Жаңалықтар

2025 жылдың 24 қыркүйегінде Париж қаласындағы ЮНЕСКО штаб-пәтерінде қазақтың ұлы күйші-композиторы, дирижер, «Отырар сазы» оркестрінің негізін қалаушы Нұрғиса Тілендиевтің 100 жылдығына арналған «Ғасыр әуендері: Тілендиевке тағзым» атты мерекелік концерт өтті.

Бұл мерейтой ЮНЕСКО-ның халықаралық деңгейде аталып өтетін атаулы күндер тізіміне енген.

Іс-шараға Қазақстан Республикасының Мәдениет және ақпарат министрі Аида Балаева, дипломатиялық корпус пен шығармашылық зиялы қауым өкілдері қатысты.

«Бүгін Париж төрінде, ЮНЕСКО-ның мәртебелі штаб-пәтерінде қазақ халқының ұлы композиторы Нұрғиса Тілендиевтің 100 жылдығы жоғары деңгейде тойлануда. Қазақ музыкасы мен өнерінің ЮНЕСКО аясында лайықты бағалануы – мемлекетіміз үшін үлкен мәртебе. Нұрғиса Тілендиевтің шығармалары – қазақ халқының рухани...

Қасым-Жомарт Тоқаев ғылым және технологиялар жөніндегі ұлттық кеңестің отырысын өткізеді. Ақорданың хабарлауынша, жиын 26 қыркүйекте өтеді.

Ал 27 қыркүйекте Астанаға Мьянма президентінің міндетін атқарушы, мемлекеттік әкімшілік кеңес төрағасы Мин Аун Хлайн сапармен келеді.

«Ақордада екі ел арасындағы ынтымақтастық мәселелері талқыланатын жоғары деңгейдегі келіссөздер жүргізу жоспарланып отыр», – делінген ақпаратта.

29-30 қыркүйек күндері президент шақыруымен Италия президенті Серджо Маттарелла ресми сапармен келеді.

Мемлекеттер басшылары келіссөз жүргізіп, сауда-экономикалық, инвестициялық және мәдени-гуманитарлық ықпалдастықты нығайту перспективаларын талқылайды.

Бұған дейін Қасым-Жомарт Тоқаев БҰҰ Бас Ассамблеясы 80-ші сессиясының Жалпы дебатында сөз сөйледі.

30 қыркүйек күні Алматы қаласында футбол жанкүйерлері тарихи сәттің куәсі болмақ. «Қайрат» пен әлемнің ең үздік клубтарының бірі Реал Мадрид командалары Чемпиондар лигасы аясында кездеседі.

Жанкүйерлер үшін ерекше жаңалық – матчқа арналып шығарылған эксклюзивті шарфтар сатылымға шықты. Шарфтарды «Қайраттың» ресми дүкенінен сатып алуға болады:

Жұмыс уақыты:

Еске сала кетейік, бұл ойынға билеттердің барлығы алдын ала сатылып кеткен. Матчты стадионда тамашалау үшін Қазақстаннан ғана емес, алыс-жақын шетелден де жанкүйерлер келеді. Әсіресе Испаниядан 1000-нан астам жанкүйер арнайы ұшып келеді деп күтіліп отыр.

26 қыркүйекте Ақтау қаласы ауызсусыз қалады. «МАЭК» ЖШС қалаға су беруді уақытша тоқтататынын хабарлады.

Lada.kz ақпаратынша, сағат 00:00-ден 06:00-ге дейін ЦУВС-2-де жүргізілетін жөндеу жұмыстарына байланысты ЦУВС-3-тен су беру тоқтатылады.

Энергокомбинаттың мәліметінше, бұл шектеу қаланың жоғарғы да, төменгі де аймақтарын қамтиды.

Тұрғындардан қалыптасқан жағдайға түсіністікпен қарау сұралды.

Басылымның ақпаратына қарағанда, Ақтауда су жиі өшіріледі. Ақтаулықтар бұған бейімделуге тура келіп жүр.

Мұның алдында Алматыдан Ақтауға ұшқан ұшақ шұғыл қонуға мәжбүр болғаны туралы хабарлаған едік.

Қараша айында Қытайдың Li Auto (Lixiang) автокөліктер бренді Қазақстанда ресми түрде сатылымға шығады. Елдегі ресми дистрибьютор – Allur компаниясы. Қазақстандық автожүргізушілерге үш түрлі гибридті кроссовер ұсынылмақ: L6, L7 және флагмандық L9. Жарияланған бағаларға қарап, бұл көліктердің Қазақстанда Ресейден әлдеқайда арзан екенін аңғаруға болады.

Lixiang көліктерінің Қазақстандағы бағасы

Алматыға кадеттер арасында Әлем чемпионатына келген жас шахматшылар бір күндік демалыста қаланың әсем жерлеріне барып демалды. Делегаттардың бір бөлігі Шымбұлақ тау-шаңғы курортында «Қара жорға» биледі.

Әлем чемпионатының 380 қатысушысы Шымбұлақты сахнаға айналдырып, шетелдік спортшылар қазақтың «Қара жорғасын» биледі. Қар басып қалған Алатаудың бөктерінде кәсіби бишілер қонақтарға бидің мәнерін көрсетіп, шеңберге тұрып қосылып би биледі. Шеңбер әлемнің 88 елінен келген спортшыларды байланыстырған нағыз мәдени көпірге айналды.

«Біз Қазақстанға алғаш рет келдік. Осындай керемет шараны ұйымдастырғандарыңыз үшін мың алғыс. Бізге қонақжай, жап-жасыл әрі сондай әдемі Алматы қаласы қатты ұнады. Шымбұлақта балаларымыз алғаш рет қар көрді. Бұз ыстық елде...

Жыл соңына дейін доллар бағамы қалай өзгереді? Америкалық валюта курсы 550 теңгеден асуы мүмкін бе? Ұлттық банк базалық мөлшерлемені көтере ме? BCC Invest инвестициялық компаниясының сарапшылары елдің макроэкономикалық дамуына қатысты болжамын айтты.

Инфляция тұрақталады

«Бізде инфляция өте жоғары деңгейде, тамыз қорытындысы бойынша 12,8%. Айына орта есеппен 0,8%-1% өсіп отырады. Қазір біздің модельдеріміз жыл соңына дейін инфляция осы күйінде тұрақталады деген болжам жасап отыр. Баға күрт өсіп кетеді дейтіндей негіз жоқ», – дейді BCC Invest-тің сараптама және зерттеулер департаментінің жетекшісі Сұлтан Жұмағали.

Оның түсіндіруінше, ақысы тым тез қымбаттап жатқан сектордың бірі ретінде...

Алматыға келген танымал актер Джеки Чанға қазақстандықтар шапан жапты.

Әлеуметтік желіде 71 жастағы актердің Алматыдағы видеосы жарияланды. Ол жерде бір топ адам Джеки Чанға қазақтың оюлы шапанын жауып, құрмет көрсеткен. Желі қолданушылары видеоның Шымбұлақта түсірілгенін жазып жатыр.

@.101.beq #джеки#чан#а#так ♬ На связи – Truwer & Экси & CAPTOWN & Niman & Fardi

Айта кетейік, Джеки Чан Алматыға 23 қыркүйекте келді...

Мадина Сәдуақасова әлеуметтік желіде жаңа суретін бөлісті. Әнші әйгілі испандық «Реал Мадрид» футбол клубының жейдесін киіп, өнердегі әріптесі Қайрат Нұртаспен бірге суретке түсті.

Жазбасында әнші:

«Осы фотоға қандай ат қоямыз..? @kair_n» – деп оқырмандарынан суретке ат қоюды сұрады.

Айта кетейік, 30 қыркүйек күні Алматының Орталық стадионында жергілікті «Қайрат» испаниялық «Реал Мадрид» командасымен ойнайды.

Ал 31 қазан күні дәл осы алаңда әнші Қайрат Нұртас өзінің жеке концертін өткізеді.

Ұлттық экономика вице-министрі Азамат Амрин «Қайрат – Реал» матчы билеттерінің қымбат болуына қатысты өз пікірін білдірді. Ол мұны нарық талабы деп түсіндірді. Айтуынша, футбол жанкүйерлері бағасына аса мән беріп жатқан жоқ, билетті бәрібір сатып алады.

«Бұл – нарық. Жанкүйерлер бар, олар бағаға қарамай билет алады. Олар үшін футбол маңызды. Сондықтан, меніңше, егер адамның мүмкіндігі болса, ол сатып алады», – деді Амрин Сенаттың жалпы отырысынан кейінгі брифингте.

Журналистер стадион жағдайының жиі сынға ұшырауын мысалға келтіріп, осы тұрғыда билет бағасы қаншалықты әділ екенін де сұрады. Вице-министр болса, бұл пікірмен келіспейді.

«Мен де ақпараттарды...

Алматыда 27-28 қыркүйек күндері жәрмеңке өткізіледі. Онда Түркістан облысының шаруалары мен тауар өндірушілері 500 тоннадан астам өнім ұсынады. Бұл туралы Алматы әкімдігінің баспасөз қызметі хабарлады.

Жәрмеңкеге Түркістан облысының 16 ауданы мен Түркістан қаласы қатысады деп жоспарланып отыр.

Қандай өнімдер сатылады?

Алматы тұрғындары мен қонақтарына Түркістанда өндірілген 50-ден астам тауар мен өнім түрін ұсынады. Атап айтқанда, ет-сүт өнімдері, жеміс-көкөніс пен шұжық түрлері, ұн, жарма, өсімдік және малдың майы және күнделікті тұтынуға қажетті өзге де тауарлар сатылады.

«Жалпы 500 тонна өнім жеткізіледі. Оның ішінде 100 тонна ет өнімі, 250 тонна жеміс-көкөніс, 30 тонна сүт...

Сенатор Қайрат Тастекеев жабайы жануарлар санының артып бара жатқанына алаңдаушылық білдірді. Олардың халыққа төндіретін қаупі де артып бара жатқанын айтты.

Депутат жыртқыш аңдардың ауыл маңына жиі келетен жағдайлар көбейгенін айтады. Мәселен, Абай облысындағы кейбір елдімекендерде адамдарға, малға және шаруашылықтарға шабуыл жасау фактілері орын ала бастаған.

Қасқыр, аю және қабан көбейді

Сенатор Экология министрлігінің дерегін келтірді, онда Қазақстанда шамамен 15 мың қасқыр бар екені айтылады. Олардың санын реттеу қиын, бұл ауыл тұрғындарын алаңдатуда.

Сонымен қатар, Тастекеевтің айтуынша, жабайы қабандардың да саны артып келеді. 2020 жылы олардың саны шамамен 40 мың болса, 2024 жылы – 50 мыңға жеткен. Қабандар...

Қазақстан Ресейге тәуелділікті азайту үшін мұнай тасымалын әртараптандырып жатыр. Бұл туралы Бакуде өткен «Каспий және Орталық Азия – мұнай өңдеу, мұнай-химия, сауда және логистика» атты шарада Energy Intelligence Group сарапшысы Жюльен Матоньер айтты.

Оның сөзінше, Қазақстан мұнай экспортын Каспий теңізі арқылы көбейтіп, Ресейге тәуелділікті төмендетуге тырысып жатыр. Қазір елдің жоспары – мұнайды Баку–Тбилиси–Джейхан құбыры арқылы жеткізуді арттыру.

Қазір бұл көрсеткіш жылына шамамен 1,5 млн тонна болса, болашақта 20 млн тоннаға дейін жеткізу көзделіп отыр. 2024 жылы 1,4 млн тонна тасымалданса, 2025 жылы 1,7 млн тоннаға жетуі күтіледі.

Сондай-ақ сарапшы Қазақстанның «Орталық дәлізді» дамытуға басымдық беріп отырғанын атап өтт...

Иран Қазақстан аумағындағы автожол салуға қатысуға қызығушылық танытты. Бұл көлік инфрақұрылымын кеңейтуге және транзиттік тасымал көлемін арттыруға ықпал етеді. Көлік вице-министрі Талғат Ластаев пен Иранның Қазақстандағы елшісі Али Акбар Джоукармен кездесуінде осы мәселе талқыланды.

Тараптар көлік-логистика саласындағы екіжақты ынтымақтастықты талқылады. Автомобиль көлігі саласындағы екіжақты келісім жобасына назар аударып, құжаттың барлық тармағын келісу және оған қол қою үшін қосымша келіссөздер жүргізілетін болды.

«Сонымен қатар Транскаспий халықаралық көлік бағыты (ТХКБ) аясында ынтымақтастықты тереңдету мәселелері талқыланды. Бұл бағыттың дамуы Қазақстан мен Иранның Еуразия кеңістігіндегі негізгі транзиттік буын ретіндегі рөлін нығайтуға септігін тигізеді», – делінген ақпаратта.

Астара және...

Алматыда бос жұмыс орындарының жәрмеңкесі өтеді. Бұл туралы Алматы әкімдігінің баспасөз қызметі хабарлады.

«2025 жылғы 26 қыркүйекте Алматы қаласы Жұмыспен қамту және әлеуметтік бағдарламалар басқармасының «Алматы қаласының еңбек мобильділігі орталығы» коммуналдық мемлекеттік мекемесі Алматы қаласы әкімдігінің қолдауымен жалпықалалық бос жұмыс орындары жәрмеңкесін өткізеді», – делінген әкімдік хабарламасында.

Бұл жәрмеңкеге жұмыс іздеуші азаматтар мен білікті кадрла іздестіріп жатқан жұмыс берушілер шақырылады.

Жәрмеңке халықты жұмыспен қамтуға жәрдемдесуге, жұмыс берушілер мен жұмыс іздеушілер арасында тікелей қарым-қатынас орнатуға мүмкіндік береді.

Бос жұмыс орындары жәрмеңкесі 26 қыркүйек күні Алматы қаласының, Алмалы ауданында, Жібек жолы және Панфилов көшелерінің қиылысында өтед...

Қазақстанның Орталық депозитарийі (KCSD) мен Түркияның Merkezi Kayıt Kuruluşu A.Ş. (MKK) өзара байланыс орнатып, қаржы құралдарына қол жеткізуді жеңілдетті. Алматыда өткен WFC2025 форумында екі ұйым мүшелік пен өзара шот ашу туралы келісімге қол қойды. Бұл туралы компанияның баспасөз қызметі хабарлайды.

Жүйе техникалық тұрғыда толық іске қосылғаннан кейін, инвесторлар мемлекеттік қарыз бағалы қағаздарды омнибустық шоттар арқылы сақтап, есеп айырысуды ыңғайлы жүргізе алады. Бұл тәсіл операцияларды жеңілдетіп, нарыққа шетелдік қатысушыларды көбірек тартуға мүмкіндік береді.

KCSD төрағасы Еділ Медеудің айтуынша, қазақстандықтар Түркияның мемлекеттік облигацияларына тікелей инвестиция сала алады, ал түрік инвесторлары Қазақстан нарығына шығады. Ал MKK басшысы Экрем Арыкан мұны Түркі мемлекеттері арасындағы...

«Қайрат» футбол клубының қақпашысы Темірлан Анарбеков ауруханадан шықты. Бұл жөнінде тренер Рафаэль Уразбахтин хабарлады.

Мұны ол УЕФА чемпиондар лигасы аясында өтетін «Қайрат» – «Реал Мадрид» матчына арналған баспасөз мәслихаты барысында мәлімдеді.

«Дәрігерлердің айтуынша, қазір сүйекті бекіту маңызды. Бұл дұрыс тістеуге мүмкіндік береді. Оны алып тастаған соң, ол жаттығуға кірісе алады. Алайда, бұл – қақпаға тұрып, ойнап кетеді деген сөз емес. Біраз уақыт керек», – деді Рафаэль Уразбахтин.

Тренердің сөзіне қарағанда, Темірлан Анарбеков әзірге арнайы тіссауыт киіп, жаттығуы мүмкін. Оған салынған титандар соққыға әлдеқайда күшті төтеп береді.  Сондықтан дәрігерлер оған жаттығу жасауға рұқсат беріп отыр.

Қырғызстан парламенті – Жоғорку Кеңеш (ЖК) таратылды. Заң шығарушы органның VII шақырылымындағы депутаттар 25 қыркүйекте осындай шешім қабылдады. Бұл туралы Kursiv.Media көрші ел парламенті таратқан мәліметке сүйене отырып хабарлайды.

Жоғорку Кеңеш депутаттары бейсенбі күні парламентті тарату жөніндегі мәселені қарады. 84 депутат заң шығарушы органды тарату ұсынысын қолдады.

Депутат Ұлан Примовтің айтуынша, мұндай шешім бюджет қаражатын үнемдеу мақсатында қабылданды. Өйткені жергілікті заңнама бойынша, парламент сайлауы 2026 жылғы қарашада, ал президент сайлауы содан бір жарым айдан кейін өтуі керек. Мұндай жағдайда көп шығын кетіп, Орталық сайлау комиссиясының жұмысын қиындатады.

Мәліметтерге қарағанда, қырғыз депутаттары жаңа сайлау жарияланған сәтке дейін жұмыс істейді.

Енді қазақстандықтар АҚШ-қа сәлем-сауқат жібере алмайды. Бұл туралы «Қазпошта» хабарлады.

Тауар түріндегі сәлемдемелерді қабылдау және жеткізу 2025 жылдың 26 тамызында АҚШ-тың шекара-кеден қызметі қабылдаған шешімге байланысты тоқтатылған.

АҚШ тарапы енгізген шектеу әлемнің көптеген елінен жіберілетін пошта жөнелтілімдеріне қатысты болып отыр. Қазір Дүниежүзілік пошта одағына мүше 192 мемлекеттің ішінде тек бес мемлекеттен ғана АҚШ-қа сәлемдеме жолдауға болады.

Ал хаттар мен құжаттар АҚШ-қа бұрынғыдай қалыпты режимде жолдана береді.

«Қазпошта» серіктестерімен тұрақты байланыста екенін және қызметті тез арада қалпына келтіру үшін келіссөздер жүргізіп жатқанын атап өтті.

2026 жылдан қосылған құн салығы мөлшерлемесі 12%-дан 16%-ға өспек. Соның салдарынан баға қымбаттай түсетіні анық. Сенат кулуарында журналистер Ұлттық экономика вице-министрі Азамат Әмриннен ҚҚС-тың көтерілуі экономикалық дағдарысқа әкеп соға ма деп сұрады.

Вице-министр дәл құн салығын көтеруден Қазақстан экономикасы дағдарысқа ұшырамайтынына сенімді.

«ҚҚС-тан дағдарыс болмайтыны анық. Алайда жағдайдың қалай өзгеретінін білмейміз. Түрлі жағдай орын алуы мүмкін. Ертең құдай сақтасын, пандемия болса ше? Сондықтан бұл жерде тіке солай деп айту дұрыс емес», – деді ол.

Биыл жазда жаңа Салық кодексі қабылданды. Соған сәйкес, 2026 жылдан қосылған құн салығы қымбаттайды.

Pinduoudo, Temu сынды шетелдік интернет дүкендерден көп тауар алатын қазақстандықтар енді баж салығын төлейді. Сенат тиісті заңды мақұлдады.

«2017 жылғы 11 сәуірдегі Еуразиялық экономикалық одақтың Кеден кодексі туралы шартқа өзгерістер енгізу туралы хаттаманы ратификациялау туралы» заңға сәйкес «Электрондық сауда операторы» ұғымы енгізіліп,  электрондық сауда тауарларына арналған жаңа кедендік декларация түрі пайда болады.

Қолданыстағы заңнамаға сәйкес, шетелдік интернет-дүкендерден жеке тұлғаларға келетін тауарлар жеке пайдалану тауарлары болып саналып, олардан кедендік баж салығы алынбайды.

Енді белгілі бір межеден асатын болса, мұндай тауарлардан 15% көлемінде кедендік баж салығы салынады.

«Тауар көлемі бажсыз әкелу нормасынан...

Мейрамбек Беспаев Айзия қызының тұсаукесер тойын дүркіретіп өткізді. «МузАРТ» әншісінің бұл қуанышына қазақстандық жұлдыздар ортақтасты.

«Айзия Мейрамбекқызының тұсау кесер тойы. Алла тағала тіл-көзден сақтап, инабатты, білімді, саналы болып өсе берсін», – деп жүрекжарды тілегін білдірді Мейрамбек Беспаевтың досы, әріптесі Сәкен Майғазиев.

Тойда Айзия ақ көйлек киіп, басына үкі тағып төрде отырды. Танымал әнші кішкентай бүлдіршінге арнап, қоңыр үнімен ғажайып жаңа ән орындап берді.

«Кішкентай періштенің алғашқы қадамы құтты болсын! Әр басқан қадамына Алланың нұры жаусын!» – деп оқырмандары тілектестік білдірді.

Мұның алдында Мейрамбек Беспаевтың бағын жандырған ұстазы шәкіртіне өкпесін айтқан еді.

Трамвай араға он жыл салып Алматы көшелеріне қайта оралады. «Алматыбасжоспар» бас директоры Асхат Сәдуов осылай деп хабарлады.

SHARE халықаралық сәулетшілер форумына қатысқан Сәдуов трамвай мегаполистің қай көшелерімен жүретінін де түсіндірді.

«Қалаға қайта оралған трамвай «Барлықтан» қатынап, Төле би көшесімен жүреді. Сол дәлізде қатынайды. Біз оның жолын әуежай жаққа тартамыз. Сол арқылы батыс пен шығысты жалғаймыз. Мақсат – тұрғындардың қаланың екі шетіне 20 минутта қатынауға мүмкіндік жасау», – дейді шенеунік.

Оның айтуынша, қазір жобаның техника-экономика негіздемесі әзірленіп жатыр. Оны жүзеге асыру мерзімі қаржының қаншалықты тез табылғанына байланысты болады.

Алматы қаласында трамвай қозғалысы 2015 жылы тоқтады. Сол...

Қаржы мониторингі агенттігінің департаменті «Amir Capital» атты қаржы пирамидасына қарсы тергеу жүргізіп жатыр. Тергеу аясында сот санкциясымен құны 10 млн АҚШ долларынан асатын криптоактивтер мен Алматы облысындағы жер телімі тәркіленді. Сондай-ақ күдіктілердің бірі 2 айға қамауға алынды.

Компания өзін халықаралық инвестициялық қор ретінде таныстырып, үш жыл бойы Қазақстан, Беларусь, Ресей және Қырғызстан азаматтарынан қаражат тартқан. Клиенттерге криптовалюта саудасы, майнинг және түрлі жобаларға инвестициялау арқылы айына 5–10% табыс уәде етілген.

Ай сайын 5–10% табыс береміз деп уәде етіп, салымдарды USDT, BTC және ETH секілді криптовалюталар арқылы арнайы Amir Wallet әмиянына қабылдаған. Ақша криптовалюта саудасына, майнингке және түрлі жобаларға салынады деп...