Жаңалықтар

Президент Қасым-Жомарт Тоқаев бірқатар мемлекеттің елшілерінен сенім грамоталарын қабылдады. Бұл туралы Ақорда баспасөз қызметі хабарлады.

Ақорда резиденциясында 5 мемлекеттің Төтенше және Өкілетті Елшілерінің Қазақстан Президентіне сенім грамоталарын тапсыру рәсімі өтті.

Мемлекет басшысына Ливия Елшісі Аладдин Абдулсалам Лехуайк, Кувейт Елшісі Омар Ахмед Мұхаммед Мурад Әл-Кандари, Словакия Елшісі Роберт Кирнаг,Алжир Елшісі Камал Фениш және Кения Елшісі Бенсон Генри Оума Огуту сенім грамоталарын табыс етті.

Қасым-Жомарт Тоқаев дипломаттармен әңгімелесу кезінде оларды еліміздегі дипломатиялық миссиясының ресми басталуымен құттықтап, Қазақстанмен екіжақты қарым-қатынасты дамытуға үлес қосатынына сенім білдірді.

Мемлекет басшысы Қазақстан достық және өзара тиімді қарым-қатынастарды дамытуға бағытталған бейбіт және ашық сыртқы...

Биылғы жылдың қаңтар–шілде айларында Қазақстанда 66,4 млн тонна тас көмір, қоңыр көмір және көмір концентраты өндірілді, бұл 2021 жылдың сәйкес кезеңімен салыстырғанда 5,8% артық.

Сектор өндірісінің 92,6%-ы тікелей тас көмірден алынды: 61,5 млн тонна. Оның ішінде жылу көмірін өндірісі 9,3 млн тоннаны, кокстеу 4,5 млн тоннаны құрады. Қоңыр көмір (лигнит) 2,6 млн тоннаны, көмір концентраты 2,3 млн тоннаны құрады.

Өңірлер бойынша өндірістің ең үлкен көлемі дәстүрлі түрде Павлодар облысына тиесілі: 39 млн тонна, былтырғыдан 5% артық. Одан кейін, күткендей, Қарағанды облысы: 21,3 млн тонна.

Анықтама үшін: жалпы 2021 жылы еліміздің кәсіпорындары 116,2 млн тонна көмір алды, бұл бір жыл бұрынғыдан...

Мемлекет басшысы Қасым-Жомарт Тоқаевтың биылғы 1 қыркүйектегі Қазақстан халқына Жолдауында зейнетақы жүйесінің тиімділігін арттыру бойынша жаңа шаралар пакеті ұсынылды. Оларды іске асыру мақсатында ҚР Әлеуметтік кодексінің жобасы шеңберінде базалық зейнетақы мөлшерін арттыру және ынтымақты зейнетақыны есептеу үшін ең жоғары табысты ұлғайту көзделетін болады. Бұған дейін қабылданған шешімдермен бірге бұл 2025 жылға қарай жиынтық зейнетақыны орта есеппен 27% – ға ұлғайтуға мүмкіндік береді. Бұл туралы ҚР Еңбекмин хабарлады.

Бүгінгі таңда өзгерістер нәтижесінде Қазақстанда базалық және ынтымақты зейнетақыны, сондай-ақ БЖЗҚ-дан төленетін зейнетақы төлемін (қызметкердің зейнетақы жинақтары есебінен қалыптастырылады) қамтитын көп деңгейлі зейнетақы жүйесі қалыптасты.

Ынтымақты зейнетақы жүйесі біртіндеп қысқаратыны белгілі, өйткені оларды...

Қазақстандық Жәнібек Әлімханұлы (12-0, 8 КО) бразилиялық Эскива Фалькаоның (30-0, 20 КО) намысқа тиетін сөздеріне бірден жауап берді, деп хабарлайды Vesti.kz.

«Алдымен өз командаңмен кеңес. Егер дайын болсаң, мен сені нокаутқа түсіруге әрқашан дайынмын, бір ғана сұрайтыным бар, менімен айқасудан енді қашпа!», – деп жазды Жәнібек. 

Айта кетейік, Бразилиялық нокаутшы Эскива Фалькао (30-0, 20 КО) Жәнібек Әлімханұлына (12-0, 8 КО) намысқа тиетін сөздер айтқан.

«Саған енді қарапайым боксыңнан гөрі көбірек айқасу керек болады. Сен мұны қалай өткеру керегін білмейсің. Мен саған қарағанда таланттымын. @qazaqstyle сен әлсізсің және белбеуден айырылып қаламын деп қорқасың», – жеп жазған бразилиялық. 

Қырғызстан делегациясы мигранттарға қойылатын талаптарды жеңілдету бойынша келіссөздер жүргізу үшін Мәскеуге ұшады. Бұл туралы 24.kg агенттігіне депутат, Жогорку Кенештің халықаралық істер комитетінің төрағасы Шыңғыс Айдарбеков мәлімдеді.

«Келіссөздер жалғасып жатыр. Ресейде жұмысшылардың құқықтарын қорғауға қатысты заңнаманы жұмсарту бойынша келіссөздер жүргізілмек. Біз мәселені комитеттің бір отырысында қарауды жоспарлап отырмыз», – деді Шыңғыс Айдарбеков.

Айта кетейік, 21 тамызда Ресей Федерациясының Ульяновск облысында болған оқыс оқиғадан 14 қырғызстандық қаза тапты. Ресми мәлімет бойынша, олар Ресейдің көші-қон заңнамасының жаңа талаптарын орындау үшін барған.

Елімізде сыбайлас жемқорлық мәселесі қашанда өткір болып келеді, әсіресе мемлекеттік органдарда. Ranking.kz тобы ел әкімдіктері қызметкерлерінің сыбайлас жемқорлық құқық бұзушылықтарына талдау жасады.

2022 жылдың қаңтар-шілде айларында мұндай құқық бұзушылықтарды әкімдіктер мен олардың құрылымдық бөлімшелерінің 91 қызметкері жасаған. Бұл соңғы жылдардағы «рекордтық» көрсеткіш. Мәселен, 2021 жылдың дәл осы кезеңінде 87 жемқор шенеунік қолға түскен. Айта кетейік, 2021-2022 жылдары сыбайлас жемқорлық құқық бұзушылық жасаған әкімдіктер қызметкерлерінің саны өткен жылдардағы көрсеткіштерден айтарлықтай асып кеткен (салыстыру үшін: 2020 жылдың сәйкес кезеңінде 11 құқық бұзушы, 2019 жылы – 23, жылы 2018 – 22).

Сыбайлас жемқорлық құқық бұзушылықтар баптары аясында әкімдіктердің барлық қызметкерлерінің көпшілігі келесілер үшін...

Израиль премьер-министрі Яир Лапид пен Украина президенті Владимир Зеленский телефон арқылы сөйлесті. Бұл туралы Анадолу сайты хабарлады.

Израиль премьер-министрінің баспасөз қызметі 24 тамызда Лапид украин халқын тәуелсіздіктің 31 жылдығымен құттықтап, Украина халқын қолдайтынын айтты.

Премьер-министр Лапид пен президент Зеленский Украинадағы соғысты талқылады. Премьер-министр Лапид соғыста қаза тапқандар мен жараланғандарға көңіл айтып, соғысты тоқтату үшін дипломатиялық шешім қабылдауға шақырды.

Украина президенті Зеленский де Twitter-дегі парақшасында Лапидпен телефон арқылы сөйлескеніне түсініктеме берді.

«Мен Израильдің жаңа премьер-министрі Яир Лапидпен телефон арқылы сөйлестім. Мен Израильдің Ресейге қарсы санкцияларға қатысуына және Ресей Федерациясының агрессиясына қарсы тұруда Украинаға практикалық көмек көрсететініне сенемін», – деп жазды Зеленский.

Қазақстанда ПТР-тестінің оң нәтижесі бар коронавирус бойынша 2022 жылғы 01 қыркүйектегі эпидемиологиялық жағдай туралы COVID-19 таралуына жол бермеу жөніндегі ВАК мәлімдеді.

Өткен тәулікте коронавирус инфекциясын жұқтырған 431 жағдай тіркелді.

Елімізде коронавирус инфекциясын жұқтырғандар саны 1 389 120 жетті.

Оның ішінде: Нұр-Сұлтан қаласында – 66, Алматы қаласында – 34, Шымкент қаласында – 3, Ақмола облысында – 53, Ақтөбе облысында – 17, Алматы облысында – 4, Жетісу облысында – 7, Атырау облысында – 11, Шығыс Қазақстан облысында – 9, Абай облысында – 3, Жамбыл облысында – 13, Батыс Қазақстан облысында – 44, Қарағанды облысында – 46, Ұлытау облысында...

Мемлекет басшысы бүгінгі жолдауында Ұлттық қордың жыл сайынғы инвестициялық табысының 50 пайызын балалардың арнаулы жинақтаушы есепшотына аударуды ұсынды. Балалар жылы аясында «Ұлттық қор – балаларға» атты жаңа бағдарлама қолға алынбақ.

Президенттің айтуынша, қаржы әр бала 18 жасқа толғанға дейін аударылып тұрады, оны мерзімінен бұрын есепшоттан шығарып алуға болмайды.

«Жинақталған қаржы балалар кәмелет жасына толғаннан кейін олардың баспана немесе білім алуына жұмсалатын болады. Бұл қаражат өскелең ұрпақтың үлкен өмірге қадам басуына мүмкіндік береді. Қор, шын мәнінде, ұлттық мәртебеге ие болып, халқымыздың игілігіне қызмет етеді», деді Қ. Тоқаев.

Жоба 2024 жылғы 1 қаңтардан бастап іске қосылмақ.

Қасым-Жомарт Тоқаев биыл күзде кезектен тыс Президент сайлауын өткізуді ұсынды. Президент мандатын ұзақтығы 7 жылдық бір мерзіммен шектелуі ықтимал.

«Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет.

Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын.

Сондай-ақ, мен көп ойланып, Президент өкілеттігі мерзімдерінің санын және ұзақтығын қайта қарау қажет деген байламға келдім. Президент мандатын ұзақтығы 7 жылдық бір мерзіммен шектеуді ұсынамын. Бірақ қайта сайлануға тыйым салынады», деді Мемлекет басшысы.

Қазақстанда ең төменгі жалақы 60 000 теңгеден 70 000 теңгеге дейін өседі. Бұл туралы 1 қыркүйекте Қазақстан халқына жыл сайынғы жолдауында ел Президенті Қасым-Жомарт Тоқаев мәлім етті.

«Мемлекет ең төменгі жалақыны анықтаудың жаңа әдістемесін енгізеді, ол оның мөлшерін кезең-кезеңімен ұлғайтады. Мен ең төменгі жалақыны 60-тан 70 мың теңгеге көтеруді шештім. Бұл 1,8 миллион азаматтың кірісіне тікелей әсер етеді», – деді Мемлекет басшысы.

«Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс». Бұл туралы Мемлекет басшысы Қазақстан халқына Жолдауында мәлімдіді.

«Сол үшін «Жайлы мектеп» ұлттық жобасы қолға алынды. Біз 2025 жылға дейін 800 мың баланың заманауи мектепте оқуына жағдай жасаймыз. Осылайша, апатты жағдайдағы және үш ауысыммен оқитын мектеп мәселесін толық шешеміз.

Бұл ауыл және қала мектептерінің айырмашылығын едәуір азайтады. Жалпы, мектеп салу Үкімет және әкімдіктер үшін басты міндеттің бірі болуы керек»

«Мен 2025 жылға дейін жергілікті жолдардың кемінде 95 пайызын жақсарту жөнінде тапсырма бердім»-деді Тоқаев. Бұл туралы Мемлекет басшысы Қасым-Жомарт Тоқаевтың Қазақстан халқына Жолдауында мәлімдеді.

«Үкімет бұл мәселені тікелей бақылауға алсын. Жол құрылысындағы заңсыздықтарды анықтау қажет. Бұл жұмыстан нақты нәтиже шығару керек. Бізде әлі күнге дейін битум тапшы. Бұл – ірі көлемде мұнай өндіретін ел үшін, тіпті, ұят жағдай. Үкімет осы мәселені түбегейлі шешуге тиіс.

Жалпы, ашығын айтуымыз керек, Үкіметтің жұмысында қайта-қайта олқылықтар болып жатыр. Біресе жанар-жағармай, біресе шекер жетіспейді. Осының бәрі Үкіметтің нақты шешім қабылдауға келгенде өте баяу қимылдап, батыл қадам жасай алмауынан болып отыр.

Мұндай...

Қазақстан президенті Қасым-Жомарт Тоқаев 1 қыркүйекте Қазақстан халқына жыл сайынғы жолдауында елдің жаңа экономикалық бағытының бірнеше басымдықтарын атады.

«Біздің экономикалық саясатымыздың негізгі мақсаты өзгеріссіз қалады – азаматтарымыздың әл-ауқатының сапалы және инклюзивті өсуі», – деді ол.

Оның айтуынша, жаңа экономикалық бағыттың басымдықтары жеке кәсіпкерлік бастаманы ынталандыру, мемлекеттік капитализмнен және экономикаға мемлекеттің шектен тыс араласуынан бас тарту болмақ. Екіншісі – бәсекелестікті дамыту және барлығына тең мүмкіндіктерді қамтамасыз ету. Үшіншіден, ұлттық табысты әділ бөлу.

Мемлекет басшысы Қасым-Жомарт Тоқаевтың Қазақстан халқына Жолдауы басталды. Бұл туралы Ақорда кз сайты хабарлады.

«Халқымыз жалпыұлттық референдумда саяси жаңғыру бағдарын қолдады. Конституциялық реформа Жаңа, Әділетті Қазақстанды құру жолындағы аса маңызды қадам болды»;

«Біз «Азамат – бизнес – мемлекет» арасындағы қатынасты түбегейлі өзгертеміз. Мемлекет, ең алдымен, бәріне бірдей мүмкіндік беріп, әділдік орнатады»;

Мемлекет басшысы: «Ұлттық қордың қаржысын тиімсіз жұмсау тоқтатылады. Бұл – өте өзекті мәселе. Қордың қаражатын аса қажет инфрақұрылымды дамытуға және еліміз үшін маңызы зор жобаларды қаржыландыруға жұмсаймыз. Бюджет үдерістерін барынша жеңілдету қажет. Мемлекеттік органдардың игерілмеген қаражатты келесі жылға қалдыруына мүмкіндік беру керек. Сол арқылы олар ақшаны бюджетке қайтарудың тиімсіз...

EURAMET ұлттық метрологиялық институттарының еуропалық қауымдастығы – бұл Еуропалық Одақ пен Еуропалық еркін сауда қауымдастығына мүше мемлекеттердің ұлттық метрологиялық ұйымдарының бірлескен альянсы.

Осы ынтымақтастық:

– ҚР-да метрологиялық инфрақұрылымды және сапа инфрақұрылымын жақсартуға;

– зертханалардың өзара салыстыруларына қатысуға;

– бірлескен ғылыми зерттеулер жүргізуге мүмкіндік береді.

2022 жылы 30 тамызда ҚазСтандарт пен EURAMET өкілдерінің кездесуі өтті, осы кездесуде бұдан әрі ынтымақтастық және Метрологиялық инновациялар мен зерттеулер бағдарламасына (EMPIR) қатысу мәселелері талқыланды.

1 қыркүйекте еліміздің мектептері мен колледждерінде жаңа оқу жылы салтанатты түрде ашылады. Биыл 3,7 миллион бала мектепке барса, оның ішінде 400 мыңға жуық кішкентай қазақстандық бірінші сыныпқа барады. Олардың ата-аналарының 70 пайызы оқытудың мемлекеттік тілін таңдаған.

Енді оқу жылы екі аптаға ұзағырақ болады. Бұл ретте үш ауысымдық оқудан басқа мектептер бес күндік оқуға көшеді.

Білім министрі Асхат Аймағамбетов Қазақстан халқын оқу жылының басталуымен құттықтады.

«Сіздерді 1 қыркүйек – жаңа оқу жылының басталуымен құттықтаймын! Бұл – ерекше эмоцияларды тудыратын мереке, өйткені бәріміз де оқушы болдық және осы күні ұмытылмас мектеп жылдарын еске аламыз. Бұл – бүкіл ұрпақты біріктіретін мереке...

Қазір екінің бірі комфорт зонадан шығудың амалын қарастырып жүреді. Өйткені өзін-өзі дамытып, өнімділігін арттырып, өмірін жақсы бағытқа ауыстырғысы келеді. Мұндайда комфорт зонадан шықпаса, нәтиже болмайды деп ойлайды. Ендеше, бұл қаншалықты дұрыс? Қандай плюстеріі мен минустары бар?

Комфорт зона деген не?

Ең алдымен осы сұраққа тоқталайық. Көз алдыңызға жылы көрпеге оранып алып, қолына бір шыныаяқ кофе ұстап, кітап оқып отырған адам келді ме? Бірақ біздің айтқалы отырғанымыз мұндай көрініс емес. Комфорт зона деп адамның өзін қауіпсіз сезінетін, негатив факторларға ұшырау ықтималы төмен, өзіне үйреншікті ішкі рамкасында сүріп жатқан өмірін айтады. Былайша айтқанда, бәрімізге аса таныс, түсінікті және қайталана беретін...

2022 жылғы 31 тамызда ҚР Премьер-Министрі орынбасары – сауда және интеграция министрінің м.а. Серік Жұманғариннің төрағалығымен сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссияның (ВАК) кезекті отырысы өтті. Онда астық пен ұнды экспорттауға шектеулерді алып тастау және ірі қара мен ұсақ малды экспорттауға квота белгілеу жөнінде шешімдер қабылданды, деп хабарлады Премьер-Министрдің баспасөз қызметі.

ВАК отырысында айтылған Ауыл шаруашылығы министрлігінің мәліметінше, Қазақстанда дәнді дақылдар жақсы жиналады деп күтілуде. Биыл 13 млн тоннадан астам бидай жинау жоспарланған, бұл өткен жылғы көрсеткіштен 12%-ға артық.  Ішкі тұтыну үшін шамамен 6,5 млн тонна қажет. Мүдделі мемлекеттік органдардың, «Атамекен» ҚР ҰКП...

Италия билігі ресейлік миллиардер Вячеслав Моше Кантордың Сардинияның солтүстік-шығыс жағалауындағы 11 вилласын қамауға алды. Бұл туралы L’Unione Sarda жазды.

Еуропа Кеңесі Кантордың Порту-Ротондодағы активтерін сәуір айында тәркілеуге бұйрық берді. Ол кезде оған қарсы жеке санкциялар салынған.

Алайда, Италияның қаржы гвардиясының тергеушілері бұл процесті тамыз айында ғана аяқтай алды.

Петропавлда 20 жастағы жұмысшы құрылыс нысанында көз жұмды, – деп хабарлайды Polisia.kz.

31 тамыз күні Петропавл қаласының Полиция басқармасына Жамбыл көшесіндегі құрылыс нысандарының бірінен үш қызметкердің денесі табылғаны туралы хабарлама келіп түсті. Құрылыс нысанының жанындағы су құбыры құдықтарын тазарту кезінде 1994, 2002 және 2004 жылдары туған үш жұмысшы буланудан зардап шеккені анықталды.

Олардың бірі, 20 жастағы жігіт, сол жерде қайтыс болды. Қалған екі зардап шегуші қаланың медициналық мекемесіне жатқызылды. Аталған факті ҚР ҚК-нің 156-бабының 3-бөлігі «Еңбекті қорғау ережелерін бұзу» бойынша сотқа дейінгі тергеудің бірыңғай тізілімінде тіркелді. Сараптама тағайындалды.

Істің мән-жайларын зерттеуге бағытталған тергеу әрекеттері жүргізілуде...

Қазақстанда ПТР-тестінің оң нәтижесі бар коронавирус бойынша 2022 жылғы 31 тамыздағы эпидемиологиялық жағдай туралы COVID-19 таралуына жол бермеу жөніндегі ВАК мәлімдеді.

Өткен тәулікте коронавирус инфекциясын жұқтырған 210 жағдай тіркелді.

Елімізде коронавирус инфекциясын жұқтырғандар саны 1 388 689 жетті.

Оның ішінде: Нұр-Сұлтан қаласында – 46, Алматы қаласында – 30, Шымкент қаласында – 2, Ақмола облысында – 33, Ақтөбе облысында – 8, Алматы облысында – 3, Жетісу облысында – 7, Атырау облысында – 4, Шығыс Қазақстан облысында – 1, Абай облысында – 1, Жамбыл облысында – 5, Батыс Қазақстан облысында – 7, Қарағанды облысында – 33, Ұлытау облысында...

2022 жылы 5 қыркүйекте ҚР Ауыл шаруашылығы министрлігінің бұйрығындағы өзгерістерге сәйкес аграрлық секторда сақтандыру сыйлықақысының бір бөлігін субсидиялау нормативі 50%-дан 80%-ға дейін артады. Бұл туралы АШМ баспасөз қызметі хабарлады.

Бұл ауыл шаруашылығы тауарларын өндірушілер үшін сақтандыру полисінің құнын төмендетуге мүмкіндік беріп, сондай-ақ агросақтандыруды одан да қолжетімді ете түседі.

Еске сала кетейік, 2020 жылдан бастап Қазақстанда АӨК сақтандырудың жаңа жүйесі жұмыс істейді. Сақтандыру сыйақыларын субсидиялаудың негізгі мақсаты агроөнеркәсіптік кешен субъектілері үшін қарыз және саудалық қаржыландырудың қолжетімділігін арттыру болып табылады.

Қазіргі уақытта өсімдік және мал шаруашылығы салаларында келесідей сақтандыру өнімдері бекітілген:

Қазақстан президенті Қасым-Жомарт Тоқаев Түркістан облысының әкімі Өмірзақ Шөкеевтің отставкасын қабылдады. Бұл туралы Ақорданың баспасөз қызметі хабарлады.

Мемлекет басшысы Шөкеевке облыс басшысы ретіндегі көп жылғы еңбегі үшін алғыс айтты.

«Мемлекет басшысының Жарлығымен Өмірзақ Естайұлы Шөкеев Түркістан облысының әкімі қызметінен босатылды», – делінген хабарламада.