Жаңалықтар

Ұлттық банк дерегі бойынша, 2025 жылдың 11 айында қазақстандық банктер 2,5 трлн теңге таза пайда тапқан. Бұл көрсеткіш 2024 жылдың сәйкес кезеңімен салыстығанда 7,3 пайызға артық.

Былтыр 11 айда қазақстандық банктер 2,33 трлн теңге таза пайда тапқан болатын. Жылдық мәндегі көрсеткіш осындай болғанымен, айлық деректерді салыстырса, биыл банктердің таза пайдасы 4 ай қатарынан төмендеп келеді.

Қаңтар айында таза пайда 228,5 млрд теңгені құрап, 2024 жылдың қаңтарындағы деңгейден 15,5%-ға жоғары қалыптасқан. Ақпанда да осы үрдіс сақталып, көрсеткіш 220,4 млрд теңгеге жетті. Наурызда өсім қарқыны күшейіп, таза пайда бір жылда 19,5%-ға...

2026 жылдың бірінші қаңтарынан бастап елде АЕК (айлық есептік көрсеткіш) мөлшері көбейеді. Осыған орай елде құжат рәсімдеу құны да қымбаттай түседі.

2026 жылдың 1 қаңтарынан бастап бір АЕК 4 325 теңге болып белгіленді. Былтыр оның көлемі 3 932 теңге еді. Осыған байланысты құжаттарды рәсімдеу үшін төленетін мемлекеттік баж салығының мөлшері де өседі.

Төлқұжат және жеке куәлік:

Үкімет басшысы Олжас Бектеновтің мәліметінше, биыл Ресейде картоп шығымы аз болғандықтан, Орталық Азия елдерінің Қазақстан картобына сұранысы күрт күшеюі мүмкін.

Депутаттардың картоп шығымы жайлы сауалына жауап берген Олжас Бектеновтің сөзінше, биыл Қазақстанда картоптың көлемі 2,9 млн тоннадан асқан. Желтоқсан айының басындағы жағдай бойынша жыл басынан бері картоп экспорты 407 мың тоннаны құраған (қаңтар – қыркүйек аралығында – 103 мың тонна; 2025 жылғы қазан – 4 желтоқсан аралығында – 304,9 мың тонна), оның 90,2 пайызы Өзбекстанға тиесілі. Осы жылдың 10 айында импорт 201,5 мың тоннаны құрады.

«Бұған қоса, сауда ағындарына айтарлықтай әсер етуі мүмкін көрші елдердің көкөніс...

Түркиядағы Бас ассамблеяда 2026 жылдың бюджетін талқылау кезінде депутаттар төбелесіп қалды. Бұл жайлы Haberler жазады.

CHP фракциясы төрағасының орынбасары Мұрат Эмир АК Party депутаты Мұстафа Варанкаға тиіскен. Оларға әріптестері көмекке келмек болып, соңынан жаппай төбелеске ұласып кетті.

Басқа депутаттар араласқаннан кейін ғана ерегіс басылды. Жайсыз жағдайға қарамастан 2026 жылға арналған бюджет жобасы және 2024 жылдың есебі бойынша құжат қабылданды.

Бұл – Түркия парламентіндегі бірінші төбелес емес. 2022 жылы дәл осылай бюджет талқылау кезінде депутаттар жаға ұстасып қалған. Ешкім ажырата алмаған соң парламент спикері отырысты тоқтатуға мәжбүр болған еді.

2025 жылғы 22 желтоқсанда Жапония үкіметі әлемдегі ең ірі Атом электр станциясын (АЭС) қайта қосу жөнінде шешім қабылдайды. Бұл туралы Reuters хабарлады. Осыдан 15 жыл бұрын Фукусимадағы апаттан соң жапон билігі елдегі барлық атом реакторын өшірген.

Касивадзаки-Карива АЭС-і Токиодан солтүстік-батысқа қарай 220 шақырым жерде, Ниигата өңірінде орналасқан.

Чернобыльден кейінгі ең ірі ядролық апат Фукусимада 2011 жылғы 11 наурызда болды. Жойқын цунами генераторларды басып қалып, үш реакторды суытатын жүйе істен шықты. Соның салдарынан блоктардағы ядролық отын еріп, ғимаратта сутегі жарылды. Радиация атмосфераға, мұхитқа тарады. АЭС маңындағы 150 мың адам көшірілді. Үшінші реактордағы отынды залалсыздандыру жұмыстары 2037 жылдан кейін ғана...

Жапония Қазақстан экономикасының басым салаларын қаржыландыруға 2,78 млрд АҚШ долларына дейін кредит бермек. Оның 1,28 млрд доллары «Бәйтерек» ұлттық басқарушы холдингінің инвестициялық бағдарламаларына бағытталады.

Бұл келісімдер Қазақстан Президенті Қасым-Жомарт Тоқаевтың Жапонияға ресми сапары аясында жасалды.

Негізгі құжат – «Бәйтерек» пен MUFG Bank арасында жасалған меморандум. Ол 200 млрд жапон иеніне дейін (1,28 млрд доллар) қаржы тартуды көздейді. Қаражат орнықты даму, баламалы энергетика, инфрақұрылым және жобалық қаржыландыру жобаларына бағытталады.

«Самұрық-Қазына» қорымен бірлесе жүзеге асырылатын жобаларды да MUFG Bank қаржыландырады. Олардың құны 1,5 млрд долларға жетеді.

Сонымен қатар, Қазақстанның Даму Банкі мен SMBC...

Қазақстанның театр және кино өнерінің аңызы, КСРО және Қазақстанның Халық әртісі, Еңбек Ері Асанәлі Әшімов 21 желтоқсан күні өмірден өтті.

Марқұммен қоштасу рәсімі 23 желтоқсан, сейсенбі күні сағат 10:00-де Алматы қаласындағы Абай атындағы Қазақ ұлттық опера және балет театрында өтеді. Қоштасу рәсіміне қоғам қайраткерлері, әріптестері, шәкірттері және халық қатыса алады.

Ресми мәліметке сәйкес, қонақасы 22 желтоқсан күні сағат 18:00-де «Қабылдау үйінде» (Құрманғазы көшесі, 44) ұйымдастырылады. Ал жерлеу рәсімі «Кеңсай-1» зиратында өтеді.

Сонымен қатар, 23 желтоқсан күні сағат 13:00-де марқұмның асы Royal Tulip мейрамханасында беріледі.

Бұған дейін, президент Қасым-Жомарт Тоқаев Асанәлі Әшімовтің туыстарына көңіл айтқан еді.

2026 жылдың 1 қаңтарынан бастап Қазақстан азаматтары жеке куәлік алу кезінде мемлекеттік баж салығын төлеуден босатылады. Яғни құжатты бірінші рет алғанда және қолданыс мерзімі біткеннен кейін, жаңарту толығымен тегін болады. Бұл туралы ҚР ІІМ Көші-қон қызметі комитетінің төрағасы Аслан Аталықов мәлімдеді.

Оның айтуынша, ведомствоның бұл бастамасы құжаттандыру процедураларын жеңілдетуге және халыққа түсетін қаржылық салмақты азайтуға бағытталған.

«Алғаш рет берілетін жеке куәліктер тегін болады. Сонымен қатар, қолданыс мерзімі өтіп кеткен құжаттарды ауыстыру кезінде де мемлекеттік баж салығы алынбайды», – деп түсіндірді Аталықов.

2025 жылы жеке куәлік алу үшін мемлекеттік баж салығы 0,2 АЕК (786 теңге) мөлшерінде белгіленген...

Қырғызстан жалпы ішкі өнім (ЖІӨ) көрсеткіші бойынша Еуразиялық экономикалық одақ елдері арасында көш бастады. Көрші елдің 2025 жылғы экономикалық өсімі 10%-дан асты. Бұл туралы ЕАЭО кеңесінде айтылды.

Құрамына Қазақстан, Армения, Беларусь, Ресей және Қырғызстан елдері кіретін ұйым экономикасы биыл айтарлықтай ілгерілегенін Ресей президенті Владимир Путин атап өткен.

«ЖІӨ де өсіп келеді. Бұл жағынан 10 пайыздан астам көрсеткішпен Қырғызстан алда келе жатыр. Өте жақсы көрсеткіш. Мен Қырғыстан президенті мен оның командасын осындай нәтижемен құттықтаймын», – деді Путин. Оның мәлімдемесін Кремль таратты.

2025 жылы Қырғызстан экономикасы өнеркәсіп, құрылыс, қызмет көрсету және ауыл шаруашылығы есебінен дамыды...

Еуразия экономикалық одақтың (ЕАЭО) Жоғары кеңесі аясында жиырма шақты құжат қабылданды. Солардың бірі ұйымға мүше елдер мен Индонезия арасында еркін сауда аймағын құру туралы келісім бар. Құжаттар тізімін Кремль жариялады.

Ақорда мәліметінше, ұйым кеңесінің жұмысына Қазақстан президенті Қасым-Жомарт Тоқаев та қатысты. Жиналыс Санкт-Петербург қаласында өтті.

Индонезия – Оңтүстік-Шығыс Азияда 282,4 млн тұрғыны бар ірі мұсылман елі. ЕАЭО-ға Қазақстан, Армения, Беларусь, Ресей және Қырғызстан елдері кіреді.

Одақ елдері мен Индонезия арасындағы еркін сауда туралы келісімді енді осы елдердің парламенттері мақұлдауға тиіс.

Құжат күшіне енген соң, Индонезияның Қазақстан тауарларына қолданатын орташа кеден салығы 10%-дан 2%-ға дейін, яғни бес...

Алматы қаласының бокс федерациясы халықаралық ареналарда ел намысын абыроймен қорғап жүрген боксшы Алуа Балқыбекованы арнайы марапаттап, BYD маркалы автокөліктің кілтін табыстады.

Марапат 21 желтоқсанда Алматы қаласында өткен Алматы бокс федерациясының жылдық конференциясы аясында берілген. Салтанатты жиында биыл әлемдік додаларда жоғары нәтиже көрсетіп, Қазақстанның абыройын асқақтатқан #AlmatyBoxingTeam командасының өзге де өкілдері назардан тыс қалмай, құрмет грамоталары мен ақшалай сыйақылармен марапатталды.

Еске сала кетейік, Алуа Балқыбекова қыркүйек айында Ливерпульде өткен бокстан әлем...

2025 жылғы 22 желтоқсанда Астана уақытымен сағат 02:16-да Қытай аумағында жер сілкінді. Оның әсері Алматы қаласында да сезілді. Бұл туралы Kursiv.Media Қазақ ұлттық деректер орталығы мәліметіне сүйене отырып хабарлады.

Ұлттық ядролық орталыққа қарасты Геофизика зерттеулер институты мәліметінше, жер сілкінісі Қытайдың Шыңжаң өлкесі Ақсу аумағы Ақши ауданында тіркелді. Жерасты дүмпуінің магнитудасы – 5 балл.

Дүмпу ошағынан шамамен 270 шақырым жерде орналасқан Алматы қаласында қуаты 2 балл болатын жер сілкінісі сезілді.

Жерасты дүмпуіне ең жақын орналасқан ірі қалалар:

Соңғы жылдары әлемде ұзақ өмір сүретіндер қатары артқан. lausanne.org жариялаған «Әлем халқының қартаяюы туралы» зерттеуінде 2022 жылы әлем халқының 10%-ы 65 жастан асқан болса, 2050 жылы 16%-ы, 2100 жылы әрбір төртінші адам 65-тен жоғары жаста болады. Бұған зерттеушілер бірнеше себеп барын айтады.

Адамдардың ұзақ өмір сүруге деген қызығушылығының артуы нәтижесінде қымбат тағамдық қоспалар, биохакинг пен «жасартатын» әдістердің тұтас индустриясы қалыптасты. Алайда өмірді ұзартудың шынайы құпиясы әлдеқайда қарапайым болып шықты. Ұлыбританиялық ғалымдар Генри Чунг пен Шарлотта Гауэрстің зерттеуіне сүйенсек, қартаюды баяулатудың жолы – дәрі-дәрмекпен әуестену, сәнді гаджеттерді сатып алу емес, күнделікті әдеттерді өзгерту.

Зерттеушілердің пікірінше, ұзақ өмір сүрудің кілті биологиялы...

Президент Қасым-Жомарт Тоқаев Қазақстанның Еңбек Ері Асанәлі Әшімовтің дүниеден өтуіне байланысты оның отбасы мен жақындарына көңіл айтты.

«Асанәлі Әшімов бүкіл саналы ғұмырын театр және кино саласына арнап, төл мәдениетіміздің көкжиегін кеңейтуге өлшеусіз үлес қосты. Ол көптеген образдарды шебер сомдап, көрермен қауымның ыстық ықыласына бөленді. Cахна саңлағы әрі кәсіби киногер ретінде соңына өшпес із қалдырды. Жас өнерпаздарға бағыт-бағдар беріп, рухани сабақтастықтың сақталуына зор еңбек сіңірді. Өрелі өнердің туын биік ұстап, өнегелі ғұмыр кешкен Асанәлі Әшімовтің жарқын бейнесі халқымыздың жүрегінде сақталады», – деп жазылған жеделхатта.

Еске салайық, бүгін, 21 желтоқсанда қазақ сахнасының абызы,Қазақ КСРО халы...

Сауд Арабиясының солтүстік-батысы мен орталығында соңғы 30 жылда алғаш рет қар жауды. Бұл туралы Kursiv.media Anadolu Ajansi агенттігіне сілтеме жасап хабарлайды.

Ел тұрғындары үшін сирек кездесетін бұл табиғи құбылыс бірнеше өңірде тіркелген. Кейбір аймақтарда бұршақ пен қатты найзағайға байланысты ауа райының қауіпсіздік деңгейі «қызыл» және «қызғылт сары» болып жарияланды.

Елдің бірнеше өңірінде ауа температурасы нөлден төмен түсіп, жолдарда көктайғақ пайда болды. Эр-Риядтағы оқушылар қашықтан оқуға ауыстырылды.

Синоптиктердің болжамынша, елдің солтүстік аймақтарында қар жаууы әлі де жалғасуы мүмкін.

Айта кетейік, ауа температурасының күрт төмендеуіне байланысты төтенше жағдай қызметтері елорда тұрғындарына үндеу жасады. Синоптиктердің мәліметі бойынша, 21 желтоқсан түнде қалада...

Ауа температурасының күрт төмендеуіне байланысты төтенше жағдай қызметтері елорда тұрғындарына үндеу жасады.

Синоптиктердің мәліметі бойынша, 21 желтоқсан түнде қалада ауа температурасы 25-27 градусқа дейін төмендеуі мүмкін. Осыған байланысты құтқарушылар қала тұрғындарын қысқы кезеңде қауіпсіздік шараларын сақтауға шақырды.

Астананың төтенше жағдайлар департаменті тұрғындарға қолайсыз ауа райы кезінде сақтық ережелерін қатаң ұстануды, дауылды ескертулерге мұқият болуды және мүмкіндігінше ұзақ сапарлардан бас тартуды ұсынады.

Сонымен қатар тұрғындарға ауа райының нашарлау және автокөлік жолдарының жабылуы туралы өзекті ақпаратты SMS-хабарламалар, ресми интернет-ресурстар және әлеуметтік желілер арқылы алуға кеңес беріледі.

Құтқарушылар мұздың қалыңдап, толық берік болмаған кезеңінде су бетіне шығудың қауіпті екенін ерекше ескертті және...

Улап-шулап қарсы алатын, бірер сағатқа жалғасатын кештің дастарханына бір айлық шығынды кетіретін отырыстар біртіндеп шетке ысырылып жатыр. Оның орнына тек ет жақындардың басы қосылып, аста-төк дастархан жаймай, қарапайым тойлайтын тренд пайда болды. Бұл форматтың қандай артықшылығы бар? Kursiv Lifestyle «Өзіміз ғана» трендіне көпшілік неге жаппай көшіп жатқанына тоқталуды жөн көрді.

Көңіл қалауына құлақ асатындар көбейіп келеді

Естеріңізде болса, осыдан кемінде 10-15 жыл бұрын мереке, оның ішінде Жаңа жыл айрықша тойланатын. Таңертеңнен бері үлкен дайындық басталады. Ет асылып, манты істеп, табақ-табақ салат дайындалатын. Кешке бір үйден шығып, екіншісіне кіріп шығып құттықтау да міндетті түрде жасалатын рәсім еді. Молшылықтың белгісі деп...

2026 жылдың қаңтарында Chery компаниясы Қазақстанда Tiggo C8 деп аталатын жаңа кроссоверін таныстырады. Әзірге оның техникалық сипаттамалары мен басты ерекшеліктері құпия. Десе де «Қытай автокөліктері» бұл атаудың артында қандай модель тұрғанын болжап көрді.

Chery Tiggo C8 Қазақстанда

Tiggo C8 кроссоверінің премьерасы Chery бренді Қазақстан нарығында 4 жыл жұмыс істегеніне орай өтеді. Модельдің таныстырылымы жергілікті әлеуметтік желілерде жарияланған тизер-сурет арқылы жария болды. Қарлы табиғат аясында тұрған көлік бейнеленген суретте: «Бұл – жаңа көзқарас, жаңа әсер және алғашқы сәттен-ақ сезілетін сенімділік туралы оқиға» деген жазу бар.

Chery Tiggo C8 қандай модель?

«Қытай автокөліктері» басылымының мәліметінше, бұл...

Қазақ сахнасының абызы,Қазақ КСР халық әртісі Асанәлі Әшімов 89 жасқа қараған шағында өмірден озды.

Қаралы хабармен Алматы қаласы әкімдігінің «Жаңа Ғасыр» театры желідегі парақшасында бөлісті.

“Бұл — бір адамның ғана емес, тұтас бір дәуірдің қоштасуы. Асанәлі Әшімұлы — қазақ өнерінің биігін әлемге танытқан, сахна мен экранда ұлттық рухты асқақтата білген бірегей тұлға еді. Оның әр рөлі — тарих, әр бейнесі — тағдыр, әр сөзі — мектеп болды. Ол өнерге адалдықтың, сахнаға тазалықпен қызмет етудің, ұлт рухын қорғаудың үлгісін көрсетті. Ұстаз ретінде талай буынға бағыт-бағдар беріп, өнердің жауапкершілігін, актерлік мамандықтың қасиетін шәкірттерінің жүрегіне сіңіре білді. Театрдың іргесін...

Көп отбасыларда дәрілер кез келген жерде сақталады: ас үйдегі ыдыстар жанында, ваннадағы шағын шкафта немесе төсек жанындағы шағын үстел ішінде. Денсаулығы сыр бермейінше, адамдар бұл туралы ойланбайды. Алайда дәріні дұрыс сақтамаса, таблетка күткен әсерін бермеуі мүмкін, ал ыстықта тұрған сироп күтпеген күшті реакция тудыруы ықтимал. Сондықтан үйдегі дәрі-дәрмек сөресін дұрыс ұйымдастыру маңызды – мұны қалай істеуге болатынын осы материалдан білесіз.

Дәрілерді қалай дұрыс сақтау керек

Дәрілер шын мәнінде көмектесуі үшін, оларды тек дәріханадан әкеліп, «қайда болса сол жерге» қою жеткіліксіз. Дәрі қобдишасы қай жерде тұратынын, ішін қалай реттеу керектігін және қажет таблетканы бірнеше қораптың ішінен оңай таба алатыныңызды ойластыру...

Қазақстандықтар пәтерді, үйді немесе жер телімін сатқанда кей жағдайда салық төлейтінін білмей жатады. Krisha.kz мамандары пәтер сатқанда қашан салық төлеу керектігін, оны қалай есептеу керек екенін және Жаңа жылдан кейін салық мөлшері қаншалықты өсетінін түсіндірді.

2025 жылдың 31 желтоқсанға дейін келесі ереже қолданылады:

Егер жылжымайтын мүлік бір жылдан аз уақыт иелікте болса және одан табыс түссе – жеке табыс салығы (ЖТС) төленеді. Салық мөлшерлемесі – табыстың 10%-ы.

Мысал:

Пәтерді 30 млн теңгеге сатып алып, 35 млн теңгеге саттыңыз.
Түскен пайда – 5 млн теңге.
Салық – 500 000 теңге.

2026 жылдың 1 қаңтарынан кейін пәтерді тез сату үшін...

Алтын, мұнай, биткойн

Апта бойы алтын мен мұнай бағасы әртүрлі динамика көрсетті. Қазіргі уақытта алтын бағасы 4 373,00 доллар шамасында өсіп, 1,23%-ға артты. Бұл әлемдік экономикалық белгісіздік және инфляцияға қарсы құнды металл ретінде танымал болуына байланысты. Ал мұнайдың Brent маркасының бағасы соңғы бір аптада 60,65 доллар деңгейіне төмендеп, 0,79%-ға арзандады. Бұл мұнай нарығындағы артық ұсыныс пен шикізатқа сұраныстың төмендеуіне байланысты болуы мүмкін.

Биткоин бағасы аптаның соңына қарай 88 203,40 доллар деңгейінде болды, 2,28%-ға төмендеді. Цифрлық валюталардың бағасының төмендеуі, бір жағынан, нарықтағы құбылмалылық пен реттеу мәселелерінің әсерінен болуы ықтимал. Криптонарық соңғы екі айда қиын кезеңде десекте болады...

2026 жылдың қаңтар айында қазақстандықтар үшін 12 демалыс күні бар. Жаңа жыл мен Рождество мейрамдарына арналған бес күндік және алты күндік жұмыс аптасына сәйкес нақты демалыс кестесін ұсынамыз.

Мемлекеттік мерекелер – Жаңа жыл мен православтық Рождество мерекелерінің арқасында қазақстандықтар жалпы 12 демалыс күн демалады.

Жаңа жыл мен Рождествоға арналған демалыс күндерінің кестесі

Жаңа жыл мерекесінің ресми демалыс күндері 1 және 2 қаңтар деп белгіленген. Алайда күнтізбелік демалыстарды ескергенде кесте төмендегідей болады:

Аптасына 5 күн жұмыс істейтіндер үшін:

21 желтоқсан, жексенбі күні Қазақстанның көптеген аймақтарында қар жауып, боран соғады деп күтілуде. Солтүстік-батыс, солтүстік, шығыс және орталық облыстарда қатты қалың қар жауады деп күтілуде.

Синоптиктердің болжауынша батыс пен оңтүстік аймақтарында жаңбыр мен қар жауады. Республика оңтүстік және оңтүстік-шығыс таулы аудандарында қарлы боран күтілуде.

Сондай-ақ елдің басым аймағында тұман, көктайғақ және желдің күшеюі күтілуде.

Республикасының солтүстік-батыс, солтүстік, шығыс және орталық облыстарында ауа температурасы 0…–5 °C ден –18…–30 °C дейін өзгеріп тұрады. Қостанай және Солтүстік Қазақстан облыстарында қатты аяз болады – температура –33…–35 °C дейін төмендейді. Басқа өңірлерде температураның айтарлықтай ауытқуы күтілмейді.