Жаңалықтар

Әл-Фарабидегі жол апатынан қайтыс болған жүргізушінің туыстарымен қарсы тарап келісімге келмек болған. Бұл туралы адвокат Олег Чернов 31 арнаға берген сұхбатында айтты.

Олег Чернов қайтыс болған 29 жастағы жүргізуші Еламанның мүддесін қорғайды. Айтуынша, айыпталушы тарап Еламанның туыстарымен келісуге тырысқан, бірақ марқұмның отбасы бас тартты. Марқұмның артында алты жастағы ұлы қалды.

Камерада жазба сақталған ба?

Қазір адвокат апат болған жердегі камералардағы бейнежазбаларды алып, күдіктінің сол күні кімге хабарласқанын анықтамақшы.

«У Афанасича» мейрамханасы мен ойын-сауық мекемесінен чекті және бейнежазбаларды тәркілеуді көздеп отырмыз. Қазіргі таңда олардың бейнекамералары істемейтіні немесе жазбаның сақталмағаны анықталды. Жүргізушін...

Халықаралық валюта қоры (ХВҚ) АҚШ пен Израильдің Иранға қарсы соғысы әлемдік экономикаға үлкен қауіп төндіріп тұрғанын ескертті.

Қордың басшысы Кристалина Георгиеваның айтуынша, қақтығыс бұрынғы дағдарыстардан енді ғана ес жия бастаған елдерге ауыр соққы болып тиеді.

Әсіресе, сырттан мұнай сатып алатын Африка мен Азия елдері қазірдің өзінде жанармай тапшылығын сезініп, оны тым қымбат бағаға алуға мәжбүр болып отыр.

ХВҚ мамандары жағдайдың соңы жаппай қымбатшылық пен экономикалық дамудың тежелуіне әкелетінін нақты айтты.

Егер соғыс ұзаққа созылса, әлемде энергия бағасы түспей, инфляцияны ауыздықтау қиындап, геосаяси тұрақсыздық сақталып қалады.

Соғыс басталған ақпан айының соңынан бері мұнай бағасы...

Британдық BBC корпорациясының орыс қызметі сайты мен «Новая газета Европа» басылымы Беларусьте экстремистік деп танылды. Могилев қаласының Ленин аудандық соты осындай шешім шығарды.

Құжатта тек орыс қызметінің сайты экстремистік деп танылғаны көрсетілгенімен, онда келтірілген www.bbc.com сілтемесі іс жүзінде бүкіл BBC сайтының бұғатталғанын білдіруі мүмкін деп жазады Deuche Welle.

Беларусьтің Әкімшілік құқық бұзушылық туралы кодексінің 19.11-бабына сәйкес, экстремистік материалдарды таратқаны (соның ішінде репост жасағаны), басып шығарғаны немесе сақтағаны үшін айыппұлдан бастап, қоғамдық жұмыстарға немесе құқық бұзушылық құралын тәркілеумен әкімшілік қамауға алуға дейін жаза қарастырылған.

Бұған дейін де Беларусь билігі халықаралық медиа ресурстарға қатысты осындай шаралар қолданған: 2022 жылғы наурызда Deutsche Welle (DW) редакциясының контенті экстремистік материалдар...

Танагөз Толқынқызының үстінен әлеуеметтік желідегі жазбасы үшін сотқа бір адам шағым түсірген. Бұл туралы ақынның өзі хабарлады.

Ол Астана қалалық Сарайшық ауданы полициясынан хабарласып, осы жайтты жеткізгені туралы парақшасында жазды  

«Менің үстімнен 7-наурыз күні фейсбук парақшамда жарияланған «Қазақстан тәуелсіздігін сақтап қала алмайды» деген постыма e-gov арқылы бір адамнан шағым түскенін мәлімдеді. Мені 31-наурыз күні таңғы сағат онда Сарайшық ауданы полиция бөлімшесіне келуімді сұрады»,  – деп жазды Танагөз Толқынқызы.

Ақын полицияға адвокатсыз бара алмайтынын, адвокаттың шығындарын көтеру қажет екенін алға тартты. Айтуынша, бұл Танагөз үшін үлкен мәселе болып тұр. Себебі 2022 жылдан бер...

Сот аппеляциялық шағымнан кейін Әсет Матаевты екі айға үй қамаққа шығарды. Бұл туралы оның қорғаушысы хабарлады.

«КазТАГ» ақпарат агенттігінің иесі Әсет Матаев ұсталғаны туралы 18 наурызда ақпарат тарады. ІІМ дерегінше, 17 наурызда төрт адамның ортасында жанжал шыққан. Оның соңы ары қарай төбелеске ұласқан. Полиция бұзақылық дерегі бойынша қылмыстық іс қозғалғанын хабарлады.

20 наурызда Әсет Матаев екі айға қамауға алынғаны белгілі болды.

Танымал блогер, заңгер әрі қоғам белсендісі Әділетхан Молдахан құқық қорғау органдары тарапынан ұсталып, уақытша ұстау изоляторына қамалды. Бұл туралы заңгердің көмекшілері хабарлады.

Адвокаттың айтуынша, Әділетханға Қазақстан Республикасы Қылмыстық кодексінің 274-бабы (көрінеу жалған ақпарат тарату) бойынша айып тағылып отыр.

Аталған іс бойынша тергеу амалдары жүргізіліп, қажетті жедел-тергеу шаралары қолға алынған.

Айта кетейік, Әділетхан Молдахан Алматыда Әл Фараби даңғылындағы адам өліміне әкеп соққан жағдайға байланысты әділ тергеуді талап етіп, видео түсірген еді.

Әнші Bayansulu (Баянсұлу Сағындықова) мен композитор Қуат Әбіл арасындағы авторлық құқық төңірегіндегі текетірес жаңа мәліметтермен толықты. Әнші композитордың айыптауларын жоққа шығарып, бұл іске бұрынғы продюсері Әлішер Бурхановтың да қатысы бар екенін мәлімдеді.

«Әр ән 30 мың доллар»: композитордың талабы

Баянсұлудың айтуынша, ән үшін ақы төлеуден ешқашан бас тартпаған. Алайда келісілген бағаның кенеттен үш есе өсіп кеткеніне наразы.

Әнші бұрынғы продюсерімен жұмысын тоқтатқан сәтте Қуат Әбіл әндердің авторлық құқығы өзінде екенін алға тартып, әр туындыны 30 мың долларға сатып алуды талап еткен.

«Әрине, бұл өте үлкен сома, менде ондай ақша болған жоқ. Сондықтан «өшіре беріңіз» деп айттым. Содан кейін әндер YouTube-тан өшіп кетті», – дейд...

Марқұм бизнесмен Александр Машкевичтің жесірі мен қыздары «Еуразиялық банктің» жанама ірі қатысушылары мәртебесін алды. Бұл туралы шешімді Қаржы нарығын реттеу және дамыту агенттігі (ҚНРДА) қабылдады.

Ведомствоның хабарлауынша, мәртебені иеленуге бірден үш адам – Алла Машкевич, Анна Машкевич және Лариса Машкевич келісім алған. Марқұм болған кәсіпкердің екі қызы мен жұбайы енді жанама иелік ету арқылы банктің ірі қатысушылары ретінде ресми түрде танылды.

Сондай-ақ агенттік Машкевичтің үш мұрагеріне «Еуразия» сақтандыру компаниясы» АҚ-ның жанама ірі қатысушысы мәртебесін алуына келісті.

Шешімдер 2026 жылғы 30 наурызда агенттік басқармасының қаулыларымен қабылданды.

2025 жылдың 16 қыркүйегінде сот Шухрат Ибрагимовтың талап-арызын қанағаттандырып, Директорлар кеңесінің бұрынғы шешімдерін заңды...

Боралдайдағы теміржол өткелінде пойыз жолаушылар автобусымен соқтығысып, үш адам зардап шекті, деп хабарлады Алматы облысының полиция департаменті.

Төтенше жағдай 30 наурыз күні кешке Алматы – Боралдай – Шамалған станциясы автожолындағы теміржол өткелінде болған.

«Алдын ала мәліметтер бойынша, көмір станциясынан келе жатқан пойыз өткел арқылы қозғалыс жасаған. Маршруттық автобустың жүргізушісі жол бермей, соқтығысуға жол берген. Жол-көлік оқиғасы салдарынан түрлі жарақат алған үш адам медициналық мекемеге жеткізілді», – деп хабарлады полициядан.

Апатқа жол берген маршруттық автобустың жүргізушісі жауапкершілікке тартылды.

Полицияда ЖКО-ның барлық мән-жайларын анықтау үшін тексеру жүргізіліп жатқанын атап өтті.

Қазақстанның оңтүстікте күн жылынып, батыста найзағаймен жаңбыр жауады. «Қазгидромет» 31 наурызға ауа райы болжамын ұсынды.

Павлодар облысының қылмыстық істер жөніндегі мамандандырылған ауданаралық соты пайдакүнемдік ниетпен әйелін өлтірді деп айыпталған ер адамға қатысты үкім шығарды.

Іс материалдарына сәйкес, қайғылы оқиға екі жыл бұрын болған. Ерлі-зайыптылар арасында ұзақ уақыт бойы мүліктік жанжал жалғасып келген. Әңгіме әйелдің атына рәсімделген, құны 125 млн теңгеден асатын коммерциялық кәсіпорын туралы болған. Әйел ажырасуға шешім қабылдаған, ал сотталушы бұл жағдайды өзінің материалдық жағдайына қауіп төндіру деп қабылдаған, өйткені компания ажырасу кезінде бөліске түспейтін еді.

Тергеу анықтағандай, 2024 жылдың тамыз айында ер адам кейіннен бизнесті мұрагерлік жолмен алу үшін су бетіндегі жазатайым оқиға ретінде көрсетуді көздеп, кісі өлтіруді жоспарлаған. Жоспарын іске асыру үшін...

Қазақ өнерінің жарық жұлдызы, марқұм Гүлнәр Сиқымбаеваның отбасында ауыр жағдай болды. Әншінің жалғыз ұлы Баир Сиқымбаевтың жоғалып кеткеніне бір аптадан асқан. Бұл туралы танымал журналист Жазира Бегалы өзінің әлеуметтік желідегі парақшасында хабарлап, көпшіліктен көмек сұрады.

Журналистің айтуынша, Баирдың қайда екені белгісіз, оның жары БАҚ өкілдеріне жүгініп, іздеуге көмектесуді өтінген.

«Бір аптадан бері Баирдан хабар жоқ. Дауысы ерекше, көрікті, талантты, Қазақстанның Еңбек сіңірген әртісі Гүлнәр Сиқымбаеваның жалғыз ұлы екен. Енді Баир қайда жүр екен? Келіншегі журналистерден көмек сұрапты», – деп жазды Жазира Бегалы.

Ақтөбе облысының Мартөк ауданында кәмелетке толмаған баланы іздеу бойынша ауқымды операция жүріп жатыр. 29 наурыз күні кешке полицияның кезекші бөліміне 2016 жылы туған баланың жоғалғаны туралы хабарлама түскен.

Алдын ала мәліметтер бойынша, бала суға құлап кетуі мүмкін деген болжам бар. Осыған байланысты іздестіру шаралары Елек өзенінің маңында шоғырландырылған.

Қазіргі уақытта іздеу жұмыстарына барлық қажетті ресурстар тартылды. Тікұшақ, жылу камерасымен жабдықталған ұшқышсыз ұшу аппараттары (дрондар) және арнайы техникалар жұмылдырылды. Баланы полиция қызметкерлері, ТЖД құтқарушылары, соның ішінде арнайы сүңгуірлер тобы мен кинологтар іздестіруде.

Елек өзенінің жайылмасында катерлермен патрульдеу жүргізіліп, су түбі мен жағалау аймақтары мұқият тексерілуде.

Полиция департаменті өңірдегі барлық ата-аналарға үндеу тастап, балаларды...

Қазақстанның Халық әртісі, әнші Димаш Құдайберген жанкүйерлерін қуантып, Instagram парақшасына жаңа жазба жариялап, фотосуреттерімен бөлісті.

«Көптен бері хабарласпадық, қалайсыздар? Үй іші қалай, не жаңалық? Өздеріңізбен амандасып, жағдайларыңызды білгім келді. Менде шүкір, жұмыс көп, жүгіріп жүрмін», – делінген Димаштың жазбасында.

Димаштың жазбасына сүйенсек, ол апта сайын эфирде жүріп жатқан алғашқы жобасы «Voice Beyond Horizon» байқауының түсірілімі кезінде жасаған фотосессия суреттерімен бөлісті.

Айта кетейік, осыған дейін Алматыны...

Қазақстанда базарлар азайып жатыр. 2025 жылдың қорытындысы бойынша олардың саны 588-ді болды. Бұл бір жыл бұрынғы көрсеткіштен 38-ге аз, деп хабарлайды Ұлттық статистика бюросы. Қысқару жылдық көрсеткіште 6,1%-ды құрады.

Базарлардың басым бөлігі қалаларда шоғырланған. Базарлар саны бойынша Түркістан облысы көш бастап тұр, мұнда 103 базар есептелген. Одан кейін 57 базары бар Алматы облысы және 53 базары бар Ақтөбе облысы келеді. Ең аз базар Ұлытау облысында тіркелген – бар болғаны алты нысан.

Сауда орындарының саны да азайып келеді. Бір жыл ішінде олардың саны 2024 жылғы 150,8 мыңнан 147,6 мыңға дейін қысқарды. Сауда нүктелерінің ең көбі Алматы қаласында шоғырланған...

Астананың ауданаралық азаматтық істер жөніндегі соты мәжіліс депутаты Еділ Жаңбыршинге қарсы талап арызды қанағаттандырудан бас тартты. Талап қоюшы Виталий Шевченко мәжілісменді әлеуметтік желілерде ЛГБТ-қауымдастығына қатысты айтқан өткір мәлімдемелері үшін жауапқа тартпақ болған еді.

«Жауапкердің жарияланымдарында таратқан мәліметтерін балағаттаушы, талап қоюшының ар-намысына, қадір-қасиетіне және іскерлік беделіне нұқсан келтіретін деп тану, сондай-ақ, жауапкерді өз парақшасында тиісті ақпаратты орналастыру арқылы көпшілік алдында кешірім сұрауға міндеттеу туралы талап арызды қанағаттандырудан бас тартылсын», — деді судья Айгүл Аяпбергенова.

Аяпбергенова ҚР Азаматтық кодексінің 141-143 баптарына сәйкес, жауапкершілік тек тұжырым түріндегі шынайы емес мәліметтерді таратқаны үшін туындайтынын түсіндірді. Алайда Әділет министрлігі сот...

Ақтаулық танымал әртіс, Ганвест лақап атымен белгілі Руслан Гоминов Мәскеуде әкімшілік жауапкершілікке тартылды. Мәскеудің Таган аудандық соты оған «Вика любит ПЭПЭ» трегі үшін 95 мың рубль (шамамен 563 мың теңге) көлемінде айыппұл салды.

Сот тректің мәтінін зерттеп, онда қоғамға анық құрметсіздік білдіретін және адамның қадір-қасиетін қорлайтын «әдепсіз формадағы» ақпарат бар деген қорытындыға келді.

Әншінің өзі сот үкіміне аса қайғыра қоймаған. Заңгерлер айыппұлдармен айналысып жатқанда, Гоминов өнер көрсетуін жалғастыруда. Кеше ғана ол жанкүйерлері сол баяғы «тыйым салынған» жолдарды қосыла шырқаған кезекті шулы концертінен видео жариялады.

Павлодар облысының энергетикалық әлеуетін арттыратын жаңа ауқымды жоба қолға алынды. Екібастұз қаласының маңында қуаты 1 ГВт болатын жел электр станциясының (ЖЭС) құрылысы бойынша стратегиялық жобаны іске асыру басталды.

Жоба биылғы 29 қаңтарда ҚР Энергетика министрлігімен қол қойылған келісімдер аясында жүзеге асырылуда. Бұл бастаманы қытайлық алпауыт «State Power Investment Corporation» корпорациясы мен отандық «Pavlodar Green Energy» ЖШС бірлесіп атқарады.

Бұл жобаның басты ерекшелігі – оның заманауи технологиялық шешімдерінде. Жаңа ЖЭС қуаты 300 МВт болатын арнайы энергия жинақтау жүйелерімен жабдықталады.

«Бұл жүйе жаңартылатын энергия көздеріне тән табиғи құбылмалылықты (желдің басылуы не күшеюі) тиімді реттеуге...

Президент Қасым-Жомарт Тоқаевтың төрағалығымен Қазақстан Республикасының 2021-2025 жылдарға арналған ұлттық қауіпсіздік стратегиясын жүзеге асыру қорытындысы шығарылды.

Бұл туралы Ақорданың баспасөз қызметі хабарлады.

Ақпаратқа қарағанда, үкімет негізгі көрсеткіштерге қол жеткізу туралы есеп берді. Сондай-ақ бірқатар салалық мемлекеттік орган жетекшілері басты бағыттар бойынша баяндама жасады.

«Мемлекет басшысы геосаяси ахуалды ескере отырып, қоғамдық, экономикалық, экологиялық, су және азық-түлік қауіпсіздігі мәселелерін пысықтау қажеттігіне назар аударды.  Бұдан бөлек, отырыста Қазақстан Республикасының 2026-2030 жылдарға арналған ұлттық қауіпсіздік стратегиясының жобасы қаралды», – делінген хабарламада.

Бұл стратегия алдағы бес жылда болуы ықтимал сын-қатерлерге төтеп берудің негізгі тәсілдерін анықтайды.

Президент ұлттық мүддені қорғау...

Еркебұлан Тоқтар өзін Қазақстандағы ең әлсіз жауынгер деп атады. Жеңілісіне қуанғандарға күле қарайтынын айтты.

Сонымен қатар, ол сәтсіздікке мойымайтынын айтып, жабырқап қалған жанкүйерлеріне басу айтты.

«Өзбекстан мен Қырғызстанда Қазақстандағы ең мықты адамды ұтып алғандай қуанып жатыр ма? Қазақстанда ең әлсізі мен! Ең әлсізді ұтып, қуанып жатса, мықтылар келсе, не болады? Бұған күлу керек», – деді Еркебұлан Тоқтар.

Еркебұлан Тоқтар соңғы жеңілісінен кейін еңсесі түспегенін, көңіл-күйі көтеріңкі екенін жеткізді.

Қасындағы достарын көрсетіп, олардың «сынып» қалғанын айтты.

«Өйткені, бұлар хейтті жүрегіне қатты қабылдайды. Хейт деген не? Біреулер айдалада отырып, сөз айтады. Батпаққа аунап келіп, саған үріп жатқан...

2025 жылы Қазақстанда электромобильдердің саудасы төрт есе өсті. Сұраныстың артқанын ескере отырып, сарапшылар сертификаты жоқ көліктер мен қауіпті батареяларды сатып алмауға кеңес берді.

Қазақстанда электромобильдер нарығы қарқынды дамып келеді. «Қазақстан Автокөлік Одағының» хабарлауынша, 2025 жылы олардың ресми сатылымы төрт еседен көп болған. 2018-2025 жылдар аралығында республикаға NEV импорты 15 есеге артқан.

«2025 жылғы 1 қыркүйектегі жағдай бойынша Қазақстандағы жаңа энергия көздеріндегі көлік паркі 21 765 бірлікті құрады. Оның 21 мыңнан астамы жеңіл автокөліктер. NEV көліктерінің танымалдығы артқан сайын, оларды және электр қуаттау станцияларын пайдалану қауіпсіздігі мәселесі де өзекті бола түсуде» – деп атап өтті сарапшылар.

Қазақстан мен Қытайдың Цзянсу провинциясының жастары робот-футболдан алғаш рет жолдастық кездесу өткізді. Ерекше турнир 28 наурызда Қытайдың Нанкин технология институтында ашылды.

Жарыс барысында қазақ және қытай жас инженерлері өздері құрастырған роботтарды басқарып, оларды шағын футбол алаңында сынап көрді. Роботтар жасанды интеллект элементтерін қолдана отырып, допты жүргізу, пас беру және гол соғу сияқты тапсырмаларды орындады.

Турнир спорт шарасы ғана емес, сонымен бірге екі ел жастары арасындағы ғылыми-технология ынтымақтастығын нығайтуға бағытталған маңызды алаң болып отыр.

Жолдастық кездесуге қатысушылар робототехника, бағдарламалау және командалық жұмыс дағдыларын бір-бірімен бөлісіп, халықаралық тәжірибе алмасты.

Осындай форматтағы алғашқы турнир Қазақстан жастары үшін халықаралық деңгейде робот техникасы...

Жүргізушісіз жүретін таксилер Алматы мен Астанадан бөлек Қосшыда да іске қосылады. Бұл жайлы Цифрлық активтер және серпінді технологиялар комитетінің төрағасы Ғиззат Байтұрсынов айтты.

Жоба бірнеше кезеңнен тұрады:

Жобаның серіктестері – Яндекс және inDrive. Пилотсыз көліктер бастапқыда қаланың белгілі бір учаскелерінде ғана жүреді. Сәтті өткен жағдайда жоба бүкіл қалаға, кейін жалпы елге таралады.

Неге Қосшы таңдалды?

Бұл Яндекс мамандарының ұсынысы...

Солтүстік Қазақстан облысында полиция қызметкері 40 жастағы әйелді 13 млн теңгеге несие рәсімдемек болған алаяқтардан қорғап қалды.

Polisia.kz хабарлауынша, Тайынша қаласының тұрғыны интернет-алаяқтардың сөзіне сеніп, бірнеше банк арқылы 13 млн теңгеге несие рәсімдемек болған. Олар өздерін банктің және құқық қорғау органдарының қызметкерлері ретінде таныстырып, әйелді «айна несие» алуға және ақшаны «қауіпсіз шотқа» аударуға көндірген.

Осы кезде полиция тергеушісі Еламан Ермеков әйелге алаяқтардың құрбаны болғанын түсіндіреді. Оның көмегімен eGov mobile арқылы несиелер тоқтатылып, банктерге жедел хабар берілген. Нәтижесінде 13 млн теңге шығынның алды алынды.

Полицияның ескертуіне қарағанда, банк те, құқық қорғау органдары да телефон арқылы несие рәсімдеуді сұрамайды. Күмәнд...