Жаңалықтар

ҚР ИИДМ Көмір өнеркәсібі басқармасының басшысы Жанат Игісіновтің айтуынша, 2022 жылы көмір өндіруші компаниялар 113,9 млн тонна қатты отын өндіріп, бұл 2021 жылмен салыстырғанда 1,9-ға көп. Бұл туралы ҚР ИИДМ баспасөз қызметі хабарлады.

«2022 жылдың қорытындысы бойынша көмір экспорты 32,5 млн тоннаға жетті. Коммуналдық-тұрмыстық қажеттіліктер мен халыққа 11,03 млн тонна, энергетикалық кешендерге 64,4 млн тонна, сондай-ақ өнеркәсіптік кәсіпорындарға 5,97 млн тонна көмір жөнелтілді», деді Ж.Игісінов.

Министрлік жергілікті атқарушы органдардың деректері негізінде 2022-2023 жылдарға арналған коммуналдық-тұрмыстық сектор мен халықтың қажеттілігіне байланысты көмір өнімдері көлемінің жоспарын дайындады. Соған сәйкес тұтыну көлемі – 9 млн тоннаға жетпек. Оның ішінде коммуналдық тұрмыстық сектор...

Жапондық Uniqlo компания елдегі дүкендердің санын оңтайландырып жатқанымен, нарықтан толықтай шықпайтыны белгілі болды.

2022 жылдың 10 наурызында Uniqlo Украинадағы жағдайға байланысты Ресейдегі жұмысын белгісіз мерзімге тоқтатты. Сонымен бірге, 21 наурызда интернет-сатулар мен интернет-дүкеннің жұмысы тоқтатылды. Ресми түсініктемеде бұл шешім бизнесті жүргізудегі қиындықтармен негізделді.

Ал 2022 жылдың 10 қазанында Uniqlo киімдері Lamoda-да сатылымға шықты.

2022 жылдың қаңтар–желтоқсан айларында 43 жатақхана пайдалануға берілді. Өткен жылдың сәйкес кезеңінде 82 жатақхана пайдалануға берілген еді.

Пайдалануға берілген жатақханалардың жалпы ауданы бірден 65% қысқарып, 72,9 мың шаршы метрді құрады. Жатақханалардың пайдалы ауданы 148,9 мыңнан 58,9 мың шаршы метрге дейін қысқарды. (60,4% азайған). Жаңа ғимараттардың кубатурасы (құрылыс көлемі) де төмендеді — 763,4 мың куб метрден 234,7 мың куб метрге дейін қысқарды.

Құрылыстың нақты құны бір жыл бұрынғы 53,5 млрд теңгенің орнына 11 млрд теңгені құрады. Құндық көрсеткіші бір жылда бірден 79,5% азайды.

Республика бойынша пайдалануға берілген 43 жатақхананың 25-і ауылдық жерде және олардың жалпы ауданы 19,5 мың шаршы метрді құрады.

Елімізде биылғы тұрғын үй құрылысы былтырғыдай болмайды. Логистикалық тізбектің бұзылуы, құрылыс материалдарының қымбаттауы елдегі баспана нарығын да біраз тұралатып кетті. Мемлекеттің жоспары бойынша 2023 жылы 15 млн шаршы метр тұрғын үй салынуы тиіс. Бұл былтырғы және 2020, 2021 жылғы көрсеткіштерден әжептәуір төмен. Баға өсті, азаматтардың табысы аса көп арта қойған жоқ. Сондықтан пәтерге қол жеткізу де оңайға түспесі белгілі. Дегенмен халық бір бөлмелі шаңырақ болса да рәсімдеп қалуға тырысады. Әрине, көбінің ипотеканы таңдайтыны анық.

Елімізде баспананы несиеге сатып алудың бірнеше жолы бар. Атап айтқанда,

Елімізде көп пәтерлі тұрғын үй қорын басқарудың жаңа тәсіліне көшіруге байланысты жұмыс жоспарлы түрде жалғасып келеді. Осы жылы (20-шы қаңтардағы жағдайға сәйкес) басқарудың тың тетігіне 45 148 көп пәтерлі тұрғын үй (97,1%) көшірілді. Демек қазір республиканың 3 өңірінде 1 366 (2,9%)  көп пәтерлі тұрғын үйді жоғарыда аталған басқарудың формасына көшіру ғана қалды.

Осы басқарудың жаңа түрлерін енгізуге арналған реформаны жетілдіру мақсатында таяуда түзетулер пакеті әзірленіп, соған сәйкес жиналысты өткізудің кейбір функцияларын беру арқылы Тұрғын үй кеңесінің өкілеттіктерін күшейту, қаржылық мәселелер бойынша шешімдер қабылдау кезінде жиналыс кворумын азайту (жалпы жиналыстың 2/3-тен 51%-ға дейін) және жазбаша сауалнама мерзімін екі айға дейін ұзарту қарастырылады.

2023 жылдың 1 қаңтарынан бастап Әлеуметтік медициналық сақтандыру қоры стоматологиялық қызмет көрсету үшін стоматологиялық клиникалармен тікелей келісімшарттар жасай бастады. Бұрын шарт  емханалар арқылы жасалып келді. Бұл пациенттерге әсер ете ме, Қормен жұмыс жасайтын клиникаларды қалай табуға болады, тісті емдеуге жолдама керек пе – осы және өзге де өзекті сұрақтарға Қор өкілі Ирина Подскочая жауап берді.    

Стоматологиялық көмек көрсету процесінде еш өзгеріс жоқ, пациенттер   бұрынғыдай медициналық көмек алады. Тек келісімшартқа отыру әдісі яғни шарт жасасу жағы өзгерді. Бұған дейін стоматологиялық клиникалар өзара шартқа отыру арқылы қосалқы мердігер ретінде медициналық қызмет көрсетсе...

Электрондық үкімет порталында және eGov Mobile мобильді қосымшасында аталмыш сервис жеке тұлғалар үшін 2023 жылдың 23 қаңтарынан бастап 1 шілдеге дейін қолжетімді болады. Бұл туралы «ҰАТ» АҚ Қоғаммен байланыс басқармасы хабарлады.

ҚР Үкіметінің 2023 жылғы 11 қаңтардағы №13 қаулысына сәйкес, қазақстандықтар Қазақстан Республикасына 2022 жылдың 1 қыркүйегіне дейін әкелінген автокөліктерді eGov.kz порталының  «Автокөлікті заңдастыру үшін тексеру» атты жаңа сервисі арқылы заңдастыра алады. Жаңа сервис тек электрондық өтініш беруге арналған. Өтініш бойынша B (жеңіл автомобильдер) және D1 (микроавтобустар) санатындағы көлік құралдарының мынадай талаптарға сәйкестігін тексеру жүзеге асырылады:

Сыбайлас жемқорлыққа қарсы қызмет Қазақстан Республикасы Қорғаныс министрлігінің құрылымдық бөлімшесінің басшысына қатысты сотқа дейінгі тергеп-тексеруді бастады. Бұл туралы Антикор хабарлады.

Қорғаныс ведомствосының ақпараттандыру департаменті бастығының м.у.а. бейнеконференцбайланыс жабдығын жеткізу мерзімдерін бұза отырып, қабылдау-тапсыру актісіне кедергісіз қол қойғаны үшін жеткізушіден 20 000 АҚШ доллары сомасында пара алды деп күдіктелуде.

Күдікті ұсталып, Астана қаласының тергеу сотының санкциясымен қамауға алынды.

Тергеу жалғасуда.

23 қаңтардан бастап Қазақстан азаматтары сырттан әкелген шетелдік тіркеудегі жеңіл автокөліктер, шағын, орта сыйымдылықтағы автобустар, шағын жүк көліктері мен рөлі оң жақтағы автокөліктер заңдастырылмақ.Бұл туралы аtamekenbusiness хабарлады.

Ол үшін автокөлік елге былтырғы жылдың 1 қыркүйегіне дейін әкелінген, және криминалдық есепте болмауы тиіс. Басқа мемлекетте бұрынғы тіркелген жері бойынша есептен шығарылуы тиіс. Ал Еуразиялық экономикалық одаққа кірмейтін елдерден әкелінген автокөлік, кедендік тазартудан өтуі қажет.

Алғашқы тіркеу үшін 200 мың теңге, тех.паспортқа мемлекеттік БАЖ 4 мың 313, ал мемлекеттік нөмір үшін 9 мың  660 теңге талап етіледі.  

2022 жылы қазақстандықтарға республикалық бюджеттен 2,9 трлн теңгеден астам сомаға зейнетақы төленді, оның ішінде базалық зейнетақыға 883,7 млрд теңге, ынтымақты зейнетақыға – 2 022,6 млрд теңге жұмсалды. Бұл туралы ҚР Еңбекмин хабарлады.

2022 жылғы желтоқсанда республикалық бюджеттен зейнетақы төлемдеріне 247,4 млрд теңге, оның ішінде базалық зейнетақыны төлеуге – 75,4 млрд теңге, ынтымақты зейнетақыны төлеуге – 172 млрд теңге бөлінді.

2023 жылғы 1 қаңтардағы жағдай бойынша зейнеткерлер саны – 2 млн 295 мың адам.

2023 жылдың 1 қаңтарында жиынтық зейнетақының орташа мөлшері 108 761 теңгені құрады, оның ішінде ынтымақты зейнетақы мөлшері – 74 950 теңге, базалық зейнетақы – 33 811 теңге.

fingramota.kz қарыз алушыларға кредит бойынша мерзімі өткен берешек пайда болған жағдайда не істеу және қайда жүгіну керектігі жөнінде толығырақ айтып береді.

Агенттік азаматтардың мерзімі өткен берешегін реттеу тетігі енгізілген сәттен бастап бір жыл бойы тұрақты негізде банктердің және МҚҰ-ның осы тәртіпті қолдануының мониторингі мен талдауын жүргізуде. Кредиттік ұйымдар қарыз алушының өтінішін кезең-кезеңмен қарау процесін қоса алғанда, қарыздар бойынша мерзімі өткен берешекті реттеудің бірыңғай тәртібін қолдануды регламенттейтін ішкі нормативтік құжаттарға өзгерістер енгізді. Банктер мен МҚҰ өз клиенттері үшін ресми интернет-ресурстарда, әлеуметтік желілерде және бар болса мобильді қосымшаларда ақпарат орналастырады, сондай-ақ call-орталықтар арқылы азаматтарға кеңес береді.

Агенттіктің мәліметінше жасалған кредиттік шарттардың талаптарын өзгерту үшін банктер мен МҚҰ-ға...

Жапония премьер-министрі Фумио Кисида ақпанның ортасында Киевке барып, Украина президенті Владимир Зеленскиймен келіссөздер өткізуі мүмкін, деп жазады Yomiuri Shimbun.

Газеттің хабарлауынша, жапондық саясаткер Украинаның бұрын ұрыс болған аудандарын да көргісі келеді. Егер сапар орын алса, сапардан кейін Кисида мен Зеленский Ресейге қарсы бірлескен мәлімдеме жасайды.

Бұған дейін Кисида Жапонияның Ресейге қарсы санкцияларын жалғастырып, Украинаға қолдау көрсететініне уәде берген еді.

Ауғанстанның бақылауындағы Талибан қозғалысының Сыртқы істер министрі Амир Хан Муттаки Қытай Сыртқы істер министрі Цин Ганмен телефон арқылы сөйлескен кезде Қытайды Ауғанстанның ауыл шаруашылығына инвестиция салуға шақырды.

«Амир Хан Муттаки Қытай тарапын Ауғанстанның ауыл шаруашылығы мен мал шаруашылығын дамытуға, инвестиция салуға және ауған фермерлеріне көмектесуге шақырды», – деді Талибан Сыртқы істер министрлігі баспасөз хатшысының орынбасары және қоғаммен байланыс жөніндегі директорының көмекшісі Хафиз Зия Ахмад.

Хабарда айтылғандай, Муттаки ҚХР Ауғанстан үкіметінің сыртқы саясатында маңызды рөл атқаратынын және Талибан үкіметінің бір Қытай тұжырымдамасын ұстанатынын айтты. Оның айтуынша, екі ел арасында Ауғанстанның солтүстігіндегі мұнай кен орындарын игеруге қатысты жақында жасалған келісім-шарт маңызды оқиға...

Перуде құқық қорғау органдары мен үкіметке қарсы наразылық білдірушілер арасындағы қақтығыстан қаза тапқандар саны 60-қа жетті.

Оңтүстік Америка елінің көптеген қалаларында үкіметке қарсы мыңдаған шерулерге қатысушылар президент Дина Болуартенің отставкаға кетуін, қамауда отырған бұрынғы президент Педро Кастильоны босатуды, Конгрессті таратуды және мерзімінен бұрын сайлау өткізуді талап етуде.

Перуде 2022 жылдың 11 желтоқсанынан бері үкіметке қарсы шерулер кезінде қаза тапқандар саны 60-қа жетті.

22 қаңтар күні таңертең полиция Лимадағы Сан-Маркос университетінде 200-ге жуық студентті ұстады.

Билік Перудің әртүрлі қалаларынан наразылық шерулеріне қатысу үшін келген студенттер университет кампусында лагерь құрғанын хабарлады.

Өткен жылдың желтоқсан айының соңында Перу Республикасының Конгресі мерзімінен бұрын сайлауды...

Әлеуметтік желілерді қолданушылар нанның құрамында әлемнің көптеген елдерінде тыйым салынған аса қауіпті химиялық зат бар екендігі туралы жаңалықтар сюжетімен бөлісуде. Зиянды затпен өңделген бидай дәндерінде у жиналады, осылайша ол ұнға және нанға түседі екен. Бұл рас па? Бұл туралы stopfake.kz анықтап білді.

Уланған нан туралы ақпаратты бірқатар БАҚ берді. Ветеринарлық және фитосанитарлық қадағалау жөніндегі федералды қызмет (Россельхознадзор) қауіпті «бром метил» туралы қауесет жоққа шығарды. Ведомствоның хабарлауынша, біріншіден, бром метил улы емес және оған тыйым салынбаған, екіншіден, оның дақылдарды өңдеу үшін қолданылатын мөлшері адамға зиян тигізе алмайды. 
Бром метил немесе метилбромид – бұл астықты, жемді, ағашты, отырғызу материалын және т.б. фумигациялау...

2022 жылдың қаңтар–қараша айларында кәсіптік, ғылыми және техникалық қызмет саласында негізгі капиталға салынған инвестиция 45,5 млрд теңгені құрады, бұл бір жыл бұрынғыдан 14,7% аз. Нақты көлем индексіне (81,1%) қарасақ, нақты мәнде төмендеу 18,9%-ды құрады.

2021 жылдың сәйкес кезеңінде секторға салынған инвестиция құндық мәнде бір жылда 42,5% азайып, 53,4 млрд теңге болды.

Өңірлер бойынша кәсіптік, ғылыми және техникалық қызмет саласындағы күрделі салымдардың ең көп көлемі Астанаға тиесілі: 10,3 млрд теңге, бір жылда құндық мәнде 1,8% көбейді.

Алматы екінші орында: 8,9 млрд теңге, бір жыл бұрынғы сәйкес кезеңімен салыстырғанда 10,1% көп. Үздік үштікті Қызылорда облысы түйіндеді: 6 млрд теңге, жылдық өсім...

Әлемдік қауымдастық алаңдаулы. «Либералдық капитализм» форматындағы халықаралық қатынастар жүйесі әлеуметтік армагеддон алдында тұр. Көптеген елде халық кедейленіп барады. World Inequality Lab халықаралық зерттеу компаниясының мәліметінше, қазірдің өзінде ең бай адамдардың 10%-ы (804 млн адам) әлемдік табыстың 52%-на және әлемдік активтердің 76%-на ие.

Өз кезегінде әлем халқының ең кедей 50%-ы (4 млрд адам) әлемдік табыстың 8,5%-на және активтердің 2%-на ғана ие.

Соңғы жылдары әлемдік қауымдастық назарын аударған жаһандық дағдарыстардың түпкі себептері бар. Оның бірі билеуші элита мемлекеттік аппаратты өз мүдделеріне пайдаланады. Бұл ресурстарды өте тиімсіз бөлуге әкеп соғады.

Қазақстан «ескі жаһандану» үрдісінде қалып отыр. «Либералдық капитализмге» кірген 30 жыл...

Ranking.kz компаниясы өңір әкімдерінің жасы мен олардың осы қызметте отырған уақытына зерттеу жүргізді. Биылғы 17 қаңтарындағы жағдай бойынша, ҚР өңірлері әкімдерінің орташа жасы 52,7 жасты құрады.

Еліміздің ең кәрі әкімі Даниал Ахметов Шығыс Қазақстан облысын басқарады. Әкімнің жасы — 68,6-да. Екінші және үшінші орында жаңадан құрылған Жетісу облысын басқарып отырған Бейбіт Исабаев (60,1 жаста) пен Ақтөбе облысының әкімі Ералы Тоғжанов (59,7 жаста).

Ең жас өңір әкімі — Мұрат Әйтенов (41,2 жаста), ол республикалық маңызы бар Шымкент қаласын басқарады. Жас әкімдердің қатарында сонымен қатар Атырау облысының әкімі Серік Шәпкенов (43,5 жас) пен Павлодар облысының әкімі Асайын Байханов (44,1 жас) та бар.

Жапондық Toyota автомобиль өндірушісі Ресейге кепілдік жөндеу және техникалық қызмет көрсету үшін қосалқы бөлшектерді тікелей жеткізуді қалпына келтірген алғашқы өндіруші болды. Бұл туралы «Известия» хабарлады.

17 қаңтарда елорда тұрғыны «Балам-Ай» орталығындағы кәмелетке толмаған баласына қатыгездікпен қарау фактісі бойынша полицияға жүгінді. Ішкі істер министрлігі Астанадағы ерекше балаларды ұрып-соққан тәрбиешінің үстінен қылмыстық іс қозғалғанын хабарлады. Бұл туралы Хабар 24 мәлімдеді.

«Елордадағы инклюзивті балабақшада болған жантүршігерлік оқиға қайталанбауы тиіс. Балаларды қорлауға, жәбір көрсетуге жол бермеуіміз керек», -деді еліміздің Бас прокуроры өзінің Twitter-дегі парақшасында осылай деп жазды.

Берік Асылов аталған дерек бойынша қозғалған қылмыстық істің тергеу барысы бақылауға алынғанын мәлімдеді. Ал бүлдіршіндерді қорлағандар заң алдында жауап береді.

2022 жылдың қорытындысы бойынша мемлекеттік еңбек инспекторлары республиканың 914 кәсіпорнында 21,7 мың жұмыскерге 5,3 млрд теңгеден астам сомаға жалақы бойынша берешекті анықтады. Бұл туралы ҚР Еңбекмин баспасөз қызметі хабарлады.

Осы кәсіпорындардың басшыларына орындалуы міндетті 881 нұсқама беріліп, 144,6 млн теңгеден астам сомаға айыппұл салынды.

Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 20,2 мыңнан астам жұмыскердің құқығы қорғалды. Оларға 5,2 млрд. теңге төленді.

Еуропалық Одақ дәрі-дәрмек тапшылығынан зардап шегуде. Амоксициллин сияқты антибиотиктер, суық тиюге, тұмауға және басқа респираторлық инфекцияларға қарсы препараттар, балаларға арналған кейбір дәрілер тапшы болды. Дәрігерлер әлеуметтік қашықтықты сақтау сияқты коронавирустан қорғану салдарынан халықтың табиғи иммунитетінің әлсірегенін атап өтті.

«Сұраныстың күрт өсуінің негізгі себептері өндірістік қуаттардың жетіспеушілігі мен тыныс алу ауруларының жоғары таралуы болып табылады. Фармацевтикалық мәселелер ұлттық деңгейде шешіліп жатқандықтан, үкіметтер тапшылықты еңсеру үшін қазірдің өзінде әрекет етуде»деді Денсаулық сақтау жөніндегі Еуропалық комиссары Стелла Кириакидес.

Неміс әскери-өнеркәсіп кешеніне кіретін Rheinmetall концерні 2023 жылы жүзге жуық танкті Украинаға беруге дайын. Бұл туралы lenta.ru сайты хабарлады.

15 қаңтарда Ұлыбритания жақын арада Украинаға 14 Challenger 2 танкін береді деп хабарланған болатын. Ұлыбритания премьер-министрі Риши Сунак Украина президенті Владимир Зеленскийге қосымша қолдау көрсетуге уәде бергеннен кейін 14 танктен тұратын танк ротасы Украинаға жөнелтіледі. Танктердің берілуі Ұлыбританияның Киевке қолдауын жаңа деңгейге көтеретіні атап өтілді.

2022 жылдың желтоқсанында апельсин бағасы жылдық мәнде 30,8%-ға қымбаттады. Қазақстанда бұл жемістің келісіне орташа баға 1004 теңгеден.

Бұл өнім Астана тұрғындары үшін ең қымбат – 1 140 тг/кг. Сондай-ақ бұл жеміс Семей (1 139 тг/кг), Ақтау (1 133 тг/кг) және Қонаев (1 117 тг/кг) қалаларында қымбатырақ. Басқа аймақтарда баға 850-1000 теңге аралығында. Апельсиннің ең арзан келісі Петропавл қаласында тіркелген – 811 тг/кг.

Цитрустың тағы бір түрі лимон бір жылда 7,4%-ға қымбаттады. Оның орташа бағасы бір келісіне 1 173 теңге. Өңірлер арасында лимонның ең қымбаты Атырауда – 1448 тг/кг, ал ең арзаны Түркістанда – 953 тг/кг.

Біз тағы бір тропикалы...