Жаңалықтар

Мөлдір Мұқанова атышулы сұхбатынан кейін бұрынғы жары Тұрсынбек Қабатовтың қандай реакция жасағанын айтып берді.

Он төрт жыл бойы екі әйелмен тұрып келгені әшкереленген соң, Тұрсынбек Қабатов шетелде оқып жатқан қызына қоңырау соғып, рахмет айтыпты.

«Сұхбаттан кейін балаларға хабарласты. Балаларымен сөйлесті. Әдемі басқа елде оқып жатыр. Папасы жүрегі елжіреп, дауысы дірілдеп сөйлескен. Рахметін айтқан. Әдемі: «Папа не үшін рахмет айтып жатырсың? Сіз менің әкемсіз. Мен де сізді сағындым. Хабарласқаныңызға сізге рахмет», – деп жауап беріпті», – деді Мөлдір Мұқанова.  

Продюсердің сөзіне қарағанда, ол қазір бұрынғы күйеуінің балаларының телефон нөмірлерін блоктағаны үшін де айыптамайды.

10 желтоқсанда жарыққа шыққан «Руың кім» комедиясы прокаттан алынып тасталды. Фильмнің 18 желтоқсаннан кейін кинотеатрда көрсетілмейтіні жайлы Tiger Films продюссерлік орталығы ресми хабарлады.

«Руың кім» фильмі 18 желтоқсаннан бастап белгілі бір себептерге байланысты еліміздің барлық кинотеатрларында көрсетілуін тоқтатады. Бізбен бірге болып, қолдау көрсеткендеріңіз үшін мың алғыс», – деп жазылған ресми парақшада.

Фильмде басты рөлдердің бірін сомадаған актер Қайрат Әділгерейдің сөзінше, картина рулық араздықты қоздыруы мүмкін деген қауіп бар.

«Біреулердің ойынша, кино рулық араздық тудырып жатыр екен. Негізі шын мәнінде, руға бөлінбейік, тату болайық деп бірлікке шақыратын кино. Тизерлерге...

17 желтоқсан – стратегиялық шешімдер қабылдауға арналған маңызды күн. Төменде geocult.ru сайтының деректеріне негізделген жұлдызжорамалын ұсынамыз.

Тоқты

Бұл күн маңызды шешімдер қабылдауға, әсіресе қаржы мен ортақ міндеттемелерге қатысты мәселелерге қолайлы. Жағдайдың басын ашып алатын маңызды әңгіме болуы мүмкін. Ең бастысы – тәуекелге бармау және эмоцияға берілмеу.

Торпақ

Торпақ жұлдызжорамал кестесіндегі серіктесі шаянға жақсы ықпал етеді, сондықтан барлық маңызды бизнес-шешімдерді бірлесе отырып қабылдаңыз. Қаржыға қатысты күтпеген жаңалық болуы мүмкін. Серіктесіңізбен қарым-қатынаста барынша шынайылық пен сенім қажет. Жаңа келісімшарттар жасауға немесе ескілерін қайта қарауға сәтті күн.

Егіздер

Келіссөздер жүргізуге қолайлы күн, бірақ әр ақпаратты қайта тексеріп отыру керек. Сіздің ұйымдасқан іс-әрекетіңіз...

2025 жылғы 17 желтоқсанда сағат 07:38-де Алматы – Астана бағыты бойынша КС-851 тұрақты жолаушылар рейсінде түтін шықты.

Бұл туралы Көлік министрлігі ақпарат таратты.

«Эйр Астана» АҚ-ның пайдалануындағы Airbus A321N EI-KDG әуе кемесімен авиациялық оқиға орын алды. «Қазаэронавигация» РМК Әуе қозғалысын жоспарлаудың бас орталығы ұсынған ақпаратқа сәйкес, әуе кемесінің салонында түтін пайда болуына байланысты экипаж MAY-DAY апаттық сигналын жариялаған», – делінген хабарламада.  

Алдын ала мәліметтер бойынша жолаушылар мен экипаж мүшелері арасында зардап шеккендер жоқ. Ұшақ 07:40-та қайта қонған.

Алматы қаласы әуежайының ұшу қауіпсіздігін қамтамасыз етуге арналған өртке қарсы және авариялық-құтқару қызметі жұмылдырылған.

17 желтоқсан, сәрсенбі күні Қазақстанның солтүстік өңірлерінде қарлы боран тұрып, оңтүстікте қар аралас жаңбыр жауады. Ауа райын Қазгидромет болжады.

Қазақстандағы ең ірі қаланы басқаратын Дархан Сатыбалды өте сирек сұхбат береді – оған уақыты жоқ. Алматы әкімінің кім, қандай адам екені туралы мәлімет аз. Ресми ақпарат 51 жастағы шенеуніктің атқарып жүрген жұмысынан ғана хабардар етеді. Kursiv.Media тілшісі саясаткерді жақын танитын адамдармен сөйлесіп, көпшілік біле бермейтін жеті деректі анықтады.

Ерте тұрған еркектің ырысы артық

Дархан Сатыбалды таңғы сағат алтыда жұмысқа келіп отырады, ал сағат сегізде жиналыс өткізе бастайды. «Соған әбден дағдыланған» дейді дереккөз. Жалпы оңтүстіктің тұрғындары таң атпастан оянып, шаруаны ерте бітіруге бейім. Сарыағашта туған еңбекқор Сатыбалды сегіз сағаттан артық жұмыс істеуді жөн көре бермейтін алматылықтарға қалай шыдап жүргені өзіне...

Тарихи сурет 1987 жылғы 16 маусымда желтоқсаншыларға сот үкімі оқылған сәтте түсірілген. Онда бейнеленген төртеу: ату жазасына кесілген Қайрат Рысқұлбеков, 15 жылға сотталған Т. Тәшенов пен К. Күзембаев, 4 жылға бас бостандығынан айрылған Е. Көпесбаев.

«Жалғыз сурет үшін жазаландым»

Ауыр жаза алғанына қарамастан, үкімді қасқайып тұрып тыңдаған төртеудің суреті талай адамның қудалануына себеп болды. Солардың бірі – совет дәуіріндегі ҚазТАГ-тың сол кездегі басшысы Жұмағали Исмағұлов. Журналист 2011 жылғы қаңтарда дүниеден өтті. Kursiv.Media тілшісі бұл кісімен 2009 жылы сөйлесіп, бір сурет тарихын білген. Автор 16 жыл бұрын жазылған мақаланы өңдеп, сайт оқырмандары үшін қайта жариялап отыр.

2025 жылдың қарашасынан бастап Қазақстандағы тұрғын үй бағасы қарқынды өсе бастады. Бұған статистикалық деректер дәлел. Жаңа үйлер мен қайталама тұрғын үй нарығында шаршы метр құны инфляция деңгейінен асып түсті. Бұл нарықтың орнықты дамуы ма, әлде уақытша алыпсатарлық сипаттағы өсім бе, келесі жылы тұрғын үй бағасы қымбаттай ма, сарапшылар болжамы қандай? Kursiv.Media тілшісі осы сұрақтарға жауап іздеп көрді.

Статистикалық деректерге сәйкес, жаңа тұрғын үйлер нарығында баға жылдық есепте 15,5%-ға, ал қайталама нарықта 14,3%-ға өсті. Осы кезеңдегі инфляция деңгейі шамамен 12,4% болды. Ең жоғары өсім Алматы қаласында тіркелді: жаңа тұрғын үйлерде баға 19,9%, ал қайталама нарықта бірден 23%-ға қымбаттаған.

2025 жыл TikTok үшін Қазақстанда ерекше мазмұнға, жаңа есімдерге және ұлттық болмысты әлемге танытқан трендтерге толы кезең болды. Платформа тек ойын-сауық алаңы ғана емес, шығармашылық, білім, шағын бизнес пен мәдени бастамалардың тоғысқан ортасына айналды. Биыл қазақстандық контент миллиондаған көрерменнің назарын аударып, елдің креативті әлеуетін жаңа қырынан көрсетті.

Ұлттық трендтер мен жаһандық қызығушылық

Жыл бойы қазақстандықтар #Наурыз2025 және #нетамашалаймыз хэштегтерімен белсенді контент жасап, мерекелік дәстүрлерді, отбасылық құндылықтарды және кино мәдениетін дәріптеді. Әлемдік жұлдыздар – Дженнифер Лопес пен Backstreet Boys концерттерінен түсірілген бейнелер, сондай-ақ қазақстандық футболшылардың халықаралық ареналардағы жетістіктері де TikTok-та кеңінен талқыланды.

Қазақстандық мәдениет...

Дональд Трамп АҚШ-та марихуананы бақыланатын заттардың III санатына көшіру туралы жарлық шығару мүмкін. Бұл туралы FOX Business хабарлады.

Қазіргі таңда марихуана I санаттағы бақыланатын заттар қатарына жатады. Бұл тізімде героин, экстази және пейот сияқты есірткілер бар. Яғни, марихуананың медициналық қолданылуы жоқ деп есептеледі. Ал III санатқа тайленол, кодеин, кетамин және тестостерон секілді заттар енгізілген.

Егер марихуана I санаттан шығарылып, III санатқа ауыстырылса, есірткіні сатып алу мен сату айтарлықтай жеңілдейді, ал бұл саладағы индустрияның табысы арта түсуі мүмкін. Дегенмен, марихуананы қолдану мен сақтау үшін федералды деңгейдегі жаза сақталады.

Айта кетейік, қазіргі уақытта АҚШ-тың 40-тан астам штатында медициналық марихуана заңдастырылған...

15 желтоқсан күні Төреғали Төреәлі Астанада Tore Show атты жеке шығармашылық кешін өткізді. Әнші араға жеті жыл салып, үлкен сахнаға қайта оралды.

Желіде журналист Айгүл Мүкей жариялаған видеода әнші домбырамен арнау айтып, өміріндегі өткен қателіктеріне ашық тоқталды. Төреғали жүргізуші куәлігінен айырылғанын айтып, қазір көлікті жұбайы айдайтынын әзілмен жеткізді.

Сондай-ақ ол бұрынғыдай журналистермен де, «шалдармен» де ерегісіп жүрмейтінін айтып, тыңдарманын күлдірді.

Еске сала кетейік, Төреғали Төреәлі продюсер Жан Мұқаевпен қайта жұмыс...

Жаңа жыл бір күн ғана тойланады десек те, оған дейінгі дайындық алдын-ала басталады. Туған туыстан бастап, достар, әріптестерге сыйлықтар іздейміз, «Құпия дос» ойынын ойнаймыз, мереке күнгі кешті өткізетін жер дайындаймыз. Мұның бәрі сайып келгенде қалтаға қатты салмақ салады. Сол себепті желтоқсан-қаңтарда жеке бюджетіңізді реттемесеңіз, кесірін қыс бойы тартуыңыз ғажап емес. Осыны ескере отырып, Kursiv Media тілшісі мерекеден кейін ақшасыз қалмаудың жолдары мен бюджетті қалыпқа келтірудің тәсілдерін тізіп, гайд әзірледі.

Неге біз мерекеден кейін көк тиынсыз қаламыз?

Расында, жаңа жылдан кейін көпшілігі қарызға кіріп кетіп, қаңтарда қатты қиналып қалып жатады. Статистикаға қарасақ, кез келген ауқымды мереке қарсаңында, соның ішінде Жаңа...

Freedom Ticketon дерегіне сәйкес, 11–14 желтоқсан аралығында қазақстандық кинотеатрларда ең көп табыс әкелген фильмдер тізімі жарияланды. Кассалық көрсеткіштерге қарасақ, көш басында анимациялық «Аңдар шаһары 2» тұр. Фильм экранға шыққан үшінші аптасында 454 млн теңгеден астам табыс жинап, көрермен қызығушылығы әлі де жоғары екенін дәлелдеді.

Екінші орынға отандық «Руың кім?» фильмі орналасты. Комедия жанрындағы туынды бір апта ішінде 208 млн теңгеден аса касса жинап, сенімді старт көрсетті. Бұл нәтиже фильмнің алдағы апталарда көшбасшыға айналуына мүмкіндік бар екенін аңғартады. Дегенмен «Аңдар шаһары 2» мультфильмі алғашқы аптада 898 млн касса жинап, жалпы табысы 2 млрд-тан асты.

Үздік үштікті «Фреддимен...

Қазақстанның тәуелсіздік алғанына 30 жылдан астам уақыт өтті. Бұл кезеңде еліміз көптеген өзгерістерді бастан өткерді: экономикалық реформа, нарықтық экономикаға көшу, жаңа инфрақұрылымдардың құрылуы және халықаралық аренада өз орнын табу. Осы уақыт ішінде Қазақстанның ішкі жалпы өнімі (ЖІӨ) айтарлықтай өсті, бірақ бұл жолдағы қиындықтар мен сын-қатерлер де жеткілікті болды. Қазақстанның ЖІӨ динамикасы елдің даму деңгейін, өмір сүру сапасын және әлеуметтік жағдайын сипаттайтын басты көрсеткіштердің бірі.

Қазақстанның ЖІӨ динамикасы

Қазақстанның ЖІӨ-сі 1991 жылдан бергі дамуында бірнеше маңызды кезеңдерге бөлінеді. Тәуелсіздік алған алғашқы жылдары (1991-1995 жж.) экономикалық тұрақсыздық, инфляция және жұмыссыздық деңгейінің жоғары болуымен ерекшеленді. Бұл кезеңде Қазақстанның экономикасы посткеңестік кеңістіктегі көптеген...

Бүгін, 16 желтоқсан күні, қазақ өнерінің шоқ жұлдызы, КСРО және Қазақстанның Халық әртісі Бибігүл Ахметқызы Төлегенова 96 жасқа толды. Ұлт мәдениетінің дамуына өлшеусіз үлес қосқан өнер иесі – КСРО Мемлекеттік сыйлығының лауреаты, Социалистік Еңбек ері, қазақ музыкасының тарихында өшпес із қалдырған тұлға.

Бибігүл Төлегенованың өнердегі еңбегі мемлекет тарапынан жоғары бағаланып, «Отан» орденімен және «Тарлан» тәуелсіз сыйлығымен марапатталған. Әнші қазақтың халық әндерін әлемнің ең беделді сахналарында орындап, ұлттық өнерімізді халықаралық деңгейге көтерді. Оның орындауындағы «Гәкку», «Бұлбұл», «Жиырма бес» сынды халық әндері тыңдарман жүрегінде мәңгі сақталып, бірнеше буынның рухани қазынасына айналды. Сонымен қатар Бибігүл Ахметқызы классикалық және опера өнерінің дамуына да айрықша...

Тәуелсіздік күніне орай Алматыда «Тәуелсіздік» монументіне гүл шоқтарын қою рәсімі өтті. Бұл туралы қала әкімдігі хабарлады.

Еске алу іс-шарасына Алматы әкімі Дархан Сатыбалды, мәслихат депутаттары, Қоғамдық кеңес пен Қазақстан халқы Ассамблеясының өкілдері, 1986 жылғы Желтоқсан оқиғасына қатысушылар, этномәдени бірлестіктердің өкілдері мен жастар қатысты.

Жиналған қауым елдің азаттығы мен тәуелсіздігі жолында жанын қиған ерлердің рухына бір минут үнсіздік жариялап, тағзым етті. Салтанатты рәсім Алматы өңірлік гарнизонының әскери-рухты оркестрінің сүйемелдеуімен Қазақстан Республикасының Мемлекеттік әнұранын орындаумен аяқталды.

Еске сала кетейік, бұған дейін Алматы қаласының сегіз ауданында 1986 жылғы Желтоқсан оқиғасында қаза болғандарды еске алуға арналған ас берілетіні туралы жазған едік.

Қазақстан Республикасының Тәуелсіздік күні мұхиттың аржағында Мексикада да ерекше аталып өтті. Әлеуметтік желіде тараған видеода Димаш Құдайбергеннің латынамерикалық жанкүйерлері Қазақстанның Мемлекеттік Әнұранын орындап, қазақстандықтарды мерекемен құттықтады.

Жиналған жанкүйерлер Қазақстан туын көтеріп, әнұранды хормен орындаған. Ұйымдастырушылардың айтуынша, бұл кездесу жыл қорытындысына арналумен қатар, Қазақстанның Тәуелсіздік күнін атап өтуді мақсат еткен. Жанкүйерлер 2025 жылы болған жарқын сәттерге шүкіршілік етіп, Димаш арқылы қазақ халқының мәдениеті мен құндылықтарын танып-білгендерін атап өткен.

«Димаш бізге тек өнер иесі ретінде ғана емес, үлкен жауапкершілік пен адамгершіліктің үлгісі ретінде әсер етті. Оның арқасында Қазақстан мен қазақ мәдениеті жүрегімізге жақын болды», – деп жазды...

1986 жылдың желтоқсаны Алматы үшін ерекше суық болды. Қала әдеттегі тіршілігін кешіп жатқандай көрінгенімен, 16 желтоқсан күні бәрі күрт өзгерді. Сол күні Қазақстан Компартиясы Орталық комитетінің пленумында республиканы жиырма жылдан астам басқарған Дінмұхамед Қонаев қызметінен босатылып, орнына Қазақстанға мүлде қатысы жоқ, Ульяновск облысынан келген Геннадий Колбин тағайындалды.

Бұл шешім Мәскеу үшін кезекті кадрлық ауыс-түйіс болғанымен, қазақ қоғамы оны жергілікті халықтың пікірімен санаспау, ұлттық намысты елемеу ретінде қабылдады. Осы жағдай кейін Желтоқсан оқиғасы деп аталған тарихи қарсылықтың басталуына түрткі болды.

16 желтоқсан күні таңғы сағат 10:00-де Қазақстан Компартиясы Орталық комитетінің V пленумы басталып, бар-жоғы 18 минутқа ғана созылды. Мәскеуден арнайы келген...

«ҚазАвтоЖол» ұлттық компаниясы Ақмола облысында қолайсыз ауа райына байланысты қозғалысқа шектеу енгізілгенін хабарлады. 16 желтоқсан күні сағат 09:45-тен бастап барлық көлік түрлері үшін «Астана – Көкшетау – Петропавл» автожолының 18–232 шақырымы, яғни Астана қаласы мен Щучинск қаласы аралығы жабылды.

Ведомство мәліметінше, шектеу ауа райының күрт нашарлауына байланысты енгізілген. Жолды қайта ашудың болжамды уақыты: 17 желтоқсан сағат 08:00.

Бұған дейін 16 желтоқсанға арналған ауа райы болжамын жазған едік.

Президент Қасым-Жомарт Тоқаев Қазақстан халқын Тәуелсіздік күнімен құттықтады. Құттықтау мәтінін Ақорданың баспасөз қызметі жариялады.

Президент өз сөзінде Тәуелсіздік күнінің еліміз үшін айрықша маңызға ие екенін атап өтті. Оның айтуынша, дәл осы күні қазақ халқы Қазақстанды егемен мемлекет ретінде дамыту жолын саналы әрі түпкілікті таңдады.

— Тәуелсіздік бәрінен қымбат! Біз бабалар рухына тағзым етіп, өскелең ұрпақ алдындағы тарихи жауапкершілікті сезіне отырып, осы ұстанымға әрдайым адал боламыз, — деді Мемлекет басшысы.

Қасым-Жомарт Тоқаев азаматтардың ынтымағы мен бірлігі, өзара қолдауы мен жасампаз еңбегінің арқасында Қазақстан Тәуелсіздікті нығайту жолында елеулі жетістіктерге жеткенін айтты. Сондай-ақ әлемде болып жатқан қарқынды өзгерістерге...

Жұмыссыз қалған Қазақстан азаматтарына 2025 жылдың басынан бастап Мемлекеттік әлеуметтік сақтандыру қорынан 118 млрд теңгеден астам қаражат төленді, деп хабарлады ҚР Еңбек және халықты әлеуметтік қорғау министрлігі.

«2025 жылғы 1 желтоқсандағы жағдай бойынша Мемлекеттік әлеуметтік сақтандыру қорынан жұмысынан айырылғандар әлеуметтік төлем алушылардың саны 331,7 мың адамды құрап, төлемдердің жалпы сомасы 118,5 млрд теңгеге жетті», – деп атап өтті ведомствода.

Бұл ретте 289,8 мың азамат осы төлемді биыл ресімдеді.

Әлеуметтік қолдау жұмыстан босатылған қызметкерлерге бір айдан алты айға дейін беріледі. Төлемдердің ұзақтығы міндетті әлеуметтік сақтандыру жүйесіне қатысу өтіліне және соңғы 24 айдағы табыс деңгейіне байланысты. Жәрдемақы...

Қазақстанның солтүстігінде және оңтүстігінде қатты жел соғады. Астана мен 10 өңірде қар жауады. «Қазгидромет» 16 желтоқсанға арналған ауа райы болжамын жария етті.

Жетісу облысында аяусыз өлтірілген Айзат Жұманованың туыстары оның күйеуінен моральдық зиян ретінде 100 млн теңге өндіруді талап етеді.

15 желтоқсан күні облыстың қылмыстық істер жөніндегі мамандандырылған ауданаралық сотында 32 жастағы Айзат Жұманованы өліміне байланысты отырыста күдікті ретінде оның күйеуі Айбар Жанболат істі болды. Жәбірленуші тарап 100 млн теңге мөлшерінде моральдық зиянды өндіріп алу туралы, сондай-ақ, 1,5 млн теңге өкілдік шығындарды өтеу туралы өтініш білдірді.

Судья Әділет Бақытов жәбірленуші тараптың өтінішін қарауға қабылдады, бірақ оның көлемі бойынша шешім кейінірек жария болады.

Айзаттың қазасы

Қайғылы жағдай Жетісу облысы Баласаз ауылында болған.

Тергеу дерегінше, 2025 жылдың 21 маусымы сағат 05:00 шамасында...

«Шахтер» футбол клубының жаңа иесі кәсіпкер Тимур Турлов команда мен жастар футболын дамытуға қанша инвестиция салатынын айтып берді. Оның айтуынша, академия құрылысына бюджет шамамен 16 миллиард теңгені құрайды, ал клубтың операциялық шығындарына 2026 жылы шамамен 4 миллиард теңге жұмсау жоспарлануда. Бұл қаражаттың көп бөлігі инфрақұрылымды дамытуға және жас ойыншыларды дайындауға жұмсалады.

Жастардың басымдығы

Турлов команданың қазір жастарға бағытталғанын атап өтті. Бастысы болашақ үшін күшті базаны қалыптастыруға назар аударылады. Сонымен қатар, облыстық футбол қауымдастығы 2029 жылға дейін жастар, әуесқой және бұқаралық футболды дамыту жобаларына, сондай-ақ, цифрландыруға 6,5 миллиард теңге көлемінде қолдау жасайды.

«Жастарды қолдау, әуесқой футбол...