Жаңалықтар

133 қарағандылықтың жалпы сомасы 717,1 млн теңге кредиті есептен шығарылды. Бұл азаматтардың атынан алаяқтар кредит алған. Бұл туралы Бас прокуратура басшысы Берік Асылов мәжілісмендердің сұрағына жауабында жазған.

Бір ай бұрын мәжіліс депутаттары Берік Асыловқа сауал жолдады. Олар 232 адамнан тұратын бастамашыл топ оларға арызбен келгенін айтты. Олардың барлығы кибер алаяқтардың әрекетінен зардап шеккен.

«Өткен жылы елімізде интернет-алаяқтыққа қарсы тұру үшін «Киберпол» жобасы енгізілгеніне қарамастан, алданған адамдардың саны одан да көп болды. Алаяқтық жолмен алынған ақша елден тыс жерлерге кетуді жалғастыруда және оны уәкілетті органдар қадағаламайды. Нәтижесінде осы фактілер бойынша қылмыстық істер іс жүзінде тексерілмейді», – делінген...

Қазақстан президенті Қасым-Жомарт Тоқаев жоғары аудиторлық палатаның төрағасы Әлихан Смайыловпен кездесті, деп хабарлайды Kursiv.Media.

«Қасым-Жомарт Тоқаевқа ведомствоның биылғы тоғыз айдағы қызметінің есебі және 2026 жылға арналған жоспары таныстырылды»,-делінген Ақорда хабарламасында.

Әлихан Смайылов 2025 жылы аталған мемлекеттік аудиторлар 32 трлн теңге сомасына қаражатты қамтыған 18 ірі тексеру жүргізгенін хабарлады. Бұл көрсеткіш өткен жылдың сәйкес кезеңімен салыстырғанда 22,8 трлн теңгеге жоғары.

Президентке мемлекет бюджетіне 112 млрд теңге қайтарылғаны баяндалды. Анықталған кемшіліктерді жою үшін Үкіметке және тексерілетін ұйымдарға 96 ұсыным және орындауға міндетті 800-ге жуық нұсқама жіберілген. Сонымен қатар, аудит қорытындысы бойынша 42 материал құқық қорғау...

Париждегі апелляциялық сот Францияның бұрынғы президенті Николя Саркозиді түрмеден босатты. Сот оның жазасын арнайы білезік тағып, бақылауда жүрумен алмастырды.

BFM TV ақпаратына сүйенсек, апелляциялық сот адвокаттардың өтінішімен экс-президенттің жазасын жеңілдетті. Яғни осыған дейінгі соттың 5 жылға бас бостандығынан айыру туралы шешімін өзгертті. 70 жастағы 3 апта бойы Париж түрмесінде отырған еді.

70 жастағы Николя Саркози президенттік сайлауалды кампаниясын Ливия қаржыландырды деген айып бойынша 5 жылға бас бостандығынан айырылып, дереу қамауға алынған болатын. Бұл оқиға – Франция тарихында бұрынғы президенттің тұтқындалуымен байланысты тұңғыш жағдай. Қоғамда үлкен дау тудырды.

Саркози өз үкімімен келіспей, апелляцияға берді.

10 айдың қорытындысы бойынша Қазақстан экономикасы 6,4%-ға өсті. 9 айлық кезеңмен салыстырғанда қарқын 0,1 пайыздық тармаққа жеделдеді, деп хабарлайды Kursiv.Media.

Экономика министрлігінің ақпаратына сүйенсек, 2025 жылдың сегіз айында ЖІӨ өсімінің 6,5 пайыздық ең жоғары деңгейінен кейін экономика қаңтар-қыркүйек айларында 0,2 п.т.-ға төмендеді, бірақ қазір қарқын қайта қалпына келеді.

Экономика өнеркәсіп, сауда және көлік есебінен жеделдеуде – бұл үш сектор жалпы алғанда елдегі ЖІӨ өсімінің 70%-дан астамын құрады. Өнеркәсіптің ең үлкен өсімі – 7,3%. Тауар өндірісі 8,2%-ға өсті.

Өңдеу өнеркәсібінде машина жасау (+11,5%), оның ішінде автомобиль жасау (+13,3%), химия өнеркәсібі (+10,9%), тамақ өнімдерін өндіру (+9,1%) ең жоғары өсім көрсетті.

Қырғызстан Жоғарғы кеңесіне депутаттарды сайлау науқаны басталды. Осыған орай бірқатар адамдарға кандидаттардың әлеуметтік желідегі жазбаларына «лайк» басуға тыйым салынды, деп хабарлайды Kursiv.Media.

24.kg ақпаратына сүйенсек, Сайлау және референдум өткізу жөніндегі орталық комиссияның мүшесі Ұзарбек Жылқыбаев кандидаттардың әлеуметтік желілердегі жазбаларына кімнің «лайк» баса алмайтынын айтқан.

Оның айтуынша, мемлекеттік және муниципалдық қызметкерлерге, акцияларының 30 пайыздан астамы мемлекетке тиесілі ұйымдардың қызметкерлеріне реакция қалдыруға және әлеуметтік желілерде біреуді қолдайтын пост жазуға тыйым салынады.

«Сонымен қатар, мемлекеттік БАҚ өкілдері мұны істемеуі керек. 30 қарашада сайлау учаскесіне барып, өз кандидатыңызға дауыс беріңіз», – деді Ұзарбек Жылқыбаев.

Естеріңізге сала кетейік...

Францияның бұрынғы президенті Николя Саркози Ливиядан заңсыз қаржыландыру ісі бойынша кінәлі деп танылды.

Le Monde ақпаратына қарағанда, ол 21 қазаннан бері Париждегі Ла-Санте түрмесінде отыр. Оны босату туралы өтініш сәрсенбі күні Париж апелляциялық сотында қаралады. Шешім сағат 13:30-да жарияланады деп күтілуде.

10 қарашада Париж апелляциялық соты президенттік кампанияны Ливия қаржыландырғаны жөніндегі іске байланысты қамауға алынған Саркозиді босату туралы өтінішті қарады. Прокуратура оны сот бақылауымен босатуды сұрады.

«Куәгерлерге қысым көрсету мен сөз байласу қаупі бар. Сондықтан сот бақылауын қолдану орынды», — деді бас прокурор Дамьен Брюне.

Соттың шешімі дүйсенбі күні сағат 13:30-да жарияланады деп хабарланды.

Луина деген лақап атпен танымал әнші Луиза Обуховаға Қырғызстанның мәдени үздігі деген атақ берілді. Бұл жайлы ол өзінің әлеуметтік желісінде жариялады.

Луина Қырғызстанға барып, белгілі ақыны Жұммамудұн Шералиевтің 110 жылдығына арналған концертте ән салған.

«Осы жерде маған «Қырғызстан Республикасының мәдени үздігі» атағын берді. Бұл әртіс ретінде де, осы жерді ерекше жақсы көретін адам ретінде де үлкен жауапкершілік және құрмет. Сондай-ақ Жұммамудұн Шералиев атындағы қор мен отбасынан медаль алдым. Бұл сәтті ұзақ уақытқа есіме сақтаймын», – деп жазды ол.

Бұған дейін танымал әнші, мәдениет қайраткері Тамара Асар «Қазақстанның халық әртісі» атағын алғанын жазған

Миллиардер Бақытбек Байсейітов мен Владислав Лиге тиесілі «Банк ЦентрКредит» 2025 жылдың тоғыз айында 217,2 млрд теңге таза пайда тапты. Бұл өткен жылдың осы кезеңімен салыстырғанда шамамен 50%-ға артық (2024 жылы 9 айда банк 144,3 млрд теңге пайда алған). Соның ішінде акционерлеріне тиесілі пайда 216,6 млрд теңгені құрайды. Бұл туралы банктің аралық шоғырландырылған қаржы есебінде жазылған.

Банктің операциялық табысы 409,3 млрд теңгені құрап, өткен жылдың 301,8 млрд теңгесімен салыстырғанда, айтарлықтай артты. Ал операциялық шығысы 142,5 млрд теңгені құрады. Салыққа дейінгі пайда 266,8 млрд теңгені құрап, салыққа 49,6 млрд теңге төледі.

Таза пайыздық табыс резервтерд...

Қазақстан «Репутациясы мықты елдер» рейтингінде үздік елу елдің қатарында. Ал постсоветтік елдер арасында Украинадан кейінгі екінші орында тұр. Бұл тізім Reputation Lab-тың RepCore Nations 2025 зерттеуінің нәтижесінде жасалған.

Рейтинг елдердің халықаралық аренадағы орны, инновация деңгейі, туризм, инвестициялық тартымдылығы және басқа мемлекеттердің көзқарасы сияқты бірнеше фактор негізінде бағаланған.

Кім және қалай бағалады

Reputation Lab 2025 жылы ең беделді елдерді анықтау үшін G7 (Канада, Франция, Германия, Италия, Жапония, Ұлыбритания және АҚШ) елдерінің азаматтарына сауалнама жүргізген. Респонденттерден басқа елдерді сенім, құрмет, таңдану және жалпы имидж тұрғысынан бағалау сұралған.

Нәтижесінде Ирак, Иран және Ресей рейтингтің соңында қалса, АҚШ 2024 жылмен салыстырғанда...

Лавров жұмысын жалғастырып жатыр. Белсенді түрде. Бұл туралы Ресей президентінің баспасөз хатшысы Дмитрий Песков мәлімдеді.

Коммерсантъ ақпаратына қарағанда, Путиннің ресми өкілі Ресейдің сыртқы істер министрі Сергей Лавровтың жоғалып кеткені туралы қауесетті жоққа шығарды. Лавровтың соңғы кездері көпшілік алдына шықпай кеткені жөнінде шетелдік басылымдар жиі жазып, сан-саққа жүгірткен еді. Тіпті, «шетел асып, саяси баспана сұраған» деп жазғандар да табылды.

«Лавров мырза жұмысын жалғастырып жатыр, белсенді түрде қызмет атқару үстінде», – деп мәлімдеді Песков.

Оның сөзіне қарағанда, Лавров туралы ақпараттардың барлығы шылғи өтірік. Бұған назар аударудың қажеті жоқ.

«Бәрі жақсы. Тиісті жария...

«Асар-Уме» қайырымдылық қоры ұйымдастырған аукционда «Қайрат» клубының қақпашысы Темірлан Анарбековтың қолы қойылған доп саудаға шығарылды. Атыраулық кәсіпкер допты 12 млн теңгеге сатып алды.

Түскен қаражатқа қор бір отбасыға жаңа баспана сыйлады.

Еске сала кетейік, «Қайрат» футбол клубының 21 жастағы қақпашысы Темірлан Анарбеков биылғы маусымда керемет өнер көрсетіп, жанкүйерлердің ықыласына бөленді.

Қайрат Әділгерейге Лондон полициясы 400 фунт стерлинг айыппұл салды. Оған актердің темекі тұқылын құтыға салуы түрткі болған.

Бұл туралы әнші әрі актердің жары Бақыт Тұрман әлеуметтік желідегі парақшасы арқылы хабарлады.

«Таңғы астан кейін шытырман оқиғамыз басталып кетті. Әдеттегідей, мына кісінің кесірінен. Таңғы асымызды ішіп, сыртқа шығып тұрсақ, бір полиция қызметкері жақындап келді», – дейді Бақыт Тұрман.

Оның айтуынша, ол Қайраттан төлқұжатын сұраған. Таңғы асқа кірер кезде, темекі тартқанын, бірақ қоқыс жәшігін пайдаланбағанын алға тартқан. Сөйтсе, актер темекі тұқылын қоқыс салатын құтыға емес, бір стақанға сала салған.

«Соған 400 фунт...

Қазан айында Алматыда жаңа тұрғын үй бағасы бірден 2,9%-ға қымбаттап кетті. Бұл соңғы жылдардағы ең көп айлық өсімдердің бірі.

DataHub сарапшыларының мәліметінше, мұндай күрт өсім өте сирек болады. Мәселен 2015 жылдың қаңтарынан бері тұрғын үй бағасының бірден өсіп кетуі жеті рет тіркелген.

Екінші нарықтағы үй бағасы

Екінші нарықта да бағаның айтарлықтай өсуі байқалады, қазан айында пәтерлердің бағасы қыркүйекпен салыстырғанда 2,1%-ға артты. Бұл сегменттегі орташа айлық өсім жыл басынан бері шамамен 2%-ды құрайды. Ал Алматыдағы жалдау ақысы 1,7%-ға қымбаттады. Бұл соңғы екі жылдың қазан айларындағы орташа көрсеткіштерден жоғары.

«Бұған дейін де бағаны...

Қаржы нарығының сарапшылары теңге бағамы жыл соңында 532,8 теңге деңгейінде сақталып, ал инфляция 11,2%-ға дейін төмендейді деп болжап отыр. Қазақстан қаржыгерлер қауымдастығы (ҚҚҚ) қараша айында қаржы нарығы мамандары арасында жүргізілген сараптама нәтижесін жариялады.

Шолуға банк, сақтандыру және брокерлік ұйымдардың өкілдері мен қаржы сарапшылары қатысқан.

Үш ай қатарынан өскен инфляциялық болжам қарашада төмендеп, 12,1%-дан 11,2%-ға түсті. Бұған базалық мөлшерлеменің жоғарылауы, теңгенің нығаюы, жанармай мен коммуналдық тарифтердің уақытша бекітілуі және Үкімет пен Ұлттық банктің инфляцияны төмендетуге бағытталған бірлескен шаралары әсер еткен.

Сарапшылардың пікірінше, Ұлттық банк 28 қарашадағы отырыста базалық мөлшерлемені 18% деңгейінде сақтауы ықтимал.

Қазақстан климаттық стандарттарды жаңартты. Енді елдің көміртек бейтараптығына көшуі халықаралық талаптармен тікелей үйлестіріледі.

Сауда және интеграция министрлігіне қарасты «ҚазСтандарт» екі жаңа ұлттық стандарт әзірледі:

«Бұл екі стандарт халықаралық ISO 14068-1:2023 және IWA 42:2022 стандарттарымен бірдей. Олардың қабылдануы Қазақстанның 2060 жылға дейін көміртектік бейтараптыққа қол жеткізу стратегиясында көзделген міндеттерді іске асырудағы маңызды кезең болды. Сондай-ақ бұл стандарттарды қабылдау Қазақстанның жаһандық климаттық саясаттағы рөлін күшейтеді. Олар шығарындыларды жауапты басқаруға және ғылыми негізделген климаттық шешімдерді енгізуге...

Алматы облыстық соты сот «әділетсіз үкім шығарған жағдайда өзін-өзі өртейміз» деген Хасан Қасымбаевтың туыстарына ескерту жасады.

Tengrinews.kz ақпаратына қарағанда, 10 қараша күні айыпталушының соңғы сөзі айтылды. Талғар аудандық сотының алдында оны қолдаушылар жиналды. Олар «әділ шешім» шығаруды талап етті. Айыпталушының анасы Гүлнар Нуракенова мен жұбайы Зүлфия Қасымбаева жиналғандардың алдында сөз сөйлеп, «сот әділетсіз шешім қабылдаса, өзін-өзі өртеуге дайын» екенін айтты.

Алматы облыстық соты мұндай әрекеттерге қатаң ескерту жасап, сотқа қысым көрсету, қауіп төндіру және қоғамдық тәртіпке қауіп төндіретін кез келген әрекеттердің заңмен тыйым салынғанын еске салды.

«Мұндай әрекеттер әділ сот төрелігіне араласу болып...

Қарағандыда көлік жүргізушісі жол жиегінде келе жатқан әйелді қағып тоқтамастан қашып кеткен. 25 жастағы келіншек баласын бақшадан алып, үйіне жаяу қайтып келе жатқан. Көлік келіншекті «Динамо» шұлық-тоқыма фабрикасының маңындағы тротуармен жүріп келе жатқан сәтте соққан, деп жазады eKaraganda.kz

Куәгерлер түсірген видеода әйелдің жерде жатқан сәті, ал оның қасында баласының жылап тұрғаны көрінеді.

Жәбірленуші жедел жәрдеммен Макажанов атындағы көпсалалы ауруханаға жеткізілді. Анасының сөзінше, қызының аяғы сынған. Дәрігерлер жағдайын орташа ауыр деп бағалады. Кішкентай бала қатты қорқып қалған, бірақ зақым алмаған.

Полицияның мәліметінше, көлік жүргізушісі оқиға орнынан қашып кеткен. Алайда бір тәуліктен кейін күдікті ұсталып, көлік айыптұрағына қойылған.

3 қарашада Шымкентте жаяу жүргіншілер жолынан...

Түркістан облысы Ордабасы ауданы Төрткүл ауылындағы 16 жасар қыздың өлімі бойынша іс облыстық қылмыстық істер жөніндегі ауданаралық сотында жабық қаралатын болды. Бұл туралы Kursiv.Media-ға облыстық соттың баспасөз қызметі хабарлады.

Іс Қылмыстық кодекстің «Адам өлтіру» бабы, «Зорлау» бабы және «Сексуалдық сипаттағы зорлық-зомбылық әрекеттері» бабымен түскен.

«Сот Қылмыстық процестік кодекстің 29-бабы 1-бөлігінің талабына сай басты сот талқылауын жабық процесте өткізу керек қажет деп есептеді» делінген сот хабарламасында.

Басты сот талқылауы ертең, 11 қараша күні сағат 10:00-ге тағайындалған.

Еске сала кетер болсақ, қайғылы оқиға биыл 6 маусымға қараған түні болған. Ауыл тұрғындарының сөзінше, қыз өз...

АҚШ Өзбекстан аумағындағы бірлесіп игерілетін пайдалы қазбалар кен орындарына алғашқы кезектегі қолжетімділік құқығын алады.

Газета ақпаратына қарағанда, Америка тарапы Өзбекстанға шағын модульдік ядролық реакторлар мен қорғаныс саласына арналған жабдықтар жеткізеді. Бұдан бөлек, Air Products компаниясы Өзбекстанда метанол өндіретін зауытқа 3 млрд долларға дейін инвестиция салуды жоспарлап отыр.

АҚШ Мемлекеттік департаменті 6 қарашада Вашингтонда Өзбекстан президенті Шавкат Мирзиёев пен АҚШ президенті Дональд Трамптың кездесуі нәтижесінде қол жеткізілген бірқатар келісімнің егжей-тегжейін жариялады.

Мәлімдемеде екі ел үкіметтері экономика, қауіпсіздік және гуманитарлық салада жан-жақты ынтымақтастықты нығайту бағытында жұмыс істеп жатқаны, бұл өзара тұрақтылық пен өркендеуге ықпал ететіні айтылған.

Президент Трамп АҚШ-ты стратегиялық минералдармен...

«Еуразиялық банк» директорлар кеңесінің төрағасы Шухрат Ибрагимов «Еуразиялық қаржы компаниясы» (ЕФК) өз активтерін сатпайтынын мәлімдеді. Ол бұл туралы Forbes Kazakhstan-ға берген сұхбатында айтты.

«Біздің активтерді сату туралы ойымыз жоқ. Банк те, сақтандыру компаниясы да, жалпы қаржы тобы, бәрі өз орнында қалады», – деді ол.

Ибрагимов Eurasian Resources Group (ERG) төңірегіндегі қауесеттерге де жауап берді. Ол компания да, оның Қазақстан мен Африкадағы өндірістік активтері де сатуға шығарылмағанын нақты айтты.

«Бұл тек алып-қашпа сөздер. Кім және не мақсатпен мұны таратып жүргенін білмеймін. Бірақ бір нәрсе анық: менің мақсатым...

Мемлекет басшысы Қасым-Жомарт Тоқаев УЕФА Атқарушы комитетінің мүшесі және «Пари Сен-Жермен» (ПСЖ) футбол клубының президенті әрі акционері Нассер Әл-Хелаифимен кездесті.

Кездесуде Президент еліміздегі футбол саласын дамыту мәселесіне арнайы тоқталды. Қасым-Жомарт Тоқаев қазіргі таңда Қазақстанда футбол клубтарын жекешелендіру және бәсекелес орта қалыптастыру бағытында нақты шаралар жүргізіліп жатқанын атап өтті.

Мемлекет басшысы Нассер Әл-Хелаифиге футболды халықаралық деңгейде насихаттауға және осы спорт түрінің дамуына қосқан үлесі үшін алғыс айтты.

Сонымен қатар тараптар Қазақстан мен халықаралық спорт ұйымдарының өзара ынтымақтастығын нығайту мәселелерін талқылады.

Кездесу соңында Қасым-Жомарт Тоқаев Қазақстанның Халықаралық падел федерациясымен әріптестігі елде жаңа спорт түрі, паделдің дамуына және оның танымалдығын арттыруға...

2015 жылы жарыққа шыққан және үш бірдей жаңартудан өткен сегізінші буындағы Toyota Hilux пикапының тоғызыншы буыны шыққалы жатыр. Жаңа үлгі алғаш рет толықтай электрлі күштік қондырғымен, екі электр қозғалтқышымен жабдықталған нұсқада ұсынылды. Толық техникалық сипаттамалар әлі жарияланбағанымен, Toyota Hilux-тың сыртқы және ішкі көрінісінің алғашқы ресми суреттерімен бөлісті. Жаңа модельдің Азия елдері нарығына шығуы 2026 жылға жоспарланған.

Жаңа Hilux қос кабинамен жабдықталған. Өлшемдеріне келер болсақ, ұзындығы – 5320 мм, ені – 1855 мм, биіктігі – 1800 мм, ал дөңгелек базасы– 3085 мм. Бұл өлшемдер алдыңғы буыннан аса ерекшеленбейді.

Toyota Hilux пикапының электр қозғалтқыштары 196 ат күші қуат өндіреді, ал оларды...

Петропавл қаласында «Қызылжар» футбол клубының жеке қаржыландыру жүйесіне көшуіне байланысты маңызды келісімге қол қойылды. Құжат клубтың спорттық бренді, инфрақұрылымы мен активтерін жаңа меншік иесіне беру тәртібін айқындайды.

Бұл келісім президент Қасым-Жомарт Тоқаевтың кәсіби футбол клубтарын жекешелендіру жөніндегі тапсырмасын орындау аясында жүзеге асып отыр.

«Қызылжар» клубының жаңа инвесторы ретінде кәсіпкер Сергей Кан анықталды. Енді Кан клубтың даму стратегиясын, инфрақұрылымдық жобаларын және спорттық көрсеткіштерін жақсартуға жауапты болады.

Спорттық сабақтастық туралы құжат Қазақстан футбол федерациясы (ҚФФ), сондай-ақ FIFA және UEFA қолдауымен өтетін жарыстарға қатысуға қатысты құқықтар мен міндеттердің берілуін реттейді.

Осылайша, «Қызылжар» елдегі алғашқы жеке қаржыландырылатын футбол клубтарының бірі болмақ. Бұған...

Елімізде есірткі қылмысымен күресуге енді жасанды интеллект көмектеседі. Бас прокурор Берік Асылов ЖИ негізіндегі екі инновациялық құралдың қалай жұмыс жасайтынын түсіндіріп берді.

Crypto Trace және ProkAi деп аталатын инновациялық құралдарды Шымкент қаласының прокуратурасы мен отандық IT-әзірлеушілер бірлесіп жасаған.

«Екі жоба да Мемлекет басшысының «Заң мен Тәртіп» идеологиясын қоғамда ілгерілету шеңберінде өтеусіз негізде іске асырылды және прокуратураның теңгеріміне берілді«, – деп жазды Асылов Х әлеуметтік желісінде.

Есірткі бизнесінің ақшасын анықтай алады…

«Crypto Trace» – бұл жаңа буынның іздеу жүйесі, ол желідегі транзакцияларды талдауға және есірткі бизнесінің ақшасын анықтауға көмектеседі.