Жаңалықтар

Дабыл белгісін дер кезінде қосу қажет еді. Үкімет басшысы Әлихан Смайылов Төтенше жағдайлар министрі Сырым Шәріпхановқа Алматыдағы жер сілкінісіне байланысты осындай ескерту жасады.

«Бақытымызға орай қаза болғандар мен ауыр зардап шекендер жоқ. Бірақ жарақат алғандар бар», – деді Әлихан Смайылов үкімет отырысында.

Премьер-министр дер кезінде тиісті ақпаратпен қамтамасыз етілмеген адамдар қорқыныш пен үрейдің салдарынан 2-3-қабаттан секіріп кеткенін мәлімдеді.

«Бұл ескерту жүйелерін дер кезінде қосып, халыққа мүмкіндігінше ертерек хабарлама жіберу қажет болғанын көрсетеді. Мұндай жағдайда азаматтарға қалай әрекент етудің реттілігін нақты хабарлау қажет», – деді үкімет басшысы.

Әлихан Смайылов жер сілкініс...

Сейсмологиялық бақылау және зерттеу ұлттық ғылыми орталығының директоры, сейсмолог Дәулет Сәрсенбаев алдағы уақытта жойқын жер сілкінісі болмайтынын айтты.

«Түнде болған жер сілкінісінен кейін Қырғызстан аумағында да, ҚХР аумағында да 100-ден астам тербеліс тіркелді. Алматыда 5 тербеліс қана болды. Бұл қанша уақытқа созылуы мүмкін дегенге келсек, былтыр Түркия мен Сириядағы жер сілкінісінен кейін тербелістер әлі күнге жалғасып келеді», – деді Сәрсенбаев.

Оның айтуынша, қалада түнде болған жер сілкінісінен жоғары баллды тербеліс болмайды.

«Алдағы уақытта жойқын жер сілкінісімен тербеліс болмайтынына 100 пайыз кепілдік беремін. Тербеліс күші кеми беретін болады», – деді Сәрсенбаев.

Еске сала кетсек...

Алматыдағы жер сілкінісінен бұрын тұрғындарға ескерту СМС-хабарламалары келмеген. Бұдан бөлек, қалада дабыл қағылмаған. Бүгін өңірлік Төтенше жағдайлар департаменті ескерту жасау құралдарының неліктен іске қосылмағанын түсіндірді.

Алматы қалалық төтенше жағдайлар департаментінің басшысы Нұрлан Атығаевтың айтуынша, жер сілкінісі кезінде дабыл тек 5,5 баллдан асқан кезде қағылады.

«Қалада 843 электрлі дабыл қағу құрылғылары бар. Бұл қаланы 100% қамтып отыр. Жер сілкінісінің магнитудасы 5,5 баллдан асқан кезде ғана дабыл қағылады. Ал түнде қалада болған тербеліс күші 4-5 балл шамасында болды. Сондықтан ажиотаж тудырып, елді бекер дүрліктірмеу үшін дабыл қағылмады», – деді Атығаев.

Бұған қоса, ол қала тұрғындарының жер сілкінісі туралы...

АШМ келісім беру уақытын 99 күнге созған / Фото: kursiv.media

Бас прокуратура Ауыл шаруашылығы министрлігінің жұмысынан заңсыздықтар анықтады. Бас прокуратураның баспасөз қызметінің хабарлауынша, АШМ инвесторға жобаға қатысты келісім беруді әдейі кешіктірген.

«Бас прокуратура мен «Kazakh Invest» ҰК» АҚ (Task Force) бірлескен жұмысы аясында Ақмола облысында құрама жем зауыты мен құс фабрикасын салу жобасын іске асыратын отандық инвестордың проблемасы анықталды. Инвестициялық жобаны іске асыру кезінде Ауыл шаруашылығы министрлігі заң талаптарын бұза отырып, келісу мерзімін 25 жұмыс күнінің орнына 99 күнге дейін созған», – делінген хабарламада.

Прокуратура бұл заң бұзушылықтарға байланысты Ауыл шаруашылығы министрлігінің Халықаралық ынтымақтасты...

Сейсмологтар алдағы күндерге болжамын жариялады. Оған сәйкес елімізде 7 балдық жойқын зілзала күтілмейді.

«Сейсмологиялық байқаулар мен зерттеулердің ұлттық ғылыми орталығының сейсмикалық ахуалды бағалау жөніндегі комиссиясының Кезектен тыс отырысының қорытындысы бойынша, алдағы күндері Алматы болжау полигонының аумағында магнитудасы 5,6 ал қарқындылығы 7 балл және одан жоғары баллды құрайтын (MSK -64 – сейсмикалық шкаласы бойынша) күшті жер сілкіністері 70% ықтималдықпен күтілмейді», – делінген хабарламада.

Орталықтың хабарлауынша, қазіргі уақытта Қытай мен Қырғызстан шекарасында 23 қаңтарда 00 сағат 09 минутта 7 магнитудасымен болған жер сілкінісінің афтершогы бәсеңдеп жатыр.

Еске сала кетсек, ҚР ТЖМ «Ұлттық сейсмологиялық бақылау және зерттеу...

Алматыда бірінші ауысым оқушыларының сабағы болмайды. Түнде болған жер сілкінісіне байланысты халықты қабылдау пунктері түні бойы жұмыс істеген.

«Қала мектептері мен колледждерінде түні бойы халықты қабылдау пунктері жұмыс істеуіне байланысты, 23 қаңтар күні Алматы қаласының мектептері мен колледждерінде 1-ауысымдағы сабақтар болмайды», – делінген қалалық білім басқармасының хабарламасында.

Ал балабақшалар штаттық режимде жұмыс істейді. Балаларды әкелу ата-аналардың өз еркінде.

Еске сала кетсек, ҚР ТЖМ «Ұлттық сейсмологиялық бақылау және зерттеу ғылыми орталығы» ЖШС сейсмикалық станциялар желісімен 2024 жылғы 23 қаңтарда Алматы уақытымен 00 сағат 09 мин 02 сек жер сілкінісі тіркелді. 

Жер сілкінісінің эпицентрі Алматы...

Жыл соңына қарай трендтерді түгендеп, ендігі жылға қатысты болжам барлық дерлік салада жасалады. Қаржы саласындағы трендтерге халықаралық тәуелсіз консалтиң компаниялары тоқталды. Атап айтқанда, deVere Group пен McKinsey 2024 жылы финтех нарықтың қандай бағытта дамып, жылжитынын анықтап көрген. Мамандардың айтуынша, жасанды интеллектінің қарқыны күшейе түсіп, криптовалюта мен дижитал валютаға қызығушылық арта түседі. Олай болса, финтех-индустриядағы биылғы трендтерге жеке-жеке шолу жасайық.

Криптовалютаға сенімге кіреді

DeVere Group халықаралық қаржылық консалтиң компаниясының болжамына қарасақ, 2024 жыл финтех үшін динамика мен инновацияға толы жыл болмақ. Түгел салада түрлі «төңкеріс» болуы да мүмкін деседі. Сарапшылар трендтің басына криптовалютаның танымалдығы мен маңызы артатынын қойған. Қарап...

Алматыда болған жер сілкінісінен 8 адам зардап шеккен. Бұл жайлы қалалық денсаулық басқармасы хабарлады.

«Алматыда 23 қаңтарда болған жер сілкінісі нәтижесінде сағат 03:00-те 8 адам зардап шекті. Олар бірден қалалық ауруханаға жеткізілді. Жарақат алған үш адам тұрғын үйлердің 2 және 3 қабатынан секірген», – делінген хабарламада.

Дәрігерлер үш адамды тексеріп, екеуін үйіне қайтарып, амбулаториялық емдеуге жіберген. Басқарманың хабарлауынша үшінші науқастың жағдайы ауыр. Қазір ауруханада жатыр.

Сондай-ақ үйден жүгіріп шыққан бес адам зардап шеккен. Олар дене жарақатын алған. Жарақат алғандарға қажетті медицианлық көмек көрсетілген. Ол бес адам да қажетті жәрдем алған соң, амбулаториялық емдеуге жіберілген...

Алматы әкімдігі қаланың әр аймағында төтенше жағдай кезінде халық жиналатын орындардың жұмыс істеп тұрғанын хабарлады.

Көбінесе, бұл құрылыс стандарты мен ережелерге сәйкес келетін білім беру ұйымдары: мектептер, балабақшалар, колледждер, университеттер.

«Барлық мәлімет 2ГИС Алматы платформасында орналасқан. Іздеу кезінде «зардап шеккен халықты қабылдау пункті» деп терсеңіз, картадан халық жиналатын орындар көрсетіледі. Мұндай деректер Алматы қаласы ТЖД және аудандық әкімдіктердің ресми сайтында қолжетімді. Қазіргі уақытта аудан әкімдіктерінің қызметкерлері жиналу орындарында»,  – делінген хабарламада.

Сонымен қатар барлық стационар, перзентхана, жедел жәрдем қалыпты режимде жұмыс істеп тұр.

«Жалған ақпарат таратпаңыздар. Барлық дерек тек...

5 балдық жер сілкінісінен үрейі ұшқан Алматы тұрғындары биік үйлерін тастап, қыстың суығында көшеге шықты. Қауіпсіздік үшін олардың біразы қала шетіне шығуға тырысуда. Дегенмен төтенше жағдайлар департаментінің мамандары халықты сабыр сақтауға шақырды. Сондай-ақ Алматы қаласында жер сілкінісіне байланысты 8 727 278 20 83 және 8 727 278 20 84 нөмірлері бойынша жедел желіні іске қосты.

Ал, Алматы қаласының әкімі Ерболат Досаев штабта сағат 00:20-дан бастап Жедел штабтың шұғыл кеңесін өткізді. Онда одан әрі іс-қимыл жоспары талқыланды. Бұл туралы Алматы әкімдігі хабарлады.

«Қаланың тіршілікті қамтамасыз етудің барлық жүйесі қосылған. Полиция департаменті штаттық режимде жұмыс істеуде. Барлы...

ҚР ТЖМ «Ұлттық сейсмологиялық бақылау және зерттеу ғылыми орталығы» ЖШС сейсмикалық станциялар желісімен 2024 жылғы 23 қаңтарда Алматы уақытымен 00 сағат 09 мин 02 сек жер сілкінісі тіркелді. Бұл туралы ТЖМ хабарлады.

Жер сілкінісінің эпицентрі Алматы қаласынан оңтүстік-шығысқа қарай 264 км жерде орналасқан Қазақстан мен Қырғызстан шекарасы.

Жер сілкінісінің энергетикалық класы 15.1.

MPV магнитудасы 6.7.

Эпицентрдің координаттары 41.32° с. е. 78.61° с.б.

Тереңдігі 65 км.

Сезгіштігі туралы мәліметтер (MSK -64 шкаласы бойынша): Алматы 5 балл, Шымкент 2 балл.

«Тек ресми ақпарат көздеріне ғана сенуге шақырамыз.Өзара іс-қимыл алгоритміне сәйкес тиісті мемлекеттік органдар хабардар етілді, бұзушылықтардың болуына, тіршілікті қамтамасыз ету объектілерін...

Мемлекеттік бағдарлама бойынша тұрғын үй алуға берілетін жеңілдетілген ипотека баспана бағасының негізсіз өсуіне түрткі болады. Салдарынан құрылыс саласында «көпіршік» қалыптасып, жылжымайтын мүлік нарығына «ережесіз ойын» тәртібі орнайды.

Applied Economics Research Centre (AERC) сарапшыларының зерттеуінше, тұтыну тауарының инфляциясымен (+2.9 есе) салыстырғанда, бастапқы нарықтағы тұрғын үйдің шаршы метрі 2010 жылдан бері қарай 3,4 есе өсті. Халықтың ақшалай табысының көрсеткіші +47%-ға ғана ұлғайса, құрылыс секторындағы баға шамамен 61,9%-ға ғана қымбаттады.

«2023 жылдың қорытындысы бойынша жаңа тұрғын үйдің шаршы метрінің бағасы 494,9 мың теңгені құрады. Салыстыру үшін айтайық, 2010 жылдың соңында жаңа тұрғын үйдің шаршы метрі 143,9 мың теңге болды...

Қырғызстан президенті Садыр Жапаров суару маусымында Қазақстан мен Өзбекстанға өзен суы берілетінін айтты. Бұл туралы ол «Кабар» мемлекеттік агенттігіне берген сұхбатында мәлімдеді.

Жапаровтың айтуынша, биыл Қырғызстанда суармалы су тапшылығын шешу үшін жаңа тәуліктік (ТРБ) және онкүндік (ОРБ) реттеуші бассейндер салынады.

«Биыл біз бәрін тазалап жатырмыз. Сонымен қатар бүкіл ел бойынша жаңа ТРБ және ОРБ бассейндер салу туралы тапсырма бердім. Қыста ТРБ және ОРБ-ға еріген суды жинайтын болсақ, көктемнен бастап өзен суы көршілерге толығымен ағып кетеді. Яғни олар бұрынғыдан да көп су алады. Суару маусымында диқандарымыз ТРБ және ОРБ суын, ал көршілеріміз ағынды суды пайдалана алады», – деді Қырғызстан президенті.

Air Astana әуекомпаниясында рейстер саны қысқаруы мүмкін. Бұл туралы Halyk Finance компаниясының аналитикалық есебінде айтылған. Әуе компания Pratt&Whitney қозғалтқыштарындағы ақауларға байланысты 17 ұшақты рейстерден алып тастауы мүмкін.

«Air Astana-ның 17 ұшағында (компанияның авиапаркінде 49 ұшақ) Pratt&Whitney қозғалтқыштары орнатылған. Олар 2024 жылы техникалық тексеруге жіберілуге тиіс. Бұл компанияның рейстерінің қысқаруына әкелуі мүмкін»,– делінген Halyk Finance есебінде.

2023 жылдың шілде айында Pratt & Whitney кейбір қозғалтқыш бөлшектерін жасау үшін қолданылатын металл ұнтағының сирек жағдайы туралы хабарлады. Бұл жоғары қысымды турбинаның бірінші және екінші сатыдағы дискілерді жарып, оларды істен шығаруы мүмкін.

Бұл мәселе GTF PW1100G-JM және pw1400g-JM...

Елімізде өңірлік тауар нарықтарының шекарасында 34 негізгі құс фабрикасы жұмыс істейді. Бұл туралы ҚР Бәсекелестікті қорғау және дамыту агенттігі хабарлаған болатын.

Мәліметке сәйкес, елімізде 2022 жылы жұмыртқа өндіру көлемінде (+4,2%), экспорттың (+0,2%) оң серпіні және импорттың 2,4% – ға қысқаруы байқалды. Бұл ретте 2023 жылы өндіріс көлемінің (-2,1%), экспорттың (-17%) төмендеуі және импорттың (+50% – дан астам) ұлғаюы анықталған болатын.

«Импортталатын премикстердің, ветеринарлық препараттардың, орауыш материалдардың қымбаттауы 2023 жылы тауық жұмыртқасы бағасының 13%-ға өсуіне себеп болды»,– делінген хабарламада.

2022 жылдың аяғы мен 2023 жылдың басында байқалған жұмыртқа бағасының өсу қарқынын төмендету үшін жедел шаралар кешені қабылданды. Жұмыртқа өндірушілер мен көтерме саудагерлерге 11 хабарлама жіберілді. Тауық жұмыртқаларын өндірушілерге...

North Caspian Operating Company (NCOC, Қашаған операторы) компанияның басқарушы директоры наурыз айында ауысады. Бұл лауазымға қазіргі уақытта «Қарашығанақ  Петролиум Оперейтинг Б.В.» компаниясының бас директоры Джанкарло Рую келетінін хабарлады.

«NCOC компанияның жоғары басшылығының құрамындағы алдағы өзгерістер туралы хабарлайды. 2024 жылы наурыз айында Джанкарло Рую NCOC компаниясының жаңа басшысы ретінде Басқарушы директор міндеттерін Оливье Лазардан қабылдайды»,  – делінген хабарламада.

Оливье Лазар NCOC компаниясына 2021 жылғы маусымда құрлық және теңіз жобалары шеңберінде геологиялық барлау, мұнай өндірісі және газ саласында жинақтаған мол тәжірибесімен келген. Ол Shell компаниясында 35 жылдан астам қызмет атқарған.Оның басшылығымен NCOC Қашағанда алғашқы 100 млн...

Қазіргі кезде Қазақстанда 23 мың ресейлік компания тіркелген. 2023 жылы Ресей Федерациясынан Қазақстанға қоныс аударған компаниялар қатары айтарлықтай азайды. Дегенмен өзге елдермен салыстырғанда өсім динамикасы сақталған.

Бір қызығы, ресейлік компаниялар қатары «жаңа экономиканың» ресурстық емес секторларында – консалтинг пен IT-индустриясында басым.

Halyk finance талдаушысы Асан Құрманбеков ресейлік компаниялар Қазақстанның «жаңа экономикасының» болашағына сенеді деп тұжырымдайды.

«Батыс санкцияларының қысымы ресейлік бизнесті Қазақстанға қоныс аударуға ынталандыруды жалғастырып жатыр. Алғашқы ағыны баяулағанына қарамастан, 21 пайызға өскен. Осындай динамика аясында елімізде тіркелген компаниялардың жалпы саны 2021 жылдан бері екі есеге өсіп, 23 мыңнан асты», – дейді маман.

Күнсұлу Закария Президенттің ғылым және инновациялар мәселелері жөніндегі кеңесшісі болып тағайындалды. Бұл туралы Ақорда баспасөз қызметі хабарлады.

«Мемлекет басшысының өкімімен Күнсұлу Дальтонқызы Закария Қазақстан Республикасы Президентінің ғылым және инновациялар мәселелері жөніндегі кеңесшісі болып тағайындалды, ол бұрынғы атқарған лауазымынан босатылды», – деп жазылған Ақорданың ресми сайтында.

Сонымен қатар Ақылбек Күрішбаев Ұлттық ғылым академиясының президенті болды.

«Мемлекет басшысының өкімімен Ақылбек Қажығұлұлы Күрішбаев Қазақстан Республикасының Ұлттық ғылым академиясының президенті лауазымына тағайындалды»,  – делінген Ақорда баспасөз қызметінде.

Айта кетейік, бүгін Президент Ұлттық қорғаныс университеті басшысын ауыстырды. Ұлттық қорғаныс университетінің бастығы лауазымын атқарған Лұт Сапуұлы Әлшекенов қызметінен...

«Қазтелерадио» АҚ телерадио хабарларын тарату мекемесі еліміздегі теле-радиохабарларын таратуды уақытша тоқтатады. Бұл 2024 жылдың I тоқсанына жоспарлы-профилактикалық жұмыстарға байланысты деп хабарлады kazteleradio.kz сайты.

««Қазтелерадио» АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді»- делінген ресми хабарламада.

Осыған байланысты, осы жылдың 24 қаңтарында сағат 03:00 мен 17:00 аралығында (Астана қ. уақытымен) телерадио хабарларын таратуды өшіре отырып, профилактикалық жұмыстар жүргізілетіні хабарланды.

Бүгін Қасым-Жомарт Тоқаев Ұлттық қорғаныс университеті басшысын ауыстырды. Бұл туралы Ақорда баспасөз қызметі хабарлады.

Ұлттық қорғаныс университетінің бастығы лауазымын атқарған Лұт Сапуұлы Әлшекенов қызметінен босатылды.

«Мемлекет басшысының өкімімен Лұт Сапуұлы Әлшекенов Қазақстан Республикасы Ұлттық қорғаныс университетінің бастығы лауазымынан босатылды»-делінген Ақорда сайтында.

Сонымен қатар, ҚР Ұлттық қорғаныс университетіне жаңа басшы тағайындалды.

 «Мемлекет басшысының өкімімен Асқар Досбосынұлы Мұстабеков Қазақстан Республикасы Ұлттық қорғаныс университетінің бастығы лауазымына тағайындалды»-делінген баспасөз қызметінде.

Айта кетейік, әлеуметтік желіде Нұрсұлтан Назарбаевтың ескерткіші алынып тасталғаны туралы ақпарат тарай бастады. Онда Ұлттық қорғаныс университетінің алаңында тұрған Қазақстанның тұңғыш президентінің ескерткіші алынғаны...

Фото: Илья Ким

«Курсив» Қазақстан нарығында 2000-шы жылдан бері саудаланып келе жатқан құнды қағаздарға шолу жасады.

Қазақстан нарығында 84 эмитенттің 99 акциясы саудаланады. 2023 жылдың 1 желтоқсанында акция нарығын капиталдандыру 26,8 тлрн теңге болды. Бұл 2023 жылдың басындағы көрсеткіштен 26,7%-ға көп. Алайда Қазақстан қор нарығы қалыптасқан 2000-шы жылдан бері биржа айналымында жүрген тарихи құнды қағаздар небәрі – 8. «Курсив» 23 жыл ішінде олардың құны қалай өзгергенін саралап шықты.

KASE индексінің негізі ең бірінші рет 2000 жылы есептелген KASE_Shares-те қалыптасты. Сол уақыттан бері қазақстандық қор нарығының индикаторы 100-ден 4300 тармаққа дейін 40 есе өсті. 2005 жылға дейін көптеген акция өзінің атаулы...

Президент Қасым-Жомарт Тоқаевтың төрағалығымен Ішкі істер министрлігінің кеңейтілген алқа отырысы өтті. Бұл туралы Ақорда хабарлады.

Қасым-Жомарт Тоқаев полицияның қоғамдағы орны мен рөлін тілге тиек етіп: «Қылмыспен күресу және қоғамдық тәртіпті сақтау – аса маңызды міндет. Бұл – жауапкершілігі өте үлкен жұмыс. Еліміздің әрбір азаматы өзін қауіпсіз сезінуге тиіс. Ол үшін құқық қорғау жүйесі үйлесімді әрі тиімді жұмыс істеуі қажет. Ең алдымен, мемлекетте заң талаптары мүлтіксіз орындалуы тиіс. Заң бұзған кез келген адам жазасын алу керек», – деді.

Мемлекет басшысының мәлімдеуінше, қоғаммен бірге полиция да түбегейлі өзгеруі тиіс.

«Полиция қашанда халыққа үлгі-өнеге болуы керек. Сонда...

Қазақстанда тауарларды, жұмыстарды және қызметтерді мемлекеттік сатып алу конкурстарында жеңімпаз атанған компаниялардың бенефициарлары ашық көрсетілетін болады. Қаржы министрлігінің тиісті бұйрығы «Ашық НҚА» порталына талқылауға шығарылды.

«Жекелеген тауарларды, жұмыстарды, қызметтерді мемлекеттік сатып алуды жүзеге асыру кезінде материалдық және еңбек ресурстарына ие болу бөлігіндегі біліктілік талабы Заңның 16-бабының 7) тармақшасына сәйкес әзірленетін және бекітілетін үлгілік конкурстық құжаттамада (аукциондық құжаттамада) көзделеді», – делінген құжатта.

Негіздемелік келісімді пайдаланылатын конкурсты жүзеге асыру мақсаттары үшін әлеуетті өнім берушінің қаржылық орнықтылығы көрсеткішінің есебін негіздемелік келісімді пайдаланылатын конкурс тәсілімен мемлекеттік сатып алу жөніндегі конкурстық құжаттамаға 2-қосымшада айқындалған тәртіппен мемлекеттік кірістер органдарыны...

Қор нарығына сапалы сауат, үлкен біліммен келу керек деген түсінік бар. Дегенмен бәрі де шартты нәрсе. Ол туралы айтпас бұрын алдымен инвесторлар жиі жіберіп алатын 10 қателік туралы баяндап өтелік.

Сарапшылар жиі кететін қателіктерді былай саралайды. Оның біріншісі – стратегияның болмауы.

Кез келген инвестиция стратегиядан бастау алуы керек. Өз мақсатыңызды анықтап болған соң ғана қажет инвестициялық құралдарды таңдай бастау керек. Мақсаттар әртүрлі болуы мүмкін, бірақ түпкілікті межеңіз капиталды сақтау, оны ұлғайту және табыс табу болсын.

Әртараптандырудың болмауы. Портфеліңіз активтер, акциялар, елдер мен секторлар бойынша әртараптандырылуы керек. Әйтпесе, бір ғана компанияның акцияларынан құралған инвестициялық портфель кез келген уақытта банкротқа ұшырап кету...