Жаңалықтар

«Үздік педагог» республикалық байқауының биылғы іріктеу кезеңіне 1468 маман қатысып, оның 793-і облыстық деңгейде бақ сынады.

Оқу-ағарту министрлігінің орта білім беру комитетінің ақпаратына қарағанда, дәстүрлі конкурстың финалдық кезеңіне 174 маман жолдама алған.

«Оның ішінде орта білім беру, кәсіптік және техникалық білім беру, мектепке дейінгі, қосыша білім беру ұйымдарының педагогтері бар. Өз ісінің шебері деп танылған бұл мамандар енді республикалық кезеңде «Үздік педагог» атағы үшін сайысқа түседі», – деп хабарлады министрліктің баспасөз қызметі.

Байқаудың мақсаты – білім беру жүйесін дамытуға елеулі үлес қосып жүрген, тыңғылықты жұмысымен, ерекше шеберлігімен көзге түскен ұстаздарды анықтау.

25 қыркүйек күн...

Сүт безі обырына қарсы алғашқы скринингтен өтпеген әйелдердің бұл дерттен көз жұму қаупі 40%-ға артатыны анықталды. Мұндай қорытындыны Швециядағы Каролин институтының ғалымдары мәлімдеп отыр. Зерттеу нәтижесі British Medical Journal (BMJ) журналында жарияланды.

Ғалымдар 1991 жылдан 2020 жылға дейін Швецияда алғаш рет маммографиядан өтуге шақырту алған жарты миллионға жуық әйелдің деректерін талдаған. Зерттеу қатысушылары 25 жыл бойы бақылауда болған. Нәтижесінде әйелдердің 32%-ы алғашқы маммографияға келмегені анықталды. Осы топтағы әйелдер кейінгі тексерулерге де сирек қатысқан. Соның салдарынан оларда сүт безі қатерлі ісігі көбінесе аурудың асқынған сатысында анықталып, емдеу мүмкіндігі төмен болған.

25 жылдық бақылау нәтижесінде алғашқы тексеруден өтпеген әйелдер арасында сүт безі қатерлі ісігінен...

Алматы әкімі Дархан Сатыбалды қаладағы құрылыс және жөндеу жұмыстарының сапасы мен мерзіміне қатысты алаңдаушылық білдірді.

Әкімнің айтуынша, қаладағы ең үлкен түйткіл – мердігерлердің өз міндетін тиісінше орындамауы. Қомақты қаржы бөлінгеніне қарамастан, кейбір нысандарда жұмыстар уәде етілген мерзімде аяқталмай, сапасыз атқарылып жатыр.

«Бірнеше ондаған техника мен жұмысшы жұмылдырылады деп жоспарланған нысандарда бар болғаны бір-екі көлік пен санаулы адам жүр. Ал тұрғындар опырылып кеткен жолға, шаң мен топыраққа, қазылғаннан кейін қайта қалпына келтірілмеген аумақтарға шағымданып жатыр. Бұл жұмыс емес, бұл жауапсыздық», – деді қала басшысы.

Дархан Сатыбалдының мәліметінше, тек бірнеше мердігер ұйымға ғана 38 млрд теңгеден астам...

Президент Қасым-Жомарт Тоқаев Ақорданың лауазымды шенеуніктерін қызметінен босатып, орындарын ауыстырып жатыр. 25 қыркүйек күні басталған ауыс-түйіс бүгін 26 қыркүйек күні де жалғасты.

Президент Ержан Хозеұлы Қазыханды Қазақстан Республикасы Президентінің халықаралық мәселелер жөніндегі көмекшісі лауазымынан босатып, Женева қаласындағы (Швейцария) Біріккен Ұлттар Ұйымының бөлімшесі мен басқа да халықаралық ұйымдар жанындағы Қазақстан Республикасының Тұрақты өкілі лауазымына тағайындады.

Бұл қызметте істеген Ерлан Алтынбайұлы Әлімбаев Женева қаласындағы Біріккен Ұлттар Ұйымының бөлімшесі мен басқа да халықаралық ұйымдар жанындағы Қазақстан Республикасының Тұрақты өкілі лауазымынан босатылған.

Сонымен бірге президент Сыртқы істер министрі Мұрат Нұртілеуді қызметінен босатып, шенеунікті Қазақстан Республикасы Президентінің халықаралық инвестиция және сауда...

АҚШ президенті Дональд Трамп TikTok бойынша келісімге қол қойды. Құжатқа сәйкес, әлеуметтік желінің 80% акциясы америкалық корпорациялардың бақылауына өтеді және ел аумағында жұмысын жалғастыра алады.

Алгоритмдер АҚШ нарығына бейімделген «жаңа әрі қауіпсіз» нұсқаға қайта оқытылады. Қытайлық бас компания бұл жүйелерге толықтай қол жеткізу мүмкіндігін жоғалтады.

Келісім құны 14 млрд доллар деп бағаланды. АҚШ вице-президенті Джей Ди Вэнс TikTok енді «америкалықтарға қарсы насихат құралы ретінде қолданылмайды» деп мәлімдеді. Оның айтуынша, қолданушылар қосымшаны бұрынғыдан да сенімді пайдалана алады.

Сондай-ақ Дональд Трамп Түркия президенті Режеп Тайып Ердоғанмен жеке кездесуінде оны Ресейден мұнай сатып алуды тоқтатуға шақырды. Трамптың айтуынша, Мәскеудің Украинадағы әскери әрекеттері аяқталмайынша...

Астанада аумақтық қорғаныс бригадасының бөлімше командирі, 3-сыныпты сержант Рауан Әбілханов бес күнде 600 шақырымды еңсеруді мақсат етіп отыр.

Жүгіру бағыты: Астана – Көкшетау – Астана. Марафон «Көктал» саябағынан басталып, Қорғаныс министрлігінің ғимараты алдында мәреге жетпек. Күн сайын спортшы 120 шақырымнан жүгіріп, әр 40 шақырым сайын демалуды жоспарлаған.

«Оған дайындық үшін екі ай бердік. Осы уақыт ішінде Рауан күн сайын 40 шақырымнан артық жүгіріп отырды», – деді елорда аумақтық қорғаныс бригадасының командирі, полковник Омар Орынбаев.

Әбілханов бұл ерекше сынақты Республика күніне арнап отыр. Бұдан бөлек, ол алдағы уақытта Қарағанды тас жолы арқылы Балқашқа дейінгі 1000 шақырымды...

Президент Қасым-Жомарт Тоқаев Сыртқы істер министрі Мұрат Нұртілеуді қызметінен босатты. Бұл туралы Ақорда хабарлады.

«Мемлекет басшысының Жарлығымен Мұрат Әбуғалиұлы Нұртілеу Қазақстан Республикасы Президентінің халықаралық инвестиция және сауда ынтымақтастығы жөніндегі көмекшісі болып тағайындалды, ол бұрынғы атқарған лауазымынан босатылды, – делінген Ақорда хабарламасында.

Оның орнына Сыртқы істер министрі болып Ермек Беделбайұлы Көшербаев тағайындалған. Ол бұрынғы қызметінен босатылған.

Айта кетсек, кеше 25 қыркүйек күні президент бірқатар лауазымды тұлғаларды қызметінен босатқан болатын. Лауазымынан босатылғандар арасында Президент кеңесшісі Зүлфия Сүлейменова, ҚР Президентінің экономикалық мәселелер жөніндегі көмекшісі Қанат Шарлапаев және Президенттің көмекшісі Тамара Дүйсенова бар.

АҚШ президенті Дональд Трамп Түркия басшысы Режеп Тайип Ердоғанға Ресейден мұнай мен газ сатып алуды тоқтату жайын сөз етті . Мұндай қадам жасалған жағдайда Вашингтон Анкараға қарсы санкцияларды алып тастауы мүмкін екенін және түрік тарапының америкалық заманауи әскери ұшақтарды сатып алуына жол ашылатынын айтты.

25 қыркүйекте Вашингтондағы Ақ үйде өткен кездесу барысында Трамп:

«Ең дұрыс шешімі – Ресейден мұнай мен газ алмауды тоқтату болар еді», – деп мәлімдеді.

Оның айтуынша, егер Түркия Мәскеумен энергетикалық байланысты азайтса, онда АҚШ Анкараға бесінші буын F-35 жойғыштарын сатуға және бұрын қойылған шектеулерді алып тастауға дайын. Сонымен қатар Түркияның төртінш...

Түркістан облысында қорадағы малы аштан көтерем болып, өле бастағанын айтқан шаруалар дабыл қаға бастады. Олардың сөзінше, биыл жауын-шашын аз болып, шөп өспеген. Шыққан шөптің өзі күйіп кеткен. Күз енді түссе де, мал жайылатын жер жоқ. Одан қалса мал азығының бағасы бірден қымбаттап кеткен. Бұл мал асырап, күнкөріп отырғандарға қиын болып тұр. Шаруалар жағдай бақылауға алынбаса мал қырылып, жұт келуі мүмкін екенін айтады.

«1 жылқы, 6 сиыр, 10 қойым өлді»

Шаруалардың сөзінше, биыл Созақ ауданында жауын-шашын өте аз болған. Шыққан шөптің өзі жаз шықпай қурап қалған. Қазір жайылымның барлығы қара топыраққа айналып, мал өрістейтін жер қалмаған. Соның кесірінен қазір...

Nissan Motor Co. көп жылдық серіктестігінен бас тартып, City Football Group (CFG)-пен – ағылшын Премьер-лигасында өнер көрсететін «Манчестер Ситидің» және әлемдегі бірқатар клубтардың иесімен жасалған демеушілік келісімшартты бұзды. Nikkei басылымының хабарлауынша, жапон автоконцерні төмен қаржылық нәтижелерге байланысты шығындарды оңтайландыру бағдарламасы аясында қымбат келісімнен бас тартты.

Он жылға жуық серіктестік

Nissan мен CFG арасындағы келісім 2014 жылы жасалған болатын. Бұл автокомпанияның спорттық маркетингтегі ең ірі жобаларының бірі саналды: Nissan бренді стадиондарда, жарнамалық материалдарда және CFG клубтарының ресми атрибуттарында кеңінен көрініс тапты.

CFG құрамына «Манчестер Ситиден» бөлек, АҚШ-тағы «Нью-Йорк Сити», Австралиядағы «Мельбурн Сити», Испаниядағы «Жирона» және басқа да клубтар...

26 қыркүйек, жұма күні еліміздің басым бөлігінде жаңбыр жауып, найзағай ойнайды деп күтіліп отыр. Бұл туралы «Қазгидромет» РМК синоптиктері хабарлады.

Метеорологтардың мәліметінше, тек елдің шығысы мен оңтүстік-шығысына антициклон ықпал етіп, бұл өңірлерде ауа райы жауын-шашынсыз болады. Республика аумағында жел күшейіп, түнде және таңертең тұман түсуі ықтимал. Оңтүстікте тіпті шаңды дауыл соғады.

Солтүстік-батыс Қазақстан, Павлодардың шығысы, Атыраудың солтүстік-шығысы, Маңғыстаудың оңтүстік-шығысы мен Ақтөбе облысының оңтүстігінде өрт қаупі жоғары болады деп ескертілді.

Ал Түркістан, Қызылорда, Атыраудың солтүстігі, оңтүстігі мен шығысы, Алматы облысының солтүстігі, сондай-ақ Қарағанды мен Қостанайдың оңтүстігі және Ұлытау облысында төтенше өрт қаупі күтіледі.

Синоптиктердің болжамынша, Алматы мен Астанада 27–28 қыркүйек жаңбырлы...

Мемлекет басшының өкімімен Зүлфия Болатқызы Сүлейменова Қазақстан Республикасы Президентінің кеңесшісі – Президенттің халықаралық экологиялық ынтымақтастық жөніндегі арнаулы өкілі лауазымынан босатылды. Бұл туралы Ақорда ресми түрде хабарлады.

Зүлфия Сүлейменова әр жылдары мемлекеттік басқару және экология саласында қызмет атқарған. Қазақстанның Экология және табиғи ресурстар министрі болып еңбек еткен, сондай-ақ Мәжіліс депутаты ретінде заң шығарушылық қызметке де үлес қосты. Соңғы жылдары халықаралық деңгейде экологиялық ынтымақтастықты дамыту бағытында жұмыс істеген болатын.

Бұған дейін, Тоқаев бірнеше көмекшілерін қызметінен босатқан еді.

2025 жылдың басынан бері Алматы қаласында жалпы құны 97,7 млрд теңге болатын шағын және орта бизнестің 647 жобасына мемлекеттік қолдау көрсетілді. Бұл туралы Алматының Кәсіпкерлік және инвестициялар басқармасы хабарлады.

Жобаларды субсидиялау, кепілдік беру және несиелеуге барлығы 50,6 млрд теңге жұмсалған. Оның ішінде 18 млрд теңге республикалық бюджеттен, ал 32,6 млрд теңге жергілікті бюджет есебінен бөлінді.

Бірыңғай кешенді бағдарлама аясында 51,3 млрд теңгеге 309 жоба қаржыландырылып, оның ішінде 242 жобаға 47,8 млрд теңге көлемінде субсидия берілді. Сонымен қатар, 67 жоба 3,5 млрд теңгелік несиеге қол жеткізді. «Алматы Бизнес – 2025» өңірлік бағдарламасы бойынша 5,4 млрд теңгеге 50 жоба қолдау тапса, «Jana...

Қазақстандық танымал аралас жекпе-жек шебері Шавкат «Номад» Рахмонов алдағы жекпе-жектеріне қатысты UFC ұйымына ерекше талап қойды.

Спортшы соңғы рет октагонға бір жыл бұрын ирландиялық Иэн Гэрриге қарсы шыққан болатын. Сол кездесуден кейін Шавкат тізе жарақатына байланысты ота жасатып, ұзақ уақыт қалпына келді. Жарақаты толық жазылғанымен, Рахмоновтың сегіз бұрышқа қайта оралу мерзімі бірнеше рет кейінге шегерілген еді.

Namys Fighting жобасына берген сұхбатында оның жаттығу серіктесі Фаниль Рафиков қазақстандық файтердің нақты талабын жария етті. Оның айтуынша, Шавкат UFC басшылығынан 2026 жылдың басында жекпе-жек ұйымдастыруды сұраған.

«Шавкат келесі жылдың басында жекпе-жек өткізуді талап етті және қазір қарсыласын күтіп...

Жаркентте әскери Дархан Дәулетті өлтіргені үшін 10 жылдан 15 жылға дейін сотталғандар үкімге апелляциялық шағым түсірді. Әскери соттың қылмыстық істер жөніндегі сот алқасы шағымды қарап, бірінші инстанцияда шыққан үкімді өзгеріссіз қалдырды.

Бұған дейін шыққан сот үкімі 2025 жылдың 25 қыркүйегінде заңды күшіне енді.

Істің мән-жайы

Әскери Дархан Дәулет Жаркент әскери гарнизонында 2024 жылдың 13 қарашасынан 14 қарашасына қараған түні қайтыс болған.

Содан кейін бір майор мен үш сарбаз қамауға алынды.

Сот үкімі

Іс бойынша сот үкімі 2025 жылдың 24 шілдесінде шықты. Майор Дархан Қазтай түпкілікті 15 жылға бас бостандығынан айырылды. Ол майор шенінен айырылды. Жазасын қауіпсіздігі орташа мекемеде өтейді.

Сарбаз Бақберген Рустамұлы...

Әлемге әйгілі қытайлық актер, продюсер әрі режиссер Джеки Чан Алматыға арнайы келді.

Әлеуметтік желіде режиссер әрі продюсер Рүстем Омаров Джеки Чанмен түскен суретін жариялап:

«Жуырда, бәрін білетін боласыз… (P.S. Қайрат пен Реалдың ойыны қатысы жоқ )» – деп жазды.

23 қыркүйекте келген актерді еліміздегі Salem Entertainment компаниясының өкілдері қарсы алған. Сонымен қатар, қазақстандықтар атақты актерге ұлттық дәстүр бойынша шапан жауып, құрмет көрсетті.

Заңгер Индира Өмірзақова Қазақстанда заңды ұтыс ойыны мен заңсыз лотереяның айырмашылығы неде екенін түсіндірді.

Қазақстанда көлік, пәтер, iPhone ұтыстары маркетингтің үйреншікті құралына айналған. Мұндай акциялар жүздеген мың адамды тартып, компанияларға танымалдық әкеледі. Алайда оның артында үлкен тәуекелдер бар. Заңгер Индира Өмірзақова мұндай акциялардың бәрі бірдей заңды емес екенін және кейбірі қылмыстық тергеуге себеп болуы мүмкін екенін атап өтті.

Лотерея мен ұтыс ойыны екі түрлі нәрсе

Кез келген бизнес білуге тиіс басты нәрсе, заңнама тұрғысынан лотерея мен ұтыс ойыны бірдей емес.

«Лотерея – бұл қатаң реттелетін қызмет түрі. Оны тек мемлекеттік лицензиясы бар...

Қазақстанда су тапшылығы мәселесі жыл өткен сайын күрделене түсуде. Әсіресе, осы 2025 жылдың жаз айларында аптап ыстық болып, бірқатар өзен арналары мен көлдердің суы тартылды. Көлдер мен өзендердің тартылғаны туралы әлеуметтік желіде көптеген видеоролик жарияланды. Жазда Шардара су қоймасы әдеттегіден ерекше тартылды. Алматы облысындағы Іле алабына жататын Күрті өзенінің суалғаны туралы ақпарат тарады. Сәйкесінше, Қапшағай су қоймасының деңгейі тым төмендеп кетті. Каспий теңізінің тартылуы да үлкен табиғи апаттан хабар береді. Тізе берсе, суы жағадан алыстаған көлдер мен сағасы суалған өзендер көп. Бұл жағдайлар елдегі су мәселесінің қаншалықты күрделі екенін аңғартып тұрғандай.

Елдегі су тапшылығы мәселесін өз жолдауында президент Қасым-Жомарт Тоқаев...

Микроқаржы ұйымымен (МҚҰ) микрокредит бойынша дау туындаған клиенттер енді микроқаржы омбудсманына жүгіне алады деп ескертеді Қаржы нарығын реттеу және дамыту агенттігінен.

Микроқаржы омбудсманы – бұл қарыз алушылар мен МҚҰ-ға өзара тиімді шешім табуға көмектесетін, дауларды ақысыз қарайтын тәуелсіз тұлға. Ол тараптардың құқықтарын қорғайды, дауларды шешуге жәрдемдеседі және микроқаржы нарығындағы заңнаманы жетілдіру бойынша ұсыныстар енгізеді.

Оған қалай жүгінуге болады?

Өтініш беру үшін қандай құжаттар қажет?

Президент Қасым-Жомарт Тоқаев бірқатар лауазымды тұлғаны қызметінен босатты. Бұл туралы Ақорда хабарлады.

Президент жарлығымен мына лауазымдарды атқарған тұлғалар қызметінен кеткен:

Сондай-ақ президент екі адамды жаңа қызметке тағайындады. Президент өкімімен Бақытжан Шаймұхаметұлы Сапиев бұрынғы атқарған лауазымынан босатылып, Қазақстан Республикасы Президентінің кеңесшісі болып тағайындалған. Оның орнына Президенті Әкімшілігінің Мемлекеттік бақылау бөлімінің меңгерушісі болып Әлихан Қайыргелдіұлы Жамсатов келді.

Қызметінен кеткендер қатарында Президентінің экономикалық мәселелер жөніндегі көмекшісі Қанат Шарлапаев пен Президент көмекшісі Тамара Дүйсенова да бар.

30 қыркүйек күні Алматының Орталық стадионында «Қайрат» пен «Реал-Мадрид» арасындағы тарихи матч өтеді. Бүкіл әлем көз тіккен матчқа әлемнің түпкір-түпкірінен қос клубтың жанкүйерлері келмек. Kazakh Tourism мәліметінше, «Қайрат» клубының Алматыда өтетін 4 матчына 4 мыңнан аса шетелдік турист жиналмақ. Осы ретте Алматының орталығындағы пәтер мен қонақүйге деген сұраныс артады. Kursiv.Media «Крыша» сайтының мәліметі негізінде Орталық стадион маңынан бір күнге пәтер жалдау құны қанша болатынын анықтап көрді.

Стадион түбіндегі пәтерлер

25 қыркүйек күнгі дерек бойынша, стадионның дәл қасынан жалға берілетін пәтер көп емес. Байтұрсынов пен Абай көшесінің қиылысы жағынан 1 пәтер шықса, стадионның Сәтбаев көшесі жағынан...

Мақтааралда көрші ауылдағы қалыңдығымен кездесуге барған 30 жастағы жігітті «ұрып-соғып өлтірді» деген күдікке ілінген 4 адамға үкім шықты. Сот оларды кінәлі деп танып, бірін 8 жылға, үшеуін 3 жылға бас бостандығынан айырды.

Түркістан облысы Мақтаарал ауданы Қоңырат ауылының тұрғыны 30 жастағы Азиз Құралбаевты «ұрып-соғып, азаптады» деген көрші ауылдың 4 жігітіне қатысты сот үкімі шықты. Жетісай аудандық соты олардың бірін Қылмыстық кодекстің «Денсаулыққа қасақана ауыр зиян келтіру» бабымен, үшеуін «Бұзақылық» бабымен кінәлі деп тапты.

«Ақназар Жеңісұлы Мықтыбек Қылмыстық кодекстің 106-бабы 3-бөлігімен кінәлі деп танылсын. Оған осы бап бойынша 8 жыл мерзімге бас бостандығынан айыру жазасы тағайындалсын. Сотталған...

Павлодарда психикалық науқас болып көрінбек болған педофил өмір бойына бас бостандығынан айырылды. Сот оның қорғаушысының және өзінің келтірген дәлелдерін негізсіз деп таныды.

Tengrinews.kz ақпаратына қарағанда, ол 35 жастағы ер адам 12 жасар қызға зорлық көрсеткен.

Оған екі бап бойынша айып тағылды. Атап айтқанда, «Кәмелетке толмағанға қатысты жыныстық сипаттағы зорлық-зомбылық әрекеттер» және «Жасөспірімге күш қолданбай арсыз әрекеттер жасау».

Қылмыстық іс үш эпизодты қамтыды. Жабық режимде қаралды. Үкім шығарылғаннан кейін, істі қараған судья кейбір мән-жайларды жария етті.

Бес жыл бұрын сотталушы бір әйелмен және оның 12 және 6 жастағы екі қызымен бірге тұрған.

«Биыл 25 сәуірде мен...

Президент Қасым-Жомарт Тоқаев Қанат Шарлапаевты қызметінен босатты. Бұл туралы Ақорда хабарлады.

«Мемлекет басшысының Жарлығымен Қанат Бисимбайұлы Шарлапаев Қазақстан Республикасы Президентінің экономикалық мәселелер жөніндегі көмекшісі лауазымынан босатылды», – делінген Ақорда хабарламасында.

Айта кетейік, Шарлапаев бұл қызметке 2025 жылдың 28 ақпан күні тағайындалған болатын. Бұл қызметке дейін ол Өнеркәсіп және құрылыс министрі қызметін атқарған.