Жаңалықтар

2026 жылдың ақпан айында тұрғын үй жағдайын жақсарту үшін берілген біржолғы зейнетақы төлемдері айтарлықтай азайды. Бұл көрсеткіш соңғы екі жылдағы ең төменгі деңгейге түскен. Ақпаратты Бірыңғай жинақтаушы зейнетақы қоры (БЖЗҚ) дерегіне көруге болады.

Ақпан айында тұрғын үй мақсатында 23,8 мыңға жуық өтініш орындалды. Бұл қаңтар айымен салыстырғанда 38% аз. Соңғы рет мұндай төмен көрсеткіш 2024 жылдың мамыр айында, яғни зейнетақы жинағын жаппай алу кезеңі басталғанға дейін тіркелген болатын.

Ақшалай түрде төмендеу қарқыны 28%-ды құрап, жиынтық сома 36,8 млрд теңгеге дейін азайды. Инфляцияны ескергендегі нақты есептеулер бойынша, бұл 2025 жылдың наурызынан бергі ең төменгі номиналды мән болып отыр.

Көрсеткіштердің құлдырауына тұрғын үй құрылыс жина...

Жамбыл облысының Жаңатас станциясында екі локомотивтің қатысуымен төтенше жағдай орын алды. Алдын ала мәліметтер бойынша, апатқа маневрлік локомотив машинисінің іс-әрекеті себеп болуы мүмкін.

Оқиғаның мән-жайы

2026 жылғы 5 наурызда Жаңатас станциясында «Жаңатас Су-Жылу» КМК кірме жолына 5 мазут тиелген вагонды жеткізу кезінде маневрлік жұмыстар жүргізілген. Осы барыста Жамбыл локомотив депосының маневрлік локомотиві мен «КАП Логистик» ЖШС-не тиесілі жекеменшік магистральдық 2ТЭ10М тепловозы соқтығысқан.

Соқтығысу салдарынан дизель отыны тиелген вагондар мен локомотивтерге зақым келген. Абырой болғанда, ешкім зардап шекпеген.

Машинистің жағдайы

Таралған алдын ала ақпаратқа сәйкес, оқиға кезінде маневрлік тепловоз машинисінің мас болғандығы айтылуда. Қазіргі уақытта бұл дерек ресми түрде тексеріліп жатыр.

Тергеу...

Елде киік санын реттеу шарасы басталғалы 175 мыңнан астам киік сойылған. Бұл туралы Ауыл шаруашылығы министрлігі мәлімдеді.

Министрліктің мәліметінше, киіктердің санын реттеу жұмыстарына жауапты 35 сою пунктінің 27-сі тәулігіне 5 885 бастан сойған.

«2025 жылғы 2 шілдеден 2026 жылғы 5 қаңтарға дейін сою нысандарына 175 632 киік ұшасы жеткізілді, барлық ұшалар зертханалық тексеруден өтті. 122 046 киік ұшасына сату үшін №2 нысанындағы 1 741 ветеринариялық анықтама берілді, қалған ұшалар сақтау қоймаларында (кейінгі өңдеу үшін) сақтаулы», – делінген хабарламада.

Сою пункттерінде киік етінің сатып алу бағасы – келісі 260–550 теңге. Ал сату бағасы – 1600 теңге.

Мереке қарсаңында тұрғындар сыйлық ретін корей косметикасы мен гүл шоғырын сыйлағанды жөн көреді. Әсіресе, Алматы мен Шымкент тұрғындары көбірек шығындалады екен. Flowwow маркетплейсі мен «Золотое Яблоко» бьюти-желісі осындай зерттеу нәтижесін жариялады.

Гүлдер мен тәттілер: қызғалдақтар көш бастап тұр

Биыл гүл шоқтарының бағасы өткен жылмен салыстырғанда 13%-ға арзандаған. Қазақстан бойынша гүл сатып алу орташа есеппен 25 107 теңгеге шығады.

Тұтынушылар аралас композициялардан қарағанда, гүлдің бір түрінен ғана тұратын монобукеттерді 3 есе жиі таңдайды екен. Әсіресе, ақ қызғалдақтар ерекше танымал.

Гүл шоғына ең көп шығындалатын Алматы (25 766 теңге) мен Шымкент (26 195 теңге) тұрғындары екен. Ал «қораптағы гүлдер» санаты бойынша Шымкент қаласы рекордтық ...

Great Wall Motor компаниясы жаңа Tank 700 Hi4‑Z жол талғамайтын көлігін ресми түрде таныстырды.

Сarnewschina ақпаратына қарағанда, модель LiDAR технологиясымен, жаңартылған дизайнымен және электр қуатымен 190 шақырымға дейін жүретін гибрид жүйесімен ерекшеленіп отыр.

Жаңа келбеті

Көліктің сыртқы келбеті аздап жаңартылған. Алдыңғы бөлігінде желдеткіш саңылаулары бар капот орнатылған. Ал фаралар мен радиатор торының дизайны негізінен бұрынғы Tank 700 Hi4‑T үлгісіне ұқсас.

Алдыңғы бампер үш бөліктен тұрады және спойлермен толықтырылған. Бүйір жағында кең дөңгелек аркалары бар берік жол талғамайтын құрылым сақталған. Төбесіне орнатылған LiDAR сенсоры арқылы жүргізушіге көмек беретін жүйелердің мүмкіндігі кеңейген.  Сондай-ақ 20 және 21 дюймдік жаңа дискілер

Қыс мезгілінен кейін көлікті толық тексеріп, ретке келтіру маңызды. Өйткені суық ауа райы, қар, мұз және жолға себілетін тұз автокөліктің көптеген бөлшектеріне әсер етеді. Chevrolet бренді көктемгі маусымға көлікті дайындауға арналған жүргізушілерге әмбебап нұсқаулық ұсынды. Бұл туралы Kursiv.Media autoreport.kz-ке сілтеме жасап хабарлайды.

Көктемгі маусымға арналған жеті қадамдық чек-парақ

Уақтылы дөңгелек ауыстыру

Еуразиялық экономикалық одақтың техникалық регламентіне сәйкес қысқы шиналарды 1 наурызға дейін пайдалану міндетті. Алайда жазғы шиналарға ауысу үшін ауа температурасы тұрақты түрде +7°C-тан жоғары болғаны дұрыс.

Шыны тазалағыштарды ауыстыру

Қыс – әйнек тазалағыш щеткалар үшін ең ауыр кезең. Мұз бен тұз резеңкенің құрылымын бұзып, әйнекте...

Таяу Шығыстағы дағдарыс 2026 жылғы наурыз айының басында әлемде әскери қақтығысқа тартылған елдер санын едәуір арттырды. Соғысқа тікелей араласқан немесе соған амалсыз тартылған елу шақты ел бар.

Алты ірі соғыс

Қазір әлемде алты ірі соғыс жүріп жатыр. Оған Украина мен Ресей жанжалын, Иранға қарсы әскери операцияны, Израиль мен Палестина дауын, сонымен бірге тағы бірнеше ірі азаматтық соғысты жатқызуға болады.

Ресей – Украина

2022 жылғы 24 ақпанда басталған соғысқа биыл төрт жыл толды. Көрші елдер арасындағы кескілескен ұрыстан жүздеген мың адам қаза тапты. Бейбіт келіссөздер жүріп жатқанымен, атыс қашан тоқтайтыны әзірге белгісіз.

Иранға қарсы әскери операция

2026 жылғы...

Премьер-министр Олжас Бектенов мемлекеттік органдар басшыларының назарын Щучинск және Семей қалаларында болған оқиғаларды ескере отырып, қауіпсіздікті қамтамасыз ету мәселелеріне аударды.

Төтенше жағдайлар министрі Шыңғыс Әрінов бүгін аталған екі факт бойынша қылмыстық істер қозғалғанын, тиісті сараптамалар жүргізіліп жатқанын баяндады. Оның сөзінше, Щучинск қаласында қаза тапқандардың отбасыларына қажетті көмек көрсетілді.

«Ведомствоаралық комиссия жұмыс істеуде, оның қорытындысы бойынша осыған ұқсас оқиғалардың орын алуына жол бермеу жөнінде кешенді шаралар әзірленетін болады. Жарылыстың себебі – тұрмыстық газ баллондарын қауіпсіз пайдалану ережелерінің бұзылуы. Семей қаласындағы балалар ойын-сауық орталығында орын алған өртке келетін болсақ, ТЖМ күштері өртті тез арада тоқтатты, бұл адам шығыныны...

Үкімет мүшелері елдегі су тасқынына қатысты жағдайды талқылады. Премьер-министр Олжас Бектеновтің сөзінше, кез келген сценарийге дайын болуымыз керек. Әкімдер жұмысты күшейтіп, әсіресе, елдімекендердің маңында су тасқынына қарсы жоспарланған іс-шараларды сапалы жүзеге асыруы қажет. Бұл су басу қаупі бар барлық өңірге қатысты болып отыр.

«Бір апта ішінде әкімдіктер тәуекел деңгейі жоғары елдімекендерге барып, жағдайды зерделеп, қажетті шараларды қабылдауы керек», – деді Олжас Бектенов.

Премьер-министрдің орынбасары Қанат Бозымбаев су тасқыны қаупі бар бес өңір – Ақмола, Солтүстік Қазақстан, Қарағанды, Шығыс Қазақстан, Абай облыстарында мұз қабатының қалыңдығы 4 см-ге дейін және топырақ тереңдігі 2 м-ге дейін...

Микробтар астероид сынықтарымен бірге Күн жүйесінде таралуы мүмкін. Мұны Джонс Хопкинс университеті ғалымдары анықтаған.

New-science ақпаратына қарағанда, жүргізілген тәжірибе кейбір микроорганизмдердің астероид ғаламшарға соғылған кезде пайда болатын аса қатты қысымға төтеп бере алатынын көрсетті. Бұл тіршіліктің ғарыштағы тас сынықтары арқылы бір планетадан екіншісіне таралуы мүмкін деген гипотезаны қолдайды.

Ғалымдар зертханада ірі астероид Марс бетіне құлаған кездегі жағдайды модельдеп, ғарышқа лақтырылу кезінде пайда болатын қысымға тірі организмдердің шыдай алатынын тексерген. Бұл құбылыс ғылымда Литопанспермия деп аталады.

Тәжірибеде радиацияға, суыққа және құрғақтыққа өте төзімді Deinococcus radiodurans бактериясы қолданылды. Арнайы сынақта бактериялар 1–3 гигапаскаль қысымға ұшыраған. Соған қарамастан олардың басым бөліг...

Қазақстан Президентінің тапсырмасымен Маулен Әшімбаев Қазақстандағы Иран елшілігіне барып, көңіл айту рәсіміне қатысты.

Сенат төрағасы Қасым-Жомарт Тоқаевтың атынан Иран халқына, сондай-ақ қайғылы оқиға салдарынан қаза тапқандардың туыстары мен жақындарына көңіл айтты.

Кездесу барысында Қазақстандағы Иранның Төтенше және Өкілетті Елшісі Али Акбар Джоукармен әңгіме өтті. Онда Қазақстан тарапы Иранда болған қайғылы жағдайды үлкен күйзеліспен қабылдағанын жеткізді.

Апат салдарынан Иранның жоғарғы рухани көшбасшысы аятолла Сейед Али Хаменеи, ел басшылығының өкілдері мен бейбіт тұрғындар, оның ішінде балалар да қаза тапқаны айтылды.

Маулен Әшімбаев Мемлекет басшысы халықаралық жанжалдарды тек саяси-дипломатиялық жолмен, халықаралық құқық нормалары мен Біріккен Ұлттар Ұйымы Жарғысын қатаң сақтай отырып...

Дубай, Жидда, Медина және Дохаға баратын тұрақты рейстер оныншы наурызға дейін тоқтайды. Ал билет сату 17 наурызға дейін рұқсат жоқ. Бұл туралы Air Astana компаниясынан хабарлады.

Ол бағытқа билет алғандар болса 11 наурызға дейін қайта өткізуге болады немесе 30 сәуірге дейін басқа күнге брондау мүмкіндігі бар.

«Әуе компаниясы Таяу Шығыстағы жағдайды мұқият қадағалауды жалғастыруда», – дейді Air Astana-дан.

АҚШ, Израиль-Иран арасындағы әскери қақтығыстан кейін Араб елдері үш күнге әуе кеңістігін жапқан еді. Үшінші наурыздан бастап кейбір рейстерге рұқсат бере бастады, Қазақстан сол уақыттан бастап бірнеше рейс жасап, қазақ азаматтарын алып келе бастады. Осы...

Wildberries онлайн-платформасының зерттеу деректеріне сәйкес, қазақстандықтардың 83%-ы 8 наурыз мерекесін тойлауды жоспарлап отыр. Ал 76%-ы 40 мың теңгеге дейін сыйлық алуды көздеп отыр.

Сонымен бірге сауалнамаға қатысқандардың 82%-ы 8 наурызды жай демалыс күні емес, маңызды мереке деп санайды.

Қазақстандықтар үшін 8 наурыздың мәні

Көптеген азаматтар үшін бұл мерекені жақындарына көңіл бөлу мен қамқорлық таныту күні деп санайды.

Мерекенің басты символикасы:

Сыйлық көбіне кімге беріледі

Ең негізінен сыйлық алушылар – аналар қауымы. Ер адамдардың 74%-ы, ең алдымен, аналарын құттықтайтынын жеткізген.

Қазақстандықтардың 72%-ы...

Иранның әскери дрондары Әзербайжан жеріне түскеннен кейін СІМ елдегі Иран елшісін шақырды. Оған наразылық нотасын тапсырды деп жазады Report.

«Болған оқиға үшін барлық жауапкершілік толықтай Иран Ислам Республикасына жүктеледі. Әзірбайжан Республикасының Қорғаныс министрлігі еліміздің аумақтық тұтастығы мен егемендігін қорғау, сондай-ақ бейбіт тұрғындар мен инфрақұрылым қауіпсіздігін қамтамасыз ету үшін қажетті жауап шараларын дайындауда. Бұл агрессия актілері жауапсыз қалмайды», – деп жазылған СІМ мәлімдемесінде.

СІМ дерегінше, Нахчыван қаласына Иран тарапынан екі ұшқышсыз аппараттан әуе соққысы жасалған. Дрондардың бірі әуежай терминалына, екіншісі Шекерабад ауылындағы мектеп ғимаратының жанына түскен. Салдарынан екі адам зардап шекті.

Алматы және Жамбыл облыстарының әкімі қызметін атқарған Серік Үмбетов танымал әнші Мақпал Жүнісоваға соғым сыйлады.

Қазақстанның халық әртісі оны «ағам» деп атап, ұмытпай, кәде-сый жасап тұрғанына алғыс білдірді.

«Серік ағамыздан келген соғым еді. Қазысын қарамайсыздар ма? Серік Үмбетов – ағамыз керемет, өте жақсы көретін, сыйлайтын ағам. Зәкең де қатты сыйлаушы еді. Қанша жыл болса да, мені ұмытпайды. Жеңгеміз екеуі осылай көмек көрсетіп тұрады. Алла разы болсын. Мәке, ас болсын! Концерттің алдында бір қазы жейін деп отырмын», – деп күлді Мақпал Жүнісова.

Мұның алдында әнші қар күреп жүріп, телефонын таксиге қалдырып кеткенін есіне түсірген еді. Алайда...

Көлік министрлігі Таяу шығыстан қазақстандықтарды қалай әкетіп жатқаны туралы егжей-тегжейлі ақпарат жариялады.

Министрліктің мәліметінше, 4 наурыздан 5 наурызға қараған түні Қазақстанға Air Astana және Flydubai әуе компаниялары 5 рейс жасаған.

Осы рейстермен елге 851 жолаушы жеткізіліп отыр.

5 наурыз күні Қазақстанға жолаушыларды алып келу үшін қазақстандық және шетелдік әуе компаниялар тағы бірнеше рейс орындайды. Айталық, Air Astana әуе компаниясы Жидда – Ақтау – Алматы және Жидда – Атырау – Алматы бағыттары бойынша екі рейс орындауды жоспарлап отыр.

SCAT Airlines әуе компаниясымен Маскат – Алматы бағыты бойынша 2 рейс орындалады. Air Arabia әуе компаниясы Шарджа – Алматы бағыты...

13 наурызда Кинопоиск платформасында режиссер Қанат Бейсекеев түсірген көптен күткен «Тазы» деректі фильмінің тұсаукесері өтеді. Бұл туралы режиссер өзінің Instagram парақшасында хабарлады.

Фильм қазақтың бірегей аңшы иті – тазы тұқымын сақтап қалуға өмірін арнаған адамның тағдыры мен дүниетанымын көрсетеді.

Фильмнің басты кейіпкері – Рашид есімді азамат. Ұзақ жылдар бойы тазы тұқымын жүйелі түрде дамытып, тазалығын сақтауға күш салып келе жатқан жанашырлардың бірі. Рашид үшін тазы баптау – оның өмір салтына айналған, әрі ұлттық мұраны болашақ ұрпаққа жеткізу жолындағы жеке жауапкершілігі.

Деректі фильмде тазы тек аңшылыққа пайдаланылатын ит ретінде ғана емес, қазақ халқының дәстүрі мен тарихымен тығыз байланысты мәдени...

Премьер-министрдің орынбасары – мәдениет және ақпарат министрі Аида Балаева Конституция жобасының 21-бабына қатысты жазба жариялады.

21-бапта не жазылған

1. Жеке өмірге қол сұғылмау құқығына, жеке және отбасы құпиясының болу құқығына, цифрлық технологияларды қолдануды қоса алғанда, дербес деректерді заңсыз жинаудан, өңдеуден, сақтаудан және пайдаланудан қорғау құқығына заңмен кепілдік беріледі.

2. Банк операцияларының, жеке салымдар мен жинақтардың, жазысқан хаттардың, телефон арқылы сөйлескен сөздердің, пошта хабарламаларының және байланыс құралдары, оның ішінде цифрлық технологияларды қолдану арқылы берілетін өзге де хабарламалардың құпиясы заңмен қорғалады. Бұл құқықты шектеуге заңда белгіленген жағдайда және көзделген тәртіппен ғана жол беріледі.

3. Мемлекеттік органдар, қоғамдық бiрлестiктер, лауазымды...

Kursiv.Media зерттеуінше, соңғы жылдары Қазақстанда жалақы деңгейінің өсуі байқалғанымен, ерлер мен әйелдердің табысы арасындағы айтарлықтай теңсіздік әлі де сақталып отыр. ҚР ҰСБ таратқан 2024 жылғы мәліметтерге сәйкес, республика бойынша гендерлік алшақтық 26,5%-ды құрады. Бұл дегеніміз – ер адам 100 теңге тапқан жерде, әйел адамның еңбегі орташа есеппен небәрі 73,5 теңгеге бағаланады деген сөз.

Динамика: алшақтық қалай өзгерді?

Графикалық деректерге сүйенсек, соңғы 7 жылда еңбекақы деңгейі әйелдерде де, еркектерде де өскен. Алайда айырмашылық пайызы толқынды сипатқа ие:

Елдегі барлық мектепте ерекше педагогикалық назарды қажет ететін оқушыларға жеке педагогикалық сүйемелдеу енгізіледі. Бұл жөнінде Оқу-ағарту министрлігі мәлімдеді.

Министрлік мәліметінше, аталмыш жүйе тәуекел тобындағы балаларды ерте анықтап, оларға нақты психологиялық-педагогикалық көмек көрсетуге бағытталған.

«Жаңашылдық 2025 жылғы 30 желтоқсанда Мемлекет басшысы қол қойған «Құқық бұзушылықтардың алдын алу туралы» Қазақстан Республикасының Заңында көзделген. Норма 2026 жылғы 2 наурыздан бастап күшіне енді. Қазіргі уақытта Оқу-ағарту министрлігі педагогикалық сүйемелдеу қағидаларын бекіту бағытында жұмыс жүргізуде», – делінген хабарламада.

Қалай жүзеге асады

Жеке педагогикалық сүйемелдеу мектептің профилактика кеңесінің шешімімен тағайындалады. Әр бала үшін жеке жоспар әзірленіп, жауапты мамандар бекітіледі.

Әнші Yenlik ресми түрде Higgsfield AI стартабының амбассадоры атанды. Әртіс бұл жаңалықты өз парақшасында хабарлады.

Қазақстандық өнерпаз Yenlik Higgsfield AI әзірлеген Soul ID технологияның «бет-бейнесі» болды. Бұл технология пайдаланушының бірнеше суреті негізінде оның сыртқы келбетін сақтай отырып, студиялық сападағы фотосуреттер жасауға мүмкіндік береді.

Жаңа технология жарнама мен брендтер үшін контент жасау процесін айтарлықтай жеңілдетпек. Себебі енді ерекше фотосессия жасау үшін түсірілімге уақыт қаражат шығындаудың қажеті болмайды. Стартап өкілдерінің айтуынша, Soul 2.0 моделі бет әлпетінің ерекшеліктерін, этникалық белгілері мен модельдің сыртқы келбетіндегі ең ұсақ детальдарды дәлме-дәл бере алады.

«Біз қазақстандық R&B дауысын Soul ID-дің жаңа креативт...

Иран Әзербайжанның Нахчыван қаласындағы халықаралық әуежайға дронмен соққы жасады.

Report агенттігінің мәліметінше, Иран аумағынан ұшырылған ұшқышсыз аппарат Нахчыван халықаралық әуежайы ғимаратына тиіп, жарылған.

Әзербайжан Иранмен көршілес ел ретінде әрдайым тату көршілік саясат ұстанып келген. Алайда бұл шабуыл Тегеран билігінің шынайы ұстанымын көрсетті деп таниды.

Әзербайжан өз аумағын Иранға қарсы әскери операцияларға пайдалануға рұқсат бермеген. Соған қарамастан бұл ел Иран тарапынан шабуылға ұшырады.

Мұның алдында АҚШ қорғаныс министрі Пит Хегсет қақтығыс географиясы Түркиядан Шри-Ланкаға дейін кеңейгенін мәлімдеген еді.

Президент Қасым-Жомарт Тоқаевтың тапсырмасымен Қазақстандағы маңызды нысандарды күзету күшейтілді. ІІМ орынбасары Санжар Әділов мұның себебін түсіндірді.

Әділов қауіпсіздік шаралары наурыз мерекелерінің жақындауымен байланысты деп түсіндірді. Алдағы мерекелерге орай полиция қызметі күшейтілген режимге көшеді.

«Біздің негізгі мақсатымыз – елдегі қауіпсіздік пен қоғамдық тәртіпті қамтамасыз ету», – деді ол.

Әділов қазіргі уақытта барлық құқық қорғау органдары тәулік бойы жұмыс істеп жатқанын атап өтті.

«Барлық күштер кешенді полицияның негізгі міндеттері – елдегі қауіпсіздікті қамтамасыз етуге жұмылдырылған», – деп түсіндірді ол.

Еске салайық, 4 наурызда Мемлекет басшысы премьер-министрге, күштік құрылымдардың басшыларына, барлық облыс...

Әлемдік газ нарығы тағы да дүрлігіс алдында. Еуропада энергетикалық дағдарыс басталуы мүмкін. Бұған басты себеп – табиғи газ қоры ең көп шоғырланған үш мемлекеттің соғыс қимылдары аумағында болуы немесе тікелей қатысып жатуы. 

Energy Institute жариялаған Statistical Review of World Energy деректеріне сәйкес, әлемдегі дәлелденген табиғи газ қорының 50%-дан астамы үш мемлекетке тиесілі. Олар – Ресей, Иран және Қатар. Дәл қазіргі кезде Ресей Украинамен, Иран Израиль, АҚШ-пен қақтығысып жатқаны белгілі және Ресей мен Иран соғыста газды қысым құралы ретінде қолдануға тырысуда. Ал Қатар соғыс қимылдары өтіп жатқан Таяу Шығыста орналасқандықтан, амалсыз газ өндірісі мен тасымалдауды тоқтатып, әлемді елеңдетіп отыр.