Жаңалықтар

20 қараша күні әзілкеш Тұрсынбек Қабатовтың бұрынғы әйелі Мөлдір Мұқанның «Шай в большом городе» фильмі көрерменге жол тартқанымен, премьерадан кейін бірден әлеуметтік желілерде сынға ұшырады.

Көрермендер мен блогерлер картинаның көркемдік деңгейін талқылап, пікір екіге жарылды. Бірі Мөлдірді қолдаса, енді бірі фильмді кәсіби тұрғыда әлсіз деп бағалап жатыр.

Фильмде Мөлдір продюсерлікпен қатар, басты рөлде ойнайды. Сюжет ауылдан қалаға келген үш құрбының шоу-бизнес жұлдызына айналған ескі достарын құттықтауға келуінен басталады. Бірақ қуанышты кездесу бірте-бірте әркімнің шынайы болмысын ашып, жалған жарнама мен шынайы достықтың айырмашылығын көрсетеді.

Премьерадан кейін Мөлдір фильмге деген үлкен қызығушылықты көрсететін стористер жариялап жатыр. Бірақ дәл осы тұста негатив...

Елімізде үш жарым мыңнан аса зейнеткер қарттар үйінде тұрып жатыр. Бұл туралы премьер-министр Олжас Бектеновтің депутаттық сауалға берген жауабында көрсетілген.

Ел бойынша 45 қарттар үйі жұмыс істеп тұр. Ол жерде 3547 адам тұрады. Ішінде 2058 ер адам, 1489 әйел бар.

«Балама ретінде жартылай стационарда және үйде қызмет көрсетіледі. Елде үйге барып әлеуметтік көмек көрсететін 134 бөлімше бар. Олар 28 мыңнан астам жалғызбасты қарт кісіні қамтып отыр», – делінген Бектенов жауабында.

Ал егде жастағы азаматтарға медициналық көмек тегін медициналық көмектің кепілдік берілген көлемі және міндетті медициналық сақтандыру аясында көрсетіледі. 2026 жылдың 1 қаңтарынан бастап...

Өзбекстанның Наманган қаласында мұғалімдерді аттестациядан сүрінбей өткізуге арналған «бункер» табылды.

«Сыйақыға» мұғалімдерге біліктілік санатын алу мақсатындағы аттестациялық емтихандарда қашықтан көмек көрсетілген.

Kun.uz ақпаратына қарағанда, қыркүйек-қазан айларында мұндай «қызмет» үшін 25 000 доллар алынған.

Бұл жерде Наманган облысы Дәвлатабад ауданы жалпы білім беретін мектеп директорының орынбасары, Наманган мемлекеттік техникалық университетінің бөлім басшысы, осы бөлімнің маманы және басқа да тұлғалар өзара сөз байласқан. Материалдық сыйақы үшін педагогтерге аттестациялық емтихандардың тест сұрақтарын қашықтан орындауға көмектескен.

Мемлекеттік қауіпсіздік қызметі мен Экономикалық қылмыстарға қарсы күрес департаменті жүргізген жедел іс-шара барысында сол жерден тест тапсыруға тартылған 12 мұғалім анықталған. Ноутбук, 30 түрлі құлаққап пен жасырын камералар...

Мектепте мұғалімдер арасындағы «сағат бөлу» мәселесі білім беру жүйесінің бас ауруына айналған. Сағаты қысқарған ұстаздар директорлар мен орынбасарларға шағым түсіреді, кейбірі жұмыстан кетуге мәжбүр болады. Жүйені қалай өзгерту керек? Министр Жұлдыз Сүлейменовадан бастап сарапшылар бұл жайында не ойлайды? Kursiv.Media тілшісі осы проблемаға үңіліп көрді.

16 сағаттық жүйе

Мемлекеттік мектептерде мұғалімнің негізгі апталық жүктемесі – 16 сағат. Бұл норма қазіргі «Педагог мәртебесі туралы» заң аясында 2019 жылы бекітілген. Оның алдында көп мұғалім 36-42 сағаттық жүктемемен жұмыс істейтін. Сағаттың азаюы педагог мамандығын тартымды етуге бағытталған қадам болған. Алайда оның нәтижесінде сағат үшін тартыс одан сайын үдей түсті. Өйткені сағат азайса, оны...

Алматыдағы Республика сарайында Жамбыл атындағы Қазақ мемлекеттік академиялық филармониясының 90 жылдығына арналған салтанатты гала-концерт өтті.

Концерт басында Қазақстан Президенті Қасым-Жомарт Тоқаевтың құттықтау хаты оқылды. Хатты Алматы қаласы әкімінің орынбасары Абзал Нүкенов жеткізді.

«Ахмет Жұбанов негізін қалаған филармония халқымыздың рухани мұрасын жаңғыртып, өркениетіміздің өрісін кеңейтуге, қазақтың ән-күйін әлемге танытуға зор үлес қосты», – делінген Президенттің хатында.

Ұлттық өнер мен классикалық музыка тоғысты

Гала-концертте филармонияның жетекші шығармашылық ұжымдары өнер көрсетіп, ұлттық музыкалық дәстүр мен заманауи академиялық бағыт үйлесім тапты. Бағдарламада Нұрғиса Тілендиев, Мұқан Төлебаев, Еркеғали Рахмадиев, Төлеген Қажығалиев пен Әділ Бестібаев шығармаларымен қатар Бетховен...

Ақтөбеде ерлі-зайыптылардың мәйіті табылды. Екеуі де алдыңғы күні жоғалып кеткен. Еріктілер оларды іздеуге көмек сұраған болатын.

Орданың хабарлауынша, олардың артында бес бала қалды.

Бүгін ерлі-зайыптыларды қаладан тыс жерден өлі күйінде тапты. Негізгі нұсқалардың бірі – ер адам әйелін өлтіріп, кейін өз өмірін қиған.

«Әйелдің денесінде күш қолдану белгілері анықталды. Ал оның күйеуі асылған күйінде табылды. Оқиға орнында тергеушілер жұмыс істеп жатыр. Аумақты қарап, дәлелдер жинауда. Сараптамалар тағайындалды. Қылмыстық іс қозғалды», – деп хабарлады Ақтөбе облыстық полиция департаменті.

Қыркүйек айында Түркістан облысында 45 жастағы ер адам қызғаныштан әйелін өлтіріп, кейін өзіне қол салған...

Ішінара араб инвесторларына тиесілі Talgar Development Ltd компаниясы Алматы облысында 180 мың адамға арналған жаңа қала тұрғызады. Talgar Eco City құрылысына жауапты компания өкілдерімен Алматы облысының әкімі Марат Сұлтанғазиев кездесті.

Өңір әкімі Біріккен Араб Әмірліктерінен келген инвесторларға облыс әлеуетін таныстырды.

«Біз үшін әрбір инвестор маңызды. Бизнес жүргізу үшін ашық әрі қолайлы жағдай жасауға дайынбыз», – деді Сұлтанғазиев.

Talgar Development өкілі Хайссам Каддура жобада тұрғын үйлер, мектептер, медициналық нысандар, сауда және ойын-сауық нысандары салынатынын айтты. Экология талаптарына ерекше мән беріледі. Инвестор «жасыл» технологияны мейлінше көп қолданады.

Жаңа қала 180 мың тұрғынға есептеледі. Жалпы аумағы...

Қасым-Жомарт Тоқаев Армения премьер-министрін «Алтын Қыран» орденімен марапаттады. Бұл туралы Ақорда хабарлады.

«Тоқаев салтанатты іс-шарада қазақстандықтар Никол Пашинянды Арменияның дамуына жаңа леп әкелген, мемлекеттік құрылымның барлық салада қайта жаңғыруына тың серпін берген жалпыұлттық көшбасшы деп білетінін жеткізді», – деп хабарлады Ақорда.

Қазақстан президенті Пашинянның ішкі және сыртқы саясатта парасатты, жауапты ұстанымымен үлгі көрсетіп отырғанын айтқан.

«Өте күрделі геосаяси ахуалда қалыптан тыс әрі батыл шешім қабылдадыңыз. Түптің түбінде бұл армян халқына пайдасын тигізетін өте құнды шешім болды. Достас, бауырлас Армения бейбітшілік, орнықты даму жолын таңдағаны анық. Бұл істе Сіздің тарихи еңбегіңіз зор. Вашингтонда қабылданған Армения...

Енді Қонаев пен Талдықорған қалалары арасындағы жолда Интернет қолдануға болады. Бірақ оның қызығын әзірге Beeline абоненттері көреді. Бір күн бұрын «КаР-Тел» (Beeline бренді) мен Huawei Technologies Kazakhstan LLP компаниялары автожолда 4G станция базасын іске қосты.

Алматы облысы әкімдігінің мәліметінше, станция күн панельдерін пайдаланады. Huawei ел аумағында алғаш рет энергия үнемдейтін база салды.

«Жоба мақсаты – облыстың маңызды көлік бағыттарының бірінде мобильді байланыстың сапасын арттырып, жылдамдығы жоғары интернетке қосу», – деп таратты өңір әкімдігі.

Жаңа телекоммуникациялық нысан Beeline абоненттеріне бүкіл бағыт бойында жылдам мобильді интернетті пайдалануға мүмкіндік береді.

«Жол қозғалысы...

Армения премьер-министрі Никол Пашинян Қазақстанды үлгі санайтынын жеткізді. Бұл туралы Ақорда хабарлады.

Ресми ақпаратқа сәйкес, Пашинянның Қазақстанға сапары екіжақты қарым-қатынасты тереңдетуге және ынтымақтастықты стратегиялық серіктестік деңгейіне көтеруге мүмкіндік береді.

«Қазақстан біздің ел үшін өте жақсы үлгі деп санаймыз. Біз қазақ халқын құрметтейміз. Осы құрмет екіжақты ынтымақтастығымызды одан әрі дамытуға негіз болады. Бүгін президент Қасым-Жомарт Тоқаевпен өзара ықпалдастығымыздың басты бағыттарын ілгерілету жағдайын жан-жақты талқыладық.

Өңірдегі өзгерістерді ескерсек, экономикалық және көлік саласындағы қатынастарымыздың жаңа мүмкіндіктеріне жол ашылады. Көлік бағытындағы әлеуетті толық жүзеге асыру маңызды. Оның нәтижелі болатынына сенімдімін», – деді Никол Пашинян.

Кездесу барысында...

Болат Өтемұратов – Қазақстандағы ең ықпалды кәсіпкерлер рейтингінде көш бастап тұрған миллиардер. Forbes-тің 2025 жылғы жаһандық рейтингіне сәйкес, Өтемұратов шамамен 3,7 млрд долларлық байлығымен әлемдік олигархтар тізімінде 979-орында тұр. Қазақстандағы ең бай он кәсіпкердің қатарына кіріп, 6-орынға жайғасқан. Оның бизнес активтері қаржы, телекоммуникация, девелопмент және қонақүй салаларын қамтиды. Кәсіпкердің қызметінде білім беру және қайырымдылық жобалары, сондай-ақ теннисті дамыту ерекше орын алады.

Өмірбаяны

Болат Жәмитұлы Өтемұратов 1957 жылдың 13 қарашасында Гурьев қаласында (қазіргі Атырау) дүниеге келген. Әкесі – прокурор, анасы экономист-бухгалтер болған.

Балалық және жастық шағын Қызылорда қаласында өткізген. 1975 жылы Алматы халық шаруашылығы институтының сауда экономикасы факультетіне түсіп...

Алматыда «Қалқаман» метро бекетінің құрылысы жүріп жатыр. Қала әкімдігінің мәліметінше, жұмысшылар тоннель тесуді аяқтап қалды. Ал 2025 жылдың аяғына дейін рельс төселеді. Станция 2026 жылдың алғашы жартыжылдығының соңына қарай, яғни мамыр немесе маусым айында ашылады.

Бас мердігер Bazis Construction метроның сол жақ бағытындағы тоннельге рельс төсеп болды. Рельстер тігіссіз, яғни шпальсіз жасалған.

«Әрбір 25 метрлік рельс алюмин дәнекерлеу әдісімен біріктіріледі. Балқытылған металл оларды мықтап бекітіп, рельстерді үздіксіз бір желіге айналдырады. Соның арқасында пойыздар бірқалыпты әрі дыбыссыз жүреді», – деді Bazis Construction компаниясының басқарушы директоры Мұрат Үкшебаев.

Ал оң жақтағы жолда 1600 метрдің 357 метрі ғана...

Әнші, Қазақстанның халық әртісі Димаш Құдайберген белгілі ақын, Еңбек Ері Мұхтар Шахановқа ұлының қайтыс болуына байланысты үйіне арнайы барып, көңіл айтты. Бұл жөнінде қоғам белсендісі Берік Ағыбаев әлеуметтік желідегі парақшасында хабарлады.

«Бүгін халықтың аяулы ұлы, Қазақстанның халық әртісі, әнші Димаш Құдайберген белгілі ақын, Еңбек Ері, қоғам қайраткері Мұхтар Шахановтың ұлының қазасына байланысты арнайы келіп, көңіл айтуын жеткізді. Қайғысына ортақтасып, жүрегіне жазылмас жара салған бұл ауыр күнде ағамыздың шаңырағында құран бағыштағанының өзі бір көрегенділік», – деп жазды Ағыбаев.

Мұхтар Шахановтың отбасындағы ауыр жағдайға елдің түкпір-түкпірінен танымал тұлғалар мен оқырмандар да қайғыра көңіл білдіріп жатыр.

Астана қаласында бетон шығаратын «Стройконструкция» компаниясы акционерлерінің құрамы өзгерді. Қаржы есебі депозитарийі сайтында осындай мәлімет жарияланды.

2025 жылғы мамырда компанияның бас акционері Виктор Буллер қайтыс болды. Сол кезде кәсіпкер Forbes тізімінде 69-орында тұрған. Оның дәулеті 102 млн долларға бағаланған.

Енді осы кәсіпорынды ұзақ жыл басқарған Виктор Буллер компания акционерлері тізімінен түсіп қалды. Оның орнына марқұмның қызы Татьяна Буллер мен Валентина Буллер кірді.

Акционерлер құрамындағы өзгеріс 19 қарашада тіркелді. Сол күннен бастап ірі акционерлер тізімінде Татьяна Буллер, Валентина Буллер және Дәулет Аймұхамбетов аталады. «Стройконструкция» компаниясының акционерлері – 473 жеке тұлға.

Виктор Буллер 1945 жылы дүниеге келген. Ол...

10 қарашада жол жүрісі ережелеріне өзгерістер мен толықтырулар енгізілді. Өзгерістер 23 қарашадан бастап күшіне енеді.

Polisia.kz хабарлауынша, елдімекендерде жүк көліктерінің жылдамдығы сағатына 50 шақырымға дейін шектелді. Бұл шектеу жол белгілерімен нақты жылдамдық көрсетілген учаскелерге қолданылмайды

Жылдамдықты төмендету – жаяу жүргіншілердің қаза болу қаупін азайтуға бағытталған. БҰҰ Дүниежүзілік денсаулық сақтау ұйымының мәліметінше, жылдамдық 60–65 км/сағ болғанда жаяу жүргіншінің қаза болу ықтималдығы 50 км/сағ-пен салыстырғанда 4,5 есе жоғары. Боран, тұман, қар, жаңбыр болған жағдайдағы полиция қызметкерлері мен жол жүрісіне қатысушылардың құқықтары мен міндеттері нақтыланды. Патрульдік көлік құралдары ілесіп жүретін колонналарға қатысты талаптар да жаңартылды.

Мысалы: колонна ішінде маневр жасауға, басып...

Оқу-ағарту министрлігі ведомство атынан үй аралағандарға қатысты мәлімдеме жасады.

«Желіде өзін оқу-ағарту министрлігі қызметкерлері деп таныстырған адамдардың үйлерді аралап жүргені туралы хабарлама мен видеолар тарап жатыр. Министрлік қызметкерлері үй аралап, жеке дерек немесе басқа да ақпарат жинамайды», – делінген ақпаратта.

Министрлік құжат пен дерек талап еткен, үйге кірмек болғандардың министрлікке қатысы жоқ екенін, олардың алаяқ болуы мүмкін екенін ескертті.

«Олардың заңсыз әрекеті үшін министрлік жауап бермейді. Қырағылық танытып, мұндай жағдай болса, дереу құқық қорғау органдарына хабарласыңыз», – деп ескертті министрлік.

Айта кетейік, жыл басынан бері елде  16 500-ден астам интернет...

Қазақстандық танымал әнші Меруерт Түсіпбаеваның әкесі қайтыс болды. Қайғылы хабар туралы әнші әлеуметтік парақшасында хабарлады.

Әкесі Балғабай Түсіпбаев та өнерден құр алақан болмаған адам екен. Әуесқой әнші ретінде өңірге танылған.

«Папам фәни жалғаннан озды. Әдетте, «88 жас деген той ғой» деп жұбатады жақындар. Осы сөздермен іштей келісіп, шүкір еткенімізбен, мәңгілікке қоштасу неткен қиын. Әкем мені төрт қызының ішінен бөліп, ерекше жақсы көрді», – деп жазды Меруерт Түсіпбаева.

Оның айтуынша, Балғабай Түсіпбаев Баянауыл өңірінің мәдениеті мен өнерінің дамуы жолында аянбай еңбек еткен. Баян мен домбыра аспаптарын шебер меңгерген әуесқой әнші.

Арменияның премьер-министрі Никол Пашинян өз әлеуметтік желісінде Астанадан түсірілген видеосын жариялады. Видеоның ар жағында қазақ әншісі Баянсулу Сағындықова (BAYANSULU) орындайтын Aua rai әні шырқалып тұр.

Видеода Пашинян қонақүй терезесінен Астананың таңғы көрінісін түсіріп, ролик соңында қолымен «жүрекше» көрсетеді.

«Қайырлы таң, жақсы күн тілеймін, сіздерді жақсы көремін», – деп жазды видеоның астына.

Еске салайық, 20 қараша күні кешке Никол Пашинян Астанаға ресми сапармен келд...

Маңғыстау облысында «Шетпе – Жетібай» жолы бойында орналасқан «Намазхана» деп аталатын асхана өртенді. Бұл туралы жергілікті Lada басылымы хабарлады.

Мәліметті осы өңірдің төтенше жағдайлар жөніндегі басқармасы растады. Департамент дерегінше, құтқарушылар асхана ішіндегі газ баллонды алып шығып, шағын ғимаратты жарылып кетуден сақтап қалған.

Қарақия ауданы аумағындағы бұл оқиға 20 қарашада күндіз болған. Осы жолмен жүрген жолаушылар түсірген видео әлеуметтік желілерде таралды.

Өрт толық сөндірілді. «Намазхананың» 180 шаршы метрі өртеніп кетті.

Қырғызстан президент Садыр Жапаров Бішкектегі «Алтай» қалашығының іргетасын қалау рәсімінен кейін, арандатушылыққа ермеуге шақырды.

24.kg ақпаратына қарағанда, бұл туралы ол Первомай ауданының тұрғындарымен кездесуде мәлімдеме жасаған.

Ол кейбір күштер елде қытай азаматтары тым көбейіп кетті деп, халықты арандатып жатқанын алға тартты.

«Бірақ олар бізді басып алуға келген жоқ, дәл осындай зауыттар салуға, темір жол салуға келді. Мұның бәрі бізге қажет. Біз үңгірде өмір сүре алмаймыз. 2030 жылдан бастап темір жолдың арқасында әлемдік нарықтарға шығамыз, транзиттік мүмкіндік пайда болады», – деді мемлекет басшысы.

Билік атқарған жұмыстар туралы айта келе, ол желтоқсанда жұмысын бастайтын қоқыс өңдеу...

Таиландта өткен 74-ші халықаралық Miss Universe 2025 байқауы өз мәресіне жетті. Биылғы жылы әлемнің түкпір-түкпірінен келген сұлулар арасынан Мексика өкілі Фатима Бош озып шығып, жаңа Ғалам аруы атағын жеңіп алды.

Финалдық тізімде орын алғандар:
• 1st Runner-Up (вице-ару) – Правенар Сингх (Таиланд)
• 2nd Runner-Up – Стефани Абасали (Венесуэла)
• 3rd Runner-Up – Аниса Манало (Филиппин)
• 4th Runner-Up – Оливия Яс (Кот-д’Ивуар)

Ал алдын ала жарияланған нәтижелер бойынша, биылғы ТОП 30 құрамына Үндістан, Қытай, Таиланд, АҚШ, Франция, Жапония, Куба, Нидерланд, Доминикан Республикасы сынды мемлекеттердің өкілдері кірді.

Қазақстандық қатысушының өнер көрсетуі

Қазақстан намысын биыл 21 жастағы Қостанай қаласының тумасы Дана Алмасова...

Алматы әкімдігі мегаполистегі Саин көшесін ұзарту жұмыстары неге кешеуілдеп жатқанын түсіндірді. Шаһар әкімі Дархан Сатыбалды құрылыс басына барды.

Саин көшесін ұзарту жұмыстары сонау 2019 жылы басталған. Жоспар бойынша, көше Рысқұлов даңғылынан бастап қаланың шетіне дейін созылуы керек.

Құрылыс 2025 жылдың аяғында, 2026 жылдың басында аяқталатыны айтылған. Алайда әкімдік түрлі қиындыққа тап болғанын мәлімдеп отыр.

Қала әкімі Дархан Сатыбалды Рысқұлов даңғылынан Мөңке би көшесіне дейінгі аралықта Саин көшесін ұзарту жұмысының барысымен танысқан.

«Нысанның аяқталу мерзімі жер телімдерін сатып алуда туындаған қиындықтарға байланысты кейінге шегерілген. Соңғы учаске тек биыл қазан айында босатылып, содан кейін ғана құрылыс...

Алматы – Қостанай бағытында жаңа «Тальго» пойызы шығады. Бұл туралы «Жолаушылар тасымалы» компаниясы хабарлады.

Пойыз 16 желтоқсаннан бастап жүре бастайды.

«Бұл пойыз уақытын стандартты пойыздарға қарағанда 12 сағатқа қысқартуға мүмкіндік береді. Пойыз 600-ден астам жолаушыны тасымалдай алады», – делінген ақпаратта.

Пойыз Қостанай, Тобыл, Атбасар, Астана, Қарағанды және Алматы сияқты ірі қалалар арқылы өтеді.

«Мүмкіндігі шектеулі жандар үшін арнайы орындар бөлінген, билет құнына 50%-ға дейін жеңілдік қарастырылған. Бұл пойыз елдің оңтүстік пен солтүстік өңірлері арасында көлікті қолжетімді етеді», – дейді компания.

Билеттер bilet.railways.kz ресми сайтында және теміржол...

Туризм және спорт министрлігі Қазақстандағы үздік қысқы демалыс орындарын атады. Ведомство бұл бағыттар Қазақстан азаматтарына да, шетелдік қонақтарға да қолайлы деп санайды.

Қысқы демалысқа баруға тұрарлық үздік 7 бағыт:

Риддер, Шығыс Қазақстан облысы

Батыс Алтай табиғи қоры

Риддер – Алтай тауларының інжу-маржаны. Қыс мезгілінде бұл өңір ерекше көрікке енеді. Қалың шыршалы тайга, ақ қарға оранған тау бөктерлері мен әсем тыныштық бұл аймақты қысқы демалысқа тамаша мекенге айналдырады.

Қызмет түрлері: тау шаңғысы, фрирайд, сноуборд, қысқы жорықтар, фототурлар.

Ерекшелігі: қыста Батыс Алтай қорығы қыста ерекше сәнге бөленіп, табиғаты көз тартады. Бұл өңір экотуризмнің нағыз орталығына айналды.