Жаңалықтар

Шығыс Қазақстан облысының әкімі Нұрымбет Сақтағанов Шілікті ауылдық округінің әкімі Қуаныш Төлеуханның тұрғындарға бейәдеп сөз айтып, агрессия танытқан әрекетіне қатысты пікір білдірді.

Еске салып өтейік, қазан айының басында әлеуметтік желіде Шілікті ауылының әкімі өзінің қабылдауында болған тұрғындармен сөзге келіп қалған видеосы тараған. Әңгіме барысында шенеунік өзін ұстай алмай, бейәдеп сөздер айтқан. Кейін әкім тұрғындарды балағаттағаны үшін кешірім сұрады. Десе де оның бұл әрекеті үшін айыппұл салынып, кейін оның әрекеті Әдеп кеңесінде қаралды.

ШҚО әкімі Нұрымбет Сақтағанов мемлекеттік қызметкерлердің мұндай әрекеті жауапсыз қалмауы керек екенін айтты.

«Тәртіптік шаралар қабылданды. Мен, облыс әкімі ретінде...

Дінмұхамед Қонаев атындағы Үлкен Алматы каналын жөндеу жұмыстары жүріп жатыр. Құрылыс 2026 жылғы наурызда аяқталады деп жоспарланған. Бұл туралы Су ресурстары және ирригация министрлігі хабарлады.

Қазір мұнда ескірген бетон плиталарын алып тастап, оның орнына топырақ толтыру мен тығыздау жүріп жатыр. Министрлік жөндеу жұмыстары аяқталған соң, каналдың су өткізу қуаты артады деп есептейді.

Үлкен Алматы каналы облыс пен мегаполис аумағында орналасқан. Ол Іле Алатаудан бастау алып, Талғар және Өтеген батыр ауылдарына дейін созылып жатыр.

Қонаев атындағы канал 1980-жылдары салынған. Оның құрылысына 3,5 жыл кеткен. Маңызды нысанға 270 млн совет сомы жұмсалған.

Мерзімді қызметтегі әскери қызметшілер қаржы ұйымдарына 9 миллиард теңге қарыз. Бұл туралы Қорғаныс министрінің орынбасары Дархан Ахмедиев айтты, деп хабарлайды KursivMedia.

Қазір елдегі сарбаздардың тең жартысына несиесін кейін төлеуге мүмкіндік берілген.

«Елде 40 мыңнан аса мерзімді қызметтегі сарбаз бар, қазірге дейін 20 мың сарбазға несиесін кейін төлеуге мүмкіндік берілген. Қарыздың жалпы сомасы – 9 млрд теңге», – деді Ахмедиев.

Айта кетейік, әскерге шақыру туралы электронды бұйрық шыққаннан кейін банктерге жіберіледі.

«Құжатты алған банк сарбазға 14 айдан кейін төлеуге мүмкіндік береді. 12 ай әскер қатарында жүргені үшін беріледі. Ал...

Шығыс Қазақстан облысының әкімі Нұрымбет Сақтағанов Іnstagram-да белсенді әкімдердің бірі. Осы орайда Kursiv.Media тілшісі өңір басшысынан әлеуметтік желіге қанша уақытын арнайтынын сұрады.

Қазір Нұрымбет Сақтағановтың 20,3 мың оқырманы бар. 1 187 жариялым жасаған. Әкім облысқа қарасты елдімекендердегі мәселелерді әлеуметтік желі арқылы бақылып, хабардар болып отыратынын айтады.

«Әлеуметтік желінің жақсы жағы да бар. Бұрын облыс әкімдері өңірлерде қандай мәселе шешілмей жатқанын білу үшін арнайы адамдарын жіберіп, ескерnусіз барып, көріп тексеріп жататынбыз. Қазір күнделікті әлеуметтік желіні ашып, өңірдегі келеңсіз жағдайларды, туындап отырған сұрақтарды қарап, сәйкесінше аудан әкімі, басқарма басшылары сияқты жауапты тұлғаларға бірден тапсырма беремін. Осы тұрғыда әлеуметтік желінің көмег...

20 қараша, бейсенбі күні Чехияда екі жолаушы пойызы соғысты. Апат салдарынан 40 шақты адам зардап шекті. Бес адам ауыр жараланды. Бұл туралы Reuters хабарлады.

Жергілікті құтқарушылардың мәліметінше, теміржолдағы апат Парага қаласынан оңтүстікке қарай 132 км жерде болған. Екі пойыздағы жолаушылардың бәрі эвакуацияланды.

Дәрігерлердің айтуынша, ауыр жараланған бес адам ауруханаға түсті. Чехия көлік министрі Мартин Купка апат себебі анықталып жатқанын мәлімдеді. Ол жолдағы қауіпсіздік жүйесін арттыру қажет екенін Х әлеуметтік желісіне жазды.

Алдын ала мәлімет бойынша, апатқа ұшыраған екі пойыздың бірі қызыл түске тоқтамай өтіп кеткен болуы мүмкін.

Биыл жазда Алматы облысында жүк пойызы көлікпен...

22 қараша күні Дохада өтетін UFC Fight Night кешінде Қазақстан атынан екі спортшы Бекзат Алмахан мен Асу Алмабаев октагонға шығады.

Бекзат Алмахан – грузин қарсыласқа қарсы

Бекзат өз салмағында мықты деп саналатын грузин файтер Александр Топуриямен жолығады. Топурияның агрессивті стилі бұл кездесуде Бекзат үшін маңызды сынаққа айналады.

Асу Алмабаев америкалық Алекс Переспен кездеседі

Алмабаев UFC-дегі алты жекпе-жектің бесеуінде жеңіске жеткен. Қарсыласы Перес – 2020 жылы чемпион атағы үшін айқасқан тәжірибелі спортшы, бірақ соңғы жылдары нәтижесі төмендеген. Сарапшылар бұл жұптасуды Асу үшін тиімді деп санайды: Перестің грепплинг пен джиу-джитсудағы әлсіз тұстары бар, бұл Алмабаевқа алғашқы раундтарда-ақ жеңіске жетуге мүмкіндік...

Алматы әкімі Дархан Сатыбалды Instagram-парақшасында қалада жүзеге асырылуы жоспарланған жаңа жобалардың визуализацияларын жариялады.

Бөліскен эскиздерде: болашақ тұрғын үй кешендері, «Венеция» стиліндегі квартал және Төле би мен Розыбакиев қиылысындағы жаңа эстакаданың сызбасы көрсетілген.

«Алматының туристік және жол инфрақұрылымын дамытуға бағытталған жобаларды, соның ішінде мемлекеттік-жекеменшік әріптестік форматындағы бастамаларды талқыладық. Ынтымақтастықтың басым бағыттарын анықтадық. Әр жобаны мерзімі, қаржыландыруы және қалаға әсері тұрғысынан жан-жақты пысықтауды профильдік басқармаларға тапсырдым», – деп жазды әкім.

Алайда қала тұрғындарының реакциясы екіұдай болды. Әсіресе, болашақ эстакада қызу талқылау туғызды. Көптеген алматылықтар ол экологияны нашарлатып, жаңа кептелістер туғызады деп есептейді, ал көлік мәселесін шеше алмайды...

Қорғаныс министрінің орынбасары Дархан Ахмедиев әскерде баласынан айырылған ата-аналардың арыз-шағымына қатысты пікір білдірді.

Айтуынша, қорғаныс министрілігі тергеудің жүргізілуіне толық көмектесіп жатыр.

«Әскери қызметшілер прокуратура қызметкерлерімен бірігіп, барлық керек ақпаратты беріп жатыр. (…) Сегіз отбасы келген. 2022 жылы үш-төрт отбасы баласын жоғалтқан, 2023 жылы болған оқиғалар бар. Мысалы, 2022 жылы Щучинскіде азамат өзіне оқ атып, мүгедек болып қалды. ((Ұлан Мұсаев Ақмола облысы Щучинск қаласындағы әскери колледжге оқуға түскен. Оқ тиіп, Ұлан мүгедек болып қалған – ред.)

Дәл сол жылы ұлттық ұланда оқу-жаттығу кезінде сарбаз қаза тапқан. Ата-анасы тергеу нәтижесіне сенбей, қайта тергелгенін сұрап отыр. Оған дейін де бірнеше...

Астанада шағын және орта бизнеске арналған жеңілдетілген декларация режиміндегі салық мөлшерлемесі 4%-дан 3%-ға дейін төмендетілмек. Тиісті жоба «Ашық НҚА» порталында жарияланды.

Құжатты қалалық инвестициялар және кәсіпкерлікті дамыту басқармасы әзірлеген. Өзгеріс жеке кәсіпкерлер мен заңды тұлғаларға қатысты болады.

Түсіндірме жазбада бұл шараның мақсаты – шағын және орта бизнеске түсетін салықтық жүктемені азайту екені көрсетілген.

2026 жылдан бастап күшіне енетін жаңа Салық кодексі жергілікті өкілді органдарға мөлшерлемені қызмет түріне қарай 50%-ға дейін көтеруге немесе төмендетуге мүмкіндік береді. Шешім 1 желтоқсанға дейін қабылдануға тиіс.

Айта кетейік, бұған дейін әкім Дархан Сатыбалды Алматы кәсіпкерлеріне жеңілдік жасауды ұсынған еді. Алматы мәслихаты...

ШҚО тұрғындары арасында көтерілген уақыт белдеуін өзгерту мәселесіне облыс әкімі Нұрымбет Сақтағанов жауап берді. Әкімнің мәлімдеуінше, бұрынғы уақытқа оралу қарастырылмайды.

«Бұл сұраққа қатысты айтар болсақ, жаңа уақыт белдеуімен екі жылға уақыт өмір сүріп келе жатқанымызды мойындау қажет. Нақты айтсақ, 1 жыл 8 ай. Уақыт белдеуіне қатысты тақырып үкімет деңгейінде бірнеше рет қаралды»,– деді әкім орталық коммуникациялар алаңындағы брифинг барысында.

Облыс әкімі уақыт белдеуін өзгерту сұрағы қаралмайтынын кесіп айтты. Тұрғындарға қолайлы болу үшін уақыт белдеуіне сай келетін жұмыс кестесін ғана өзгерткенін атап өтті.

Айта кетсек, Сауда және интеграция министрі Арман Шаққалиев, уақыт белдеуіне қатысты...

2025 жылғы қаңтар-қазан айларында Ұлттық банк (ҰБ) теңгені нығайту үшін 2,7 трлн теңге, яғни шамамен 5,1 млрд доллар жұмсады. Қаржы мекемесі қараша-желтоқсан айларында тағы 1 трлн теңге салуды көздеп отыр.

Ұлттық банк төрағасы Тимур Сүлейменов 20 қарашада Сенаттың жалпы отырысында сөйлеп, үкіметтің қаржы-несие саясаты туралы мәлімет берді. Елдегі қаржы нарығын реттеуші банк басшысының айтуынша, 2025 жылғы он айда ұлттық валютаны нығайту үшін шамамен 5,1 долларға жуық қаражат жұмсалған.

«Осы жылдың басынан валюталық операцияларды «айналау» басталды. Айналау операциясы алтын сатып алудың және валюталық түсімнің эмиссиялық әсерін азайтуға мүмкіндік береді. Биылғы он айда 2,7 трлн теңге

Бүгінгі сенат отырысында депутаттар «2026–2028 жылдарға арналған республикалық және облыстық бюджеттер, республикалық маңызы бар қалалар мен астана бюджеттері арасындағы жалпы сипаттағы трансферттердің көлемі туралы» заңның жекелеген баптарын мақұлдамады. Жоба қайтадан мәжіліске қайтты.

Сенатор Сұлтанбек Макежановтың айтуынша, жаңа Салық кодексіне байланысты жергілікті бюджеттерге қосымша шығын беру қаражат тапшылығына әкелуі мүмкін.

Мысалы, Оқу-ағарту министрлігінің бюджетінде педагогтердің біліктілігін «Өрлеу» институтында арттыру шаралары қарастырылған. 2025 жылы оқудан өтуі тиіс 69,3 мың мұғалімге 7,1 млрд теңге бөлінген. Бірақ 2026 жылдан басталатын үш жылдық кезеңге бұл мақсатқа 6,5 млрд, 5,5 млрд және 4,7 млрд теңге ғана көзделген. Яғни алдағы жылдары жетіспейтін...

YouTube мессенджерге айналуы мүмкін. Google YouTube платформасында жаңа тәжірибені іске қосқанын хабарлады.

Gazeta ақпаратына қарағанда, ол мобильді қосымша ішінде видеороликтармен бөлісуге және оларды талқылауға мүмкіндік бермек. Бұл функция стандартты видеолар, Shorts және тікелей эфирлер секілді YouTube-тегі барлық контент форматтарына қолданылады.

Қазіргі уақытта эксперимент Ирландия мен Польшада 18 жастан асқан шектеулі саны бар пайдаланушыларға қолжетімді болып тұр.

Компанияның айтуынша, тесттен өтіп жатқан қолданушылар бұрынғыдай видеоларды басқа қосымшалар арқылы да бөлісе алады. Сонымен қатар Google жіберілген хабарламалар қауымдастық ережелеріне сәйкестігін тексеру үшін автоматты модерациядан өтуі мүмкін екенін ескертеді. Әсіресе, зиян келтіруі ықтимал контент анықталған жағдайда.

Тестерлерде жаңа «Хабарламалар» бөлімі пайда болады...

Қазақстанның 2026–2028 жылдарға арналған әлеуметтік-экономикалық даму болжамына сәйкес, ел экономикасы үш жыл ішінде жылына орта есеппен 5,3% өседі. Бұл туралы Сенаттың жалпы отырысында Премьер-министрдің орынбасары – Ұлттық экономика министрі Серік Жұманғарин еліміздің 2026-2028 жылдарға арналған әлеуметтік-экономикалық даму болжамын таныстырғанда мәлімдеді.

«Базалық нұсқаға сәйкес 2026 жылы жалпы ішкі өнімнің нақты өсуі 5,4 пайызды, 3 жылдағы орташа жылдық өсуі 5,3 пайызды құрайды. Номиналды жалпы ішкі өнім 2026 жылғы 183,8 трлн теңгеден 2028 жылы 229,8 трлн теңгеге дейін өседі. Экономиканың өсуі нақты сектор мен қызмет көрсету саласындағы өсудің есебінен қамтамасыз етілетін болады. Өңдеу өнеркәсібінде инвестициялық жобалардың іске асырылуы есебінен...

Елдегі маңызды жобалардың бірі – «Келешек мектептері» бағдарламасы. Жоспар бойынша, 2023 – 2025 жылдар аралығында 460 мың оқушыға арналған 217 мектеп салынуы керек еді. Толық салынып біткен күнде білім ошақтарын күтіп-ұстауға кім жауапты болады? Сенат отырысында осы мәселе талқыланды.

Үкімет «Келешек мектептері» жобасын қаржыландыруды жергілікті бюджетке артты. Республикалық бюджетке енгізілмеген. Сенатор Руслан Рүстемов «мектеп шығындарын жергілікті әкімдіктер көтере ала ма» деген сұрақ қойды .

«Бізді бұл мектептерді 2026-2028 жылдары қаржыландыруға қатысты сұрақ алаңдатады. Жергілікті атқарушы органдарда алдағы үш жылда осы мектептерді ұстап тұруға, оның ішінде ұстаздардың жалақысы мен басқа да шығындар бар 1 трлн...

Мәдениет және ақпарат министрі Аида Балаева адамдарды рұқсатсыз видеоға түсіруге тыйым салу мәселесі қарастырылып жатқанын айтты.

Оның сөзіне қарағанда, мәселені талқылау үшін жұмыс тобы құрылған.

«Қандай да бір тұлғалардың рұқсатынсыз түсіретін пранктар мен түсірілімдер бар. Сондықтан бұл норманы талқылайтын боламыз. Өйткені жұмыс тобы енді ғана құрылып жатыр. Қаласаңыздар, оның жұмысына бәріңізді де қоса аламын. Кімді түсіруге болады, кімді түсіруге болмайды, деп аражігін ажыратып алу қажет», – деді Балаева сенат кулуарында журналистерге.

Министр кейбір мәселелерді жұмыс тобында талқылауға шақырды. Оның айтуынша, азаматтар тарапынан жеке өтініштер де келіп түсіп жатыр. Азаматтар сурет пен фидеоға түсірушілерден бір жаққа...

Үкімет жергілікті бюджеттер тапшылығы 2026 жылы 4,2 трлн, ал 2028 жылы 5,4 трлн теңге болады деп болжайды. Өңірлердегі дефицит жылдан-жылға арта түседі деген сөз.

Үкімет болжамы

20 қарашада вице-премьер Серік Жұманғарин Сенаттың жалпы отырысында сөйлеп, «2026 – 2028 жылдарға арналған жалпы сипаттағы  трансферттердің көлемі туралы» заң жобасын таныстырды.

Үкімет трансферттер көлемін анықтау үшін жергілікті бюджеттердің кірісі мен шығысына болжам жасады.

«Жалпы сипаттағы трансферттерді айқындау үшін жергілікті бюджеттердің кірістері 2026 жылы 10,7 трлн теңге, 2027 жылы 12,1 трлн теңге, 2028 жылы 13,3 трлн теңге мөлшерінде болжанды.

Шығыстар 2026 жылы 14,9 трлн теңгені, 2027 жылы...

2028 жылға қарай өңірлердің республикалық бюджетке тәуелділігі 50%-дан 33%-ға дейін төмендейді. Бұл туралы Сенат отырысында Премьер-министрдің орынбасары – Ұлттық экономика министрі Серік Жұманғарин мәлімдеді.

Ұлттық экономика министрлігінің мәліметінше, өңірлердің республикалық бюджетке тәуелділігі қазіргі 50,7%-дан 33%-ға дейін төмендейді. Бұл – трансферттер жүйесін қайта теңгеру және жергілікті кірістерді ұлғайту есебінен мүмкін болып отыр.

«2028 жылы Павлодар облысы өзін-өзі қамтамасыз етеді, ал Маңғыстау облысы қайтадан донор болады. Біздің бағалауымызша, жергілікті бюджеттердің республикалық бюджет қаражатына тәуелділігі орта есеппен 50,7%-дан 33%-ға дейін төмендейді», – дейді вице-премьер.

Жұманғариннің сөзінше, өңірлердің базалық инфрақұрылымға тең қол жеткізуін қамтамасыз ету үшін даму бюджеті бойынша өңірлерд...

Алматы қаласындағы Dostyk Plaza сауда орталығында орналасқан Cinemax кинотеатрында қазақстандық «№37» фильмінің актерлік құрамы мен режиссерімен кездесу және автограф-сессия өтеді. Шара 20 қараша күні 20:00-де басталады.

Кездесу барысында көрермендер актерлермен бірге кешкі екі сеансқа қатыса алады. Фильмнің атмосферасын бірге сезініп, шығармашылық топтан эксклюзивті ақпараттар естіп, қолтаңба алып, естелік суретке түсуге мүмкіндік болады.

Фильмде Еркебұлан Дайыров, Асан Мәжіт, Зарина Кармен, Сағызбай Қарабалин, Тынышкүл Сұлтанбердиева және Дархан Сүлейменов ойнайды.

Ал картинаның режиссері бұған дейін актер және каскадер ретінде танылған Жандос Айбасов.

Freedom Ticketon мәліметінше, фильмнің 17:40 және 19:40 уақытындағы кешкі екі сеансына да барлық билет сатылып...

Полиция үкім алдында айыпталушылар кабинасындағы әйнекті сындырған Хасан Қасымбаевтың әрекетін тексеріп жатыр.

Tengrinews.kz дерегінше, Алматы облыстық полиция департаменті факті аудандық полиция бөлімінде тіркелгенін хабарлаған.

«Барлық қажетті процессуалдық тексерулер жүргізіліп жатыр. Аяқталғаннан кейін қолданыстағы заңнамаға сәйкес шешім қабылданады», – делінген жауапта.

Бұған дейін Алматы облыстық соты әкімшілігі сот залы «тиісті жағдайға келтірілгенін», сынған пластик терезені Хасан Қасымбаевтың туысы қайта қалпына келтіргенін хабарлаған.

Адвокат Абзал Қасымжанов сот мүлкін бүлдіргені үшін Қасымбаевқа қандай салдар туындауы мүмкін екенін түсіндірді.

Оның айтуынша, заң Хасан Қасымбаевтың әрекетін төмендегідей баптар бойынша қарастыруы мүмкін:

Композитор, Қазақстанның еңбек сіңірген қайраткері марқұм Арман Дүйсеновтің жұбайы Айсұлу Айданқызы әлеуметтік желіде маңызды мәлімдеме жасап, өзінің атынан жалған қайырымдылық қорлар мен ақша жинау бастамалары көтеріліп жатқанын айтты.

«Егер менің атымнан, менің сұхбатымдағы фрагменттерді немесе фотосуретімді пайдаланып қор ашылып, ақша жинау мәселесі көтерілсе, ол – жалған ақпарат. Мен Президентке үндеу жасап, тергеудің объективті жүргізілуін, әділетті сот шешімін сұрадым. Халқымнан тек қолдау сұрадым. Бірақ ақша жинау немесе қор ашуды өтінген жоқпын. Сондықтан сақ болуларыңызды сұраймын», – деп жазды Айданқызы.

Айсұлу Айданқызы бұған дейін берген сұхбатында ұлы Абылай Дүйсенов қандай жағдайда қайтыс болғанын айтып, отбасы...

Балаларға секс пен есірткі туралы әңгіме айтатын ойыншыққа тыйым салынды. Оны Сингапурлық FoloToy компаниясы шығарған.

Ойыншық аюға жасанды интеллект орнатылған көрінеді.

FoloToy-дың аюы 99 доллар тұрған.

Futurism басылымының жазуынша, ойыншық балаларға зиянды кеңестер беріп, есірткі мен жыныстық тақырыптар туралы әңгімелеген.

«Кумма» атты бұл аюдың ішінде OpenAI-дың ChatGPT жүйесі қолданылған. АҚШ – Канададағы Public Interest Research Group (PIRG) ұйымының сарапшылары ойыншықпен сөйлесу барысында сорақы жайттарды анықтаған.

Кейбір жағдайларда аю балаларға қауіпті заттарды – сіріңке немесе пышақты қайдан табуға болатынын айтып берген. Сонымен қатар есірткі және жыныстық қатынас тақырыптары туралы да талқылаған. Мәселен, kink «иілім», «ерекше талғам» сөзіне төсектегі ойындар туралы...

Қазақстанның Қытаймен арадағы шекарасына жақын маңда жер сілкінді. Бұл туралы Қазақ ұлттық деректер орталығы хабарлады.

Мекеме мәліметінше, жер сілкінісі 19 қарашада Астана уақытымен түнгі сағат 23:45-те тіркелген. Дүмпу ошағы Қытайдың Шыңжаң өлкесі аумағында орналасқан. Орталық дүмпу магнитудасын 4,4 балл деп бағалады. Дүмпу 10 км тереңдікте болған.

Ұлттық орталық жерасты дүмпуі болған жердің координаттарын жариялады. Жер сілкінісі Алматы қаласынан оңтүстік-шығысқа қарай шамамен 500 км, ал Үрімшіден шамамен 300 км жерде болған.

Екі күн бұрын ғана Қытайдың Шыңжаң Ұйғыр автономиялы өлкесі аумағында жер сілкінген. Сол кезде сейсмологтар оның қуатын 3,9 балл деп бағалаған.

Солтүстік Қазақстан облысының Ақжар ауданында орналасқан элеваторлардың бірінде қайғылы оқиға болды. 1991 жылы туған әйел шамамен 30 метр биіктіктегі астық қоймасына құлап кеткен. Қатты ағынмен құйылып жатқан астық оны басып қалды.

Куәгерлер бірден құтқарушыларды шақырған. Бірақ мамандар астықтың астынан іздеп тапқанда әйел көз жұмғаны анықталды.

«Қазір еңбекті қорғау ережелерін бұзу фактісі бойынша полиция қылмыстық іс қозғады, тергеу жүріп жатыр», – деді Солтүстік Қазақстан облысы полиция департаменті.

8 қарашада Астанада тұрғын үйде бекітулі тұрған кондиционердің бір бөлігі құлап, фельдшер қайтыс болды. Қызмет кезінде көз жұмған 23 жастағы марқұм Ұлдана Қалдарханқызы «Ерлігі үшін» медалімен марапатталды.