Жаңалықтар

Қытайда жаңа буын Geely Atlas сатылымы басталды және алғашқы нәтижелер ерекше әсер қалдырды. Себебі небәрі үш апта ішінде 12 248 дана сатылған. Бұл орта есеппен әр 2,1 минут сайын бір жаңа Atlas иесін тауып жатыр деген сөз. Мұндай көрсеткішке тіпті бәсекелестік жоғары Қытай нарығында да жиі тіркеле берілмейді.

Жаңа дизайн – жаңа кезең

Geely бұл модельді төртінші буын ретінде таныстырғанымен, шын мәнінде, үшінші буындағы Atlas-тың терең жаңартылған нұсқасы. Көлік сырттай қаталдау әрі заманауи сипат алды, алдыңғы бөлігінің сызықтары айқынырақ, артқы жағы жинақы әрі сәнді. Салоны да жаңартылып, мультимедиалық жүйесі жетілдірілді, материалдар сапасы жақсарып, эргономика артқаны да байқалады.

9 маусым күні Португалия – Испания Еуропаның ең мықты құрамасы атағы үшін алаңға шығады. Финалдық ойын Астана уақытымен 23:50-де басталады және тікелей эфирді «Qazsport» арнасынан көруге болады.

Португалия — екінші титулға жақын

2019 жылы тұңғыш рет өткен Ұлттар лигасының алғашқы жеңімпазы болған Португалия құрамасы биыл да финалға жолдама алды. Жартылай финалда Роберто Мартинес баптайтын команда Германияны жарыстан шығарды. Екінші тайм басында Флориан Вирц есеп ашқанымен, Франсишку Консейсау керемет соққымен есепті теңестірді, ал көп ұзамай жеңіс голын Криштиану Роналду соқты. Егер Роналду осы финалда тағы да жарқырай түссе, турнирдің үздік сұрмергені атануы мүмкін.

Испания...

Алматы қаласының әкімі Дархан Сатыбалды Бостандық ауданындағы бірқатар инфрақұрылымдық жобалардың жүзеге асу барысымен танысты. Қала басшысы жұмыс сапасына, көгалдандыруға және құрылыс мерзімдерінің сақталуына баса назар аударды.

Назарбаев даңғылы мен Ганди көшесінің қиылысындағы скверде тоған салынып, ұңғымалар бұрғылануда, инженерлік желілер тартылып жатыр. Әкім бұл аумақты көгалдандыруды күшейтуді тапсырды.

Әл-Фараби даңғылындағы Есентай өзені арқылы өтетін көпірдің құрылысы 60 пайызға аяқталған. Жасыл желекті сақтау үшін жобаға өзгерістер енгізілген. Әкім жұмысты кешіктірмей аяқтап, жағалаудың эстетикасына мән беруді талап етті.

1 500 орындық мектеп ғимаратында әрлеу жұмыстары жүріп жатыр, оқу жиһаздары жеткізілген. Мектеп жаңа оқу жылына дейін ашылады.

Торайғыров көшесіндегі жаяу жүргіншілер аймағы қазан...

Алматы облысының әкімі Марат Сұлтанғазиев Талғар ауданына жұмыс сапары барысында болашақ «Атлетико Мадрид» футбол академиясының құрылыс алаңына барып, жобаның жүзеге асу барысымен танысты.

Аталған жоба Талғар ауданындағы «Ақбұлақ» спорт орталығының базасында жүзеге асырылуда. 2024 жылдың қыркүйегінде «Sport Asset Management» қоғамдық бірлестігі мен «Doscar Group» ЖШС испаниялық «Атлетико Мадрид» футбол клубымен әріптестік туралы келісімге қол қойған болатын. Осы келісім аясында Орталық Азияда алғашқы «Атлетико Мадрид Қазақстан» футбол академиясын құру көзделіп отыр.

Академия құрылысы үш кезеңмен іске асырылады. Бірінші кезеңде – 2025 жылдың мамырында басталған балалар академиясының инфрақұрылымын салу жұмыстары 2026 жылдың соңына дейін аяқталады деп күтілуде. Қазіргі таңда қонақүй ғимараты...

Алматы қаласының Медеу ауданында салынып жатқан ағаш жеке үйден өрт шықты. Бұл туралы Төтенше жағдайлар департаменті хабарлады. Алдын ала мәлімет бойынша, зардап шеккендер жоқ.

Өрт құрылыс жұмыстары жүріп жатқан жеке секторда болды. Оқиға орнына өрт сөндірушілер жедел жетіп, өртті ауыздықтау жұмыстарына кірісті. Өрт сөндіру штабы құрылып, су үздіксіз жеткізіліп жатыр.

Құтқарушылардың мәліметінше, тілсіз жауды сөндіру барысында көлемі 50 литрлік бір газ баллоны қауіпсіз жерге шығарылды. Құрылыс конструкцияларының құлау қаупіне байланысты мамандар қауіпсіздік техникасының барлық талаптарын сақтап жұмыс істеуде.

Еңбек демалысыңыз — 21 күн. Оның екі аптасында ауылға барасыз, қалған 7 күнінде шетелге шығам деп отырсыз. Сол бір жұмаға таудай жоспар құрып қойғансыз: 3 қалаға барасыз, 5 рет ұшаққа мінесіз, күніне 2 экскурсия жасайсыз. «Шетелге күнде шығып жатқан жоқпын» деп артынып-тартынғаныңызбен, үшінші күні ағзаңыз шаршап, «мына демалыстан кейін тағы демалыс керек болады» деп күңіренуіңіз мүмкін. Мұндай марафон-демалыс көпшілігіңізге таныс шығар? Құдды бізді біреу жарыстырып жатқандай неге сонша қапыламыз? Демалыстан шынында демалып келу үшін не істеу керек? Осы туралы айтайық.

1. Локациядан бұрын жай-күйіңізді ойлаңыз

«Қайда барсам екен?» деп емес, «Өзімді қалай сезінгім келеді?» деген сұраққа жауап алудан...

Қазақстан президенті Қасым-Жомарт Тоқаев америкалық The Hill саяси басылымына арнаған мақаласында Біріккен Ұлттар Ұйымын (БҰҰ) жаңғырту туралы ұсыныс айтты.

Президенттің айтуынша, жаһандық ұйым дамушы және орта державалардың, соның ішінде Қазақстанның да рөлін күшейту арқылы тиімдірек бола алады.

БҰҰ – 80 жылдық тәжірибесі бар әмбебап алаң

2025 жылы 80 жылдығын атап өтетін БҰҰ – әлемдегі ең ықпалды көпжақты ұйым. 1945 жылдан бері ұйым 70-тен астам бітімгершілік миссияны жүзеге асырып, қақтығыстарды тұрақтандыруға, бейбіт тұрғындарды қорғауға және соғыс пен апаттардан зардап шеккен миллиондаған адамға көмек көрсетуге ықпал етті. Сонымен қатар, ол қоршаған ортаны қорғау, цифрландыру және адам құқықтары саласындағы...

7 маусым күні Парижде өтіп жатқан Roland Garros 2025 турнирінің әйелдер арасындағы жекелей сындағы финалы өтеді. Бұл матчта әлемнің бірінші ракеткасы Арина Соболенко (Беларусь) мен екінші орындағы америкалық Кори Гауфф чемпиондық атақ үшін таласады. Кездесу сағат 18:00-де басталады деп жоспарланған.

Данилина мен Крунич жұптық сында финалға шығады

8 маусымда Қазақстандық теннисші Анна Данилина сербиялық әріптесі Александра Круничпен бірге әйелдер арасындағы жұптық финалда өнер көрсетеді. Олар Италиядан келген Сара Эррани мен Жасмин Паолиниге қарсы ойнайды. Матч сағат 14:00-де басталады.

Қазақстандық теннис жанкүйерлері үшін бұл кездесу ерекше маңызға ие. Данилина бұған дейін де «Үлкен дулыға» турнирінің финалында ойнаған тәжірибелі спортшы...

Қазақстан Премьер-министрі Олжас Бектенов Қытайдың Industrial and Commercial Bank of China (ICBC) басқарма төрағасы Лю Цзюньмен кездесті. Тараптар инвестициялық ынтымақтастықты кеңейту және ұзақмерзімді қаржыландыру тарту мәселелерін талқылады.

Олжас Бектенов Қытайдың Қазақстан үшін сауда-экономикалық және инвестициялық тұрғыдан басты әріптес екенін атап өтті. Оның сөзінше, президент еліміздің экономикасына инвестиция тарту жөнінде нақты тапсырма берген.

Қазақстан мен Қытай арасындағы достық пен әріптестік қатынастар екі ел көшбасшыларының өзара сенімді байланысына негізделген. Біз ICBC банкімен ұзақмерзімді стратегиялық серіктестікті дамытуға мүдделіміз. Жаңа бірлескен бастамалар қаржы-экономикалық байланысты нығайтып, ортақ дамудың жаңа көкжиектерін ашады, – деді Премьер-министр.

2024 жылы Қазақстан мен...

Өзбекстан футбол құрамасының 2026 жылғы әлем чемпионатына алғаш рет жолдама алуы ел тарихындағы айтулы оқиғаға айналды. Осы тарихи жеңістен кейін Өзбекстан президенті Шавкат Мирзиёев ұлттық құраманың бас бапкері, ойыншылары мен жаттықтырушылар штабына жоғары мемлекеттік марапаттар табыстау туралы жарлыққа қол қойды.

Бас бапкер Тимур Кападзе мен барлық футболшыларға «Ўзбекистон ифтихори» («Өзбекстан мақтанышы») құрметті атағы берілді. Бұл марапат тек негізгі ойыншыларға ғана емес, жас таланттарға да табысталды. Олар Азия іріктеу кезеңіндегі табысты ойындарымен жеңіске үлкен үлес қосты.

Сондай-ақ, Өзбекстан футбол қауымдастығы төрағасының бірінші орынбасары Равшан Ирматов «Фидокорона хизматлари учун» («Фидақорлық еңбегі үшін») орденімен марапатталды. Бапкер көмекшілері мен шетелдік мамандар, оның ішінде...

Автокөлік – тек қатынас құралы емес, сонымен қатар қомақты инвестиция саналады. Алайда әр көлік жыл өткен сайын құнын жоғалтатыны анық. АҚШ-тағы беделді Kelley Blue Book (KBB) агенттігінің зерттеуіне сәйкес, небәрі бірнеше модельдің бағасы ғана 5 жыл өткен соң, бастапқы бағасына жақын деңгейде қала алады. 2025 жылғы зерттеуде құнын ең жақсы сақтайтын 10 автокөлік тізімі жарияланды. Талдауға сүйенсек, бұл көліктер жүргізушіге жайлылық сыйлап қана қоймай, уақыт өте келе қаржылық жағынан да тиімді шешімге айналады.

Құнның сақталуы неге маңызды?

Көптеген жүргізушілер жаңа көлік сатып алғанда, оның бағасына, дизайнына, брендінің беделіне мән береді. Алайда болашақта көлік құнының сақталуы – өте...

Британ футболының жарқын жұлдызы Дэвид Бекхэмге король III Карлдың туған күніне орай рыцарь атағы беріледі. Бұл жөнінде BBC хабарлады.

Бұрынғы Англия құрамасының капитанының есімі ресми марапат иегерлері тізіміне енгізілген. Рыцарь атағы берілген соң, енді ресми түрде «сэр Дэвид Бекхэм» деп аталатын болады. Ал жұбайы — атышулы Spice Girls тобының бұрынғы мүшесі Виктория Бекхэм — «леди Виктория» мәртебесіне ие болады.

2003 жылы Дэвид Бекхэм спорт саласындағы еңбегі үшін Британ империясы орденін алған. Ол кезде марапатты марқұм патшайым Елизавета II өзі табыстаған еді.

Қазіргі таңда 50 жастағы Бекхэм — Англия тарихындағы ең танымал әрі ең көп жетістікке жеткен футболшылардың бір...

Жетісу облысы, Алакөл ауданында бұған дейін көлік басқару құқығынан 10 жыл мерзімге айырылған азамат қайтадан мас күйінде көлік тізгіндеген. Бұл туралы бас прокуратура хабарлады.

Қоғам алдында өткен сот отырысында айыпталушы кінәлі деп танылып, 6 ай мерзімге бас бостандығынан айырылды. Сонымен қатар өмір бойына көлік басқару құқығынан айырылу жазасы тағайындалды.

Аталған шешім — Жетісу облысы прокуратурасының жол-көлік оқиғаларының алдын алу, сондай-ақ мас күйінде көлік жүргізуге жол бермеу бағытындағы жүйелі жұмыстарының бір бөлігі болып табылады.

Алматы қаласының әкімі Дархан Сатыбалды Наурызбай ауданына жасаған жұмыс сапары барысында қаладағы инфрақұрылым және әлеуметтік жобалардың жүзеге асырылу барысымен танысты. Әкім жол жөндеу жұмыстары мен құрылыс жобаларын дер кезінде әрі сапалы аяқтауды қатаң тапсырды.

Мектеп пен балабақша құрылысы – басты назарда

Құрамыс шағынауданында қала әкімі 1500 орындық жаңа мектептің құрылыс алаңын аралап шықты. Бұл білім ұясының құрылысы 2023 жылдың тамызында басталған болатын. Аудан тұрғындарының саны артып келе жатқанын ескерсек, мектеп тапшылығы мәселесі әлі де өзекті. 2024–2025 оқу жылында шамамен 5 мың оқушыға қосымша орын қажет.

Сондай-ақ, дәл осы ауданда 320 балаға арналған балабақша салынып жатыр. Қазіргі таңда нысанны...

2025 жылғы 7 маусымда сағат 08:33-те Алматыда жер сілкінісі сезілді. Бұл туралы ҚР Төтенше жағдайлар министрлігіне қарасты «Сейсмологиялық зерттеу институты» ЖШС хабарлады.

Сейсмикалық станциялар желісінің мәліметінше, жер сілкінісінің эпицентрі Қырғызстан аумағында, Алматы қаласынан оңтүстік-батысқа қарай 279 шақырым жерде орналасқан. Жер асты дүмпуінің магнитудасы Алматыда 2 балл шамасында сезілген.

Алдын ала мәлімет бойынша, зілзаладан зардап шеккендер мен қираулар тіркелген жоқ.

ҚР ТЖМ сейсмологтары аймақтағы жағдайды бақылауда ұстап отыр.

«Адамзат баласы табиғаттан алыстамауы керек» дегенді қазір жиі естиміз. Расында мыңдаған жыл бойы адам табиғатпен тығыз байланыста өмір сүрді: күн жарықта аңға шығатын, маусымына қарай шөп шауып, егін оратын. Қазір мұндай қимыл-әрекет өзгергендіктен, табиғи ритм бұзылды. Әр үйде жасанды жарық бар, жыл — он екі ай жалғасатын жұмыс, даланың суық екенін білдірмейтін құрылғылар бір қарағанда өмірді жеңілдеткенімен, екінші жағынан кері әсер етеді.

Маусымына қарай — шаруасы

Қазір біз табиғаттан алшақтап кеттік. Соның кесірінен үнемі шаршаңқы жүреміз, не істесек те көңіліміз толмайды, жөнді тыныға алмаймыз. Харвард денсаулық мектебі жасаған зерттеудің нәтижесінде табиғат ритмдерімен қатар ілескен кезде кортизол деңгейі азаятыны...

Бүгін Оңтүстік Кореялық Eastar Jet лоукостері Алматыдан Сеулге тікелей рейстерді іске қосты. Алғашқы ұшақ 23:45-те ұшады.

Ұшақтар аптасына екі рет қатынайды. Сеулге дейінгі жол ұзақтығы – 6 сағат 5 минут, ал кері бағыттағы рейс 7 сағат 15 минутқа созылады.

Билеттердің бағасы бір жаққа – 248,1 доллар  (126,9 мың теңге) мөлшерінен басталады. Бұл баға тек тіркелген пайдаланушылар үшін қолжетімді. Қалған жолаушылар үшін билет бағасы 328,1 доллар (167,8 мың теңге) және одан жоғары болады.

Айта кетейік, Алматыдан Сеулге Air Astana компаниясы да күн сайын рейстер орындайды. Олардың билеттері 122,2 мың теңгеден басталады.

Мамыр айының соңынан бастап Оңтүстік Кореяға жаңа бағыт ашылды...

Toyota жаңа Celica көлігінің қашан таныстырылатынын айтты. Компанияның мәліметінше, бұл модель нарыққа 2027 жылы шығарылады. Электрлендіру үрдістеріне қарамастан, Toyota бензинді қозғалтқышты сақтап қалуды жоспарлап отыр – бұл арқылы көліктің нағыз спорттық қуатты күшін жеткізгісі келеді.

Жаңа Toyota Celica жобасы негізгі дилерлердің пікірі ескеріле отырып әзірленуде. Оларға алғашқы эскиздер мен прототиптер көрсетілген. Қазіргі таңда платформа мен қозғалтқыш жүйесінің сынақтары басталып кеткен.

Toyota-ның Солтүстік Америкадағы кеңсесінің басшыларының бірі Купер Эриксен болашақ Celica-ның сыртқы келбеті әзірге құпия сақталатынын атап өтті. Дегенмен  жаңа өнімді жобалау жұмыстары қарқынды жүріп жатыр

«Интернетте тараған суреттер шындыққа сәйкес келмейді», – деді ол.

Шығыс Еуропада қарапайымдылығы және қолжетімділігімен танымал Dacia Duster мен Dacia Logan модельдері Германияның сенімді автокөліктер рейтингінде соңғы орындарға тұрақтады. TÜV Report 2025 есебінің деректеріне сүйенсек, техникалық байқаудан өткен 10,2 млн-нан астам көліктің ішінде дәл осы екі модель ең көп ақау табылған көліктер қатарына енген.

TÜV туралы

Бұл Германияның Technischer Überwachungsverein, яғни Техникалық бақылау одағының қысқартылған атауы. Германияда бұл ұйым жыл сайын көліктердің техникалық жағдайы бойынша ең беделді рейтингтердің бірін жариялайды. Есептің негізі – барлық автокөлікке екі жыл сайын міндетті түрде жүргізілетін техникалық тексеру (Hauptuntersuchung) мәліметтері.

Бұл есеп көлік иелері мен қайталама нарықтағы сатып алушылар үшін нақты әр...

АҚШ-тағы сот Гарвард университетінің тарапын қолдап, Дональд Трамптың шетелдік студенттер мен зерттеушілерге елге кіруге тыйым салатын жарлығының күшін уақытша тоқтатты.

Bloomberg агенттігінің хабарлауынша, бұл шешім Гарвард университетінің сотқа берген шағымына жауап ретінде қабылданды. Университет АҚШ-тың көші-қон саясатының қатаңдауына қарамастан, шетелдік студенттерді қабылдау құқығын қорғауға тырысуда.

Бостондағы федералдық сот президент жарлығының орындалуы Гарвардқа «тікелей және орны толмас зиян» келтіруі мүмкін деп есептеді. Уақытша тыйым 3 маусымда күшіне енді, ал бұл іс бойынша негізгі сот тыңдауы 16 маусымға белгіленген.

Бұған дейін Трамп әкімшілігі Гарвардты шетелдік студенттердің тарапынан болған-мыс заң бұзушылықтар туралы деректерді беруден бас тартты деп айыптаған. Олар бұл әрекетті ұлттық қауіпсіздікке...

Ақмола облысында шенеунік пен екі кәсіпкер Атбасардағы су тасқынынан зардап шеккендерге үй салуға бөлінген қаражатты жымқырғаны үшін сотталды.

Бұған дейін Бас прокуратура осы қылмыстық іске қатысты фигуранттар 300 млн теңгеден астам қаржыны жымқырды деп хабарлаған болатын. Олар – Атбасар ауданы әкімдігінің құрылыс бөлімінің басшысы және екі кәсіпкер – «Престиж Строй 7» және «Фундаменталь» ЖШС директорлары.

Айыпталушылар 2021 жылы Үкімет резервінен бөлінген қаражаттың бір бөлігін ұрлаған. Бұл қаражат Атбасар ауданында су басу қаупі бар аймақта тұратын 200 отбасын көшіруге арналған екі тұрғын үй салуға бағытталған болатын. Алайда құрылыс аяқталмай қалған.

«Тергеу барысында қылмыстық жолмен алынған мүлік...

Синоптиктердің мәліметінше, бүгін, 6 маусымда елдің басым бөлігінде аптап ыстық болады, ауа температурасы 42 градусқа дейін жетеді. Дегенмен кей өңірде найзағай ойнап, екпінді жел күтіледі.

Алматы облысы

Таулы аудандарда күндіз найзағай болжанады. Ауа температурасы +35 градусқа дейін, ал облыстың солтүстігінде +38 градусқа дейін көтеріледі. Өрт қаупі жоғары, әсіресе солтүстік және батыс аймақтарда аса қауіпті.

Батыс Қазақстан облысы

Облыстың батысы мен солтүстігінде синоптиктер қатты жаңбыр, найзағай, екпінді жел мен бұршақ болуы мүмкін екенін ескертеді. Солтүстік-шығыс желі 15–20 м/с жылдамдықпен соғады. Өрт қаупі жоғары.

Павлодар облысы

Облыстың батысы мен солтүстігінде найзағай күтіледі. Солтүстік-батыс, оңтүстік-шығыс және орталық аудандарда өрт қаупі жоғары.

Ақтөбе...

Шерзат Болатты (Полатты) өлтіру ісі бойынша мемлекеттік айыптаушы Дана Сарсенбайдың атынан әлеуметтік желілерде жалған аккаунттар пайда болды. Ол бұл туралы өзінің Instagram-парақшасында видеоүндеу арқылы хабарлады.

Прокурордың айтуынша, әлеуметтік желілерде өзінің атын, қызметін және фотосуреттерін заңсыз пайдаланып, жалған аккаунттар ашылып жатқан көрінеді. 

«Осыған байланысты бейнеүндеу жасауды қажет деп санаймын. Менің Instagram әлеуметтік желідегі жалғыз аккаунтым – @s.d.n__. Парақша тек отбасым мен жақындарыммен байланыс орнату үшін ғана құрылған. Бұл парақшада ешқандай ресми жарияланым, пікір немесе кәсіби сипаттағы ақпарат жарияланбайды. Менің атымнан ашылған басқа барлық парақшалар – жалған»,  – дейді прокурор. 

2025 жылғы қаңтар–сәуір аралығында Қазақстанда 9,2 мың жол-көлік оқиғасы тіркелді. Бұл өткен жылдың сәйкес кезеңімен салыстырғанда 51,5% көп.

Ең көп апат Алматыда

Ranking.kz мәліметінше, жол-көлік оқиғасының ең көп тіркелген өңірі — Алматы қаласы. Жыл басынан бері мұнда 2,2 мың апат орын алған, бұл елдегі әр төртінші жағдайға тең, өткен жылмен салыстырғанда 29,9%-ға артық. Алматыдан кейінгі орында — Алматы облысы (767 жағдай) және Жамбыл облысы (538 жағдай).

Негізгі себеп — жүргізушілердің кінәсі

Жол көлік апаттарының 7,2 мыңы жүргізушілердің кінәсінен болған. Бұл көрсеткіш өткен жылмен салыстырғанда 3,4 есе өскен.

Апатқа себеп болғандар қатарында: