Жаңалықтар

Ішкі істер министрлігі адам саудасына қатысы бар қылмыстық топтардың қызметін тоқтатты.

Астана қаласы және Солтүстік Қазақстан облысының ұйымдасқан қылмысқа қарсы күрес қызметі мен прокуратура бірлескен жедел іс-шара өткізді. Нәтижесінде ел аумағында адам саудасына байланысты қылмыстарға қатысы бар екі қылмыстық топтың әрекетін тоқтатты.

Олар интернет-ресурстарды пайдаланып, жыныстық қанауға қатысты заңсыз қызмет түрлерін жарнамалап, жүргізіп отырған. Олардың әрекеті ұйымдасқан сипатқа ие болып, миллиардтаған пайда табуға әкелген.

Алдын ала деректер бойынша қылмыстық топтың күнделікті табысы 1,5 млн теңгеге дейін жеткен. Ал 2024 жылдың басынан бері қаржы айналымы 1,7 млрд теңгеден асады.

«Бұл қылмыстық желінің ауқымын және ұйымдасқан деңгейін...

Дүйсенбі, 28 шілдеде, Таиланд астанасы – Бангкок қаласындағы атыстан кем дегенде алты адам қаза тапты. Бұл туралы Reuters агенттігі хабарлайды.

Мәліметтерге қарағанда, атыс жергілікті Бангкоктағы базарлардың бірінде болған. Белгісіз бір ер азамат оқ атқан. Соның салдарынан саудагерлер мен күзетшілер зардап шеккен.

Таиланд полициясы өкілінің Reuters агенттігіне хабарлауынша, оқ атқан адам өз-өзіне қол жұмсаған. Оған дейін күдікті Ор То Ко базарының төрт күзетшісін атып өлтірген. Атыс барысында ауыл шаруашылығы өнімдерін сатып отырған бір әйел мерт болған.

Бұл оқиға Таиланд пен Камбоджа арасында атыс жүріп жатқан уақытта болып отыр. Алайда базардағы атыстың көрші екі ел арасындағы жанжалға қатысы бар-жоғы әзірге белгісіз.

Шавкат Рахмоновтың әйелі жол апатынан кейін жеткізілген Шу қалалық ауруханасынан өз еркімен шықты. Бұл туралы Жамбыл облыстық денсаулық сақтау департаменті хабарлады.

Департамент мәліметінше, зардап шеккендер арнайы жазбаша қолхат жазып, Алматы қаласына аттанған. Медициналық мекемеге ешқандай шағымдары жоқ екені де сол құжатта көрсетілген.

Еске салайық, 28 шілде таңертең Жамбыл облысында орын алған жол апатында Шавкат Рахмоновтың әйелі мен ұлы зардап шеккені туралы ақпарат тараған болатын.

Теңгенің долларға қатысты күрт құнсыздануы – кездейсоқ құбылыс емес. Бұл экономикалық дамумен қатар жүріп жатқан құрылымдық өзгерістер мен саясаттың тікелей нәтижесі. Экономист Ернар Серіктің айтуынша, теңге бағамының әлсіреуі – бір ғана шешім емес, бірнеше себептің ұзақ уақыт қордаланып, нарыққа әсер ете бастағанының көрінісі.

Импорттық құрал-жабдыққа сұраныс артты

Басты себептердің бірі – отандық кәсіпорындардың шетелден құрал-жабдық сатып алуға жұмсайтын қаражатының күрт өсуі. Бұл үрдіс – өндірісті жаңғыртуға, технологиялық артта қалушылықты еңсеруге бағытталған.

2025 жылғы маусымда машина мен жабдықтарға бағытталған инвестициялар көлемі 652 млрд теңгеге жетіп, мамырмен салыстырғанда 47%-ға, ал өткен жылдың маусымымен салыстырғанда 35%-ға артқан.

Шілде айында...

Атақты DreamWorks студиясы «Шрек» франшизасындағы ең күлкілі әрі көп сөйлейтін кейіпкер Есек туралы жеке мультфильм түсіріп жатқанын ресми түрде растады. Бұл жолы да Есек рөлін бұрынғыдай әйгілі актер Эдди Мерфи дыбыстайды.

Жаңа мультфильмде оқиға Шрекпен болған оқиғалардан кейінгі кезеңді қамтиды. Бұл жолы көрермендер Есектің отбасылық өмірін — айдаһар әйелімен махаббаты, балалары және жаңа бастамаларын тамашалайды.

Айта кетейік, 2022 жылы DreamWorks студиясы «Етік киген мысық» туралы спин-офф фильмін шығарған болатын. Антонио Бандерас дыбыстаған кейіпкердің фильмі үлкен жетістікке жетіп, әлемдік прокатта 485,2 млн доллар табыс жинаған еді.

Бұған дейін Dream Works «Шрек 5» мультфильмі 2026 жылдың желтоқсан айында шығатынын...

QazaqGaz Aimaq ЖИ қолдану арқылы газ есептегіш құрылғыларының көрсеткіштерін автоматты түрде жіберуге арналған мобильді қосымшаны енгізе бастады. Бұл туралы Энергетика министрлігі хабарлады.

Цифрлық қызмет қазіргі таңда Қызылорда, Қостанай және Түркістан облыстарында сынақтан өтіп жатыр. Қосымшаны 7 мыңнан астам тұтынушы жүктеп үлгерген, алғаш болып игілікті Түркістан облысының пайдаланушылары пайдаланған.

«Қосымшаның жұмыс істеу қағидасы қарапайым: тұтынушы есептегіштің фотосуретін түсіреді, ал жасанды интеллект негізіндегі жүйе мәліметтерді автоматты түрде таниды және өңдейді. Бұл бақылаушының келу қажеттілігін жояды, шоттардың жасалуын жеделдетеді және қателерді барынша азайтады», – делінген хабарламада.

QazaqGaz Aimaq компаниясының мәліметінше, сервис операторларға түсетін жүктемені азайтып, есеп айырысуды...

Әнші, музыкант IL’HAN (Ильхан Ихсан) бұл туралы «Айқап» подкастында айтты. Оның айтуынша, альбомдардың мерзімінен бұрын таралуы – уақыт белдеуіне және платформалар арасындағы айырмашылықтарға байланысты.

«Бүкіл әлем бойынша релиз бір уақытта ашылады. Бірақ Қытайдың стриминг платформаларында уақыт айырмасына байланысты әндер 5-6 сағат бұрын қолжетімді болады екен. Кей азаматтар құрылғысын Қытайға тіркеп алады да, сол жақтан бірінші тыңдап, Telegram каналдарына жүктейді», — дейді IL’HAN.

Ол альбомының релизге аз қалғанда Telegram-да 1500 теңгеге сатылғанын айтып қынжылды:

«Әр әнді жеке альбом сияқты «Ильхан 1», «Ильхан 2» деп жариялапты. Арнайы Telegram каналда «1500 теңге төлесең, тыңдай...

Конституциялық сот ядролық сынақ салдарынан зардап шеккен халықты әлеуметтік қолдау туралы норманы қайта тексеруден бас тартты.

Бұған азаматтың «Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы» заңның 13-бабының Конституцияға сәйкестігін қарау туралы өтініш себеп болған.

Бұл бапта радиациялық қауiптi аймақтарда тұратын азаматтардың қосымша еңбекақы алуға және жыл сайын ақысы төленетiн қосымша демалыс алуға құқығы бар.

«Өтініш берушінің ядролық сынақтардың салдарынан зардап шеккен азамат ретінде заңда белгіленген ресми мәртебесі жоқ. Алайда ол іс жүзінде жоғары радиациялық қауіп төнген аймақта өмір сүріп, еңбек еткендіктен, дауланып отырған нормада көзделген әлеуметтік қолдау шараларына құқығы...

Шымкентте қала әкімінің орынбасары Руслан Берденовке қатысты сот басталды. Істі қылмыстық істер жөніндегі мамандандырылған ауданаралық соты қарап жатыр. Берденовке 5 рет оқ атып, ауыр жарақаттаған айыпталушы 31 жастағы Ернар Жиембай істі алқабилердің қатысуымен қараудан бас тартты. Ол іске төрағалық етіп жатқан Абинұр Қарабаевқа сенім білдіретінін жеткізді.

Істе жәбірленуші деп танылған Берденов денсаулығына байланысты сотқа келе алмады. Оның өкілі соттан істі қайта тергеуге жіберуді сұрады. Айтуынша, оқиға қоғамдық орында бұзақылық ниетпен болған. Сондықтан айып 99-баптың 1-бөлігімен емес 99-баптың 2-бөлігі 9-тармағымен тағылуы керек. Бұған прокуратура мен жәбірленуші және оның қорғаушылары қарсы болып, қанағаттандырмауды сұрады.

Судья Абинұр Қарабаев 6 тамыз күні өтетін...

Ипотека – бұл маңызды қаржылық шешім, оған мұқият дайындық қажет. Krisha.kz сарапшылары банк мақұлдауын алып, несиені қиындықсыз өтеу үшін алдын ала қандай мәселелерге мән беру керектігін түсіндірді.

Бастапқы жарнаны жинаңыз 

Қазір бастапқы жарнасыз ипотека рәсімдеу мүмкін емес. Сондықтан банкке несие рәсімдеуге бармас бұрын, тұрғын үй құнының кемінде 20%-ын жинап қою қажет. Бастапқы жарнаға ақша жинау ипотекаға дейінгі жақсы дайындық. Мұны бюджетіңізді жоспарлау дағдысын қалыптастыратын жаттығу десе де болады.

Бастапқы жарнаны неғұрлым көп жинасаңыз, несие шарттары да соғұрлым тиімді болады және кредиттік жүктемені азайтуға мүмкіндік береді.

Несиелерді жабыңыз 

Ипотека сияқты ір...

Еңбек және халықты әлеуметтік қорғау министрлігі жеке көмекшінің қызметтерін көрсететін санаттарды кеңейтуді көздейтін бұйрық жобасын қоғамдық талқыға ұсынды.

Оған сай, 2026 жылдан бастап зейнет жасына жеткен қазақстандықтар өзінің бірінші топтағы мүгедектігі бар жұбайына жеке көмекші атанып, жәрдемақы ала алады. Бұрын жұбайына жеке көмекшілік зейнетке шыққаннан кейін тоқтатылатын.

Бұйрық жобасына сай, жеке көмекші ретінде тағайындалатын адам сол елдімекенде тұруы керек деген талап енгізіледі.

Бұған дейін, мүгедек бала асырап отырған ата-анаға зейнетақы қалай тағайындалатыны туралы жазғанбыз.

Германияның Дуйсбург қаласында өткен 2025 жылғы Жазғы Универсиада өз мәресіне жетті. Салтанатты жабылу рәсімімен аяқталған халықаралық додада Қазақстан студенттер құрамасы бейресми медаль есебінде 37-орынды иеленді.

Қазақстандық спортшылар жарыс барысында бар болғаны үш спорт түрінен бір алтын және он қола медаль еншіледі. Универсиадаға Қазақстаннан 75 студент аттанып, олар 12 түрлі спорт түрінен бақ сынады.

Соңғы төрт күн ішінде Қазақстан құрамасы жалпы есепте 23-орыннан 37-орынға дейін сырғыды. Жарыстың соңғы күні академиялық ескек есу спортынан ерлер құрамасы (Тимур Фомичёв, Ярослав Мельников, Владислав Галкин және Иван Чернухин) финалға жетіп, 1500 метр қашықтықта алтыншы болып келді – 6:32.41.

Бейресми медаль есебінде сенсациялық түрде көш бастаған...

Қазақстанда ауыл шаруашылығын субсидиялау жүйесіне жаңа талаптар енгізілді. Енді мемлекеттік қолдау алған фермерлер мен агрокәсіпорындар сол қаражаттың қаншалықты тиімді жұмсалғанын дәлелдеуі керек.

Бұл өзгерістер Жоғары аудиторлық палатаның (ЖАП) ұсынымы негізінде заңнамалық деңгейде бекітілді. Палата 2023 жылдың соңында ауыл шаруашылығын субсидиялауға бөлінген бюджет қаржысының тиімділігіне аудит жүргізіп, бірқатар ұсыныс берген.

Соның нәтижесінде 2025 жылғы 12 маусымда «Аквашаруашылық, агроөнеркәсіптік кешен, электр энергетикасы және орталық мемлекеттік органдардың функцияларын қайта бөлу мәселелері» жөніндегі заңға тиісті түзетулер енгізілді.

Жаңа талап бойынша агросубсидия алушылар енді нақты нәтиже көрсетуі тиіс. Мысалы, өндіріс көлемінің артуы, жаңа жұмыс орындарының ашылуы немесе еңбек өнімділігінің өсуі секілді көрсеткіштер арқылы мемлекет...

Шымкент қаласының қылмыстық істер жөніндегі мамандандырылған ауданаралық соты қала әкімінің орынбасары Руслан Берденовке қатысты істі қарай бастады. Іс бойынша айыпталушы деп танылған қалалық тұрғын үй басқармасына қарасты «Тұрғын үй Шымкент» ЖШС-ның бұрынғы директоры 31 жастағы Ернар Жиембай сотқа айдауылмен жеткізілді. Ол Қылмыстық кодекстің «Адам өлтіру» бабы және «Қылмысқа дайындалу және қылмысқа оқталу» бабымен айыпталып отыр.

Берденов денсаулығына байланысты ем қабылдап жатқандықтан, сотқа келмегені хабарланды. Оның құқығын қорғау үшін адвокаттары қатысып жатыр.

Сот істі қарамастан бұрын айыпталушы анасына «жыламаңыз, бәрі жақсы болады» деп айтты. Есік сыртында жылап тұрған әйеліне «арыңды сақта, бала-шағаға ие бол» деп дауыстады.

Айыпталушы өзін фото-видеоға түсіруге қарсы...

Банк картасын басқа адамға бергені үшін жауапкершілік енгізілді. Бұл туралы Ішкі істер министрлігі хабарлады.

Ведомство дербес деректерді қорғауға және қаржы қызметі саласындағы қауіпсіздікті арттыруға бағытталған қылмыстық заңнамадағы маңызды өзгерістер туралы ескертті. Соған сәйкес, Қылмыстық кодекстің жаңа 232-1 бабында өзінің банктік деректемелерін үшінші тұлғаларға бергені үшін, сондай-ақ материалдық сыйақы немесе мүліктік сипаттағы пайда үшін немесе оларды алу мақсатында үшінші тұлғаның мүддесі үшін я болмаса пайданы көздеп, төлемдер немесе ақша аударымдарын жүзеге асырғаны үшін қылмыстық жауаптылық енгізілді.

Полицияның хабарлауынша, алаяқтар берілген деректерді қылмыстық кірістерді қолма-қол ақшаға айналдыру немесе басқа азаматтарды алдау үшін пайдаланады. Көп жағдайда зардап шеккендер өздерінің қылмысқа қатысушы екенін...

Қазақстандық опера әншісі Әйгерім Алтынбек Италияның Портофино қаласында өткен халықаралық опера әншілері байқауы — CLIP (Concorso Lirico Internazionale di Portofino)-да 1-орын иеленді. Бұл туралы әнші өзінің әлеуметтік желідегі парақшасында қуанышпен бөлісті.

«Аллаға шүкір, 1- орын! Сіздермен керемет қуанышты жаңалығыммен бөліскім келеді!» — деп жазды Әйгерім.

Биылғы CLIP байқауына 50-ден астам елден 200-ден аса әнші өтінім жіберген. Олардың ішінен 92 вокалист тікелей тыңдауға шақырылып, жартылай финалға 22 қатысушы өткен. Ал финалдық кезеңге тек 10 үздік вокалист жолдама алған. Әйгерім сол үздіктердің арасынан суырылып шығып, бас жүлдеге ие болды.

«Бұл мен...

Илон Маск Tesla компаниясына келесі буындағы AI6 чиптерін шығару үшін Оңтүстік Кореялық Samsung компаниясы көмектесетінін мәлімдеді. Бұл туралы ол X әлеуметтік желісінде жазды.

«Техастағы Samsung-тің алып жаңа зауыты Tesla-ның келесі буындағы AI6 чиптерін өндіруге арналатын болады», — делінген хабарламада.

Бұған дейін Reuters агенттігі Samsung Electronics-тің кірісі 39%-ға төмендеуі мүмкін екенін жазған болатын.

Еске салсақ осыған дейін Илон Маск АҚШ-тың Tesla компаниясы алдағы уақытта біршама қиындықтарға тап болуы мүмкін екенін мәлімдеген болатын. Оған елдегі электромобильдерге берілетін мемлекеттік қолдаудың тоқтатылуы себеп. Оның айтуынша, АҚШ президенті Дональд Трамп бастамашы болған субсидияларды алып тастау, сондай-ақ автопилот технологиясын енгізудің ұза...

28 шілде, дүйсенбі күні, еліміздің 17 өңірінде ауа райы күрт өзгеруі мүмкін. Бұл туралы «Қазгидромет» хабарлады.

Синоптиктердің болжауынша, кей аймақтарда найзағай ойнап, бұршақ жауып, шаңды дауыл тұрып, жел екпіні 30 м/с дейін жетуі мүмкін. Сонымен қатар кей жерлерде тұман түсіп, қатты жаңбыр жауады деп күтіліп отыр.

Жетісу, Абай, Шығыс Қазақстан, Алматы және Жамбыл облыстарында аптап ыстық орнайды. Күндіз ауа температурасы +42°С-қа дейін көтеріледі.

Оңтүстік және батыс өңірлерде өрт қаупі өте жоғары күйінде қалып отыр.

Төтенше жағдайлардың алдын алу мақсатында тұрғындарға ауа райы болжамдарын қадағалап, барынша сақ болу ұсынылады.

Еске сала кетейік, бұған дейін Алматы қаласы мен маңында 5-санаттағы жоғары...

Жаңа оқу жылының күнтізбесі жарияланды. Соған сәйкес оқушылардың оқу және демалыс кезеңдері айқындалды.

Оқу процесі 2025 жылдың 2 қыркүйегі басталып, 2026 жылдың 25 мамырында аяқталады. Білім күніне арналған салтанатты жиынның уақыты мен күні мектептің педагогикалық кеңесінің шешімімен белгіленеді.

Бірінші тоқсанда оқу мерзімі – 8 апта. Күзгі каникул 2025 жылдың 27 қазанында басталып, 2 қарашаны қоса алғандағы 7 күнге созылады.

Екінші тоқсан 8 оқу аптасынан тұрады. Қысқы каникул 2025 жылғы 29 желтоқсанда басталып, 2026 жылғы 7 қаңтарды қоса алғандағы 10 күнге жалғасады.

Бірінші сынып оқушылары үшін қосымша демалыс 2026 жылдың 9 ақпанынан 15 ақпанды қоса алғандағы 7 күнді құрайды.

Үшінші тоқсан 10 оқу аптасынан тұрады. Көктемгі каникул...

АҚШ пен Еуроодақ басшылары сауда қатынастарына қатысты жаңа келісімге келгенін мәлімдеді. АҚШ президенті Дональд Трамптың айтуынша, енді Еуропадан келетін тауарларға 15% көлемінде кедендік тариф салынады.

Келіссөздер Шотландиядағы Трамптың гольф-клубында өтті. Бұл сапар ресми түрде «жеке іссапар» деп сипатталғанымен, екіжақты келіссөздер өтті. Пресс-конференцияда Трамп Еуропа елдері АҚШ-тан алдағы төрт жылда 750 млрд доллар көлемінде әскери техника мен энергия ресурстарын сатып алуға, сонымен қатар, Америка экономикасына 600 млрд доллар инвестиция салуға келіскенін жеткізді.

Еурокомиссия басшысы Урсула фон дер Ляйен бұл келісімді «қатаң әрі тиімді келіссөздердің нәтижесі» деп бағалап, «үлкен мәміле» деп атады.

Дегенмен, бұл келісімнің кейбір тұстары нақты ашылмаған. Еуропа...

27 шілде күні таңғы сағат 08:50-де Алматы – Екатеринбург тас жолының 299-шақырымында жантүршігерлік жол апаты болды. Toyota Land Cruiser 200 автокөлігінің жүргізушісі рөлге ие бола алмай, көлік аударылып кеткен. Бұл туралы Жамбыл облысының полиция департаменті хабарлады.

Ресми ақпаратқа сәйкес, апат салдарынан екі адам көз жұмды, тағы екі адам түрлі жарақатпен ауруханаға жеткізілген. Қазіргі таңда аталған факті бойынша Қылмыстық кодекстің «Екі немесе одан да көп адамның өліміне әкеп соққан жол қозғалысы ережелерін бұзу» бабы бойынша сотқа дейінгі тергеу басталды.

Полиция оқиғаға қатысты зардап шеккендердің нақты есімдерін атамады. Алайда Tengrinews.kz дерегінше, апат болған көлікте UFC жұлдызы Шавкат Рахмоновтың әйелі Гүлайым Рахмонова

Қорғаныс министрлігі Сорбұлақ су қоймасы маңында 25 шілдеде жоғалып кеткен EC-145 тікұшағына байланысты ресми мәлімдеме жасады. Ведомствоның хабарлауынша, жоғалған тікұшақ бортындағы адамдарды іздеу-құтқару операциясы күшейтілген режимде және тәулік бойы жүргізіліп жатыр. Әзірге тікұшақ табылған жоқ.

Ауқымды операцияға 400-ге жуық адам, 70-тен астам жер үсті техникасы, 21 жүзу құралы, 10 ұшқышсыз ұшу аппараты (ҰҰА), эхолоттар мен су асты сканерлеу құрылғылары, сондай-ақ кинологиялық топтар жұмылдырылған.

Іздеу жұмыстарына ҚР Қарулы Күштері Әскери-әуе күштерінің қолбасшысы, авиация генерал-майоры Асқар Ізбасов жетекшілік етіп, барлық бөлімшелердің жұмысын үйлестіріп отыр.

Құтқару операциясына тартылған күштер:

2024 жылы 27 шілде күні қазақстандық дзюдошы Елдос Сметов Олимпиада чемпионы атанды. Париж татамиінде жеңіске жеткен сәтін еске алған спортшы әлеуметтік желіде «тарихи күн» деп жазба жариялады.

«Үш Олимпиаданың әрқайсысының орны бөлек. Бірақ Париж Олимпиадасының алтыны ардайым биік болып қала береді. Бұл – қаншама маңдай тер мен еңбектің ақталған күні. Барлық марапатымның шыңы», – деп жазды Сметов.

Сметов өз жолында кездескен сәтсіздіктер мен қиындықтарды, құрбандықтар мен тәуекелдерді еске алып, бұл жеңістің оңай келмегенін атап өтті. Арманға жету жолында көптеген нәрседен бас тартуға тура келгенін де мойындады.

Сондай-ақ Елдос Сметов Олимпиада алтынын алғаннан кейін...

Алматы қаласы мен маңындағы аймақтарда 5-санаттағы төтенше өрт қаупі жарияланды. Бұл туралы Алматы қалалық Төтенше жағдайлар департаменті мәлімдеді.

28 шілдеге дейін қалада аптап ыстық 35-39°C деңгейінде сақталады. Мұндай жағдайда тіпті кішкене ғана ұшқын үлкен өртке ұласуы мүмкін, деп ескертеді билік өкілдері.

Жыл басынан бері Алматыда 300-ден астам құрғақ шөптің жану дерегі тіркелген, олардың кейбірі тау бөктерінде өртке ұласқан және тұрғын үйлерге қауіп төндірген.

Қазіргі таңда ТЖД пен қала әкімдігі бірігіп, 104 шақырым аумақта құрғақ шөп пен өсімдіктерді шабу жұмыстарын жүргізіп жатыр. Тұрғындар мен қала қонақтарына мынадай қауіпсіздік шараларын сақтау ұсынылды: