Жаңалықтар

Алматының Тереңқұр демалыс аймағындағы 30 соттық жерге қатысты дау туды. Жергілікті тұрғындар мен депутат Бақытжан Базарбек саябақтағы бұл жердің Тұрсынғали Алагөзовке тиесілі екенін айтады. Бір ай бұрын учаске аумағы қоршалған. Алматылықтар енді осы жерге көпқабатты нысан салынып, саябақ көркі бұзылады деп алаңдаулы. KursivMedia тілшісі Тереңқұрға барып, тұрғындар мен жауапты органдардың уәжін тыңдап қайтты.

Жамал Омарова көшесінен төмен орналасқан учаске судың жағасында тұр. Ағып жатқан су мен қоршаудың арасы шамамен – 5-7 метр. Сол жердегі баскетбол алаңының бір бүйірі мен артқы жағын қоршап тастаған.

Тұрғындар не дейді?

Медеу ауданы тұрғыны Дамира Тұрсынбек жаңа нысан салмай, Тереңқұрдың қазірг...

19 желтоқсанда Астананың алты ауданында жаңа жылдық шыршалар жағылады. Алайда жоспарланған дрон-шоу ауа райының қолайсыздығына байланысты болмайды, деп хабарлайды елорда әкімдігі.

Қазгидромет ақпараты бойынша, Астанада қар, боран және жел екпіні 15-20 м/с дейін жетеді деп күтілуде. Осыған байланысты мамандардың ұсынысы бойынша әрі көрермендердің қауіпсіздігін және жабдықтардық сақталуын қамтамасыз ету үшін дрондарды ұшыру уақытша тоқтатылды.

Бұл ретте қалған мерекелік іс-шаралар жоспар бойынша өтеді. Биыл елорданың жаңа жылдық бағдарламасы «Ертегі Fest» бірыңғай ертегі стилінде безендірілген.

Осыған дейін бір уақытта қаланың алты ауданында 40-тан астам шырша жағылатынын, қала аудандарындағы негізі мереке алаңдарын тізіп жазған едік.

Мерекелік алаңдарда Мұз айдындары, слайдтар, фотоаймақтар, сәндік...

Алматы халықаралық әуежайы акционерлерінің жалпы жиналысы 11 желтоқсанда Аlmaty Catering Servis еншілес компаниясынан 2023 жылы дивиденд ретінде 1,59 млрд теңге алу туралы шешім қабылдады, деп хабарлады әуежай.

Бұл ретте 25 маусымда әуежай осы еншілес компаниясы тарапынан 2023 жылы түскен 3,18 млрд теңге пайдадан 1,59 млрд теңге дивиденд төлеу туралы шешім қабылдады.

«2023 жылы таза табыстың 50%-ын құрайтын 1 589 666 233 теңге мөлшерінде таза табыстан бөлуге дейінгі соманың қалдығы жалғыз иелік етушіге – «Алматы халықаралық әуежайы» АҚ-ға жіберілсін», – делінген жиналыста қабылданған шешімде.

Осыған байланысты Аlmaty Catering Servis бір ай ішінде аталған дивидендтерді халықаралық әуежайға...

Әлемге әйгілі «Үйде жалғыз қалғанда» фильмінде ойнаған актерлер жылдар өткен соң қайта қауышты. Жанкүйерлерін ерекше қуантқан кездесу Дубайдағы танымал кондитерлік орындардың бірінде өтті. Кездесуден түсірілген кадрлар әлеуметтік желілерде кеңінен таралып, мыңдаған пікір мен лайк жинады.

Желі қолданушылары бұл басқосуды балалық шақтың символына айналған фильмге деген сағынышпен байланыстырды. Көпшілік пікірінде «Үйде жалғыз қалғанда» әлі күнге дейін Жаңа жыл мерекесінің ажырамас бөлігі екенін, ал фильм актерлерін бірге көру – нағыз ностальгия екені жазылды.

Айта кетейік, «Үйде жалғыз қалғанда» фильмі араға 35 жыл салып, қайта түсірілген еді.

Талдықорған сотында Баласаз ауылында қайтыс болған 32 жастағы Айзат Жұманованың соңғы видеосы көрсетілді. Ол жерде әйел мүгедектер арбасында отыр.

Видеодан әйел қимыл-қозғалыссыз отырғанын байқауға болады. Жанында бір ер адам мен әйел кісі болған. Олар арбада отырған Айзат Жұманованы палатаға кіргізген, содан кейін шығып кеткен.

Содан кейін Айзатты ұрып-соққан күйеуі Айбар Жанболат (қылмыстық істегі сотталушы) келіп, маңдайынан сүйген.

Видеоны сот процесінен ақпарат таратып жүрген журналист Назымгүл Күміспаева жариялады.

Айзатты...

2025 жылдың үшінші тоқсанында қазақстандықтардың жан басына шаққандағы орташа табысы 364,5 мың теңгені құрады. Бұл өткен жылдың сәйкес кезеңімен салыстырғанда 8,5%-ға көп. Ал орташа шығын көлемі 324,5 мың теңгеге жеткен. Бұл туралы Ұлттық статистика бюросының хабарлады.

«Қазақстандықтар шығынының басым бөлігін, яғни 52,3 %-ын азық-түлікке жұмсайды. Ең жоғары үлес Түркістан және Жетісу облыстарында тіркелген, бұл өңір тұрғындары табысының 60%-дан астамын тамаққа жұмсайды. Ал ең төмен көрсеткіш Қарағанды облысында 42,4%», –  делінген хабарламада.

Азық-түлік емес тауарларға орта есеппен шығынның 21,3%-ы жұмсалады. Бұл жағынан Солтүстік Қазақстан облысы көш бастап тұр – 28,4%. Ал ақылы қызметтер шығын құрылымыны...

Әзілкеш Тұрсынбек Қабатовтың бұрынғы жұбайы Мөлдір Мұқан әнші Бақыт Тұрманның «Әзіл әлемі» сахнасына шығарылмай қалғаны туралы айтылған қауесетке қатысты пікір білдірді. Оның айтуынша, Бақыт Тұрман «Әзіл әлемі» сахнасына үш рет шығып, ән айтқан.

Мөлдір Мұқанова бұл туралы «Тек қана қыздар» подкастында айтты.

«Сәкен Майғазиев, Мейрамбек Беспаев, Бибігүл Төлегенова сынды танымал әртістерді шақырғанда, әуежайдан қарсы алып, барлық жағдайын жасайтынмын. Тұрсынбекке әрдайым: «Сен биіксің, сенің «Әзіл әлемің» жоғары деңгейден түспеуі керек. Бұл сахнаға тек танымал адамдар шығуы тиіс» деп айттым», – деді ол.

Мөлдір Мұқанова Бақыт Тұрманның «мені сахнаға шығармай қойды» деген сөздеріне де тоқталды...

Қазақстанда шағын бизнесті қолдау мақсатында кәсіпкерлерге POS-терминалдар тегін беріледі. Мемлекеттік кірістер комитетінің хабарлауынша, бұл қадам бизнестің шығындарын азайтып, сауда үдерісін автоматтандыруға бағытталған.

Кәсіпкерлерге стационарлық терминалдар да, смартфонға орнатылатын мобильді қосымшалар да қолжетімді болады.

Қазір Kaspi Bank пен Қазақстан Халық Банкінің (Halyk Bank) POS-терминалдары толыққанды бақылау-касса машинасы (БКМ) ретінде жұмыс істейді. Олар штрих-кодтарды сканерлеу функциясымен жабдықталған. Жақын арада мұндай мүмкіндіктер Freedom Bank Kazakhstan және Банк ЦентрКредит терминалдарында да іске қосылмақ.

2026 жылдан бастап не өзгереді

2026 жылғы 1 қаңтардан бастап Салық кодексіне енгізілген жаңа талаптар күшіне енеді. Соған сәйкес:

Павлодар облысының әкімі Асайын Байхановқа Даниал Ахметовтің ұлы Талғат Ахметовке тиесілі іске аспай қалған зауыттың коммуникациялары туралы сұрақ қойылды.

«Әбілқайыр Ысқақовтың (Павлодар облысының бұрынғы әкімі) тұсында салынған, бірақ іске қосылмаған Талғат Ахметовтің зауытыына тиесілі коммуникациялар – кәріз жүйесі мен жылу желілері бүгінде басқа кәсіпорындар тарапынан пайдаланылып жатыр ма? Сол инфрақұрылымның қай бөлігі өзге өндірістерге қызмет етіп отыр?», – деп сұрады журналистердің бірі ОКҚ алаңында.

Асайын Байхановтың айтуынша, сода зауытын салу жобасы аясында тұрғызылған коммуникациялар бүгінде жаңа кәсіпорындарды қосу үшін пайдаланылып жатыр. Әкімнің сөзінше, зауыттың өзін іске асыру мәселесі әзірге белгісіз күйінде қалған. Себебі қосымша инвестор...

Биыл қазақстандық шоу-бизнес және блоггиң саласында шаңырақ көтергендер аз емес. Сондай-ақ 2025 жылы ажырасып, екіге жаққа кеткендер де болды. Kursiv Lifestyle ел арасында көп талқыланған ажырасу оқиғаларын тізіп шықты.

Дариға Бадықова мен Дархан Мұсаев

«Келінжан» сериалындағы Айсара рөлімен көпшілікке танылған актриса, продюсер Дариға Бадықованың отбасылық өміріндегі өзгеріс ақпарат алаңында қатты талқыланды. Экс-күйеуі, актер Дархан Мұсаев журналист Нұрсейіт Жылқышыбайға сұхбатқа қонақ болып келіп, шындықты жайып салған еді.

Оның айтуынша, Бадықова әнші, актер Олжас Абаймен көңіл жарастырған. Оған қоса, экс-жұбайлар арасында ақшаға қатысты да көп келіспеушілік болған деседі. 2008 жылы шаңырақ көтерген жұп осылайша 16 жылдан...

Тоқаев Алматыда БҰҰ университетінің өңірлік филиалын құруды ұсынды. Бұл туралы ол Токиодағы БҰҰ университетіндегі дәрісі кезінде айтты.

Президенттің сөзінше, жаңа оқу орталығы су және климат қауіпсіздігі, қақтығыстарды реттеу, бітімгерлік, орнықты даму мен жасанды интеллектіні басқару мәселелеріне бағытталады.

«Мен білімнің және халықаралық деңгейдегі академиялық ықпалдастықтың дамуына айрықша мән беремін. Әсіресе, әлемнің өзгеруін жеделдететін бастамаларды қолдаймын. Бұл басымдықтар БҰҰ университетінің миссиясына толық сай келеді. Биыл Қазақстанда Орталық Азия және Ауғанстанға арналған БҰҰ орнықты даму орталығы ашылды. Қазақстан осы алаңның негізінде Алматыда БҰҰ университетінің өңірлік филиалын құруға әзір. Оның қызметін, ең алдымен, бағыттауға болады», – деді Қасым-Жомарт Тоқаев.

18 желтоқсанда «Шымбұлақ» тау курортының қысқы маусымдағы жұмысын таныстыруға арналған баспасөз туры өтті. Іс-шара барысында Kursiv LifeStyle журналисі курорттың сервистік және инженерлік инфрақұрылымындағы негізгі жаңалықтарымен танысып қайтты.

Рекорд орнатқан маусым

Өткен маусымда Shymbulak 1,5 млн-нан астам қонақ қабылдап, өзінің рекордтық көрсеткішіне қол жеткізді. Осылайша, курорт 2030 жылға жоспарланған межені мерзімінен бұрын орындады. Туристер санының тұрақты өсуі сервисті жаңғырту, инженерлік жүйелерді жетілдіру және қауіпсіздік стандарттарын күшейту қажеттігін арттыра түсіп отыр.

Сервис пен инфрақұрылым: миллиондаған қонаққа дайындық

Баспасөз туры «Медеу» базалық станциясынан басталды. Қайта жаңғыртудан кейін сырғанау жабдықтарын жалға беру осы жерге ауыстырылды. Жалға беру қызметінің супервайзері Мүслим Жұмаевтың

2025 жыл Қазақстанның автомобиль нарығы үшін тарихи жыл болды. Сұраныстың баяулауына қарамастан, нарық тұрақты өсім көрсетіп, сатылым көлемі бойынша алдыңғы жылдарда тіркелген рекордтарды жаңартты. 11 айдың қорытындысы бойынша қазақстандық дилерлер 207 616 жаңа автокөлік сатты, бұл 2024 жылдың сәйкес кезеңімен салыстырғанда 15,6% көп. Ең ерекше ай қараша болды. Өткен айда елде 25 804 автокөлік сатылып, бұл ресми авторитейл тарихындағы айлық рекорд болды.

Сұранысқа ие көліктер

«Қазақстанның Автокөлік Одағы» (ҚАО) мәліметтеріне сәйкес, қараша айында нарық көшбасшысы Chevrolet болды. Бұл бренд қарашада 7 777 автокөлік сатып, көш бастады. Көрсеткіш өткен жылдың қарашасымен салыстырғанда 76% өскен. Hyundai 5 261 автокөлікпен екінші орынға шықты...

Өнеркәсіп – экономиканың «пульсі»

Экономиканың жағдайын бағалауда өнеркәсіп өндірісі – ең сенімді индикаторлардың бірі. Егер өнеркәсіп қарқын алса, демек елде инвестиция жақсы, жұмыспен қамту сақталып тұр, бюджетке түсім бар. Ал керісінше баяуласа, экономиканың өзге секторлары да әлсірей бастайды. Қазақстан үшін бұл, әсіресе, маңызды. Себебі ел экономикасы ұзақ жылдар бойы өнеркәсіпке, нақтырақ айтқанда, тау-кен және өңдеу салаларына сүйеніп келеді.

2016–2024 жылдар аралығындағы деректерге қарасақ, Қазақстан өнеркәсібі түрлі кезеңдерді бастан өткерді: мұнай бағасының құлдырауы, пандемия, геосаяси дағдарыстар, логистикалық тізбектердің үзілуі. Соған қарамастан, өнеркәсіп өндірісі толық тоқтап қалған жоқ, қайта бейімделу арқылы жаңа тепе-теңдікке қол жеткізе бастады.

Тау-кен өндіру өнеркәсібі: тұрақтылы...

Павлодар облысының әкімі Асайын Байханов тредске тіркелген бірден-бір әкім. ОКҚ алаңында журналистерге берген жауабында ол не үшін әлеуметтік желіге тіркелгенін айтып берді.

«Менің отбасылық чатым бар. Ол жерде балаларым әртүрлі хабарлама, сілтемелер жіберіп отырады. «Мынадай идеялар бар екен» деп  көрсетеді. Мен қарай бастадым. Қазақта «отырсаң опақ, тұрсаң сопақ» дейді ғой. Желіде отырсаң бір сынайды, отырмасаң тағы сынайды. Мен де адаммын, азаматпын, менің де өмірім бар. Мен де күнделік жүргізгім келеді. 24/7 режимінде жұмыстамын. Таңертең немесе кешке желіні қарайтын 20-30 минутым бар. Адамдарды не мазалайды, жастар не ойлайды? Білген маңызды», – дейді ол.

Облыс әкімі өңір...

Павлодар облысының әкімі Асайын Байханов ОКҚ-де өткен брифингте өңірден азаматтардың жаппай көшуіне қатысты сұраққа жауап берді.

Журналист әкімнен биылғы 10 айда өңірден неге 6 мыңнан астам адам көшіп кеткенін сұрады.

«Мен сіздерге бұл сұраққа кеңірек жауап берейін. Өйткені бұған жай ғана қысқа жауап беру мүмкін емес. Бұл – біз жұмыс істеп жатқан негізгі жүйелі мәселелердің бірі», – деді Байханов.

Байхановтың айтуынша, халықтың көшуінің басты себептерінің бірі – өңірдегі күрделі экологиялық жағдай. Ол Павлодар облысы ел бойынша атмосфераға зиянды қалдықтарды ең көп шығаратын аймақтың бірі екенін атап өтті.

Әкім халықтың басқа өңірлерге және шетелге кетуіне әсер...

Netflix платформасындағы ең танымал әрі көптен күткен жобалардың бірі «Эмили Парижде» (Emily in Paris) сериалы жаңа – 5-маусымымен қайта оралды. Netflix дерегінше, 18 желтоқсан күні жаңа маусымның барлық 10 бөлімі бірден шықты.

Сериалдың авторы Даррен Стар:

«Бұл маусым – екі қаланың, Рим мен Париждің тарихы. Осы екі шаһардың тоғысында жүрген Эмили махаббат пен өмірді жаңа деңгейге шығарады», – деді ол.

Актерлік құрам

Жаңа маусымда басты кейіпкерлер өзгеріссіз қалғанымен, сериалға жаңа кейіпкерлер қосылды. Көрермендер төмендегі актерлерді қайта тамашалай алады:

АҚШ Грин-карта ұтысын уақытша тоқтатты. Бұл туралы елдің Ішкі қауіпсіздік министрі Кристи Ноэм мәлімдеді.

Оның сөзінше, Брауновск университетіндегі атысты шығарған Клаудио Мануэль Невес Валенте АҚШ-қа 2017 жылы диверсификациялық визалық лотерея (DV1) бағдарламасы бойынша келген және грин-карта алған.

«Бұл жиіркенішті адамға біздің елге кіруге ешқашан рұқсат берілмеуі керек еді», – деп жазды министр X желісінде.

Ноэм 2017 жылы Нью-Йорктегі жан түршігерлік оқиғадан кейін DV1 бағдарламасымен келген ИГИЛ террорисі жүк көлігімен сегіз адамды қаққаннан соң, президент Трамптың бұл бағдарламаны тоқтату үшін күрескенін еске салды.

«Президент Трамптың нұсқауымен мен USCIS-ке (АҚШ-тың азаматтық және иммиграциялы...

Freedom SuperApp шетелге шығатын саяхатшыларға арналған интернет-роумингті сатып алуға мүмкіндік беретін жаңа сервисті іске қосты. Сервис eSIM арқылы мобильді интернетке қосылуға жол ашады. Бұл Freedom Bank пен сингапурлық Boxo технологиялық компаниясы арасындағы серіктестік негізінде іске асқан.

Сервистің негізгі мүмкіндіктері

Жаңа шешім eSIM-ді тікелей банк қосымшасында бірнеше клик көмегімен рәсімдеуге мүмкіндік береді. Қызмет түрі әлемнің 200-ден астам елін, соның ішінде Еуропа, АҚШ, Түркия, БАӘ және Таиланд сияқты танымал бағыттарды қамтиды.

Тарифтердің құны мен шарттары

Базалық интернет-пакеттердің бағасы 1 900 теңгеден басталады. Сатып алу кезінде 7%-ға дейін кешбэк есептеледі. Айталық, Таиландтағы 7 күндік шектеусіз интернет құны – 3 800 теңге, Египетте – 6 700 теңге. Түркия...

Оқу-ағарту министрі Жұлдыз Сүлейменова Қазақстан телеарнасының «Бас тақырып» бағдарламасына берген сұхбатында мектептерге бақылау камераларын орнату мәселесі жайлы пікір білдірді.

Министр мемлекет басшысының биылғы Тамыз конференциясында айтқан «Мұғалім – мемлекеттік маңызы бар жұмысты атқаратын тұлға, оның қоғамдағы орны ең жоғары деңгейде болуға тиіс» деген сөзін еске салды. Сондай-ақ Президент мектептен тыс жағдайларда болған оқиғалар үшін мұғалімдерді жауапкершілікке тарту орынсыз екенін атап өткен.

Сүлейменованың сөзінше, келер жылы педагогтердің құқықтарын нығайту мақсатында заңнамалық реттеуді жетілдіру жөніндегі жұмыстар жүзеге асырылады. Бұл өзгерістер ұстаздардың құқықтық жағдайын жақсартуға арналады. Сонымен қатар ол сыныптарға бақылау камераларын орнату мәселесіне қатысты да пікір білдірген.

«Ал...

Белгілі америкалық The Ring журналы қазақстандық кәсіпқой боксшы, IBF және WBO нұсқалары бойынша орта салмақтағы әлем чемпионы Жәнібек Әлімханұлын (17–0, 12 КО) өз рейтингінен алып тастады. Бұған дейін 32 жастағы боксшы орта салмақтағы дивизиондық тізімнің көшін бастап тұрған.

Журналдың мәліметінше, қазақстандық спортшы VADA ұйымы жүргізген допинг-тест нәтижесінің қолайсыз шығуына байланысты рейтингтен толық шығарылған.

«Бұрын рейтингте бірінші орында тұрған Жәнібек Әлімханұлы осы айдың басында алынған VADA допинг-тестінің оң нәтижесінен кейін тізімнен алынып тасталды. Соның салдарынан қалған боксшылар бір сатыға көтерілді, ал Хесус Рамос-джуниор алғаш рет рейтингке еніп, 10-орынға жайғасты», – деп жазады The Ring.

Google жасанды интеллектінің Gemini моделін қазақ тілінде іске қосты. Бұл туралы ЖИ министрлігінен хабарлады.

«Бұл – ең озық саналатын ЖИ-моделінің тілдік қолдауын кеңейтуге бағытталған жаһандық бастаманың бір бөлігі. Қазақ тілі Gemini 3 буынын іске қосу аясында қосылған 23 жаңа тілдің қатарына енді. Бұл Қазақстандағы пайдаланушыларға Gemini мүмкіндіктерін әлемдегі ең ірі тілдермен тең дәрежеде, өз ана тілінде қолдануға мүмкіндік береді», – деп жазылған министрлік хабарламасында.

Gemini-дің қазақ тіліндегі интерфейсі веб-нұсқада қолжетімді. Ол үшін пайдаланушылар Google аккаунтының баптауларында қазақ тілін таңдауы қажет. Алдағы уақытта Android және iOS жүйелеріне арналған нұсқаларды қолдау, сондай-ақ Gemini Live...

Тоқаевтың Жапонияға сапары әлі жалғасып жатыр. Бүгін ол ірі жапон компанияларының басшыларымен кездесті, деп хабарлайды Ақорда.

Президент Жапонияның ірі және ықпалды сауда-инвестициялық корпорацияларының бірі саналатын Sumitomo жетекшісімен жолықты.

Кездесу барысында екі тарап ядролық медицинаны дамытуға ерекше назар аударды. Атап айтқанда, уран шикізатынан емдік мақсаттағы радий изотоптарын алудың ғылыми негізделген әдістерін әзірлеу жобасы қарастырылды. Бұл медицина саласындағы инновациялық ем-шараларға жол ашады.

Сонымен қатар, тараптар келесі бағыттар бойынша бірлескен жобаларды іске асыруға ниетті:

Одан бөлек Жапония металл және энергетикалық қауіпсіздік жөніндегі ұйымының (JOGMEC) төрағасы Ичиро Такахаруды қабылдады...

Қазақстанның авиация саласы 2025 жылдың он айында тұрақты өсім көрсетіп, жолаушылар мен жүк тасымалы айтарлықтай артты. Бұл туралы Азаматтық авиация комитеті мәлімдеді.

Комитеттің дерегінше, қаңтар-қазан айларында әуе көлігі 26,6 млн жолаушыға қызмет көрсеткен. Бұл өткен жылмен салыстырғанда 8 пайызға көп. Оның ішінде отандық әуе компаниялары 13,1 млн жолаушыға қызмет көрсеткен (өсім 6,1%).

Әуежайлардағы жүк айналымы да көбейген: 140 мың тонна жүк өңделген, бұл 2024 жылдың көрсеткішінен 6,3 пайыз жоғары. Ішкі бағыттар саны 60-қа жетіп, аптасына 821 рейс орындалған.

«Халықаралық маршруттық желі 30 елді қамтитын 131 бағытқа дейін кеңейтіліп, аптасына жалпы 616 рейс орындалды. Ағымдағы...