Жаңалықтар

Тараз қаласындағы Орталық стадион таяу жылдары ауқымды реконструкциядан өтеді. Бұл туралы Жамбыл облысы әкімінің орынбасары Серік Сәлемов спорт нысанының қазіргі жай-күйімен танысу барысында мәлімдеді.

Жобалау ұйымының өкілдерімен өткен жұмыс кездесуінде стадионды модернизациялау бойынша алдағы атқарылатын жұмыстар талқыланды. Бүгінгі таңда футбол алаңы Еуропалық футбол қауымдастықтары одағының (УЕФА) стандарттарына сәйкес келмейтіні атап өтілді. Осыған байланысты нысанды қайта құру өңірдегі басты міндеттердің бірі болып отыр.

Жоспарға сәйкес: 2026 жылы – жобалау-сметалық құжаттама әзірленіп, мемлекеттік сараптаманың оң қорытындысын алу көзделген. 2027–2028 жылдары – негізгі құрылыс-монтаждау жұмыстары жүргізіледі.

Серік Сәлемов жауапты басқармалар мен жобалау ұйымына стадионды УЕФА талаптарына сай қайта жаңғыртуды, оны заманауи материалдық-техникалық базамен...

Құтқарушылар Талғар шатқалында үстіне тас құлап, зардап шеккен туриске көмек көрсетті. Ол ауруханаға жеткізілді, деп хабарлайды Төтенше жағдайлар министрлігі.

Алматы тауларында бір адамға шұғыл көмек қажет екені туралы хабар түскен сәттен-ақ құтқарушылар шатқалға аттанды. Олар зардап шеккен азаматқа алғашқы медициналық көмек көрсетіп, жағдайын ауыр деп бағалады.

Құтқарушылар өздігімен жүре алмайтын туристі күрделі таулы жерлер арқылы Кіші Талғар асуына қарай тасымалдады. Жолда оларға Алматы қаласы альпинизм федерациясының еріктілері қосылды. Бірлескен жұмыс арқасында эвакуация жұмыстары «Шымбұлақ» тау курортына дейін жалғасты.

Одан әрі зардап шегуші қалалық клиникалық ауруханаға жеткізілді.

Бір күн бұрын құтқарушылар науқас баланы Қаражалдан Қарағандыға тікұшақпен жеткізген.

Түркістан облысы Шәуілдір ауылында тіркелген «GoldFinMarket» ломбарды иесіне 700 млн теңгеге жуық дивиденд төлейді. Бұл туралы Қазақстан қор биржасына жолданған хабарламада жазылған.

Хабарламаға сәйкес, ломбард 2025-2026 жыл аралығындағы 696 млн теңге таза пайда алған. Ұйымның жалғыз акционері бүкіл таза пайданы өзіне дивиденд ретінде төлеуді ұйғарған.

Былтыр ломбард таза пайдасын үш есе өсірген. Аудиторлық есебіне сәйкес, 2024 жылы ломбард 232 млн теңге табыс тапса, былтыр көрсеткіш 696 млн теңгеге жеткен. Мекеменің өзі 2023 жылы құрылған.

Ломбард «GoldFinMarket» микроқажы ұйымы» ЖШС-на тиесілі. Ал түпкі иелері: Ақгүл Байдосова, Гүлжан Мұқан мен Патима Мамырбек.

Нарықтағы ломбардтардың үш айдағы таза пайдасы 55 млрд...

Қонаев қаласында Formula-1 H2O жарысына арналған катерлер шығаратын зауыт пен пилоттар даярлайтын академия ашу көзделіп отыр.

Алматы облысы әкімінің баспасөз қызметінің мәліметінше, халықаралық Formula-1 H2O чемпионаты таяудағы бес жыл бойы Қапшағай су қоймасында өтеді.

Жобаны жүзеге асыру келешегін Алматы облысының әкімі Марат Сұлтанғазиев әлемдік біріншілікті ұйымдастырушы H2O Racing компаниясының өкілдерімен талқылады.

Өңір басшысының айтуынша, мұндай деңгейдегі жарыстарды өткізу Қазақстанның халықаралық беделін арттырып, туризмді дамытуға қосымша серпін береді. Ол жергілікті билік Туризм және спорт министрлігімен бірлесе отырып, жобаға жан-жақты қолдау көрсетуге ниетті екенін атап өтті.

H2O Racing өкілі Раймондо ди Сан Джермано Қонаев қаласы Орталық Азиядағы Formula-1 H2O даму...

Қазақстан халқы жарты жылда 90 767 адамға көбейіп, 2026 жылғы 1 шілдеде 20 590 589 адамға жетті. Алайда өсім барлық өңірде бірдей емес. Халық негізінен ірі қалаларға шоғырланып жатса, 12 өңірде тұрғындар саны азайған.

Өсімнің жартысына жуығы Астанаға тиесілі

Халық саны ең жылдам өскен өңір – Астана. Алты айда елорда тұрғындарының саны 43 545 адамға көбейіп, 1 682 721 адамға жетті. Бұл Қазақстандағы жалпы өсімнің шамамен 48%-ы. Яғни елге қосылған әрбір екінші тұрғын Астананың үлесіне тиіп отыр.

Алматы мен Шымкент те жылдам өсіп жатыр

Алматы халқы жыл басынан бері 25 669 адамға көбейіп...

Орал қаласында полиция қызметкерлері жеке тұрғын үйден алтын зергерлік бұйымдардың ұрлану дерегін ашты.

Polisia.kz хабарлауынша, Жедел-іздестіру іс-шараларының нәтижесінде 32 жастағы күдікті анықталып, ұсталды.

«Ол жәбірленушінің туысы бола тұра, үйге еркін кіріп, екі рет алтын әшекейлерді жасырын түрде ұрлаған. Алғашқы ұрлық кезінде қолды болған зергерлік бұйымдарды күдікті ломбардқа өткізіп үлгерген», – дейді полиция баспасөз қызметі.

Ал екінші рет жасаған ұрлықтан кейін көп ұзамай полиция қызметкерлерінің қолына түсті. Қылмыстық іс бойынша барлық заттай дәлелдемелер тәркіленді. Келтірілген жалпы материалдық шығын көлемі – 900 мың теңге.

Қазіргі уақытта аталған дерек бойынша сотқа дейінгі тергеп-тексеру...

Отбасы банк «Ұмай» ипотекасының бірқатар шарттарын жариялады. Аталмыш бағдарлама бойынша қыз-келіншектер 50 млн теңгеге дейінгі пәтерлерді сатып ала алады.

Бұл ретте отбасының жалпы табысы 1 млн 250 мың теңгеден аспауы шарт. Ал нақты өтінім қабылдау қашан басталады, өтінім беру тәртібі және қажетті құжаттардың тізімі әлі жарияланбаған. Ипотеканың пайыздық мөлшерлемесі де нақтыланбаған.

«Ұмайға» жұмыс істейтін, соңғы 6 айдағы ресми табысын растай алатын әйелдер қатыса алады. Мегаполистерден үй алу үшін бастапқы жарна ретінде баспана құнының 20 пайызын жинауы керек.

Бұған дейін «Ұмай» ипотека бағдарламасы тамызда басталатыны хабарланған. Оған 45 млрд теңге бөлінбек...

Ақтөбе облысындағы Сарыбұлақ жер асты сулары кен орнынан су құбырын салуға Арнаулы мемлекеттік қордан 5 млрд теңге бөлінді. Бұл туралы Үкіметтің баспасөз қызметі хабарлады.

Жоба Ақтөбе қаласының Батыс-1, Батыс-2 және Батыс-3 шағынаудандарын тұрақты ауызсумен қамтамасыз етуге бағытталған.

Сарыбұлақ кен орны облыс орталығынан 56 шақырым жерде орналасқан. Жоба аясында мұнда 20 артезиан ұңғымасы бұрғыланып, қажетті инфрақұрылыммен жабдықталады.

Сондай-ақ топтық су құбыры салынып, желілер тұрғын үй алаптарына дейін жеткізіледі. Құрылыс жұмыстары биыл басталады.

Нысан пайдалануға берілгеннен кейін Ақтөбе қаласының тұрғындары, сондай-ақ Алға және Мұғалжар аудандарындағы елдімекендерге тәулігіне қосымша 70 мың текше метрге дейін ауызсу беріледі.

Сарыбұлақ кен орныны...

5 тамыз күні Астана уақытымен сағат 11:35-те SpaceX зымыранының қалдығы Айға құлайды. Ол 2025 жылғы қаңтарда ғарышқа ұшырылған.

Былтырдан бері ғарышта қалқып жүрген зымыран сәрсенбі күні үлкен жылдамдықпен Айға құлайды. Мектеп оқушыларын таситын автобуспен шамалас ғарыш қоқысы – 2025 жылғы қаңтарда ұшырылған SpaceX Falcon 9 зымыранының екінші сатысы. Америкалық зымыран Айға арналған модульді ғарышға алып шыққан.

Салмағы шамамен 4 тонна болатын қалдық Айға құлаған уақытта шаң көтеріледі.

Мәліметтерге қарағанда, зымыран Айдың батысындағы Эйнштейн кратеріне құлайды. Ғаламшардың табиғи серігінің бұл бөлігі жерге анық көріне бермейді.

Тақырыпқа орай: Айға сапар. Артемида III екі апта бойы ғарышта аса күрделі сынақтар...

Украиналық дрондар шабуылына ұшырағаннан кейін Wildberries компаниясы мен оның ойыншыларының шығыны 100 млрд рубль (қазіргі бағаммен 583 млрд теңге – ред.) болуы мүмкін. Нарық қатысушыларынан пікір алған The Bell осылай жазады.

Кей сарапшылардың сөзінше, 100 млрд рубль – дрондар соққысынан болған тікелей шығын. Алайда бұл нақты сома емес. Болған жағдайдан кейін онлайн-сауда саласында екінші апта қатарынан құлдырау байқалып жатыр.

«Wildberries компаниясын және оның мыңдаған сатушыларын мемлекет құтқаратын шығар, бірақ жарты жылдың өзінде бюджеттегі дефицит 5,7 рубль болғанын ескерсек, оған ақша да жоқ», – деп жазады басылым.

Бұған дейін ресейлік Forbes сарапшылары Wildberries...

5 тамызда таңертең сағат 03:43-те қырғыз-қытай шекарасына жақын маңда магнитудасы 4,1 балдық жер сілкінісі тіркелді. Дүмпу ошағы Алматы қаласынан шамамен 263 шақырым жерде орналасқан.

Сәрсенбі күні таңертең Қытай аумағында жер сілкінгенін Қазақ Ұлттық деректер орталығы хабарлады. Дүмпу ошағы Қырғызстан шекарасына жақын орналасқан. Бұл жер сейсмикалық белсенді аймаққа жатады.

Жерасты дүмпуі болған орынға Қытайдың Ақсу, Қырғызстанның Қаракөл қалалары жақын орналасқан.

Естеріңізге сала кетейік, 29 шілдеде күндіз Алматы қаласының тұрғындары әлсіз жер сілкінісін сезген.

Мемлекеттік білім беру гранттарын бөлу конкурсының қорытындысын күтіп отырған мыңдаған талапкер мен олардың ата-аналары үшін ең жауапты сәт жақындап қалды. ҚР Ғылым және жоғары білім министрлігі грант иегерлерінің тізімі қашан және қай жерде жарияланатынын мәлімдеді.

Тізімді қайдан қарауға болады?

Грант иегерлерінің тізімімен ҚР Ғылым және жоғары білім министрінің ресми ресурстарынан танысуға болады:

Сонымен қатар нәтижелер Министрліктің ресми ақпараттық алаңдарында жарияланады:

«Музыка харам, ал әншілер – шайтан азаншысы» деп тойда тілек айтқан тұрғынға қатысты полиция қылмыстық іс қозғады. Ол Түркістан облысының 66 жастағы азаматы екен.

ІІМ тойға келіп тілек айтқан қарияның сөзін діни және әлеуметтік араздықты қоздырды деп бағалап, қылмыстық іс қозғағанын хабарлады.

«Қазақстан Республикасының Конституциясы әрбір азаматтың жынысына, тегіне, әлеуметтік жағдайына, дінге көзқарасына және өзге де мән-жайларға қарамастан құқықтары мен бостандықтарының теңдігін қамтамасыз етеді. Адамның ар-намысы мен қадір-қасиетін қорлауға, діни, әлеуметтік немесе өзге де белгілері бойынша кемсітуге бағытталған кез келген жария үндеулер, сондай-ақ қоғамдық келісім мен бірлікке нұқсан келтіруі мүмкін әрекеттерге жол берілмейді», – деп...

УЕФА Чемпиондар Лигасының іріктеу кезеңі аясында алматылық «Қайрат» сырт алаңда Болгарияның «Левски» клубымен алғашқы кездесуін өткізді. Тартысты өрбіген матч алаң иелерінің пайдасына 1:0 есебімен аяқталды.

Кездесудің бірінші таймында қос ұжым да абайлап, сақтықпен ойнады. Алғашқы 45 минутта есеп ашылмай, командалар үзіліске 0:0 есебімен тарасты.

Екінші таймда бапкерлер құрамға біршама өзгерістер енгізіп, ойын өрнегін ширата түсті. Бірақ ойындағы жалғыз гол кездесудің ең соңғы минуттарында салынды. 90+2′ минутта «Левски» жартылай қорғаушысы Суланың асырған пасын Сержиньо тиімді пайдаланып, алматылықтар қақпасына соңғы минутта гол соғып кетті (1:0).

Соңғы секундтарда жіберіп алған голға қарамастан, «Қайраттың» бұл кезеңнен өтуге әлі де толық мүмкіндігі бар. Қос ұжым...

2020 жылы туған бала шұғыл медициналық көмек көрсету үшін Қаражалдан Қарағандыға ТЖМ тікұшағымен жедел жеткізілді, деп хабарлады ТЖМ.

Санитариялық тасымалдауды санитариялық авиация дәрігерлерімен бірлесіп «Қазавиақұтқару» тікұшағы жүзеге асырды.

Экипаж бен медициналық бригаданың үйлесімді жұмысының арқасында пациент Қарағандыға уақытылы жеткізіліп, медициналық мекеме мамандарына тапсырылды.

Айта кетейік, осыған дейін Іле Алатаудағы шыңға шығу кезінде жарақат алған Ресейден келген екі альпинист қызды құтқарушылар эвакуациялағаны туралы жазған едік.

Жітіқарада алаяқтық жасады деген күдікпен халықаралық іздеуде жүрген шетел азаматы ұсталды, деп хабарлайды Polisia.kz.

Ер адамға мамыр айынан бері іздеу салынған. Оны қалалық полиция бөлімінің қызметкерлері «Учаске» жедел-профилактикалық шарасы кезінде анықтады.

Жеке басы анықталғаннан кейін күдікті ұсталып, уақытша ұстау изоляторына қамалды. Сот оған бұлтартпау шарасы ретінде күзетпен ұстау таңдалды.

Полиция сот төрелігі органдарынан жасырынып жүрген адамдарды іздестіру және ұстау бойынша жұмыстарды жалғастырып жатқанын хабарлады.

Айта кетейік, осыған дейін биыл сәуір-мамыр айларында террористік және экстремистік қылмыс жасағаны үшін 13 адам сотталды. 

Қазақстан президенті Қасым-Жомарт Тоқаев Халық қаһарманы Иван Гапичтің отбасы мен жақындарына көңіл айту жеделхатын жолдады.

«Иван Степанович майданға өз еркімен аттанып, байланысшы ретінде соғыстың соңына дейін қатысты. Елге оралған соң ұзақ жылдар бойы прокуратура органдарында мінсіз қызмет атқарды. Адамгершілік қағидаттарынан айнымайтын әрі өз ісінің нағыз маманы ретінде ол әріптестері мен көпшілік арасында зор абыройға ие болып, құрметке бөленді. Иван Степанович ғұмыр жолында жасампаз патриотизмнің, антқа адалдықтың және әділдік құндылықтарын берік ұстанудың жоғары үлгісін көрсетті. Оның жарқын бейнесі жадымызда мәңгі сақталады», – делінген жеделхатта.

Бұған дейін Иван Гапичтің қайтыс болғаны туралы Батыс Қазақстан облысы әкімінің баспасөз...

Астанада таңертең және күндіз қатты жаңбыр жауады, елдің оңтүстігі мен батысында аптап ыстық болады. «Қазгидромет» 5 тамызға ауа райы болжамын ұсынды.

Астанада бұлтты, жаңбыр, найзағай, жел 9-14, екпіні 15-20 м/с. Ауа температурасы түнде +16…+18°C, күндіз +23..+25°C.

Алматыда бұлтты, жаңбыр, найзағай, жел 3-8, екпіні 15 м/с. Ауа температурасы түнде +17…+19°C, күндіз +27…+29°C.

Шымкентте көшпелі бұлт, жауын-шашынсыз, жел 8-13 м/с. Ауа температурасы түнде +19…+21°C, күндіз +30…+32°C.

Ақтауда көшпелі бұлт, жауын-шашынсыз, жел 7-12 м/с. Ауа температурасы түнде +22…+24°C, күндіз +30…+32°C.

Ақтөбеде ашық, жауын-шашынсыз, жел 5-10 м/с. Ауа температурасы түнде +17…+19°C, күндіз +29…+31°C.

Атырауда бұлтты, жаңбыр, найзағай, жел 7-12 м/с. Ауа температурасы түнде +20…+22°C, күндіз +35…+37°C.

Жезқазғанда көшпелі бұлт, жауын-шашынсыз, жел...

АҚШ Қаржы министрі Скотт Бессент Вашингтон мен Тегеранның сейсенбі немесе сәрсенбіде-ақ Ормұз бұғазы арқылы еркін кеме қатынасын қайта бастау туралы келісімге қол жеткізуі мүмкін екенін айтты.

«Біз ирандықтармен келіссөздер жүргізіп жатырмыз және бүгін немесе ертең бұғазды ашу туралы келісім жасасуға әрі осы қақтығыста қалыпты жағдайға жақындауға мүмкіндік бар», – деді Бессент CNBC телеарнасының эфирінде.

Оның айтуынша, келісім коммерциялық кемелер үшін кеме қатынасының еркіндігін қарастыруы тиіс. Иранның бұғаз арқылы өту үшін ақы алу мүмкіндігі туралы сұраққа жауап бере отырып, Бессент сөз дәл навигация еркіндігі туралы болып отырғанын мәлімдеді.

Кейінірек АҚШ мемлекеттік хатшысы Марко Рубио Иранмен және...

Қазақстанда 46 жалған диплом және оларды заңсыз жасаумен әрі сатумен айналысқан 20 интернет-ресурс анықталды. Бұл фактілер бойынша материалдар ІІМ мен Мәдениет және ақпарат министрлігіне берілді, деп хабарлайды Prg.kz.

Ғылым және жоғары білім министрлігінің хабарлауынша, соңғы уақытта желіде жалған дипломдарды сату туралы ақпарат белсенді түрде тарап жатыр. Құжаттардың заңсыз айналымының алдын алу үшін ведомство 1991 жылдан бері берілген дипломдардың деректер базасын құрды.

Министрлік жоғары білім туралы дипломдар бірегей нөмір мен QR-код бере отырып, арнайы модуль арқылы қалыптасатынын еске салды. Жүйеге тек ЖОО-лардың уәкілетті қызметкерлері ғана қол жеткізе алады.

Бұл ретте дипломдарды генерациялау «Бірыңғай жоғары білім беру платформасы» ақпараттық жүйесінде қамтылған...

Алматыда FIDE World University Team Chess Championship финалы мен Қазақстан және әлем жасөспірімдері арасындағы турнирдің шымылдығы түрілді. 4–9 тамыз аралығында өтетін интеллектуалды бәсекеде Оксфорд, Кембридж, Гарвард сияқты әлемнің 16 жетекші университетінің студенттері бақ сынайды.

Қазақстан шахмат федерациясының хабарлауынша, бұл чемпионатта ел намысын Қазақ ұлттық спорт университеті, әл-Фараби атындағы ҚазҰУ және Almaty Management University (AlmaU) командалары қорғайды.

Жиынның ашылуында сөз сөйлеген премьер-министрдің орынбасары – мәдениет және ақпарат министрі Аида Балаева, ғылым және жоғары білім министрі Саясат Нұрбек, Қазақстан шахмат федерациясының президенті Тимур Турлов пен Алматы қаласы әкімінің орынбасары Нұрлан Әбдірахим турнирдің стратегиялық маңызын атап өтті. Сала басшыларының айтуынша, бұл жарыс тек...

2026 жылғы 4 тамызда Қазақстан Республикасының мемлекеттік орман қоры аумағында бес орман өрті тіркелді, деп хабарлайды Экология және табиғи ресурстар министрлігі.

Аймақтар бойынша:

Ақпаратқа сүйенсек, өрт ошақтары мемлекеттік орман күзетінің жердегі патрульдеуі барысында анықталды, одан кейін өрт болған орындарға дереу қажетті күштер мен құралдар жіберілді. Жедел қабылданған шаралардың арқасында өрттер қысқа мерзімде оқшауланып, ал бірқатар аймақтарда толықтай жойылды.

Өртті сөндіруге «Қазавиаорманкүзеті» РМҚК қызметкерлері, сондай-ақ, орман шаруашылығы мекемелерінің күштері, құралдары мен техникасы жұмылдырылды.

Құтқарушылар табиғатта демалатын азаматтарды өрт қауіпсіздігі талаптарын қатаң сақтауға шақырады.

Бұған дейін...

Алматыда блогер әлеуметтік желілерде діни материалдар таратқаны үшін айыппұл арқалады, деп хабарлады қалалық Дін істері жөніндегі басқарма. Әңгіме raimbek_zhanadil Instagram-аккаунтының авторы туралы болып отыр.

Бұзушылықты басқарма қызметкерлері анықтаған. 2026 жылғы 24 шілдеде блогерге қатысты Қазақстанның Әкімшілік құқық бұзушылық туралы кодексінің 490-бабы 1-бөлігінің 3-тармақшасы бойынша хаттама толтырылды.

Әкімшілік өндіріс барысында ер адам өзінің кінәсін мойындады. Іс қысқартылған тәртіппен қаралып, одан кейін блогерге айыппұл тағайындалды. Ведомство хабарламасында өндіріп алу мөлшері нақтыланбайды.

Бұған дейін аккаунт авторы сән көрсетіліміне қатысқан қыздар туралы видео жариялағаннан кейін қоғам назарында қалған еді. Блогер балалардың мұндай шараларға қатысуын діни тұрғыдан сынға алды. Оның айтқандары әлеуметтік желі қолданушыларыны...

Қасым-Жомарт Тоқаев Никол Пашинянды Арменияның Премьер-министрі қызметіне қайта тағайындалуымен құттықтап, армян халқының игілігі жолындағы мемлекеттік қызметіне табыс тіледі.

Құттықтауы үшін алғыс айтқан Никол Пашинян Президентке және Қазақстан халқына Құрылтай сайлауын табысты өткізуді тіледі.

Олар қазақ-армян қатынастарының дамуындағы оң серпінді қанағаттанушылықпен атап өтіп, екі ел арасындағы көпқырлы ынтымақтастықты тереңдетуге ниетті екенін растады.

Өткен жылдың қараша айында Армения Үкіметі басшысының Астанаға жасаған ресми сапары аясында қол жеткізілген келісімдерді қоса алғанда, уағдаластықтардың іске асырылу барысы талқыланды.

Сауда-экономикалық, көлік-логистика және мәдени-гуманитарлық салалардағы өзара іс-қимылды кеңейтуге ерекше назар аударылды.

Еске салайық, Армения Президенті Ваагн Хачатурян жаңа шақырылымдағы парламент өз жұмысын бастағаннан кейін Никол Пашинянды елд...