Жаңалықтар

ІІМ орынбасары Санжар Әділов Қуандық Бишімбаев пен ҰҚК-нің бұрынғы басшысы Кәрім Мәсімовке түрмеде ерекше жағдай жасалып жатыр деген қауесетті жоққа шығарды.

Оның айтуынша, бұл жалған ақпарат.

«Олар жазасын заң талаптарына сәйкес өтеп жатыр», – деді Әділов журналистке берген сұхбатында.

Журналистер кезінде лауазымды қызметтер атқарып, істі болғандарға қандай да бір жеңілдіктер жасала ма деп сұрады. Әділов заң барлығына ортақ, ондай тұлғаларға артықшылықтар болмайды деп сендірді.

Еске салайық Қуандық Бишімбаев 2024 жылдың мамырында азаматтық некедегі жары Салтанат Нүкенованы ерекше қатыгездікпен өлтіргені үшін 24 жылға сотталған болатын.

Сот оны жүйелі түрде азаптап, аса қатыгездікпен кіс...

Атом электор стациясының құрылысына қажет тауар мен қызметтің 30%-ын отандық компаниялар ұсынады. Осы мақсатта Атом энегиясы жөніндегі агенттік жанынан арнайы департамент құрылған. Бұл туралы Мәжіліс кулуарында Алмасадам Сәтқалиев мәлімдеді.

«Ол Үкімет, «Атамекен» палатасымен білесіп арнайы ұлттық жоспар құрмақ. Бұл құжатта атом станциясын қажет қызмет түсін қандай қазақстандық өндіріс ұсына алатыны, қандай өндіріс орнын ашуға болатыны сараланады. Отандық қызмет ұсынушылардың реестрі жасалып, олар атом саласының талаптарына қаншалықты сай келетіні тексеріледі», – деді агенттік төрағасы.

Сәтқалиевтің айтуынша, Қазақстанның бұл бағытта тәжірибесі бар. Қашаған кен орынын игеру барысында отандық өнім үлесін 30%-ға жеткізу мақсатында бірқатар өндіріс орны ашылған...

Каспий теңізінің жағалауында атом энергетикасы нысандарын салу мүмкіндігі қарастырылып жатыр. Бұл туралы Атом энергиясы жөніндегі агенттіктің төрағасы Алмасадам Сәтқалиев мәлімдеді.

Оның айтуынша, агенттік жақын арада өңірде арнайы зерттеу жүргізуді жоспарлап отыр.

«Батыс Қазақстан, Каспий жағалауы шағын және орта қуаттағы ректорлы атом станциясы салыну мүмкін өңір ретінде қарастырылып жатыр», – деді ол.

Сәтқалиев атап өткендей, нысан құрылысы туралы шешім қабылдауда МАГАТЭ ұсынған барлық базалық талап ескеріледі. Олардың ішінде сейсмикалық жағдай, қауіпсіздік, су айдынының болуы және жеткілікті көлемдегі су ресурстарының қолжетімділігі бар. Осы факторларды зерттеу жоспарланып отыр.

Агенттіктің басшысы Қазақстанда мұндай нысандарды пайдаланудағы тәжірибе бар екенін...

«Қайрат» – «Реал Мадрид» матчына билеттерді 4-5 есе бағамен сатқан алып-сатарлар да, ойынға кіре алмай қалған жанкүйерлер де болды. Бірақ ІІМ ондай жағдайларды естімеген, ешқандай шағым түспеген.

«Аталған ақпаратты сізден естіп тұрмын. Біз тексеру жүргізуге дайынбыз, ол үшін бізге арыз түсуі керек. Соған қарай міндетті түрде тексеріс жүргізіп, процесуалдық шешім қабылдаймыз», – деді журналистерге ІІМ орынбасары Санжар Әділов.

Ол матч жоғары деңгейде өтті, қауіпсіздік жағынан ешбір кемшілік болған жоқ деп есептейді.

«Жоғары деңгейде өті, қауіпсіздік шаралары қабылданды. Меніңше, біздің тарапымыздан ешқандай кемшіліктер болған жоқ. Қоғамдық тәртіпті жоғары деңгейде қамтамасыз...

Ішкі істер министрлігі Қарағандыда ес-түссіз күйде табылған полиция майорының жағдайына байланысты ресми себептер әлі анықталмағанын хабарлады. Қазір сот-медициналық сараптаманың қорытындысы күтілуде.

Қылмыстық істі арнайы топ тергеп жатыр

Ішкі істер министрінің орынбасары Санжар Әділов тергеу басталып кеткенін мәлімдеді.

«Аталған факті бойынша қылмыстық іс қозғалды. Арнайы жедел-тергеу тобы құрылды, ішкі қауіпсіздік департаменті де тартылды. Сонымен қатар, қызметтік тексеріс жүргізіліп жатыр», – деді ол.

Санжар Әділовтің айтуынша, қазіргі уақытта сот-медициналық сараптама тағайындалған. Ол қыздың қайтыс болу фактісін және полицейдің ес-түссіз болу себебін анықтауы тиіс.

«Аталған қылмыстық іс аясында барлық қажетті тергеу амалдары жүргізіледі. Егер аумақты...

Үкіметтің жаңа Салық кодексі аясында салық жеңілдіктерін кімдер алатыны туралы қаулы жобасы Ашық НҚА порталында талқыланып жатыр. Соған байланысты Қазақстандағы жекеменшік мектептер премьер Олжас Бектеновке хат жазып, қосылған құн салығынан босатуды сұрады. Kursiv.Media осы құжатпен танысып шықты.

Мектепке ауыр салық салса, оқу ақысы қымбаттайды

Премьер-министр атына жолданған хатты Жекеменші білім беру ұйымдарының республикалық қауымдастығы 27 қыркүйекте жолдаған. Ұйым төрайымы Роза Садықова балабақшаларға ғана емес, жеке мектептер мен колледждерге, жоғары оқу орындарына салық жеңілдіктерін пайдалануға мүмкіндік беруді сұрады.

«Жекеменшік ұйымдар ұсынатын білім беру қызметтерінің бәрін, соның ішінде балабақшаларды, жеке мектептерді, колледждер мен жоғары...

Атом энергиясы жөніндегі агенттік төрағасы Алмасадам Сәтқалиев электр қуатының тарифінің көтерілуіне АЭС құрылысының қатысы жоқ екенін мәлімдеді.

Сәтқалиев бұл мәселені құзырлы органдар қадағалайтынын алға тартып отыр.

Мәжіліс дәлізінде Алмасадам Сәтқалиевке: «Алматы қаласы мен Алматы облысында қазан айынан бастап электр қуатының тарифтері өсетіні мәлім. Үлкен ауылы үшін бөлек тариф бөлінген. Бұл АЭС салумен байланысты ма», – деген сауал қойылды.

Агенттік төрағасы Алмасадам Сәтқалиев мұны үзілді-кесілді жоққа шығарды.

«Мұның АЭС салуға ешқандай қатысы жоқ. Тиісті алгоритм, тиісті тұтынушылар тобы бар. Энергетика министрлігіндегі бұл есептерді құзыры шеңберінде бәсекелестікті қорғау агенттігі тексереді», – деді Алмасадам Сәтқалиев.

Сонымен қатар, еліміздегі

Қазақстан АЭС құрылысына қажет қаржыны Ресейден қарызға алатыны белгілі. Атом энергиясы жөніндегі агенттік төрағасы Алмасадам Сәтқалиев оны вендор мемлекет береді дегенімен, Қазақстан Ресейден қанша қарыз алатынын нақтыламады.

«Егер вендор мемлекет конкурсқа өткізген құжатында қарыз береміз десе, осыны орындауы тиіс. Қазіргі кезде АЭС құрылысына 14 млрд доллар қаржы кетеді десек, тараптардың келуіне қарай, осы соманың 80-90 пайызы вендор есебінен жабылуы керек», – деді Сәтқалиев.

Ал қалған 10-20%-ын қарыз алушы мемлекет – Қазақстан өз бюджетінен шығаруы тиіс.

Яғни Ресей үкіметі Қазақстан үкіметіне қарыз береді. Алайда Сәтқалиев бұл қарыз шарттары әлі нақтыланбағанын айтты. Қазіргі кезде келіссөз жүріп жатыр.

Алматының орталық стадионында алматылық «Қайрат» пен мадридтік «Реал» арасында матч өтті. Ойын чемпиондар лигасының топтық кезеңі аясында өткен. Есеп 0:5. «Қайрат» өз алаңында есе жіберді.

Ойыннан кейін әлеуметтік желіде матчты тамашалауға келгендердің фото-видеосы тарап жатыр. Мәселен VIP-Premium қатарында «Қайрат» клубының басшысы Қайрат Боранбаев, туризм және спорт министрі Ербол Мырзабосынов, Алматы қаласының әкімі Дархан Сатыбалды, Футбол федерациясының президенті Марат Омаров бар.

Сондай-ақ көпшілік футболға Қазақстанның бұрынғы президенті Нұрсұлтан Назарбаевтың барғанын жазып жатыр. Экс-президенттің Боранбаев пен Сатыбалдының ортасында отырғанын айтады. Алайда желіде тараған фотодан ол орында Құралбек Ордабаевтың отырғанын көруге болады.

Құралбек Ордабаев кім?

Құралбек Ордабаев – футболшы, қақпашы...

Оңтүсті Кореяда АЭС топ-менеджерлері атом станциясы жанында тұруға міндетті, Қазақстанда да осындай тәжірибе бола ма? Бүгін журналистер Атом энергиясы жөніндегі агенттік төрағасы Алмасадам Сәтқалиевке осындай сұрақ қойды.

«Иә, әрине.. Ереже бойынша, атом станциясы басшылығы сол жерде тұруға міндетті. Агенттік жетекшісі ретінде біз де үнемі сол жерде боламыз», – деп жауап қатты ол.

Сәтқалиевтің түсіндіруінше, атом станциясы жанында екі мың адамға дейін тұра алатын қалашық салынады.

«Атом станциясы – жергілікті қалалық агломерацияның өсу нүктесі деп саналады. Атом станцияларының айналасында қонақүй, мейрамхана, туристік бизнес дамиды. Колледжер, оқу орталықтары салынады. Персоналдың біліктілігін арттыру...

Қазақстандықтар әлеуметтік желіде «Қайрат – Реал Мадрид» матчы кезіндегі онлайн-трансляция сапасына шағымданып жатыр. Бұл жағдайға қатысты Жасанды интеллект және цифрлық даму министрлігі жауап берді.

Министрліктің хабарлауынша, сағат 21:30-да «Қазақстан» РТРК платформасында пайдаланушы саны тым көп болған.

«Пайдаланушы саны көп болуына байланысты ақау шыққан. Qazaqstan.tv, qazsporttv.kz сайттары, сондай-ақ BeeTV, TV+ және басқа да қосымшалар істемей қалды», – деп мәлімдеді министрлік.

Сол кезде эфирлік, спутниктік және кабельдік тарату қалыпты режимде жұмыс істегенін айтады.

«Онлайн-платформадағы ақау «Қазтелерадио» мен байланыс операторларының шектес сервистерінде де жүктеменің артуына әкелді. РТРК онлайн-платформасына қосылғандар саны шекті 500 мы...

Қазақстандағы алғашқы АЭС-тің атауына қатысты қазақстандықтардан 20 мыңнан аса ұсыныс түскен. Атом энергиясы жөніндегі агенттік төрағасы Алмасадам Сәтқалиев қазір арнайы комиссия оның барлығын сараптап жатқанын айтты.

«Осы уақытқа дейін 20 мыңнан астам ұсыныс түсті. Біз алдын-ала талдау жүргізіп, негізгі үш топқа бөлдік. Біріншісі – географиялық атаулар. Балқаш, Іле, Үлкен немесе Мойынқұм АЭС-і деп атауды ұсынған. Ал екінші топ тарихи тұлғаларға байланысты. Қазақстан Республикасындағы саяси, ғылыми қайраткерлердің есімі бар. Аталған станцияға академик Чокиннің, Батуровтың, Абайдың, Қаныш Сәтпаевтың есімін беруді ұсынған. Бұл да қаралып жатыр», – деп түсіндірді ол.

Ал үшінші топ техникалық, энергетикалық құрылымдарға...

Алматы облысының Жамбыл ауданында екінші АЭС салу жоспарланып отыр.

Бұл туралы Атом энергиясы жөніндегі агенттіктің төрағасы Алмасадам Сәтқалиев мәлімдеді.

Бірінші АЭС Алматы облысының Үлкен ауылы маңында салынатыны белгілі. Мемлекеттік комиссия екінші станцияға арналған ықтимал алаңды да Алматы облысының Жамбыл ауданынан таңдаған. Осылайша, екі нысан да елдің оңтүстігінде орналасатын болады.

Сәтқалиевтің айтуынша, екі станцияны бір аймақта орналастыру Қазақстанның энергожүйесінің сенімділігі мен тұрақтылығын қамтамасыз етеді. Сонымен қатар ол Қазақстанның АЭС салу бойынша халықаралық серіктестермен келіссөз жүргізуді жалғастырып жатқанын атап өтті.

Екінші АЭС-ті қандай компания салатыны әзірге белгісіз. Бұған дейін айтылғандай қытайдың CNNC корпорациясына қатысты түпкілікті шешім әлі қабылданған жоқ. Дегенмен ұсынылған шарттарды...

Қарағандыдағы полицияның тірек пункттерінің бірінен әйелдің мәйіті табылды. Бұл туралы облыс полициясы хабарлады.

Бұл жағдайға байланысты қылмыстық іс қозғалды. Қазір оқиғаның мән-жайы мен өлім себебі анықталып жатыр.

Ал оқиға орнында ес-түссіз жатқан полиция қызметкері медициналық мекемеге жеткізілді.

«Аталған жағдайды жан-жақты әрі объективті тексеру үшін арнайы жедел-тергеу тобы құрылып, қызметтік тергеу тағайындалды», – делінген ақпаратта.

Барлық іс-әрекет мұқият зерттеліп, кінәлілер қатаң жауапкершілікке тартылады, дейді полиция. Соған байланысты азаматтарды шындыққа жанаспайтын ақпарат таратудан аулақ болуға шақырды.

Парламент Мәжілісінде Атом энергиясы жөніндегі агенттіктің төрағасы Алмасадам Сәтқалиев «ТМД елдері арасында радиоактивті материалдарды шекарадан тасымалдау туралы келісімді ратификациялау» заң жобасын таныстырды.

Бұл құжат Қазақстан атом саласы тұрақты дамып, халықаралық рөлі артып отырған кезеңде қаралып жатыр. 2024 жылы ел 23 270 тонна уран өндірді. Бұл 2023 жылғы көрсеткіштен (21 112 тонна) шамамен 10%-ға көп. Нәтижесінде Қазақстанның ядролық саладағы орны бұрынғыдан да маңызды болып отыр.

Алайда өндіріс көлемі артқан сайын тәуекелдер де өсіп барады. Сондықтан қауіпсіздікті қамтамасыз ететін нақты заңдар мен ережелер қажет. Қазақстан тек ірі уран өндіруші ғана емес, сондай-ақ ядролық материалдарды тасымалдауда маңызды транзиттік ел. Сол себепті жүктерд...

Мәжіліс депутаты Жұлдыз Сүлейменованың өкілеттігі мерзімінен бұрын тоқтатылды.

«ҚР Президентінің 2025 жылғы 29 қыркүйектегі Жарлығымен Парламент Мәжілісінің депутаты Жұлдыз Сүлейменова Оқу-ағарту министрі лауазымына тағайындалды. Осыған орай Орталық сайлау комиссиясы сіздердің назарларыңызға ҚР Конституциясының 52-бабына, «ҚР Парламенті және оның депутаттарының мәртебесі туралы» Конституциялық заңының 24-бабы 3 және 8-інші тармақтарына сәйкес, Мәжіліс депутаты Жұлдыз Сүлейменованың өкілеттігін мерзімінен бұрын тоқтату туралы мәселені шешу үшін ұсыным енгізіп отыр», – деді Азамат Айманакумов.

Айта кетейік, 29 қыркүйекте Мемлекет басшысының Жарлығымен Жұлдыз Досбергенқызы Сүлейменова Қазақстан Республикасының Оқу-ағарту министрі қызметіне тағайындалды.

Сүлейменова бұған дейін ҚР Парламенті Мәжілісінің депутаты ретінде...

Қазақстан қор биржасы 2025 жылдың алғашқы алты айында 6,2 млрд теңге таза пайда тапқан. Бұл өткен жылғы осы кезеңде 8,3 млрд теңгемен салыстырғанда 25%-ға аз. Бұл туралы қор биржасының қаржы есебінде көрсетілген.

Қор биржасының активі өскен. 2024 жылдың алты айымен салыстырғанда 3,1 трлн теңгеден 5 трлн теңгеге жеткен.

Міндеттемесі де 3 трлн теңгеден 5 трлн теңгеге дейін өскен. Жеке капиталы 54 млрд теңгені құрайды.

Қазақстан қор биржасы 1993 жылы құрылған. Қордың 46,9% акциясы Ұлттық банкке тиесілі. Қалған акциялары 113 жеке акционердің иелігінде.

Қазақстан мұсылмандары діни басқармасы сауда орталығында аяғын жуған ер адамға қатысты мәлімдеме жасады.

Желіде тараған видеода ер адамның сауда ойын-сауық орталықтарының бірінде дәрет алып, аяғын жуып жатқан сәті түсірілген. Содан кейін тұрғындар түрлі пікір айтып, азаматтың әрекетін сынады.

Содан кейін діни басқарма азаматтарды қоршаған ортаны құрметтеуге, діни рәсімді орындау кезінде ерекше ұқыптылық танытуға және тазалықты сақтауға шақырды.

«Дәрет алу арнайы бөлінген жерлерде, оның ішінде намазханаларды...

1 қазанда Астана уақытымен сағат 09:00-де АҚШ федералдық үкіметі жұмысын уақытша тоқтатты. Себебі Конгресс жаңа қаржы жылына арналған бюджетті қабылдап үлгермеді. Құрама Штаттарда кейінгі алты жылда алғаш рет шатдаун болып отыр.

Жаңа бюджет қабылданғанша, мемлекеттік мекемелерге ақша жұмсауға тыйым салынған. Соған байланысты олардың көбісін ақысыз демалысқа жіберіп жатыр. Дәрігерлер, шекарашылар, әскерилер, көлік қызметкерлері және басқа да маңызды мекемелер ғана жұмыс істей береді. Бірақ оларға жалақы төленбейді.

Мәліметтерге қарағанда, қазіргі заман тарихында Құрама Штаттарда 21 мәрте шатдаун болған. Ең ұзағы Дональд Трамп ел басқарып тұрған уақытқа – 2018 жылғы 22 желтоқсан мен 2019 жылғы 25 қаңтар аралығына сәйкес келген. Сол...

Халықаралық Moody’s рейтинг агенттігі Қазақстанның егемен рейтингін Baa1 деңгейінде сақтап, болжамын «Тұрақты» деп қалдырды. Бұл шешім елдің қаржылық жағдайы мен экономикалық тұрақтылығына берілген халықаралық бағаның көрсеткіші болып отыр.

Агенттіктің сарапшылары Қазақстанның рейтингін қолдайтын басты фактор ретінде мемлекеттік қарыздың деңгейі төмен екенін атап өткен. Оның көлемі шамамен ЖІӨ-нің 23%-ына тең. Бұл Baa санатындағы елдер арасындағы ең төмен көрсеткіштердің бірі саналады. Сонымен қатар қарыздың өтелімділігі жоғары деп бағаланды, яғни мемлекет өз міндеттемелерін уақытылы орындауға қабілетті.

Moody’s сондай-ақ Қазақстанның айтарлықтай қаржы резервтерін ерекше атап өтті. Бұл қорлар сыртқы экономикалық шоктарға қарсы маңызды қорғаныс ретінде қарастырылады. Агенттіктің пікірінше, дәл осы фактор елдің қаржылық тұрақтылығын...

Жұлдыз Әбдікәрімова декреттік демалысы аяқталып, жұмысына қайта оралатынын айтты. Ол жақында сәбиін қырқынан шығарған еді.

Актриса жүктілік басталған сәттен бастап барынша көзден тасаланғанын, жұмысты жинап қойғанын айтты. Бар назары тек қана өз күйіне ауғанын қалаған.

«Шүкір, Алланың қалауымен бәрі де ретімен, сәтімен, өзім жоспарлағандай өтті. Енді екеуміз де қырқымыздан шығып, буынымыз қатып, бір-бірімізге ризашылығымызды білдіріп отырмыз. Мен Рабия Сұлтанға қыдыруға, ол маған жұмысқа оралуыма рұқсат бердік. Демек, ресми жұмысқа кірістім деп айта аламын», – деп Жұлдыз Әбдікәрімова жаңалығымен бөлісті.

Сонымен қатар, сәби өмірге келерде бұған өзге балаларының қалай қабылдағанын да жасырмай айтып берді.   

«И...

1 қазанда Қазақстанның бірнеше өңірде ауа температурасы -6 градусқа дейін төмендеп, үсік жүреді. Қар аралас жаңбыр жауып, тұман түседі. Қолайсыз ауа райына орай ескерту жарияланды.

«Қазгидромет» мәліметінше, 1 қазанда түнде Қарағанды облысында ауа температурасы 1-6 градусқа дейін төмендейді.

Шығыс Қазақстан облысында ауа температурасы түнде 0-5 градус жылы болады. Ал облыстың батысында, солтүстігінде 3 градус үсік түседі.

Жамбыл облысында жауын-шашын болады. Таулы аудандарда жаңбырдың соңы қарға ұласады. Күндіз 5-10, облыстың таулы аудандарында 2 градусқа дейін төмедейді.

Алматы облысында жауын-шашын болады. Өңірдің оңтүстігінде, таулы аудандарында жаңбырдың соңы қарға ұласады. Күндіз ауа температурасы 5-10, облыстың таулы аудандарында 1  градусқа дейін төмедейді. Үсік түседі.

Жетісу облысында да жаңбыр жауып, соңы қарға...

Қазақстан Республикасының заңнамасында 200-ден аса жол белгісі бар. Олар бірнеше негізгі санатқа бөлінеді. Атап айтқанда, ескерту белгілері, артықшылық, тыйым салу, міндетті, ақпараттық-анықтамалық, қызмет көрсету және қосымша ақпараттық белгілер бар. Бір қарағанда бәрі түсінікті: тақтайшаны көрдің – орындадың. Бірақ жеме-жемге келгенде кейбір белгілер ұқсас немесе екіұшты, оларды тіпті тәжірибелі жүргізушілер де шатастырады.

Бұл ретте Kursiv.media тілшісі алдамшы жол белгілерін шолып шықты.

«Жол бер» және «Тоқтамай өтуге тыйым салынады»

Қызыл сызықты үшбұрыш – «Жол бер» белгісі, онда тек жылдамдықты азайтып, кедергі болса, өткізу жеткілікті. Ал сегізбұрышты «STOP» – міндетті түрде толық тоқтау қажеттігін меңзейді. Жол бос болса да көлікті тоқтату керек...

1 қазанға қараған түні Филиппинде қуаты 6,9 балдық жер сілкінісі болды. Жергілікті үкімет табиғат апатынан кем дегенде 22 адам қаза тапқанын мәлімдеді. Бұл туралы Kursiv.Media Reuters мәліметіне сүйене отырып хабарлайды.

Қуатты жерасты дүмпуі Филиппиннің орталығындағы Висай аралдарының Себу қаласында тірелді. Жер сілкінісінен электр қуаты үзіліп, үйлер құлады.

Жер сілкінісін тіркеу жөніндегі агенттік қуатты дүмпуден соң магнитудасы 6 балға дейін жететін тағы бірнеше афтершок тіркеді. Цунами қаупі жоқ.

Себу қаласында шамамен 1 млн адам тұрады.

Филиппин аралдары Тынық мұхиты отты сақинасында орналасқан. Сол себепті мұнда жанартаулар атқылап, жер сілкіністері жиі болып тұрады.

2023 жылы жылы Филиппинде қуаты 6,7 балды...