Жаңалықтар

Қазақстандықтардың инфляцияға қатысты алаңдаушылығы күшейіп келеді. Күз соңына қарай халықтың бағаға қатысты күтулері айтарлықтай нашарлағаны байқалады. Ұлттық банктің сауалнамасына сәйкес, респонденттердің 13,9%-ы алдағы 12 айда инфляция 20%-дан да жоғары болады деп есептейді.

Қазан айында мұндай пікірдегі азаматтар 11,4% ғана болған еді. Сондай-ақ 16–20% аралығындағы инфляцияны күтетіндер тобы да ұлғайып, бір айда 10,1%-дан 11,9%-ға дейін өсті.

Сонымен бірге халық болжам айтуда өз пікіріне сенімді бола бастады: «жауап беруге қиналамын» дегендер үлесі 54,3%-дан 47,8%-ға дейін азайған. Бұл белгісіздік бәсеңдеп, баға одан әрі өсуі мүмкін деген түсінік күшейгенін көрсетеді.

Осы көңіл-күй қазіргі ресми мәліметтермен де байланысты. 2025 жылдың қараша...

Алматыдағы Халықаралық жас ғалымдар конгресінде сөз сөйлеген Оқу-ағарту министрі Жұлдыз Сүлейменова қоғамда жиі көтеріліп жүрген өзекті мәселе – пәндерді біріктіріп оқыту жөніндегі бастама тоқтатылатынын айтты.

«Қазіргі таңда біздің қоғамда жаратылыстану пәндерін қосып оқытуға байланысты, яғни, химия, физика, биология пәндерін бір пәнге біріктіру туралы қызу талқы жүріп жатыр. Енді бұл пәндер кіріктірілмейтін болды. Физика физика ретінде, химия химия ретінде, биология биология ретінде бөлек оқытылатын болады. Әрқайсысы жеке пән ретінде өз мәртебесін сақтап, пәндерді біріктіру реформасы бүгіннен бастап тоқтатылатын болады»,  –  деді Сүлейменова.

Министрлік ұстанымынша, жаратылыстану пәндерін жеке оқыту мектеп жасында оқушылардың фундаменталдық ғылымды терең, жүйелі меңгеруге...

Еуразиялық экономикалық одақ (ЕАЭО) елдерінің үкімет басшылары кеңесінде Қазақстан азаматтар аукциондар арқылы сатып алған көліктерді, сондай-ақ көлік қауіпсіздігі сертификаттарының көшірмелерімен әкелінген автокөліктерді елге кіргізуге тыйым салуды ұсынды. Бұл туралы «Коммерсантъ» басылымы хабарлады.

Кеңес барысында ЕАЭО елдері арасындағы сауданы заңдастыру мәселелері талқыланды. Ең даулы ұсыныстардың бірі –  Қазақстан тарапының онлайн-аукциондар арқылы сатып алынған және сертификат көшірмесімен әкелінетін көліктерді импорттауға тыйым салу туралы бастамасы болды. Бұл бастамаға Қырғызстан қарсылық білдірді, себебі ол елде дәл осы тәсілмен көлік әкелу кең таралған.

Бұл мәселені мемлекет басшыларының деңгейінде талқылау туралы шешім қабылданды.

Сондай-ақ Қазақстан премьер-министрі Олжас Бектенов өнеркәсіптік кооперация механизмін жетілдіруді ұсынды...

Украина 11 желтоқсан, бейсенбі күні Каспий теңізіндегі ірі мұнай платформасына соққы жасағанын мәлімдеді. Украин әуе күштері Ресейдің осы теңіздегі өндіріс инфрақұрылымдарына алғаш рет шабуылдап отыр, дейді CNN дереккөзі.

Қазақстанға өте жақын

Дрондар нысанына айналған «Филановский» мұнай платформасы санкциялар қысымына ұшыраған «Лукойл» компаниясына тиесілі. Ол Ресейдің Каспий теңізі секторындағы ең ірі мұнай кен орны. Ол Қазақстанның Қашаған, Құрманғазы және Хазар кен орындарына өте жақын маңда орналасқан.

Телеарна 2024 жылдан бері Киевтің ресейлік энергетика нысандарына шабуылын үдеткеніне мән беріп отыр. Енді украин әуе күштері мұнай өңдеуші зауыттарды ғана емес, мұнай-газ экспорттайтын инфрақұрылымға, құбырларға, танкерлерге, сонымен бірге теңіздегі бұрғыларға...

Ресейлік Wildberries маркетплейсі платформасындағы сатушыларды жалпыға бірдей белгіленген режимге ауысуға міндеттеді. Бұл жайлы Uchet.kz жазады.

Жаңа Салық кодексі бойынша, жеңілдетілген салық режимін қолданатын тұлғалардан алынған тауарларға, жұмыстарға және қызметтерге жұмсалған шығындарды корпоративтік табыс салығын есептеу кезінде ескеруге болмайды.

Яғни бұрын компания жеңілдетілген режимдегі кәсіпкерден қызмет немесе тауар алса, оған салық салмайтын. Мәселен, 10 млн теңге табыс тауып, оның 2 млн теңгесі шығын болса, онда салық тек 8 млн теңгеден есептелетін.

Ал енді компания жеңілдетілген режимдегі кәсіпкерден тауар немесе қызмет сатып алса да, оны шығын деп есептемей салық салынады. Яғни 8 емес 10 млн теңгеге тұтас салық алады.

Freedom Holding Corp. бас директоры Тимур Турловқа қарсы кезекті PR-шабуыл 2025 жылғы 11 желтоқсанда анонимді Telegram-арналарында басталды.

Бұл арналар әдетте жағымсыз материалдар жариялаумен және біреудің ізіне түсумен айналысады. «Фридом Финанс» брокерлік компаниясы жөнінде әдейі жалған ақпарат таратқаны үшін «KazTAG» агенттігіне қатысты қозғалған қылмыстық істің аясында шабуыл өршіп отыр.

Ресейлік анонимді Telegram-арналар желісінде бірдей мәтін мен агрессивті риторика қолданылған ондаған жазба жарияланды. Бұл олардың ұйымдастырылған науқан екенін көрсетеді. Материалдарды «Компромат ГРУПП», FBI Russia, Dossier RU, «Компроматор», Spootnick, «Власть KG», «Зодчий», «Компромат СПБ», «Тимур и его команда», «Павел Корчагин», «Генераль Лебедь», «Глеб Жеглов», «Москвач Компромат Москвы», «K1», «Sputnik Russia», «Досье RU», «ОСТОРОЖНО...

Француз киносының аңызы Ален Делонның кіші ұлы Ален-Фабьен швейцариялық сотқа жүгініп, әпкесі Анушканы әкесінің өсиетінен алып тастауды талап етті. Бұл туралы RTL хабарлады.

Іс бойынша сот отырысы 2026 жылдың наурыз айына белгіленген. Ален-Фабьеннің айтуынша, әкесі 2019 жылы инсульт алғаннан кейін когнитивтік қабілеттерінің әлсіреуіне тап болған, мұны бірнеше дәрігер растаған.

Оның сөзінше, актер 2022 жылы жаңа өсиетке қол қойған кезде әрекетке қабілетсіз болған. Дәл сол өсиетте Ален Делон брендін басқаратын компанияның бақылау пакеті – 51% акция қызы Анушкаға берілген. Ал 2015 жылы жасалған алғашқы өсиетті Ален-Фабьен даулауға ниетті емес екенін айтты.

Кіші ұл Анушканың нотариусқа баруды өзі талап етіп, әкесінің шешімдеріне...

ERG холдингіне кіретін «Қазақстан электролиз зауыты» 2024 жылғы тапқан табысынан акционерлеріне қомақты дивиденд төлеуді жоспарлап отыр. Бұл кәсіпорын – Қазақстандағы бастапқы алюминий өндіретін жалғыз зауыт.

Қазақстан қор биржасында жарияланған мәліметке сәйкес, әрбір жай акцияға 7,5 мың теңгеден бөлу қарастырылған.

Бұл қаржының бәрін зауыттың жалғыз акционері – EKT Holding алады. Ал EKT Holding-тің түпкі иесі Eurasian Resources Group S.a.r.l. (ERG ) компаниясы.

Ал ERG тобының 40 пайыз акциясын Қаржы министрлігі иеленеді. Қалған акциялары Forbes тізіміндегі байлардың отбасыларына тиесілі. Ибрагимовтар әулеті 20,7% акциясын иеленсе, марқұм Александр Машкевичтың мұрагерлері де 20,7% үлесті меншіктеген. Сонымен қатар компанияны...

2025 жылдың қараша айында қазақстандықтар 39 973 тұрғын үй сату-сатып алу келісімшартын рәсімдеген. Бұл қазан айымен салыстырғанда 3,1%-ға аз.

krisha.kz мәліметінше, сұраныстың төмендеуі ең алдымен пәтер нарығына әсер еткен және дәл осы сегментте құлдырау байқалды.

Ұлттық статистика бюросының дерегінше, жалпы мәміле санының ішінде:

Тұрғын үй ең көп сатып алынған өңірлер:

Ең аз тіркелген өңір– Ұлытау облысы:
барлығы 339 мәміле (0,8%).

Сұраныс қай өңірде артты, қай өңірде төмендеді

Айтарлықтай өсім байқалған...

Astana Motors компаниясы мен Қазақстан автомобиль одағы Алматының индустриалдық аймағында орналасқан автокөлік өндірісі орындарына «Қазақстандықтар жасаған» атауымен ауқымды пресc-тур ұйымдастырды. Оның барысында мультимедиалық жүйелер мен автомобиль орындықтарын өндіретін автокомпоненттер технопаркі, Hyundai Trans Kazakhstan және Astana Motors Manufacturing Kazakhstan зауыттарының тыныс-тіршілігі таныстырылды.

Ауқым. Қауіпсіздік. Қатаң стандарт

Astana Motors компаниясына кіретін өндіріс ошақтары Алматының индустриялдық аймағында орын тепкен зауыттардың ең үлкені. Аймаққа беттегеннен-ақ ауқымымен көзге түседі. Зауытқа кіру әуелі қауіпсіздік талаптарын тәптіштеп түсіндірумен басталды. Арнайы форма таратылып, ережелерді ұстану, белгіленген жермен ғана жүру керегі айтылды. Бұл әрі қауіпсіздік үшін, әрі өндіріс процесіне кедергі келтірмеу үшін жасалған. Себебі жұмыс дамылсыз жүріп жатады. Әр...

OpenAI тапсырмаларды шешуде модельдің жұмысы айтарлықтай жетілдірілген ChatGPT 5.2 нұсқасы шыққанын жариялады. Компания деректеріне сәйкес, жаңа нұсқа 5.1-мен салыстырғанда екі есеге жуық жақсы нәтиже көрсетеді.

5.2 қатары үш қолдану нұсқасын қамтиды:

5.2 нұсқасында кескіндерді өңдеу жақсартылған, яғни визуалды талдауға түрлі тапсырмалар орындауға болады. Сонымен қатар, модельдің білім базасы жаңартылды: енді ол 2025 жылдың 31 тамызына дейінгі деректерді қамтиды.

Бұл чат-боттың жұмысын жетілдіру үшін OpenAI компаниясы «Қызыл код» деген режим енгізді. Яғни басқа жобаларды ысыра тұрып, қызметкерлердің басым бөлігі 5.2 нұсқаны жетілдіруге атсалысты.

Еске салайық, 2026 жылдан бастап ChatGPT-мен төлем...

Алматыда полиция нәресте саудасымен айналысты деген күдікке ілінген ұйымдасқан топтың әрекетінің жолын кесті. Ішкі істер министрлігі әлеуметтік осал азаматтарды, оның ішінде кәмелетке толмағандарды да қамтыған қылмыстық схемалардың жолы кесілгенін хабарлады.

Елде адам саудасына қарсы жүргізілген «STOP-трафик» жедел іс-шарасы аясында жалпы 39 факті анықталған. Соның ішінде ең резонансты оқиғалардың бірі – Алматыда жаңа туған нәрестелерді сату фактілеріне қатысы бар қылмыстық топтың әшкере болуы.

ІІМ дерегінше, топ ұйымдастырушылары қиын жағдайға тап болған жас аналарды материалдық сыйақы үшін сәбилерін бөгде адамдарға беруге итермелеген.

«Барлық қатысушылар ұсталды. Қазір 20-дан астам қылмыстық іс тергелуде. Күдіктілерге мүлкін тәркілей отырып, 18

Қазақстандағы екінші деңгейлі банктер (ЕДБ) секторы жыл сайын өзгерістер мен жаңалықтарға толы. Биыл Қазақстанның банктік нарығына тағы екі жаңа ойыншы қосылды: КМФ Банк пен БНК (Би Эн Кей) банктері. Енді елімізде 23 екінші деңгейлі банк бар, бұл нарықтағы бәсекелестікті одан әрі күшейтуі мүмкін.

Шолу: банк секторының негізгі көрсеткіштері

Қазіргі уақытта Қазақстанның екінші деңгейлі банктерінің активтері жыл басынан бері 10,2%-ға өсіп, 67 806 млрд теңгені құрады. Бұл өсім банктердің экономикадағы рөлін нығайтып, несие портфелінің ұлғаюына ықпал етті. Жалпы, банктердің несие портфелі 17,4%-ға өсіп, 42 074 млрд теңгеге жетті.

Банктердің негізгі табысы 811,6 млрд теңгені құрағанымен, таза табыс 12,1%-ға өсіп...

Еуразиялық экономикалық одақ құрылғалы бері Қазақстан мен одақққа мүше елдер арасындағы саудаөсаттық 90 пайызға артқан. Бұл туралы Премьер-министр Олжас Бектенов Еуразиялық үкіметаралық кеңестің кезекті отырысында мәлімдеді.

Оның айтуынша, Қазақстан интеграцияны тереңдетуге, экономикалық ынтымақтастықты кеңейтуге және үшінші елдермен сауда байланыстарын күшейтуге мүдделі.

Биыл ЕАЭО елдері экономикалық өсімге серпін беруі тиіс бірқатар келісімге қол қойған. Солардың бірі – «IV Үлкен» Хаттама. Құжат одақтың базалық шартын жаңғыртып, оның институттарын жетілдіруге бағытталған.

Сонымен қатар БАӘ, Моңғолия және Индонезиямен жасалған халықаралық келісімдер ЕАЭО-ның сыртқы экономикалық кеңістігін кеңейте түспек.

ЕАЭС аясындағы электронды сауда көлемі 80 миллиард...

Қазақстандықтар енді БЖЗҚ-дағы қаражатын пластикалық операция жасауға пайдалана алмайды. Бұ туралы «Отбасы банк» АҚ хабарлады.

Бұған дейін enpf-otbasy.kz платформасында стоматология мен офтальмологияға БЖЗҚ қаражатын пайдалану тоқтатылды.

Содан кейін азаматтар жаппай реконструктивті және пластикалық операция жасауға ақша ала бастаған. Яғни операциядан кейінгі тыртықты түзету және туа біткен ақауды коррекциялауға сұраныс артқан.

«Отбасы банк мұндай өтінімдердің саны бойынша күрт өсімді байқaды. Бұрын банкке пластикалық оталарға БЗҚ қаражатын пайдалану туралы азаматтардан орта есеппен 16 өтініш түсетін. Алайда қыркүйекте стоматология бойынша өтінім қабылдау тоқтаған кезде олардың саны 123-ке дейін өсті, қазанда...

Владимир Зеленский Ресейге кейбір аумақты қалдыру туралы мәселені Украина халқы шешуі керек деп есептейді. Бұл жайлы ол журналистермен кездесуде айтты.

«Бұл сұраққа Украина халқы жауап беруі керек деп есептеймін. Сайлау немесе референдум болсын, Украина халқы өз ұстанымын ашық айтуы керек», – деді ол.

Оның сөзінше, Киев АҚШ-қа «бейбітшілік жоспарының» жаңаланған нұсқасын жіберген. АҚШ тараптар арасын реттеу үшін Ресей және Украина әскері тұрған шығыс өңірде «еркін экономикалық аймақ» құруды талап етіп отыр.

«Олар украиналық әскер Донецк облысының аумағынан кетіп жатқанын көріп отыр. Ендігі келісім ресейлік әскер бұл аумаққа кірмеу...

Жұма, 12 желтоқсан, жарқын әрі өнімді өтуі мүмкін. Geocult.ru деректеріне сүйене отырып, Kursiv LifeStyle барлық жұлдыз белгілеріне арналған күндік болжам ұсынады.

Тоқты

Меркурийдің Мергенге өтуі келіссөздерге, оқуға және шетелдік серіктестермен байланыс орнатуға қолайлы жағдай жасайды. Жаңа идеялар перспективалы болуы мүмкін. Алайда күнделікті істерде ұқыптылық пен мұқияттылықты талап етеді. Белсенділік пен тәртіп табысқа жеткізеді.

Торпақ

Сіздің белгіңіздегі ретроградты Уран мен Бикештегі Ай табыс көздерін және жұмыс тәсілін қайта қарауға итермелейді. Қаржылық жағынан күтпеген түсімдер болуы мүмкін, әсіресе инвестиция немесе қарыз мәселелерінде. Жеке өмірде жауапкершілік пен өзара қолдау маңызды. Ортақ қаржы құжаттарын реттеуге қолайлы күн.

Егіздер

Меркурий серіктестік секторды белсенді етіп, келісімшарттар...

Халықаралық бейбітшілік және сенім жылына арналған форумға қатысу үшін президент Қасым-Жомарт Тоқаев Ашхабад қаласына келіп, Түрікменстан халық мәслихатының төрағасы Гурбангулы Бердімұхамедовпен әуежайда кездесіп, келіссөздер жүргізді.

«Бұл басқосу Түрікменстанның жаһандық ауқымдағы ахуалды тұрақтандыруға, сондай-ақ Орталық Азиядағы достық пен ынтымақтастыққа негізделген қарым-қатынасты нығайтуға қосқан тағы бір елеулі үлесі болмақ», – деді Тоқаев.

Ол Түрікменстан президенті Сердар Бердімұхамедовтің Қазақстанға жасаған мемлекеттік сапарына оң баға беріп, жоғары деңгейде қол жеткізілген уағдаластықтарды жүзеге асырудың маңызды екенін атап өтті.

Бердімұхамедов болса, Түрікменстанның тұрақты бейтараптығының 30 жылдығына орайластырылған форумға қатысуға келгені үшін Қазақстан президентіне ризашылығын білдірді.

Сенат спикері Мәулен Әшімбаев Рим папасы XIV Лев Қазақстан президенті Қасым-Жомарт Тоқаевтың сәлемін жеткізіп, оны Қазақстанға сапармен келуге ресми түрде шақырды.

Кездесу барысында Мәулен Әшімбаев Қазақстанда бейбітшілік пен дінаралық диалогты ілгерілетуде Ватиканның тұрақты қолдауын атап өтті. Сондай-ақ, Астана бейбітшілік декларациясын: климат жөніндегі бастамалардан бастап АИ-ді дамытудың этикалық кодексін әзірлеуге дейінгі жұмыстар туралы айтты.

Понтифик Қазақстанның түрлі дін өкілдері арасындағы келісімді нығайтуға қосқан үлесін жоғары бағалады және Ватиканның бірлескен ынтымақтастықты жалғастыруға дайын екендігін растады.

Жаңадан сайланған Рим папасы шетелге алғашқы сапарын мұсылман елдерінен бастайтыны қазанның басында мәлім болған.

11 желтоқсаннан бастап Қазақстанда тауық жұмыртқаларын импорттауға уақытша тыйым салынды.

Ауыл шаруашылығы министрлігінің бұйрығына сәйкес, тыйым бір айға созылады және көліктің барлық түрлеріне қолданылады. Бұл жұмыртқаларды Еуразиялық экономикалық одақ елдерінен де, басқа елдерден де әкелуге болмайтынын білдіреді.

Дегенмен, ерекшеліктер бар. Шектеу жұмыртқалардың Қазақстан аумағы арқылы транзитіне, егер олар басқа елге барса, сондай-ақ, жұмыртқалардың ЕАЭО елдері арасында Қазақстан арқылы өтуіне қатысты емес.

Ауыл шаруашылығы министрлігінің ақпаратына сүйенсек, қазақстандық жұмыртқа өндірушілерді қолдау және ішкі нарықты қорғау үшін уақытша тыйым салынды. Мақсат – жергілікті фермаларға тұрақты жұмыс істеуге және елді өніммен қамтамасыз етуге мүмкіндік беру.

Ауыл шаруашылығы министрлігі, сонымен қатар, Еуразиялық экономикалық комиссияға...

Қазақстанның орталығында, батысы мен оңтүстігінде кей жерлерде көктайғақ, солтүстігінде қар, боран күтіледі. «Қазгидромет» 12 желтоқсанға ауа райы болжамын жария етті.

Астанада көшпелі бұлт, қар, жел 9-14 м/с., түнде ауа температурасы -11…-13°C, күндіз -3…-5°C.

Алматыда көшпелі бұлт, жауын-шашынсыз, жел 3-8 м/с., түнде температура -7…-9, күндіз + 4… + 6°C.

Шымкентте көшпелі бұлт, қар аралас жаңбыр, жел 8-13 м/с., ауа температурасы түнде +3… + 5°C, күндіз +9…+11°C.

Ақтауда бұлтты, жауын-шашынсыз, жел 5-10 м/с., түнде ауа температурасы -3…-5°C, күндіз 0…+2°C.

Ақтөбеде көшпелі бұлт, жауын-шашынсыз, жел 8-7 м/с., түнде ауа температурасы -13…-15°C, күндіз -6…-8°C.

Атырауда көшпелі бұлт, қар жауады, жел 15-18 м/с., ауа температурасы...

Энергетика министрлігі КҚК терминалындағы оқиғаға байланысты 4 миллион тонна мұнайдан «айрылғаны» туралы ақпаратты жоққа шығарды. 4 миллион тонна айырмашылық – бұл құбырдың бос қуаты, өндірудің немесе экспорттың түсуі емес.

Энергетика министрлігінің түсініктемесі

2025 жылға арналған жоспар – 57 млн тонна, нақты болжам — шамамен 68 млн.

Теңіз терминалындағы оқиға тек 480 мың тоннаға өндірісті уақытша түзетуге әкелді, ол толығымен толтырылады.

Бюджет зардап шекпейді-мұнай компаниялардың активтерінде қалады және терминал қалпына келтірілгеннен кейін жүзеге асырылады.

Қазір КҚК-мен не болды

Жөнелту VPU-1 жүйесі арқылы жалғасады. VPU-3 жөндеу жұмыстары 15 желтоқсанға дейін аяқталады, содан кейін өткізу қабілеті қалыпты жағдайға оралады.

Жағдайды...

Сәкен Бибосынов IBA қамқорлығымен Дубайда өтіп жатқан бокстан әлем чемпионатының финалына шықты. Шешуші жекпе-жекте оған ресейлік Вячеслав Рогозин қарсы болады.

Қазақстандық боксшы Сәкен Бибосынов (54 кг) Халықаралық бокс қауымдастығының (IBA) қолдауымен Дубайда өтіп жатқан ерлер арасындағы әлем чемпионатының финалына жолдамаға таласты.

IBA ерлер арасындағы Әлем чемпионаты 2025

1/2 финал

54 кг. Сәкен Бибосынов – Тапа Чандра Бахадур (Непал) – 5: 0

Жартылай финалда біздің спортшы бірауыздан шешімімен непалдық Тапу Чандра Бахадурды жеңді. Ертең, 12 желтоқсанда шешуші жекпе-жекте Бибосыновқа ресейлік Вячеслав Рогозин қарсылас болады.

Бүгін кешкі сессия барысында рингке Оразбек Асылқұлов (63,5 кг) және Абылайхан Жүсіпов...

Ауа райының күрт нашарлауына байланысты темір жолдың бірқатар учаскелерінде шектеулер мен қосымша қауіпсіздік шаралары енгізілді, деп хабарлады «Қазақстан темір жолы» АҚ баспасөз қызметі.

10 желтоқсанда Достық станциясының ауданында екпіні 20 м/с-тан асқан солтүстік-батыс бағыттағы жел жағдайды күрделендіре бастады. Осыған байланысты станциядағы жөндеу жұмыстарын -10 желтоқсанда сағат 20:15-тен келесі күні 02:00-ге дейін тоқтатуға тура келді.

Ауа-райының қолайсыздығына байланысты жолдарды тазарту үшін 114 теміржолшы, оның ішінде түнде жұмыс істейтін 67 қызметкер тартылды. Қазір станцияда бағыттамалық бұрмаларды қардан тазартатын 25 қызметкер жұмысын жалғастыруда. Бірақ 30 м/с дейінгі екпінді дауылды жел Достық станциясының өзінде де, жүк тасымалы мәжбүрлі түрде шектелген Бескөл-Достық учаскесінде де...