Жаңалықтар

Парламент палаталарының бірлескен отырысының кулуарында Жамбыл облысының әкімі Ербол Қарашөкеев Олимпиада чемпионы Елдос Сметовтің көшесіне төселген жол қазан айына жоспарланғаны туралы айтты.

«Ол ауылда қазан айында астфальт төселеді деген жоспар болған. Қазір жол жөндеу бойынша да мемлекеттік жұмыстар оңай емес. Сондықтан процесс басталған еді.  Ұтып алған мердігерлер екінші мердігерлермен соттасып, асфальт төсеу мәселесі кешікті. Мерзім бойынша шілде айында асфальт төсеуіміз керек болатын. Сол себепті мердігерлер өз тарапынан жолды жөндеп берді. Сметовтің ауылында 6-8 жолды жөндеу жоспарда бар еді. Оған үлгермей жатыр», – деді Қарашөкеев.

Айта кетейік, Париж Олимпиадасында Елдос Сметов дзюдодан чемпион атанған соң, оның үйіне баратын...

Мемлекет «Рахманов қайнары» шипажайына баратын жолды жөндеп жатыр. Бұл жайлы Парламент кулуарында Шығыс Қазақстан облысының әкімі Ермек Көшербаев айтты.

«Рахманов қайнары» шипажайына баратын жол төселіп жатыр. Шамамен 20 шақырым жөнделмеген жол бар. Бұл жол таулы жерден өтетіндіктен, күрделі жөндеу жұмыстарын талап етеді. Бұл нысанды келесі жылға дейін қалпына келтіру керек», –деді әкім.

Сонымен бірге әкімнен журналистер бұл шипажайда кімдердің демалатыны жөнінде сұрады. Әкім әзірге нақты кесіп айтуға әлі ерте екенін айтты. Өйткені нысанның қандай меншікте болатыны әлі шешілмеген, яғни облыс меншігіне беріле ме әлде республикалық меншікте қала ма белгісіз.

  Ақылды кедей бола ма? Немесе интеллектісі жоғары адамның барлығы бірдей бай емес. Сол сияқты кедей біткеннің бәрі ақылсыз бола бермейді. Әлбетте, әлдекім қарызға кіріп, айлығы шайлығына жетпей жүрсе, «демек, ақылы аз болғаны да» дейтіндер табылады. Бірақ ғылым бұл тұжырыммен келіспейді. Америкалық психолог Льюис Терман адамның IQ көрсеткіші оның бай болу-болмауына әсер ете ме деп зерттеу жасаған. Нәтижесі өте қызық.

Льюис Терман тәжірибесі

Стенфордтық психолог Льюис Терман 1921 жылы зерттеу жұмысын бастайды. Ол IQ көрсеткіші өте жоғары 1500 баланы іріктеп алады. Көпшілігі тесттен 150 ұпай жинаған. Кейбірі тіпті 170 балл алған. Жалпы алғанда орта көрсеткіш — 85-115 ұпай...

«Астана» – «Челси» ойыны 12 желтоқсан күні Алматыдағы Орталық стадионда өтеді. Бұл туралы ақпарат FIFA-ның ресми сайтында жарияланған. 

«Астана» Конференция лигасының жаңа форматына байланысты негізгі кезеңде 6 ойын өткізеді. Оның үшеуі елде, үшеуі өзге елде өтеді.

Монакода өткен жеребе тарту рәсімінің нәтижесі бойынша «Астаны» елдегі ойындарда «Челси», «Витория Гимарайнш» және ТСЦ командаларын қарсы алады. Сосын АПОЭЛ, «Нью-Сейнтс» және «Пафос» командаларына қонаққа барады.

3 қазан өз алаңында vs «Бачка-Топола» (Сербия)

24 қазан сырт алаңда vs «Нью-Сэйнтс» (Уэльс)

7 қараша сырт алаңда vs «Пафос» (Кипр)

28 қазан өз алаңында vs «Витория Гимарайнш» (Португалия)

12 желтоқсан өз алаңында vs «Челси» (Англия)

Дүниежүзілік денсаулық сақтау ұйымының (ДСҰ) мәліметі бойынша, соңғы онжылдықтардағы жаһандық темекі шегу деңгейінің төмендеуіне қарамастан, жыл сайын әлемде 8 миллионнан астам адамның өліміне алып келуде.

ДСҰ мәліметінше, дүние жүзінде шамамен 1,3 миллиард адам темекі өнімдерін пайдаланады. Олардың 80%-дан астамы табысы төмен және орташа елдерде тұрады. Темекі шегу денсаулықтың нашарлауының негізгі факторы, яғни жүрек аурулары, қатерлі ісік, инсульт және босану қаупінің жоғарылауымен байланысты. Жыл сайын темекі шегушілердің жартысына жуығы өмірден озса, ал темекі шекпейтін 1,3 миллион адам темекі түтінінің әсерінен о дүниелік болуда.

Дүниежүзілік денсаулық сақтау ұйымының деректері бойынша темекі шегу деңгейі ең жоғары 20 елдің ішіндегі басым бөлігі Еуропа...

Әзірбайжан президенті Ильхам Әлиевтің партиясы ел парламентінде басымдыққа ие болды. Демалыс күндері өткен партия сайлауының нәтижесінде «Жаңа Әзірбайжан» басқарушы партиясы парламенттегі 125 орынның 68-ін алды. Бұл жайлы Әзірбайжан басылымдары хабарлады.

Елдегі Әлеуметтік зерттеулер орталығы 1 қыркүйекте Әзірбайжандағы кезектен тыс парламенттік сайлау бойынша exit-poll нәтижелерін жариялады.

«Президент Ильхам Әлиев бастаған «Жаңа Әзірбайжан» партиясы Әзірбайжан Парламентінде көп орынға ие болды», – деп Әзірбайжанның талық сайлау комиссиясының деректеріне сілтеме жасай отырып басылымдар жазды.

Билеуші партияның 68 депутаты парламентке өткен. Ал қалған орындарға «Азаматтық ынтымақтастық», «Бірлігі мықты Әзірбайжан», «РЕАЛ», «Ұлттық майдан» және «Әзірбайжанның Демократиялық ағартушы» партиясыны...

Синоптиктер 2-3 қыркүйек күндері қатты жауын-шашын салдарынан таулы және тау бөктеріндегі аудандардағы өзендерде су тасқыны қаупі бар.

«Қазгидрометтің» хабарлауынша, 2024 жылғы 2-3 қыркүйек аралығында қатты жауын-шашынның болуына байланысты Жетісу, Жамбыл, Алматы облыстарының және Алматы қаласының іргелес аумақтарының таулы және тау бөктеріндегі аудандарында жер үстімен ағып келетін су ағыны мен өзендердегі су деңгейінің көтерілуі күтіліп отыр. Су тасуы және су басуы мүмкін.

Ведомствоның мәліметінше, судың қауіпті деңгейден асып кетсе, өзендердің жайылма бөліктерінде орналасқан елдімекендер, шаруашылық құрылыстар мен жергілікті маңызы бар жолдарды су басуы мүмкін.

Сондай-ақ 2 қыркүйекте ауа райының нашарлауына байланысты Қазақстанның бірқатар өңірлерінде дауылды ескерту жарияланды. Синоптиктер тұман...

Франция прокуратурасы 12 қылмыстық іс бойынша айып тағып отырған Telegram негізін қалаушы Павел Дуров өзінің қалыңдығымен Елисей жазығында қыдырып жүр. Бұл жайлы француз басылымдары жазды.

«Telegram бастығы Павел Дуров өзінен он бес жас кіші қалыңдығы – Юлия Вавиловамен бірге Парижде қыдырып жүр. Оған тағылған айыптардың ауырлығына қарамастан, Брежневтің тұсында Ленинградта дүниеге келген, Сент-Китс пен Невис, Франция Республикасы және Біріккен Араб Әмірліктерінде үш төлқұжаты бар ол Дубайда тұрады. Ол заңға қатысты ауыртпалықтарды қатты сезіне қоймаған секілді»,  –деп жазады француз басылымдары.

Айта кетсек, 24 тамызда Telegram мессенджерінің иесі, миллиардер Павел Дуров Париж әуежайында ұсталды. Ол Ле...

Қазақстанның Жоғарғы соты Бишімбаев ісі бойынша түрме жазасы кесілген Бақытжан Байжановтың кассациялық шағымын қарау мерзімін белгіледі.

Сот отырысы 4 қыркүйекке белгіленген.

Мамыр айында Ұлттық экономика экс-министрі Қуандық Бишімбаев пен оның туысы Бақытжан Байжановқа қатысты сот үкімі шықты. Экс-министр Бишімбаев Қылмыстық кодекстің 110-бабы 2-бөлігі 1-тармағы («қинау») бойынша кінәлі деп танылды. Бұл бап бойынша 7 жылға бас бостандығынан айырылды. Сондай-ақ Қылмыстық кодекстің 99-бабы 2-бөлігі 5-тармағы («аса қатыгездікпен адам өлтіру») бойынша кінәлі деп танылды. Бұл бап бойынша 20 жылға бас бостандығынан айырылды.

Бишімбаевтың туысы  Бақытжан Әмірханұлы Байжанов аса қауіпті қылмысты жасырғаны үшін Қылмыстық кодекстің 432-бабында қарастырылған айыпқа сәйкес кінәлі деп танылды. Ол төрт жыл бойы қауіпсіздігі орташа...

Ресей Федерациясы шекарадан өтетін шетелдіктердің биометрия деректерін жинамақ. Цифрлық даму, байланыс және бұқаралық коммуникациялар министрлігі қаулы жобасын жария еткен. Бұл жөнінде ресейлік және қазақстандық ақпарат құралдары жазды.

Көрші ел бұл жобаны желтоқсанның 1-інен бастап тәжірибе жүзінде қолданғалы отыр. Эксперимент алғаш Мәскеудің Шереметьево, Домодедово, Внуково, Жуковский әуежайларында және Орынбор облысының Маштаково автомобиль өткізу пунктінде қолданылады.

Талап бойынша елге келген шетелдіктердің бет-бейнесі мен саусақ бедері көшіріліп алынады. 2024 жылдың 1 желтоқсаны мен 2025 жылдың 30 маусымы аралығында шекарадан өткендер осы талапқа бағынады. Биометриялық сәйкестендіруден өтуден Беларусия азаматтары мен 6 жасқа дейінгі балалар, дипломаттар мен халықаралық ұйымдардың қызметкерлері босатылмақ.

Жобаның екінші кезе...

Қазақстанда мұнай-газ саласының қалыптасқанына 125 жыл толып отыр. Елдегі мұнай тарихы 1899 жылы Атырау облысынан басталады. Содан бері қара алтын отандық экономиканың жетекшісі саласына айналды.

«Шетелдік инвестицияларды тартуға қолайлы жағдайлар жасау басты алғышарт болды. Бұл Қашаған, Теңіз және Қарашығанақ сияқты бірқатар ірі жобаларды іске асыруға мүмкіндік берді. Аталған жобалар халықаралық ынтымақтастықтың символына және Қазақстанның жаһандық экономикаға табысты интеграциясының үлгісіне айналды.

Мұнай-газ кешенінің барлық қызметкерлерін Қазақстан мұнайының 125 жылдығымен құттықтаймын! Отбасыларыңызға амандық, құт-береке, дендеріңізге саулық  және кәсіптеріңізге табыс тілеймін. Әрқашан ел іргесі бүтін, аспанымыз ашық болсын!», – деді сала қызметкерлерін құттықтаған ҚР Энергетика министрлігі Алмасадам Сәтқалиев.

Орташа жалақы...

2 қыркүйектен бастап Астана, Алматы, Шымкент және Семей қалаларындағы кезекші және мамандандырылған халыққа қызмет көрсету орталықтарының мекенжайлары өзгереді. Бұл туралы «Азаматтарға арналған үкімет» мемлекеттік корпорациясы хабарлады.

Кезекші ХҚКО-лар дүйсенбі – жұма аралығында 20:00-ге дейін, сенбіде 13:00-ге дейін жұмыс істейді.

Кезекші мамандандырылған ХҚКО-лар жұмыс күндері сағат 9:00-18:00 аралығында, сенбі күні 13:00-ге дейін азаматтарды қабылдайды.

Арнайы ХҚКО-ларға жүргізілген жемқорлыққа қарсы мониторинг нәтижелері бойынша бюджетке түсетін түсімдер 10,6 млрд теңгеден 91,3 млрд теңгеге дейін ұлғайған. Бұл жайлы Сыбайлас жемқорлыққа қарсы іс-қимыл агенттігінің баспасөз қызметі хабарлады.

Біріккен Ұлттар Ұйымы 1-12 қыркүйек күндері Газа секторындағы балаларды вакциналауды жоспарлаған еді. DW басылымы халықаралық ұйымның бұл жұмысты 31 тамызда бастап кеткенін жазды. Хан-Юнис қаласындағы Насер ауруханасындағы балаларға полиомиелитке қарсы екпе егілді. Жоспарға сәйкес 640 000 бала вакцина алмақ.

Тамыз айының аяғында он айлық нәресте полиомиелит ауруына шалдықаннан кейін сал ауруына ұшыраған. Бұл ауру осы аймақта 25 жылдан кейін алғаш рет тіркелген. Дауасы жоқ дерт, әсіресе, бес жасқа дейінгі балаларға қауіпті. Ол науқасты сал қылып тастайды немесе көз жұмуына себепші болуы мүмкін.

Газа аймағында соғыс басталғанша, екпе жұмысы тұтас аймақ бойынша жүргізілген. Екіжақты қақтығыстан кейін мүлдем бәсеңсіді. Қазіргі уақытта Израиль мен...

31 тамызда Шығыс Қазақстан облысындағы Ертіс шахтасында төрт адам газға уланып, көз жұмды. KAZ Minerals Тобы Артемьев шахтасында тағы бір жұмысшының мерт болғанын хабарлады. Оның үстіне тас құлаған.

«1 қыркүйекке қараған түні Артемьев шахтасында тастың құлауы салдарынан мердігер ұйымының үңгушісі жарақат алып, қайтыс болды. Оқиғалардың мән-жайы мен себептері анықталуда, қайғылы жағдайларды тергеу бойынша арнайы комиссиялар құрылды», – деп хабарлады компанияның баспасөз қызметі.

31 тамызда шамамен сағат 17.30 Ертіс шахтасында Ертіс шахтасының екі қызметкерінің және мердігер ұйымның екі қызметкерінің мәйіттері табылды. Жұмысшылардың газбен уланғаны анықталды.

KAZ Minerals Тобы Директорлар кеңесінің төрағасы Олег Новачук осыған байланысты тергеу...

1 қыркүйек – Білім күні Оқу-ағарту министрлігі кейбір статистикалық мәліметтерді жариялады.

Министрлік мәліметі бойынша қыркүйек айынан бастап мектепке дейінгі ұйымдарда ата-аналарға арналған 3,5 мың кеңес беру пункті өз жұмысын бастайды.

Колледждерде оқитын 300 мыңнан астам студенттің шәкіртақысы 50%-ға артты. 1,7 млн ​​оқушы мектептерде тегін тамақтанады.

87 мың оқушы жаңадан салынған 70 мектепке барды. Жалпы 2024-2025 оқу жылы 536 мың оқушыға арналған 302 мектеп пайдалануға беріледі.

Жалпы қазақстандық мектептерде 3,9 млн оқушы білім алады. Биыл 352 мың балақай алғаш рет мектеп табалдырығын аттады, ал 11-сыныпқа 219 мың шәкірт көшті.

«Оқу бағдарламасына буллингке қарсы іс-шараларды...

Шығыс Қазақстан облысындағы Ертіс шахтасында төрт адам қаза тапты. Алдын ала мәліметтер бойынша, олар газдан уланып қайтыс болған деп хабарлайды KAZ Minerals.

» 2024 жылғы 31 тамызда шамамен 17.30 сағатта «Ертіс» шахтасында кәсіпорынның екі қызметкерінің және мердігер ұйымның екі қызметкерінің мәйіттері табылды. Алдын ала себебі – газдан улану. Оқиғаның мән-жайы мен себептері анықталып жатыр, қайғылы оқиғаны тергеу жөніндегі арнайы комиссия құрылды. KAZ Minerals Тобының Директорлар кеңесінің төрағасы Олег Новачук жазатайым оқиғаны тергеуге жеке қатысу үшін Ертіс шахтасына барды. KAZ Minerals Тобының басшылығы мен ұжымы қаза тапқандардың туыстары мен жақындарына қайғыра көңіл айтады», – делінген хабарламада.

Мәскеудегі Шереметьево әуежайында қалып қойған алматылық оқушылар тобына бұрынғы ескірген билеттерін жаңартып берді. Бұл туралы Қазақстан Республикасының бала құқықтары жөніндегі уәкілі Динара Закиева мәлімдеді.

Динара Закиеваның айтуынша, оқушылар бүгін, 31 тамыз күні, Қазақстанға оралады. Сондай-ақ бұл мәселені шешу оңай болмағанын айтады, себебі ескірген билеттер қайтадан сатылымға шығарылған еді.

«Осы жағдай бойынша Ресей Федерациясындағы бала құқықтары жөніндегі уәкіл Мария Львова-Беловаға хабарластым. Нәтижесінде әуекомпания ішкі әуежай процедураларын орындауға байланысты рейске кешіккен 17 адамнан тұратын топтың билеттерін қалпына келтіруге келісті. Оқушылар мен оларды ертіп жүргендер бүгін Қазақстанға ұшып кетеді деп жоспарланып отыр», — деп жазды Закиева өзінің Facebook...

2024 жылғы 30 тамызда Бейжіңде Энергетика министрі Алмасадам Сәтқалиев бастаған қазақстандық делегацияның қытайлық CNPC және State Power Investment компанияларының басшылығымен екіжақты кездесулері өтті деп хабарлайды Энергетика министрлігі.

Министрліктің мәліметінше, тараптар Қазақстаннан Қытайға газ экспорттау мәселесін талқылады. Оның ішінде «Бейнеу – Бозой – Шымкент» магистральдық газ құбырының жаңа желісін салу және қазақстандық газ экспортына ұзақмерзімді келісімшарт жасасу тақырыптарын сөз етті.

«Кездесу қорытындысы бойынша тараптар мұнай-газ саласындағы бірлескен жобаларды іске асыруға қызығушылық білдіріп, өзара тиімді шарттарда ынтымақтастықты жалғастырудың маңыздылығын атап өтті.

State Power Investment Corporation төрағасы Лю Миншэнмен келіссөздер барысында тараптар жаңартылатын энергия көздері (ЖЭК...

Еркін Ғаббасов Парижде өтіп жатқан Паралимпиада ойындарында нысана көздеуден күміс жүлдегер атанып, ел қоржынына алғашқы медальді салды деп хабарлайды Туризм және спорт министрлігі.

Министрліктің мәліметіне сүйенсек, R1 санатында винтовкамен 10 метрге пара оқ атудан сынға түскен қазақстандық спортшы күміс жүлдеге қол жеткізді.

Алтын медальды 249, 4 ұпай жинаған Корея спортшысы Парк Дж, ал қола медаль 226 ұпай жинаған Дания елінің спортшысына бұйырды.

Еске сала кетейік, Париждегі Паралимпиадаға Қазақстан атынан 44 спортшы барды. Олар спорттың 9 түрінена бақ сынайды. Жарыс 28 тамыз бен 8 қыркүйек аралығында Парижде өтеді. 

Айта кетейік, 2021 жылы Токиода өткен Паралимпиада ойындарында Қазақстан 1 алтын (Давид...

Үлкен Алматы каналы бойындағы көше учаскелеріне орташа жөндеу жүргізуге байланысты қозғалысқа уақытша шектеулер енгізіледі деп хабарлайды қала әкімдігі.

Әкімдіктің мәліметінше, 31 тамызда сағат 23.00-ден 2 қыркүйекте сағат 11.00-ге дейін Саин даңғылынан Центральная көшесіне дейінгі учаскеде қозғалыс жабылады.
Айналма жол дублер және Жаужүрек, Центральная, Ақ-қайнар көшелерімен қамтамасыз етіледі.

1 қыркүйек сағат 23:00-ден 11:00-ге дейін 3 қыркүйекте қозғалыс Центральная көшесінен Махамбет Өтемісұлы көшесіне дейінгі учаскеде жабылады.

2 қыркүйекте  сағат 23.00-ден 11.00-ге дейін 4 қыркүйекте Өтемісұлы көшесінен Бәйдібек би көшесіне дейінгі учаскеде қозғалыс жабылады.

3 қыркүйекте сағат 23.00-ден 11.00-ге дейін 5 қыркүйекте қозғалыс Бәйдібек би көшесінен Солтүстік айналма көшесіне дейінгі учаскеде жабылады.

Астанада шахматтан «Senat Open» Республикалық турнирінің финалдық кезеңі өтті. Бұл туралы ҚР Парламенті Сенатының баспасөз қызметі хабарлады.

Баспасөз қызметінің мәліметіне сүйенсек, «Senat Open» сайысына 2000-нан астам әуесқой шахматшы қатысты. Олардың қатарында барлық деңгейдегі мәслихат депутаты, облыстық және қалалық қоғамдық кеңестің мүшелері және БАҚ өкілдері бар.

Сенат Төрағасы Мәулен Әшімбаев шахматтан «Senat Open» турнирінің финалдық кезеңінің ашылу рәсіміне қатысып, өз сөзінде мұндай турнирлер елімізде, оның ішінде өңірлерде шахматты дәріптеп, дамытуға айтарлықтай ықпал ететінін айтты.

«Президентіміз Қасым-Жомарт Кемелұлы Тоқаев елімізде шахматты дамытуға және дәріптеуге ерекше көңіл бөліп келеді. Бүгінде бұл бағытта ауқымды жұмыс атқарылып жатыр. Соның аясында...

Disney компаниясы ұсынған тағы бір фильмі қазақ тілінде жарық көреді. Бұл жолы көрермендер «Ақшақар» («Белоснежка») фильмін қазақ тілінде тамашалай алады. Фильм 2025 жылдың наурыз айында кең экранға шығады деп жоспарланып отыр. Бұл туралы Disney компаниясының Қазақстан мен Орталық Азиядағы дистрибьюторы «Меломан» компаниясы хабарлады.

Сонымен қатар «Меломан» компаниясы Disney-дің «Моана 2», «Муфаса: Арыстан патша» және «Ақшақар» анимациялық фильмдерінің қазақ және орыс тілдеріндегі ресми трейлерлерін жариялады. «Моана 2» фильмі 2024 жылдың 21 қарашасында кинотеатрларда көрсетілсе, бұл Disney-дің биылғы жылы қазақ тілінде шығатын екінші фильмі болмақ. Ал «Муфаса: Арыстан патша» фильмі көрермендерге 19 желтоқсанда ұсынылады.

Еске сала кетейік, Қазақстанда биылғы жылы қаза...

Өнімдері мен қызметтерін оңай сату үшін бизнес иелері мобайл қолданба жасайды. Смартфонға орнатып алсаңыз болды, бірер батырманы шертіп-шертіп керек затты аласыз. Өте ыңғайлы, солай емес пе? Бірақ бизнес біткеннің бәріне ол құрал керек деп ойламаңыз. Себебі кей жағдайда мобайл қолданбаның қажеті болмайды. Олай болса, осы тақырыпта кең таралған аңыздарға шолу жасайық.

№1 аңыз. Брендтің бәріне мобайл қолданба керек

Мобайл қолданбаны ең қажет құралдың бірі деген қате түсінік қалыптасқан. Әсіресе, әлі қанаты қатаймаған бизнес үшін оның шығыны тым қымбат болуы мүмкін. «Бәрінде бар екен, істетейік» деп ойланбастан жасатудың қажеті жоқ. Сондықтан бизнесіңізге қосымша істететін кезде мына нәрселерге назар аударғаныңыз жөн:

Жария есептіліктен көрініп тұрғандай, Ұлттық банк басшылары мен оның ведомстволық бағынысты құрылымдарының жиынтық табысы өткен жылы табыстың үштен бірінен астам деңгейге өсті. «Курсив» осы ұйымдардағы топ-менеджерлердің орташа жалақысы қандай мәнге жеткенін есептеп көрді.

2023 жылы Бағалы қағаздардың орталық депозитарийі басшылығының жиынтық сыйақысы ең жоғары қарқынмен өсті (2022 жылмен салыстырғанда +62%, инфографиканы қараңыз). Элиталық жалақыға жұмсалатын шығыстардың ең жоғары өсімі Қазақстанның депозиттерге кепілдік беру қоры (+56%) мен Мемлекеттік кредиттік бюрода да (+50%) тіркелді. Ұлттық банк басшылары да өздеріне келгенде жомарттық танытқан – негізгі басқарушылардың сыйақысы 45%-ға ұлғайған. Сондай-ақ Қазақстандық тұрақтылық қоры мен Ұлттық банктің қызметін қамтамасыз ету орталығының топ-менеджерлері де жұмыс...