Жаңалықтар

Президенттер Қасым-Жомарт Тоқаев пен Масуд Пезешкиан Қазақстан-Иран бизнес-форумына қатысты. Ақорданың баспасөз қызметі хабарлағандай, екі елдің көшбасшылары сауданы күрт ұлғайту және экономика, көлік, технология және экологиядағы әріптестікті кеңейту жоспарларын мәлімдеді.

2 млрд доллар тауар айналымына жету

Қазақстан-Иран бизнес форумында Қасым-Жомарт Тоқаев өткен жылы екі ел арасындағы тауар айналымы 340 млн доллардан асып, биыл бірнеше есе өсім күтілетінін айтты. Қазақстан мен Иран сауда көлемін алдымен 1 млрд долларға, содан кейін 2 млрд долларға дейін көтеруге келісті.

«Соңғы 20 жылда Иран Ислам Республикасы Қазақстан экономикасына 226 миллион доллардан астам инвестиция салды. Қазіргі уақытта біздің елімізде ирандық бизнес-қоғамдастық ашқан...

Қазақстандық қор биржасында (KASE) шетел валюталарымен сауда-саттық аяқталды. Доллардың теңгеге орташа өлшенген бағамы 520,22 құрады, бұл алдыңғы сауда күнімен салыстырғанда жоғары.

Айта кетейік, осыған дейін Ұлттық Банктің бірнеше ай бойы жүргізген еңбегі бір аптаның ішінде құнсызданған. 10 желтоқсанда Қазақстан қор биржасындағы (KASE) валюта саудасы барысында 1 доллар 518,22 теңге болған еді.

3 желтоқсаннан бастап теңге бағам бір доллар үшін 500 деңгейіне жақындағаннан кейін өз позициясын жоғалтуды жалғастыруда. Бүгін сауда-саттық 520,22 теңге деңгейінде жабылды.

Сонымен қатар, Қазақстан қаржыгерлерінің қауымдастығы жақын арада теңге бағамы бойынша болжамдар неғұрлым оптимистік бола бастағанын хабарлады. Респонденттер бір айдан кейін доллар шамамен 517,1 теңгені құрайды деп...

Теміртас Жүсіпов Дубайда өтіп жатқан бокстан ерлер арасындағы IBA Әлем чемпионатының қола медалінің иегері атанды. Ол ресейлік Эдмонд Худояннан жеңілді.

Осылайша 2021 жылғы Әлем чемпионатының алтынына Теміртас Жүсіпов 2025 жылғы әлем чемпионатының қоласын қосты.

Бүгін Дубайда бокстан ерлер арасындағы IBA әлем чемпионатында жартылай финалдық жекпе-жектер басталды. Қазақстандық спортшылардан бірінші рингке Теміртас Жүсіпов (48 кг) шықты.

Ерлер арасындағы IBA Әлем чемпионаты – 2025

1/2 финал

48 кг. Теміртас Жүсіпов – Эдмонд Худоян (Ресей) – 0: 5

Жартылай финалда Жүсіпов төрешілердің бірауыздан шешімімен 2023 жылғы әлем чемпионатының қола жүлдегері ресейлік Эдмонд Худояннан жеңіліп қалды. Осылайша біздің боксшы...

Қазақстандық «Ауру» триллер фильмі жергілікті прокат тарихында жаңа рекорд орнатты. Kursiv LifeStyle Айтөре Жолдасқалидің картинасы кассада қанша жинағанын айтады.

Фильм авторларының хабарлауынша, «Аурудың» кассасы 1 млрд теңгеден асып кеткен. Ол осындай нәтижелерге қол жеткізген ел тарихындағы алғашқы «21+» картина болды. Бұл ретте, фильм авторлары қатаң рейтингке байланысты туынды 600 миллионнан 800 миллион теңгеге дейінгі түсімді жоғалтты деп есептейді.

«Қазір фильмінің кинотеатрлардағы соңғы аптасы өтіп жатыр. Егер сіз фильмді әлі көрмеген болсаңыз — кинотеатрға келетін уақыт осы», – деп еске алды авторлар.

Естеріңізге сала кетейік, ерекше қатыгездік бейнелерінің әсерінен фильмнің біраз бөлігі қысқартылды. Заң бойынша...

Дәл қазір Шымкенттегі 36 мемлекеттк балабақша қызметкерлеріне 3 айдан бері әлеуметтік төлемдер, атап айтқанда міндетті зейнетақы жарналары және медициналық сақтандыруына арналған төлемдер төленбеген. Қарыз көлемі – 199 миллион теңге. Бұл туралы қалалық білім басқармасы мәлім етті.

Басқарма дерегінше, төлемдер қыркүйек айынан бері аударылмаған.

«Жағдай реттелу үстінде. Қазіргі уақытта қарызды өтеу жұмыстары жүргізілуде. Аталған кезеңге арналған төлемдер аптаның соңына дейін жүзеге асырылуға жоспарлануда», – делінген басқарма хабарламасында.

Бұған балабақшаларды ваучерлік қаржыландырудың пилоттық жобасы іске қосу негіз болған. Ресми мәлімет бойынша, пилоттық жоба балаларды балабақшаға қабылдау кезегін және орналастыруды автоматтандыру, сондай-ақ мемлекеттік білім беру тапсырысын орналастыру кезінде...

Оқу-ағарту министрлігі жекеменшік балабақшалардағы тәрбиешілердің жалақысын міндеттеп көтере ала ма? Бұл сұрақты Kursiv.media тілшісі ОКҚ алаңында Оқу-ағарту министрлігінің мектепке дейінгі білім беру департаментінің директоры Манара Адамоваға қойды. Адамова бұл мәселеге министрлік тікелей араласа алмайтынын айтты.

Адамованың айтуынша, мемлекеттен бөлінетін қаржы мемлекеттік және жекеменшік балабақшаларға бірдей көлемде беріледі. Төлем мөлшері министрліктің №597 бұйрығымен бекітілген әдістеме бойынша есептеледі.

Айлық балабақша құзыретінде

«Мемлекеттік балабақшаға да, жекеменшік балабақшаға да берілетін мемлекеттік тапсырыстың көлемі бірдей. Ол жан басына шаққандағы қаржыландыру әдістемесіне сәйкес есептеледі. Республика бойынша орташа есеппен 58 мың теңге көлемінде», – деді Адамова.

Ол сондай-ақ қаржыландыру сомасы өңірд...

Шымкент әкімі Ғабит Сыздықбеков «Ордабасы» футбол клубының ешқандай қарызы жоқ екенін мәлімдеді. Шаһар басшысының айтуынша, клубтың 2 млрд теңге көлеміндегі дефициті туралы тараған ақпарат шындыққа жанаспайды.

«Ордабасы» бюджетін қысқартты

Әкімнің сөзінше, қазіргі таңда клуб бекітілген кесте бойынша ғана қаржыландырылып жатыр, ал шығындар қысқартылған.

«2023 жылы мен қызметке келгенде, клубтың қомақты қарызы болды, өздеріңіз де білетін шығарсыздар. Қазір клубтың қарызы жоқ деп айтуға болады. Шығындар оңтайландырылды. Қаржыландыру белгіленген графикке сай жүзеге асып жатыр», – деді Сыздықбеков.

Футбол клубына инвестор табылды ма?

Әкім қазіргі уақытта клубты жекешелендіру бойынша әлеуетті инвесторлармен келіссөздер жүргізіліп жатқанын...

Ұлттық қауіпсіздік комитеті Алматы облысында хакердің ұсталғанын хабарлады.

9 желтоқсанда ҰҚК Бас прокуратурасының үйлестіруімен Германияның Федералды қылмыстық полициясымен бірлесіп, киберқылмыс әрекетін тоқтату бойынша жұмыс істеген.

«Алматы облысында Қазақстан азаматы Германиядағы банк шоттары мен жеке деректерге заңсыз қол жеткізген деген күдікпен ұсталды. Ол келтірген залал алдын ала болжам бойынша бірнеше жүз мың еуроны құрайды», – делінген ақпаратта.

Тінту барысында техникалық деректер сақтау құрылғылары мен өзге де заттай дәлел тәркіленді. Тергеу жалғасып жатыр.

«Байтерек» ұлттық басқарушы холдингі Ұлттық қор алдындағы 23,5 млрд теңге көлеміндегі міндеттемесін мерзімінен бұрын өтеді. Бұл туралы холдинг баспасөз қызметі хабарлады.

2014 жылы холдинг Ұлттық қордан 20 жыл мерзімге қаржы тартып, оны 2015–2019 жылдарға арналған Индустриялды-инновациялық даму мемлекеттік бағдарламасының жобаларын қолдауға бағыттады. Қаржыландыру аралас модельмен іске асырылды: Ұлттық қордан бөлінген әр 1 теңгеге қосымша 2 теңге басқа көзден тартылған.

Қаражат «Қазақстанның Даму Банкі» арқылы беріліп, банк жобаларды бағалап, құрылымдады. Нәтижесінде өңдеу өнеркәсібі, көлік, логистика, энергетика және инфрақұрылым салаларында 13 ірі жоба қаржыландырылды.

Олардың қатарында теміржол дөңгелектері өндірісін іске қосу, минералды тыңайтқыш зауытын жаңғырту...

Шымкент әкімі Ғабит Сыздықбеков Астанада өткен брифингте өзінің бұрынғы орынбасары Руслан Берденовқа жасалған шабуылға қатысты пікір білдірді.

Брифинг барысында журналистер экс-орынбасарына жасалған шабуылға қатысты әкім не себепті ресми мәлімдеме жасамағанын сұрады.

«Менің әкім ретінде ешқандай процеске араласуға құқым жоқ. Қылмыстық болсын, әкімшілік болсын, кез келген іс бойынша. Өйткені ол үшін арнайы органдар бар. Сот бар, ол шешім қабылдады. Менің қандай да бір пікір айтуға құқығым болған жоқ. Себебі бұл істі айналысқан органдар өз жұмыстарын атқарды. Әрине, менің араласуым бірінші кезекте тергеу барысына кедергі келтірер еді. Ал менің үнсіздігімнен хейтерлер көбейді дегенге келсек, ондай...

Алматы қаласында бір топ жолаушы табиғи газбен ауланып, соның салдарынан 52 адам зардап шекті. Бірнеше бала аурухананың жансақтау бөліміне түсті.

Қалалық денсаулық сақтау басқармасының мәліметінше, ауруханаға жеткізілген он баланың екеуі жансақтау бөлімінде жатыр.

«Он баланың екеуі жансақтау бөлімін түсті. Қалғандары тұрғылықты мекені бойынша амбулаториялық ем қабылдауға жіберілді», – дейді басқармадағылар.

Оқиға орнына 13 жедел жәрдем бригадасы барғаны мәлім.

«Қазақстан темір жолы» оқиғаның Алматы-2 вокзалында болғанын растады. Адамдар көміртек тотығынан уланып қалған.

«Аталған оқиғаға Ұлттық тасымалдаушының қатысы жоқ. Улану жағдайы анықталған пойыз «Жолаушылар тасымалы» АҚ-на қарамайды. Бұл құрам жеке меншік...

Татарстанда сот орындаушысы алимент төлемеген ресейлік әйелді романтикалық кездесуге шақырып, содан кейін ұстап алды.

Бұл туралы «Регнум» Telegram-арнасы хабарлады.

Арнаның мәліметінше, күдікті – Елабуга қаласының тұрғыны. 120 мың рубль (800 мың теңгедей) қарызы бар әйел. Ол құқық қорғау органдарынан жасырынып жүрген.

Сот орындаушысы оны әлеуметтік желіден тауып, хат жаза бастаған. Кейін оны романтикалық кездесуге шақырып, кіреберіс алдында такси күтіп тұратынын ескерткен. Әйел сыртқа шыққан кезде, ол Федералдық сот орындаушылары қызметінің қызметкерлері отырған көлікке мінген.

Оны сол жерде ұстап, алимент төлемегені үшін әкімшілік хаттама толтырылған. Сонымен қатар оған 60 сағаттық міндетті жұмыс та белгіленген.

Мұның алдында алимент төлемей, әкесін...

Шымкент әкімі Ғабит Сыздықбеков әуежайды басқаратын SCAT компаниясы мемлекетке 90 млн теңге дивиденд аударғанын мәлімдеді. Ал компания әуежайдан 39 млн теңге кіріс алуы мүмкін.

Брифинг барысында әкімнен жаңа терминалдың қала бюджетіне қанша пайда әкелгені жайлы сұралды. Сыздықбековтің айтуынша, әуежайдың жаңа терминалы SCAT әуе компаниясының жеке қаржысы есебінен салынған. Ал әуежай мен оның айналасындағы жер телімдері 10 жылға сенімгерлік басқаруға берілген.

«Компания мемлекетке дивиденд төлеп отыр. Өткен жылы терминал енді ғана іске қосылып, Duty Free, VIP-аймақтар секілді кейбір нысандар әлі толық аяқталмаған болатын. Қазіргі уақытта компания бұл бағытта келіссөздер жүргізіп жатыр. Өткен жылғы дивиденд көлем...

Магистратура бітірген мамандардың айлығына балабақшаларда қосымша немесе көтерме ақы қосылмайды. Жекеменшік балабақшалардың бірлі-жарымы ғана қосымша ақымен ынталандырғанымен, мемлекеттік балабақшаларда мұндай артықшылық мүлде қарастырылмаған.

Kursiv.media тілшісі осы мәселеге байланысты бүгінгі брифингте Оқу-ағарту министрлігінің мектепке дейінгі білім беру департаментінің директоры Манара Адамоваға сұрақ қойды.

«Тәрбиешілерге магистратура үшін қосымша өтемақы қосылмайды. Мектепке ғана қосылады. Не себепті?» – деп сұрады министрлік өкілінен.

Сауалға жауап берген Манара Адамова расында да қосымша ақы төленбейтінін айтты.

«Бізде Педагог мәртебесі туралы заң қабылдаған кезде ғана мектептегі магистрларға қосымша ақы төлеу тәртібі реттелген. Заң қабылданған уақытта бізде мектепке дейінгі білім...

Астана сотында бұрынғы ұлттық экономика министрі Қуандық Бишімбаевтың туысына – Бекзат Кемеловаға қатысты алаяқтық ісі қаралып жатыр. Оған шамамен бір миллион долларды алаяқтық жолмен иемденді деген айып тағылған. Сотта бұрынғы министрдің әкесі Уәлихан Бишімбаевтан куә ретінде жауап алынды.

2025 жылдың 11 желтоқсанындағы сот отырысында ол марқұм Салтанат Нүкенованың туыстарына ақша бергені жөнінде айтты. Сөзінше, күдікті Бекзат Кемелованың күйеуі Қайрат Кемелов Нүкенованың қырқына деп 1,5 млн теңге берген.

Қайрат Кемелов – Уәлихан Бишімбаевтың бөлесі.

«…1,5 млн теңге Қайратта болды. Ол ақшаны Нүкенованың әкесіне берді. Оны әйелім (Альмира Нұрлыбекова – ред.) Қайратқа қырық күндік асы үшін...

Қазақстанның Сыртқы істер министрі Ермек Көшербаев ЕҚЫҰ Сыртқы істер министрлері кеңесінде украин әріптесімен кездесіп, Каспий құбыр консорциумы (КҚК) төңірегіндегі жағдайды талқылады. Оның айтуынша, Украина тарапы КҚК жұмысының тұрақты болуының маңызын толық түсінетінін және бұл бағыттағы жағдайдың тұрақты сақталуы қажет екенін атап өткен. Бұл туралы «Қазақпарат» агенттігі хабарлайды.

«Украин тарабымен жағдайдың тұрақты болуы керек деген түсінікке келдік», – деді министр Акорда кулуарында.

Осы келісім екі ел арасындағы дипломатиялық түсіністікті күшейтіп қана қоймай, Каспий аймағындағы энергетикалық инфрақұрылымға қатысты белгісіздікті де азайтып отыр. Бұл Қазақстан үшін мұнай экспортын тұрақты жалғастыруға, ал айма...

Қазақстандағы Alatau Smart City қаласының құрылысына корей компаниясы қатысады. Бүгін екі тарап ынтымақтастық туралы меморандумға қол қойды.

Премьер-министр орынбасары Қанат Бозымбаев Кореяның шетелдік инфрақұрылым және қалалық даму корпорациясының (KIND) президенті және бас директоры Ким Пок-хванмен кездесті. Бұл қазанда Сеулде өткен «Alatau Rise with Kazakhstan» роуд-шоуы аясындағы кездесулердің жалғасы еді. Жиыннан белгілі болғандай, кәрістер Алатау инфрақұрылымын салуға қатысады.

«Көптеген корей компаниялары біздің келешегі зор Alatau Smart City жобамызды қолдады, бұл бізді қуантады. KIND инфрақұрылымдық құрылыс жобаларына, соның ішінде энергетика, сумен жабдықтау, су тазарту, сарқынды суларды өңдеу және су бұру, қатты тұрмыстық қалдықтарды қайта өңдеу бағыттарындағы...

Армения премьер-министрі Никол Пашинян мінген ұшақ дрондар шабуылынан Мәскеу әуежайларына қона алмады.

Өйткені, бейсенбіге қараған түнде «Ковер» дабылы қосылған. Бұл туралы Baza телеграм-арнасына сүйеніп, НГ хабарлады.

Ұшақ Мәскеуге қонуға рұқсатты шамамен бір сағат күткен. Бірақ кейін Санкт-Петербургтегі Пулково әуежайына жіберген.

ТАСС дереккөзіне сәйкес, әуе диспетчерлері ұшақтың Мәскеу уақытымен 11:30-ға дейін Санкт-Петербургтен әлі ұшып шықпағанын айтқан. Пашинян Мәскеуде өтетін Еуразиялық экономикалық одақтың (ЕАЭО) Үкіметаралық кеңесі отырысына қатысуы тиіс.

Өткен түні Мәскеуге жасалған дрондар шабуылы соңғы айлардағы ең ауқымды шабуылдардың бірі болды. Мәскеу мэрі Сергей Собянин жариялаған дерек бойынша, 11 желтоқсанда түн жарымынан кейін астанаға қарай ұшқан 37 дрон атып түсірілген.

Түркістан облысы Төле би ауданы Леңгір қаласында орналасқан №55 мекемеде жазасын өтеп жатқан 6 адамның үстінен қылмыстық іс тергеліп бітті. Олар қылмыстық-атқару жүйесі мекемесі әкімшілігінің талаптарына жаппай бағынбады деген күдікке ілінген. Бұл туралы облыстық прокуратура хабар таратты.

«Тергеу барысында анықталғаны, қылмыстық-атқару жүйесінің №55 мекемесінде қатаң ұстау жасағында ауыр және аса ауыр қылмыстары үшін жазасын өтеп жатқан алты сотталушы алдын ала сөз байласу арқылы мекеме әкімшілігі заңмен тыйым салған – түнде теледидар көру, серуендеуге шығу, өз бетінше тамақ дайындау, белгіленген киім үлгісін кимеуге және заңнамада тыйым салынған өзге де жеңілдіктер беруді талап еткен», – делінген прокуратура хабарламасында

Прокуратура дерегінше, күдіктілер заңсыз...

Алматы полициясы автокөлікке ұрлыққа түскен күдіктіні ұстады. Тергеу барысында оның сегіз қылмысқа қатысы бары анықталды. Бұл туралы ІІМ-нің сайты хабарлады.

Polisia.kz мәліметінше, 102-ге автокөлік ішінен бағалы мүлік ұрланғаны туралы арыз түскен. Іздестіру барысында бір күдікті ұсталды. Тексере келе оның тағы бірқатар қылмысқа қатысы бары анықталды.

«Біз көліктерге ұрлыққа түсумен айналысқан күдіктіні ұстадық. Қазір оның сегіз қылмыстық эпизодқа қатысы бары расталып отыр», – дейді Жетісу аудандық полиция басқармасының бастығы Жәнібек Шынасылов.

Күдікті қамауға алынған. Тергеу жүріп жатыр.

Полиция жариялаған видеода күдіктінің бірнеше көлікке түскен сәті, сонымен бірге ұсталған азаматтың өзі көрсетілген.

Жақында ғана Ішк...

Шымкентте асфальт опырылып, төрт көлік астына түсіп кетті. Қала әкімі Ғабит Сыздықбеков оқиғаның орын алуына инженерлік жұмыстардан кейін жолдың сапасыз жасалуы себеп болғанын айтады.

Оның айтуынша, жөндеу жұмыстарын сол кезде жеке ұйым ретінде жұмыс істеген «Су ресурстары-Маркетинг» компаниясы жүргізген.

«Жұмыстар аяқталғаннан кейін асфальт төселді, алайда топырақты көму жұмыстары сапасыз жасалғандықтан, көліктер жерге түсіп кетті. Компанияға айыппұл салынды, зардап шеккен көліктерді қалпына келтіру шығындарын өз мойнына алды»,– деді Сыздықбеков.

Әкім сондай-ақ қаланың жол инфрақұрылымы расымен жаңартуды қажет ететінін атап өтті.

«Мәселелер бар, бірақ біз жүйені кезең-кезеңімен жаңартып жатырмыз: құбырларды ауыстырып, жол...

Қазақстанда тауарлар мен қызметтерді тұтынатын кез келген азамат енді салық төлеушілердің паспорттарындағы деректерін көре алады.

Мемлекеттік кірістер комитеті баспасөз қызметінің мәліметінше, ведомство арнайы бұйрық бекіткен. Құжатта салық төлеушінің паспортында көрсетілетін деректер тізбесі, оны қалыптастыру тәртібі және уәкілетті органның интернет-ресурсында орналастыру қағидалары мен мерзімдері айқындалған. Бұйрық салық кодексінің 36-бабы 4-тармағын іске асыру мақсатында қабылданған.

Ведомствоның түсіндіруінше, бұл құжаттың негізгі мақсаты – салық құпиясына жатпайтын ақпаратқа ашық қолжетімділікті қамтамасыз ету. Мұндай деректерді жария түрде орналастыру азаматтарға, сатып алушылар мен қызмет пайдаланушыларға салық төлеушіні анықтап, құқық бұзушылық болған жағдайда шағым немесе өтініш жіберуге мүмкіндік береді.

«Қабылданған нормалар кәсіпкерлердің ашықтығы...

Қытай инвесторы Қазақстанның электр жүйесін жаңғырту бағдарламасына қатыспақ. Бұл туралы Сыртқы істер министрінің орынбасары Әлібек Қуантыров және «Kazakh Invest» ұлттық компаниясы төрағасының орынбасары Мадияр Сұлтанбектің «Zhongyoung Power (Yunxi) Group Co., Ltd.» бас директоры Ли Цзяньцзянмен кездесуі барысында белгілі болды.

Кездесу барысында қытайлық тарап Қазақстанның электр энергетикасын жаңғырту жобаларына инвестор ретінде қатысуға дайын екенін мәлімдеген. «Zhongyoung Power» өкілдері елдегі ескірген инфрақұрылымды жаңарту, жаңғырту және қайта құру бағытындағы «Энергетика және коммуналдық секторды жаңғырту» ұлттық жобасына қызығушылық білдірді.

Инвестиция және қаржыландыру тетіктері

Компания мемлекеттік-жекеменшік серіктестік және тарифтік модельдер арқылы инвестицияны қайтару мүмкіндіктерін қарастыруға әзір. Ли Цзяньцзян...