Жаңалықтар

Қазақстан мен Қатар арасындағы Қазақстан азаматтарын жұмысқа орналастыру туралы келісім ресми түрде күшіне енді. Бұл жайлы Еңбек және халықты әлеуметтік қорғау министрлігі хабарлады.

Министрліктің мәліметінше, Қатар тарапы келісімге қатысты барлық ішкі мемлекеттік рәсімдерді аяқтағанын растайтын жазбаша хабарлама жолдаған.

Құжатқа 2024 жылғы 14 ақпанда Мемлекет басшысының Дохаға ресми сапары барысында қол қойылды. 2025 жылы келісімді ратификациялау туралы Заң жобасын ҚР Парламентінің қос палатасы (10 қыркүйек – Мәжілісте, 9 қазан – Сенатта) мақұлдады, 20 қазанда Заңға Қазақстан Республикасының Президенті қол қойды.

Құжат қазақстандық мамандарды іріктеу мен жұмысқа орналастыру тәртібін реттейді және олардың әлеуметтік әрі еңбек құқықтарын толық көлемде қорғауға кепілдік...

Астана сотында Dental Park Ortho стоматологиясында қайтыс болған үш жастағы Зере Есентайдың ісі қаралып жатыр.  Сотталушы – анестезиолог Аида Жұмағалиева.

2025 жылдың 18 желтоқсанындағы сот отырысында сотталушының адвокаты Сағынғали Елеуов қылмыстық іс бойынша сот тергеуін қайта бастау туралы өтінішхат жолдады.

Сондай-ақ қылмыстық істі қарап жатқан судья Қажымұқан Мекемтасқа қарсылық білдірді.

Өтінішхатты судья Қанат Тобағалиұлы қарады. Сот қаулысымен судья ауыспайтын болды. Осылайша сот тергеуі аяқталып, сот жарыссөзі басталады.

Анестезиолог туралы не белгілі?

Аида Жұмағалиева – Ресей азаматы, екі баласы бар. Қазақстанға 2019 жылы келген. Бастапқыда Батыс Қазақстан облысындағы балалар ауруханасында жұмыс істеген. Содан кейін Астанадағы Ұлттық ғылыми...

Еуропа Одағы (ЕО) Ресейден келетін газдан кезең-кезеңімен бас тарту жөнінде келісімге қол жеткізді. Бұл туралы ақпарат Еуропарламенттің Threads желісіндегі ресми парақшасында жарияланды.

Келісім REPowerEU жоспары аясында әзірленген регламентке негізделген. Құжатқа сәйкес, Ресейден жеткізілетін сұйытылған табиғи газды (СТГ) импорттау 2026 жылдың басынан біртіндеп тоқтатылады.

Ал 2027 жылдың қыркүйегінен кейін құбыр арқылы тасымалданатын газды сатып алмайды. Жалпы алғанда, 2027 жылдың соңына дейін ЕО Ресей газынан толық бас тартпақ.

Бұл шешімді ЕО-ға мүше 27 елдің 25-і қолдап, Венгрия мен Словакия Ресей газына тәуелді болғандықтан қарсы шыққан.

Еуропарламент Ресейдің ұзақ жылдар бойы энергетика ресурстарын, әсіресе 2022 жылы Украинаға қарсы соғыс ашқан...

Оқу-ағарту министрлігі жетім және ата-анасының қамқорлығынсыз қалған балалардың құқықтарын қорғау жүйесін жетілдіруге бағытталған бірқатар кешенді шешімдер қабылданғанын хабарлады. Оның қатарында 2026 жылғы 4 ақпанда күшіне енетін жаңа заң бар.

Жаңа заң нормаларына сәйкес, қамқоршы, қорғаншы немесе асырап алған ата-анаға қатысты соттылық анықталса, не олар психикалық немесе наркологиялық диспансерде есепте тұрғаны белгілі болса, мұндай тұлғалар бала тәрбиелеу құқығынан дереу айырылады.

«Сондай-ақ, үстінен қылмыстық іс қозғалған азаматтарға бала асырап алуға, қамқоршы немесе патронат тәрбиеші болуға тыйым салынады. Бұл шектеулер балаларды қауіп-қатерден қорғап, қауіпсіз орта қалыптастыруды көздейді», – делінген хабарламада.

Бұдан бөлек, заңнамаға алғаш рет қамқоршылар...

Bank of America (BofA) сарапшыларының болжамынша, Қазақстанда инфляция 2026 жылдың қаңтарында шегіне жетіп, шамамен 15% деңгейінде қалыптасады. Осы кезеңнен кейін, яғни екінші тоқсанының соңынан бастап ел экономикасы ұзақмерзімді дезинфляция фазасына өтеді.

BofA есебіне сәйкес, 2026 жылдың соңына қарай инфляция 9%-ға дейін төмендейді, ал ақша-несие саясаты біртіндеп жұмсарып, базалық мөлшерлеме 3–4 пайыздық тармаққа төмендеуі мүмкін.

Сарапшылардың пікірінше, Ұлттық банк теңге бағамы күрт әлсіреген жағдайда ғана базалық мөлшерлемені көтеруі ықтимал. Егер валюталық нарықта айтарлықтай күйзеліс болмаса, реттеуші қатаң саясаттан бас тартуға дайын.

BofA жүргізген салыстырмалы талдау Қазақстан экономикасының екіұшты көрінісін көрсетеді. Бір жағынан, макроэкономикалық іргетас берік. Екінші жағынан, сыртқы...

Тәжікстан Сыртқы істер министрлігі Ресейдің елдегі елшісін шақырып, нота тапсырды. Онда Мәскеу облысының Горки-2 кентіндегі мектептің 4-сынып оқушысына жасалған «ұлт араздық негізіндегі шабуылды» қатаң айыптайтыны туралы мәлімдеме жариялады. Шабуыл салдарынан 10 жасар тәжік баласы оқиға орнында көз жұмған.

Құжатта Ресей тарапынан қайғылы оқиғаны тез арада әрі объективті түрде тергеп, кінәлілердің барлығын заң бойынша қатаң жауапқа тарту талап етілген. Сондай-ақ, Тәжікстан Ішкі істер министрі Рамазон Рахимзода Ресей ІІМ басшысы Владимир Колокольцевпен телефон арқылы сөйлесіп, тергеудің дұрыс жүргізілуін сұрады. Колокольцев өз кезегінде тергеу жұмыстары қатаң бақылауда екеніне сендірді.

16 желтоқсан күні таңертең Одинцово ауданындағы Горки-2 кентіндегі мектептердің бірінде 9-сынып оқушысы мектепке...

Қасым-Жомарт Тоқаевтың Жапонияға ресми сапары аясында қол қойылатын коммерциялық келісімдердің жалпы құны 3,7 млрд доллардан асады. Бұл туралы Президент баспасөз хатшысы Руслан Желдібай мәлім етті.

Мемлекет басшысы осы мақсатта Токиода жапониялық ірі бизнес өкілдерімен кездесулер өткізбек. Барлығы 40-тан астам құжатқа қол қою жоспарланған. Келісімдер энергетика, жаңартылатын қуат көздері, цифрландыру, тау-кен, көлік секілді негізгі салаларды қамтиды.

«Қазақстан тарапынан құжаттарға «Самұрық-Қазына», KEGOC, «Қазатомөнеркәсіп», «Тау-кен Самұрық», «Қазпошта», «Қазақстан темір жолы» компаниялары, ал Жапония тарапынан Marubeni, MUFG Bank, Mitsubishi Heavy Industries, Hitachi Energy, Toshiba, JOGMEC, Kansai Electric Power және RIKEN KOGYO сияқты компаниялардың өкілдері қол қояды...

Қыркүйек айында Қаржы министрі Мәди Такиев алдағы жылдары «Отбасы банк» салымшыларына мемлекеттік сыйлықақы төлеуге бюджеттен қаржы қарастырылмаған деп мәлімдеді. Министр банк салымшыларына сыйлықақыны банктің өз қаражатынан төлейді деген. Осы ретте Kursiv.Media «Отбасы банкке» сауал жолдап, клиенттердің депозитіне сыйлықақы қалай төленетінін сұрап білді.

Банктің баспасөз қызметі жолдаған ресми жауапқа сәйкес, мемлекет тұрғын үй құрылыс жинақ жүйесіне ақша салып жүрген азаматтарды қолдауды жалғастырып отыр. 2025 жылы бұл жүйеге қатысатындар 157 280 теңгеге дейін мемлекеттік сыйлықақы ала алады.

Бұл талап Қазақстан Республикасының «Тұрғын үй құрылыс жинақтары туралы» заңында нақты көрсетілген. Заң бойынша, тұрғын үй жинақ банкіндегі депозиті бар Қазақстан азаматтарына...

Air Astana әуе компаниясының «техникалық себеппен» Дели әуежайына қонуға мәжбүр болған ұшағындағы жолаушылар шағымданып жатыр. Олар компания таратқан ресми мәліметті жоққа шығарды.

Естеріңізге сала кетейік, 18 желтоқсанда Air Astana-ның Алматы-Бангкок бағыты бойынша KC931 рейсін орындайтын ұшағы сапарын жарты жолда тоқтатты. Ресми мәліметке қарағанда, бортында 138 жолаушы бар ұшақ Алматы қаласынан түнгі сағат 01: 00-де ұшып шығып, таңертең сағат 05:51-де Делиге қонуға мәжбүр болған. Таңертең сағат 8:50-де әуе компаниясы былай деп таратты:

«Жолаушылардың бәріне тамақ беріледі. Уақытша визалар ресімделді. Әуе компаниясы жолаушыларды қонақ үйге орналастыру мәселесін шешіп жатыр».

Алайда ұшақ бортындағы жолаушылар...

18 желтоқсанда «Air Astana» әуе компаниясының Алматы – Бангкок бағыты бойынша KC931 рейсін орындаған ұшағы Дели әуежайына шұғыл қонды. Бағыттың өзгеруіне техникалық ақау себеп болған.

Әуе компаниясының хабарлауынша, 138 жолаушысы бар борт Алматыдан түнгі сағат 01:00-де ұшып шығып, Үндістан астанасына 05:51-де қонған. Әуе көлігінің жерге қонуы штаттық режимде өткен.

Қазіргі уақытта жолаушыларға тамақ беріліп, уақытша визалар рәсімделді және оларды қонақүйге орналастыру мәселесі шешіліп жатыр. Сонымен қатар тасымалдаушы адамдарды діттеген жеріне жеткізу үшін резервтік ұшақ дайындамақшы.

17 желтоқсанда дәл осы компанияның Алматыдан Астанаға бет алған ұшағынан түтін шығып, апаттық дабыл соғылған. Жолаушылар мен экипаж мүшелері арасында зардап шеккендер жоқ

17 желтоқсанда Disney компаниясы шығарған «Аватар: от пен күл» картинасының тұсаукесері өтті. Бірақ фильмнің қазақша нұсқасы көрсетілмей қалды. Бұл жайлы Kursiv.Media тілшісі жазады.

«Сіздердің алдарыңызда бас иіп, кешірім сұраймын. Техникалық ақауларға байланысты фильмнің қазақ тілді жолағы бізге қолжетімсіз болып тұр. Өзіміз де жанымыз шығып осының қазақша болғанын тілеп едік, бірақ техника адам емес. Оған тілмен түсіндіру мүмкін емес», – деді қазақша дубляж режиссері Шах-Мұрат Ордабаев.

Бірақ ол 18 желтоқсаннан бастап барлық кинотеатрға шығады деп уәде берді.

«Аватар: от пен күл» – әйгілі режиссер Джеймс Кэмеронның туындысы. 2022 жылы оның «Аватар: Су жолы» фильмі де қазақшаланған...

18 желтоқсан қозғалыс, өсу және болашаққа деген сенім белгісі саналатын Мерген жұлдызының ықпалымен өтеді. Планеталардың шоғырлануы дамуға, жаңа идеяларға және көкжиекті кеңейтуге деген ұмтылысты күшейтеді. Кәсібіңіз бен жеке істеріңізді сәтті жоспарлау үшін Geocult.ru сайтының деректеріне негізделген жұлдызжорамалды ұсынамыз.

Тоқты
Күннің отты энергиясы алға жылжуға деген құлшынысыңызды арттырады. Болашақ, оқу және жаңа бағыттар туралы ойланыңыз. Күшіңізді босқа жұмсамай, потенциалыңызды ашатын істі таңдау маңызды.

Торпақ
Тауешкідегі Марс мансаптық мақсаттарға жетуге күш береді, бірақ Мергендегі Ай қаржылық мәселелерде сақ болуға шақырады. Қарым-қатынаста сенім мәселесі алдыңғы қатарға шығады, қызғаныштан аулақ болыңыз. Инвестициялар мен ұзақ мерзімді жоспарларды қайта қарауға қолайлы күн.

Егіздер
Бүгін ауа стихиясы белсенді — қарым-қатынас, идеялар мен...

Кәсіпқой боксшы Жәнібек Әлімханұлының екінші допинг сынама ресми түрде ашылатын күн мәлім болды. Бұл туралы Kursiv.Media Қазақстан кәсіпқой бокс федерациясының мәліметіне сүйене отырып хабарлады.

Федерация дерегінше, B сынамасын ашу алғашқы нәтижені растау немесе жоққа шығару үшін қажет.

«Оны ресми тіркелген тәуелсіз зертханада, барлық хаттама шарттарын сақтай отырып жүзеге асырады. Спортшының өкілдері мен мүдделі топтар да қатысады», – деп түсіндірді мекеме.

Ұйым тексерудің ресми нәтижесі шықпайынша, Әлімханұлының жағдайына қатысты айыптау, болжам жасауға қарсы екенін айтты. Ресми мәліметте B сынамасы нақты қай күні ашылатыны жазылмады. Бірақ  федерация басшысы Рақымжан Ерденбеков жанкүйерлер сұрағына «8 қаңтар» деп...

18 желтоқсанда таңертең Қазақстан президенті Қасым-Жомарт Тоқаев Жапония императорының сарайына келді. Оны император Нарухито қарсы алды.

Ақорда президент кортежінің сарай алдына тоқтағанын, оны есік алдында Нарухито күтіп тұрғанын, сонымен бірге екеуі қол алысқанын көрсетті.

Мемлекет басшысының Жапонияға сапары сәрсенбі күні кешке басталған. Президент мінген ұшақ Токио қаласының Ханэда әуежайына қонған. Тоқаевты ол жерде Жапонияның мемлекеттік сыртқы істер министрі Аяно Кунимицу күтіп алған.

Президент бүгін жапон императорымен, сонымен бірге осы елдің премьер-министрі Санаэ Такаичимен келіссөз жүргізеді. Бұған қоса Тоқаев «Орталық Азия – Жапония» саммитіне қатысады.

Жаңа жыл мерекесіне орай қазақстандықтар қатарынан 4 күн демалады. 30-31 желтоқсан жұмыс күніне түсіп тұрғандықтан, оның орнына демалыс 1-4 қаңтар аралығына ауыстырылды. Одан кейін екі күн жұмыс істеп, қаңтардың 7-сі Рождествоға тағы демалады. Бұл дегеніміз қазақстандықтарда алаңсыз кино қарауға уақыт мол болады деген сөз. Әсіресе, жаңа жылдық демалыста ностальгия сезімі бойды кернеп, ескі фильмдерді қарауға құлшыныс артатыны бар. Осы орайда Kursiv Media тілшісі орта жолдан қалдыруға мүмкіндік бермейтін, сюжеті қызық, көпшіліктің қыста көретін дәстүріне айналған фильмдерін тізіп шықты.

«Рождество хикаясы» (Рождественская история)

Жарыққа шыққанына...

Түркістан облысында Қошқарата ауылындағы Келес өзені арқылы өтетін автомобиль жолында көпір құлады, бейне әлеуметтік желіде таралды. Әкімдік көпірде алғашқа қауіп пайда болғанда-ақ, жол жабылғанын хабарлады.

«Келес өзені арқылы өтетін көпірде жарықшақ пайда болды, Келес ауданының әкімі Жәнібек Ағыбаев оқиға орнына барып, көпірдің жай-күйімен танысты. Қауіпсіздікті қамтамасыз ету үшін көпір қозғалысы құлағанға дейін уақытша тоқтатылды», – делінген хабарламада.

Алдын ала мәліметке сәйкес, қауіп көпірдің ұзақ жылдар бойы жұмыс істеуінен және тірек бағандарының түбін жуудан туындады. Көпір Түркістан облысының жолаушылар көлігі және автомобиль жолдары басқармасының теңгерімінде болған.

Алпамыс және Біртілек ауылдық округтері арқылы көлік қозғалысы үшін ұзындығы...

Еtртең шығыста қар мен борын, ал оңтүстікте көктайғақ және елдің барлық аумағында тұман болады. «Қазгидромет» 18 желтоқсанға арналған ауа райы болжамын ұсынды. 

Мемлекет басшысы Қасым-Жомарт Тоқаев Жапонияға ресми сапармен барды, деп хабарлайды Ақорда.

«Қазақстан президентін Токио қаласының Ханэда халықаралық әуежайында Жапонияның мемлекеттік сыртқы істер министрі Аяно Кунимицу қарсы алды», – деп хабарлады Ақорда.

Ертең, 18 желтоқсанда, Тоқаев Жапония императоры Нарухитомен және Премьер-министр Санаэ Такаичимен келіссөздер жүргізеді. Сондай-ақ, Жапонияның іскерлік орта өкілдерімен кездесу жоспарланған.

Бұдан бөлек, ол «Орталық Азия – Жапония» саммитіне қатысады.

Өзбекстанда кәсіпкерлер үшін жағдайды едәуір жеңілдетуге шешім қабылданып, бизнеске бағытталған 1600-ден астам міндетті талап күшін жойды.

Өзбекстан үкіметінің баспасөз қызметі хабарлағандай, қаулы ветеринариялық қызметтің бақылауындағы 1 568 тауар бойынша өнімнің сәйкестік сертификаттарын алуға байланысты 1 600-ден астам талапты қамтиды. Сонымен қатар жеке кәсіпкерлерге туристік қызмет көрсетуге шектеулер жойылды.

Сондай-ақ жеке кәсіпкерлер шеттен алып келетін тауарларға бұрын 5000 доллар деңгейінде белгіленген шектеу жойылды. Туристерге тұрғын үйді 30 күнге дейін жалға беру ережелері, ағаш жиһаз өндірісіне қойылатын талаптар жеңілдетілді.

Бұл өзгерістер бюрократиялық жүктемені азайтуға және әкімшілік органдармен жұмыс істеу кезінде кәсіпкерлердің уақыты мен ресурстарын үнемдеуге арналған.

Енді бизнес үшін міндетті талаптарды...

Шымкент соты бірнеше рет алаяқтық жасаған көпбалалы анаға үкім шығарды, деп хабарлады қалалық соттың баспасөз қызметі.

Қаңтар айында әйел адам өзінің Instagram парақшасында тендерге қатысу арқылы инвестицияларға көмектесу туралы жалған жарнама жариялай бастайды. Алайда ол ақшаны құмар ойындарға жұмсаған. Оның әрекеті нәтижесінде жәбірленушілерге 35,4 млн теңгеге залал келген.

Сотталушы кінәсін мойындап, оған қатаң жаза тағайындамауды өтінді. Сот әйелдің жас балаларының болуын жеңілдететін жағдай, ал қылмыстың қайталануы ауырлататын жағдай деп таныды.

«Рақымшылық жасау туралы заңды қолдана отырып, жаза мерзімі үштен біріне қысқарды және 4 жылға бас бостандығынан айыру түріндегі соңғы жаза тағайындалды. Сотталушыда 14 жасқа толмаған төрт баланың болуына байланысты...

19 желтоқсанда» Астана арена » стадионында дрондар шоуы, Ақбұлақ өзенінің жағасында мерекелік шаралар өтеді. Сағат 18.00-де елорданың алты ауданында бір мезгілде 40-тан астам шырша жағылады. Осы күні сағат 17.30-да барлық негізгі орындарда концерттік бағдарламалар өтеді, деп хабарлайды Астана әкімдігі.  

Нұра ауданында жаңа жылдық шыршалар 11 жерде жағылады. Ауданның 25 метрлік шыршасы «Астана Арена» стадионының тұрағына орнатылады. Елорда тұрғындары мен қонақтары үшін мұнда мерекелік бағдарлама мен жаңа жылдық ойын-сауық, соның ішінде мұз айдындары, мұз сырғанақтары мен фотоаймақтар дайындалды. Сағат 17.30-дан бастап балаларға арналған концерттік бағдарлама мен интерактивтер өтеді, жағылғанға дейін дрон-шоу өтеді. Орталық саябақта ұзындығы 213 метр дөңгелек мұз айдыны...

Шығыс Қазақстан облысында ауа-райының нашарлауына байланысты республикалық автожолдардың бірқатар учаскесінде жүк және қоғамдық көлік үшін қозғалысқа уақытша шектеу енгізілді. Бұл туралы «ҚазАвтоЖол» хабарлады.

Компания 17 желтоқсанда сағат 18:00-дегі жағдай бойынша өңірде қолайсыз метеожағдайларға байланысты жүк және қоғамдық көлік үшін қозғалысқа уақытша шектеу болатынын нақтылады.

Шектеу республикалық маңызы бар автомобиль жолдарының мынадай учаскелеріне қолданылады:

Сондай-ақ, өңірде республикалық автомобиль жолдарын күтіп ұстауды қамтамасыз ету үшін 927 бірлік арнайы техника жұмылдырылды.

Қазақстанда берілген кредиттер бойынша қалдықтардың жалпы көлемі 49,1 трлн теңгені құрады. Бұл Ұлттық банктің 2025 жылғы 1 қарашадағы дерегінде жазылған. Жыл сайын көрсеткіш 23,4%-ға немесе 9,3 трлн теңгеге, ал бір айда – 479,2 млрд теңгеге өсті.

23 трлн теңге немесе кредиттердің жиынтық көлемінің 46,8%-ы бизнестің қарыздарына тиесілі. Тағы 26,1 трлн теңге – халықтың қарызы.

Бұл ретте бизнестің қарыздары жылына 4,7 трлн теңгеге немесе 25,7%-ға өсті. Сол кезеңде халықтың несиелері 4,6 трлн-ға немесе 21,5%-ға өсті.

42 трлн қарыздың 85,5%-ы банктер берген, оның ішінде Қазақстанның даму банкі берді. 14,5% немесе 7,1 трлн – басқа қаржылық ұйымдар берген. Олардың ішінде ипотекалық компаниялар...

Тәуелсіздік күні бірден жүздеген отбасы үшін ерекше мерекеге айналды. Денсаулық сақтау министрлігі мереке күні елімізде 725 сәби дүниеге келгенін хабарлады.

Бір қызығы, дүние есігін жаңа ашқан қазақстандықтар арасында 7 егіздер бар.

«Перзентханалардың медицина қызметкерлері мереке күні аналар мен жаңа туған нәрестелерге сапалы және уақтылы көмек көрсетті. Ата-аналарды отбасындағы қуанышпен құттықтаймыз және жаңа туған нәрестелерге зор денсаулық, бақытты балалық шақ және тәуелсіз Қазақстанда жарқын болашақ тілейміз», – деп құттықтады қазақстандықтарды Денсаулық сақтау министрлігі.

Сонымен қатар бұл күні 362 ұл мен 363 қыз дүниеге келген.