Жаңалықтар

Қазақстанда 2025 жылдың қаңтар-тамыз айларында 1,34 трлн теңге болатын 96 мыңнан астам автомобиль өндірілді.

Өндіріс көлемі өткен жылмен салыстырғанда 17,3%-ға артты.

20%-ға жоғары

ҚР Ұлттық статистика бюросының дерегінше, тамыз айында Қазақстандағы зауыттар жалпы құны 178,2 млрд теңге болатын 12 944 автомобиль құрастырды. Бұл көрсеткіш былтырғы кезеңмен салыстырғанда 20%-ға жоғары.

Жалпы сегіз айдың қорытындысы бойынша елде құны 1,34 трлн теңге болатын 96 203 автомобиль өндірілді. Бұл – өткен жылмен салыстырғанда 17,3%-ға өсім. Машина жасау саласында автоөнеркәсіптің үлесі – 40,6%.

Алғашқы партия конвейерден түсті

 «Автоөнеркәсіп дамып келеді. Қазір бұл салада тоғыз өндіруші жұмыс істейд...

«Қазақстан Темір Жолы» компаниясы Достық – Мойынты теміржол бағытының екінші жолдарын кезең-кезеңімен іске қосуды жоспарлап отыр. Бұл Қытай мен Еуропа арасындағы жүк транзитін арттыруға мүмкіндік береді. Бұл туралы «ҚТЖ» құрылыс жөніндегі басқарушы директоры Марат Есқалиев Kursiv Infrastructure Forum барысында мәлімдеді.

«Достық – Мойынты учаскесінде жүк қозғалысы біртіндеп, учаскелер бойынша іске қосылып жатыр. Биыл құрылыс толық аяқталады деп жоспарлап отырмыз. Басты міндетіміз – осы екінші жолдарды транзиттік пойыздар қозғалысына пайдалану мүмкіндігін беру, өткізу қабілетін арттыру», – деді ол.

Оның айтуынша, бұл ауқымды жоба қазақстандық компанияның қатысуымен жүзеге асырылуда, ал жергілікті қамту деңгейі 85%-ды құрайды. Атап айтқанда...

2029 жылға қарай ЖІӨ көлемін 450 млрд долларға дейін екі есе ұлғайту міндеті экономикаға инвестицияларды көбейту есебінен жүзеге асырылады. Бұл туралы Ұлттық экономика вице-министрі Арман Қасенов Kursiv Infrastructure Forum барысында айтты.

«2029 жылға дейін ЖІӨ-ні екі есеге көбейту —450 млрд-қа жету деген сөз. Негізгі кедергі — ЖІӨ-ге шаққандағы инвестицияларды көбейту. Мемлекет басшысының жолдауында екі жыл бұрын айтылғандай, экономикалық өсім үшін инвестициялар қажет, және олардың көлемі ЖІӨ-ге шаққанда шамамен 15% деңгейінде… 15% дәл осы ЖІӨ-нің екі есеге өсуіне кедергі болуы мүмкін», — деді ол форумда.

Қасеновтің айтуынша, Президент Қасым-Жомарт Тоқаевтың қойған тапсырмасын орындау үшін Қазақстан...

Жетісу гарнизонында орналасқан Десанттық-шабуылдау әскерлерінің бір әскери бөлімінде сарбаз қаза болды.

Қайғылы оқиға Жоспарлы жауынгерлік дайындық сабақтары барысында болған. Қауіпсіздік талаптарын сақтамау салдарынан мерзімді қызметтегі әскери қызметші қарудан жарақат алып, қаза тапты.

Қазақстан Республикасы Қарулы күштерінің Десанттық-шабуылдау әскерлері баспасөз қызметінің хабарлауынша, сарбаз алған оқ жарақаты өміріне сәйкес келмеген.

Қазір бұл дерек бойынша қылмыстық іс қозғалып, тергеу амалдары жүргізіліп жатыр.

Мұның алдында Шымкентте әскерде қайтыс болған сарбаздың жаназасы шығарылған еді.

Қасым-Жомарт Тоқаевтың Нью-Йоркке жасаған жұмыс сапары сәтті өтті. Қазақстан мен АҚШ-тың ірі компаниялары келіссөз жүргізді.

Нәтижесінде 11 келісім мен меморандумға қол қойылды. Бұл туралы Президенттің көмекшісі-баспасөз хатшысының орынбасары Руслан Желдібай хабарлады.

Құжаттар еліміздің экономикасына 5,2 млрд доллар көлемінде инвестиция тартуды көздейді. Сонымен қатар, олар көлік, логистика, энергетика мен ақпараттық технологиялар сияқты стратегиялық маңызды салаларды қамтиды.

Келісімге қол қойған тараптар қатарында қазақстандық компаниялар бар. Атап айтқанда, олар – «Қазақтелеком», «Қазақстан темір жолы», «Самұрық-Қазына», «ҚазМұнайГаз». АҚШ тарапынан Amazon Kuiper, International Finance Corporation, Lummus Technology, Exxon Mobil, Chevron, LanzaJet, Wabtec және АҚШ-тың Экспорт-импорт банкі бар.

Мұның алдында Тоқаевтың Қытай мен АҚШ-қа сапарының нәтижелер...

Home Credit Bank ресми түрде Болат Өтемұратовтың ForteBank-іне сатылды. Бұл ақпарат KASE сайтында жарияланған хабарламадан белгілі болды.

Құжаттарда қаржы ұйымының нақты қандай үлесі ForteBank-ке берілгені көрсетілмеген. Дегенмен, бұған дейін жасалған келісім бойынша сөз 100% акция туралы болып отыр.

2025 жылдың 27 маусымында ForteBank аталған банктің 100% акциясын сатып алу жөнінде принципті келісімге келгені белгілі болды. Ал 2025 жылдың 13 қыркүйегінде Болат Өтемұратовқа бұл банктің ірі жанама қатысушысы болуға ҚНРДА-дан келісім берілді. Ал ForteBank қаржы ұйымының үлестерін өз құрылымдары арқылы иелену құқығын алып, ресми түрде банктік холдинг мәртебесін иеленді.

Бастапқыда бір банктің екіншісін жұтып алуы жоспарланбаған еді. Алғашқы кезеңде олар параллель...

Франция президенті Эммануэль Макрон Нью-Йоркте өз елінің елшілігіне бармақ болғанда, көшеде қалып қойды.

Бұған АҚШ президенті Дональд Трамптың кортежіне байланысты жолдардың жабылуы себеп болған.

АА ақпаратына қарағанда, БҰҰ Бас Ассамблеясының 80-сессиясына келген Макрон полицейден көшенің неге жабылғанын сұрап, кейін Трампқа қоңырау шалған.

Ол әзілдеп: «Қалың қалай? Білесіз бе, не болды? Мен көшеде тұрмын. Өйткені бәрін сіз үшін жауып тастапты», – деп хабарласқан.

Бірнеше минуттан кейін Макрон телефон арқылы сөйлесіп жүріп, елшілікке жаяу бет алған. Ол Нью-Йорк көшелерімен шамамен 30 минуттай жүріп, тұрғындармен суретке түсті.

Сол сәтте өтіп бара жатқан бір адам Макронмен суретке түсу кезінде...

Samruk-Kazyna Construction компаниясы басқарма төрағасының бірінші орынбасары Ғабит Малғаздаров бір жылға жетпейтін уақыт ішінде жүздеген жайлы мектептің қалай салынғанын айтып берді.

Спикер бастапқыда «Келешек мектептері» ұлттық жобасының жүзеге асуына көпшілік күмәнмен қарағанын айтады. Алайда команда бұл жобаны табысты аяқтап, керісінше дәлелдеген.

«Біз бұл істі тез, үнемді әрі Мемлекет басшысының тапсырмасын уақытында орындап шықтық. Ең бастысы – болашақ ұрпақ үшін қолайлы оқу ортасын жасадық. Мұндай нәтижеге қалай жеттік? Ең алдымен, EPC-келісімшарттар механизмін енгіздік. Ол бұған дейін әлеуметтік жобалар мен бюджет есебінен жүзеге асатын инвестицияларда мүлде қолданылмаған», – деді Малғаздаров Kursiv Infrastructure Forum алаңында.

Осы тәсілд...

Үкімет елде бидайды токенизациялау бойынша пилоттық жобаны іске қосады. Бұл туралы Үкімет үйінің баспасөз қызметі хабарлады.

Баспасөз қызметінің мәліметінше, агросекторға блокчейн енгізу бойынша пилоттық жоба Қостанай облысында сынақтан өткізіледі. Жобаны «Астана» Халықаралық қаржы орталығы (АХҚО) мен өңір әкімдігі бірлесе отырып жүзеге асыратыны айтылған.

Сынақ Қостанай облысында сәтті жүргізілсе, салалық мемлекеттік органдар бұл жоба ауқымын кеңейтуді жоспарлап отыр.

«Астық токенизациясы – бұл нақты астықты блокчейндегі цифрлық токенға аудару. Технология астықты есеп айырысу және сауда, несие алу, тәуекелдерді сақтандыру үшін пайдалануға болатын толыққанды қаржы құралына айналдырады», – дейді Жасанды интеллект және цифрлық даму вице-министр...

Epetition.kz сайтында электросамокаттарға тыйым салуға қарсы петиция жарияланды. Автордың айтуынша, мәселені шешудің дұрыс жолы – адамдарды экологиялық әрі ыңғайлы көлікке отыруға ынталандыру.

«Бұл петиция саналы әрі жауапты электросамокат қолданушыларын қолдау үшін жасалды. Олар ережені сақтайды, қалада қауіпсіз әрі жайлы жүруге тырысады. Иә, самокаттармен байланысты оқиғалар көбейіп келеді, кейде қолайсыздық туғызады. Бірақ автокөліктермен болатын апаттар да артып отыр. 2025 жылдың алғашқы жартысында Алматыда жол апаттары 59%-ға өсті, 42 адам қаза тапты. Ал самокатшылардың кесірінен бірде-бір адам қайтыс болған жоқ. Сондықтан мәселе самокатта емес, биліктің дұрыс саясат жүргізбеуінде. Тыйым салу немесе қисынсыз шаралар жағдайды нашарлатуы мүмкін...

Гонконгқа «Рагаса» атты жойқын супертайфун жетті. Осыған орай сейсенбі, 23 қыркүйек күні Гонконг бірқатар ұшақ рейсін бейсенбіге дейін тоқтатып тастады. Бұл туралы Reuters басылымы хабарлады.

700-ге жуық рейс тоқтады

Дауылға байланысты Гонконг халықаралық әуежайы (HKIA) 23 қыркүйектен бастап 25 қыркүйектің таңына дейін жолаушылар рейсін қабылдамайды. Елге 36 сағат бойы ұшақ қатынамайды. Дауылға байланысты 700-ден астам рейс тоқтаған. Кеме порттары да жұмысын тоқтатқан. Билік халықтан үйден шықпай, қауіпсіз орындарды паналауды сұрады.

Тайфун кезінде желдің жылдамдығы 260 км/сағатқа жетуі мүмкін екені айтылады. Дауыл қуаты жағынан 5-ші санатқа жатқызылған. Дауыл теңіз толқындарын 3 метрге дейін көтеріп, қатты...

«Samruk-Kazyna Construction» АҚ басқарма төрағасының бірінші Ғабит Малғаздаров «Келешек мектептері» ұлттық жобасы аясында салынып жатқан мектептердің құрылысы қалай қадағаланатынын айтып бердді.

Ғабит Малғаздаров «Жайлы мектеп» ұлттық жобасы аясында 217 заманауи мектептің құрылысы қолға алынғанын атап өтті. Бұл жоба тек жаңа ғимараттар салумен шектелмейді, сонымен қатар бүкіл білім беру жүйесіне жаңа сапа стандарттарын енгізуді көздейді.

Құрылыс барысы қалай бақыланады

Әрбір мектеп құрылысына күн сайын бақылау жүргізетін үш түрлі тәуелсіз техникалық сарапшы бекітілген. Олар – құрылыс жұмыстары, инженерлік желілер және жабдықталу бойынша мамандар. Сарапшылар апта сайын фото және есептерді электронды жүйеге жүктеп отырады. Бұған қоса, мердігер компаниялар бейнебақылау орнатып, жұмыс барысын...

23 қыркүйекте Қытай төрағасы Си Цзиньпин Шыңжаң Ұйғыр автономиялы өңірінің құрылғанына 70 жыл толуына арналған салтанатты жиынға қатысу үшін Үрімжіге барды. Бұл туралы Kursiv.Media Reuters мәліметіне сүйене отырып хабарлайды.

Синьхуа агенттігінің мәліметінше, ҚХР басшысы сейсенбі күні Шыңжаңда түрлі этникалық топтар мен қауымдардың өкілдерімен кездесті. Ол көпшілікті «қытай өркендеуі процесі барысында ғажап Шыңжаңды дамытуға күш салуға үндеді».

Шыңжаң өңірінің қалыптасуы XVIII ғасырдың екінші жартысында басталған. 1760 жылы Цинь империясы Жоңғария мен Шығыс Түркістанды біртұтас әскери-әкімшілік өңірге біріктіріп, оны Шыңжаң (Жаңа аумақ) деп атайды. Кейін ол провинцияға айналады. Ал 1955 жылы ҚХР құрамында Шыңжаң Ұйғыр автономиялы ауданы құрылды. Биыл...

Алматыда жылумен жабдықтау қызметі бойынша өсімпұлды есептен шығару акциясы 31 желтоқсанға дейін жалғаспақ.

Алматы жылу жүйесінің хабарлауынша,  борышкерлерге қарызын өсімпұлсыз өтеуге мүмкіндік берілген.

«Алматы жылу жүйесі» ЖШС жылу және ыстық су үшін берешегін өсімпұлсыз өтегісі келетін тұтынушыларға арналған «Қарызды төле – өсімпұлды алып тастаймыз!» акциясының жалғасып жатқанын хабарлайды. Науқан мерзімі шектеулі екенін еске саламыз, ол 2025 жылы 31 желтоқсанда аяқталады», – делінген хабарламада.

Жауапкершілігі шектеулі серіктестіктің мәліметінше, осы уақытқа дейін 760 борышкер осы мүмкіндікті пайдаланған. Мұның арқасында жылу және ыстық су үшін қарыз болған тұрғындар өсімпұлдан құтылады. Сонымен қатар мүліктеріне салынған шектеулер мен тыйымдарды алып...

Тұрғын үй коммуналдық шаруашылық саласын (ТҮКШ) жаңғыртуға бюджетттен тыс қаржы тартуға болады. Өйткені ТҮКШ – инвестиция барынша тез қайтатын сала. Үкімет энергетика және коммуналдлық секторды жаңғыртуға 13 трлн теңге бөлуді жоспарлап отыр. Соның ішінде 6,8 трлн теңгесін тозығы жетіп тұрған инженерлік желілерді ауыстыруға жұмсамақ. Бұл инвестиция тарифтерді қымбатттау есебінен өтеледі. Ұлттық экономика вице-министрі Арман Қасенов Kursiv Infrastructure Forum барысында тұтынушының қалтасына салмақ салмас үшін, тарифтер алдағы 6 жылда ақырындар көтерілетінін айтты.

«Біздің есебімізше, 200-ге тарта кәсіпорынды жаңғырту керек. Тарифтерді қаншаға көтеру керек екенін есептеген кезде, тарифті 6 жыл ішінде кезең-кезеңімен қымбаттату салмақ түсірмейтінін анықтады...

Олимпиада-80-нің күміс жүлдегері, қазақстандық боксшы Серік Қонақбаев Астана халықаралық қаржы орталығы (АХҚО) алаңында холдингтік компанияны тіркеді. Бұл туралы алғаш болып Finmentor арнасының авторы Арман Батаев хабарлады. 2025 жылдың мамырында Қонақбаев алғаш рет Forbes Kazakhstan тізіміне еніп, 73-орынға тұрақтаған еді.

Олимпиада жүлдегерінің компаниясы
KazCore Energy Ltd. компаниясы АХҚО алаңында 18 қыркүйекте құрылды. Оның құрылтайшылары – Серік Қонақбаев пен Triple A Holding Ltd. компаниясы. Соңғысы АХҚО-да бір күн бұрын, 17 қыркүйекте тіркелген.

Екі компанияның да негізгі қызмет саласы – холдингтік қызмет. Сондай-ақ екеуін де Серік Қонақбаевтың ұлы Аманат Қонақбаев басқарады. Акционерлік капитал көлемі бірдей – 100 мың теңге.

Серік Қонақбаев – 1980 жылы...

Бүгін, 23 қыркүйек күні, Алматыда өтетін «Қайрат» пен «Реал Мадрид» арасындағы көптен күткен матчқа билеттердің ресми сатылымы кешкі сағат 17:00-де басталмақ. Алайда сатылымға дейін-ақ сағат 15:30 шамасында Ticketon.kz сайтында 9 мыңнан астам адам кезекте тұр.

Ticketon мәліметінше, матчқа билеттерді сату екі сатылы кезек жүйесі арқылы жүзеге асады: алдымен сайтқа кіру үшін күту бөлмесі ашылады, кейін арнайы матчқа арналған жеке кезек қалыптасады.

Билеттердің бағасы 30 мыңнан 250 мың теңгеге дейін, ал әр жанкүйер ең көп дегенде екі билет қана сатып ала алады. Сонымен қатар әр билет жеке ЖСН-ге тіркеледі.

Жанкүйерлердің көпшілігі билеттерді Freedom SuperApp, Ticketon.kz және Qairat SuperApp ресми платформалары...

Қырғыз парламенті өзін-өзі таратады, бұл бастаманы «саяси тұрақсыздықтың алдын-алу мақсатында» профильдік комитет мақұлдады.

24 ақпаратына қарағанда, Жогорку Кенештің Конституциялық заңнама, мемлекеттік құрылым, сот-құқықтық мәселелер және регламент жөніндегі комитеті парламенттің өзін-өзі тарату мәселесін қарады.

Бұл мәселе бойынша депутат Улан Примов баяндама жасады. Ол 2027 жылдың қаңтарында президенттік сайлау жоспарланғанын еске салды. 2026 жылдың қарашасында бұдан бұрын парламенттік сайлау өтуі тиіс.

«Бұл саяси тұрақсыздыққа әкелуі мүмкін. Мемлекетте билік тармақтары толық күшінде жұмыс істеуі тиіс. Екі ірі сайлау науқанын қатар ұйымдастыру қаржылық, адами және материалдық-техникалық ресурстарды көп қажет етеді. Бұл сайлау жүйесіне шамадан тыс салмақ түсіріп, қателіктер мен...

Бүгін 23 қыркүйек, сейсенбі күні Астанада футзалдан Қазақстан және Италия құрамалары Еуропа чемпионаты-2026 турниріне жолдама үшін жауапты матчын өткізеді.

Ойын 19:30-да басталып, жанкүйерлер үшін «Qazsport» телеарнасынан тікелей эфирде көрсетіледі.

Алғашқы ойын 18 қыркүйекте Италияның Фазано қаласында өткен болатын. Италияда алаң иелері 2:1 есебімен жеңіске жетті. Итальяндықтар сапынан 15-минутта Джованни Пульвиренти, 29-минутта Юлио Де Оливейра көзге түссе, Қазақстан құрамасының жалғыз голды 32-минутта Шыңғыс Есенаманов соқты.

Естеріңізге сала кетейік, футзалдан Еуро-2026 чемпионаты 20 қаңтар мен 7 ақпан аралығында Латвия, Литва және Словенияда өтеді. Қазіргі Еуропа чемпионы — Португалия құрамасы.

Қазақстанда апатты және үш ауысымды мектептер мәселесі 2026 жылға дейін толығымен шешіледі. Оқу-ағарту министрлігінің Инвестициялық саясат және инфрақұрылымды дамыту департаментінің директоры Әділбек Мұсабаев осылай деп мәлімдеді.

Kursiv Infrastructure Forum-ның пленарлық сессиясында Мұсабаев алдымен «Жайлы мектеп» жобасы аясында атқарылып жатқан жұмыстарға тоқталды. Оның айтуынша, «Жайлы мектеп» жобасы тек жаңа мектептер салумен шектелмейді. Бұл бастама жалпы білім беру жүйесін алға сүйрейтін қозғаушы күшке айналады деп сендірді.

« Басты мақсат – алдағы 2–3 жылда еліміздегі барлық мектепті «Жайлы мектеп» деңгейіне барынша жақындату. Бұл жоба жалпы білім беру сапасын арттыруға ықпал етеді», – деді ол.

Сондай-а...

Президент Қасым-Жомарт Тоқаев «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына жолдауында Қазақстанды үш жыл ішінде цифрлы елге айналдыру мәселесін көтерді. Осы орайда ЖИ мүмкіндіктірін білім саласына да біртіндеп енгізіп, заман талабынан қалмау қажет екенін баса айтты. KursivMedia редакциясы салаға ЖИ енгізу үрдісі қалай жүргізілетіні оның ұстаздар мен оқушылар үшін әсері қандай болатыны жөнінде Ы.Алтынсарин атындағы Ұлттық білім академиясының президенті Нәзипа Аюбаевадан сұрап білді. Академия басшысы қазіргі заман сұранысына сай білім беру жүйесіне ЖИ енгізу аса маңызды міндеттердің бірі екенін айтты. Ұлттық білім академиясы басшысының жалпы салаға ЖИ енгізу мәселесіне қатысты ойы...

Қазақстан теміржол саласы соңғы жылдары жаңа даму кезеңіне өтті. 2022 жылдан бастап «ҚТЖ» жалпы ұзындығы 4600 шақырым болатын 12 ірі инфрақұрылымдық жобаны жүзеге асырып жатыр. Бұл туралы Kursiv Infrastructure Forum-ға қатысқан Көлік министрлігі Теміржол және су көлігі комитеті төрағасының міндетін атқарушы Нұржан Келбұғанов айтты.

Спикердің сөзінше, жобалардың жалпы құны шамамен – 5 млрд доллар. Оның ішінде тек бір жоба Ұлттық қор есебінен қаржыландырылса, қалғандары компанияның өз қаржысы мен мемлекеттік кепілдікпен алынған қарыз қаражаты арқылы жүзеге асады.

Қазірдің өзінде халықаралық сарапшылар елдің транзиттік әлеуетін жоғары бағалап отыр.

«Халықаралық консалтингтік компаниялардың бағалауынша, Қазақстанның транзиттік әлеуеті шамамен...

Қазақстанға 2029 жылға қарай Жалпы ішкі өнімді (ЖІӨ) екі есе арттыруға экономикаға жыл сайын 100-105 млрд доллар инвестиция тарту қажет. 2024 жылы елге 41 млрд доллар қаражат сырттан құйылған. Ұлттық экономика вице-министрі Арман Қасенов Kursiv Infrastructure Forum-ында осылай деп мәлімдеді.

«ЖІӨ-ні екі есе өсіру үшін ондағы инвестиция үлесін 15%-дан 23%-ға дейін арттыруды көздеп отырмыз. Бұл дегеніңіз инвестиция көлемі екі еседен де көп құйылуы керек дегенді білдіреді. Былтыр инвестиция 41 млрд доллар болса, ол 2029 жылы 100-105 млрд долларға жетуі тиіс. Тағы қосымша 60 млрд доллар инвестиция қажет», – деді ол Kursiv.Media ұйымдастырған форумда.

Вице-министрдің айтуынша...

Қазақстанда инженерлік желілер 60%-ға тозған. Ал бизнес өкілдері мемлекеттің бұл саланы 100 пайыз қаржыландыруы жеке инвестицияны ығыстырады деп есептейді. Экономист Расул Рысмамбетовтың пікірінше, ең дұрысы – мемлекет кепілдік беріп, бастапқы қолдау көрсетуі керек. Бұл туралы ол  Kursiv Infrastructure Forum форумы барысында айтты.

Рысмамбетовтың айтуынша, соңғы жылдары мемлекеттік инвестициялар белсенді жүріп жатқандықтан, инфляцияға да әсер еткен. Оның сөзінше, елдегі инфрақұрылым жүйелері ескірген, сондықтан мемлекеттің араласуы заңды. Дегенмен инвестор көзімен қарағанда, әрдайым Қазақстанда жол салу, қойма тұрғызу қаншалықты тиімді, жобаның болашағы қандай деген сұрақ туындайды.

Сарапшы Алматы облысында іске қосылған қойма инфрақұрылымына негізделген «Даму» логистикалық компаниясының тағдырын мысалға келтірді. Бұл жоба қарыз...