асты. Бізде қосымша экспорттық мүмкіндіктер бар. Яғни, құбырда бос орын бар, мен сол туралы айтып отырмын. Біз Қытайлық серіктестермен бірлесіп екі жобаны жүзеге асыру арқылы сол бос орындарды толтыруды көздеп отырмыз. Алдағы уақытта Кеңқияқ – Атырау және Кеңқияқ – Құмкөл магистральдық газ құбырының екі учаскесін кеңейтіліп, батыс облыстардан мұнай жіберуге мүмкіндік туады», – деді министр.

Ол Қазақстан қазір Қытай...