Жаңалықтар

Астанада мемлекеттік кеңесші Ерлан Қариннің төрағалығымен Парламенттік реформа жөніндегі жұмыс тобының төртінші отырысы өтті, деп хабарлайды Ақорда.

Бұл жолғы отырыстың негізгі тақырыбы жаңа бір палаталы Парламенттің атауы және басқа билік институттарымен қарым-қатынасы туралы болды.

«Жұмыс тобы жетекшісінің орынбасары – Президенттің құқықтық мәселелер жөніндегі көмекшісі Ержан Жиенбаев болашақ Парламенттің мемлекеттік биліктің басқа да институттарымен өзара іс-қимылы кезіндегі өкілеттіктеріне қатысты жалпы тәсілдер туралы айтты», – делінген хабарламада.

Әзірге жаңа Парламенттің атауы қандай болатыны белгісіз. Ақорда ақпаратына сүйенсек, жиын қорытындысы бойынша жұмыс тобының жетекшісі Ерлан Қарин келіп түскен ұсыныстардың барлығын жинақтап, жан-жақты талдауды тапсырған.

Айта кетейік...

Бүкіл әлемге танымал эстрада жұлдызы Бруно Марс он жылға созылған үзілістен соң алғаш рет жеке орындауында альбом жазып шығарды. Алғашқы сингл көпшілік назарына 9 қаңтарда ұсынылды.

Бруно Марстың алтын дәуірі

1970-жылдардағы ретро-фанк және диско-поп жанрындағы I Just Might әні Бруно Марс шығармашылығын сүйіп тыңдайтындар үшін ғажап сыйға айналды. Сингл жарияланған тоғыз сағаттың ішінде-ақ әннің youtube-ке жарияланған бейнеклипін шамамен 2 млн адам көріп үлгерді. Көпшілік оны нағыз хит деп бағалады.

«Бруно Марс 10 жылдан кейін жаңа жеке жобасымен арамызға қайта оралды. Біз алтын дәуірдің куәсіміз», – деп жазды жанкүйерлердің бірі.

«Бруно...

Алты жылға созылған сотқа дейінгі тергеу мен сот таластарынан кейін, Қарағанды облысының экономикалық тергеу департаменті бұрынғы шенеунікке қатысты қылмыстық істі тоқтатты, деп хабарлайды Tengrinews.kz.

Жақсылық Шалабековке қатысты қылмыстық іс 2019 жылы қозғалды. Бастапқыда ол Қарағандының оңтүстік-батыс ауданында екі көпқабатты үй салуға бөлінген 120 миллион теңгені жымқырды деп айыпталған. Тергеу мәліметтері бойынша, құрылыс бөлімінің бастығы қызметін атқарып, іс жүзінде жұмыс жүргізілмейтінін біле отырып, құрылыс компаниясына аванс төлеу туралы қосымша келісімге қол қойған. Кейінірек айыптау «лауазымдық өкілеттіктерді теріс пайдалану» деп қайта жіктеліп, Шалабеков бірнеше рет қамауға алынып босатылды.

Жалпы алғанда, ол бір жарым жыл қамауда болды. Тергеу органдары Жақсылық Шалабековтің кінәсін...

Қазақстанның жеңіл атлетика федерациясында кадрлық өзгерістер болды. Олимпиада чемпионы Ольга Рыпакова Федерация президенті қызметінен кетті. Бұл туралы Ұлттық Олимпиада комитеті хабарлады.

Айта кетейік, қызметінен кеткен Рыпакова федерацияның құрметті президенті болып сайланды. Ақпаратқа сүйенсек, бұл шешім халықаралық ұйымдармен байланыс орнатуға және халықаралық жеңіл атлетика федерациясының мүшесі ретінде шетелдік мамандармен тығыз ынтымақтастыққа байланысты қабылданды.

Федерацияның жаңа президенті болып «ҚазМұнайГаз» Ұлттық компаниясы» АҚ басқарма төрағасы Асхат Хасенов тағайындалды.

Жеңіл атлетика – елдегі ең танымал спорт түрлерінің бірі. Қазіргі уақытта Қазақстанда бұл спорт түрімен жүйелі түрде 360 мыңнан астам адам айналысады.

Өткен жылдың қараша айында жеңіл атлетикадан Қазақстан құрамасына жаңа жаттықтырушы-кеңесші тағайындалды. Енд...

Шымкентте өткен жылы 8 мыңға жуық жолаушыға жол ақысын төлемегені үшін айыппұл салынған. Айыппұлдың жалпы көлемі 70 миллион теңгеге жуықтаған.

«Төлемеймін»

Жол ақысын төлемеген жолаушы бақылаушылардың қолына түссе, айыппұлға ілінеді. Айыппұл көлемі 2 айлық есептік көрсеткіш. Өткен жылы көлемі 7 864 теңге болған. Биыл 70 теңге төлеуден жалтарғандарға енді 8650 теңге айыппұл салынады. Былтыр айыппұл 8 мың адамға салынған.

Қоғамдық көлікті бақылаушылардың сөзінше, жүз жолаушының алпысы жол ақысын төлемейді. Олардың дені жастар.

Бақылаушы Ариф Мамышовтың сөзінше, жолаушылардың кейбірі «төлемеймін» деп ашық айтады.

«Ондайлар «Не істей аласың?» дейді. Жолаушыларға жағдайды барынша түсіндіреміз. Қазір төлем түрі көп...

HeadHunter сарапшылары 2025 жылдың қорытындысын шығарып, Қазақстандағы ең жоғары медиандық жалақысы бар салаларды атады.

Ең жоғары медиандық жалақы ұсынылған топ-5 сала:

Сондай-ақ үздік ондыққа сату және клиенттерге қызмет көрсету (327 616 теңге, 12,3%), құрылыс және жылжымайтын мүлік (325 819 теңге, 8,5%), ауыл шаруашылығы (325 179 теңге, 12,9%), құқық саласы (325 029 теңге...

Жамбыл облысында балалардың жаппай улануына қатысты іс бойынша сот шешім қабылдады.

Оқиға 2025 жылдың қарашасында Байзақ ауданында болған. Дүкенде сатылатын тамақты жегеннен кейін 12 оқушы уланып, ауруханаға түскен.

Жоспардан тыс тексеру барысында дүкендегі тамақтан ішек таяқшалары тобының бактериялары анықталған. Бұл тамақты дайындау кезінде санитарлық нормалардың бұзылғанын көрсетеді.

Тараз қаласының әкімшілік құқық бұзушылық жөніндегі мамандандырылған сотында кәсіпкер 12 оқушының бір сәтте улануы мүмкін емес екенін айтты.

Сот шешіміне сәйкес, кәсіпкер балалардың уланғанына кінәлі деп танылды. Ол бір миллион теңге айыппұл төлейтін болды.

Астана қаласындағы мектептердің бірқатарында қазақ мектебінде оқитын балалардың ата-аналары мемлекеттік тілді үйреніп жүр. Жоба орыс тілді ортада тәрбиеленген отбасыларды қолдауды көздейді. Бұл туралы Kursiv.Media елорда әкімдігінің мәліметіне сүйене отырып хабарлады.

Тіл үйрену курстары 2025 жылғы қыркүйектен бері жұмыс істейді.

«Қызым екінші сыныпта оқиды. Алғашында қиналып қаламыз ба деп қорықтық. Кейін мұғалімдермен сөйлесіп, олардың қолдауын сезінген соң баламызды қазақ сыныбына бердік. Қазір өзім де курстарға қатысып жүрмін», – деді оқушының анасы Анна Гильмиярова.

Оның айтуынша, мұндай жобалар үй тапсырмасын орындауға, баланың қатарластарымен еркін араласуына көмектеседі.

«Жоба тек тіл...

Қазақстандық теннисші Александр Бублик Гонконг қаласында өтіп жатқан ATP-250 турнирінің жартылай финалына шықты. Ол 9 қаңтарда Шан Цзюнчэнді жеңді.

Ширек финалдағы матч 6:1, 7:6 есебімен екі сетте аяқталды. Енді Бублик жартылай финалдағы қарсыласын күтеді. Ол америкалық теннисшілер Маркос Жирон мен Майкл Ммо матчының жеңімпазымен кездеседі. Бұл екеуі жұма, яғни бүгін 9 қаңтар күні кешке ойнайды.

Турнирдегі екінші жартылай финалда ресейлік Андрей Рублев пен италиялық Лоренцо Музетти кездеседі. Финалға өтетін екі теннисші сенбі, 10 қаңтар күні анықталады. Финал жексенбі, 11 қаңтарда ойналады.

Бублик тағы екі ойында жеңіске жетіп, турнир жеңімпазы атанса, онда 12 қаңтардан бастап ATP рейтингінде оныншы орынға көтеріледі. Александр...

Қаржы нарығын реттеу және дамыту агенттігі оңтүстік кореялық инвесторға тиесілі BNK Bank-ке ескерту жасап, жазбаша нұсқама берді.

Оған себеп – банк меншікті капиталдың ең төменгі мөлшеріне қойылатын талапты орындамаған.

Реттеуші аталмыш банкке бұған дейін де ескерту жасаған. Ол кезде де қаржы ұйымы реттеуші белгілеген пруденциялық нормативтерді орындамады.

Айта кетейік, бұрынғы микроқаржы ұйымы банк лицензиясын тек 2025 жылдың 25 маусымында алған. Тамыздан бастап ресми түрде банк ретінде жұмысына кірісті.  

1 қарашадағы жағдай бойынша BNK Commercial Bank капиталы 11,6 млрд теңгені құрады. Бұл – елдегі бүкіл банктер арасындағы ең төменг...

Экс-қызметкерінің даулы мәлімдемесінен кейін прокуратура «Эйр Астана» АҚ мен «Fly Arystan» АҚ компаниясын тексермекші. Бұл жайлы Бас көлік прокуратурасы хабарлады деп жазады Қазақпарат.

«Әлеуметтік желілерде «Эйр Астана» АҚ мен «Fly Arystan» АҚ-да ақшалай қаражатты жымқыру және заңдастыру фактілері бойынша қозғалған қылмыстық іс туралы ақпарат жарияланды. Жарияланымда, атап айтқанда, авиакомпания басшылығының нұсқауымен топ-менеджерлердің туыстары мен өзге де тұлғалардың мүддесі үшін жеңілдікпен авиабилеттерді сату туралы мәліметтер келтірілген. Баяндалған дәлелдерді тексеру мақсатында Бас көлік прокуратурасы Азаматтық авиация комитетіне «Эйр Астана» АҚ мен «Fly Arystan» АҚ қызметіне тексеру жүргізу туралы талап жолдады», – деп жауап берді ведомстводан.

Еске...

2026 жылдың алғашқы күнінде Алматы жолдарында тыныштық орнады. Былтырғы 1 қаңтармен салыстырғанда көлік қозғалысы екі есе азайған. Бұл туралы Sergek ITS сарапшылары мегаполистегі жаңа жылдық демалыс күндеріндегі жол қозғалысына жүргізілген талдау қорытындысына сүйене отырып хабарлады.

Жаңа жыл алдындағы қарбалас

Мереке алдындағы ең жоғары жүктеме – соңғы жұмыс күні. 2024 жылы бұл күн 30 желтоқсан болды, ол уақытта 1,68 млн сапар тіркелген, ал 2025 жылы 29 желтоқсанда – 1,56 млн сапар тіркелді.

Негізгі магистральдардағы қозғалыс

Қаланың басты көшелеріндегі орташа тәуліктік көлік белсенділігі 12,5%-ға артты. Қалаға кіретін және шығатын көлік ағыны да 12%-ға өскен.

2025 жылдың басынан бері салынып жатқан тұрғын үй кешендеріндегі пәтерлерді заңсыз сатудың көптеген фактісі анықталған. Заң бұзғаны үшін 61 құрылыс компаниясы әкімшілік жауапкершілікке тартылды. Салынған айыппұлдардың жалпы сомасы 49 млн теңгені құрады. Бұл жайлы Бас прокуратура мәлімдеді.

Прокуратура әкімшілік шара қолданумен қатар, үлескерлердің қаражатын заңсыз тарту бойынша алаяқтық схемаларды ұйымдастырғаны үшін қылмыстық тергеу бастаған.

«Тергеу қорытындысы бойынша 5 адам қылмыстық жауапкершілікке тартылып, мүлік тәркіленді. Сот 900-ден астам үлескердің мүддесі үшін берілген прокуратураның 10 талап-арызын қанағаттандырды. Сот шешімдері бойынша олардың пайдасына 11 млрд теңгеден астам қаражат өндірілді, сондай-ақ 4 жер учаскесі қайтарылды», – делінген...

9 қаңтарда Иранның бүкіл әлеммен байланысы үзілді: интернет, телефон желілері ажырады, әуе рейстері тоқтады. Бұл уақытта аятолла Әли Хаменеи телеарна арқылы ұлтқа үндеу тастап, көтерілген халықты Дональд Трамптың айтағына ерді деп айыптады.

Көсем халықты қорқытты

Reuters мәліметінше, байланыссыз қалған Иранда жаңалықтар сайты әзер дегенде жаңарып тұр. Ал елдің рухани көсемі аятолла Әли Хаменеи көшеге шыққан халықты АҚШ президенті Дональд Трамптың атынан әрекет етіп жатыр деп айыптады. Бұған қоса, көсем наразылық акцияларына қатысқандар мемлекет мүлкін талқандады деп азғырып, Тегеран «шетелге жалданған» адамдарға төзбейді деп қорқытты.

«Кеше кешке Тегеранда вандалдар мен бүлікшілер тобы мемлекетке тиесіл...

Былтыр әлеуметтік желілер арқылы заңсыз ұтыс ойындарын ұйымдастырған 121 адам әкімшілік жауапқа тартылды. Олардың қатарында танымал блогерлер мен медиа тұлғалар да бар.

Министрліктің ресми сайтында жарияланған мәліметке сәйкес, Instagram және басқа да платформаларда лотерея өткізген аккаунттардың арасында әзілкеш Тұрсынбек Қабатовтың бұрынғы жұбайы Мөлдір Мұқан, «Супермамасита» лақап атымен танымал Әлия Байтуғаева, Justking31 атымен белгілі Нұрбек Нұртаза, блогер Дархан Жолшыбеков, «Жайдарман» ойындарындағы «Миллион» командасының мүшелері Ерболат пен Мансар, сондай-ақ Сабина Мовлаева және тағы басқалары бар. Толық тізімді Туризм және спорт министрлігінің сайтынан қарауға болады.

Ведомство өкілдерінің мәліметінше, аталған тұлғалар лотерея операторы мәртебесінсіз ұтыс ойындарын ұйымдастырған.

Еске салайық, Әкімшілік құқықбұзушылық туралы...

Алматыда маңында жол апатына түскен үндістандық студент қайтыс болды.

Жол апаты 2026 жылдың 6 қаңтарында болған. Салдарынан сол кезде-ақ екі студент қайтыс болды.

Қазақстандағы Үндістан елшілігінің хабарлауынша, үш күннен бері жансақтау бөлімінде жатқан студент өмірден өтті.

«6 қаңтардан бері жансақтау бөлімінде жатқан Рахул Ядав (2001 жылы туған) таңертең қайтыс болды. Оның мәйітін тасымалдау ұйымдастырылып жатыр. Осы апатта қаза тапқан екі үндістандық студент – Каран Пармар мен Риширадж Байраттың мәйіті бүгін Үндістанға жөнелтілді», – делінген ақпаратта.

Апат кезінде көлікте Үндістанның бес азаматы болған. Төртеуі – Шымкент қаласындағы Оңтүстік Қазақстан медицина академиясының студенті. Олар Шымкенттен Алматыға...

2026 жылдың 1 қаңтарынан Бірыңғай жинақтаушы зейнетақы қорынан (БЖЗҚ) төленетін зейнетақы төлемдері жеке табыс салығынан толық босатылды. Жаңа Салық кодексіне сәйкес, бұл өзгеріс ай сайынғы зейнетақы төлемдеріне де, тұрғын үй жағдайын жақсарту немесе емделу үшін алынатын біржолғы зейнетақы төлемдеріне де қатысты.

Аталған норма тек Қазақстан Республикасының резиденттеріне қатысты, ал бейрезиденттерге төленетін зейнетақыдан бұрынғыдай жеке табыс салығы ұсталады.

Бұған дейін БЖЗҚ-дан төленетін бүкіл зейнетақы төлемдері табыс ретінде қарастырылып, олардан 10 пайыз мөлшерінде жеке табыс салығы ұсталып келген. Тұрғын үй немесе емделу мақсаттарына алынған біржолғы зейнетақы төлемдерінен де салық төлеу міндеті болған, ал азаматтар салықты бірден төлеу немесе...

Оңтүстік Кореяның бұрынғы президенті Юн Сок Ёль өлім жазасына кесілуі мүмкін. Жұма, 9 қаңтар күні соттың соңғы отырысы өтті. Судья оны кінәлі деп тапса, экс-президент өлім жазасына кесілуі мүмкін. Бұл туралы Reuters хабарлады.

Енді арнайы прокурор елдің бұрынғы басшысына жаза тағайындауды сұрауға тиіс. Бүлік шығарды деп айыпталған Юн өлім немесе өмірлік түрме жазасына кесілуі әбден мүмкін.

Дегенмен Оңтүстік Корея шамамен 30 жыл бойы өлім жазасына ресми емес мораторий ұстанып келеді. Бұл ел 1997 жылдан бері ең ауыр жазаны қолданған емес.

Сеул орталық аудандық сотында прокуратура өкілі Юн мен елдің сол кездегі қорғаныс министрі Ким Ён Хён парламентті тарату...

Белгілі экономист Расул Рысмамбетов стратегиялық активтерді Қазақстанның бизнесмендері ғана алуы керектігін айтады. Сарапшының сөзінше, отандық олигархтар бұл бағытта ақшаны барынша Ресей мен Қытайдан алмауға тиіс.

Рысмамбетов бұл пікірін телеграм-арнасында жария етті. Сөзінше, отбасылық коэффициентті есепке алсақ, «Қазақмыс», «Қармет» және «Қазцинк» қызметіне қалай болғанда да 1 миллионға жуық адам (қазақстандықтардың 5 пайызы) тәуелді. Ал егер бұл кәсіпорындар Қазақстанның 5-6 өңірі үшін бюджетті қалыптастырушы мекемелер екенін ескерсек, оларды дұрыс басқарудың құны өте жоғары.

«Сәттілік пен қателіктің әлеуметтік әсерін асыра бағалау қиын. Басқаша айтқанда, дұрыс басқарылса аймақтар гүлденеді, әйтпегенде Астанаға қарай самосвалдармен аттанған аштық шерулері басталады. Бұл...

Қазақстанда 2025 жылы заңсыз ұтыс ойындарын ұйымдастырғаны үшін 121 адам әкімшілік жауапкершілікке тартылды. Бұл туралы Туризм және спорт министрлігіне қарасты ойын бизнесі мен лотереяны реттеу комитеті хабарлады.

Айыппұлдың жалпы сомасы 49,9 млн теңге. Заңсыз қызметпен айналысқандарға ескерту хаттары жіберілген.

«Хаттама шешімімен келіскен жағдайда құқық бұзушылар айыппұлды өз еркімен төлейді. Келіспеген жағдайда іс сотқа жолданып, белгіленген тәртіппен қаралады», – деп түсіндірді комитет өкілдері.

Комитет заңсыз ұтыс ойындарын ұйымдастырған тұлғаларға ескерту хаттары жолданып, офлайн және онлайн форматтарда түсіндіру кездесулері өткізкенін мәлімдеді. Сондай-ақ, министрліктің ресми сайтында әлеуметтік желілерде ұтыс ойындарын өткізген аккаунттардың тізімі де...

Дональд Трамп Мексикадағы есірткі картельдеріне соққы бермекші. Бұл жайлы ол Fox News арнасына берген сұхбатында хабарлады.

«Біз қазір картельдерге қатысты құрлықта соққы бере бастаймыз. Картельдер Мексиканы басқарып отыр», -деді Трамп. Бірақ алдағы жоспарлар туралы егжей-тегжейлі мәлімет бермеді.

Басылымның дерегінше, АҚШ президентінің бұл сөздері Солтүстік Американың Кариб теңізі мен басқа да аймақтарда жасалған бірнеше айлық әскери науқан барысында айтылды.

Бірақ Мексика президенті Клаудия Шейнбаум бұл идеяны теріске шығарып, «АҚШ-тың Венесуэла істеріне араласуын» қатаң айыптады.

«Біз басқа елдердің ішкі ісіне араласуды үзілді-кесілді айыптаймыз. Латын Америкасының тарихы анық әрі дәлелді: араласу...

9 қаңтарда президент Қасым-Жомарт Тоқаев Құрылыс кодексіне қол қойды. Бұл туралы Ақорда хабарлады. Заң мәтіні баспасөзде жарияланады.

Сонымен бірге, мемлекет басшысы заңнамаға сәулет, қала құрылысы және құрылыс мәселелері бойынша өзгерістер мен толықтырулар енгізуді көздейтін заңға да қол қойды. Осы құжаттың мәтіні де баспасөзде басылады.

Заңдар бүкіл құрылыс саласына ортақ тәртіп енгізуді көздейді. Енді құрылыс жүргізетін компаниялардың жауапкершілігі мен нысан сапасы артуы тиіс. Әсіресе, сейсмикалық белсенді аймақтардағы құрылысқа талап күшейтіледі.

Бұған қоса, құрылыс барысы E-Qurylys арқылы жүзеге асады. Жер сатып алудан бастап, нысанды қолданысқа беруге дейінгі жұмыстардың бәрі осында көрініп тұруға тиіс.

Азаматтардың құқықтарын қорғауға да көңіл...

2027 жылы жанар-жағармай бағасы күрт қымбаттауы мүмкін. Сарапшы Олег Червинскийдің жазуынша, оған сол жылдың 1 қаңтарынан бастап Еуразиялық экономикалық одақ (ЕАЭО) аясында мұнай мен мұнай өнімдерінің ортақ нарығы туралы келісімнің күшіне енуі себеп болмақ.

2025 жылдың желтоқсанында Санкт-Петербургте өткен Жоғары Еуразиялық экономикалық кеңес отырысында одаққа мүше мемлекеттердің басшылары осы келісімді іске қосу жөнінде уағдаласқан.

Ресми хабарламада ортақ нарықтың мақсаты – мұнай өнімдері саудасына ортақ әрі ашық ережелер енгізу, жеткізілім мен бағаны тұрақтандыру және энергетикалық қауіпсіздікті күшейту деп жазылған.

Алайда бұл келісім Қазақстан үшін жанар-жағармай бағасының өсуіне алып келуі мүмкін. Журналист Олег Червинскийдің пікірінше, 2027 жылдан...

Glencore тау-кен алыбы Rio Tinto компаниясымен қосылуы мүмкін. Сол кезде екеуінің нарықтағы капиталы 260 млрд долларға жетеді. Екі ірі компания арасында келіссөздер қайта басталғанын Financial Times жазды.

Glencore «Қазмырыш» компаниясы акцияларының 70%-ына иелік етеді. Швейцариялық компанияның Қазақстандағы активін сату жөнінде бейресми келіссөз жүргізіп жатқаны 2025 жылдың ақпанында мәлім болған. Сол кезде мырыш, қорғасын және алтын өндірумен айналысатын кәсіпорын шамамен 5,1 млрд долларға бағаланған.

2024 жылдың қорытындысы бойынша Glencore 1,6 млрд доллар шығынға батқаны мәлім. Бір жыл бұрын компания көрсеткіштердің төмендеп кетуін көмірдің арзандауымен түсіндірген.

Жақында ғана мәжіліс депутаты Ерлан Сайыров үкіметтің трансұлттық компанияны қолдау себебін сұрап, Glencore-ға шүйліккен...