Жаңалықтар

Оқу-ағарту министрлігі Массачусетс технологиялық институтымен бірлесіп жалпы орта білім беру жүйесіне жаңа бағдарламасын енгізіп жатыр.

Министрліктің мәліметінше, ол Day of AI Qazaqstan деп аталады.

Бағдарлама әрбір оқушыға жасанды интеллекттің жұмыс істеу қағидаттары, қалыптастыруға бағытталған. Сонымен қатар, мүмкіндіктері, тәуекелдері және жауапкершілік туралы түсінік пайда болады.

Бастысы, жасанды интеллект құралдарын пайдалана отырып, математика, физика, химия, биология, жаратылыстану және информатика сияқты негізгі пәндерді оқытудың жаңа форматтарын қалыптастырады.

«Бұл оқытудың практикалық бағытын күшейтуге, визуализация мүмкіндіктерін кеңейтуге, есептерді шешу мен жобалық жұмыстардың сапасын арттыруға мүмкіндік береді. Бастама ұлттық құндылықтар мен жасанды интеллект технологияларын ұштастыру негізінде әзірленуде», – делінген ақпаратта.

Белгілі әнші Жазира Байырбек Дубайдан орала сала Павлодар қаласына концертке барғанын айтты. Өнер иесі бұл туралы Instagram парақшасында жазба жариялап, елге аман-есен оралғанын жеткізді.

«Аллаға шүкір, елімізге аман-есен оралдық. Дубай – Маскат – Стамбул – Астана. Барлығы Алланың қалауымен болды. Әр кез тілекші болып, уайымдап хабарласып жатқан барша жанға үлкен рақмет. Алла баршамызды амандықта, тыныштықта ұстасын», – деп жазды әнші.

Сонымен қатар Жазира Байырбек сторис бөлімінде елге келе салысымен бірден жұмысқа кіріскенін айтты. Оның айтуынша, Астанаға жеткен соң бірден Павлодарға концертке ұшып кеткен.

Әншінің бұл жазбасына желі қолданушылары жылы пікір білдіріп, аман-есен оралғанына қуанып жатқанын...

Ұлттық банк төрағасы Тимур Сүлейменов 10 мың теңгелік ескі және жаңа банкноталардың қатар айналыста болу мерзімін тағы бір жылға ұзарту жоспарланып отырғанын айтты. Бұған дейін ескі үлгідегі купюралар 2026 жылдың маусымында айналымнан шығуы тиіс еді.

Қазақстан Ұлттық банкі өткізген брифинг барысында журналистер 10 мың теңгелік банкнотаның айналым мерзіміне қатысты сұрақ қойды.

«Иә, біз бұл мерзімді тағы бір жылға ұзартуды жоспарлап отырмыз. Бұл купюраларға сұраныс жоғары. Қаржыгерлер қауымдастығы, яғни екінші деңгейлі банктер мерзімді тағы бір жылға ұзартуды сұрады», – деді Тимур Сүлейменов.

Бұған дейін 10 мың теңгелік ескі және жаңа банкноталардың қатар айналыста болу мерзім...

«Алтай» футбол клубы «Қайратқа» қарсы өтетін матчтың билеттері толық сатылып кеткенін хабарлады.

Клубтың ресми мәліметінше, жанкүйерлердің қызығушылығы жоғары болып, ойынға арналған барлық билет алдын ала сатылып кеткен.

«SOLD OUT. Алтай – Қайрат ойынына билеттердің барлығы толықтай сатылды. Сіздерді ертең сағат 16:00-де «Хан Тәңірі» стадионында күтеміз!» – деп хабарлады клубтың баспасөз қызметі.

Айта кетейік, өскемендік «Алтай» командасы өз алаңындағы ойындарын Алматыдағы «Хан Тәңірі» стадионында өткізеді.

7 наурыз күні футболдан Қазақстан премьер-лигасы басталады. Бұған дейін, Kursiv Media еліміздегі футбол клубтарын сатып алған кәсіпкерлер туралы жазған еді.

Президент Қасым-Жомарт Тоқаев Халықаралық Қызыл Крест комитетінің президенті Мирьяна Споляричті қабылдады. Кездесудің негізгі тақырыбы соғыс пен қақтығыстар жағдайындағы гуманитарлық көмек мәселесі болды.

Не талқыланды

«Халықаралық Қызыл Крест комитеті халықаралық гуманитарлық ынтымақтастық жүйесінде өте маңызды рөл атқарады. Халықаралық құқық нормаларын нығайтуға қосқан үлесіңізді жоғары бағалаймыз. Сіз басқаратын Ұйым мен басқа да халықаралық беделді құрылымдар баршаға ортақ адамзат құндылықтарын насихаттауға елеулі үлес қосып келеді. Әсіресе, бұл іс адамдар көмекке мұқтаж аймақтарда өте маңызды», – деді Президент.

Тоқаев гуманитарлық көмекті саясиландыруға болмайтынын атап өтті. Қазақстан халықаралық гуманитарлық құқықты нығайтуға бағытталған жаһандық қозғалысты бастамашы болған алты...

Қаржы сарапшысы Сұлтан Елемесов несие тарихын қалпына келтіру үшін қанша уақыт қажет екенін түсіндірді.

Ол Instagram желісінде оқырмандарының бірінің несие тарихын үлкен мөлшердегі қарыздардан кейін қалпына келтіруге бола ма деген сұрағына жауап берді.

Әйел адам бұрын бірнеше несие бойынша қиындыққа ұшырағанын, шағыннесие, ломбардтағы қарыздар және төлемдерді уақытында төлемеу жағдайларын айтқан. Қазір ол қарыздарын біртіндеп жауып, ағымдағы несие төлемдерін орындап жатыр.

Несие тарихының маңызы

Сарапшының айтуынша, қаржылық бедел адамның өмірінде шешуші рөл атқарады. Ол әсіресе несие тарихы болашақта адамға несие алу мүмкіндігін анықтайтынын атап өтті.

«Біздің беделіміз – ең маңызды активтердің бірі. Егер...

Ұлттық банк төрағасы Тимур Сүлейменов брифинг барысында орынбасарының қызметтен кетуіне қатысты пікір білдірді. Төрағаның айтуынша, Берік Шолпанқұлов жұмыстан босату туралы өтінішті өз еркімен жазған. Сүлейменов бұл шешімді тек заңнамалық тұрғыдан растап, оның артында қандай да бір саяси астар бар-жоғы туралы сұрақтарға нақты жауап берген жоқ.

7 триллион теңге мәселесі

Президент Қасым-Жомарт Тоқаев отандық банктердің бірі арқылы көрші елден келген 7 трлн теңгенің шетелге шығарылғанын айтып, мұны «жаға ұстатарлық факт» деп атаған. Бұл оқиғадан кейін қаржы нарығын бақылаушы мекемелер тексеріс бастаған.

Ұлттық банк төрағасының орынбасары Берік Шолпанқұлов БАҚ өкілдеріне берген сұхбатында 7 трлн теңгенің «таза сыртқа шығарылған ақша» емес...

Италияның Милан, Кортина-д’Ампеццо және Валь-ди-Фьемме қалалары алдағы он күнде паралимпиадалық спорттың басты орталығына айналады.

2026 жылғы Қысқы Паралимпиада ойындары 6–15 наурыз аралығында өтеді. Ашылу салтанаты Веронаның тарихи аренасында ұйымдастырылады.

Ұйымдастырушылардың айтуынша, ашылу рәсімі паралимпиадалық құндылықтарды дәріптейтін әрі көрерменге ерекше әсер сыйлайтын мерекелік шоу болмақ. Ашылу салтанатын бүгін сағат 23:50-де Qazsport телеарнасы тікелей эфирде көрсетеді.

Паралимпиадалық алау 24 ақпанда Ұлыбританиядағы Сток-Мандевилл ауылында жағылды. Бұл жер паралимпиадалық қозғалыстың отаны саналады. Алау 6 наурыз күні, дәл ашылу салтанатына орай, Верона қаласына жеткізіледі деп жоспарланып отыр.

Қысқы ойындарға 50 елден келген шамамен 650 параспортшы қатысып, 79 медаль жиынтығын сарапқа салады.

Жабылу салтанаты...

Қазақстанның банк жүйесіне қатысты қызық факті бар. Еліміздің қаржы саласындағы жетекші қызметтердің айтарлықтай бөлігін әйелдер атқарып отыр. ҚР Қаржы нарығын реттеу және дамыту агенттігінің дерегі бойынша, елімізде екінші деңгейдегі 23 банк бар. Оның тоғызын әйелдер басқарады. Олар тек қаржы ұйымдарын басқармай, сонымен қатар сектордың дамуына жаңа тәсілдер енгізіп, тыс серпін беріп отыр.

Әйелдер банктердің әртүрлі сегменттерінде қызмет атқарады – бөлшек бизнес, цифрлық сервистерден бастап, даму институттары мен арнайы қаржы ұйымдарына дейін. Алайда олардың барлығын біріктіретін бірнеше ортақ қасиет бар.

Kursiv.Media тілшісі қазақстандық банктерді басқарып отырған әйелдер туралы шолу әзірледі.

Банк саласындағы әйелдер дегенде кез-келген қазақстандықтың есіне бірден Halyk...

Түрікменстан–Иран шекарасындағы кеден пункттері қалыпты жұмыс істеп жатыр.

Түрікменстан мен Иран шекарасындағы «Серахс», «Артық», «Ховдан» және «Алтын Асыр» кеден пункттері қалыпты режимде жұмыс істеп жатыр. Осы кеден пункттері арқылы жүктер, соның ішінде Қазақстанға транзитпен тасымалданатын тауарлар өтеді. Бұл туралы Түрікменстан мемлекеттік кеден қызметі хабарлады.

Кеден қызметінің мәліметінше, көліктер мен жүктердің өтуі әр пункттің белгіленген өткізу қабілетіне сәйкес жүргізіледі.

«Осы пункттер арқылы Өзбекстан, Тәжікстан, Қырғызстан, Қазақстанға, сондай-ақ басқа елдерге ірі көлемде тауарлар тасымалданады», – деп жазады Түрікменстан кеден қызметі.

Осыған дейін Премьер-министр орынбасары Серік Жұманғарин Таяу Шығыстағы шиеленістің ушығуы Қазақстанның логистикалық бағыттарына айтарлықтай әсер ету...

Halyk Bank Алматыдағы Interfood супермаркетін сатылымға шығарды. Бастапқы құны 2,3 млрд теңге деп көрсетілген. Жылжымайтын мүліктің сатылатыны туралы Dmas порталында жарияланған.

Нысан Медеу ауданындағы, Гоголь көшесінде орналасқан. Сауда 18 наурызда өтуі керек. Коммерциялық мүліктің аумағы – 2,5 мың шаршы метр, 1986 жылы салынған.

Interfood-тың иесі кім?

Interfood супермаркеттер желісі Құлмахановтар отбасына тиесілі. Forbes дерегіне сүйенсек, Шаблай Құлмаханов – White Tower бизнес орталығының иесі. Оның жұбайы Шолпан Құлмаханова «Interfood» супермаркеттер желісін басқарған «Interfood» бірлескен қазақстан-герман кәсіпорнының құрылтайшысы болған. Осы компания арқылы отбасы Алматыдағы City Plus және City Center сауда-ойын-сауық орталықтарына иелік еткен. Сонымен қатар, Grand Asia A және Grand Asia B бизнес орталықтары да меншігінде болды.

Ұлттық банк төрағасы Тимур Сүлейменовтың айтуынша, 7 трлн теңгені «шетелге заңсыз жөнелткен» банкке қатысты тексеріс әлі жүріп жатыр. Бұл туралы ол базалық мөлшерлемеге байланысты брифинг барысында айтты.

«Қазір бұл банкке қатысты тексеріс жүріп жатыр. Тексерісті Қаржы нарығын реттеу және дамыту агенттігі, Ұлттық банк пен ҚМА бірлесіп жүргізіп жатыр. Қосымша ақпарат тексеріс нәтижесінде белгілі болады» – деді ол.

Бұған дейін Ұлттық банк төрағасының орыбасары Берік Шолпанқұлов «банктің заң бұзғаны анықталмады» деп мәлімдеген еді. Осы мәлімдемесінен кейін ол бірден қызметінен кетті.

«Тексеріс бітпей...

Аллергологтардың айтуынша, мимоза, күнбағыс және хризантема гүлдері тозаң бөлуіне байланысты сыйлауға болмайды.

Себебі олар аллергиялық реакция тудыруы мүмкін. РИА Новости ақпаратына қарағанда, бұл туралы аллерголог-иммунолог Олег Кривцун айтып берген.

Маманның сөзінше, маусымдық аллергиядан зардап шегетін адамдардың көпшілігі үшін бақша гүлдері аса қауіпті емес. Аллергиктер үшін басты қауіп – тозаңы ауада еркін таралатын жел арқылы тозаңданатын өсімдіктер.

«Ең алдымен, біз аллерген ретінде желмен тозаңданатын өсімдіктерді қарастырамыз. Бұл қайың тұқымдасына жататын барлық ағаштар – қайың, талшын, емен және басқалар. Ал жәндіктер арқылы тозаңданатын өсімдіктерге, яғни гүлдерге келсек, көп жағдайда олар қауіпті реакция тудырмайды. Олардың тозаңы ауыр...

TikTok платформасы Telegram-ның негізін қалаушы Павел Дуровтың парақшасын бұғаттап тастады. Оған не себеп болғаны белгісіз.

Дуров TikTok-қа осы жылы қаңтарда ғана тіркелген. Сол уақыттан бері оған 150 мың адам жазылып үлгерді. Ал қазір парақшаны ашуға тырысқанда, аккаунт қолжетімсіз деген хабарлама шығады.

Негізі бұған дейін Дуров бірнеше рет әлеуметтік желіні сынға алған еді. Тіпті бір жиында TikTok-ты «батпаққа» теңеп, адамдарды қысқа рилс көріп отыруды азайтуға шақырды. Оның сөзінше, ондай контент миға артық салмақ түсіріп, көрерменді уайымға батырады.

Әзірге TikTok та, Дуров та бұған қатысты пікір білдірген жоқ.

Осыған дейін Ресейде Дуровқа қарсы қылмыстық іс қозғалғанын жазған

Ұлттық Банк төрағасы Тимур Сүлейменов теңге бағамы Таяу Шығыстағы ахуал мен қара алтын бағасына тәуелді екенін ашық айтты. Бас банкирдің пайымдауынша, әлемдік нарықта күтпеген шоктар болмаса, экспорттық түсімнің артуы теңге бағамын тұрақтандыруға қауқарлы.

Бас банкир бәрі Таяу Шығыстағы қақтығыс қалай өрбитініне, мұнай бағасы қанша уақыт қымбат болып тұратынына байланысты деп тұжырымдайды.

«Бұл ретте ел қазынасы мен Ұлттық қорға түсетін қаржы экспортқа шығатын негізгі шикізат – мұнай бағасына байланысты екенін бәрі білетін шығар. Экспорттан түсетін түсімнің 50 пайыздан астамы және Ұлттық қор мен бюджетке түсетін қаржының 30 пайызы мұнай есебінен қалыптасады. Мұнай қымбаттаған сайын, бюджетке түсетін түсім...

Марокко корольдік футбол федерациясы ұлттық құраманың бас бапкері Валид Реграгуи қызметінен кеткенін ресми түрде жариялады.

Ұйым бұл жаңалықты ресми YouTube арнасында тікелей эфир барысында хабарлап, маманның орнына жаңа бас бапкер болып Мохаммед Уаби тағайындалғанын мәлімдеді.

Өз шешімін түсіндірген Реграгуи командаға жаңа серпін қажет екенін айтты.

«Құрамаға жаңа тұлға, басқа энергия және жаңа бапкердің көзқарасы керек. Әлем чемпионаты қарсаңында командаға жаңа тыныс пен жаңа бағыт қажет деп ойлаймын. Менің кету туралы шешімім – осы құраманың дамуының бір бөлігі», – деді маман.

Айта кетейік, биыл қаңтар айында Марокко Африка кубогында Сенегал құрамасынан қосымша уақытта 0:1 есебімен жеңіліп...

BYD компаниясы жылдам зарядтау функциясы бар жаңа Fang Cheng Bao Ti3 және Fang Cheng Bao Ti7 модельдерін таныстырды.

Сarnewschina ақпаратына қарағанда, бұл көліктер әлемдік нарықта BYD Ti3 және BYD Ti7 атауларымен сатылады.

Аязға төзімді

Ti7 кроссовері 755 км-ге дейін жүре алады. Небәрі 9 минутта 10%-дан 97%-ға дейін қуатталады.

5 наурызда компания жаңа буындағы Blade Battery 2nd generation аккумуляторын таныстырды. Оның басты артықшылықтары – мегаватттық зарядтау мүмкіндігі және жоғары аязға төзімділік.

Жаңа аккумулятор 11 модельде қолданылады деп жоспарланған. Соның ішінде Ti3 және Ti7 көліктері де бар. Бұл көліктер Robosense компаниясының LiDAR сенсорларымен жабдықталады.

FCB Ti3 туралы

Ti3 бұрынғы...

10 наурыздан бастап Алматыда автокөлік иелеріне қатысты жаңа экологиялық ережелер күшіне енеді. Мегаполисте төмен шығарындылар аймақтарының (LEZ) пилоттық жобасы іске қосылады. Бұл аймақтарға тек шығарындылары нормадан аспайтын көліктер кіре алады. Алғашында төлем жүйесі енгізілмейді, бірақ шығарындылары нормадан асатын көліктерге кіруге тыйым салынады. Бұл туралы kursiv.media Time.kz деректеріне сүйене отырып хабарлайды.

Экоаймақтар қай жерде пайда болады

Бастапқыда бірнеше орталық аудандар қарастырылған еді. Олардың қатарында – Бөгенбай батыр даңғылы, Достық даңғылы, Желтоқсан көшесі және Абай даңғылы арасындағы аумақ. Екінші ықтимал аудан ретінде Ж.Сайын көшесі, Рысқұлов даңғылы және Шығыс айналма жол шектелген болатын.

Алайда әкімдік аймақтардың нақты шекаралар әл...

Егер Қазақстанға тұтқиылдан төтенше қауіп төнсе, халық паналайтын орындар бар ма? Әуе дабылы қағылғанда тұрғындар қайда жасырынуы керек.

Бомбадан паналайтын жер деген қандай орын?

Ең бірінші ескеретін нәрсе, Қазақстан заңнамасында «бомбадан паналайтын жер» немесе «бункер» деген ұғым қолданылмайды. Оның орнына «азаматтық қорғаныстың қорғаныш құрылысы» (АҚҚҚ) деп айту қажет.

Оның түрі екіге бөлінеді: паналайтын және радиацияға қарсы жасырын орын.

Паналайтын жер – заманауи зақымдану құралдарынан, өрттен, басқа да улы заттардан қорғануға арналған. Ал радиацияға қарсы жасырын орын ядролық жарылыс немесе радиациялық ластану кезінде қорғау үшін арнайы жасалған паналау орны.

АҚҚҚ тікелей мемлекет бақылауында болады.

Қазақстандағы АҚҚҚ қанша?

Қазақстандағы АҚҚҚ-ның барлығы негізінен...

Иран АҚШ пен Израильге жойқын соққы беретінін хабарлады. Алдағы күндері шабуылдарын күшейтіп, ауқымын кеңейтпек.

Tasnim агенттігі ақпаратынша, бұл туралы Иранның Қарулы күштерінің біріккен қолбасшылық штабы – Хатам аль-Анбия орталық штабы хабарлады. Штаб мәлімдемесінде жақын күндері «дұшпан позицияларына» жасалатын соққылардың қарқыны да, көлемі де арта түсетіні айтылған.

Иран әскери қолбасшылығы Рамат Давид авиабазасы мен Мерон әскери базасы аумағындағы радиолокациялық нысанға соққы жасалғанын мәлімдеді. Сонымен қатар Иран Эрбиль қаласындағы АҚШ штабына және Кувейт аумағындағы америкалық базаға шабуыл жасағанын хабарлады.

Иран бұл әрекеттерін 28 ақпанда басталған АҚШ пен Израиль әскери операциясына жауап ретінде жүзеге асырған. Иран әскері Таяу Шығыстағы бірнеше америкалық базаға...

Аты аңызға айналған испаниялық әнші Энрике Иглесиас 3 қыркүйекте елордадағы «Астана Арена» стадионында, ал 5 қыркүйекте Алматының Орталық стадионында өнер көрсетеді. Бұл туралы Freedom Ticketon хабарлады.

Билеттер сатылымға қашан шығады

Билеттердің эксклюзивті алдын ала сатылымы тек Freedom SuperApp пайдаланушылары үшін 7 наурыз күні сағат 12.00-де басталады. Алдын ала сатылым бар болғаны 3 күнге (9 наурызды қоса алғанда) жалғасады. Секторға байланысты билет бағасы көрсетілген зал схемасы жарияланды. Билет бағасы 45 мың теңгеден басталады.

«Энрике Иглесиастың концертіне арналған тизер біздің Instagram парақшамызда небәрі 12 сағат ішінде 1 миллионнан астам қаралым жинады. Бұл қоғамның қызығушылығы өте...

Ұлттық банк базалық мөлшерлемеге қатысты кезекті шешімін шығарып, негізгі көрсеткішті үшінші рет 18% деңгейінде өзгеріссіз қалдырды.

«Қазақстан Республикасы Ұлттық Банкінің Ақша-кредит саясаты жөніндегі комитеті базалық мөлшерлемені жылдық 18,00% деңгейінде белгіледі. Пайыздық дәліз +/- 1,0 п.т. құрады», – делінген хабарламада.

Қазақстанда инфляция, яғни тауарлар мен қызметтер бағасының өсу қарқыны біртіндеп бәсеңдеп, 2026 жылдың ақпанында 11,7% деңгейіне түсті. Дегенмен бағаның өсуі әлі де жоғары болып қалып отырғандықтан, Ұлттық Банк базалық мөлшерлемені 18% деңгейінде өзгеріссіз қалдыру туралы шешім қабылдады.

Бұл дегеніміз елдегі несиелердің пайызы жоғары болып қала береді, ал депозиттер бойынша табыс та тартымды деңгейде сақталады. Мұндай...

Алматы музейінде «Мен қазақ қыздарына қайран қалам» атты көрме ашылды. Ол 8 наурыз – Халықаралық әйелдер күніне арналған.

Мегаполис музейіндегі экспозиция қазақ әйелдерінің ел тарихы, мәдениеті мен өнеріндегі ерекше рөлі туралы баяндайды, деп таратты Алматы әкімдігі.

Мұнда көрнекті өнер иелеріне тиесілі жеке заттар, сахналық костюмдер, архивтік фотосуреттер, құжаттар мен портреттер ұсынылған.

Олардың қатарында Хадиша Бөкеева, Роза Бағланова, Бибігүл Төлегенова, Роза Жаманова, Мәдина Ералиева және Сәуле Жанпейісова бар.

Көрме 12 наурызға дейін жалғасады. Мереке күндері музейге барып, қазақ өнерінің аңызға айналған әйелдерінің мұрасымен жақынырақ танысуға болады.

8 наурыз – Халықаралық әйелдер күні қарсаңында нәзікжандылардың тек үй мен кеңсе ғана емес, ауыр өндіріс саласында да ерлермен тең еңбек етіп жүргенін жиі еске аламыз. Солардың бірі – ауыр техниканы тізгіндеп, биікте жауапты жұмыс атқаратын кран жүргізушісі Мадина Бекетаева. Жезқазғандағы өндіріс орындарында ширек ғасырға жуық уақыт еңбек еткен ол бұл мамандықтың шыдамдылықты, батылдықты және ермінезділікті талап ететінін айтады. Осы кәсіптің қыр-сыры туралы Мадина Бекетаеваның өзімен әңгімелесіп көрдік.

Мадинаның кран машинисі мамандығына түсуіне нағашы ағасы себепкер болған екен. Ағасы Жезқазғандағы мыс балқыту зауытында көпір крандарының басым бөлігінде әйелдер жұмыс істейтінін көрген соң, Мадинаға да осы мамандықты меңгеріп көруді ұсынған...