Жаңалықтар

2025 жылы Қазақстанның медициналық авиация қызметі ел ішінде және одан тыс жерде мыңдаған пациентке көмек көрсеткен.

2,2 мыңнан астам адам  шұғыл және мамандандырылған көмек алды.  

Денсаулық сақтау министрлігінің ақпаратынша, жұмыс өңіраралық тасымалдауды да, халықаралық медициналық эвакуацияларды да, хәлі ауыр пациенттердің мониторингін және донорлық ағзаларды тасымалдауды да қамтыды.

«2025 жылғы 1 қаңтар мен 30 желтоқсан аралығында Ұлттық шұғыл медицина үйлестіру орталығының диспетчерлік қызметіне медициналық авиацияны пайдалана отырып, медициналық көмек көрсетуге 2 589 өтінім келіп түсті. Оның ішінде 2 272 ұшып шығу медициналық қызмет көрсетумен, тағы 15-і медициналық қолдаусыз орындалды. 2024 жылмен салыстырғанда ұшулардың жалпы саны...

Қазақстан 2026 жылы тоғыз жаңа ұшақ сатып алып, ішкі және халықаралық әуе қатынасын кеңейтеді. Бұл туралы Orda хабарлады.

Азаматтық авиация комитетінің төрайымы Салтанат Томпиеваның айтуынша, жыл соңына дейін әуе компанияларының әуе кемелері паркі шамамен 118 бірлікке дейін ұлғаяды.

Сондай-ақ билік 23 әлеуметтік маңызы бар әуе бағытын субсидиялау бағдарламасын жалғастырып, оларды халық үшін қолжетімді етуге және туризмді дамытуға ықпал етпек.

«2026 жылы Астана және Шымкент әуежайларында екінші ұшу-қону жолақтарының құрылысы басталады. Алматыда ішкі рейстер терминалы қайта жаңғыртылады, ал Ақтау әуежайында перронға күрделі жөндеу жүргізіледі», – деді ол.

Халықаралық әуе қатынасына келсек, рейстерді ашу және қайта...

Қазақстанның перзентханаларында Жаңа жыл түні 254 сәби дүниеге келді. Ұлдар мен қыздардың саны бірдей.

Денсаулық сақтау министрлігінің ақпаратынша, олардың ішінде Ақтөбе облысында бір егіз дүниеге келді.

Дәстүрлі түрде ең көп нәресте туған өңірлер: Түркістан облысы – 29 бала, Шымкент қаласы – 24, Астана – 22 және Алматы қаласы – 21.

«Денсаулық сақтау министрлігі «Аналар саулығы» бағдарламасы шеңберінде экстрагениталдық патологияларды анықтау, жоспарланған жүктілікке дейін зерттеп-қараулар мен сауықтыру мақсатында профилактикалық қарап-тексерулер мен прегравидарлық дайындық жүргізуде. 2025 жылдың қорытындысы бойынша прегравидарлық дайындықпен қамту 11%-ға артып, әйелдердің 46,5%-ы болды», – делінген хабарламада.

Министрліктің дерегінше, жүктіліктің 10 аптасына дейін ерте...

Ұлыбритания мен Франция Украинадағы майдан шебінде бітімді бақылау үшін халықаралық әскери контингент орналастыру жобасын дайындады.

Бұл туралы немістің Welt газеті дипломатиялық дереккөздерге сілтеме жасап хабарлады.

Жоспарға сәйкес, бейбіт келісім жасалғаннан кейін, алғашқы алты ай ішінде қақтығыс аймағына 10 мыңнан 15 мыңға дейін әскери қызметкер жіберілуі мүмкін. Мәліметке қарағанда, бұл күштер қажет болған жағдайда ұрыс қимылдарына қатысуға дайын болады.

Контингентті БҰҰ немесе Еуропалық одақ мандатынсыз-ақ, Киевтің шақыруымен орналастыру мүмкіндігі де қарастырылып отыр.

Украина үшін халықаралық қауіпсіздік кепілдіктері, соның ішінде қақтығыс желісін бақылау мәселесі бұған дейін қақтығысты бейбіт жолмен реттеудің түрлі нұсқаларында талқыланған.

Украина президентінің кеңесшісі Михаил Подоляк мұндай контингент жіберуге...

Тараз қаласында жаңа жыл түні Жамбыл даңғылында орналасқан мейрамханада өрт шықты. Ішінде жүзге жуық адам болған.

Orda ақпаратына қарағанда, екі қабатты ғимаратқа жапсарлас салынған жазғы қосалқы құрылыстан өрт тұтанған. Мейрамханадан шамамен 100 адам эвакуацияланды. Құтқарушылар оттың негізгі ғимаратқа және маңайда орналасқан жанармай құю бекетіне таралуына жол бермеді.

Өрт шамамен 300 шаршы метр аумаққа таралғанымен, толық сөндірілді. Зардап шеккендер жоқ. Қазіргі уақытта өрттің шығу себебі анықталып жатыр.

«Өрт сөндірушілер отты жедел ауыздықтап, оның мейрамхананың негізгі ғимаратына және жақын маңдағы жанармай құю станциясына таралуына жол бермеді», – деп хабарлады Тараз қалалық ТЖД.

Мұның алдында Атырау...

2026 жылы VIP автокөлік нөмірлерінің құны өсті. Бұған айлық есептік көрсеткіштің ұлғаюы себеп болды.

Zakon.kz хабарлауынша, 1 қаңтардан бастап АЕК 4 325 теңге болды. Ал өткен жылы ол 3 932 теңге болған. Өсім шамамен 10% болған.

Осыған сәйкес, жоғары сұранысқа ие мемлекеттік тіркеу нөмірлік белгілерінің бағасы да 10%-ға артты.

2026 жылы жоғары сұранысқа ие мемлекеттік тіркеу нөмірлік белгілерінің бағалары

Ең қолжетімді VIP-нөмірлер – әріптері бірдей немесе 010, 020, 030, 040, 050, 060, 070, 077, 080, 090 және 707 сандық комбинациялары бар нөмірлер. Олардың бағасы қазір 57 АЕК, яғни 246 525 теңге.

Дәл осы сандық комбинациялар, бірақ әріптік...

Сәрсенбі күні АҚШ әскери күштері заңсыз есірткі айналымымен айналысты деп болжанған тағы бес кемеге соққы жасағанын мәлімдеді.

NBC news ақпаратына қарағанда, соның салдарынан сегіз адам қаза тапқан.

Сәрсенбі кешке АҚШ-тың Оңтүстік қолбасшылығы бұдан бөлек тағы да екі кемеге шабуыл жасалғанын, оның бірінде үш адам, екіншісінде екі адам қаза тапқанын хабарлаған еді. Қолбасшылық қаза тапқандарды «есірткі террористері» деп атады.

Мәлімдемеде соққылардың нақты қай жерде жасалғаны көрсетілмеген.

«Барлау деректері кемелердің есірткі тасымалының белгілі бағыттарымен қозғалып, наркобизнеспен айналысқанын растады», — делінген АҚШ Оңтүстік қолбасшылығының әлеуметтік желілерде жариялаған хабарламасында.

Бұған дейін сәрсенбі күні АҚШ әскери күштері сейсенбіде есіртк...

Жеті облыста автокөлік жолдары ашылды. «ҚазАвтоЖол» ұлттық компаниясы жолдағы жағдай туралы ақпарат берді.

Ұлттық компанияның дерегінше, 2026 жылғы 1 қаңтар сағат 08:00-дегі жағдай бойынша республикалық маңызы бар келесі автожолдарда автокөліктің барлық түрлері үшін қозғалыс ашық:

Павлодар облысы

«Атамекен – Ертіс – РФ шекарасы» республикалық маңызы бар автожолының 0–263 км аралығы (Атамекен кенті – Ресей Федерациясының шекарасы).

Батыс Қазақстан облысы

«Ақтөбе – Орал – РФ шекарасы» автожолының 189–492 км аралығы (Атырау облысының шекарасы – Орал қаласы);

«Ақтөбе – Орал – РФ шекарасы» автожолының 273–526 км аралығы (Барбастау кенті – Ақтөбе облысының шекарасы).

Ақтөбе облысы

«Ақтөбе – Орал...

Президент Қасым-Жомарт Тоқаев 2026 жылды Цифрлық даму және жасанды интеллект жылы деп жариялады. Бұған қоса, ол биыл елімізде конституциялық реформа болатынын атап өтті.

«Мен биылғы Жолдауымда Цифрлық мемлекет болуымыз керектігін жарияладым. Сондықтан келесі жылды Цифрландыру және жасанды интеллект жылы деп атау туралы шешім қабылдадым. Озық технологиялар еліміздің барлық саладағы әлеуетін арттыруға жол ашпақ», – деді президент.

Ол елімізде алдағы уақытта да энергетикалық әлеуетін нығайтып, агроөнеркәсіп кешені, су шаруашылығы мәселелерін шешіп, көлік-логистика саласын және тұрғын үй-коммуналдық шаруашылығының инфрақұрылымын дамытатынын атап өтті.

Бұған қоса, шағын және орта бизнес әрдайым мемлекет назарында болатынын, осы жылы елімізде жаңа кәсіпорындар...

Қасым-Жомарт Тоқаев қазақстандықтарды Жаңа 2026 жылмен құттықтады. Президент алдымен 2025 жылды қорытындылады.

«2025 жыл халқымыз үшін мерейлі жыл болды. Еліміз дамудың даңғыл жолына түсті. Әлемдегі ахуал күрделі болса да, экономикамыз өркендеп, ішкі жалпы өнім 6 пайыздан асты. Қазақстанның алтын-валюта қоры 62 миллиард доллардан асты», – деді президент.

Ол елдегі ауқымды жобалардың бірі «Достық – Мойынты» теміржолының екінші желісі іске қосылуын ерекше атап өтті. Сондай-ақ он үш мың шақырым автокөлік жолы салынып, жөнделіп жатқанын айта кетті. Ол бұл жобалардың Қазақстанның транзиттік әлеуеті арта түсіретінін айрықша сөз етті.

«Диқандарымыз екінші жыл қатарынан мол...

2025 жылы әлемдік қаржы элитасы үшін ең табысты жыл болды. Bloomberg хабарлауынша, планетадағы ең бай 500 адамның жиынтық байлығы рекордтық 2,2 трлн долларға өсіп, 11,9 трлн долларға жетті.

Бұл өсудің негізгі факторының бірі ретінде басылым Дональд Трамптың билікке оралуын көрсетеді.

Трамп отбасының капиталы өсті

Bloomberg мәліметті бойынша, соңғы 15 айда АҚШ президенті отбасының жағдайы 70%-ға өсіп, 6,8 млрд долларға жетті. Басылымда бұл өсім Трамп пен оның жақындарының бірқатар ірі мәмілелерге: криптовалюталардан бастап медиа активтерді технологиялық стартаптармен біріктіруге дейін белсенді жұмыс істеуімен байланыстырады.

«Дональд Трамптың жеңісі пайданың катализаторы болды. Оның отбасын байыту ауқымы АҚШ-тың осыған...

2025 жыл отандық шоу-бизнестің кейбір жұлдыздары үшін бақытқа толы болды. Олардың отбасында сәби дүниеге келіп, шаңырақтары шаттыққа толды. Kursiv.LifeStyle 2025 жылы кішкентайлы болған жұлдызды отбасыларға шолу жасады.

Тәуекел Мүслім

Тәуекел Мүслім мен оның жары Махаббат үшінші рет ата-ана атанды. Ерлі-зайыптылардың үшінші ұлы дүниеге келді. Жаңалықпен актердің өзі бөлісіп, жұбайына желіде алғыс айтты. Олар өткен қыста Лос-Анджелесте гендер пати жасаған.

Бүркіт пен Айша

Көктемде Бүркіт пен Айшаның отбасы толығып...

Елдің солтүстігі мен батысында жел күшейіп, қар жауып, көктайғақ болады. «Қазридромет» 1 қаңтарға ауа райы болжамын ұсынды.

Қазақстан Денсаулық сақтау министрлігі өткен 2025 жылдың қорытындысын шығарып, елдің денсаулық сақтау саласы жыл ішінде нақты нәтижелер көрсеткенін мәлім етті.

«Жалпы өлім-жітім 2,6%-ға, онкологиялық аурулардан болатын өлім 6,3%-ға төмендеді. Нәресте өлім-жітімінің көрсеткіші тарихи минимумға жетті – 18,7%-ға азайды. Ал 2025 жылдың қорытындысы бойынша орташа өмір сүру ұзақтығы 75,8 жас деңгейінде болады деп күтілуде», — деді Денсаулық сақтау министрі Ақмарал Әлназарова.

Сондай-ақ министр Қазақстанның БҰҰ-ның Адами даму индексінде жеті сатыға жоғарылап, 193 елдің ішінде 60-орынға көтерілгенін атап өтті.

Министрліктің хабарлауынша, басты жетістіктердің бірі — МӘМС жүйесін жетілдіру туралы қабылданған заң. Соның нәтижесінде жаңа жылдан бастап шамамен...

Қазақстандықтар 2026 жылы әлемнің көптеген еліне визасыз бара алады. Kursiv.Media саяхатшыларға арнап, визасыз баруға болатын елдер тізімін жасады.

Визасыз режим әдетте 3 түрге бөлінеді:

Толық визасыз режим. Елге визасыз кіріп, белгілі бір уақытқа дейін (мысалы, 30, 60 немесе 90 күн) еркін жүруге болады.

Келген кезде берілетін виза (Visa on Arrival). Алдын ала виза алмайсыз, бірақ елге кірген кезде, әуежайда немесе шекарада рәсімдейсіз.

Электронды виза (e-Visa). Елге бармай тұрып, интернет арқылы виза рәсімделеді.

1 жылға визасыз баратын ел

90 күн

Қазақстанның Ресейдегі елшілігі жеке сәйкестендіру нөмірін (ЖСН) беруге қатысты ақпарат таратты.

Шетел азаматтарына ЖСН беру пилоттық жобасы 2025 жылдың 31 желтоқсанына дейін жұмыс істеген. 2026 жылдың 1 қаңтарынан бастап Қазақстанның шет елдердегі мекемелері шетел азаматтарына ЖСН беруді тоқтатады.

«Қазақстанның уәкілетті мемлекеттік органдары Қазақстанға бармай-ақ онлайн-форматта шетел азаматтары үшін мемлекеттік қызметтер мен сервистерді алу мүмкіндігін, оның ішінде ЖСН қамтитын цифрлық ID-картаны алуға болатын eResidency бағдарламасы енгізілді», – делінген ақпаратта.

Бағдарлама шетелдіктерге Қазақстанда ресми цифрлық мәртебе алуға мүмкіндік береді.

Бағдарлама арқылы аулға болатын қызметтер:

Ұлттық статистика бюросы мәліметіне сәйкес, 2025 жылдың 10 айында Қазақстанға 75,6 мың тонна мандарин жеткізілген. Ішіне мандариннің танжерин және сатсума деген түрі де кіреді.

Data Hub Telegram арнасының хабарлауынша, 2024 жылмен салыстырғанда бұл көрсеткіш 21%-ға артқан. Сонымен қатар кем дегенде кейінгі он жылдағы ең жоғары деңгей болып отыр.

Ал ақшалай есептесек, мандариннің көлемі жылдан-жылға түсіп барады: 38 миллион доллардан 37 миллион долларға түскен. Соған сәйкес бір тонна мандариннің орташа құны да төмендеген (20%).

Бұған дейін Қазақстан мен Қытай арасындағы «Бақты» шекара бекетінде көкөніс пен жеміс-жидекке бақылау күшейіп, кәсіпкерлер шығынға батты.

Елде 5 қаңтардан бастап қасқыр мен шибөрі атуға рұқсат беріледі. Бұл туралы экология министрлігі орман шаруашылығы және жануарлар дүниесі комитеті хабарлады.

5 қаңтар сағат 10:00-ден бастап қасқыр мен шибөрі атуға болады. Бұл жануар санын реттеу мақсатында іске асады. Рұқсат 31 желтоқсанға дейін берілген.

Алайда ескере кететін жайт бар. Мәселен, Ақмола, Батыс Қазақстан, Қарағанды, Қостанай, Маңғыстау, Павлодар және Ұлытау облыстарында қасқыр мен шибөрі атуға бірден рұқсат берілмейді. Ол үшін олардың үй жануарларына шабуыл жасағанын дәлелдеу қажет.

Айта кетейік, рұқсат алу толық автоматтандырылған, www.elicense.kz веб-порталында қолжетімді.

Бұған дейін Түркістан облысы Бәйдібек ауданында малға шапқан қасқыр мен шибөрілерді ату...

Жаңа жылдағы мерекеде Алматының коммуналдық, апаттық және жедел қызметі күшейтілген режимде жұмыс істейді.

Қала әкімдігінің хабарлауынша, бұл шара инженерлік инфрақұрылымның жұмысын қамтамасыз ету және төтенше жағдайда жедел әрекет ету мақсатында қабылданған.

«Мереке күндері жылу, су, электр және газбен жабдықтау, лифт шаруашылығы, көше және аула ішіндегі жарықтандыру, жол мен аула аумағын күтіп ұстау бойынша кезекшілік ұйымдастырылды», – делінген ақпаратта.

Төтенше жағдайда бірден әрекет ететін қалалық штаб құрылған.

Тұрғындар мереке күндері мына нөмірлерге хабарласа алады:

Шет мемлекет басшылары мен халықаралық ұйымдардың жетекшілері Президент Қасым-Жомарт Тоқаевты Жаңа жылымен құттықтап, жеделхат жолдауда. Бұл туралы Ақорда баспасөз қызметі хабарлады.

«Қазақстан Президентінің атына шет мемлекеттердің басшылары мен халықаралық ұйымдардың жетекшілерінен Жаңа жылға орай құттықтау жеделхаттары келіп түсуде», – делінген хабарламада.

Тоқаевты Ресей Президенті Владимир Путин, ҚХР Төрағасы Си Цзиньпин, Өзбекстан Президенті Шавкат Мирзиёев, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Әзербайжан Президенті Ильхам Әлиев, Беларусь Президенті Александр Лукашенко, Армения Президенті Ваагн Хачатурян, Армения Премьер-министрі Никол Пашинян, БАӘ Президенті шейх Мухаммед бен Заид Әл Нахаян, БАӘ Вице-Президент...

2026 жылдан бастап автокөлікті сақтандыру құны шартты алғаш жасасқан жүргізушілер үшін төмен болады. Бұл Қаржы нарығын реттеу және дамыту агенттігінің қаулысында көрсетілген.

Реттеуші органдар бұл шара жаңа жүргізушілер үшін сақтандыру жүйесіне кіруді жеңілдетіп, олардың қаржылық жүктемесін азайтады деп есептейді. Дегенмен көлік жас жүргізушілер үшін автосақтандыру құны қаншалықты төмен болатыны әзірге белгісіз.

«Бонус-малус» жүйесіндегі коэффициенттерді есептеу механизмі де өзгертілді. Енді оларды қолдану тәртібі нақтырақ болып, мемлекеттік деректер базаларына шектеулі қолжетімділік жағдайлары да ескерілген. Бұл сақтандыру жарнасын дұрыс есептемеу жағдайларын және автокөлік иелерінің шағымдарын азайтуға көмектеседі.

Жаңа өзгерістер 2026 жылғы 6 қаңтардан бастап қолданысқа енгізіледі.

Еске салайық, 2026 жылы айлы...

Сәрсенбі, 31 желтоқсан күні Қазақстандағы мамандандырылған Халыққа қызмет көрсету орталықтары әдеттегі жұмыс кестесі бойынша қызмет көрсетеді. Ал қарапайым орталықтар сағат 18:00-ге дейін, кезекші орталықтар 20:00-ге дейін жұмыс істейді.

Бейсенбі және жұма күндері, яғни 1 және 2 қаңтарда, сондай-ақ сәрсенбі, 7 қаңтарда халыққа қызмет көрсету орталықтары, соның ішінде арнайы ХҚКО-лар жұмыс істемейді.

«Азаматтарға арналған үкімет» мемлекеттік корпорациясы хабарлағандай, 3 қаңтар, сенбі күні кезекші арнайы ХҚКО-лар ашық болады. Олар азаматтарды сағат 9:00-ден 13:00-ге дейін қабылдайды.

Айта кетейік, қазақстандықтар, 2026 жылдың басында бірнеше күн қатарынан демалыс беріледі.

Астана әкімдігі жаңа жылдық концерттер елорданың алты ауданында бір мезгілде өтетінін мәлімдеді. Кешкі уақытта негізгі мерекелік шаралар «Қазақ елі» монументі алаңында, «EXPO» аумағында және қала әкімдігі алдындағы алаңда өтеді.

Астанада күндізгі концерттер басталып кетті:

12:00-ден бастап: –  «Жерұйық» саябағы мен «Теміржол» тұрғын алабында (Алматы ауданы), «Жағалау» саябағы мен «Үркер» тұрғын алабында (Нұра ауданы), «Отау» және «Промышленный» тұрғын алаптарында (Сарайшык ауданы).

14:00-ден бастап: «Ататүрік» саябағы мен «Өндіріс» тұрғын алабында (Байқоңыр ауданы), «Бағыстан» тұрғын алабында (Есіл ауданы), «Қорғалжын» саябағында (Сарыарқа ауданы).

Мерекелік думанда Досымжан Таңатаров, Гүлнұр Оразымбетова, Айгүл Иманбаева, Зарина Омарова, Құрмаш Маханов, «Бәйтерек» триосы және басқа да өнерпаздар өнер көрсетеді. Балалар...

Қазақстандық мұғалімдер салалық кәсіподақтарға мәжбүрлі түрде мүше болуды тоқтатып, жарна төлеу жүйесін толықтай ерікті және ашық ету туралы талаппен петиция жариялады.

Педагогтердің айтуынша, қазіргі таңда кәсіподаққа кіру жұмысқа қабылданудың міндетті шартына айналып кеткен. Ал жарналар жалақыдан автоматты түрде ұсталады. Бұл мұғалімдердің келісімінсіз төленетін, құқықтарын нақты қорғамайтын «салыққа» айналды деп жазылған.

Айта кетейік, петицияның өзі ресми Epetition.kz сайтында жарияланбаған.

Мұғалімдер неге наразы

Мұғалімдердің айтуынша, кәсіподақтардың жұмысы ашық емес. Жарналардың қайда жұмсалатыны белгісіз, педагогтерге жыл сайынғы қаржылық есеп ұсынылмайды. Ал еңбек даулары немесе заңсыз жұмыстан шығару кезінде кәсіподақтар көбіне әкімшілік жағына шығып кетеді немесе мүлде әрекетсіз қалады.