Жаңалықтар

Ақтөбедегі «Нұр Ғасыр» мешітінің 38 жастағы қызметкері 15 жастағы жасөспірімді ұрып-соқты деген айыппен сотқа тартылды.

Kriminal kazakhstan мәліметінше, оқиға биыл ақпан айында тарауық намазынан кейін болған. Жасөспірім досына көрсету үшін бөтен адамның кроссовкасын қолына алып, артынша орнына қайта қойған. Мешіт қызметкері мұны ұрлық жасау әрекеті деп ойлап, оқушылардың біріне шабуыл жасаған.

Айыптау нұсқасына сәйкес, ер адам жасөспірімді жерге құлатып, оның басынан кемінде алты рет тепкен. Оқиға бейнебақылау камераларына түсіп қалған.

Салдарынан жасөспірім миы шайқалып, бас миынан жарақат алған. Ол 20 күннен астам уақыт ауруханада емделіп, кейін бірнеше ай бойы үй жағдайында оңалтудан өткен.

Сотталушыға «Денсаулыққа қасақана орташа ауырлықтағы зиян...

Шымкентте LRT орнына Sky Train аспалы монорельсті желісін салу жобасы зерттеліп жатыр. Қала билігі жеңіл рельсті көлік жобасынан бас тартып, жылдам қоғамдық көліктің балама түрлерін зерттеуде. Бұл туралы Kursiv.media BES.media-ға сілтеме жасап хабарлайды.

Шымкент LRT-ден не үшін бас тартты

Қалалық жолаушылар көлігі және автомобиль жолдары басқармасы мәліметінше, қазіргі уақытта Шымкентте классикалық LRT құрылысын іске асыру жоспарда жоқ. Оның орнына қала үшін жылдам әрі тиімді қоғамдық көлік жүйесінің басқа нұсқалары қарастырылып жатыр.

Солардың бірі – Sky Train аспалы монорельсті жүйесі. Дегенмен жоба әзірге тек тұжырымдамалық деңгейде зерттелуде. Оны салу туралы нақты шешім, бағыты, жүзеге асыру мерзімі және қаржыландыру...

Түркістан облысы Сауран ауданында биологиялық белсенді қоспалар өндіретін зауыт құрылысы басталды. 20,4 млрд теңгенің жобасын Orzax түрік компаниясы жүзеге асырады.

Түркістан облысында өндіріс пен фармацевтика саласын дамытуға бағытталған ірі инвестициялық жоба қолға алынды. Сауран ауданындағы «Turan» арнайы экономикалық аймағына қарасты «Ораңғай» қосалқы экономикалық аймағында «Orzax Central Asia» компаниясының биологиялық белсенді қоспалар өндіретін зауытының құрылысы басталды.

Өңір басшысы Нұралхан Көшеровтің айтуынша, Түркістан облысында фармацевтикалық өнімдерді тұтыну нарығының 100 млрд теңгеге жуығы импортқа тәуелді екені анықталған.

«Orzax Central Asia» компаниясының құрылтайшысы – Алимоглу Селман. Кәсіпкер зауыт құрылысы белгіленген мерзімде аяқталатынын айтты. Құрылыс жұмыстары 2026-2027 жылдары жүргізіледі.

Облыс әкімдігінің мәліметінше, кәсіпорынға...

Таразда ірі металлургия зауытының құрылысы басталды. Жобаны «Тараз өндірістік комбинаты» ЖШС мен Қытайдың «Guangdong Wantai Supply Chain Co., Ltd.» компаниясы бірлесіп жүзеге асырады.

Жамбыл облысы әкімдігінің баспасөз қызметі жаңа кәсіпорын «Тараз» индустриялық аймағының аумағында салынып жатқанын хабарлады.

«Guangdong Wantai Supply Chain Co., Ltd.» директоры Чжоу Циньхуэйдің айтуынша, жобаға құйылатын инвестиция көлемі 61 миллиард теңгені құрайды.

Кәсіпорын толық қуатына шыққан кезде жылына 1 миллион тоннаға дейін металл өнімін шығаратын болады. Оның қатарында болат рулондары, тот баспайтын болаттан жасалған бұйымдар, дәнекерленген және мырышталған құбырлар, арматура және басқа да металл өнімдері бар.

Зауыттың бірінші кезеңін 2028 жылдың бірінші тоқсанында іске қосу...

Алматы қаласының батыс аудандары арқылы ағып жатқан Тастыбұлақ өзенінің жағалауын көркейтіп жатыр.

Шаһар әкімдігінің мәліметінше, өзеннің екі жағалауымен жалпы ұзындығы 1,4 шақырымдық серуендеу алаңы салынады. Ол жаяуларға ыңғайлы.

Жағалау Сәбденов көшесінен Райымбек даңғылына дейін көркейеді.

Тұрғындардың серуендеп, демалуына қолайлы қоғамдық кеңістік қалыптастыру көзделген. Жоба қаладағы қоғамдық кеңістіктерді дамытуға және қолайлы орта қалыптастыруға бағытталған.

Бұған дейін Алматыдағы Республика алаңы жөнделіп, субұрқақтар орнатылып, жаңа аялдамалар қойылған.

Шығыс Қазақстан облысында балық аулауға шыққан бір топ адамның шатырына шар тәрізді найзағай түскен.

YK-news.kz хабарлауынша, соның салдарынан іштегі генератор мен автономды жылытқыш істен шықты.

Оқиға Өскемен маңындағы өркениеттен алыс орналасқан, жол, электр жарығы мен ұялы байланыс жоқ Қара Қаба өзенінің жоғарғы ағысында болған.

Балықшылардың айтуынша, алғашқы күннің кешінде ауа райы күрт бұзылып, қара бұлт торлап, қатты жел тұрып, найзағай ойнаған. Олар алдын ала жағалауға тігілген үлкен шатырға кіріп, киімдерін кептіру үшін бензин генераторы мен автономды жылытқышты қосқан.

Арада бірнеше минут өткенде нөсер жауын басталып, шатырдың төбесіне үстел теннисі добының көлеміндей жарқыраған от шары пайда болған.

Мемлекеттік тұрғын үй бағдарламаларының операторы – «Отбасы банк» 2025 жылы 126 млрд теңге таза пайда алған. Бұл жоспарлы көрсеткіштен 5 пайызға артық.

Банктің 2025 жылғы аудиттелген есебіне сәйкес, банктің таза пайдасының артуына тұрғын үй мемлекеттік бағдарламалары әсер еткен.

«Екінші деңгейдегі банктер мен ипотекалық компаниялардың халыққа тұрғын үй салу мен сатып алуға несие беру нарығындағы белсенділігінің бірқалыпты өсуі, сондай-ақ қазақстандықтарды қолжетімді баспанамен қамтамасыз ету және құрылыс бойынша жаңа мемлекеттік әрі басқа да бағдарламалардың енгізілуі Отбасы банкінің нарықтағы үлесінің артуына және тұрғын үй құрылыс жинақтарына деген қызығушылықтың өсуіне оң әсерін тигізд...

30 шілдеде Жапонияның Kiryu FM радиостанциясы Димаш Құдайбергеннің шығармашылығына арналған Music Forever бағдарламасының кезекті арнайы шығарылымын ұсынады.

Dimashnews.com порталының мәліметінше, бағдарлама аясында Димаш Құдайбергеннің орындауындағы «Aqerke» халық әнінің жаңа нұсқасы алғаш рет радио эфирінен беріледі.

Kiryu FM радиостанциясы жапон тыңдармандарын Димаш Құдайбергеннің шығармашылығымен 2020 жылдан бері таныстырып келеді.

Осы уақыт ішінде радиостанция эфирінде әйгілі әншінің барлық жаңа туындысы беріліп, оның шығармашылығына бірнеше рет арнайы бағдарламалар жасалды.

«Кезекті Dimash Special арнайы шығарылымы Dimash Japan Fan Club жапон жанкүйерлер клубының өкілдерінің қатысуымен дайындалды. Бағдарлама аясында «Aqerke» әнімен қатар Love’s Not Over Yet, Kieli Meken, Love of...

Toyota компаниясы 13-буындағы Corolla моделі туралы алғашқы мәліметтерді жариялады. Жаңа көлік жаңартылған дизайнға, қайта жасалған интерьерге және бірнеше қуат қондырғысына, соның ішінде толық электрлі нұсқаға ие болады.

Болашақ модельдің алғашқы бейнесі жапониялық NHK телеарнасы компанияның болашақ көліктерін әзірлеуге арналған деректі фильмінде көрсетілді. Автокөлік кадрларда әдейі бұлыңғыр етіп берілгенімен, оның сұлбасы мен дизайн элементтерінің бірқатарын байқауға болады.

Тизерге қарағанда, жаңа Corolla 2025 жылдың күзінде таныстырылған концепттің негізгі дизайн ерекшеліктерін сақтап қалады. Седанның шанағы бұрынғыдан да аэродинамикалық пішінге ие болып, бүйір терезелері жіңішкере түседі, ал алдыңғы бөлігі өткір әрі заманауи стильде жасалады.

Жаңа Corolla-ның басты ерекшеліктерінің бірі – еңіс пішінд...

Қазақстандық жас талант Дастан Сәтбаев «Челси» сапында алғаш рет негізгі құрамда алаңға шығып, гол соқты.

«Челси» мен «Сидней» арасындағы ойынының 6-минутында сол жақ қапталдан серпіле ұмтылған Дастан қарсылас айып алаңына басып кіріп, шебер соққымен қақпаның алыс бұрышын дәл көздеді.

Алғашқы минуттардан-ақ өзіне деген сенімділігін көрсеткен Дастан қазақ жанкүйерлерінің мерейін үстеп қылып, бапкердің үмітін ақтады.

Ойынның тікелей трансляциясын сілтеме арқылы көре аласыз.

Ресей Федерациясының Алтай Республикасында екі қазақ азаматы жол апатынан қаза тапты. Көлікте болған басқа жолаушылар түрлі жарақат алып, ауруханаға жеткізілді.

Алтай Республикасы ІІМ алдын ала мәліметінше, қайғылы жағдай 27 шілде күні кешке Улаган ауданында, Ақташ ауылына жақын жерде болған. Сағат 20:30 шамасында Toyota Avensis көлігін басқарған 31 жастағы жергілікті тұрғын қарсы жолаққа шығып кетіп, Қазақстан азаматы басқарған Chevrolet Nexia көлігімен соқтығысқан.

Chevrolet жүргізушісі мен оның 44 жастағы жолаушысы ауыр жағдайда аудандық ауруханаға жеткізілді, алайда дәрігерлер оларды аман алып қала алмады.

Сондай-ақ Toyota көлігінің 21 жастағы жолаушысы және Chevrolet көлігіндегі үш жолаушы ауруханаға жатқызылды. Полиция өкілдері Chevrolet ішіндегі барлық қаза...

Қайтыс болған әйелдің туыстарының айтуынша, сәуір айында 52 жастағы әйел күйеуіне ажырасқысы келетінін айтқан.

Kriminal kazakhstan ақпаратына қарағанда, бірнеше күн өткен соң ер адам оның киімдері мен құжаттарын, сондай-ақ ортақ балаларының құжаттарын өртеп жіберген.

Кейін ол жұбайын аңдып жүріп, бейсбол таяғымен шамамен 28 рет соққы жасаған. Алған жарақаттары салдарынан әйел көз жұмды.

Марқұмның туыстары ер адамның көп жылдар бойы ішімдікке салынғанын, әйелін ұрып-соққанын және ол кетіп қалуды шешкеннен кейін де аңдығанын айтады.

Оқиғадан кейін күдікті қашып кеткен, алайда көп ұзамай ұсталып, қамауға алынды.

«Кісі өлтіру» бабы бойынша қылмыстық істі тергеу аяқталды. Сот талқылауы 29 шілдеде басталады.

Алматы облысыны...

Eurasian Resources Group (ERG) өзінің Бразилиядағы ірі тау-кен активі – Bahia Mineração (BAMIN) компаниясын сату жөніндегі келіссөзді аяқтауға жақын. BNamericas басылымының хабарлауынша, португалиялық Mota-Engil тобымен арадағы бұл мәміле екі айдың ішінде өзара келісіммен жабылуы мүмкін.

Жобаның ауқымы қандай

BAMIN – орасан зор инфрақұрылымдық және өндірістік кешенді қамтитын бірегей жоба. Оның құрамына:

ERG активті 2008 және 2010 жылдары екі траншқа бөліп, жалпы жиынтығы 976 млн АҚШ долларына ($1 млрд-қа жуық) сатып алған .

Алайда, кен орнын, теміржол...

Орал қаласына жақын маңдағы Хан тоғайы аумағында болған табиғи өрт толығымен сөндірілді. Батыс Қазақстандағы өрт шамамен 18 гектарға жайылған.

Төтенше жағдайлар министрлігінің хабарлауынша, тоғай өртінен ешкім зардап шеккен жоқ. Алайда сейсенбі күні Орал тұрғындары қаланы түтін басқанына шағымданған.

Оқиға орнында жұмысты үйлестіру үшін жедел штаб құрылып, барлық қызмет өртті сөндіруге жұмыла кірісті. Құтқарушылар отты сөндіруге екпіні қатты жел кедергі келтіргенін айтты. Соның салдарынан жалын тез таралып, аумағы ұлғая түскен.

Күрделі ауа райына қарамастан, министрлік бөлімшелері орман шаруашылығы қызметкерлерімен бірлесіп өртті жедел оқшаулап, кейін толығымен сөндірді. Олар өрттің одан әрі таралуына жол бермеді.

Тоғайдағы өртті сөндіруге 100-ден астам адам...

Алматыда 14 тамызда өтетін Канье Уэсттің (YE) концертіне байланысты «Қайрат» футбол клубының өз матчын Түркістанға ауыстыруы қоғамда үлкен талқы тудырды. Басты сұрақ ойын орнын ауыстырған клубқа қанша өтемақы төленеді және Орталық стадионның табиғи көгалы бұзылмай ма?

Бүгін Қазақстан Баспасөз клубында өткен баспасөз жиынында KursivMedia тілшісінің сұрағына ұйымдастырушы First Media Group компаниясының басқарушы директоры Әлфия Нұрғұмарова жауап берді.

«Тбилисиде 21 күн берілсе, бізде 7-ақ күн»

Ұйымдастырушылардың айтуынша, бұл ауқымды іс-шараны дайындау уақыт жағынан өте тығыз өткелі тұр. Өзге елдердің тәжірибесімен салыстырғанда, Алматыдағы Орталық стадионды дайындауға берілген мерзім өте қысқа.

«Мысалы, Тбилисиде дәл осылай стадионды концертке дайындау үшін 21 күн...

Жаз басталғалы бері елдің бірнеше өңірінде жарықтың жоспардан тыс өшуі тұрғындардың мазасын қашырды. Мәселен бұндай жағдайлар Алматы облысы мен Алматы қаласында, Орал қаласында жиі кездеседі. Үкіметте өткен брифингте энергетика министрлігінің өкілі Ернар Хасенов жағдайға қатысты түсініктеме берді.

Айтуынша, Алматы қаласы мен Алматы облысында электр энергиясының штаттан тыс сөніп қалуы болып тұрады, бірақ мұндай жағдай барлық жерде орын алады.

Дегенмен министрлік өкілі соңғы үш жылда Алматыдағы жарық беру кезіндегі бұзушылықтар саны 3 есеге азайғанын алға тартты.

«Ресми статистикаға сүйенсек, соңғы үш жыл ішінде Алматы қаласы мен Алматы облысында электр беру желілеріндегі технологиялық бұзушылықтар саны үш...

Қазақстанда инженерлік желілердің ескіруі, апаттардың жиілеуі мен қуат тапшылығы коммуналдық қызмет сапасын төмендетіп отыр. Әсіресе, сумен жабдықтау мен су бұру саласындағы түйткілдер өзекті. Осыған байланысты 2025–2029 жылдарға арналған энергетика және коммуналдық инфрақұрылымды модернизациялау жоспары іске асырылып жатыр.

Қанша қаржы құйылады

Ұлттық экономика вице-министрі Асан Дарбаевтың айтуынша, 2025–2029 жылдары энергтика мен коммуналдық салаларға 13 триллион теңге бағытталады. Бұл қаражаттың 6,8 триллион теңгесі коммуналдық секторға, ал 6,2 триллион теңгесі энергетикаға арналған.

Бағдарламаға жеке және шетелдік инвестициялар да тартылмақ. 2026 жылы тұрғын үй-коммуналдық шаруашылығын қаржыландыру екі есеге ұлғаяды.

Бес жылдық жоба аясында мынадай көрсеткіштерге қол жеткізу...

Шымкентте Нұрай Серікбайдың қазасына қатысты басты сот талқылауы кезінде сотталушы марқұмды пышақтаған сәтін баяндап берді.

Сотталушы Шерхан Аймахан Нұрай Серікбайға пышақ жарақатын қалай салғаны мүлдем есінде жоқ екенін айтты. Оның сөзінше, сол сәтте есінен танып, аффект күйінде болған.

«Алдында айтып өткенімдей, Нұраймен қоштасу үшін бардым. Содан кейін ол маған балағат сөздер айтып, көкірегімнен ұра бастады. Мен оған кішкентай пышақты бердім, сол сәтте сол қолымен соққы жасаған соң (оң жақ бүйірін көрсетті), өзімді жоғалтып алдым, әрі қарай есімде жоқ», – дейді Шерхан Аймахан.

Сотталушы Нұрай Серікбайға қанша рет пышақ сұққаны және бірінші пышақтаған кезі туралы...

Түркістан облысы Бәйдібек аудандық мәслихатының депутаты Ерғали Аманбаевқа қатысты сотқа дейінгі тергеу басталып, күдікті ретінде қамауға алынды.

Ақпаратты Түркістан облысы полиция департаментінің баспасөз қызметі растады.

Тергеу амалдары басталды

Ведомство мәліметінше, қазіргі уақытта оқиғаның барлық мән-жайын анықтауға бағытталған тергеу амалдары жүргізіліп жатыр.

«Тергеу қорытындысы бойынша қолданыстағы заңнама аясында тиісті процессуалдық шешім қабылданады. Тергеу мүддесіне байланысты өзге ақпарат жарияланбайды», – деп хабарлады полиция департаменті.

Halyqstan ақпаратына қарағанда, Бәйдібек аудандық полиция бөліміне Алматы қаласының тұрғынынан арыз түскен. Әйелдің айтуынша, ол Қытайдан келген төрт әлеуетті инвестормен бірге Байжансай ауылына қорғасын-мырыш кенін өндіру жобасын талқылау үшін барған.

Алматы қаласының Абай даңғылы мен Әуезов көшесі қиылысында, жолдың қақ ортасында асқабақ өсіп шықты. Оның жемістері пісіп жетіліп қалды.

Алатау бөктеріндегі ірі мегаполисте түрлі жеміс ағаштары көп екенін тұрғындардың бәрі біледі. Бірақ алматылықтар орталық көшенің бойына асқабақ жеміс салғанын бірінші рет көріп отыр. Оның суретін алғашқылардың бірі болып қала тіршілігі туралы хабар тарататын Almaty Update байқады.

Әлеуметтік желіге жүктелген суретте асқабақтың екі ірі жеміс салғанын, олардың бірі пісіп жетіліп қалғанын байқауға болады. Асқабақ көше ортасына егілген ағашқа жармаса, жайқалып өсіп тұр.

Қазір желідегі белсенділер көкөніс тұқымының көше ортасына қалай түскені туралы түрлі болжамдар айтып жатыр:

Қазақстандық Relog IT-компаниясы өзінің бұрынғы қызметкерлеріне қатысты сот процесін бастады. Қылмыстық және азаматтық істердің қозғалуына интеллектуалдық меншікті заңсыз басып алу және өкілеттікті асыра пайдалану себеп болған. Экс-менеджменттің әрекетінен келген жалпы шығын 2 млрд теңгеден астам деп бағаланып отыр. Бұл туралы Relog баспасөз қызметінің хабарламасында айтылған.

Активтерді шығару және Census өнімін иемденіп алу

Компания мәліметінше, бас директордың бұрынғы міндетін атқарушы Мұхтар Лекер мен экс-аналитик Алмаз Қисапов қызметін пайдалана отырып, Census аналитикалық өнімін заңсыз шығарып алу үшін сөз байласқан.

Схема бойынша бөгде заңды тұлға тіркеліп, оған Relog-тың қолданыстағы клиенттермен келісімшарттары жасырын түрде қайта рәсімделген. Компаниядан кеткеннен кейін фигуранттар иемденіп алған өнімге...

Қазақстанда жаңа энергия көздерімен жүретін (NEV) автокөлік нарығы қарқынды өсім көрсетіп отыр.

«Қазақстанның Автокөлік Одағының» (ҚАО) мәліметінше, 2026 жылдың қаңтар-маусым айларында ресми дилерлер 3 657 NEV автокөлігін сатқан. Бұл өткен жылдың сәйкес кезеңімен салыстырғанда 266%-ға немесе 3,5 есе көп (2025 жылы – 998 көлік).

Алты ай ішінде сатылған көліктердің 2 640-ы – қосылатын гибридтер (PHEV) мен жүріс қоры ұлғайтылған электромобильдер (EREV). Ал 1 017-сі – толық электрлі көліктер (BEV).

Қандай көліктерге қызығушылық жоғары

ҚАО президенті Анар Мақашеваның айтуынша, жаңа энергия көздерімен жүретін көліктер Қазақстан нарығындағы ең қарқынды дамып келе жатқан сегменттердің біріне айналды.

«Қазіргі таңда жаңа энергия көздеріне негізделген...

Freedom Ticketon ұсынған 23-26 шілде аралығындағы кассалық түсімдер қорытындысы бойынша отандық кинотеатрларда үлкен өзгерістер орын алды. Прокатқа жаңадан шыққан режисер Кристофер Ноланның «Одиссея» фильмі алғашқы демалыс күндері-ақ рекордтық көрсеткіш орнатып, Box Office көшін бастады.

«Одиссея» – әйгілі режиссер Кристофер Ноланның Гомердің классикалық эпосына негізделіп түсірген ауқымды картинасы. Түсірілім толығымен IMAX форматтағы 70-мм таспада жүргізіліп, режиссерге тән визуалды эффектілер мен шынайылықты барынша сақтаған. Сюжет Троя соғысынан кейін үйіне оралуға тырысқан Одиссейдің қауіпт...

Премьер-министр Олжас Бектенов 28 шілдедегі үкімет отырысында инвестициялық жобаларды жүзеге асыру қарқыны бәсең өңірлердің бірі ретінде Алматы облысын атады. Астанадағы жиналыста Үкімет басшысының айтуынша, осы облыста әлі күнге дейін жобалар бойынша келісімшарт жасалмаған.

Сейсенбідегі жиналысқа қатысқан Алматы облысының әкімі Марат Сұлтанғазиев айтылған сынға жауап беруге тырысты. Оның айтуынша, өңірде энергетика және коммуналдық салаларды жетілдіру бойынша 62,9 млрд теңгенің 10 жобасы қарастырылған. Олардың төртеуін жергілікті атқарушы мекемелер, қалған алтауын (58,9 млрд теңге) «Алатау Жарық Компаниясы» (АЖК) жүзеге асыруға тиіс.

«АЖК» конкурстық рәсімдер жүргізіп жатыр. Қорытындылары 25 қыркүйекке дейін шығарылады. Жергілікті атқарушы органдар 50% жоспарды орындады. Жылу желілерін...