Жаңалықтар

Қазақстанда алғашқы әскери дайындықтың жаңартылған ережелері бекітілді. Бұл туралы Қорғаныс министрлігінің баспасөз қызметі хабарлады.

Тиісті бұйрыққа ведомство басшысы қол қойды. Жаңа ережелер мектептерде, колледждер мен жоғары оқу орындарында АӘД пәніне бірыңғай тәсілді көздейді. Ең алдымен, пәнге бұрынғы тарихи атауы – «Алғашқы әскери дайындық» қайтарылды (қазіргі атауы – «Алғашқы әскери және технологиялық дайындық»).

Сабақ барысында практикалық жаттығулар мен оқу-далалық жиындар көбейтіледі. Сонымен қатар, оқушыларға әскери қызметшілердің құқықтары, міндеттері және әлеуметтік кепілдіктері туралы түсіндіру жұмыстары жүргізіледі.

 «Біз пәнді оның нақты мазмұнына сай етеміз. Бұл азаматтарды армияға дайындаудың бірінші кезеңі. Балалар әскери қызметшінің жарғысын, міндеттерін, қызметтен...

Қазақстан экономикасында ақша массасы артып келеді. Мәселен қазан айында жалпы ақша массасының және оның теңгедегі құрамдасының жылдық өсу қарқыны тиісінше 17,7% және 17,8%-ды құраған. Бұл туралы Ұлттық банктің ақша-кредит саясаты туралы баяндамасында жазылған.

Ақша ұсынысының кеңеюі бірнеше арна арқылы жүріп жатыр және қазіргі макроэкономикалық жағдайда бұл үрдіс экономикалық белсенділік, кредит беру динамикасы және салық саясатымен тығыз байланысты.

Банктер жаппай кредит беріп жатыр

Ақша массасының өсуіне әсер ететін негізгі факторлардың бірі – банктердің кредит беруі қос таңбалы қарқынмен өсуі. Ұлттық Банктің деректері бойынша корпоративтік кредиттер мөлшерлемелері тұрақты сақталғанымен, ипотекалық несиелеу белсенді түрде артқан, ал...

Парламент Сенатында жер қойнауын пайдалану туралы заң жобасына енгізілетін өзгерістер мен толықтырулар талқыланып жатыр. Құжатта уран саласына жеке басымдық берілген.

Сенатор Шәкәрім Бұқтұғұтовтың сөзінше, заң жобасы шеңберінде аз зерттелген аумақтар шегінде көмірсутектерді барлау және өндіру бойынша жаңа түрдегі келісімшарттар енгізіледі. Бұл инвесторларға геологиялық зерттеулерді өз қаражаты есебінен дербес жүргізуге мүмкіндік береді.

«Сондай-ақ «аз зерттелген аумақтар» ұғымының өзі және аумақтарды осы санатқа жатқызу тәртібі нақтыланады. Бұл жер қойнауының геологиялық зерттелу деңгейін арттыруға және барланған көмірсутек қорларын игеруге мүмкіндік береді. Бюрократиялық рәсімдерді қысқарту және бизнес үшін қолайлы жағдай жасау мақсатында аз зерттелген аумақтар бойынша аукционды жеделдетілген тәртіппен өткізу...

Каспий теңізінің Ресейдегі Дағыстан жағалауында 500-ге жуық итбалық өлексесі табылды. Қызыл кітапқа енген жануардың жаппай қырылып жатқанын жергілікті тұрғындар хабарлады, деп жазды «Коммерсантъ».

Басылым мәліметінше, Дағыстан табиғат министрлігінің мамандары Махачкала, Қарабұтақкент, Каякент және Дербент аудандарындағы жағалауларды шолып шықты. Олар 484 өлексе тапты. Итбалық қырылып жатқанын жергілікті тұрғындар 1 желтоқсанда байқаған.

Министрлік мәліметті тиісті органдарға жолдады. Мекемелер зерттеу жүргізіп, теңіз жануарының не себепті қырылғанын анықтауы тиіс.

Басылым мәліметінше, кейінгі жылдары ғалымдар вирусология сараптамасын жүргізген. Олар жұқпалы дертті таппаған.

«Итбалықтардың жаппай қырылуының басты себебі – сейсмикалық белсенділік кезінде теңіз қайраңынан көтерілген күкіртқышқыл мен метан газынан улану...

Алматылық «Қайрат» футбол клубының қақпашысы Темірлан Анарбеков маусымның үздік ойыншысы деп танылды.

Жас голкипер биылғы маусымда ерекше ойын мәнерімен көзге түсіп, ұлттық біріншілікте де, халықаралық аренада да жанкүйерлер мен мамандардың жоғары бағасын алды.

Темірлан Қазақстан чемпионатында ғана емес, УЕФА-ның назарына түсіп, Еуропада өткен бірнеше ойындарда матчтың үздігі атанған.

Еске сала кетейік, бұған дейін «Қайраттың» жартылай қорғаушысы Валерий Громыко Беларусьтің жыл ойыншысы атанған еді.

Қазақстанда инфляциялық қысым 2025 жылдың соңына қарай бәсеңдегенімен, әлі де жоғары күйінде қалып отыр. Сондықтан Ұлттық банк 2026 жылғы инфляцияға қатысты болжамын 9,5%-12,5% деңгейіне дейін көтерді. Бұл туралы қаржы ұйымының ақша-несие саясаты жөніндегі баяндамасында жазылған.

2025 жылғы қарашада инфляция 12,4% деңгейінде қалыптасты. Оған негізінен Үкіметтің дағдарысқа қарсы шаралары аясында коммуналдық қызмет ақысының көтерілмеуі себеп болған. Дегенмен, инфляцияның құрылымында тұрақты проинфляциялық факторлар сақталады.

Атап айтқанда, азық-түлік бағасы қымбатшылықтың негізгі драйвері болып отыр. Қарашада баға 13,4% өскен. Азық-түліктің қымбаттауына шетелде келетін тауарлар бағасының қымбаттауы, импорттың артуы, өндірушілердің шығынының өсуі себеп. Әсіресе ет, өсімдік...

Офтальмологиялық қызметтерді біржолғы зейнетақы төлемдерімен төлеуге арналған өтінімдер enpf-otbasy.кz платформасында қабылданбайды.

Бұл өзгеріс 4 желтоқсаннан бастап күшіне енеді. Десе де, осы күнге дейін жолданған барлық өтінім бұрынғы тәртіппен қаралады.

Atameken Business ақпаратына қарағанда, өтінім қабылдауды тоқтату – Денсаулық сақтау министрлігі бекіткен жаңа ережелерге байланысты. 3 желтоқсанда жарияланған бұйрыққа сәйкес, енді зейнетақы жинағын стоматологияға да, офтальмологияға да қолдануға рұқсат жоқ.

Стоматология бағыты жабылғаннан кейін, офтальмологияға сұраныс 7 есеге өсіп, 1 264 өтінімге жеткен.

«Банк тексеріс барысында күмәнді жағдайларды да анықтады. Әртүрлі клиенттер бір клиникамен келісімшарт жасағанымен, құжаттарда клиниканың мекенжайы әр қалада әртүрлі көрсетілген. Тексеру кезінде бұл...

Өжет шағын ауданының тұрғындары жерді арзан бағаға сатуға қарсы шығып жатыр. Алматы әкімдігі Тілендиев көшесін ұзарту үшін жүздеген жер телімін сатып алуды көздейді. Бұл туралы Kursiv.Media қала әкімдігінің мәліметіне сүйене отырып хабарлады.

Қала билігінің мәліметінше, 3 желтоқсан Алматы әкімінің орынбасары Бейбіт Шаханов Алатау ауданының тұрғындарымен кездесті. Әкімдік өкілімен жүздесуге отыз шақты адам келді. Олар Тілендиев көшесін ұзарту үшін сатып алынатын жер телімдері мен тұрғын үйлердің өтемақысына қатысты мәселені талқылады.

Шаханов қала дамып келе жатқанын, жаңа жолдар мен әлеуметтік нысандар қажет екенін айтқан. Сонымен бірге ол шаһар билігі бағаға ықпал ете алмайды деп мәлімдеген.

Білім беру инфрақұрылымын қолдау қоры жемқорлардан тәркіленген қаражат есебінен толығып келеді.

Оқу-ағарту министрлігі таратқан ресми мәліметке сүйенсек, мектептерде орын жетіспеушілігі мәселесін шешу мақсатында жаңадан білім беру ұйымдарын салу немесе жаңғырту, оған жапсарлас ғимараттар салу жұмыстары жүргізіліп жатыр.

«Мемлекет балалар үшін жайлы әрі қауіпсіз білім беру ортасын қалыптастыруға ерекше көңіл бөледі. Бүгінгі таңда 86 мыңнан астам орындық 77 мектеп пайдалануға берілді. Олардың басым бөлігі Алматы, Түркістан, Қызылорда, Жамбыл облыстарында және Астана қаласында орналасқан», – деді Инфрақұрылымды дамыту департаментінің басқарма басшысы Жайық Мақсұтов.

Қор қаражаты есебінен 100 мыңға жуық оқушыға арналған 89 мектептің құрылысы қаржыландырылған.

Түркістан облысында жеті минуттық тарихи роликке 100 млн теңге бөлген. Бұл оқиға көпшіліктің сынына ұшырап, облыс әкімі тексеріс жүргізуді тапсырды.

«Облыс әкімі Нұралхан Көшеров аталған шарттың жасалған жағдайларын жан-жақты тексеруді, соның ішінде қажетті рәсімдердің сақталуын және бюджет қаражатының мақсатты пайдаланылуын қамтамасыз етуді тапсырды», – деп жазылған облыс әкімдігінің хабарламасында.

Дауға «Ұлы Дала Елі орталығы» мекемесі «G7 Exclusive» ЖШС-ға тапсырыс берген ролик себепші болған. Мәдениет басқармасының мәліметінше, видеоролик Қазақстан тарихын ежелгі дәуірден бүгінгі күнге дейін түрлі көркемдік формалар арқылы көрсетуі тиіс. Оған петроглифтер, «аң стилі», шығыс миниатюралары, ұлттық өрнектер, кескіндеме, графика...

Ересектерге арналған Pornhub сайтының бұрынғы қожайыны Бернд Бергмайр санкцияға ұшыраған «Лукойл» мұнай компаниясының шетелдегі активтерін сатып алғысы келеді. Аустриялық кәсіпер АҚШ қаржы министрлігіне өтініш түсірді. Бұл туралы Reuters хабарлады.

Агенттік мұндай мәліметті жағдаймен жақсы таныс екі түрлі дереккөзге сүйене отырып таратты. Құрама Штаттар енгізген шектеулер «Лукойл» ресейлік компаниясына шетелдегі активтерін саудаға шығаруға мәжбүрледі. Қазірдің өзінде ірі мұнай жобаларына Exxon Mobile, Chevron секілді алпауыттар қызығып отыр. Енді олардың қатарына Бергмайер де қосылды.

Кәсіпкер «Лукойлдың» нақты қай активі қызықтыратынын айтпады.

«Lukoil International GmbH компаниясы жақсы инвестицияға айналар еді. Әркім мұндай...

4 желтоқсан – бұрыннан ойда жүрген қадамдарды жасауға итермелейтін, жаңалықтары мен тосын сыйы көп күн болуы мүмкін. Kursiv LifeStyle Geocult.ru деректеріне сүйене отырып, барлық белгілерге арналған жорамал дайындады.

Тоқты

Бүгін сіздің бастамаңыз ерекше нәтижелі болуы мүмкін. Әсіресе, келіссөздер бастауға қолайлы уақыт. Бизнес мәселелерінде ашық сөйлесуден қорықпаңыз, бұл процесті жылдамдатады. Қаржы жағы орынды тәуекелді талап етеді: жаңа инструменттерге салым жасау болашағынан үмітті. Жеке өмірде сөзге абай болыңыз – шынайылығыңыз кейде қатты естіліп, түсініспеушілік тудыруы мүмкін.

Торпақ

Қаржылық фокус серіктестік ресурсқа ауысып, күтпеген өзгерістер әкелуі ықтимал. Апта қиын болуы мүмкін, алайда стратегиялық серіктестік үшін өте сәтті кезең. Қаржыда ұсыныстардың астарындағы жасырын тұстарды...

АҚШ-та бір жанат арақ-шарап сататын дүкенге кіріп, ондағы заттарды талқандап, ішімдікке сылқия тойып алған.

ABC Virginia ақпаратына қарағанда, содан кейін дәретханаға кіріп, ұйықтап қалған.

Таңертең ерте Вирджиния штатының Ашленд қаласындағы дүкен қызметкері жұмысқа келгенде еденде қымбат ішімдіктің сынған бөтелкелерінің шашылып жатқанын көрген.

Мас жанат айықсын деп жануарларды паналататын орынға жіберген. Бірнеше сағаттан кейін есін жиған соң, ол теңселіп жүріп, табиғи мекеніне қайта оралған.

Ал Құлсарыда бұйдасынан босап кеткен түйе балаға шабуыл жасаған еді.

Президент Қасым-Жомарт Тоқаев таеквондошы Бейбарыс Қабыланды Әлем чемпионатындағы жеңісімен құттықтады, деп хабарлайды Ақорда.

«Бейбарыс Қабыланды таеквондодан 21 жасқа дейінгі жастар арасында Әлем чемпионы атануымен құттықтаймын! Ол Кенияда өткен байрақты бәсекеде еліміздің мерейін үстем етіп, Қазақстан тарихында таеквондодан алғашқы алтын жүлдені жеңіп алды. Спортшының алар асуы, бағындырар биігі көп болуына тілектеспін», – делінген Ақорда жариялаған құттықтауда.

Бейбарыс Қабылан бүгін Кенияның Найроби қаласында өтіп жатқан жасөспірімдер арасындағы Әлем чемпионатының финалында Оңтүстік Кореядан келген спортшы Ян Чжуненді жеңіп, 87 келі салмақтағы Әлем чемпионы болды.

Финалға шыққанға дейін Бейбарыс төрт жекпе-жек өткізіп, Үндістан, Түркия және Ираннан келген қарсыластарынан...

Қостанай қаласының барлық мектептерінде оқушылар апта соңына дейін онлайн оқиды. Шешім жергілікті білім бөлімінде қабылданды.

Жергілікті «Алау» басылымның ақпаратына сүйенсек, сырқаттанушылық мониторингі негізінде Қостанай қаласының барлық 37 жалпы білім беретін мектебінде қашықтықтан оқыту форматын ұзарту туралы шешім қабылданған.

«Бұл білім беру процесіне қатысушылардың барлығының қауіпсіздігін қамтамасыз етуге және денсаулығын сақтауға мүмкіндік береді», — деп хабарлады өңірлік білім басқармасында.

Коллежддерде ауырып жатқандардың саны 2,5 мыңнан астам адамға жеткен (жалпы студенттер санының 11%). 11 колледжде 90 топ қашықтықтан оқытылады.

Бұған дейін қашықтықтан оқыту 3 желтоқсанға дейін ұзартылған болатын.

Қазақстанның солтүстігінде, батысында және шығысында жауын-шашын, көктайғақ, тұман күтіледі, оңтүстігінде кей жерлерде жаңбыр жауады. «Қазгидромет» 4 желтоқсанға ауа райы болжамын ұсынды.

Ақтөбе полициясы 16 жастағы жасөспірім анасын өлтіріп, 72 жастағы әжесіне пышақ салғаннан кейін қылмыстық іс қозғады. Бұл туралы облыстық полиция департаменті хабарлады.

«Ақтөбе полициясының кезекші бөліміне қалалық пәтерлердің бірінде аса ауыр қылмыс жасалғаны туралы хабарлама келіп түсті. Шақыру бойынша келген азаматтар зорлық-зомбылық белгілері бар әйелдің денесін тапты. Сонымен қатар, сол пәтерден медициналық мекемеге пышақ жарақаты бар қарт әйел жеткізілді», — делінген ведомство хабарламасында.

Зардап шеккен зейнеткер №1 көпсалалы ауруханаға жеткізілді. Дәрігерлердің айтуынша, оның жағдайы тұрақты деп бағаланады, өмірге қауіп төнбейді.

Оқиға болған кезде отбасының әкесі вахтада болған.

«Күдікті дереу ұсталып, уақытша...

Мәжіліс депутаты Айдарбек Ходжаназаров Қазақстандағы микробизнес үшін таңбалауға мораторий енгізуді ұсынды. Оның айтуынша, кәсіпкерлер талаптарға сай болу үшін 900 мың теңгеге дейін қаражат жұмсайды.

Мәжіліс отырысында депутаттар қазақстандықтардан өңірлерге шығу барысында келіп түскен мәселелерді айтты. Депутат Айдарбек Қожаназаровтың айтуынша, тауарды міндетті түрде таңбалау микробизнесті өлтіреді. Шағын кәсіпорындардың дайындық деңгейін ескермей таңбалау талабын енгізу олардың жабылуына әкелуі мүмкін.

«Бүгінде кәсіпкерлер талаптарға сай болу үшін 900 мың теңгеге дейін жұмсайды. Көмек болмаса, олар аман қалмайды. Маңызды тауарлардан басқасын таңбалауға 2027 жылға дейін мораторий енгізуді ұсынамыз», – деп атап өтті депутат.

Айдарбек Қожаназаров, сондай-ақ, жүйені бір нүктеге...

Астананың Сарыарқа ауданындағы Бекетай көшесінде қатар тұрған екі ғимарат отқа оранып, өрт сөндірушілер арнайы штаб құрды, деп хабарлайды Төтенше жағдарлай министрлігі.

«Осы сәтте Астанадағы Сарыарқа ауданында, Бекетай көшесіндегі ғимараттардың бірінде шыққан өртті өрт сөндірушілер сөндіріп жатыр», – делінген ТЖМ хабарламасында.

Ақпаратқа сүйенсек, өрт сөндірушілер оқиға орнына келген кезде екі қабатты ғимараттың бірінші қабатындағы гаражда екі автокөлік жанып жатқан. От көршідегі төрт қабатты қонақүйдің шатырына дейін жайылып кеткен.

Қалалық төтенше жағдай департаменті оқиға орнында жедел штаб құрып, өрт сөндірудің 2 учаскесі ұйымдастырған. Ғимараттарға оқпандар енгізіліп, су жеткізу қызметі іске қосылған.

Өрттің одан ары тарамуы үшін...

Жақында істі болып, Париж түрмесінде 20 күн отырып шыққан Францияның бұрынғы президенті Николя Саркозидің қамау орнына өзі-ақ барғанын әлемдік БАҚ жарыса жазған еді. Бас бостандығынан айырылған Саркозидің өзімен бірге екі кітап (Дюманың «Граф Монте-Кристо» атты романы мен тарихшы Жан-Кристиан Петифис жазған Иса Мәсіхтің өмірбаянын) ала барғаны да сөз болды.

Осы орайда Қазақстан түрмелерінде жазасын өтеп жүргендер қандай кітаптарды көп оқиды екен деген сұрақ туындады. 

Ішкі істер министрлігі Қылмыстық-атқару жүйесі комитетінің (ҚАЖК) биылғы жылы жинақталған деректерге сүйеніп берген мәліметіне қарағанда, елдегі түзету мекемелерінде отырғандар жиі сұрататын кітаптардың ішінде отандық, шетелдік көркем әдебиет классикасы (Абай, Әуезов, Достоевский, Толстойды...

Қазақстанда «Ол Салтанат еді. Бір қыздың өлімі үлкен елдің заңнамасын қалай өзгертті» деген атпен Салтанат Нүкеноваға арналған кітап жарыққа шықты. Кітап авторы Нүкенованың ағасы – Айтбек Амангелді.

Салтанат Нүкенова бұрынғы ұлттық экономика министрі Қуандық Бишімбаевтың қолынан қаза тапқан. Айтбек Амангелдінің айтуынша, қарындасы қайтыс болғаннан кейін, қыздың отбасы мен қоғам белсенділері әділ сотқа қол жеткізіп, заңнаманы реформалау туралы бастама көтерді. Кейінірек қоғамдағы өзгерістер «Салтанат заңы» деп аталды.

«Біздің басымыздан өткен оқиға адамдарға отбасы құндылығын және жүйеге қарсы шығудан қорықпай, әділеттілікке қол жеткізуге болатынын еске салады деп үміттенемін», – деп жазды Айтбек Амангелді.

Кітапта Салтанаттың жұбайымен...

Қазақстан президенті Қасым-Жомарт Тоқаев еңбек және халықты әлеуметтік қорғау министрі Светлана Жақыповамен кездесті, деп хабарлады Ақорданың баспасөз қызметі.

«Президент әлеуметтік-еңбек саласындағы мемлекеттік саясаттың негізгі бағыттарының іске асырылу барысы туралы баяндаманы тыңдады», — делінген хабарламада.

Светлана Жақыпова еңбек министрлігінің қызметі туралы толық ақпарат берді. Министрдің сөзінше, 2029 жылға қарай жұмыспен қамту жоспарының 83% орындалып, соңғы бес жылда 2,7 млн адам жұмысқа орналасты. Тұрақты жұмыс орындарын құру бойынша өңірлік жұмыспен қамту карталарын және жыл сайынғы KPI орындау жалғасуда.

Министр 2025 жылдың он айында атаулы әлеуметтік көмек алушылар саны 30%-ға төмендегенін, бұл шын мәнінде мұқтаж жандарға қаржылы...

Ертең, 4 желтоқсанда Қазақстанға ресми сапармен Еуропалық Кеңес Президенті Антониу Кошта келеді, деп хабарлайды Ақорда.

«Қасым-Жомарт Тоқаев пен Антониу Кошта келіссөз жүргізіп, екіжақты ынтымақтастықтың даму перспективасын талқылайды», – делінген хабарламада.

Айта кетейік, 2025 жылы Қазақстан Республикасы мен Еуропалық Одақ арасындағы кеңейтілген әріптестік және ынтымақтастық туралы келісімге қол қойылғанына 10 жыл толды.

Осыған дейін Антониу Коштамен Тоқаев сәуір айында Өзбекстанның Самарқан қаласында кездескен. Ол кездесуде Еуропа Одағы Қазақстанның ірі сауда серіктесі әрі шетелдік инвесторы саналатынын баса айтылған еді. Елімізге Еуропа елдерінен тартылған тікелей инвестицияның 40%-дан астамы аталған ұйымға тиесілі. Былтыр Қазақстан мен Еуропа Одағына мүше елдердің тауар...

Түркістан облысы Арыс қаласында полиция қызметкерлерінің қатысуымен болған жол-көлік оқиғасына қатысты дау туды. Тұрғындар қызмет көлігімен соқтығысқан полицейді кінәлайды. Ал полиция тұрғындар заңды талапқа бағынбады деп отыр.

Жарақат алған бір адамның жағдайы ауыр

Оқиға 30 қарашаға қараған түні Арыс қаласындағы Тәжібаев көшесі мен Байтұрсынов көшесінің қиылысында тіркелген. 36 жастағы Сәкен Садықовтың сөзінше, көлікте өзімен бірге екі адам болған. Оларды қарсы бағытта келе жатқан полиция көлігі соққан.

«Байтұрсынов көшесінде тұрамын. Өз көшемізге бұрылған сәтте полиция көлігі қарама-қарсы бағытпен келіп, сол жақ беттен соқты. Сол соққыдан көлік талға ұрылды. Есеңгіреп, есімнен танып қалдым», – дейді ол.