Жаңалықтар

Белгілі әнші Қайрат Нұртастың әкесі Нұртас Айдарбеков Алматыдағы Политехникалық институтқа қалай оқуға түскені туралы журналист Аман Тасығанның TALK LIKE бағдарламасында айтып берді.

Айдарбековтің айтуынша, 1987 жылы Ақмолада Көлік құрастыру зауытында жұмыс істеп жүрген кезінде Алматыдағы оқу орнына студенттер қабылданып жатқанын біліп, зауыттың жолдамасымен оңтүстік астанаға келген.

Оқуға түсуге келген абитуриент жоғары курстың студенттерімен төбелесіп, олардың бірі Айдарбековке пышақ сұғып алған. Жарақат алғаннан кейін полиция келгенде, Айдарбеков арыз жазудан бас тартқан.

«Сол кездегі заңның қаттылығы ғой, мен арыз жазсам, ректор да, декан да, бәрі жұмыстан кетеді екен. Айдалада жүрген біреудің баласы төбелесіп, ректор жұмыстан кетіп қалады...

Қазақстандық шахматшы Бибісара Асаубаева Кипрдің Пафос қаласында өтіп жатқан 2026 жылғы Үміткерлер турнирінің үшінші турында сенсациялық жеңіске жетті.

Блицтен әлемнің екі дүркін чемпионы, қазақстандық Бибісара қара фигуралармен ойнап, турнирдің фавориті – қытайлық Чжу Цзиньэрді (2026 жылдың наурыз айындағы әлемдік рейтингтің екінші нөмірі) тізе бүктірді.

Турнирдің басында үндістандық шахматшы Рамешбабу Вайшалимен және Александра Горячкинамен (ФИДЕ) болған екі тең ойыннан кейін, бұл жеңіс Бибісараны турнир көшбасшыларының қатарына шығарды.

Қазақстандықтың келесі қарсыласы...

Батыста найзағай ойнап, солтүстікте тұман түсіп, оңтүстікте күн жылы болады. «Қазгидромет» 1 сәуірге ауа райы болжамын ұсынды.

Экономист және «Комментарий» Telegram-арнасының авторы Елдар Шамсутдинов экономикадағы ақшаның едәуір бөлігі депозиттерде жатып, нақты секторға өтпей жатыр деп есептейді. Банктер мен бизнеске негізгі өтімділікті қазақстандықтардың қаражаты беріп отыр.

Экономист Қазақстанның 2010–2024 жылдардағы қаржылық шотына талдау жасады. Оның пікірінше, жүйе ішкі қаржыландыру көздеріне тұйықталып қалған. Үй шаруашылықтары тарапынан экономиканы кредиттеу 14 жыл ішінде нөлдік көрсеткіштен 4,6 триллионға дейін өсті, әсіресе 2020 жылы қарқын алды. Яғни, адамдар көбіне кредиторларға айналды – олар депозиттер, инвестициялар және басқа да көздер арқылы ақша жинап, экономикаға қаржы беріп отыр.

Бизнес немесе қаржылық емес компаниялар, керісінше, тапшылықта қалып отыр, яғни қарыз алуда – бұл көрсеткіш 2023 жылы...

«Сибур» компаниясына тиесілі Ресейдегі ең ірі «Нижнекамскмұнайхимия» мұнай-газ химиясы зауытында жойқын жарылыс болып, арты өртке ұласты. Екі адам қаза тапты, деп хабарланады компанияның сайтында.

Төтенше жағдай Татарстан Республикасындағы Нижнекамск қаласында болған.

«Нақтыланған мәліметтер бойынша, «Нижнекамскмұнайхимиядағы» оқиға салдарынан екі адам қаза тапты. Сегіз адам ауруханаға жатқызылды. Медициналық көмекке жүгінген қалған 64 адам жеңіл дәрежедегі жарақаттар алған, атап айтқанда, оқиға салдарынан сынған терезе әйнектерінен денелерін тіліп алған және соққы алған, оларға оқиға орнында медициналық көмек көрсетілді», – делінген «Сибур» хабарламасында.

Онда оқиғаның алдын ала себебі ретінде жабдықтың жұмысындағы ақау көрсетілген.

Татарстан Республикасы бойынша Тергеу комитеті РФ...

Қазақстанда еріктілікпен (волонтерлік) белсенді айналысатын студенттердің шәкіртақысына үстемеақы қосу жоспарлануда. Бұл туралы премьер-министрдің орынбасары – мәдениет және ақпарат министрі Аида Балаева депутаттық сауалға берген жауабында мәлімдеді.

Вице-премьердің айтуынша, бүгінде волонтерлік қозғалыс қарқынды дамып, қоғамдық өмірдің маңызды бөлшегіне айналды. Халықаралық волонтерлер жылы аясында арнайы Ұлттық ұйымдастыру комитеті құрылып, тиісті іс-шаралар жоспары бекітілген.

Білім беру жүйесіндегі жеңілдіктер

Еріктілер қызметін жүйелеу мақсатында білім беру саласында мынадай шараларды енгізу көзделіп отыр:

Астанада өткен халықаралық жолдастық матчта Қазақстан ұлттық құрамасы Комор аралдары командасынан басым түсті. «Астана Арена» стадионында өткен кездесу 1:0 есебімен алаң иелерінің пайдасына аяқталды. Бұл Талғат Байсуфинов шәкірттерінің осы серия аясындағы Намибиядан (2:0) кейінгі екінші сәтті ойыны.

Ойын тағдырын шешкен жалғыз гол

Матч басталған бойда-ақ, 4-ші минутта жерлестеріміз жылдам гол соқты. Шотландиялық «Хартс» шабуылшысы Ислам Чесноков қарсылас қақпашысын қателікке бой алдырып, соққы бағыттады. Бағанадан қайтқан допты семейлік Рамазан Оразов қақпаға дәл енгізді – 1:0.

FIFA SERIES-2026 Қазақстан – Комор аралдары 1:0 Гол: Оразов (4′)

Бапкерлер бұл жолы 4-3-3 жүйесіне көшіп, құрамда ротация жасады. Қақпашылар Бекхан Шайзада мен Мұхаммеджан Сейсенге кезекпен мүмкіндік...

Өскемен қаласының қылмыстық істер жөніндегі ауданаралық соты ШҚО әкімінің бұрынғы бірінші орынбасары Жақсылық Омарға қатысты істі қарап жатыр.

«ҚазАқпарат» мәліметіне сүйенсек, жарыссөзде прокурор Жақсылық Омарды 6 жылға бас бостандығынан айыруды және мемлекеттік қызметте жұмыс істеу құқығынан өмір бойына айыруды сұрады. Прокурордың айтуынша, шенеунік «мемлекеттік қызметші антын бұзған», алайда оның жеті баласы бары және бұрын сотталмағаны жазаны жеңілдететін жағдай ретінде қаралды

Сотталушы кінәсін толық мойындап, тергеуге көмектескен. Адвокаттар оны түрмеге жаппай, айыппұл салумен шектелуді сұрап отыр. Оған қоса, туыстарының шотында айыппұл төлеуге жететін 100 млн теңгеден астам қаражат бар екенін мәлімдеген.

Жақсылық Омар 2025 жылдың сәуірінде облыс әкімінің бірінші орынбасары болып...

Ресейде 1 сәуірде Telegram толығымен бұғатталуы мүмкін. Сонымен қатар қосымшаға ресми тыйым салынуы да мүмкін. Алайда әзірге еш ресми хабарлама болған жоқ. Бұл туралы әңгімелердің жүріп жатқанына бірнеше ай болды.

Бұған дейін ресейлік БАҚ өз дереккөздеріне сілтеме жасай отырып, толық бұғаттау 2026 жылдың 1 сәуірінде болуы мүмкін екенін жазған болатын.

Ел билігі бұған біртіндеп келді. Алдымен жекелеген функцияларды шектей бастады, кейін платформаның жұмысын баяулатты. Соңғы апталарда пайдаланушылар ақауларға жиі шағымдануда. Олардың айтуынша, медиа файлдар ұзақ жүктеледі, хабарламалар кешігіп келеді немесе мүлдем жіберілмейді.

Сарапшылардың пікірінше, бұл сценарий YouTube-пен болған жағдайға ұқсайды, яғни сервисті бірден өшірмей, адамдардың өздері басқа платформаларға ауысуы...

Ақмола облысында прокурорлар инвесторды 16 мың гектар жерді тартып алудан қорғап қалды, деп хабарлады Бас прокуратураның Инвесторлардың құқықтарын қорғау комитеті.

Кәсіпкер экотуризм саласындағы халықаралық жобаны жүзеге асыруда. Компания Қазақстанға бизондарды әкелді, сондай-ақ Пржевальский жылқыларының популяциясын қалпына келтіруді және асыл тұқымды жылқы шаруашылығын дамытуды жоспарлап отыр.

Алайда өңірдің жер ресурстарын басқару департаменті учаскені қайтарып алуды талап етіп, сотқа жүгінген. Мемлекеттік органның мәліметінше, жер мақсаты бойынша пайдаланылмаған. Бірінші сатыдағы сот талап арызды қолдады.

«Қадағалау органы заң бұзушылықтардың формальды сипатта болғанын және оларды мұндай қатаң шараларсыз-ақ түзетуге болатынын анықтады. Прокуратура ықпал ету шаралары бұзушылықтың ауырлығына сәйкес келуі тиіс...

Көлікті құрастырумен Astana Motors Manufacturing Kazakhstan зауыты айналыспақ.

2025 жылдың қыркүйегінен бастап Chery, Changan және GWM (Haval мен Tank) маркаларының автокөліктерін шығарады.

Changan CS75 Pro ЕАЭО елдері үшін көлік құралының типін мақұлдау алды.  Бұл – жаңа автокөлік немесе техника моделінің Еуразиялық экономикалық одақтың (ЕАЭО) қауіпсіздік талаптарына сәйкес келетінін растайтын міндетті сертификат. Демек, Қазақстанда құрастырылған бұл көліктер алдағы уақытта Еуразиялық экономикалық одақ елдеріне сатылуы мүмкін.

Changan CS75 Pro  –  ірі радиатор торымен, екі деңгейлі алдыңғы шамдарымен және артқы монофонарымен ерекшеленетін орта көлемді кроссовер.

Көліктің нақты өлшемдері: 4747 × 1870 × 1720 мм, доңғалақ базасы  –  2786 мм. Жабдықталған...

Ақтөбедегі Сарыжар ауылында жоғалып кеткен он жастағы Мансұр Саматовты іздеу әлі жалғасып жатыр. Сүңгуірлер 23 рет су түбіне түсіп, Ілек өзенінің бойындағы 550 метрге дейін аралықты іздеп шыққан. Әзірге нәтиже жоқ деп хабарлады полиция департаменті

Ал бес моторлы қайықтың көмегімен Сарыжар ауылынан Саржансай ауылына дейінгі 45 шақырым аумақ қамтылды.

«Іздестіру жұмыстары екінші күн қатарынан жүргізіліп жатыр. Жоспарға сәйкес, он топ құрылды, біз оқиға орын алған Сарыжар ауылынан Мәртөк ауылына дейін жүріп өтеміз. Өзеннің іші де, қос жағалауы да тексеріледі. Қазір көктем мезгілі болғандықтан, өзен ағысы күшейген. Бұл іздестіру жұмыстарын қиындатып отыр»,- деді облыстық полиция департамент...

Жақында ғана өнерге қайта оралған әнші Айдана Меденова қазір «Хабар» арнасындағы Cover show бағдарламасына қатысып жатыр. Оның орындаған кезекті туындысы тыңдарман көңілінен шықпады.

Айдана Меденова сахнада Мейрамбек Беспаевтың «Сен үшін жаралғандаймын» әнін орындап шықты. Кейін сол орындауының үзіндісін Instagram, Threads желілеріндегі парақшасына салған еді. Инстада 800-ден астам пікір жазылып, фанаттарының тарапынан қолдау басым болса, Threads-те әншіні көбі «талап» жатыр. 

«Осы қыз өлеңді неге ыңқылдап айтады? Күшті айтып тұрмын деп ойлайды, бірақ сырттан өте жаман естіледі. Бетіне айтатын біреу бар ма жанында жүрген? Біз айтсақ көре алмай жатыр дейді», «Бұл әнді Мейрамбектен естіген құлақ басқа орындауды қабылдай...

Әлеуметтік желілерде құқық қорғау органының қызметкеріне бірнеше ер адамның шабуыл жасаған видеосы тараған.

НГ басылымының ақпаратынша, оқиға 28 наурыз күні таңертең «Береке» ықшам ауданында болған.

Аталған фактіні Қостанай облысының Полиция департаменті растады.

«Полицей қызметтен тыс уақытта, кәмелетке толмаған балаларын ертіп жүрген кезінде қоғамдық тәртіпті өрескел бұзған азаматтарға ескерту жасаған. Жауап ретінде олар агрессия танытып, оған күш қолданған. Қызметкер формада болған және жұмысқа шығуға дайындалып жүрген», – деп хабарлады ведомство.

Шабуыл жасағандардың барлығы анықталып, ұсталды. Билік өкіліне күш қолдану фактісі бойынша қылмыстық іс қозғалды.

«Полиция қызметкеріне қол көтеру – заңды өрескел бұзу. Мұндай әрекеттер...

Air Astana жазғы навигация кестесіне көшті. Осы жазда қазақстандықтар Шанхай, Гуанчжоу, Ларнака, Бодрум және Мале қалаларына жаңа маусымдық рейстермен бара алады.

Жазғы навигация кестесі 29 наурыздан 24 қазанға дейін жалғасады. Бұл кезеңде қолданыстағы бағыттар бойынша ұшу жиілігі артады.

«29 наурызда Airbus A321LR ұшағымен сейсенбі, бейсенбі және жексенбі күндері қатынайтын Алматы-Шанхай жаңа бағытының бірінші рейсі орындалды. 2 маусымнан бастап аптасына екі рет Астана-Гуанчжоу, сондай-ақ Астана мен Алматыдан Ларнакаға (Кипр) Airbus A321LR әуе кемесімен жаңа рейстер орындалады», – делінген хабарламада.

Қай бағыттарға рейс саны артады

Әуе компаниясы сұранысқа ие бағыттар бойынша ұшу жиілігін...

Атырау мұнай өңдеу зауытына ауаны ластағаны үшін 540 миллион теңге көлемінде айыппұл салынды. Облыстық экология департаменті басшысының орынбасары Әлібек Бекмұхамбетовтің айтуынша, тексеріске қала тұрғындарының ауадағы жағымсыз күкіртсутек иісіне жаппай шағымдануы себеп болған.

Тұрғындардың арызынан кейін экология департаменті зауытта жоспардан тыс тексеру жүргізіп, нәтижесінде үш бірдей заң бұзушылықты анықтаған.

Тексеріс барысында мамандар ауада күкіртсутектен бөлек, күкірт диоксиді, көміртек оксиді және азот оксиді мөлшерінің де шектен тыс көп екенін анықтаған.

Осыған байланысты сот шешімімен зауытқа 520 млн теңге айыппұл салынды. Зауыт басшылығы бұл шешіммен келіспей, жоғары тұрған сотқа шағым түсіргенімен, одан нәтиже шықпаған.

Сонымен қатар қосымша анықталған зиянды қалдықтар үшін кәсіпорынға тағы...

Танымал продюсер Баян Алагөзова Qazaq Ordasy YouTube-арнасына берген сұхбатында бұрынғы күйеуінің үйленуіне қатысты алғаш рет пікір білдірді.

«Суреттерді көрдім, жасырмаймын»

Ол желіден Бақытбек Есентаевтың басқа әйелмен түскен суреттерін көргенін растады.

«Иә, желіде тараған суреттерді көрдім. Оны маған жіберген адамдар аз емес. Тіпті қыздарым да бұл туралы айтты. Егер ол кісі шынымен үйленетін болса немесе үйленген болса, мен шын бақытты болар едім», – деді продюсер.

Баян Алагөзова отбасылық кикілжіңдерге қарамастан, балаларының әкесімен араласуына ешқашан кедергі келтірмегенін айтты.

Еске сала кетейік, бұған дейін Баян Алагөзова өнердегі әріптестерінің екіжүзділігі туралы айтқан еді.

2024 жылдан бері Қазақстанда кредит алудан ерікті түрде бас тартуға болады. Осы уақыт аралығында 5 миллионнан астам адам осы қызметті пайдаланып, несие алуға «стоп қойған». Бұл туралы Қаржы нарығын реттеу және дамыту агенттігі хабарлады.

Сервис әрбір қазақстандыққа өз атына заңсыз несие рәсімделуінен қорғану және қаржылық қауіпсіздігін нығайтуға мүмкіндік береді.

Несие алудан қалай бас тартуға болады

E-gov порталы немесе eGov Mobile мобильді қосымшасы арқылы кредит алуға тыйым салуға болады.

Порталда қызметті іске қосу үшін жеке кабинеттегі «Сервистер» бөліміне өтіп, «Банктік қарыздарды, микрокредиттерді алудан ерікті түрде бас тарту» тармағын таңдау қажет.

Содан кейін электронды...

Қазақстанда студенттердің шәкіртақысын жыл сайын көтеру қайта қаралады. Бұл мәселе үкімет деңгейінде пысықталады. Бұл туралы Ғылым және жоғары білім министрі Саясат Нұрбек айтты.

Оның айтуынша, соңғы бес жыл ішінде шәкіртақы кезең-кезеңімен көтерілген.

«Жыл сайын 20–25% мөлшерінде өсім болды. 2025 жылы бұл бағдарлама аяқталды, ал осы уақыт аралығындағы жалпы өсім 100%-ды құрады», – деді ведомство басшысы үкімет брифингінде.

Енді министрлік үкіметпен бірге стипендияларды арттырудың жаңа кезеңін талқылауды жоспарлап отыр. Әзірге түпкілікті шешім қабылданған жоқ.

Қазір студенттер қанша шәкіртақы алады

Студенттердің жасанды интеллект көмегімен жазған курстық жұмыстары мен диссертацияларын тексеретін антиплагиат жүйесі жаңартылады. Бұл туралы ғылым және жоғары білім министрі Саясат Нұрбек айтты.

Министр технологияларды қолдануға тыйым салынбайтынын, алайда нақты ережелер енгізілетін айтты.

«Біз алгоритмдер арқылы жасалған мәтіндерді анықтай алатын жаңа антиплагиат жүйелерін жасап жатырмыз. Бұл жүйелерді, мысалы, үлкен деректер жиынтығын өңдеу үшін қолдануға болады, бірақ қорытындыларды жазу үшін пайдалануға болмайды. Қорытындыны студент өзі жасауы тиіс», – деді министр.

Оның сөзінше, университеттер жұмыстардың сапасын бақылауды күшейтіп, осындай материалдарды қабылдамауға немесе диссертацияның күшін жоюға құқық алады.

Ведомство оқытушыларға талапты күшейтіп отыр, себебі студенттермен...

Араға жиырма жыл салып Superstar жобасы қайта жалғасын таппақ. Бұл туралы әнші Бақыт Тұрман хабарлады.

«Сіздерге керемет жаңалық айтқым келеді. Талай жұлдыздардың бағын жандырған Superstar KZ жобасы жиырма жылдан кейін қайтадан көрермендермен қауышайын деп жатыр», – деді Бақыт Тұрман.

Әнші жас таланттарға қойылатын талаптар туралы да айтып берді. Қатысушылардың жасы 16-25 жас аралығында болуы шарт.

Бақыт Тұрманның айтуынша, 4-16 сәуір аралығында Superstar KZ жобасы Қазақстанның ірі қалаларында оффлайн кастинг өткізбек.

Кастингтерге тікелей барып қатысуға болады. Оған қатыса алмағандар Superstar KZ телеграм парақшасына өнері көрсетілген видеоны жіберуге де мүмкіндік бар.

«Өз жұлдыздарыңызды жағуға асығыңыздар. Бұл...

Әлемдік энергетика нарығында нағыз «айқас» басталды. Иранның Ормуз бұғазын бұғаттауы мұнай мен газ бағасын көкке шығарып, жаһандық экономиканы есеңгіретіп тастады. Енді «Үлкен жетілік» (G7) пен Еуроодақ елдері бұл соққыны жұмсартудың амалын іздеп, шұғыл әрекетке көшті. Reuters мәліметінше жанармай бағасының қымбаттауына қарсы дамыған елдердегі түрлі тәртіп енгізуде.

Ауыр артиллерия: Нарыққа 400 миллион баррель шығарылады

Халықаралық энергетикалық агенттік (ХЭА) тарихында болмаған қадамға барды: стратегиялық қорлардан рекордтық 400 миллион баррель мұнайды сатылымға шығару туралы шешім қабылдады. Бұл агенттіктің 50 жылдық тарихындағы алтыншы ірі интервенция. Бұл «мұнай шабуылының» басында 172 миллион баррелімен АҚШ тұр, оған Канада тағы 23,6 миллион баррелімен

Егер ауа температурасы бес күн бойы қатарынан +10°C-тан жоғары болса, қалада жылу беру тоқтатылады. Демек осы аптада Астанада жылу беру тоқтатылады деп хабарлады Астана қаласы әкімдігінен.

Синоптиктердің болжамы бойынша, осы аптада елордада күн ашық болып, аздаған жаңбыр жаууы мүмкін. Орташа температура +16°C шамасында болатындықтан, жылу беру маусымы осы аптада аяқталуы ықтимал.

Осы аптаға арналған ауа райы болжамы:

Дегенмен, 15 сәуірден бастап Қазақстан аумағында күн қайта суытып, температура +7°C пен +11°C аралығында болады деген болжам бар.

Батыс Қазақстан облысындағы Подстепное ауылында мектеп автобусы мен жолаушылар тасымалдайтын маршруттық автобус соқтығысты. Мектеп автобусының ішінде балалар болған.

«Самара – Шымкент» республикалық тас жолының бойымен келе жатқан маршруттық автобус алдында тұрған мектеп автобусының артқы жағына соғылған. Соққы пәрменімен мектеп автобусы инерция арқылы алдында тұрған Ford Galaxy автокөлігіне барып соғылды», – деп хабарлады БҚО Полиция департаментінің баспасөз қызметі.

Департаменттің мәліметінше, апат салдарынан зардап шеккендер бар, олардың арасында балалар да бар.

Қазіргі уақытта оқиға орнында полиция қызметкерлері мен жедел жәрдем бригадалары жұмыс істеп жатыр. Оқиғаның мән-жайы анықталып жатыр.

Kursiv Media зерттеуіне сәйкес, елде жол апаты...