Жаңалықтар

Ақтау-Дубай-Ақтау рейстерінің жолаушыларына билеттердің толық құны немесе сатып алу орны бойынша тегін қайта брондау қайтарылады. Бұл туралы Fly Arystan хабарлады.

Ақпаратқа сүйенсек, Таяу Шығыстағы тұрақсыз жағдайға және өңірдегі шектеулерге байланысты рейсті қазір жүргізу мүмкін емес.

«Біз жағдайдың жолаушылар үшін қолайсыз екенін түсінеміз және жолаушыларды Қазақстанға тезірек қайтару үшін бар күшімізді саламыз. Халықаралық авиатасымалдаудың қолданыстағы қағидаларында форс-мажор жағдайындағы тасымалдаушының міндеттемелері билет құнын қайтарумен не осындай мүмкіндік болған кезде баламалы тасымалдаумен шектеледі. Осыған қарамастан, FlyArystan жолаушыларына авиакомпанияның есебінен бір тәулік мерзімге қонақүйде қалу мүмкіндігі берілді, осылайша олардың әрі қарайғы іс-қимылдарды үйлестіруге уақыты болды», – делінген хабарламада.

Қасым-Жомарт Тоқаев энергетика министрі Ерлан Ақкенженовті қабылдап, отын-энергетика кешенінің қазіргі ахуалы мен саланы дамыту жоспарлары жөнінде есеп тыңдады, деп хабарлайды Ақорда.

Кездесу барысында Тоқаевқа еліміздегі негізгі энергетикалық жобалардың жүзеге асырылу барысы туралы баяндалды. Министр мұнай саласында орнықты өсім сақталып отырғанын атап өтіп, мұнай өңдеу көлемін ұлғайту жоспарымен таныстырды.

Аталған жоспарға сәйкес, Шымкент мұнай өңдеу зауытының жылдық қуаты 6 миллион тоннадан 12 миллион тоннаға дейін, Атырау мұнай өңдеу зауыты – 5,5-тен 6,7 миллион тоннаға, ал Павлодар мұнай-химия зауыты 5,5-тен 9 миллион тоннаға дейін арттырылады.

Сонымен қатар, 2029 жылға дейін салынатын жаңа энергетикалық нысандар жөнінде мәлімет берілді. Биыл Алматы қаласында екінші жылу электр...

Көкпардан екінші Әлем чемпионаты 15-21 наурыз аралығында Түркістан қаласында өтеді. Жарыс иесі, Қазақстан құрамасы басты фавориттердің бірі, команда құрамын жариялады.

Көкпардан Әлем чемпионатына он елден ұлттық құрама қатысады деп күтілуде.

Жарыс «Көкпар» дүниежүзілік қауымдастығының ережелері бойынша өтеді, ал төрешілер құрамын осы ұйым іріктеп алады.

Қазақстан құрамасына атақты көкпаршылар Есжан Құрманбай (Жамбыл облысы), Ернат Мәлімбай (Жамбыл облысы), Асылжан Мамыт (Түркістан облысы) және Нұрислам Төлеп (Түркістан облысы) кірді.

16 наурызда топтық ойындар басталады, соңғы кездесу 21 наурызға жоспарланған.

Әлемдік біріншіліктің жалпы жүлде қоры 30 млн теңгені құрайды.

Көкпардан алғашқы Әлем чемпионаты 2017 жылы Астанада өткен EXPO-2017 халықаралық көрмесі аясында болған. Онда Қазақстан...

2026 жылға арналған болжам бойынша Қазақстанда азық-түлік бағасы күрт қымбаттауы мүмкін елдердің санатына қосылды.

БҰҰ-ның Азық-түлік және ауылшаруашылық ұйымы осындай болжам жасап отыр.

Оған сүйенсек, азық-түлік бағасының өсу қарқыны аса жоғары елдердің тізіміне Қазақстанда енген. Тіпті, рейтингте тоғызыншы орынға жайғасып, ТОП-10 қатарына кірген.

Әлем бойынша инфляцияның орташа болжамы 3,7% деңгейінде болса, Қазақстанда жыл соңына қарай азық-түлік бағасының өсімі 12,2% болады деп күтілуде. Бұл – өңірдегі ең жоғары көрсеткіш.

Салыстырмалы түрде айтсақ, Қырғызстанда баға өсімі 9,4%, ал Өзбекстан мен Тәжікстанда тиісінше 5,7% және 4,6% деңгейінде болжанып отыр.

Жағымсыз динамикаға валюта бағамдарының өзгеруі, халықаралық саудадағы іркілістер және ішкі нарықтағы ұсынысқа қатысты...

3 наурызда Иранның оңтүстігінде орналасқан Минаб қаласының мыңдаған тұрғыны 182 оқушы мен ұстаздың жаназасын шығарды. Олардың бәрі бір зиратқа жерленеді.

Кішкентай табыттар

28 ақпанда АҚШ пен Израиль күштерінің соққысынан әскери базаның дәл қасында орналасқан қыздар медресесінің күл-талқаны шықты. Иран мемлекеттік ақпарат құралдарының мәліметінше, білім беру мекемесінде кем дегенде 168 бала мен 14 ұстаз қаза тапты.

Сейсенбі күні Минаб орталығында жүзден астам адамды жерлеу рәсімі өтті. Оған қара жамылған мыңдаған тұрғын жиналды. Қала көшелері Иран туымен қапталған кішкентай табыттарға толды.

Жеті жастағы бейкүнә періште

Tasnim жариялаған суреттер мен видеолардан жергілікті халықтың марқұмдар суреттерін ұстап тұрғанын, аза тұтқан...

Бүгін Қасым-Жомарт Тоқаев Оман Сұлтаны Хайсам бен Тариқ Әл Саидпен телефонмен сөйлесті. Ол араб көшбасшысымен Таяу Шығыстағы ахуалды талқылап, Оман халқына тілектес екенін жеткізді. 

Тоқаев Шығанақтағы елдердің азаматтық нысандарына әуеден шабуылдауға байланысты алаңдаушылық танытты.  Оманның халықаралық абырой-беделі жоғары екеніне назар аударып, қазақ азаматтарын қақтығыс аймағынан эвакуациялау мәселесіне тікелей араласқаны үшін ел көшбасшысына да алғыс айтты.

Сондай-ақ Оман сұлтаны жыл соңына дейін Қазақстанға келетінін растады.

«Бұл сапар екі ел арасындағы дәстүрлі достық қатынастарды жаңа деңгейге көтеру тұрғысынан айрықша маңызға ие болмақ. Сұлтан Хайсам бен Тариқ Әл Саид әлемдік қоғамдастықта беделі зор мемлекеттің басшысы шақыруын ықыласпен қабыл...

BYD 5 наурыздағы алдын ала сатылым алдында BYD Song Ultra EV электромобилін таныстырды.

Сarnewschina ақпаратына қарағанда, бұл нұсқа 2026 жылдың 3 наурызында алғаш рет көпшілікке көрсетілді. Бұған дейін модельдің ресми рендерлері мен камуфляждалған сынақ үлгілері жарияланған болатын.

Несімен ерекше

Сериялық нұсқада төбеге орнатылған лидар датчигі бар. Бұл – Song үшін алғашқы осындай шешім. Жабдық «God’s Eye» B (DiPilot 300) интеллектуалды басқару пакетін қолдайды. Жүйе 300 TOPS өнімділігі бар есептеу платформасына негізделген. Қала ішінде әрі автомагистральда автопилот режимінде жүруге арналған.

Қосымша жабдыққа алдыңғы қанаттар мен бүйір айнасына орнатылған жоғары айқындықтағы камералар кіреді. Бұл 360 градус шолу мүмкіндігін береді.

Қазақстан мен Ресей шекарасында Орынбор кеден қызметкерлері экспортқа тыйым салынған ұшқышсыз аппаратты заңсыз алып өтпек болған азаматтың ісін әшкереледі.

Өткен жылдың қыркүйегінде «Сагарчин» өткізу бекетінде Ресейден Қазақстан Республикасына бағыт алған автокөлік тоқтатылған. Жүкті тексеру кезінде кеден қызметкерлері ұшқышсыз ұшу аппаратын және оған тиесілі бөлшектерді анықтады. Қазіргі уақытта мұндай тауарларға ұлттық қауіпсіздік мүддесіне байланысты арнайы экономикалық шаралар қолданылады, сондықтан оларды ел аумағынан еркін алып шығуға тыйым салынған.

Орынбор қаласының Дзержинский аудандық соты Қазақстан азаматына қатысты әкімшілік істі қарап, елден шығаруға тыйым салынған техниканы тәркілеу туралы шешім шығарды. Сот шешімі әлі заңды күшіне енген жоқ.

Бұған дейін Қазақстанның Бас прокуратурасы...

Екібастұз қаласы әкімдігінің құрылыс бөлімі «EkibastuzFerroAlloys» компаниясынан бұған дейін бюджеттен бөлінген 31,8 млн теңгені өндіріп алу үшін сотқа жүгінді. Бұл туралы «Курсивке» Екібастұз әкімдігі хабарлады.

«Екібастұз қаласы әкімдігінің құрылыс бөлімі» ММ аудиторлық тексеріс нәтижелері бойынша берілген нұсқаманы орындау аясында, «EkibastuzFerroAlloys» ЖШС-нен бюджет қаражатын өндіріп алу туралы Алматы облысының мамандандырылған ауданаралық экономикалық сотына талап арыз жолдады. Талап қою сомасы 31 803 200 (отыз бір миллион сегіз жүз үш мың екі жүз) теңгені құрайды», – делінген әкімдіктің ресми жауабында.

Мемлекеттік мекеме сотқа жүгінуге аудиторлық тексеру барысында анықталған бюджет қаражатын пайдаланудағы заң бұзушылықтар негіз болғанын нақтылады. Бюджет заңнамасыны...

Бүгін, 3 наурызда ай тұтылады. Басқаларынан ерекшелігі сол – айдың түсі қан қызылға боялады. Сол үшін де «Қан қызыл ай тұтылуы» деп аталады. Келесі мұндай ай тұтылатын кез 2028 жылдың 31 желтоқсанында болады деген болжам бар. Неге «қан қызыл ай тұтылуы» деп аталады? Қанша уақытқа созылады? Kursiv.Media тілшісі осы тақырыпта шолу дайындады.

Ай тұтылуы деген не

Ай тұтылды деп Жердің Күн мен Айдың қақ ортасына келіп, ғаламшарымыздың көлеңкесі өзінің серігіне түсетін астрономиялық құбылысты айтамыз. Бұл сәт аспандағы осы үш дене бір сызыққа тұрған кезде пайда болады. Ал ол үшін міндетті түрде ай толуы керек. Астрономдар...

Көктемгі егіс жұмыстарына арналған жеңілдетілген дизель отынының бағасы литріне шамамен 30 теңгеге қымбаттап, биыл 281 теңгені құрады. Бұл туралы Серік Жұманғариннің төрағалығымен өткен көктемгі дала жұмыстары жөніндегі жедел штаб отырысында хабарланды.

Кездесуде шаруаларды жеңілдетілген дизель отынымен қамтамасыз ету мәселесі талқыланды. Егіс жұмыстарына 281 теңге бағамен 402 мың тонна жанар-жағармай бөлінген. Өткен жылы жеңілдетілген баға шамамен литріне 254 теңге болған, яғни қазір 27 теңгеге жоғары.

Сондай-ақ аграрлық сала өкілдерінің өтініші бойынша көктемгі жұмыстарға арналған арзандатылған дизель отынын алдын ала – күз мезгілінен бастап, жеңілдетілген қаржыландырумен қатар бөлу мүмкіндігі қаралды. Премьер-министрдің орынбасары бұл мәселені Энергетика министрлігіне Ауыл шаруашылығы министрлігімен бірлесіп пысықтауды...

Португалиялық футбол жұлдызы Криштиану Роналду мінген жекеменшік ұшақ Сауд Арабиясынан Испанияға бағыт алды. Бұл туралы The Sun хабарлады.

Әуе рейстерін бақылау сервистерінің мәліметінше, Bombardier Global Express 6500 бизнес-джеті 2 наурыз күні шамамен 20:00-де Рияд қаласынан ұшып шығып, 3 наурызға қараған түні 01:00 шамасында Мадрид әуежайына қонған. Ұшу уақыты шамамен жеті сағатқа созылған.

Аймақтағы әскери жағдайдың ушығуына байланысты шетелдік азаматтар өңірден жаппай кетіп жатқаны айтылады. Кейбір рейстер Эр-Риядқа жетпей кері қайтарылған. Сондай-ақ Мысырдың шығысында жүрген азаматтарға аймақтан шұғыл шығу ұсынылған.

АФК матчтарды кейінге қалдырды

Роналдудың ұшып кетуі Азия футбол конфедерациясының шешімімен тұспа-тұс келді. Ұйым Парсы шығанағы елдеріндегі сегіз матчты кейінге...

Өскеменнің экология мәселесін шешу үшін Қытай тәжірибесі зерттеліп жатыр. Бұл туралы Үкімет басшысының орынбасары Роман Скляр Өскемендегі экология мәселесін көтерген депутаттарға берген жауабында баян етті.

Склярдың сөзінше, биыл ақпанда Экология және табиғи ресурстар министрінің төрағалығымен атмосфералық ауаның сапасын басқару жүйесі бойынша кеңес өткен.

«Бүгінгі таңда Қытайда іске асырылған кешенді, ғылыми негізделген және жүйелі тәсіл жоғары тиімділігін көрсетті. Осыған байланысты қазір аталған тәсілді Қазақстанда қолдану мүмкіндігі зерделеніп жатыр», – дейді Скляр жауабында.

Десе де, қандай тәсіл екені ресми жауапта жазылмаған.

Үкімет басшысының орынбасары Өскеменнің экологиялық жағдайын жақсарту мәселелері Экология министрлігі мен Шығыс Қазақстан облысыны...

Қазақстанға түскен барлық қаражаттың 40%-ы АҚШ пен Ресейден келген. Бұл туралы Ұлттық банктен хабарлайды.

ҰБ ұсынған мәліметке сүйенсек, 2026 жылдың қаңтарында халықаралық ақша аударымдары жүйелері (ХААЖ) арқылы 39,0 млрд теңге сомасына 114,2 мың транзакция жасалды.

2025 жылдың желтоқсанымен салыстырғанда аударымдар саны 30,5%-ға, ал олардың жалпы көлемі 36,6%-ға азайған.

Шетелге жіберілген ақша жалпы соманың 97,2%-ын (37,9 млрд теңге) құрады. Қазақстаннан ең көп қаражат жіберілген негізгі елдер: Ресей (16,7 млрд теңге), Түркия (5,9 млрд теңге) және Өзбекстан (5,5 млрд теңге). Аударым жүйелерінің ішінде «Золотая Корона» көш бастап тұр, ол арқылы елден жіберілген барлық ақшаның 80,1%-ы өткен.

Ал шетелден алынған қаражат көлем...

Қазақстан үкіметі Қашаған жобасына қатысушы инвестор-компаниялардан ресми түрде сотқа шағым түскені туралы хабарлама алған. Бұл туралы Әділет министрлігі хабарлады.

Инвесторлар 2026 жылдың 9 ақпанында Инвестициялық дауларды шешу жөніндегі халықаралық орталыққа төрелік талқылау туралы сұраныс жолдаған.

Мемлекет мүддесін кім қорғайды?

Қазақстан заңнамасына (Үкімет регламентінің 6-тармағына) сәйкес, сотта ел мүддесін осы мәселеге тікелей жауапты мемлекеттік орган қорғайтын болады.

Ол үшін Премьер-министрдің немесе оның орынбасарларының арнайы тапсырмасы қажет.

Даудың мәні неде

Қашаған төңірегіндегі түсініспеушілік бірнеше жылдан бері жалғасып келеді Бұған дейін Қазақстан билігі Қашаған операторына (NCOC) күкіртті заңсыз сақтағаны және экологиялық нормаларды бұзғаны үшін миллиардтаған доллар...

Байқоңыр ғарыш айлағында 2025 жылғы қарашаның аяғында бұзылған №31 ұшу алаңы жөнделді. Бұл туралы «Роскосмос» хабарлайды.

Жүздеген адам тәулік бойы жұмыс істеді

Федералдық корпорация мәліметінше, ұзындығы 19 метр, салмағы 17 тонна болатын кабинаны жөндеуге бес ұйымның жүздеген жұмысшысы жұмылдырылған. Тәулік бойы үзіліссіз жұмыс істеген олар үш айда электр құрылғыларын, сонымен бірге бекіткіштердің бәрін алмастырып шықты. Барлығы 120 тонна конструкция ауыстырылды.

Ұшыру алаңындағы қызмет көрсету кабинасының жұмыс істеу механизмі тексерілді. Корпорация жөндеуді екі айдан астам уақытта жылдам аяқтап шыққанын мәлімдеді.

«Роскосмостың» Telegram-арнасында жарияланған видеода ұшу алаңын жөндеу барысы көрсетілді.

Естеріңізге сала кетейік, 2025 жылғы 27 қарашада Байқоңыр айлағынан «Союза МС-28» кемес...

Израильдің әскери-әуе күштері түнде Тегеранда үкіметтік ғимараттар кешеніне бірнеше соққы жасаған.

Бұл туралы Израиль қорғанын армиясы (ЦАХАЛ) баспасөз қызметі хабарлады. Аталған кешен қала орталығындағы біраз көшені алып жатыр.

ЦАХАЛ мәліметінше, шабуыл барысында оқ-дәрілер президент резиденциясы орналасқан ғимаратқа және Жоғары ұлттық қауіпсіздік кеңесінің ғимаратына тасталған. Сондай-ақ қауіпсіздік саласында шешім қабылдауға жауапты Иранның жоғары басшылығы жиналатын орын да нысанаға алынған.

Иран президенті Масуд Пезешкиан жоғарғы көшбасшы Али Хаменеидің Израиль соққылары салдарынан қаза тапқанынан кейін елді сот билігінің басшысы Голям Хоссейн Мохсени-Эджеимен және Конституцияны қорғау кеңесінің бір мүшесімен бірге басқаруда.

28 ақпанда басталған операция аясында Израиль Иран басшылығының көптеген жоғары лауазымды өкілдерін

Ресейлік әнші Клава Коканың Маңғыстауда түсірген бейнебаяны жарыққа шықты. Кадрларды көрген көпшілік еліміздің батысының тұмса табиғатына тамсанып жатыр. 

Клава Коканың «Сто шагов назад» әні желіге салынып, тыңдарман назарына ұсынылды. Ол осы әннің бейнебаяның түсіру үшін мыңдаған шақырым жерден арнайы келді.

«Біз мыңдаған шақырымды еңсеріп, ежелгі тартылып кеткен Тетис мұхитының түбіне, айналасынан оқшау тұрған, өз болмысымен-ақ батырлар туралы сыр шертетін қос жалғыз жартастың ортасына келдік. Бұл бейнебаяндағы әр локация – дара әрі айрықша. Ондағы әр қимыл мен әрбір деталь мен үшін сезім деңгейінде терең мағынаға ие. Символизмді сүйетін, астарына үңіліп, тереңдікке бойлауды қалайтын жандарға міндетті түрде көруге...

Өткен демалыста Иран дрондарының шабуылына ұшыраған Дубайда қазір жағдай тұрақталған.

Осы қалада саяхаттап жүрген Мөлдір Жұмаханова Kursiv.Media-ға қаланың қазіргі жайын, туристердің жағдайын айтып берді.

Мөлдір жолдасы екеуі араб еліне 26 ақпанда барған, 4 наурыз күні Қазақстанға қайтуы керек.

Оның айтуынша қазір қала тыныш, туристер шаһардың орталығын аралап, қыдырып жүр. Жергілікті халық та жайбарақат.

«Қазір Дубайдың орталығында жүрміз, қала тыныш, кешелі бері тынышталды. Оған дейін неше түрлі дауыс шығып, адамды қорқытқан еді. 28 ақпан, 1-2 наурыз қайтуы тиіс кісілер қалып қойған, кешелі бері Қазақстанға қайтып жатыр. Біз 4-і күні ұшамыз...

Чилидің Вальдивия қаласында әлемге танымал әнші Димаш Құдайбергеннің шығармашылығына арналған мәдени акция өтті.

Dimashnews хабарлауынша, мәдени акция Вальдивия апталығы аясында ұйымдастырылған. Дәстүрлі мереке мәдени, музыкалық және қоғамдық іс-шаралармен өріліп, ондаған мың тұрғын мен туристің басын қосқан. Биылғы шараға 60 мыңнан астам адам қатысқан.

«Бастама Чилидің әр қаласындағы Димаш жанкүйерлерінің қолдауымен жүзеге асты. Вальдивияға Калама, Сантьяго, Винья-дель-Мар, Консепсьон, Чильян, Лос-Анджелес және Темуко қалаларынан жиналған Dears қауымдастығы өкілдері арнайы келді. Кейбірі мерекеге қатысып, қазақстандық өнерпаз шығармашылығын жаңа тыңдарманға таныстыру үшін 850 шақырымға жуық жол жүріп өтті», – делінген ақпаратта.

Dimashnews жазуынша, нөсер жауынға қарамастан, акция қатысушылары...

4 наурыздан бастап Алматыда Avtobys электронды төлем жүйесі іске қосылады. Жаңа сервис әзірге қаланың барлық бағыттарын қамтымайды. Бастапқы кезеңде Avtobys жүйесі арқылы төлем жасау мүмкіндігі келесі маршруттарда ғана қолжетімді болады:

Сервисті пайдалану үшін жолаушыларға бірнеше қарапайым қадамды орындау қажет:

Еске сала кетейік, бұған дейін Алматыда самокаттардың да маусымы басталғаны туралы...

Меруерт Түсіпбаева «қара тізім» туралы сұхбат беруден бас тартып отыр. Басындағы жағдайда айтса, елден кетуге тура келетінін жасырмады.

Ол әлеуметтік желіде журналистермен жазысқан хатын жария етті. Онда былай деп жазылған:

«Мен сізге интервью берсем, жағдайым одан әрі қиындап, эммиграция туралы ойлануға тура келеді. Бәлкім, бір кездері бұл құпияны ашып айта алармын. Бірақ қазір емес».

Түсірімге шақырған телеарналарға да бәрібір оны эфирден алып тастайтынын айтып, бас тартқан. Өйткені, әншінің айтуынша, ондай жағдай жақында ғана болған көрінеді.  

«Мені алып тастаған шығар. Мен қара тізімдемін. Көңіліңе рахмет. Таңшолпан түсіріп, алып тастады», – деп...

Щучинскідегі «Центр плова» дәмханасының иесі қамауға алынды. Бұл жайлы Ақмола облысының прокуратурасынан хабарлады.

Қазір дәмханада болған өрт дерегі бойынша қылмыстық іс қозғалды. Қылмыстық кодекстің 292-бабы 3-бөлігі («Абайсызда екі немесе одан да көп адамның өліміне әкеп соққан өрт қауіпсіздігі талаптарын бұзу») бойынша тергеу жүріп жатыр.

«Қылмыстық істі арнайы прокурорлар тергеп жатыр. 2026 жылғы 2 наурызда Қылмыстық іс жүргізу кодексінің 128-бабына сәйкес, «Центр плова» дәмханасының иесі ұсталды. Қазіргі уақытта қажетті тергеу әрекеттері жүргізілуде», – деп хабарлады ведомстводан.

Тергеу барысы Бас прокуратураның бақылауында. Қылмыстық іс жүргізу кодексінің 201-бабы 1-бөлігіне сәйкес, өзге ақпарат жария етуге жатпайды.

27 ақпан...

Қазақстанда бір шақырым асфальт жолды жөндеудің орташа құны – 156 млн теңге, ал салу – 500 млн теңгені құрайды. Мұндай деректі Көлік министрі Нұрлан Сауранбаев келтірді.

Ал шағал тас жолға келетін болсақ, оның құрылысы бір шақырымға шамамен 100 млн теңге, ал жөндеуі – 50 млн теңге тұрады.

Сонымен қатар, алдағы үш жылда Көлік министрлігі елді-мекендердегі жолдардың дамуына басымдық беретінін атап өтті. Ел бойынша олардың жалпы ұзындығы – 70 мың км. Қазіргі уақытта олардың 91%-ы нормативтік жағдайға сәйкес.

Алдағы үш жылда 32 мың км жолға жөндеу жұмыстары жоспарлануда. Үкімет жергілікті жолдардың нормативтік жағдайдағы үлесін 95%-ке жеткізуді көздеп отыр.

Айта кетейік, Нұрлан...