Жаңалықтар

1 қаңтардан бастап жүргізушілер ұсақ жол-көлік оқиғаларын полиция шақырып, сотқа бармай-ақ, сақтандыруды  «Еурохаттама» арнайы мобильді қосымшасы арқылы  рәсімдей алады.  

«Қосымшаның көмегімен жүргізушілер өздері жол-көлік оқиғалары фактісін тіркеп, сақтандыру компанияларына материалдық залалды өтеуге өтінім береді», – деп жазылған Polisia.kz хабарламасында.  

«Еурохаттама» мобильді қосымшасы арқылы жол-көлік оқиғаларын ресімдеудің міндетті үш шарты бар.

1) Жол-көлік оқиғасына екі көлік құралы ғана қатысқан кезде;

2) Жүргізушілердің қолданыстағы сақтандыруы болуы қажет. Сондай-ақ кім кінәлі, ал кім зардап шегуші екенінде келіспеушіліктер болмаған кезде;

3) Апат салдарынан денсаулыққа залал келтірілмесе, ал көлікке келтірілген шығын сомасы 100 айлық есептік көрсеткіштен (369 мың теңге...

Жосықсыз құрылыс салушы ретінде күдікке ілінген 7 адамға қатысты қылмыстық тергеу басталды.

Астана қаласы прокуратурасының мәліметіне сүйенсек, 10 көп пәтерлі тұрғын үй кешендерін жосықсыз салу бойынша құрылыс компанияларына қатысты 7 қылмыстық іс қозғалды.

7 адамға қатысты қозғалған іске қатысты қазірдің өзінде құрылыс компанияларының 3 басшысы қамауға алынған. 5 млрд теңге залал келтірді деген күдікке ілінген бір азамат Ресей аумағында ұсталған.

«Ресей Федерациясының құқық қорғау органдарының көмегімен іс бойынша негізгі фигуранттардың бірі Мәскеу қаласының аумағында ұсталды. Ол 5 млрд теңгеден асатын залал келтіргені үшін күдіктелуде», – делінген прокуратура ақпаратында.

Прокуратура мәліметінше Ресей Федерациясының Бас прокуратурасы азаматтық, отбасылық және...

Белгісіз адамдар жасанды интеллект көмегімен Қазақстан жайлы жағымды жаңалықтар жазып, оларды шетелдік ғалымдардың атынан халықаралық БАҚ-қа жариялаған.

Times басылымның ақпаратына сүйенсек, Euronews телеарнасына Оливер Тернер мен Адам Бауэр есімді ғалымдардың Қазақстан туралы мақаласы келіп түседі. Алайда редактор мәтіннің сөз саптауына күмән келтіріп, оларды қабылдамайды. Мақаланы тірі адам жазғанын тексеру үшін арнайы бағдарламаға жүгінеді.

Эдинбург университетінің аға оқытушысы Тернер мен Шотландияның Сент-Эндрюс қаласындағы университеттің академигі Бауэр өздерінің аталмыш мақалалардың авторы емес екендігін айтқан.

«Бұл алаңдатарлық мәселе. Алайда өзгенің атын жамылу үрдісі жиі кездесуде», – дейді Бауэр.

Кейіннен басылымдардың бірі Тернердің атынан мақала жариялап, артынша ғалымның өтінішімен мақала...

Ақмола, Жетісу, Қарағанды, Павлодар облыстарында республикалық маңызы бар автожолдардың қозғалысына шектеу қойылды. Бұл туралы республикалық маңызы бар автомобиль жолдарының ұлттық операторы QazAvtoJol хабарлады.

Белгілі болғандай, ауа райының қолайсыздығына байланысты 4 облыста республикалық маңызы бар автожолдардың 10 учаскесі жабылды.

Ақмола облысында:

«Екатеринбург – Алматы» тасжолының – 1292-1353 шақырымына, Жібек жолы ААП –  Қарағанды облысының шекарасына дейінгі – 61 шақырымға;

Жетісу облысында:

«Үшарал – Достық» тасжолының – 84-184 шақырымына, Көктұма станциясынан Достық станциясына дейін – 100 шақырымға;

Қарағанды облысында:

«Екатеринбург – Алматы» тасжолының – 1505-1854 шақырымына, Новостройка ауылынан Балқаш қаласына дейінгі – 349 шақырымға;

«Қалқаман – Баянауыл – Үміткер – Ботақара...

Фото: kursiv.media

Жапония Украинаға 37 миллион доллар көлемінде көмек жібереді. Бұл жайлы Жапонияның Сыртқы істер министрі Йока Камикава украиналық әріптесі Дмитрий Кулебамен өткен кездесу барысында айтты.

Киевке іс-сапармен келген Йоко Камикава Украинаға қашан да қолдау көрсететінін мәлімдеді.

«Жапония Украинаға қолдау көрсетуді жалғастырады. Біздің қолдауымыздың бір бөлігі ретінде Жапония жақында НАТО-ның трасттық қорына дрондарды анықтау жүйелерімен қамтамасыз ету үшін 37 миллион доллар бөлу туралы шешім қабылдады», – деді Йоко Камикава.

37 млн доллардан бөлек Жапония Украинаға бес жылжымалы газ турбиналық генератор мен жеті трансформатор беруді жоспарлап отыр. Мұндай техникалық қолдау Украина азаматтарына қысқы...

Энтони Блинкен Араб елдеріне 5 күндік іссапарын бастады / Фото: kursiv.media

Блинкен Таяу Шығыста соғыстың етек жайып кетпеуі үшін Біріккен Араб Әмірліктері мен Сауд Арабиясына және Израильге іссапармен барады. Бұл жайлы Reuters агенттігі хабарлады.

АҚШ-тың мемлекеттік хатшысы Энтони Блинкен дүйсенбі күні Біріккен Араб Әмірліктері мен Сауд Арабиясына іссапармен барып, Таяу Шығыстағы соғыс тақырыбында келіссөздер өткізеді. Ал кейінірек Израильге баруды жоспарлап отыр. Ол Газадағы соғыстың бүкіл аймаққа таралу қаупі жоғары екенін айтады.

АҚШ хатшысы жағдайды ушықтырмау үшін келіссөздер жүргізіп жатқанымен, Израиль соғысты тоқтатуға ниетті емес. Нетаньху ХАМАС толық жойылғанша тоқтамайтынын мәлімдеді.

Блинкен жексенбі күні Таяу Шығыстағы аймақтағы соғыстың шиеленісіп...

Қытай билігі Тайваньға қару-жарақ жеткізуге байланысты АҚШ-тың бес компаниясына санкция салады. Бұл туралы ҚХР СІМ хабарлады.

Қытай билігі BAE Systems Land and Armament, Alliant Techsystems Operation, AeroVironment, Viasat және Data Link Solutions компанияларына қатысты санкция енгізу туралы шешім қабылдады.

ҚХР СІМ-де енгізілген шектеулер Қытай аумағындағы аталған компаниялардың жылжымайтын мүліктерін қоса алғанда, активтерді бұғаттауды көздейтіні нақтыланды.

Биыл Қазақстандағы білім саласында болады деп жоспарланып отырған өзгеріс аз емес. Оның ішінде, ғылымды дамытуға арналған бағдарлама, ҰБТ, білім саласындағы қызметкерлердің жалақысы, жаңа мектептер және т.б. бар. Kursiv Media тілшісі жаңа жылда білім саласын күтіп тұрған өзгерістерге шолу жасады.

ҰБТ: өзгерістер

          2024 жылғы тестілеуде өзгерістер бар. Атап айтқанда, бейіндік пәндерге жаңа тапсырмалар қосылып, тест уақыты қысқарады. Бұрын 4 сағат берілген болса, енді талапкер 3 сағат 30 минутта жауап беріп үлгеруі керек. Дегенмен ерекше қажеті бар балаларға берілетін қосымша 40 минут сақталады. Жалпы алғанда пән санында өзгеріс жоқ. Бұрынғыдай үшеуі міндетті және екеуі — таңдауына қарай, дегенмен «Оқу сауаттылығы...

Қазақстанда тіркелген Boeing MAX әуе кемелері туралы ақпарат америкалық Alaska Airlines авиакомпаниясында жаңа ұшақпен болған оқиғадан кейін Азаматтық авиация комитетінде таратылды.

«Қазіргі уақытта Қазақстанның авиациялық әкімшілігі еліміздегі осы типтегі ұшақтарды пайдаланушылармен, сондай-ақ Boeing және FAA-мен әрі қарай шаралар қабылдау қажеттілігін бағалау үшін байланыста», – делінген хабарламада.

Қазақстанда 5 Boeing 737-9 MAX ұшағы тіркелген және олардың барлығында ұшуға жарамдылық сертификаттары бар.

«FAA ұшуға жарамдылық туралы шұғыл директива шығарды (2024-02-51). Ұшуға жарамдылық директивасы автоматты түрде барлық B-737 MAX пайдаланушыларына қолданылады. Бұл директива орташа кабинаның апаттық шығу люгі орнатылған кез келген санатта сертификатталған Boeing...

Бүгін Сейсмикалық стансалар желісі Алматы маңында жер сілкінісін тіркеді. Жерасты дүмпулері қаланың өзінде де сезілді.

Алматы уақытымен таңғы 09:10 кезінде жер сілкінісі болды.

Зілзаланың энергетикалық санаты — 9.3.

MPV магнитудасы — 4.6.

Тереңдігі — 10 шақырым.

«MSK-64 бағаны бойынша Қазақстан аумағында, оның ішінде Түргенде — 3 балл, Алматыда — 2 балл күші сезілді», — делінген кезекші оператордың хабарламасында.

Сонымен қатар 6 қаңтар күні Шығыс Қазақстанда магнитурасы 3,8 балдық жер сілкінісі тіркелді. CSEM EMSC сейсмологиялық орталығының хабарлауынша, сағат 14:26-да Қарағанды ​​қаласынан оңтүстік-шығысқа қарай 309 шақырымда және Балқаш қаласынан солтүстікке қарай 56 шақырым жерде жер сілкінісі болған.

Еске...

Жапонияда болған жер сілкінісінен қаза тапқандар саны 126-ға жетті, 210-нан астам адам хабар-ошарсыз кетті, деп хабарлады «Киодо»агенттігі.

Жер асты дүмпулерінен зардап шеккен Исикава префектурасында құтқару жұмыстары жалғасуда. Бірақ құтқару жұмыстарына қираған жолдар мен метеорологиялық жағдайлар қиындық туғызуда. Жексенбіде синоптиктердің болжауынша, аймақта жаңбыр мен қар жауады.

Айта кетейік, Жапонияның батысында 5, 6 және 7 баллдық жер сілкінісі болды. Соның ішінде әлемдегі ең үлкен атом электр станциясының жағалауында қатты жер асты дүмпулері сезілді.

Nikkei газеті Жапония жер сілкінісінен зардап шеккендерге АҚШ әскерімен бірлесіп көмек көрсетуді жоспарлап отырғанын жариялады. Бұған дейін Қытай да Жапонияға жәрдемдесуге әзір екенін мәлімдеді. Алайда Жапония Үкіметі әзірше АҚШ-ты...

Қасым-Жомарт Тоқаев еліміздің православ христиандарын Рождество мерекесімен құттықтады. Бұл туралы Ақорда баспасөз қызметі хабарлады.

«Құрметті отандастар! Қазақстанның барша православие христиандарын Рождество мерекесімен құттықтаймын! Бұл мейрамда жоғары адамгершілік қасиеттер кеңінен дәріптеледі, ізгілік пен әділдікті орнықтыра түсуге баса мән беріледі. Рождество адамзатты жасампаз әрі мейірімді болуға, жақындарына қамқорлық танытуға және мұқтаж адамдарға қол ұшын созуға үндейді, осы дінге сенетін жандарға үміт пен қуаныш сыйлайды», – деді Тоқаев. 

Тоқаевтың айтуынша, басқа дәстүрлі діндер секілді православие де мызғымас рухани құндылықтарды орнықтыру, өскелең ұрпаққа тәлім-тәрбие беру және халқымыздың сан қырлы тарихи-мәдени мұрасын сақтау жолында маңызды рөл атқарады.

Фото: Павлодар облысы ТЖД

«Майқайыңалтын» кенішіндегі іздестіру жұмыстарына қазіргі кезде 134 адам, 37 бірлік техника, 3 кинологиялық есеп және 2 дрон жұмылдырылған. Бұл туралы Павлодар облысының әкімі Асайын Байханов Instagram-парақшасында жазды.

Кеше жедел штаб мамандандырылған техниканы опырылған жерге түсіру үшін шамамен 120-130 метр тереңдікте траншея қазу туралы шешім қабылданған.

«Біз «Майқайың-алтын» АҚ тау-кен ауданындағы опырылған жерде іздестіру жұмыстарын жалғастырудамыз. Кеше опырылған жердің түбіне техниканы түсіру үшін өткел дайындау басталды. Жұмыстар тәулік бойы, үздіксіз жүргізілуде. 5 мың текше метрге жуық топырақ пен тау жыныстары қазылып, шығарылды», – деп жазады облыс әкімі.

«Майқайыңалтын» шахтасындағы қайғылы...

Фото: shutterstock

Сағат 14:26-да Қарағанды ​​қаласынан оңтүстік-шығысқа қарай 309 шақырымда және Балқаш қаласынан солтүстікке қарай 56 шақырым жерде жер сілкінісі тіркелді. Бұл туралы CSEM EMSC сейсмологиялық орталығының сайтында хабарланды.

Сайтта 1 мың км тереңдікте магнитудасы 3,8 болатын жер сілкінісі болғаны жазылған.

Кеше алматылық сейсмологтар эпицентрін Қырғызстан аумағында орналасқан, күші 4,1 балдық жер сілкінісін тіркеді. Жер сілкінісінің ошағы мегаполистен оңтүстік-батысқа қарай 404 шақырым жерде тіркелген.

Айта кетейік, 2024 жылдың алғашқы 2 күнінде Жапонияда 521 жер сілкінісі тіркелді. Ното түбегінің жағалауында болған жер сілкінісінің ең жоғары магнитудасы 7,6 баллды құрады.

Зілзаладан қайтыс болғандардың қатары бүгін 100-ге жеткені хабарланды. 211 адамнан...

Фото: bjtonline.com

Қазақстанның Көлік министрлігі ресейлік олигархтың санцияны айналып өтіп, Қазақстан арқылы Falcon 7X ұшағын сатып алғанын жоққа шығарды. Бұндай әуе кемелері Қазақстан азаматтық әуе кемелерінің мемлекеттік тізілімінде болмаған.

«Әуе кемелерінің бұл түрі ешқашан Қазақстан Республикасының азаматтық әуе кемелерінің мемлекеттік тізілімінде болмаған. Қазіргі кезде Irtysh air әуе компаниясының қолданысты азаматтық әуе кемелерін пайдаланушы сертификаты жоқ және 10 жылға жуық ұшуды орындамаған. Әуе компаниясы бұрын әуе кемесінің бұл түрін ешқашан пайдаланбаған», – делінген хабарламада.

Сонымен қатар министрлік әуе компаниясы бұндай ұшақты ешқашан пайдаланбағанын айтып өтті.

Бұған дейін Ресей сайттары миллиардер санкцияны айналып өтіп, қазақстанды...

Талдықорған қаласының әкімдігі аяқталған жұмысқа қайтадан 160 млн теңге бөлмекші болған. Бұл туралы Жетісу облысының прокуратурасы хабарлады. Құзырлы орган бюджет қаражатының негізсіз шығындалуына жол бермеген.

«Талдықорған қаласының әкімдігі жобалау-сметалық құжаттамаға ауланы абаттандыру бойынша басқа объектілерді салу кезінде жеке құрылыс салушылар орындаған инженерлік желілерді (жылу трассасы, кәріз жүйелері) жүргізу шығынын қосқаны анықталды»,– делінген хабарламада,

Қадағалау актісі бойынша жобалау құжаттарына көрсетілген сома мен жұмыстарды алып тастау арқылы түзетулер енгізілді. 

Кінәлі тұлғалар тәртіптік жауапкершілікке тартылған.

Жақында тұрғын үй құрылысына арналған 250 млн теңгені ұрлаған әкімдік қызметкері 7 жылға сотталған болатын.

Биыл Жетісу...

Фото: Instagram/realdonaldtrump

АҚШ Жоғарғы соты Дональд Трамптың Колорадо Жоғарғы сотының шешіміне түсірген шағымын қарайтынын мәлімдеді. Бұған дейін Колорадо штатының соты оны президенттік сайлаудан шеттету туралы шешім шығарған. Reuters басылымының жазуынша, іс 8 ақпанда, мемлекеттік дауыс беруге бір ай қалғанда басталмақ.

Судьялар істі жедел түрде қарайтын болады. Олар Колорадо Жоғарғы соты Трамптың президенттікке кандидатурасын алып тастап, есімін сайлау бюллетеніне енгізбеу туралы шешімін қарайды. Бұл шешім бұрынғы президенттің 2021 жылғы 6 қаңтардағы оқиғаларға қатысуына негізделген. Сол күні Трамптың жақтастары Конгресс ғимаратына басып кіріп, сайлау нәтижелерін жоққа шығару үшін бүлік шығарған.

Трамп өз шағымында бұл тармақ президентке қатысты емес екенін...

Фото: kursiv.media

Мұнай бағасы Таяу Шығыс пен Ливиядағы шиеленістің күшеюіне байланысты құбылып тұр. Апта соңына қарай мұнай бағасы қымбаттады. Сарапшылардың пайымынша, әлемдік «қара алтын» нарығына Таяу Шығыс пен Ливиядағы шиеленістің күшеюі ықпал етті.

Лондонның ICE Futures биржасында Brent маркалы мұнайдың наурыз айындағы фьючерстерінің құны барреліне 79,16 долларды құрады, бұл алдыңғы сессияның жабылуындағы көрсеткіштен 1,57 доллар (2,02%) жоғары.

Нью-Йорк тауар биржасында (NYMEX) ақпан айындағы WTI мұнай келісімшарттарының бағасы осы уақытқа дейін 1,95 долларға (2,7%) өсіп, барреліне 74,14 долларды құрады.

Осы аптада Brent 2,8%-ға, WTI 3,5%-ға қымбаттады.

«Бағаның өсуіне Иранда генерал Касем Сүлеймани бейітіндегі жарылыстардан жүзге жуы...

Фото: Zakon.kz

Алматыда BMW көлігі жедел жәрдеммен соқтығысып, бірнеше адам зардап шеккен.

Zakon.kz сайтының жазуынша, жол көлік оқиғасы Момышұлы мен Рысқұлов көшелерінің қиылысында 6 қаңтарға қараған түні орын алған.

Шетелдік көлікпен күшті соқтығыс салдарынан осы көліктің жүргізушісі мен ауруханаға бара жатқан екі науқас зардап шеккен.

Дәрігерлер бөтен зат жұтып қойған баланы әкесімен бірге ауруханаға апара жатқан. Оларды басқа жедел жәрдем көлігі алып кетіп, ауруханаға жатқызған.

Жедел жәрдем жүргізушісінің айтуынша, ол Рысқұлов көшесінің бойымен шығыс бағытта келіп, бағдаршамның жасыл түсіне қиылыстан өте бергенінде, оған BMW көлігі бар күшімен кеп соғылған. Көлік Момышұлы көшесімен солтүстік бағытта келе жатқан...

Ұлттық экономика министрлігі «Жергілікті атқарушы органдар борышының 2024 жылға арналған лимиттерін белгілеу туралы» бұйрықтың жобасын жариялады.

«Қазақстан Республикасы Бюджет кодексінің 210-бабының 2-тармағына сәйкес бұйырамын: Осы бұйрыққа қосымшаға сәйкес жергілікті атқарушы органдар борышының 2024 жылға арналған лимиттері белгіленсін», – деп жазылған Ұлттық экономика министрі Әлібек Қуантыровтың бұйрығында.

Жергілікті атқарушы органдар борышының 2024 жылға арналған лимитінің қосымшасында Алматыға – 674 072 093,2, Астанаға – 221 636 896,9, Шымкентке – 158 511 018,8 теңге шегінде шектеу қойылған. 2023 жылғы көрсеткішпен салыстыратын болсақ, борыш лимитінде айтарлықтай айырмашылық бар. Өткен жылы Алматы – 207 707 484,7, Астана...

Қазақстанда Украиналық миллионер Вадым Машуровқа Sincere System Group (S-Group) қаржы пирамидасы туралы іс бойынша іздеу жарияланды. Оған байланысты ақпарат құқықтық статистика органдарының порталында пайда болды. Украиналық БАҚ- тың хабарлауынша, ол Instagram желісінде Instime және s-Group инвестициялық платформасын құрған.

Машуров деген кім. Бірқатар украиналық бұқаралық ақпарат құралдарының ақпаратына сәйкес, Вадым Машуров — украиналық кәсіпкер және елдегі IT-бизнестің ең табысты өкілдерінің бірі. Ол Instime жобасын қалаушы. Бұл жоба » жарты жылдың ішінде жүзден астам елге таралды және оның капиталдандырылуы миллиондаған доллармен өлшенеді». 2020 жылдың қыркүйегінде Instime-ді қытайлық China Convergence Fund инвестициялық компаниясы сатып алғаны белгілі болды.

Машуров сонымен қатар S-group және SS-group...

Қазақстандық SilkNetCom телеком компаниясы халықаралық Freedom Holding Corp құрамына кіретін жаңадан құрылған Freedom Telecom ұялы байланыс операторына 100 пайыздық үлесті сату туралы алдын ала келісімді мақұлдады. Тиісті хабарлама Қазақстан қор биржасының (KASE) сайтында көрсетілген.

Мәміленің негізгі сомасы 11,5 млрд теңге болуы мүмкін. Сондай-ақ SilkNetCom иесі Freedom Telecom компаниясының 3 млрд теңгелік капиталындағы үлесін кепілге беруді мақұлдады. Кепіл сатушының сатып алушы алдындағы міндеттемелерінің орындалуын қамтамасыз ету үшін қажет.

EGOV деректері бойынша ЖШС ретінде тіркелген Silknetcom жалғыз меншік иесі Ж. Таймбетов болып табылады.

«SilkNetCom» ЖШС – бұл жеке және мемлекеттік секторда провайдерлік қызметтер, IT және телекоммуникациялық желілер құрылысы саласында маманданған отанды...

2023 жылдың қорытындысы бойынша Ұлттық қорға рекордтық 6,4 трлн теңге түсті. Бұл 2023 жылдың 3 тоқсанының қорытындысы бойынша 1,8 трлн теңге мөлшеріндегі инвестициялық табыстың өзгеруіне байланысты, деп хабарлады Energy Monitor.

«Егер инвестициялық кірістілік өзгермесе, онда 18 жасқа дейінгі 6,5 млн бала ағымдағы жылы өз шотына 300 доллардан алады», – делінген хабарламада.

Айта кетейік, 2024 жылғы 1 қаңтарда Ұлттық қордың активтері 29,1 трлн теңгені немесе 6 63,3 млрд құрады.

Францияның Carrefour ең ірі супермаркеттер желісі алдағы уақытта америкалық PepsiCo Inc компаниясының тауарларын сатуды тоқтатады. Себебі бұл өнімдердің бағасы тым қымбат. Бұл туралы CNN агенттігі хабарлады.

BFM TV мәліметтері бойынша, PepsiCo компаниясы ұсынатын өнімдерінің ішінде Pepsi сусындары, 7up және Lay ‘s қытырлақтары енді Carrefour супермаркеттерінде сатылмайды.

«Бағаның өсуіне байланысты біз енді осы брендтің өнімдерін сатпаймыз. Қолайсыздықтар үшін кешірім сұраймыз», – делінген француздық бөлшек сауда дүкендерінің хабарламасында.

The Wall Street Journal мәліметінше, Италия, Испания және Бельгиядағы Carrefour дүкендері америкалық компанияның тауарларын сатуды тоқтатады.

PepsiCo компаниясы, бірнеше ай бойы сауда желісімен келіссөздер жүргізгенін және олардың ұсынып отырған...