Жаңалықтар

Тегеран бес елдің кемесіне бұғатталған Ормұз бұғазынан өтуге рұқсат берді. Бұл туралы елдің СІМ басшысы Аббач Аракшы мәлімдеді деп жазады Tasnim агенттігі.

«Біз Ормұз бұғазы арқылы өтуге өзімізге дос деп санайтын бірнеше елге рұқсат бердік: мәселен, Ресей, Үндістан, Ирак, Қытай және Пәкістан. Ал қарсыластарымыздың бұғазды пайдалануына жол берудің ешқандай қисыны жоқ», – деді ол.

Bloomberg жазуынша, Иран аталған елдердің тек ақы төлеп өтуіне рұқсат берген. Қазірдің өзінде Үндістан, Ирак, Малайзия мен Қытай да Тегеранмен тікелей келіссөздер жүргізіп, кемесін ақылы түрде өткізуге тырысып жатыр.

Ормұз бұғазы – Парсы шығанағы мен Оман шығанағын жалғайтын негізг...

Батыс Қазақстан облысында ұшқышсыз ұшу аппараты (ҰҰА) табылды. Дронның суреті әлеуметтік желілерге таралып кетті, бірақ қандай аппарат екені және кімге тиесілі екені әзірге белгісіз.

Ақжайық ауданының тұрғындары ұшқышсыз аппаратты суретке түсіріп алған. Полиция дрон құлағанын растады және қазір мән-жайы анықталып жатқанын хабарлады.

«Батыс Қазақстан облысының Полиция департаменті уәкілетті қызметтермен бірлесіп, Ақжайық ауданында ұшқышсыз ұшу аппаратының фрагменттеріне ұқсас заттардың табылу дерегі бойынша тексеру шараларын жүргізуде. Объект елді мекен аумағынан тыс жерден табылған. Қазіргі уақытта оқиғаның барлық мән-жайы анықталып жатыр», – деп жазылған хабарламада.

Былтыр күзде Батыс Қазақстан облысының Бөрілі ауданында белгісіз дрон жарылып, Қызылтал ауылының тұрғындары дүр...

Әлемнің бірінші ракеткасы Арина Соболенко мен рейтингтің екінші сатысындағы Елена Рыбакина Майамидегі (АҚШ) WTA-1000 турнирінің жартылай финалына жолдама алды.

Ширек финалдық ойындар

Жартылай финалға шығу үшін Елена Рыбакина әлемнің бесінші ракеткасы Джессика Пегуламен шеберлік байқасты. Ал Арина Соболенко ширек финалда америкалық Хейли Баптистті жеңіп шықты.

Айта кетейік, осыған дейін 16 наурызда Индиан-Уэллс турнирінің финалында бұл екі спортшы өзара кездескен болатын. Тартысты бәсекеде Рыбакина Соболенкоға 3:6, 6:3, 6:7 (6:8) есебімен есе жіберген еді.

Рыбакина мен Соболенко арасындағы кездесу 27 наурыз күні Қазақстан уақытымен сағат таңғы 05:30-да басталады деп жоспарланған.

Турнирдің екінші жартылай финалдық жұбында америкалық Кори Гауфф (WTA...

Танымал әнші әрі кәсіпкер Мөлдір Әуелбекова Instagram желісіндегі парақшасына кішкентай қызының жылап тұрған видеосын салды. Оған себеп – Айарудың ағасына деген қимастығы болыпты.

Видеода Әуелбекова қызы Айарудың көз жасын сүртіп: «Ағаға барамыз, жарай ма? Қазір билет аламын. Келістік пе?», – деп жатты. Әншінің айтуынша, тұңғышы – Салтай алғаш рет шетелге өзі бара жатыр екен.

1,4 миллион оқырманы бар блогер – Бота Миа қашанда айрықша контентімен жұртты таңғалдырудан шаршамайды. Сол әдетіне басқан ол фоллоуерлеріне жаңаша образын көрсетпек болып фотосессия жасады. Әйтсе де, оның тым ашық киімі жанкүйерлерінің өзіне ұнамай, Бота хейттің астында қалды.     

Бота жатарда киетін және үй киімінің тым ашық-шашық түрін киіп, фотосессия ұйымдастырды. Қара түсті қысқа көйлек киген образын ол біз өкше туфлимен толықтырған. Оған қоса жатын бөлмеде, төсекте түсірілген фотоларға қарап, оқырман блогерді біршама сынап тастады. «Ораза біте сала.. Неге? Ұяң мінез Ботаның екінші аты еді. Ал не болды? Мұндай фотоларсыз-ақ жұлдызсың, әр нәрсенің шегі болады, ал сен шектен шығып кетт...

25 наурыз күні әлемдік нарықта алтын бағасы өсім көрсетті. Бұған АҚШ долларының әлсіреуі мен мұнай құнының төмендеуі себеп болды. Reuters басылымының жазуынша, бағасының арзандауы жаһандық инфляциялық қысым мен пайыздық мөлшерлемелерге қатысты инвесторлардың алаңдаушылығын біршама азайтты.

Сонымен қатар АҚШ пен Иран арасындағы соғысты тоқтатуға қатысты қарама-қайшы мәлімдемелер нарықтағы жағдайды тұрақсыз етіп отыр.

Алтынның споттық бағасы 1,84%-ға көтеріліп, бір трой унциясы үшін 4 556,1 долларды құрады.

OCBC сарапшысы Кристофер Вонгтың пікірінше, қысқа мерзімді болашақта алтын бағасы АҚШ Федералды резерв жүйесінің ақша-несие саясаты, доллар бағамы және геосаяси оқиғаларға тәуелді болып қала бермек.

Дегенмен қазіргі бағаның көтерілуі нарықтағы құлдырау кезінде бұл...

Экс-министр Нұрлан Байбазаров Президенттің экономикалық мәселелер жөніндегі көмекшісі болып тағайындалды. Осы шешімге байланысты ол бұған дейін атқарып келген Президент Әкімшілігінің инвестициялар және сауда бөлімінің меңгерушісі лауазымынан босатылды.

Нұрлан Байбазаров әр жылдары Қаржы министрлігі мен Ұлттық экономика министрлігінде жауапты қызметтер атқарған.

Сондай-ақ «Бәйтерек» холдингін, Қазақстанның Даму банкін және Өнеркәсіпті дамыту қорын басқарып, еліміздің ірі қаржы институттарында жетекшілік етті.

2024 жылдың ақпан айынан желтоқсанына дейін Премьер-министрдің орынбасары – Ұлттық экономика министрі қызметінде болып, елдің макроэкономикалық саясатына жауап берді.

Бұған дейін Ерболат Досаев Президент әкімшілігіндегі қызметінен босаған болатын.

Атыраудағы сауда-ойын-сауық орталықтарының бірінде 14 жастағы жасөспірім биіктіктен құлап, жарақат алды. Бұл туралы облыстық полиция департаментіне сілтеме жасап, «Ақ Жайық» басылымы хабарлады.

Тәртіп сақшыларының мәліметінше, кәмелетке толмаған бала орталықта ересектердің қарауынсыз жүрген. Ол кіреберістегі конструкцияға өрмелеп шығып, артынша төмен қарай секіріп кеткен.

Құлаған кезде жасөспірім жеңіл жарақат алды. Медициналық тексерістен өткен соң, ол үйіне жіберілді.

Баланы тәрбиелеудегі міндеттерін тиісінше орындамағаны үшін оның ата-анасы әкімшілік жауапкершілікке тартылды.

Сонымен қатар, құзырлы органдарға аталған нысандағы қауіпсіздік шараларының сақталуына қосымша тексеру жүргізу туралы нұсқама жолданды.

Бұған дейін Алматыда белгісіз біреулер 12 жастағы балаға шабуыл жасаған...

Қасым-Жомарт Тоқаевтың жарлығымен Ерболат Досаев Президент әкімшілігі басшысының орынбасары қызметінен босатылды.

Ерболат Досаев аталған жауапты лауазымға 2025 жылдың қыркүйек айында тағайындалған болатын.

Оған дейін еліміздің ірі мегаполисі – Алматы қаласының әкімі болған. 2025 жылдың 24 мамырында бұл қызметінен кетті. 

Сонымен қатар Ұлттық банк төрағасы, вице-премьер, ұлттық экономика министрі қызметін атқарған.

Жақында «Бәйтерек» ұлттық инвестициялық холдингі директорлар кеңесінің құрамына енді.

Курчатов қаласында мас әйел куәлігі жоқ болса да көлік жүргізіп, жол-көлік оқиғасының себепкері болған. Алдын ала мәлімет бойынша, ол мас күйінде жұбайының көлігін айдап шығып, тұрақта тұрған өзге көліктерді соққан.

Сараптама қорытындысы әйелдің орташа дәрежеде мас болғанын көрсетті. Сондай-ақ көлік иесі – құқық бұзушының жұбайы да сол сәтте ішімдік ішкені және көлікті басқаруға құқығы жоқ адамға бергені анықталды.

Оқиға салдарынан ешкім зардап шекпеген. Қазіргі уақытта екі азамат та әкімшілік жауапкершілікке тартылып, жиналған материалдар шешім шығару үшін сотқа жолданды.

Бұған дейін Алматы қаласындағы үш адамның өліміне әкеп соққан апатқа кінәлі Zeekr...

«Робокэш» микроқаржы ұйымы жалғыз акционеріне үш жылдан соң 2,4 млрд теңге дивиденд төлемек. Бұл мекеме Zaimer.kz және TezCredit.kz атымен жылдам несие береді.

17 наурызда Сингапурде өткен жиналыста микроқаржы ұйымының жалғыз қатысушысы осындай шешім қабылдаған. Компания 2023 жылы тапқан таза пайдасының бір бөлігін дивиденд ретінде төлеуге тиіс.

Төленетін соманың жалпы мөлшері 2 440 999 787 теңгені құрайды. Бұл қаражат ресми шешім қабылданған күннен бастап бір ай ішінде аударылуға тиіс.

Шарт бойынша, дивидендтер теңгемен емес, АҚШ доллары немесе еуро валютасында төленеді. Ал нақты сома төлем жасалған күнгі банктің валюта бағамына байланысты есептеледі.

Қор биржасындағы мәліметке сәйкес, микроқаржы ұйымыны...

Goal спорт басылымы NXGN 2026 рейтингін жариялап, әлемдік футболдағы ең үздік 50 жас талантты анықтады. Бұл тізімге Қазақстан ұлттық құрамасы мен алматылық «Қайраттың» шабуылшысы Дастан Сәтбаев еніп, 43-орынға тұрақтады.

Дастанға лондондық «Челси» үлкен қызығушылық танытып, оны осы жазда «Стэмфорд Бриджге» ауыстыру үшін 4 млн еуроға (шамамен 4,7 млн доллар) келісім жасап қойған.

Чемпиондар лигасы мен ұлттық құрамадағы рекорды

Дастан Сәтбаев халықаралық деңгейде бірнеше маңызды рекордты жаңартты. Былтыр желтоқсан айында еурокубоктардағы алғашқы голын соғып, ол Чемпиондар лигасында гол салған ең жас ойыншылардың тізімінде тек Ансу Фати мен Ламин Ямальға ғана жол берді.

Мемлекет басшысы Қасым-Жомарт Тоқаев Грек Республикасының ұлттық мерекесі – Тәуелсіздік күніне орай осы елдің Президенті Константинос Тасуласқа құттықтау жеделхатын жолдады. Бұл туралы Ақорда хабарлайды.

Президент өз жеделхатында Қазақстан мен Грекия арасындағы қарым-қатынастардың берік екенін атап өтті. Мемлекет басшысы екі ел арасындағы байланыс достық пен өзара іс-қимылға негізделгенін және оның әлеуеті өте жоғары екеніне тоқталды.

«Болашақта да сан қырлы ынтымақтастығымыз халықтарымыздың игілігі үшін беки түседі деп сенемін», – делінген құттықтау мәтінінде.

Тоқаев Грекия Президенті Константинос Тасуластың жауапты қызметіне табыс тілеп, Грекия халқына құт-береке мен бақ-дәулет тіледі.

Бұған дейін Қазақстан мен Иран Президенттер...

Хьюстон қаласында өткен CERAWeek халықаралық конференциясы аясында Қазақстанның Энергетика министрі Ерлан Ақкенженов пен АҚШ Энергетика министрі Кристофер Райт екіжақты кездесу өткізді. Келіссөздердің басты тақырыбы жаһандық энергетикалық қауіпсіздік, жаңа экспорттық бағыттарды дамыту және инвестициялық байланыстарды күшейту болды.

32 жылдық серіктестік пен 60 млрд доллар инвестиция

Тараптар екі ел арасындағы мұнай-газ саласындағы 32 жылдық стратегиялық әріптестіктің маңызына тоқталды. Осы уақыт ішінде америкалық компаниялар Қазақстанның энергетика секторына 60 миллиард доллардан астам инвестиция құйған.

«ExxonMobil» және «Chevron» корпорациялары еліміздегі ең ірі үш жоба: Теңіз, Қарашығанақ және Қашаған кен орындарының негізгі серіктестері. Бұл жобалар Қазақстан мұнайының шамамен 70%-ын өндіреді. Министр...

Алматы қаласының Әл-Фараби даңғылында орын алған, үш адамның өліміне әкеп соққан жол-көлік апатына қатысты жаңа деректер шығып жатыр. Журналист Михаил Козачковтың мәлімдеуінше, Zeekr автокөлігін басқарған 32 жастағы кәсіпкер, көлік тасымалы саласындағы екі ірі компанияның құрылтайшысы Александр Пак болып шықты.

Қазіргі таңда құқық қорғау органдары аталған факт бойынша сотқа дейінгі тергеу амалдарын жүргізіп, ал қоғам өкілдері мен марқұмдардың жақындары істің объективті қаралуын талап етіп жатыр.

Түнгі тасжолдағы ажал

Қайғылы оқиға 21 наурыз түнгі сағат 03:30 шамасында, Әл-Фараби даңғылы мен Меңдіқұлов көшесінің қиылысында болған. Мәліметтерге қарағанда, Zeekr маркалы көліктің тізгінінде 32 жастағы кәсіпкер Александр Пак болған. Ол...

Егер Ормуз бұғазы бірнеше айға жабылып қалса, мұнай бағасы 150 доллардан асып кетуі мүмкін. Teniz Capital сарапшыларының ойынша, бұл АҚШ экономикасын тығырыққа тірейді: бағалар шарықтап, өндіріс тоқтайды. Тіпті президент Трамптың ФРЖ басшысына «пайызды төмендет» деп қысым көрсетуі де 50 жыл бұрынғы тарихи қателікті еске түсіріп отыр. Ол кезде мұндай саяси қысым үлкен дағдарысқа әкелген болатын.

2026 жылдың ақпан айының соңында басталған геосаяси қақтығыстар мұнай нарығын алай-дүлей етті. Небәрі екі аптаның ішінде мұнай бағасы 70 доллардан 120 долларға дейін бірақ көтерілді. Бұған басты себеп – әлемдік мұнайдың төрттен бірі өтетін Ормуз...

Олимпиада чемпионы, әйгілі былғары қолғап шебері Серік Сәпиев Қазақстан бокс федерациясы Президентінің боксты дамыту жөніндегі кеңесшісі қызметіне тағайындалды. Бұл туралы бокс федерациясы хабарлады.

Серік Сәпиевтің федерацияға келуі оның мемлекеттік қызметтегі ротациялық өзгерістерінен кейін орын алып отыр.

Еске сала кетейік, Серік Сәпиев төбелестен кейін Қарағанды облысының дене шынықтыру және спорт басқармасының басшысы қызметінен босатылған еді.

Артынша, Туризм және спорт министрінің штаттан тыс кеңесшісі болып тағайындалған еді.

Абай облысында жол-көлік оқиғасы салдарынан бір адам қаза тапты.

Полиция мәліметінше, 23 наурыз күні сағат 15:00 шамасында «Семей – РФ» автожолының Семейден 15 шақырым жерінде апат болған. ВАЗ-21144 көлігінің жүргізушісі қарсы қозғалыс жолағына шығып кеткен.

Оқиға салдарынан ол Nissan Almera автокөлігімен бетпе-бет соқтығысқан. ВАЗ-21144 жүргізушісі алған жарақаттарынан оқиға орнында қайтыс болды.

Аталған факті бойынша полиция сотқа дейінгі тергеп-тексеруді бастады. Оқиғаның барлық мән-жайын анықтауға бағытталған тергеу әрекеттері жүргізіліп жатыр.

Еске салсақ, 24 наурыз күні Volvo жүк көлігінің жүргізушісі жылдамдықты асырып, жол жөндеу жұмыстарын жүргізіп жатқан тиегішпен соқтығысқан еді. Астана – Петропавл тасжолында жұмыс істеп жүрген тиегіш жүргізушісі зардап шеккен.

Эр-Рияд АҚШ-қа «Король Фахд» авиабазасын пайдалануға рұқсат беріп, әскери іс-қимылдарға қатысу туралы шешім қабылдауға жақындап отыр. БАӘ Дубайдағы ирандық мекемелерді жапты және иран активтерін бұғаттауға дайын екенін мәлімдеді, деп хабарлайды The Wall Street Journal.

The Wall Street Journal мәліметінше, Парсы шығанағындағы АҚШ одақтастары Иранға қарсы қақтығысқа біртіндеп тартылып жатыр. Шабуылдар аймақ елдерінің экономикасына қысым жасап, Тегеранның Ормуз бұғазына бақылауын күшейту қаупін арттырған.

Бұған дейін Эр-Рияд өз аумағын Иранға қарсы соққы үшін пайдалануға қарсы болған. Қазір ұстаным өзгеріп отыр.

Дереккөздердің сөзінше, тақ мұрагері Мұхаммед бен Салман енді тежеу тетігін қалпына келтіруге ұмтылып отыр және әскери іс-қимылдарға қатысу туралы...

Денсаулық сақтау министрлігі қантты шамадан тыс тұтынудың қауіпті екенін ескертіп, оны азайтудың нақты жолдарын ұсынды.

Мамандардың айтуынша, ең алдымен тәтті сусындарды шектеу қажет. Мысалы, небәрі 0,5 литр газдалған сусынның өзінде шамамен 10 шай қасық қант болады. Оның орнына қарапайым ауыз суды таңдаған дұрыс.

Сонымен қатар мамандар мына кеңестерді ұсынады:

– Тәтті тіскебасарлардан бас тартыңыз. Олардың орнына жемістер, жидектер, жаңғақтар мен дәндерді таңдаңыз. Кептірілген жемістер мен жидектердің қант қосылмаған түрін таңдаңыз, бірақ оларды да аптасына 2–3 порциядан (1 порция – 20 грамм немесе шамамен 2 ас қасық) артық тұтынбаңыз.

– Тәтті йогурттар мен сүзбелі кремдердің орнына қоспасыз йогурт пен...

Kursiv Media зерттеуінше, Қазақстанның мемлекеттік бюджетін толықтыруда мұнай-газ секторы сөзсіз көшбасшы болып қала бермек. Алайда, Кірістер комитетінің мәліметінше, 2025 жылғы салықтық түсімдердің жаңа деректері экономикадағы басқа да ойыншылардың, соның ішінде қаржы институттары мен тау-кен металлургия кешенінің ұлттық қазынадағы салмағы артып келе жатқанын айқын көрсетеді.

Ақмола облысында жол жөндеу жұмыстары жүргізіліп жатқан аумақта жүк көлігі мен арнайы техника соқтығысып, бір адам жарақат алды. Бұл туралы «ҚазАвтоЖол» хабарлады.

Оқиға 2026 жылғы 24 наурызда сағат 10:30 шамасында республикалық маңызы бар КАЗ-02 автожолының 76-шақырымында болған. Алдын-ала мәлімет бойынша, Астана бағытына қарай келе жатқан «Вольво» жүк көлігі жол жөндеу жұмыстары кезінде «КАЖсервис» ЖШС-нің тиегішімен соқтығысқан.

«ҚазАвтоЖолдың» мәліметінше, апатқа жүргізушінің қауіпсіз жылдамдық пен арақашықтықты сақтамауы себеп болған.

Салдарынан тиегіш жүргізушісі жарақат алып, жедел жәрдем көлігімен ауруханаға жеткізілді.

Айта кетейік, қысқы маусымда елде жол-құрылыс техникасының қатысуымен 22 жол-көлік оқиғасы тіркелген.

Әлемдік авиация саласы жаңа дағдарыс қаупіне тап болды: Еуропа мен Азияның бірқатар елдерінде авиаотын қоры, сала өкілдерінің бағалауынша, небәрі бір айға жетуі мүмкін. Таяу Шығыстағы қақтығыстың ушығуы аясында әуе компаниялары мен әуежайлар авикеросин жеткізілімнің азаюы мен бағаның одан әрі өсуінен қауіптеніп, шұғыл түрде дағдарысқа қарсы жоспарлар әзірлеуде.

Халықаралық тасымалдаушылар жағдайдың ең күрделі сценарийіне дайындала бастаған

Financial Times басылымының жазуынша, әуе компанияларының басшылары мамыр айына отын жеткізілімін кепілдендіру барған сайын қиындап жатқанын мойындайды. Ал жеткізушілер отынның бар екенін тек алдағы бірнеше аптаға ғана растап, ұзақ мерзімді міндеттемелерден бас тартып отыр.

Air France-KLM компаниясының басшысы Бен Смит отын тапшылығы жағдайына арналған...

Астана мен Алматы әуежайлары әлемдегі ең үздік 100 әуежайдың қатарына енді. Рейтингті AirlineRatings халықаралық порталы жариялады.

Зерттеу 2025-2026 жылдарға арналған жаһандық сауалнама негізінде жасалған. Оған әлемнің түрлі елдерінен әуе жолаушылары қатысқан.

Тізімнің көшін Сингапурдағы Changi әуежайы бастап тұр. Ол бұл атақты 14-рет иеленді.

Қазақстанның екі мегаполисіндегі әуежайлар рейтингте бір-біріне жақын орналасқан. Олар Лиссабон, Анкара және Барселона әуежайларын басып озды.

Рейтингке әлемнің ірі әуе хабтары енгізілген. Тізімді Португалиядағы халықаралық әуежайлардың бірі түйіндейді.

Бұған дейін Астанада жаңа әуежай салу жобасы пысықталып жатқаны хабарланған. Мамандар оның орналасуы мен заманауи талаптарға сәйкестігін қарастырып жатыр.