Жаңалықтар

Елдің солтүстік пен батыста қар жауып, жол тайғақ болып, тұман болады, ол оңтүстікте күн жылынады. «Қазгидромет» 31 қаңтарға арналған ауа райы болжамын ұсынды.

Сербиялық теннисші, әлемнің төртінші ракеткасы Новак Джокович Australian Open–2026 турнирінің жартылай финалында жеңіске жетіп, финалға жолдама алды.

Жартылай финалда Джокович әлемнің екінші ракеткасы италиялық Янник Синнермен кездесті. Қарсыластар арасындағы тартысты матч бес сетке созылып, серб теннисшісінің пайдасына аяқталды – 3:6, 6:3, 4:6, 6:4, 6:4.

Теннисшілер кортта 4 сағат 9 минут өнер көрсетті. Кездесу барысында Новак Джокович 12 эйс жасап, үш қос қателікке бой алдырды. Сондай-ақ сегіз брейк-пойнттың үшеуін сәтті пайдаланды.

Финал: Джокович – Алькарас

Финалда Джокович әлемнің бірінші ракеткасы, испаниялық Карлос Алькараспен кездеседі. Алькарас өз кезегінде драмаға толы жартылай финалда неміс теннисшісі Александр Зверевті жеңген...

Bereke Bank акционері катарлық Lesha Bank атынан 2024 жылға дивидендтер төлемеуге шешім қабылдады. Бұл ретте жылдық пайданың 16 млрд теңгесі әзірге бөлінбеген кіріс шотына бағытталатын болады.

26 қаңтарда Катарда өткен қазақстандық Bereke Bank акционерлерінің жиналысы меншік иесіне 2024 жылғы пайдадан дивидендтер төлемеу туралы шешім қабылдады.

16 млрд теңге мөлшеріндегі барлық жылдық пайда «өткен жылдардағы бөлінбеген таза пайда» шотына бағытталатын болады. Дивидендтер кейінірек төленуі де мүмкін.

Айта кетейік, Bereke Bank-тің 2025 жылғы 700-Н нысаны бойынша есебіне сәйкес, банктің пайдасы 59,6 млрд теңгені құрады. Бұл ретте өткен жылдардың жалпы бөлінбеген пайдасы 2025 жылдың соңына қарай 103,4 млрд теңгеге жетті.

2024 жылдың қазан...

2026 жылғы 30 қаңтардағы жағдай бойынша Мемлекеттік ақпараттық жүйе – «Қазақстандық тауарөндірушілер тізіліміне» (КТП) енгізу үшін барлығы 11 609 өтінім түскен. Тексеру нәтижесінде 457 субъектіден берілген 2 556 өтінім кері қайтарылды. Оның ішінде 41 компанияның 206 өтінімі төмен скоринг көрсеткіштеріне байланысты қабылданбаған.

Қазіргі таңда КТП тізілімінде 605 субъектіден 2 671 өтінім тіркелген.

Бірқатар кәсіпорындардың өтінімдері өндірістік қызметтің нақты расталған белгілерінің болмауына байланысты мақұлданбады. Атап айтқанда, «SapAZ» ЖШС, «ДатаХимПром» ЖШС, «Samruk Orda» ЖШС, «Reemax» ЖШС, «Golden Way LTD» ЖШС, «Шебер» ҚОБ және «DD21» өкілдері ұсынған құжаттар мен бейнематериалдарда көрсетілген қызмет тәсілдері мен форматтары мәлімделген деректерге сәйкес келмеген.

Қазақстан Республикасы Өнеркәсіп және...

Қазақстан құрамасының экс-футболшысы Александр Меркель астаналық «Жеңіс» клубына ресми түрде трансфер жасады.

Жеңіске ауысқанға дейін 34 жастағы Меркель БАӘ чемпионатының Екінші лигасының «Легентус» клубында ойнады. Футболшы орталық немесе шабуылдаушы жартылай қорғаушы позициясында өнер көрсетеді.

Ол осыған дейін «Милан» құрамында Италия чемпионы (А сериясы) болды. «Милан» ересектер командасы үшін Меркель мансабының алғашқы жылдарында 2010/11 және 2011/12 маусымдарында 13 матч өткізді. Сонымен қатар, ол итальяндық «Удинезе» және «Дженоа», ағылшын «Уотфорд», нидерландтық «Эраклес», түрік «Газиантеп» клубтарында өнер көрсеткен.

Конституция жобасының мәтіні БАҚ беттерінде және Конституциялық сот сайтында жарияланады. Бұл туралы Конституциялық Соттың төрағасы Эльвира Азимова Конституциялық комиссияның кезекті отырыстында хабарлады. Ол комиссияның жұмысы ашық және мазмұнды түрде жүріп жатқанын атап өтті.

Қолданыстағы негізгі заң преамбула, 9 бөлім, 101 баптан тұрады. Ал ұсынылып отырған нұсқада преамбула, 11 бөлім, 95 бап бар.

Екі бөлім қосылды

Халық кеңесі және Конституцияға өзгерістер мен толықтырулар енгізу деген екі бөлім қосылған. «Жалпы бөлім» «Конституциялық құрылыстың негіздері»; «Адам және азамат» бөлімі «Негізгі құқықтар, бостандықтар мен міндеттер»; «Парламент» бөлімі «Құрылтай»; «Соттар және сот төрелегі, прокуратура, адам құқықтары жөніндегі уәкіл» бөлімі «Сот төреліг...

АҚШ президент Дональд Трамп өзінің салық декларациялары, сондай-ақ компаниялары мен отбасы мүшелерінің декларациялары туралы мәліметтердің заңсыз ашылуына байланысты АҚШ Қаржы министрлігінің Ішкі кірістер қызметін сотқа берді, деп жазады NBC News.

Майами федералды сотына берілген арызда Трамптың президент емес, жеке тұлға ретінде әрекет ететінін жазылған. Өзге талапкерлер ретінден оның екі ұлы, кіші Дональд Трамп пен Эрик Трамп және Трамп ұйымы кіреді.

«Жауапкерлер талапкерлерге бедел мен қаржылық зиян келтірді, оларды қоғам алдында ұятқа қалдырды, олардың іскерлік беделіне әділетсіз нұқсан келтірді және президент Трамп пен басқа талапкерлердің беделіне теріс әсер етті», — делінген шағымда.

АҚШ салық басқармасыны...

Қазақстандағы дәріханаларда бірнеше препарат арзандаған. Бұған Денсаулық сақтау министрлігінің рұқсат етілген шекті бөлшек сауда бағасын реттеу туралы бұйрығының әсерінен болған. Кейбір препараттар 26% арзандады, деп хабарлады министрлік баспасөз қызметі.

Әңгіме ҚР ДСМ-нің 24.06.2025 жылғы № 59 «ҚР ДСМ-нің 11.12.2020 жылғы № ҚР ДСМ-247/2020 «ТМККК шеңберінде және МӘМС жүйесінде дәрілік заттарға, сондай-ақ, медициналық бұйымдарға шекті бағаларды және үстеме бағаны реттеу, қалыптастыру қағидаларын бекіту туралы»бұйрығына өзгерістер мен толықтырулар енгізу туралы» бұйрығы туралы болып отыр.

Дегемен кәсіпкерлер Денсаулық сақтау министрлігінің мұндай шешіміне наразы болған. Өйткені кейбір дәрі-дәрмекті сату кезінде шығынға ұшырап жатқандарын айтқан. Себебі шекті рұқсат етілген бағалар сатып алу бағасынан төмен...

Көлік министрлігі салада 2026 жылы қандай жаңашылдықтар болатыны турасында ақпарат жариялады.

Көлік министрлігі 2026 жылы елде көлік апаттары мен оқиғаларын тергеу орталығы құрылатынын хабарлады. Бұл орталық қара жәшіктерді тәуелсіз талдауға, әртүрлі тексеру түрлеріне, соның ішінде оларды қалпына келтіруге мүмкіндік береді.

Көлік саласындағы жаңашылдықтары туралы ведомство ресми хабарламасында тәптіштеп баян еткен. Ол мәліметтерге сәйкес, биыл Қазақстанның әуе компаниялары жаңа 9 әуе кемесін сатып алуды жоспарлап отыр. Сонда жалпы әуе флоты 118 ұшаққа дейін артады.

Маршруттық желіні кеңейту аясында Вена (Австрия), Абу-Даби (БАӘ), Эр-Рияд (Сауд Арабиясы), Сиань, Шанхай (Қытай), Дели (Үндістан), Рим (Италия) және басқа да бағыттар бойынша әуе...

М. Әуезов атындағы Оңтүстік Қазақстан университеті ректоры қызметін уақытша атқарған Қайрат Нұрманбетов бостандыққа шықты. Бұл туралы бүгін қалалық сотта өткен баспасөз мәслихатында айтылды.

Ол қылмыстық кодекстің «Салғырттық» және «Сенiп тапсырылған бөтен мүлiктi иемденiп алу немесе талан-таражға салу» бабымен айыпталып, 5 жылға бас бостандығынан айырылған болатын.

«Қайрат Нұрманбетов Қылмыстық кодекстің 371-бабы 2-бөлігімен кінәлі деп танылып, қылмыстық құқық бұзушылық жасаған күнінің мерзімі ескіріп, өтуіне байланысты қылмыстық жауаптылықтан босатылды. Ол Қылмыстық кодекстің 361-бабы 4-бөлігімен кінәсіз деп танылып, іс-әрекетінде қылмыстық құқықбұзушылық құрамының болмауына байланысты ақталған», – деді қалалық соттың қылмыстық істер жөніндегі сот алқасының төрағасы Бәйдібек Дүйсебеков.

Нұрманбетовпен бірге...

Counterpoint Research аналитикалық компаниясы 2025 жылы ең көп сатылған смартфондар рейтингін жариялады. Әлемдік нарықта iPhone 16 көшбасшы атанды. Ал ең танымал он модельдің жиынтық үлесі жаһандық сатылымның шамамен 19%-ына жеткен.

Үздік ондықта Apple-дің жеті моделі, ал Samsung-тің үш моделі кірді. Сарапшылардың айтуынша, бұл екі өндірушінің жаппай нарықтағы үстемдігі төртінші жыл қатарынан сақталып отыр.

iPhone 17 саудасы қызып тұр

Сарапшылар iPhone 17 желісіне сұраныстың жоғары болғанын атап өтті. Сатылым басталғаннан кейінгі алғашқы тоқсанда оның сатылымы алдыңғы буынмен салыстырғанда 11%-ға артқан. Негізгі үлесті iPhone 17-нің базалық нұсқасы, сондай-ақ Apple экожүйесіне «кіру нүктесіне» айналған iPhone 16e қосты. Бұл модельдер АҚШ...

Ақтауда жеңіл көлік гүл сататын дүкеннің витринасынан сындырып кіріп кетті. Оқиғаға сауда нүктесінің қызметкерлері түсініктеме берді.  

Оқиға 28 қаңтар күні 28-шағынауданда, №59 үйдің 3 корпусы ғимаратында болған.

Lada.kz хабарлауынша, 30 қаңтарда Instagram желісінде көліктің кенеттен гүл дүкеніне кіріп кеткен сәті түсірілген видео тарады. Оқиға кезінде дүкен ішінде адамдар болған.

Сауда нүктесінің иесінің айтуынша, жүргізуші тайғақ жолда көлікті басқара алмай, гүл дүкенінің кіреберіс бөлігіне соғылған. Соққы салдарынан шыны витрина мен есіктер зақымданған.

Директордың сөзінше, көлікті ресепшн тірегі тоқтатып қалған. Соның арқасында машина ғимарат ішіне тереңірек кіре алмаған.

«Барлығы өте тез болды. Сатушы қыздар шошып...

Талдықорғанда қаза тапқан Айзат Жұманованың туыстары президент Қасым-Жомарт Тоқаевқа үндеу жасады.

Істің мән-жайы

Қайғылы жағдай Жетісу облысы Баласаз ауылында болған. Тергеу дерегінше, 2025 жылдың 21 маусымы сағат 05:00 шамасында марқұмның күйеуі Айбар Жанболат тауға атпен мал бағуға кетіп, 16:30 шамасында үйіне келген. Сол кезде Жұманованың табалдырықта біреумен сөйлесіп тұрғанын көріп, кіммен әңгімелескенін сұраған. Жұманова жауап бермей, үйге кіріп кеткен.

Содан кейін Жанболат дүкенге барып, 7-8 бөтелке сыра сатып алған. Жол бойы сатып алған сыраны ішкен. Үйге келген соң Жұманованың белгісіз біреумен телефон арқылы сөйлесіп жүргені есіне түсіп, қызғаныш сезімі оянып, әйелін өлтіруді ойлаған.

Айбар Жанболат әйелін өлтірген...

Екібастұзда «Богатырь Көмір» көмір өндіруші компаниясының жұмысшысы қайтыс болды. Жазатайым оқиға суару қондырғысына жанармай құю кезінде болған.

Оқиғаны компания өкілдері растады. Қазір арнайы тергеу жүргізіліп, мемлекеттік органдармен жұмыс істеп жатқанын мәлімдеді.

Қайғылы жағдай Екібастұз көмір бассейнінің «Молодежная» станциясында болған. Ер адам ауыр жарақат алады. Ол қалалық ауруханаға жеткізілгенімен, аман қалмады.

Кәсіпорын қаза тапқан жұмысшының отбасына материалдық көмек көрсетуге уәде берді.

БАҚ жазуынша, бұл «Богатырь Көмір» компаниясындағы бірінші қайғылы жағдай емес. Былтыр кәсіпорында екі қызметкер қаза тауып, тағы біреуі ауыр жарақат алған болатын. Ал 2022-2024 жылдар аралығында «Богатырь Көмір» жұмысшыларының өлімімен аяқталған кем дегенде алты жағдай тіркелген.

Еске салайық, осы күндері премьер-министр Олжас Бектенов...

Ы. Алтынсарин атындағы Ұлттық білім академиясының экс-президенті Нәзипа Аюбаева қызметтен кету себебі жайлы желіде жазба жариялады. Ол Оқу-ағарту министрі Жұлдыз Сүлейменованың мәлімдемесін жоққа шығарды.

Нәзипа Аюбаеваның айтуынша, оның академия президенті қызметінен кетуіне қатысты министрдің пікірінен кейін жеке өзіне көптеген сұрақ келіп түскен. Сондықтан жағдайды түсіндіруді жөн көрген.

Аюбаева 2025 жылдың мамыр айының соңында академия алдында тұрған міндеттердің ауқымын түсініп, кәсіби тәжірибесі жеткілікті деп есептеп қызметке кіріскенін жазды. Алты айда атқарған жұмысын министрлікке ұсынғанын да атап өтеді.

Нәзипа Аюбаеваның сөзінше, оның қызметтен кетуін министрдің өзі ұсынған. Ол ұсынысты еш қарсылықсыз қабылдаған.

«Менің лауазымнан босатылуым жұмыс берушінің бастамасымен...

АҚШ Ұлттық барлау басқармасы (NRO) қырғи-қабақ соғыс жылдары совет әскери нысандарын аңдыған Jumpseat спутнигінің құпия мәліметтерін ішінара жариялады. Бұл туралы Kursiv.Media хабарлайды.

Тыңшы спутниктер

Америкалық тыңшы спутниктер 1971-1987 жылдары ұшырылған. Олар Батыс пен коммунистік елдер арасындағы қырғи-қабақ соғысы жылдары маңызды мәліметтер жинаған.

«Екінші дүниежүзілік соғыс аяқталғаннан кейін коммунизм күш алып, ядролық қарудың көптеп таралуы америкалықтарды шошытты. «Спутник-1″ совет зымыранын сәтті ұшыру орбитаға ғарыштан ядролық қаупін тудыратын нысан орналастыруға болатынын көрсетті», – делінген басқарма мәліметінде.

Жаңадан құрылған Ұлттық барлау басқармасына сол кезде АҚШ үшін маңызды сауалдарға жауап іздеу жүктелген.

Спутниктер...

Қосшыда мектепте сабақ үстінде қайтыс болған оқушыға екі рет жедел жәрдем шақырған. Ақмола облысы денсаулық сақтау басқармасы осы мәселеге қатысты пікір білдірді.

«29 қаңтарда жедел-жәрдем станциясына бірінші дабыл 16:18-де түсті. Баланың басы ауырды, құсты, дірілдеді деген шағым болған. Ол төртінші қиындық санатына жатқызылды, оған емхана бригадасы барады. Көлік бірден шықты. Бірақ 10-15 минут өткеннен кейін екінші рет қоңырау түсті. Қыз баланың жағдайы күрт төмендеп, есінен танып қалды. Арнайы бригада жіберілді. Қоңырау түскеннен бастап жедел көмек 19 минут ішінде барды», – деп түсіндіреді басқармадан.

Өкінішке қарай, фельдшерлер барғанда оқушының жүрегі тоқтаған еді. Бірақ дәрігерлер...

Мұғалім әр сұрақты 7 мың теңгеден бағалаған. Сот деректеріне сүйенсек, 80 балл «жинау» үшін екі талапкердің әрқайсысы оған 560 мың теңгеден берген.

Nege ақпаратына қарағанда, әйел бұл ақшаны жеке қажетіне жұмсаған.

«Нәтижесінде сотталушы өзінің қылмыстық құқықбұзушылық іс-әрекетімен жәбірленушінің әрқайсысына 560 мың теңге материалдық шығын келтірген. Сот отырысында сотталушы «Ж» өзінің кінәсін толық мойындады», – деп хабарлады соттың баспасөз қызметі.

Алайда ол талапкерлерге тестілеуден өтуге нақты көмектеспеген болуы мүмкін. Өйткені іс «Алаяқтық» бабы бойынша сотқа дейін жеткен. Педагог өз кінәсін мойындап, өкінетінін білдірген.

Сот үкімімен оған 3 жыл 6 ай мерзімге бас бостандығын шектеу жазасы...

Қолданбалы экономиканы зерттеу орталығы (AERC) 2026 жылға арналған жаңартылған макроэкономикалық болжамын ұсынды. Инфляцияның жоғары деңгейі салдарынан сарапшылар халықтың нақты табысының өсу қарқыны баяулайды деп есептейді.

Жалақы қалай болады

Қазан айында AERC сарапшылары өз шолуында, 2026 жылы халықтың номиналды ақшалай табысы жылдық есеппен 14,1%-ға өседі деп болжаған болатын. Бұл көрсеткіш жаңа есепте де өзгеріссіз қалды.

«2026 жылы халықтың номиналды ақшалай жалақысының өсу қарқынына қатысты алғышарт сақталғандықтан, болжам қазан айындағы шолумен салыстырғанда өзгеріссіз қалды. Алайда 2026 жылға арналған инфляция болжамының нашарлауына байланысты халықтың нақты ақшалай табысының өсу қарқыны жылдық есеппен 4,8%-дан 3,7%-ға дейін төмендед...

УЕФА Чемпиондар лигасының өтпелі кезеңіне арналған жеребе тарту рәсімі өтті. Оның қорытындысы бойынша Еуропаның алпауыт клубтары 1/8 финал жолдамасы үшін өзара мықты жұптармен бақ сынайтын болды.

Әзербайжанның «Қарабах» клубы түйісу матчында Англияның «Ньюкасл Юнайтедпен» кездеседі. Алғашқы матчтар 17–18 ақпанда өтсе, қарымта ойындар 24–25 ақпан күндеріне жоспарланған.

Жеребе нәтижесінде келесі жұптар анықталды:

Еске сала кетейік, мадридтік «Реал» соңғы ойында ғана Португалияның «Бенфика» клубымен ойнап, қақпашы Анатолиий Трубиннен гол жіберген еді.

Жаңартылған Конституция жобасында президентке қатысты баптар нақтыланған. Бұл туралы Конституциялық реформалар жөніндегі комиссияның алтыншы отырысында айтылды.

Құжат жобасында «ел президенті мемлекеттік биліктің барлық тармағының үйлесімді әрі кедергісіз жұмыс істеуін, билік органдарының ҚР біртұтас халқының алдындағы жауапкершілігін қамтамасыз етеді» деген норма енген.

Конституциялық сот төрағасының орынбасары Бақыт Нұрмұхановтың айтуынша, республика президенті болуға үміткерлерге қойылатын талаптар нақтыланған.

«Ең жоғары лауазымды тұлға болып тумысынан ҚР азаматы болып табылатын, 40 жасқа толған, мемлекеттік тілді еркін меңгерген, Қазақстанда соңғы 15 жыл бойы тұратын, жоғары білімді, мемлекеттік, сайланбалы мемлекеттік лауазымда кемінде бес жыл тәжірибесі бар ҚР азаматы сайлана алады», – деді Нұрмаханов.

Ауыл шаруашылығы министрлігінің Жер ресурстарын басқару комитетінің төрағасы Мұрат Теміржанов осындай мәлімдеме жасады.

Ол Орталық коммуникациялар қызметінде өткен брифингте келесі жылдан бастап Жер комиссиясының қызметі тоқтатылатынын мәлімдеді.

Мұратжан Теміржановтың айтуынша, жер учаскелерін беру үдерістері толық цифрландырылған . Сондықтан осы шешім қабылданып отыр.

«Ақпарат үнемі жаңартылып отырады. Бос жер телімдерінің қай жерде бар екенін көруге болады. Барлық конкурстық өтінімдер әкімдіктердің сайттарында орналастырылған. Алдын ала айта кетейін, келесі жылдан бастап «жер комиссиясы» деген орган болмайды. Яғни, барлығы цифрлық форматқа көшеді. Азамат ХҚКО-ға келіп, бұл қызметті не смартфоны арқылы, не тиісті өтінім беру арқылы ала алады», –  деді Теміржанов.

Ресей АҚШ президенті Дональд Трамптың жеке өтініші бойынша 1 ақпанға дейін Украинаға соққы жасаудан бас тартуға келісті. Бұл туралы Кремль өкілі Дмитрий Песков мәлімдеді деп хабарлады РИА Новости.

«Президент Трамп президент Путинге келіссөздер жүргізу үшін қолайлы жағдай жасау кезеңінде бір апта бойы, яғни 1 ақпанға дейін Киевке соққы жасаудан бас тарту туралы жеке өтініш білдірді», – деп атап өтті Песков.

Сондай-ақ, ол Путиннің Украина президенті Владимир Зеленскийді кездесуге шақырмағанын нақтылады.

«Кездесуді Зеленский сұрады және бұл бастаманы өзі көтеріп отыр. Бұған жауап ретінде президент Путин: «Иә, біз дайынбыз, бірақ тек Мәскеуде...

30 қаңтарға қараған түні Шымкент қаласы Қонаев даңғылындағы «Қазақстан» тұрғын үй кешенінде лифт құлаған. Лифт ішінде бір адам болған.

Оқиға орнына полиция, жедел жәрдем қызметі мен құтқарушылар шақырылған. Хабарлама түскен бойда тұрғын үй кешеніне жеткен олар лифт ішінде аман қалған әйелді шығарған.

«16 қабатты тұрғын үй кешенінің 12-қабатында тұрған лифт белгісіз себептермен төмен қарай күрт қозғалған. Қауіпсіздік жүйесінің өздігінен тежелуі нәтижесінде лифт 7-қабат деңгейінде тоқтаған», – делінген қалалық төтенше жағдайлар департаментінің хабарламасында.

Зардап шеккен әйел ауруханаға жеткізілген. Оның табаны мен омыртқасы сынған. Жағдай орташа ауыр. Ол қазір дәрігерлердің бақылауында.