Жаңалықтар

АҚШ президенті Дональд Трамп Вашингтон ұсынған Украина бойынша жоспарды түпкілікті ұсыныс емес деп атады. Ол АҚШ-тың басты мақсаты – бейбітшілікке қол жеткізу екенін мәлімдеді.

«Мен бейбітшілікке қол жеткізгім келеді. Біз мұны тоқтатуға тырысып жатырмыз. Қалай болғанда да, біз бұған нүкте қоюымыз керек»,– деді Трамп.

Журналистер Трамптан Украина президенті Владимир Зеленский келісімнен бас тартса, АҚШ қандай ұстанымда болатынын сұрады.

«Онда ол бар күшін салып соғыса берсін», – деп жауап берді АҚШ президенті.

Сонымен қатар АҚШ шенеуніктері Солтүстік Атлантикалық альянс бойынша одақтастарына егер Украина алдағы күндері қақтығысты реттеу жөніндег...

Қазан айында Қазақстанда қызанақ, фарш, сүйексіз сиыр еті, жылқы еті, қияр, балық және банан өнімдерінің бағасы қымбаттап кетті. Осы азық-түлік өнімдері азық-түлік инфляциясының өсуіне ең көп әсер етті. Бұл туралы Ұлттық экономика министрі Серік Жұманғариннің төрағалығымен өткен баға тұрақтандыру жөніндегі кеңесте хабарланды.

Жиында азық-түлік себетінің алдын ала талдауы және әлеуметтік маңызды тауарлар тізімін кеңейту мүмкіндіктері ұсынылды.

Үкімет дерегіне сәйкес, қарашаның үшінші аптасында алғашқы қажетті тауарлар бағасы өспеген. Сондай-ақ жылдық көрсеткіш бойынша қызанақ бағасы 36,6%-ға, ал қияр 43,4%-ға арзандаған.

«Барлық өңірдің азық-түлік инфляциясына қатысты талдауы нәтижесінде баға өсіміне ең көп ықпал етіп отырған, алайда әлеуметтік...

Алматыда Энергетика министрі Ерлан Ақкенженовтің төрағалығымен Қазақстан, Қырғызстан және Өзбекстанның су-энергетика саласына жауапты ведомстволары басшыларының отырысы өтті. Бұл туралы Энергетика министрлігінің баспасөз қызметі хабарлады.

Жиынға Қазақстанның Су ресурстары және ирригация министрі Нұржан Нұржігітов, Қырғызстанның Энергетика министрі Таалайбек Ибраев, Өзбекстанның Энергетика министрі Журабек Мирзамахмудов, Өзбекстанның Су шаруашылығы министрі Шавкат Хамраев, сондай-ақ Қырғызстанның Су ресурстары, ауыл шаруашылығы және қайта өңдеу өнеркәсібі министрінің орынбасары Алмаз Жээналиев қатысты.

Қандай келісім болды

Тараптар Тоқтоғұл су қоймасындағы күрделі гидрологиялық жағдайды ескере отырып, алдағы ынтымақтастықтың негізгі параметрлерін келісті. Кездесу қатысушылары бір-біріне электр энергиясымен өзара көмек көрсетуге және жылыту маусымын өткізу мен көктемгі егін егу...

23 қараша күні елдің солтүстік, шығыс және орталық өңірлерінде бұрқасын мен көктайғақ күтіледі. Жалпы ел аумағында желдің екпіні күшейіп, тұман болжанып отыр. Тек батыс, оңтүстік және оңтүстік-шығыс өңірлерде жауын-шашын болмайды. Бұл туралы «Қазгидромет» РМК хабарлады.

«23 қараша күні түнде және таңертең Ұлытау облысының солтүстігінде тұман күтіледі», – делінген хабарламада.

Қарағанды облысында түнде және таңертең солтүстік пен шығыста тұман түседі. Оңтүстік және оңтүстік-батыстан соғатын жел солтүстік пен шығыста күндіз 15-20 м/с дейін күшейеді.

Жетісу облысында түнде және таңертең орталық пен таулы аймақтарда тұман түседі. Шығыстан соғатын жел Алакөл көлдері маңында күндіз 15-20 м/с дейін...

Апта басынан бері S&P 500 индексіне арналған фьючерс 1,04%-ға төмендеп, 6602 пунктке дейін түсті. Нәтиже теріс. Наурыздан бергі ең нашар көрсеткіш. Бұл америкалық нарықтағы көпіршік әлдеқашан толықтай көпіріп болды деген әңгімелерді қоздырып отыр. Тіпті ол РЕПО нарығындағы жағдай арқылы «тесілгендей» болды. Қазір көпіршіктің басылу кезеңі жүріп жатыр.

Мұнда автоматты түрде әйгілі «аю» Майкл Бьюрри туралы жаңалықтар да қосылады. Ол 2007–2008 жылдардағы ипотекалық дағдарыс кезінде шамамен 800 млн доллар тапқан. Енді ол жоғары технологиялық секторға көз тікті. Қыркүйек айының соңындағы жағдай бойынша оның Scion Asset Management қоры Nvidia (NVDA) акцияларына 187,0 млн долларлық, ал Palantir (PLTR) акцияларына 912,0 млн долларлық пут-опциондарға...

«Silk Way Star» халықаралық жобасының гранд-финалы мәресіне жетті. Музыкалық доданың жеңімпазы Моңғолия елінің намысын қорғаған Мишель Джозеф болды.

Жоба финалында Мемлекеттік кеңесшісі Ерлан Қарин Президент Қасым-Жомарт Тоқаевтың құттықтау сөзін оқыды.

«Silk Way Star – Азия елдерінің рухани ықпалдастығын нығайтып, халықтарымыздың достығын бекемдей түсетін бірегей бастама. Silk Way Star – мәдени дипломатияның айқын көрінісі, ұлттарымыздың салт-дәстүрі мен шығармашылығын паш ететін тамаша жоба. Осындай ауқымды іс-шаралар ынтымағымызды күшейтеді, ортақ құндылықтарымызды жан-жақты дәріптейді. China Media Group медиакорпорациясына шынайы ризашылығымды білдіремін.

Әзербайжан, Армения, Грузия, Қазақстан, Қытай, Қырғызстан, Малайзия, Моңғолия, Тәжікстан, Түрікменстан, Өзбекстан, Оңтүстік Корея елдерінен...

«Нұр-Мұқасан” тобының жаңа қатысушысы Ғалымжан Сүлеймен әлеуметтік желіде белгілі әнші Мұқасан Шахзадаевтан таяқ жегенін мәлімдеді.

Ғалымжанның сөзінше, Мұқасан Шахзадаев бірнеше адаммен бірге келіп, соққыға жыққан. Соққы салдарынан оның мұрны сынған, денесінде көптеген жарақат бар, сондай-ақ қолы сынғаны айтылған. Желіге жүктелген видеода жарақат алған адамның бет-әлпетінде көгерулер мен қанталаған белгілер анық байқалады.

Жәбірленуші Шахзадаев бұл оқиға үшін жазадан құтылып кетуі мүмкін деп алаңдайды. Қоғам белсендісі Жан Ахмадиев пен заңгер Инга Иманбай істі өз қолдарына алатындарын айтты.

Қазақстандық танымал әнші Alem жаңа музыкалық жұмысын ұсынды. Superhero деп аталатын композиция 27 қарашадан бастап жарық көрген BayGuys фильмінің ресми саундтрегі ретінде жарияланды.

Өнерпаз бұл жаңалықты өзінің әлеуметтік желідегі парақшасында бөлісіп, тыңдармандарды жаңа тректі YouTube арнасынан тамашалауға шақырды.

Еске сала кетейік, бұған дейін Alem Silk Way Star жобасының финалына өткен еді.

Қазақстандық аралас жекпе-жек шебері Асу Алмабаев Дохада өткен UFC Fight Night турнирінде жеңіске жетті. Қазақстандық файтердің қарсыласы – 2020 жылы UFC чемпионы атағына таласқан америкалық Алекс Перес болды.

Жекпе-жек үш раундқа жоспарланғанымен, шешуші сәт соңғы раундта орын алды. Алғашқы екі бес минуттықта қарсыласу тең дәрежеде өтті. Алайда үшінші раундтың басында Алмабаев қарсыласын айналып теуіп, басына бағытталған әсерлі соққымен есеңгіретті. Осы мүмкіндікті пайдаланып, дереу тұрғанда тұншықтыру әдісімен, қарсыласын берілуге мәжбүрледі. Перес қолымен берілу белгісін көрсеткен соң, төреші жекпе-жекті тоқтатты.

31 жастағы Асу Алмабаев UFC-дегі екінші қатарынан жеңісіне қол жеткізді. Оның кәсіби көрсеткішінде бүгінде 23 жеңіс және 3 жеңіліс бар.

Ал...

Парфюмерияны көбіне сөзсіз сөйлейтін тілге теңеп жатады. Себебі үстіңізден шығатын иіс сіз туралы көп ақпаратты жеткізіп тұрады. Ал енді тұлғаңыз бен табиғатыңызға сай келетін парфюмды қалай таңдау керек? Kursiv Media тілшісі нақ өзіңізге үйлесетін иісті дөп табуға көмектесетін нұсқаулық дайындадық. Сол арқылы қандай басты критерийлерге қарау керегін түсініп, өзіңізді аша түсесіз деп ойлаймыз.  

Жасқа қарай таңдаған кезде

18–25: Жалындап тұрған бейнеңізді ашатын иістер

Жастық жалынды аша түсу үшін исі өте жағымды, ерекше композицияларды таңдаған абзал. Мысалы жастарға жеміс, цитрус, гүлді және аква парфюмдер ұнауы мүмкін. Бұл ароматтардан энергия, динамика сезіліп тұрады. Әсіресе, бергамот, алмұрт, пион, інжугүл, манго ноталары...

«Астана ЭКСПО-2017» ұлттық компаниясының бұрынғы кеңесшісі Айдос Есполов ұсталды. Бұл туралы KazTAG хабарлады.

Дереккөздің айтуынша, Есполов екі күн бұрын Астанада Қаржы мониторингі агенттігінің қызметкерлері мен ҰҚК бірлескен операциясы барысында қолға түскен.

«Айдос Есполов Астанада екі күн бұрын „антикор“ тарапынан ҰҚК-мен бірге ұсталды», – деді ақпарат көзі.

Айдос Есполов – Қазақстанның бұрынғы президенті Нұрсұлтан Назарбаевтың екінші жары Әсел Құрманбаеваның туған ағасы.

Еуразиялық технологиялық университеттің және «Alatau Asset Management Company» ЖШС-ның құрылтайшыларының бірі ретінде де белгілі.

«EXPO ісі»: парламентте айтылған айыптаулар

Есполовтың есімі бұған дейін де дау-дамайлар аясында аталған болатын.
2025 жылдың сәуір айының соңында...

Бұдан бірнеше онжылдық бұрын дәрігер мамандығы – қоғамдағы ең құрметті, ең жоғары бағаланатын қызметтердің бірі еді. Ақ халат киген жанға науқас толық сеніп, тағайындалған емді талқысыз орындайтын. Бүгінде бұл көзқарас айтарлықтай өзгерді. Asmed клиникалар желісінің негізін қалаушы Раушан Жақсыбай қазіргі ахуалдың неге күрделі екенін түсіндірді.

Қазіргі уақытта Қазақстандағы дәрігер мәртебесін қалай сипаттауға болады?

Раушан Жақсыбай қазіргі жағдайды «тіпті жан ауыртатын деңгейге жетті» деп бағалайды.

«Бүгінде қоғамда дәрігердің статусы үлкен әріппен жазылатын Доктор емес, қызмет көрсетуші персонал деңгейіне дейін төмендетілді»,- дейді ол.

Бұл жүйенің қай сатысында жұмыс істейтініне қарамастан, барлық медицина қызметкерлерін мазалайтын үлкен проблема...

Астанадағы құрылыс нысандарының бірінде үш жұмысшы шамамен 15 метр биіктіктен құлап, ауыр жарақат алды. Оқиғаға байланысты полиция департаменті құрылыс жұмыстарын жүргізу кезінде қауіпсіздік ережелерін бұзу фактісі бойынша қылмыстық іс қозғады.

Ресми мәліметке сәйкес, жұмысшылар тұрған құрылыс лифты бесінші қабат деңгейінде құлап кеткен. Зардап шеккендер дереу ауруханаға жеткізілген.

Halyqstan Telegram-арнасының хабарлауынша, жұмысшылар 18 қараша күні медициналық мекемеге түскен.

2025 жылдың 21 қарашасында Астана қаласындағы Назарбаев Университетінде ҚР Сыртқы істер министрлігі мен «Отандастар қоры» КЕАҚ ұйымдастыруымен «Отандас ғалымдар форумы» өтті. Ауқымды шараға әлемнің 12 елінен 40-тан астам шетелдегі қазақ ғалымы, сондай-ақ Қазақстанның ғылыми-зерттеу институттары мен жоғары оқу орындарынан 100-ге жуық сарапшы қатысты.

Бұл – «Отандастар қоры» жүзеге асырған төртінші халықаралық бастама. Бұған дейін 2019 және 2023 жылдардағы форумдар мен 2024 жылғы «Кәсіпкерлер форумы» әлемнің әр түкпіріндегі қазақ диаспорасымен тұрақты байланыс орнатуға негіз болған еді. Ал биылғы форумның ерекшелігі – шетелде ғылым, технология және инновация салаларында еңбек етіп жүрген қазақстандық ғалымдарды алғаш рет кең көлемде бір алаңға біріктіруі.

Форумны...

Танымал әнші Кайрат Нұртастың әлеуметтік желідегі жаңа сторисі көпшіліктің назарын аударды. Қайрат Нұртас кәсіпкер, спорт басшысы, «Қайрат» футбол клубының иесі Кайрат Боранбаевпен түскен суретімен бөлісті.

Әнші алғашқы сторисында:

«Жуырда КБ & КН» деп, көпшілікті қызықтырып қойды. Көп ұзамай келесі сторисінде:

«Аға, рахмет. Ойланып көрейін» – деп жазды.

Бұл екі тараптың қандай да бір жаңа жобаны талқылап жатқанының белгісі болуы мүмкін.

Еске сала кетейік, Қайрат Нұртас 30 қазан күні Алматының орталық стадионында үлкен концертін өткізген еді. Енді алдағы уақытты Астанада да жеке кешін беретінін мәлімдеген.

Тараз қаласында жаңа заман талабына сай футбол академиясының іргетасы қаланды. Бұл туралы футбол федерациясы хабарлады. Жоба ҚФФ, Жамбыл облысы әкімдігі және Тимур Құлыбаев жетекшілік ететін Halyk қоры арасындағы үшжақты меморандум аясында жүзеге асырылып жатыр.

22 қарашада өткен іргетасын қалау рәсіміне ҚФФ бас хатшысы Давид Лория, Жамбыл облысының әкімі Ербол Қарашөкеев, Halyk қорының атқарушы директоры Ғалымбек Жақсылықов, сондай-ақ өңірдің спорт ардагерлері мен қала тұрғындары қатысты.

Жаңа академияда еліміздің түкпір-түкпірінен іріктелген 100 дарынды жас футболшы білім алады. Инфрақұрылым FIFA және UEFA талаптарына сәйкес салынып, болашақ чемпиондардың кәсіби тұрғыда қалыптасуына толық жағдай жасалмақ.

Академия салуға 3,5 млрд инвестиция салынады

Жобаны...

Қостанай қаласында бес қабатты тұрғын үйдің төртінші қабатындағы пәтерден шыққан өрт сөндірілді. Бұл туралы Төтенше жағдай департаменті хабарлады.

Оқиға орнына дереу ТЖМ өрт сөндіру бөлімшелері мен медициналық жедел жәрдем қызметі жеткен. Құтқарушылар саты арқылы арнайы құтқару қалпақтарын пайдалана отырып, оның ішінде бір бала бар төрт адамды қауіпсіз жерге шығарды. Олар кейін медициналық тексеру үшін жедел жәрдем бригадасына тапсырылды. Сонымен қатар автосатының көмегімен тағы бір адам құтқарылған.

ТЖМ мәліметінше, өрт сөндірушілердің шұғыл және үйлесімді әрекеттерінің арқасында өрт толығымен оқшауланып, сөндірілген. Зардап шеккендер туралы нақты ақпарат қосымша хабарланады. Өрттің шығу себебі анықталып жатыр.

2025 жылдың қазан-қараша айларында Қазақстанда бірнеше ірі бренд бір уақытта жеңілдіктер жариялап, нарықта ерекше динамика байқалды. Changan, Chery, Haval модельдері арзандады, Hyundai мен KIA танымал әрі қашан да сұранысқа ие моделдеріне 3 млн теңгеге дейін бұрынғыдан тиімдірек баға ұсынып, «7-20»25» сынды тартымды несиелік бағдарламаларды іске қосты.

Жаппай жеңілдіктерге не себеп

Бұл құбылыс елдегі сұраныстың өзгеруімен тікелей байланысты. Қазақстанның Автокөлік Одағы (ҚАО) мәліметінше, 2025 жылдың қазан айында ресми дилерлер 20 205 жаңа автомобиль сатқан, бұл қыркүйекпен салыстырғанда 10,1% көп, бірақ өткен жылдың қазанымен салыстырғанда 6% төмен. Сатылымдағы мұндай құбылмалылық дилерлерді нарықты жандандыру үшін агрессивті маркетинг пен қомақты жеңілдіктерге баруға...

Silk Way Star жобасының жеңімпазы аралас дауыс беру жүйесі арқылы анықталады:
50% қазылар алқасының шешімі, 50% көрермендердің онлайн-дауыс беруі.
Дауыс беру тәртібі «Евровидение» сияқты халықаралық жобалардың тәжірибесіне сүйене отырып жасалған және барлық қатысушылар үшін барынша ашықтық пен әділдікті қамтамасыз етуге бағытталған.

Көрермендердің дауыс беруі жобаның ресми сайты – silkwaystar.org арқылы жүзеге асады. Дауыс беру 22 қараша күні сағат 20:00-де Jibek Joly телеарнасындағы тікелей эфир кезінде басталады.

Қалай дауыс беруге болады

Шоу барысында теледидар экранында көрсетілетін QR-кодты смартфон арқылы сканерлеңіз. QR-код сізді ресми дауыс беру сайтына бағыттайды.

Сайтқа өткен соң, қатысушы елдердің жалаулары көрсетіледі. Сол жерден ұнаған финалисті таңдап, оған...

22 қараша, сенбі күні Дохада (Қатар) өтетін UFC Fight Night 265 турнирінде қазақстандық файтер Асу Алмабаев (22-3) америкалық Алекс Переспен (25-9) октагонға шығады.

Алмабаев – Перес жекпе-жегінің тікелей трансляциясы шамамен қазақстан уақытымен 21:40-та басталады және көрермендер Setanta Qazaqstan арнасы мен сайтынан көре алады.

Асу Алмабаев соңғы рет шілде айында жұдырықтасқан еді: перулік Хосе Очоамен (8-2) үш раундтық айқаста кездесіп, төрешілердің бірауызды шешімімен жеңіске жетті.

Ал қарсыласы Алекс Перес былтырғы маусымнан бері октагонға шықпаған. Америкалық спортшының соңғы жекпе-жегі жапониялық Тацуро Таирамен (17-1) өтті. Сол кездесуде Перес екінші раундта жарақат алып, жекпе-жек мерзімінен бұрын тоқтатылған болатын.

Қазіргі таңда Алмабаев UFC-де...

Испанияда өтіп жатқан шахматтан әлемдік командалық чемпионаттың ширек финалында Қазақстан – Үндістан кездесуі жеңімпазды анықтау үшін тай-брейкке дейін жетті. Қосымша блиц-партияларда қыздар қарсыластарын тізе бүктірді.

Алғашқы матчта (регламент бойынша плей-офф кезеңінде екі матч өткізіледі) қазақстандықтардың айқын басымдығы байқалған еді. Меруерт Камалиденова, Ксения Балабаева және Елназ Калиахмет бірінші тақтадағы Бибисара Асаубаеваның жеңілісін артығымен өтеп, жалпы есепте 3:1 нәтижесін тіркеді.

Екінші матчта команда капитаны Павел Коцур Асаубаеваның орнына Камалиденованы шығарды. Меруерт қара фигурамен Үндістан құрамасының лидері Рут Падминимен тең түсті. Алайда Балабаева мен Лия Курманғалиева өз партияларында жеңіліп қалды. Төртінші тақтадағы 15 жастағы Калиахметтің кезекті жеңісі де жағдайды түзей алмады есеп...

Ресей президенті Владимир Путин Украинадағы соғысты шешу туралы АҚШ-тың жаңа бейбітшілік жоспарының мәтіні бар екенін айтты. Бұл туралы Кремльде бейнебайланыс арқылы өткен Қауіпсіздік кеңесінің тұрақты мүшелерімен жедел жиналыста мәлімдеді.

Отырыстың мәтіндік хабарын Кремльдің ресми сайты жариялады.

Путин АҚШ-тың бейбітшілік жоспарын «жаңарған» деп атады

Путиннің айтуынша, құжат Аляскада АҚШ президенті Дональд Трамппен кездескеннен кейін «жаңартылған». Ресей басшысы жоспар жағдайды түпкілікті шешудің негізі болуы мүмкін екенін атап өтті.

«Біз мұны көпшілік алдында талқылаған жоқпыз, тек жалпы түрде, бірақ бұл құпия емес: президент Трамптың Аляскадағы кездесуге дейін жағдайды шешудің бейбіт жоспары талқыланды. Америка тарабы бізден белгілі бір...

Берлинде әнші Димаш Құдайбергеннің портреттерін сатудан түскен 1000 еуродан астам (600 мың теңгеге жуық) қаражат қазақстандық «Сәби» қорына аударылды, ол ауыр сырқаттанған балаларға көмектеседі.

Берлиндегі JYLDYZ көрмесінің ұйымдастырушысы, суретші Карин Бетцпен сұхбатты әншінің ресми сайты жариялады.

«Мен кірістің 50%-ын беру ниетімді жариялаған кезде, ақша таба аламын ба деп қобалжыдым, сондықтан менің жұмысымды сатып алғандардың барлығына рахмет. Бұл күтпеген жетістік болды», – деп мойындады суретші.

Димаштың портреттерінің көрмесі 12-17 қараша аралығында Берлиндегі концерті қарсаңында Erster Erster галереясында өтті. Бетц көрермендерді бір жерге жинап, әншінің музыкасы әсерінен жасалған туындыларды көрсету мүмкіндігін пайдаланғысы келді.

Бұған дейін Димаш Құдайберген...

Украина президенті Владимир Зеленский АҚШ-тың бейбітшілік жоспарын АҚШ президенті Дональд Трамппен талқылаудан бұрын Украина халқына үндеу жасады.

Зеленскийдің бейне хабарламасы Украина президенті кеңсесінің әлеуметтік желідегі парақшаларында пайда болды.

Зеленский не деді

«Қазір біздің тарихымыздың ең қиын сәттерінің бірі. Украинаға қысым – ең ауыр қыиндықтың бірі. Қазір Украина өте қиын таңдау алдында тұруы мүмкін. Намысты жоғалту немесе негізгі серіктесті жоғалту қаупі. Қиын 28 ұпай немесе өте ауыр қыс. Бостандықсыз, намыссыз, әділетсіз өмір сүру», – деді Зеленский.

Ол жоспарды АҚШ пен Еуропамен талқылауға, дәлелдер келтіруге және балама нұсқаларды ұсынуға дайын екенін атап өтті.