Жаңалықтар

Toyota Camry седанының жаңартылған нұсқасы сатылымға шықты. Алайда бұл Қазақстанда емес, көрші Қытай елінде. Автокөлік тоғызыншы буындағы дизайнын сақтап, техникалық жағынан жаңартылды.

ITHome порталының мәліметінше, жаңа Camry төрт қозғалтқыш нұсқасымен ұсынылады: 2.0 литрлік атмосфералық, 2.0 литрлік гибрид, 2.5 литрлік гибрид және 2.0 литрлік Dual Engine Sports Lite. Модель Platinum White Pearl, Titanium Silver, Cyber Gray, Smoky Crystal Black, Dazzling Red және Opal Silver деп аталатын алты түрлі түспен қолжетімді болады.

Модельдер жиынтығы:

Депутат Асхат Аймағамбетов өзі сабақ берге шәкірттеріне қайран қалып отыр. Бұрынғы білім министрі жастарға сенім білдірді.

Ол Maqsut Narikbayev University-де өзі дәріс беретін болашақ журналистерге кішігірім сұхбат берген. Осы сәттегі әсерін әлеуметтік желіге бөлісті.

«Жастар – мықты, білімге құштар, ашық. Шынымды айтсам, біз студент болған кезде дәл бұлай еркін, сенімді сөйлей алмайтын едік. Ал қазіргі буынның ойлау деңгейі, өзіндік көзқарасы мен ізденісі қуантады», – деп шәкірттерін мақтан тұтатынын білдірді.

Асхат Аймағамбетов бұл сұхбатқа ерекше мән беріп отыр. Оның ойынша, бұл дәстүрге айналып келе жатқан жақсы тәжірибе.

Асхат Аймағамбетов – Мәжіліс депутаты. 2019-2023 жылдары Ғылым...

Қазақстанның ірі мұнай кен орнын игеріп жатқан тағы бір компания экология талаптарын бұзған. «Теңізшевройл» ЖШС ауаға артық ластаушы заттар шығарғаны үшін 639,6 миллион теңге айыппұл салынды.

Атырау облысының мамандандырылған табиғат қорғау прокуратурасы қоршаған ортаны қорғауға қатысты экологиялық талаптардың сақталуына талдау жүргізіп, «Теңізшевройл» ЖШС бірқатар заң бұзғанын анықтады.

Қадағалаушы органның мәліметінше, 2023 жылдың жартысы мен һ 2024 жылдың алғашқы екі тоқсанында кәсіпорын атмосфераға 49,3 тонна ластаушы заттарды таратқан. Бұл белгіленген мөлшерлен тым жоғары. Оның ішінде 4,9 тоннасы – мүлде рұқсат етілмеген қалдық.

Анықталған деректер негізінде прокуратура әкімшілік іс қозғап, сотқа жүгінді. Сот «Теңізшевройл» ЖШС-ін кінәлі деп танып, компанияға 639,6 миллион...

Қазақстан қор биржасындағы (KASE) күндізгі валюта саудасы нәтижесінде 1 доллар 542,03 теңге болды. Осылайша ұлттық валюта бір тәулікте бар болғаны 0,11 теңгеге құнсызданды. Көк қағаз валюта айырбастау мекемелерінде 545-547 теңгеден сатылып жатыр.

Ұлттық валюта бағамы

Қазақстанның ұлттық валютасы апта басында құнын жоғалта қойған жоқ. 28 шілде, дүйсенбіде төл валюта 3,50 теңгеге нығайса, сейсенбі, 29 шілде күні, доллар бар болғаны 0,11 теңгеге нығайды.

Сейсенбі күні KASE-де 109,7 млрд теңгеге, яғни 202 млн долларға валюта саудасы жасалды. Осының алдында ғана Ұлттық банк төрағасы Тимур Сүлейменов теңге бағамына интервенция көмектеспейді деп мәлімдеген.

Айта кетерлік жайт, ұлттық валюта бағамы әзірге психологиялық маңызды меже

Елімізде кейбір жүргізушілер тобы үшін міндетті автосақтандыру тарифтері қайта қаралуы мүмкін. Олардың қатарында жүргізушілік тәжірибесі жоқ, яғни, енді ғана жүргізуші куәлігін алғандар мен мопедшілер бар. Kolesa.kz мәліметінше, қолданыстағы жүйе өзгерісті қажет етеді.

Жас жүргізушілер үшін тариф тым жоғары

2025 жылдың көктемінде автосақтандыру бағасы екі есеге жуық қымбаттап кеткен болатын. Бұл, әсіресе, енді ғана көлік тізгініне ортырған жас жүргізушілер үшін біршама қиындық туғызды. Мысалы, Алматыда жаңадан рөлге отырғандар үшін сақтандыру полисі 40 мың теңгеден 78 мың теңгеге, Астанада – 56 мыңнан 112 мың теңгеге дейін өсті.

Бұл ескі мопед иелеріне де оңайға соқпады. Олар құны 200 мыңның айналасында...

Краш-сынақ ең қауіпсіз қытай көлігін анықтады. Қытайда өткен апат сынағы нәтижесі бойынша Nio шығарған Firefly көлігі жоғары рейтингке ие болды.

CarNewsChina ақпаратына қарағанда, бұл – ең қауіпсіз шағын көлік болып танылды. Барлық төрт санат бойынша «өте жақсы» деген баға алып отыр.

Адамдар үшін ең қауіпсіз көлік

Firefly жүргізуші мен жолаушылар қауіпсіздігі, жаяу жүргіншілер қауіпсіздігі және көмекші жүйелердің қауіпсіздігі бойынша сынақтан өткізілген. Соның қорытындысы бойынша, ең жоғары «G+»  бағасын алды. Демек, адамдар үшін ең қауіпсіз қытай көлігі болып отыр. Оның соққыға төзімділігімен қатар, жөндеу де аса қымбатқа түспейді.

Көлік көмекші жүйелері ерекше көзге түсті

Осылайша Firefly...

Әлемдік поп-музыканың жұлдызы Дженнифер Лопес 1 тамыз күні Астанада жеке концерт өткізеді. «Астана концерт» продюсерлік орталығының басшысы Мәлік Хасеновтің мәліметінше, «Астана Аренада» өтетін шоуға 25 мың адам жиналады деп күтіліп отыр.

Көп көрерменнің келуіне байланысты концерттің басталу уақыты өзгермейді, сағат 19:00-де, бірақ стадион есіктері 16:30-дан бастап ашылады. Бұл туралы Мәлік Хасенов Threads желісінде жазды.

Әр көрерменнің кіру процесі белгілі бір уақыт алады. Оны 25 мыңға көбейтсек, шамамен 3 сағаттан кем болмайды. Сондықтан үлкен өтініш — алдын ала келіңіздер! ,– деп жазды Мәлік Хасенов.

Ұйымдастырушылар көрермендердің қауіпсіздігі мен ыңғайлылығы үшін арнайы шаралар қабылдаған. Қоғамды...

ForteBank акциялары 29 шілдедегі күндізгі саудада 9,8%-ға арзандап, бағасы 22,55 теңгеге түсті. Сауда кезіндегі ең жоғары баға – 25 теңге, ең төмені – 20 теңге. Жалпы сауда көлемі 127 млн теңгеге жетті.

Қазақстан жеке акционерлер қауымдастығы (QAMS) нарықтағы қобалжуды алдағы 14 тамызға белгіленген акционерлердің жалпы жиналысымен байланыстырады. QAMS болжамынша, инвесторлар жиналыста қабылдануы ықтимал шешімдер туралы инсайдер ақпараттың тарап кеткенінен сескеніп отыр

ForteBank-тің қарапайым акцияларының 91,1%-ы кәсіпкер Болат Өтемұратовқа тиесілі. Дегенмен ол өз үлесін басқа тұлғалармен бірлесіп 95%-ға дейін жеткізуі мүмкін деген жорамал бар. Мұндай жағдайда ол жеке акционерлердің үлесін мәжбүрлі түрде сатып алуға құқылы болады.

Алдағы жиналыс барысында...

Алматыдағы Орталық стадионда өтетін «Қайрат» – «KuPS» арасындағы ойынның барлық билеті сатылып кетті. Бұл туралы клубтың ресми парақшасында хабарланды.

Матчқа қызығушылық ерекше. Стадион көрермендерге лық толмақ. Осыған байланысты ұйымдастырушылар жанкүйерлерге ойын басталғанға дейін 2-3 сағат бұрын келуге кеңес береді. Бұл стадионға кіру кезінде ұзын-сонар кезекке ілінбей, еркін өтуге мүмкіндік береді. Алматының орталық стадионына 23 804 адам сыяды.

Қоғамдық тәртіп пен қауіпсіздікті қамтамасыз ету үшін матч кезінде 1,5 мыңға жуық полиция қызметкері жұмыс істейді.

Матч бүгін, 29 шілде күні, Алматы уақытымен 20:00-де басталады. Тікелей трансляция Qazsport телеарнасында көрсетіледі.

Мемлекет басшысы Қасым-Жомарт Тоқаев Анкарада YDA Holding басқарма төрағасы Хусейн Арсланды қабылдады. Бұл туралы Ақорда хабарлады.

Тоқаевқа YDA Holding компаниясының Қазақстанда іске асырылып жатқан инвестициялық жобалары жөнінде мәлімет берілді.

Атап айтқанда, түркиялық холдинг Түркістан, Астана және Петропавл қалаларында көпбейінді ауруханалар салу және пайдалану бойынша үш жобаны қолға алған.

«Компания алдағы уақытта Астанадағы YDA Industrial Park көпсалалы өндіріс кешенін кеңейтіп, сэндвич-панельдер шығаратын зауыт салуды бастайды», – делінген ақпаратта.

Сонымен қатар Хусейн Арслан компанияның Ақтауда мультимодальді транзит хабын құруға қатысты жоспарын бөлісті.

Тоқаев қолдау білдірген жобалар

Сондай-ақ президент Tiryaki Holding компаниясының атқарушы директоры Сүлеймен...

Сарапшылар АҚШ президенті Дональд Трамптың Ресейге қатысты ультиматумына Кремль қалай жауап беретінін болжады. Көпшілігі президент Путин алған бетінен қайтпайды деп есептейді. Әзірге Мәскеу үнсіз. Бұл туралы Bloomberg жазды.

Трамптың Украинадағы соғысты доғару туралы талапты орындау мерзімін қысқартуына Мәскеу әзірге ешқандай пікір білдірген жоқ. Дегенмен сарапшылар Ресей президенті алған бетінен қайта қоймас деп болжайды.

28 шілдеде Трамп 10-12 күн ішінде Ресейден тауар сатып алып отырған елдерге қарсы санкция енгізем деп қорқытты. Құрама Штаттар шектеуіне ілікпес үшін Владимир Путинге Украинадағы соғысты доғаруы керек.

«Ресей дипломатия тілімен жауап қатып, белгілі бір уақытты белгілеудің келіссөзге ешқандай пайдасы жо...

2025 жылдың 6 айында 310 млрд теңге қаржы тиімсіз жұмсалған. Бұл туралы Қаржы министрлігі хабарлады.

Қаржы министрлігіне қарасты Ішкі мемлекеттік аудит комитеті жүргізген тексеріс барысында 921 млрд теңгеден астам бюджет қаржысы қамтылып, 1699 рәсімдік заңбұзушылық та тіркелді.

Қабылданған шаралардың нәтижесінде анықталған қаржының 279,5 млрд теңгесі мемлекетке қайтарылған немесе орны толтырылды. Бұл қаражаттың бір бөлігі тікелей бюджетке қайтса, қалғаны тауар жеткізу, қызмет көрсету мен жұмыс орындау арқылы өтеліп, бухгалтерлік есепте қалпына келтірілді.

Сондай-ақ онлайн-мониторинг жүйесі арқылы мектеп, аурухана, мәдениет және спорт мекемелері сынды 5,9 мың нысан қамтылып, олар 950,3 млн теңгеге заңсыз төлем жасағаны анықталды.

Одан бөлек, аудит қызмет...

Сотталған шенеуніктер енді Қырғызстанда билікке келіп, қызмет атқара алмайтын болды. Сонымен қатар дін қызметкерлеріне де шектеу қойылды.

Ел президенті Садыр Жапаров азаматтардың билік органдарына деген сенімін арттыруға бағытталған конституциялық заңға қол қойды.

Бұл заң не үшін керек?

Ондағы мақсат – лауазымды тұлғалардың мінсіз беделін қалыптастыру, құқық пен заң үстемдігі қағидатын бекіту.

Бұл туралы Қырғызстан президентінің баспасөз қызметі хабарлады. Заңдағы жаңашылдық сотты болған тұлғаларға қатысты. Байқамай жасалған ұсақ қылмыстарға ғана жеңілдік жасалады.

Қандай қызметтерге есік жабық болмақ?

Бұдан былай сотталған шенеуніктер маңызды мемлекеттік қызмет атқара алмайды. Атап айтқанда, президент сайлауына қатыса алмайды. Жогорку Кенештің депутаты болмайды...

Мемлекет басшысы Қасым-Жомарт Тоқаевтың Түркияға ресми сапары осы елдің негізін қалаушы әрі тұңғыш президенті Мұстафа Кемал Ататүріктің кесенесінен басталды. Бұл туралы Ақорда хабарлады.

Қазақстан президенті Анытқабір кесенесіне жерленген ұлы қайраткердің рухына тағзым етіп, құрметті қонақтар кітабына қолтаңба қалдырды.

Қасым-Жомарт Тоқаев Қазақстан мен Түркияның достығы нығая беретініне сенім білдіріп, бауырлас түрік халқының өсіп-өркендеуіне тілектестігін жеткізді.

Гүл шоғын қою рәсіміне Қазақстанның ресми делегациясының мүшелері де қатысты.

Айта кетейік, 28 шілде кешке Қазақстан президенті ресми сапармен Түркияға барды. Анкара әуежайында оны Түркия президенті Реджеп Тайип Ердоған күтіп алды.

Қазақстанның Даму Банкі (ҚДБ) мен «Qazaq Global Food JV» компаниясына Алматы облысында жеміс пен көкөніс өңдейтін зауыт салу үшін несие бермек. Бұл жөнінде банктің баспасөз қызметі хабарлады.

Жоба аясында түркиялық Goknur Gida компаниясы стратегиялық серіктес ретінде тартылып отыр. Бұл компания жеміс, органикалық шырын, концентрат және пюре өндірумен айналысады. Ол зауытқа технологиялық жабдық жеткізеді әрі дайын өнімді оффтейк-келісім аясында толық сатып алуды жоспарлап отыр.

Зауытта жеміс шырындарының концентратымен көкөніс және жеміс пюресі өндірілмек. Сонымен қатар өнімді сақтап, буып-түюге арналған инфрақұрылым салынады. Жобаның жалпы құны – 9,5 млрд теңге.

Кәсіпорын жылына 70 мың тоннаға дейін жеміс пен көкөністі қайта өңдейді. Соны...

Қырғызстан Президенті Садыр Жапаров «Интернет кеңістікте порнографиялық сипаттағы элементтері бар контент сайттарға қолжетімділікті шектеу туралы» Заңға қол қойды. Бұл туралы ел президентінің сайты хабарлады.

Заңға сәйкес, Қырғыз Республикасының интернет кеңістігінде порнографиялық сипаттағы элементтері бар контентті таратуға тыйым салынады.

Уәкілетті мемлекеттік орган порнографиялық контенттің таралу фактісін анықтаған жағдайда сайттың немесе оның жекелеген бетінің интернет желісінде жұмыс істеуін екі айға дейін тоқтату туралы шешім қабылдай алады. Бұл шешім интернет-провайдерлер, хостинг-провайдерлер, сайт пен интернеттегі беттердің иелері үшін міндетті түрде орындалуға тиіс талап.

Заң ресми жарияланған күннен бастап он күн өткен соң күшіне енетіні айтылған.

Порнографиялық сайттарға тыйым салу бастамасы Қазақстанда да арагідік...

Сингапурда өтіп жатқан World Aquatics конгресінде Silk Road–2026 жүзуден Әлем кубогының кезеңдері өтетін қалалар ресми түрде жарияланды. Бұл туралы Ұлттық Олимпиада комитеті хабарлады.

Аталған халықаралық турнирдің бірінші кезеңі Әзірбайжан астанасы Бакуде, екінші кезеңі Өзбекстанның Ташкент қаласында өтсе, үшінші әрі соңғы кезеңін Астана қабылдайды. Қазақстан жүзу спортынан осындай ауқымды халықаралық жарысты алғаш рет қабылдайды.

Жарысқа Олимпиада ойындарының жеңімпаздары мен жүлдегерлері, әлем чемпиондары мен рекорд иелері қатысады.

Silk Road–2026 турнирінің нақты мерзімі World Aquatics тарапынан кейінірек хабарланады.

Қазақстанда кейбір жағдайларда зейнетақы төлемдері уақытша тоқтауы мүмкін. Бұл туралы ҚР Еңбек және халықты әлеуметтік қорғау министрлігінің зейнетақымен және әлеуметтік қамтамасыз ету департаментінің өкілі Баян Хасенова мәлімдеді.

Дегенмен бұл төлем толығымен тоқтайды деген сөз емес.

«Азамат ел аумағынан тыс жерге шыққан немесе ұзақ уақыт бойы зейнетақы алуға жүгінбеген жағдайда, төлемдер нақты жағдай анықталғанға дейін уақытша тоқтатылады. Жағдай нақтыланған соң төлемдер толық көлемде қайта басталады», – деді Хасенова.

Министрлік өкілі атап өткендей, бұл шаралар зейнетақы қорындағы қаражаттың мақсатты жұмсалуын бақылау үшін заңнамада көзделген. Зейнеткер туралы ұзақ уақыт бойы ақпарат болмаған жағдайда (мысалы, елден шыққаны туралы хабарланбаған...

Енді жасанды интеллект қазақстандықтарға жұмыс табуға көмектеседі. ЖИ жұмыс іздеу процесінде бос жұмыс орындарын сауалнамасыз және қоңыраусыз автоматты түрде таңдайтын болады.

Үкімет отырсында Еңбек және халықты әлеуметтік қорғау вице-министрі Асқар Биахметов еңбек нарығындағы цифрлық жаңашылдықтарды таныстырды. Сөзіне сенсек, алдағы уақытта әрбір пайдаланушы үшін бос жұмыс орындарын немесе оқыту курстарын автоматты түрде іріктейтін жасанды интеллект негізіндегі жүйе іске қосылады.

Жаңа платформаның басты мақсаты – жұмыспен қамтуды жылдам әрі жеңіл ету.

Бүгінде біз ең озық технологияларды қолдануды қарастырудамыз – оның бірі, жұмысқа орналастыру жөніндегі жасанды интеллект. Екі негізгі құрал – Отбасының цифрлық картасы мен Кәсіпорынның цифрлық картасын синергиялау бізге...

Қытай астанасындағы қалың нөсер салдарынан 30 жұмды. Бұл туралы Бейжің қалалық су тасқынына қарсы күрес штабына сілтеп Синьхуа агенттігі жазды.

Қайғылы жағдай Қытай астанасының солтүстік таулы аудандарында тіркелген. Миюнь ауданында 28 адам, Яньцин ауданында 2 адам қаза болған.

Су тасқыны салдарынан қала бойынша 80 332 адам эвакуацияланған. Жергілікті биліктің мәліметінше, ең көп жауын-шашын Миюнь ауданында тіркелген, онда 543,4 мм жауын жауған.

Нөсер 31 жол учаскесін бүлдіріп, 136 ауылда электр қуаты сөнген.

Соңғы күндері Миюнь мен басқа да аудандарда субтропикалық антициклонмен келген жылы әрі ылғалды ауа ағынының әсерінен күшті және апатты құбылыстар байқалған.

28 шілде, дүйсенбі күні, сағат 20:00-де Бейж...

28 шілдеде «Алель Агро» құс фабрикасы өртеніп, бір адам қаза тапты. Бұл туралы ҚазАқпарат хабарлайды. Компания үлесіне кәсіпкер Марғұлан Сейсембаев иелік етеді.

Қайғылы оқиға дүйсенбі күні Алматы облысының Іле ауданына қарасты Ащыбұлақ ауылында болған. Құс фабрикасының асханасы өртенген. Төтенше жағдайлар жөніндегі департаментінің мәліметінше, от үлкен аумақты шарпып өткен. Құтқарушылар өртенген жерден бір ер азаматтың денесін тапты. Тілсіз жау 450 шаршы метрге жайылған. Өрт себебі анықталып жатыр. Қылмыстық іс қозғалды.

Айта кетейік, «Алель Агро» компаниясына Ғалымжан Есенов пен Марғұлан Сейсембаев иелік етеді. Кәсіпорын Қазақстандағы ең көп құс етін өндіретін орындардың бірі. Компания 1998 жылы Алматы облысында тіркелген. Кейінг...

Алматы әкімдігі қаланың басты табиғи аймақтарының бірі – Баум атындағы тоғайды абаттандыру жобасын бастағалы жатыр.

Жобаны BAZIS-A құрылыс компаниясы жүзеге асырып, 4,7 млрд теңге көлемінде инвестиция құймақ.

Тоғай аумағын табиғи ерекшеліктеріне қарай дұрыс аймақтарға бөлуге көңіл бөлінбек.

«Бір бөлігі тыныш демалысқа арналса, екінші бөлігі экологиялық аймақ ретінде инфрақұрылымы шектеулі күйде қалып, табиғатты қорғау мен экологиялық ағартуға бағытталады. Мұндай тәсіл қала тұрғындарына алып шаһардың ішінде табиғатпен үйлесімді әрі ұқыпты қарым-қатынас жасауға мүмкіндік береді», – делінген әкімдік хабарламасында.

Әкімдік жұмысты жүргізу кезінде табиғатқа барынша ұқыпты қарау назарға алынатынын атап өткен. Ағаштарға, жер бедеріне мен экожүйеге зиян...

Мемлекеттік қызметшілер мен бюджет қызметкелерінің жалақысы жыл сайын инфляция көрсеткішіне қарай өсіп отырады. Бірақ 2026 жылы нақты қаншаға өсетіні белгісіз. Бұл туралы Еңбек және халықты әлеуметтік қорғау вице-министрі Асқар Биахметов үкімет отырысынан кейнгі брифингте айтты.

Қазіргі кезде Қазақстанда инфляция деңгейі 11,8 пайызды құрайды. Алайда ел үкіметі Қазақстандағы инфляция деңгейін төмендетуге ниетті.

2026 жылы мемлекеттік қызметшілер мен бюджет қызметкерлерінің жалақысы биылғы жылдық инфляция көрсеткішіне сәйкес өседі. Қанша пайызға көтерілетіні нақтыланбаған.

Биахметов бұған дейін азаматтық қызметшілердің жалақысы көтерілгенін айтып өтті. Сонымен қатар жеке сектордағы компаниялар жалақыны өздері белгілейтінін, айлық мөлшерін көтеруді өзі шешетінін айтып өтті.

Жақында бұрын ауыл...

Джеймс Кэмерон түсірген «Аватар» франшизасының үшінші бөлімі – «Аватар: От пен күл» фильмінің ресми трейлері шықты. Көптен күткен кинотуынды Қазақстанда 18 желтоқсанда шығады.

Фильм оқиғасы «Аватар: Су жолы» атты екінші бөлімнен кейін екі апта өткен соң басталады. Бас кейіпкер Джейк Салли ауыр психологиялық күйзеліс кезеңін бастан кешіреді. Үлкен ұлы Нетейаманың қазасы Салли отбасына ауыр соққы болып, өмірін өзгертеді.

Бұл жолы кейіпкерлер Пандора планетасындағы жаңа қауіпті күшпен күлден жаратылған халықпен бетпе-бет келеді. Бұл тайпаны қатал әрі соғысқұмар Варанг есімді көшбасшы басқарады.

Режиссер Джеймс Кэмерон бұл фильмде фантастикадан бөлек, адамзаттық сезімдерге ерекше көңіл бөлінгенін атап өтті:

«Бұл...