Жаңалықтар

Заңгер Айгүл Орынбекке қылмыстық кодекстің үш бабы бойынша айып тағылды. Ақпаратты Шымкент қаласы прокуратурасының баспасөз қызметі растады.

ҚазАқпараттың хабарлауынша, Айгүл Орынбекке қатысты сотқа дейінгі тергеу басталды:

Журналист Михаил Козачков Telegram арнасында Шымкент қаласы прокуратурасының ресми жауабын жариялаған. Ол жерде қылмыстық іс Шымкент қаласы полиция департаментінің өндірісінде екені, сотқа дейінгі тергеп-тексерудің бірыңғай тізіліміне тіркелгені айтылған.

Бұған дейін Шымкентте мемлекеттік қызметшіден 10 млн теңге бопсалады деген күдікпен блогер-журналист ұсталды.

Қазақстандық продюсер, актриса Баян Алагөзова 1 миллион долларға дейін қарызға батып қалғанын айтты.

Оның айтуынша, Баян Алагөзова өзі жақсы көрген, бірақ сәтсіз шыққан жобалардың кесірінен қарызға белшеден батқан.

«Өйткені олар жүрекпен жасалды. Не істесем де, өзімді ешқашан кінәламаймын. Өзімді ешқашан жеңілгендей сезінбеймін. Фильм жүрмей қалса да, топ шықпай қалса да, ән өтпесе де , екінші, оныншы, жиырмасыншы рет болсын, оған бәрібір its okay, бүгін болмаса ертең деп қараймын. Өзімe ешқашан жаман сөз айтпаймын», – деді Алагөзова Muzzone арнасына берген сұхбатында.

Ол сөз арасында «1 миллион доллар қарызы болғанын» еске түсірді.

Өскеменде экологияға бөлінетін қаржы ұлғайғанымен, бұған дейін жасалуы тиіс кейбір міндеттер әлі орындалмаған. Шығыс Қазақстан облысының әкімі Нұрымбет Сақтағанов облыста қоршаған ортаны қорғауға арналған үш жылдық жоспар жүзеге асырылып жатқанын айтады. Бағдарлама аясында экологияны жақсарту үшін бөлінетін қаржы да аз емес.

Әкім келтірген мәліметке сенсек, бұл бағдарламаға 10 млрд теңге көлемінде қаражат бөлінген. Ол ақшаға қазандықтарды жаңғырту, кәріз тазарту нысандарын қайта құру, қалдықтарды көму орындарын рекультивациялау және көгалдандыру жұмыстары кіреді.

Сақтағановтың айтуынша, соңғы бес жылда өнеркәсіптік кәсіпорындардың шығарындылары 9%-дан астам азайған. Сонымен қатар аймақта пешпен жылытылатын 36 мыңға жуық жеке тұрғын үйді орталықтандырылған жылу жүйесіне қосу жоспарланып...

Қоғам тарапынан парламенттік реформаға қатысты 300-ге жуық ұсыныс келіп түскен. Ол үшін e-Otinish мемлекеттік платформасы мен Egov сервисінде «Парламенттік реформа» арнайы бөлімі іске қосылған. Бүгін Ақордада Тоқаевтың қабылдауында болған мемлекеттік кеңесші, Парламенттік реформа жөніндегі жұмыс тобының жетекшісі Ерлан Қарин осылай деді.

Оның ішінде елдегі «Amanat», «Ауыл», «Ақ жол», «Respublica», Қазақстан Халық партиясы және Жалпыұлттық социал-демократиялық партиялары өз ұсыныстарын жолдаған. Онда бір палаталы парламенттің қызметі мен парламенттік партиялардың өкілеттігіне қатысты тетіктер қамтылған.

Қазір барлық ұсынысты талдау және жүйелеу ісі қолға алынды. Жұмыс тобының екінші отырысын биыл 2 желтоқсанда өткізу жоспарланған. Жиында ұсыныстар жекелеген бағыттар бойынша жан-жақты қарастырылады деп баяндады Ерлан Қарин.

Қаржы министрі Мәди Такиев Астанаға келіп, қаржыландыру мәселесін көтерген жекеменшік мектептердің басшыларының мәселесі жөнінде депутаттық сауалға жауап берді.

Такиев не дейді

Қаржы министрінің хабарлауынша, 2025 жылға арналған республикалық бюджетте Оқу-ағарту министрлігіне мемлекеттік білім беру тапсырысын жекеменшік орта білім беру ұйымдары арқылы орындауға 136,6 млрд теңге сомасында шығын көзделген. Бұл ақша қарашада бітіп қалған. 10 қарашадағы жағдай бойынша 134,5 млрд теңге игеріліп кеткен, қаржыландыру жоспарының 98,5 %-ы орындалған.

«2025 жылдан бастап жекеменшік мектептерде мемлекеттік тапсырысты орналастыруға арналған шығындар жергілікті бюджет қаражаты есебінен одан әрі қосымша қаржыландыру мүмкіндігімен өңірлерге ағымдағы нысаналы трансферттермен берілді. Бұл бүгінг...

Мәдениет және ақпарат министрі Аида Балаева Тиматидің концертіне бойкот жариялағаны үшін полиция бөлімшесіне шақырылған блогер Аида Жексенова жайлы пікір білдірді.

Сенат кулуарында журналист министрден «әртіске бойкот жариялау заң бұзушылық па, әлде бұл азаматтық ұстаным ба?» деп сұрады. Министр бұл әрекеттен ешқандай қылмыстық құрам көрмейтінін айтты.

«Ол әрқашан жеке пікірін ашық айтады. Кейде билікті де сынайды. Бұл – конструктивті сын, қалыпты жағдай. Жалпы өз ойын ашық білдіретін блогердің барлығын дерлік бақылап отырамын. Оның жүкті екенін де білемін. Ұлттық комиссияның төрайымы ретінде мен оны әйел ретінде қолдадым. Біздің министрлік те бұл жағдайды зерттеп жатыр. Менің ойымша, оны шақырту...

Елде 17 мен 63 жас аралығындағы ер-азаматтарға қатысты деректер бір жүйеге жинақталды. Бұл туралы Қорғаныс министрінің орынбасары Дархан Ахмедиев айтты.

Айтуынша, «Smart военкомат» жобасы әскерге шақыру туралы хабарлама жіберу жұмыстарын да жеңілдеткен. Қазір хабарлама SMS арқылы жіберіледі.

«Жүйенің арқасында миллионға жуық азамат әскери комиссариатқа келуден босатылды. Яғни біз оларды шақырмаймыз, себебі нақты келуге тиіс адамдармен жұмыс істейміз. Бұдан бөлек, жұмысқа орналасқанда, тұрғылықты мекенжайын өзгерткенде бұрын келіп, қайта тіркелуі қажет еді. Қазір мұндай жоқ», – дейді Дархан Ахмедиев.

«Smart военкомат» жобасын таныстырған қорғаныс министрлігі мамандарының сөзінше, 2026 жылдың қаңтарынан бастап мерзімді қызметтегі әскери қызметшілер МӘМС-ке...

Бүгін Астанада Шығыс Қазақстан облысының әкімі Нұрымбет Сақтағанов жылдық есебін баяндап, журналистер сұрағына жауап берді. Тілшілердің бірі ШҚО-ның экс-әкімі Даниал Ахметовтің ұлы жайлы сауал қойды.

«Оның бірнеше жобаларға қатысы бар дейді. Нақты айтқанда ең ұзын көпір құрылысына, одан бөлек оның компаниясында Даниал Ахметовтің әпкесінің күйеуі гидростанса құрылысына қатысы бар деген ақпарат шықты. Талғат Ахметов қатысқан барлық жобаларды және оның сомасын айта аласыз ба?», – деді журналист.

Бірақ бұл сұраққа әкім мардымды жауап бере алмады.

«Мен оның қазіргі құрылысқа қатысы барын білмеймін. Жаңа сіздің алдыңыздағы журналист сұрады, ол жерде басқа...

6 желтоқсанда Алматыдағы Балуан Шолақ аренасында LEVEL UP фестивалі өтеді.

Фестивальдің басты жұлдызы – Ninety One тобы. Сондай-ақ сахнада Yenlik, Ghetto Dogs, Hatikoali, Bazar Jackson өнер көрсетеді, бұдан бөлек кештің басты тосын сыйына айналатын құпия хедлайнер де шығады. Еске сала кетейік, жазда өткен LEVEL UP фестивалінде құпия қонақ болып Қайрат Нұртас шыққан еді.

LEVEL UP FEST тек көңіл көтеру ғана емес, сонымен қатар жастар арасында салауатты өмір салтын насихаттау миссиясын атқарады. Фестивальдің мақсаты есірткі қылмыстарына қарсы үн қосып, шынайы ләззаттың эмоция, еркіндік пен музыкада екенін еске салады.

Билеттерді Freedom Ticketon сайтынан сатып алуға болады.

Премьер-Министрдің орынбасары – Ұлттық экономика министрі Серік Жұманғарин Сенат отырысынан кейін, брифингте зейнетақының неге тек 10%-ға өсетінен түсіндірді.

Журналистер инфляция деңгейі жоғары болуы мүмкін екенін айтып, индексация неге тек 10% екенін сұрады. Вице-премьердің айтуынша, индексация болжанған инфляциямен байланысты бекітілген.

«Біз орташа инфляцияны 9–10% деңгейінде болжаймыз. Сондықтан индексация 10% болып белгіленді. Бұл – бюджет мүмкіндіктеріне сәйкес шешім», – деді Жұманғарин.

Сондай-ақ ол зейнетақы өсімін қайта қарау жоспарланбағанын айтты.

«Өзгеріс болмайды, 10% болып қалады. Бұл көрсеткіш бюджетке енгізілген», – деді вице-премьер.

Айта кетейік, 2026 жылдан бастап Қазақстанда зейнетақы қанша теңгеге өсетіні жайлы...

Орталық коммуникациялар қызметіндегі брифингте Шығыс Қазақстан облысының әкімі Нұрымбет Сақтағанов мемлекет меншігіне өткен «Рахман қайнары» шипажайының болашағы туралы айтты.

«Туристік әлеуеті зор осы аумақты сақтап қалуға тырысамыз. Шипажайдың мемлекет меншігіне қайтарылуы маңызды қадам. Қазір бұл мәселе өңір мүддесі үшін нақты қарастырылып жатыр», – деді облыс әкімі.

Оның айтуынша, нысан мемлекет меншігіне өткен бойда әкімдік бірқатар кешенді жұмыстарды бастап кеткен:

Әкім қазіргі уақытта шипажайға қатысты алдағы шешімдер үшін қажет барлық заңдық рәсімдер...

Қорғаныс министрі Дәурен Қосанов Қазақстан әскерінде әлімжеттік бар деген пікірді жоққа шығарды.

Сонымен қатар «ай сайын сарбаз қайтыс болып жатыр» деген сөзді де терістеді.  

Сенат дәлізінде Қорғаныс министрі мен журналистер арасында мынадай қызық пікірталас болды:

– Қазақстан әскерінде ай сайын, тіпті апта сайын солдат өліп жатыр? Сіз бұл туралы білесіз бе?

– Қойшы, солай ма?

– Сізге күлкілі ме?

– Шын айтамын, солдаттардың аналарының келгені туралы сөз етсек, ол оқиғалар 2020-2023 жылдары болған. Әр ананы қабылдап жатырмыз. Митингке шыққан аналардың барлық сауалы тергеу шараларына қатысты. Тергеуді Әскери прокуратураның бақылауымен Ішкі істер министрлігі өткізуде. Бұл – біздің мәселе емес. Біз...

Алматылық «Қайрат» футбол клубы жанкүйерлер арасында дәстүрлі дауыс беру науқанын бастап, маусымның ең үздік ойыншысын таңдауды ұсынды. Бұл туралы клубтың ресми парақшасында жарияланды.

Клуб мәліметіне сәйкес, тізімге төрт футболшы бірдей енді. Барлығы да маусым бойғы көрсеткен ойынымен бұл мәртебеге лайық деп танылды. Финалдық тізімге енген футболшылар: қақпашылар Александр Заруцкий мен Темірлан Анарбеков, қорғаушы Александр Мартынович және шабуылшы Дастан Сәтбаев.

Дауыс беру Instagram желісіндегі клубтың арнайы сауалнама формасы арқылы өтіп жатыр. Қазіргі кезде жанкүйерлердің басым дауысы Темірлан Анарбековке беріліп отыр. Жас қақпашы бірнеше шешуші матчтардағы жарқын сейвтерімен биылғы маусымның басты жаңалығына айналды.

Жанкүйерлер белсенділіг...

2022 жылғы Қаңтар оқиғасы кезінде «ұрланған» қару көпір астынан табылды. Алматы облысының полициясы қылмыстық іс қозғады. Мәлімет ІІМ сайтында жарияланды.

Полиция мәліметінше, қару Алматы қаласы аумағында, Үлкен алматы каналы арқылы өтетін автокөлік көпірі астынан табылды. 12 калибрлі мылтық көпір астына көмілген.

«Қарудың 2022 жылғы қаңтарда Алматыда қару сататын дүкендердің бірінен ұрланғаны анықталды», – делінген полиция мәліметінде.

Облыстық полиция қылмыстық іс қозғады. Іс прокуратура қызметкерлерімен бірге тексеріліп жатыр.

Бұған дейін Ішкі істер министрлігі Қаңтар оқиғасы кезінде Алматы қаласында жеті дүкенінен 1400 қару ұрланғанын мәлімдеген.

Шығыс Қазақстан облысының әкімі Нұрымбет Сақтағанов Шілікті ауылдық округінің әкімі Қуаныш Төлеуханның тұрғындарға бейәдеп сөз айтып, агрессия танытқан әрекетіне қатысты пікір білдірді.

Еске салып өтейік, қазан айының басында әлеуметтік желіде Шілікті ауылының әкімі өзінің қабылдауында болған тұрғындармен сөзге келіп қалған видеосы тараған. Әңгіме барысында шенеунік өзін ұстай алмай, бейәдеп сөздер айтқан. Кейін әкім тұрғындарды балағаттағаны үшін кешірім сұрады. Десе де оның бұл әрекеті үшін айыппұл салынып, кейін оның әрекеті Әдеп кеңесінде қаралды.

ШҚО әкімі Нұрымбет Сақтағанов мемлекеттік қызметкерлердің мұндай әрекеті жауапсыз қалмауы керек екенін айтты.

«Тәртіптік шаралар қабылданды. Мен, облыс әкімі ретінде...

Дінмұхамед Қонаев атындағы Үлкен Алматы каналын жөндеу жұмыстары жүріп жатыр. Құрылыс 2026 жылғы наурызда аяқталады деп жоспарланған. Бұл туралы Су ресурстары және ирригация министрлігі хабарлады.

Қазір мұнда ескірген бетон плиталарын алып тастап, оның орнына топырақ толтыру мен тығыздау жүріп жатыр. Министрлік жөндеу жұмыстары аяқталған соң, каналдың су өткізу қуаты артады деп есептейді.

Үлкен Алматы каналы облыс пен мегаполис аумағында орналасқан. Ол Іле Алатаудан бастау алып, Талғар және Өтеген батыр ауылдарына дейін созылып жатыр.

Қонаев атындағы канал 1980-жылдары салынған. Оның құрылысына 3,5 жыл кеткен. Маңызды нысанға 270 млн совет сомы жұмсалған.

Мерзімді қызметтегі әскери қызметшілер қаржы ұйымдарына 9 миллиард теңге қарыз. Бұл туралы Қорғаныс министрінің орынбасары Дархан Ахмедиев айтты, деп хабарлайды KursivMedia.

Қазір елдегі сарбаздардың тең жартысына несиесін кейін төлеуге мүмкіндік берілген.

«Елде 40 мыңнан аса мерзімді қызметтегі сарбаз бар, қазірге дейін 20 мың сарбазға несиесін кейін төлеуге мүмкіндік берілген. Қарыздың жалпы сомасы – 9 млрд теңге», – деді Ахмедиев.

Айта кетейік, әскерге шақыру туралы электронды бұйрық шыққаннан кейін банктерге жіберіледі.

«Құжатты алған банк сарбазға 14 айдан кейін төлеуге мүмкіндік береді. 12 ай әскер қатарында жүргені үшін беріледі. Ал...

Шығыс Қазақстан облысының әкімі Нұрымбет Сақтағанов Іnstagram-да белсенді әкімдердің бірі. Осы орайда Kursiv.Media тілшісі өңір басшысынан әлеуметтік желіге қанша уақытын арнайтынын сұрады.

Қазір Нұрымбет Сақтағановтың 20,3 мың оқырманы бар. 1 187 жариялым жасаған. Әкім облысқа қарасты елдімекендердегі мәселелерді әлеуметтік желі арқылы бақылып, хабардар болып отыратынын айтады.

«Әлеуметтік желінің жақсы жағы да бар. Бұрын облыс әкімдері өңірлерде қандай мәселе шешілмей жатқанын білу үшін арнайы адамдарын жіберіп, ескерnусіз барып, көріп тексеріп жататынбыз. Қазір күнделікті әлеуметтік желіні ашып, өңірдегі келеңсіз жағдайларды, туындап отырған сұрақтарды қарап, сәйкесінше аудан әкімі, басқарма басшылары сияқты жауапты тұлғаларға бірден тапсырма беремін. Осы тұрғыда әлеуметтік желінің көмег...

20 қараша, бейсенбі күні Чехияда екі жолаушы пойызы соғысты. Апат салдарынан 40 шақты адам зардап шекті. Бес адам ауыр жараланды. Бұл туралы Reuters хабарлады.

Жергілікті құтқарушылардың мәліметінше, теміржолдағы апат Парага қаласынан оңтүстікке қарай 132 км жерде болған. Екі пойыздағы жолаушылардың бәрі эвакуацияланды.

Дәрігерлердің айтуынша, ауыр жараланған бес адам ауруханаға түсті. Чехия көлік министрі Мартин Купка апат себебі анықталып жатқанын мәлімдеді. Ол жолдағы қауіпсіздік жүйесін арттыру қажет екенін Х әлеуметтік желісіне жазды.

Алдын ала мәлімет бойынша, апатқа ұшыраған екі пойыздың бірі қызыл түске тоқтамай өтіп кеткен болуы мүмкін.

Биыл жазда Алматы облысында жүк пойызы көлікпен...

22 қараша күні Дохада өтетін UFC Fight Night кешінде Қазақстан атынан екі спортшы Бекзат Алмахан мен Асу Алмабаев октагонға шығады.

Бекзат Алмахан – грузин қарсыласқа қарсы

Бекзат өз салмағында мықты деп саналатын грузин файтер Александр Топуриямен жолығады. Топурияның агрессивті стилі бұл кездесуде Бекзат үшін маңызды сынаққа айналады.

Асу Алмабаев америкалық Алекс Переспен кездеседі

Алмабаев UFC-дегі алты жекпе-жектің бесеуінде жеңіске жеткен. Қарсыласы Перес – 2020 жылы чемпион атағы үшін айқасқан тәжірибелі спортшы, бірақ соңғы жылдары нәтижесі төмендеген. Сарапшылар бұл жұптасуды Асу үшін тиімді деп санайды: Перестің грепплинг пен джиу-джитсудағы әлсіз тұстары бар, бұл Алмабаевқа алғашқы раундтарда-ақ жеңіске жетуге мүмкіндік...

Алматы әкімі Дархан Сатыбалды Instagram-парақшасында қалада жүзеге асырылуы жоспарланған жаңа жобалардың визуализацияларын жариялады.

Бөліскен эскиздерде: болашақ тұрғын үй кешендері, «Венеция» стиліндегі квартал және Төле би мен Розыбакиев қиылысындағы жаңа эстакаданың сызбасы көрсетілген.

«Алматының туристік және жол инфрақұрылымын дамытуға бағытталған жобаларды, соның ішінде мемлекеттік-жекеменшік әріптестік форматындағы бастамаларды талқыладық. Ынтымақтастықтың басым бағыттарын анықтадық. Әр жобаны мерзімі, қаржыландыруы және қалаға әсері тұрғысынан жан-жақты пысықтауды профильдік басқармаларға тапсырдым», – деп жазды әкім.

Алайда қала тұрғындарының реакциясы екіұдай болды. Әсіресе, болашақ эстакада қызу талқылау туғызды. Көптеген алматылықтар ол экологияны нашарлатып, жаңа кептелістер туғызады деп есептейді, ал көлік мәселесін шеше алмайды...

Қорғаныс министрінің орынбасары Дархан Ахмедиев әскерде баласынан айырылған ата-аналардың арыз-шағымына қатысты пікір білдірді.

Айтуынша, қорғаныс министрілігі тергеудің жүргізілуіне толық көмектесіп жатыр.

«Әскери қызметшілер прокуратура қызметкерлерімен бірігіп, барлық керек ақпаратты беріп жатыр. (…) Сегіз отбасы келген. 2022 жылы үш-төрт отбасы баласын жоғалтқан, 2023 жылы болған оқиғалар бар. Мысалы, 2022 жылы Щучинскіде азамат өзіне оқ атып, мүгедек болып қалды. ((Ұлан Мұсаев Ақмола облысы Щучинск қаласындағы әскери колледжге оқуға түскен. Оқ тиіп, Ұлан мүгедек болып қалған – ред.)

Дәл сол жылы ұлттық ұланда оқу-жаттығу кезінде сарбаз қаза тапқан. Ата-анасы тергеу нәтижесіне сенбей, қайта тергелгенін сұрап отыр. Оған дейін де бірнеше...

Астанада шағын және орта бизнеске арналған жеңілдетілген декларация режиміндегі салық мөлшерлемесі 4%-дан 3%-ға дейін төмендетілмек. Тиісті жоба «Ашық НҚА» порталында жарияланды.

Құжатты қалалық инвестициялар және кәсіпкерлікті дамыту басқармасы әзірлеген. Өзгеріс жеке кәсіпкерлер мен заңды тұлғаларға қатысты болады.

Түсіндірме жазбада бұл шараның мақсаты – шағын және орта бизнеске түсетін салықтық жүктемені азайту екені көрсетілген.

2026 жылдан бастап күшіне енетін жаңа Салық кодексі жергілікті өкілді органдарға мөлшерлемені қызмет түріне қарай 50%-ға дейін көтеруге немесе төмендетуге мүмкіндік береді. Шешім 1 желтоқсанға дейін қабылдануға тиіс.

Айта кетейік, бұған дейін әкім Дархан Сатыбалды Алматы кәсіпкерлеріне жеңілдік жасауды ұсынған еді. Алматы мәслихаты...

ШҚО тұрғындары арасында көтерілген уақыт белдеуін өзгерту мәселесіне облыс әкімі Нұрымбет Сақтағанов жауап берді. Әкімнің мәлімдеуінше, бұрынғы уақытқа оралу қарастырылмайды.

«Бұл сұраққа қатысты айтар болсақ, жаңа уақыт белдеуімен екі жылға уақыт өмір сүріп келе жатқанымызды мойындау қажет. Нақты айтсақ, 1 жыл 8 ай. Уақыт белдеуіне қатысты тақырып үкімет деңгейінде бірнеше рет қаралды»,– деді әкім орталық коммуникациялар алаңындағы брифинг барысында.

Облыс әкімі уақыт белдеуін өзгерту сұрағы қаралмайтынын кесіп айтты. Тұрғындарға қолайлы болу үшін уақыт белдеуіне сай келетін жұмыс кестесін ғана өзгерткенін атап өтті.

Айта кетсек, Сауда және интеграция министрі Арман Шаққалиев, уақыт белдеуіне қатысты...