Жаңалықтар

2024 жылы Ұлттық банк топ-менеджерлері 1,7 млрд теңге көлемінде «сыйақы» алғаны туралы мәлімет тарады. Банк төрағасы Тимур Сүлейменов осы мәліметті түсіндірді.

«Шындыққа сай емес. 1,7 млрд теңге сыйақы емес. Оның ішіне жалақы, емделу, демалыс ақысы, оқу және басқа да төлемдер кіреді. Сыйақы емес», – деп түсіндірді Сүлейменов 28 қарашада Астанада өткен брифингте.

Жақында ғана, 19 қарашада Сүлейменов үкіметтегі журналистерге сыйақы туралы сауалға жауап беруден жалтарған.

Әдетте қаржы есептерінде қаржы ұйымдары, компаниялар немесе мекемелер басшылары алған қаражат бір сөзбен «сыйақы» деп көрсетіледі. Құжаттарда оған айлық, демалыс ақысы секілді басқа да төлемдер кіретіні көрсетіледі.

Ұлтты...

Елде микро және шағын бизнеске 200 млн теңгеге дейін несие беру бағдарламасы іске қосылады. Үш жыл бойы несиенің 40%-ын «Даму» кәсіпкерлікті дамыту қоры субсидиялайды. Бұл туралы орталық коммуникациялар қызметінде өткен брифингте «Даму» қорының басқарма төрағасының орынбасары Талғат Смағұлов айтты.

Субсидия бағдарламасына өңдеу өнеркәсібі, көлік, білім, медицина, қызмет көрсету, туризм саласында жұмыс істейтін кәсіпкерлер қатыса алады.

Айтуынша, субсидия бағдарламасы бойынша несие көлемі 200 млн теңгеден, пайыздық мөлшерлемесі 22%-дан аспайды. Оның 40%-ын «Даму» кәсіпкерлікті дамыту қоры субсидиялайды. Яғни, кәсіпкер үшін пайыздық мөлшерлемесі 13,2% болады.

Субсидиялау мерзімі – 3 жыл. Несие 3, 5, 7 жылға да берілуі мүмкін. Субсидиялау мерзімі аяқталғаннан кейін...

28 қарашада Қазақстан қаржы биржасында (KASE) доллар күрт арзандады. 1 АҚШ доллары шамамен 510 теңге болды. Бір тәулікте ұлттық валюта шамамен 6 теңгеге нығайды.

Ұлттық валюта елде базалық мөлшерлеме туралы маңызды шешім қабылданған күні нығайып жатыр. Бүгін Ұлттық банк (ҰБ) оны 18% деңгейінде өзгеріссіз қалдырды.

Айта кетейік, бір күн бұрын KASE-дегі валюта саудасы 516,20 теңгемен жабылған. Ал бүгін сағат 14.30-дағы жағдай бойынша 1 доллар 509,40 теңге болып тұр.

Қазірдің өзінде, сағат 14:15-те шамамен 247 млн долларға валюта саудасы жасалғанын ескерте кету керек. Соған қарағанда, ҰБ теңгені нығайту операциясын жүргізіп жатқанға ұқсайды. Естеріңізге сала кетейік, орталық банк...

Шымкент қалалық қылмыстық істер жөніндегі ауданаралық соты әйелін ұрып, жағын сындырған еркекті 1 жылға бас бостандығынан айырды. Ол кінәсін ішінара мойындаған. Қалалық соттың дерегінше, оқиға биыл мамыр айында болған.

Іс қылмыстық кодекстің «Денсаулыққа ауырлығы орташа зиян келтіру» бабымен қаралған.

«2024 жылғы 1 мамырда сотталушы жанжал кезінде азаматтық некедегі жұбайының бет тұсынан бірнеше рет соққы жасап иегін сындырған, нәтижесінде жәбірленушінің денсаулығына орташа зиян келтіргені анықталды» делінген сот хабарламасында.

Сот тергеуінде айыпталушының кінәсі іс бойынша жинақталған құжаттармен дәлелденген. Прокурор оған соттан 1 жыл мерзімге бас остандығынан айыру жазасын тағайындауды сұраған. Жәбірленуші айыпталушыны соттаумен бірге одан моральдық өтемақы...

Белгілі блогер Елдос Кәдірханов (Колобок) ұзақ жылдар күткен қуанышты сәтін бөлісіп, Аман Тасығанға берген сұхбатында кейбір таныстарының салқын қабағына ренішін жасырмады.

Елдостың айтуынша, кезінде достарымен қалжыңдасып, «балалы болсам, көрімдікті доллармен бересіңдер» деп әзілдеген екен. Расында да доллар әкеліп құттықтағандар да табылды. Алайда кейбір таныстары бұған дейін «балалы болсаң, көлік әперем», «пәтер сыйлаймын» деп уәдені үйіп-төккенімен, туған сәттің өзінде бір ауыз «құтты болсын» деп жаза алмаған.

Блогер бұл қуанышқа оңай жетпегенін де атап өтті. Осыған дейін, өткен қыста, ол Түркияда бедеулікке қарсы ота жасатқанын ашық айтқан болатын. Сол кезде оған Ләйлә Сұлтанқызының қоры қолдау көрсеткен.

28 қарашада Black Friday немесе Жомарт жұма басталды. Түрлі тауар мен қызметке жеңілдік ұсынатын ауқымды акция үш күнге созылады.

90%-ға дейін жеңілдік

2025 жылы Қазақстандағы науқанға 100-ден астам онлайн-дүкен қосылды. Олардың арасында Lacoste, Adidas, H&M, Samsung, «Золотое яблоко» секілді танымал брендтер ғана емес, Aliexpress, Alibaba сынды сауда платформалары да бар.

Мәселен әлемге танымал Lacoste бренді бүкіл жаңа коллекциясына 30% жеңілдік ұсынып отыр.

Black Friday Kazakhstan акция күндері қазақстандықтар 90%-ға дейін жеңілдік ала алатынын ескертті.

Жомарт жұма ресми түрде 28 қарашада ашылғанымен, жеңілдік ұсыну бірнеше күн бұрын басталып...

28 қарашада Ұлттық банктің ақша-несие саясаты комитеті базалық мөлшерлемеге қатысты кезекті шешімін шығарып, 18% деңгейінде өзгеріссіз қалдырды.

Банк мұндай шешімді «негізгі макроэкономикалық көрсеткіштердің жаңартылған бағаларына және инфляциялық тәуекелдерді» ескере отырып қабылдады.

Жылдық инфляция қазанда 12,6% болды (қыркүйекте – 12,9%). Азық-түлік тауарлары 13,5%-ға (12,7%), басқа да тауар бағасы 11%-ға (10,8%) көтерілді.

ҰБ өткен айда инфляция 0,5%-ға дейін баяулағанын ескертіп отыр. Алайда базалық инфляция 1%-ға көтерілген.

Банк төрағасы Тимур Сүлейменов сыртқы факторларға да тоқталды. Мәселен, Ресейде инфляция бәсеңдегеніне қарамастан, 4%-дық нысанадан едәуір асып түсті. Осыған байланысты реттеуші қатаң риториканы сақтап, тежеуші ақша-кредит шарттарын ұстап тұру қажет деп мәлімдеді.

Шешім қабылдаған уақытта Brent маркалы...

Түркия оқушылардың бір апталық көктемгі және күзгі демалыстарын алып тастауы мүмкін. Елдің білім министрі Юсуф Текин осындай ескерту жасады деп жазады жергілікті басылымдар.

2019 жылға дейін түрік мектептері тек екі семестрлі жүйемен жұмыс істейтін. Яғни демалыстар тек қыста және жазда ғана болатын. Кейіннен үкімет жазғы демалысты «тым ұзақ, балалар оқығанын ұмытып үлгереді» деген себеппен қысқартты. Әрі көктемгі және күзгі демалыстарды қосты.

Бірақ министрдің сөзінше, ата-аналар тарапынан шағым көп болған. Балалар үзілістен кейін мектепке барғысы келмейді, бейімделуі қиындай түскен. Осыдан кейін үкімет демалыстарға талдау жасап, алып тастауды қарастыра бастады. Әзірге нақты шешім қабылданған жоқ.

Еске салайық, Қазақстанда да...

Қазақстандық ғалымдарды Еуразиялық экономикалық одаққа мүше мемлекеттер – Армения, Беларусь, Ресей және Қырғызстан мойындайтын болады. Бұл туралы «Ашық НҚА» порталында ғылым және жоғары білім министрлігі жарияланған құжатта айтылған.

Ғылыми атақты өзара тану туралы құжатқа сәйкес, келісімге қол қою ЕАЭО елдері ғалымдарының кәсіби жолында көмектеседі.

«Келісім мақсаты – ғылыми атақты тану еңбек көші-қоны саласындағы шектеулерді жою. Сол арқылы Еуразиялық экономикалық одаққа мүше мемлекеттер азаматтарының кәсіби қызметіне қол жеткізуін қамтамасыз ету үшін қолайлы жағдай жасайды», – делінген құжат сипаттамасында.

Құжатқа 2025 жылдың желтоқсанында Еуразиялық үкіметаралық кеңес отырысында қол қою жоспарланған.

ЕАЭО құрамына Қазақстан, Армения, Беларусь...

Денсаулық сақтау министрлігі тегін медициналық көмек аясында халыққа шұғыл медициналық көмек көрсету қызметінің тарифін 20 теңгеге көтереді. Бес жыл бұрынғы бұйрыққа өзгеріс енгізуді көздейтін жоба Ашық НҚА порталында жарияланды.

Бұйрық туралы

Министрлік бұйрығының жобасы 28 қарашада жарияланды. Құжат порталда 15 желтоқсанға дейін талқыланады. Дәрігер еңбегін қаржыландыруды ұлғайтуды көздейтін жобада былай делінген:

«МСАК ұйымдарының жұмыс уақытынан тыс шақыруларының 4 дәрежелі шұғыл жағдайларына кеткен шығындарды төлеу тарифі бір адамға 340 теңгеден 360 теңгеге дейін өседі».

Министрлік мұндай қадам құтқару қызметтері ресурстарын күшейтеді, азаматтар өтінішіне жылдам жауап алады деп есептейді.

«Тарифт...

Саясаткер Әміржан Қосанов  сайлаудағы бұрынғы қарсыласы, қазіргі президент Қасым-Жомарт Тоқаевқа хат жазды.  

Ол 2019 жылы басты қарсыласы ретінде сайлауға түсіп, «ресми түрде екінші орын иеленген азамат ретінде» Тоқаевқа бес мәселе бойынша ескерту жасап отыр.

«Оңаша кездескенде айтайын десем, не мен Сізбен кездесуге сұранбаймын (өз қырсықтығым бар және де «шақырмаған жерге барма» дейді атам қазақ), не Сіз маған хабарласпайсыз», – деп Қосанов өкпесін айтқан.

Әміржан Қосанов хатында азамат және саясаткер ретінде Тоқаевтың Жаңа, Әділетті Қазақстан форматына көшу туралы бастамаларын қолдайтынын айтқан.

Саясаткер ұлы Абайшалап, ол бес нәрседен қашық болуға шақырып отыр.

Шымкенттегі Бәйдібек би даңғылы мен Төлеметов көшесінің қиылысы және кіші айналма жолға жолайрық салуға 9,4 млрд теңгеден астам қаражат бөлінгені туралы ақпарат тарады. Мұны қала әкімдігі растады.

Мемлекеттік сатып алу порталында жарияланған лот сипаттамасындағы ақпаратқа қарағанда, тапсырысты Қалалық жолаушылар көлігі және автомобиль жолдары басқармасы берген.

«Қала аумағындағы көлік қозғалысын реттеу, жол көлігі инфрақұрылымын жақсарту және кептелістерді азайту мақсатында Бәйдібек би даңғылы мен шағын айналма жол қиылысында шынымен жолайрық салу жобасына лот жарияланған. Қазіргі таңда мемлекеттік сатып алу рәсімдері заңға сай жүргізілуде. Әзірге мердігер анықталған жоқ. Биылғы жылға 9.4 млрд теңгенің тек 240 млн теңгесі қарастырылған...

Жоғары аудиторлық палата «Самұрық Қазына» қорына және оның еншілес компанияларына аудит жүргізді. Мемлекетке тиесілі ең ірі компанияларды басқаратын холдинг жұмысында біраз кемшіліктер бар болып шықты.

Стратегиялық жоспарларды өзгертіп жіберген

Аудиторлардың мәліметінше, 2018-2021 жылдарға арналған қорды трансформациялау бағдарламасының аясында 8 компанияны халықаралық деңгейге шығару керек еді. Бірақ мақсат орындалмаған. Ал бағдарламадан тек 154,5 млрд теңге пайда түскен. Бұл бастапқы түсуі керек сомадан екі есе аз.

Қордағы корпоративтік басқару деңгейінің жеткіліксіздігі байқалды. Стратегиялық құжаттар дұрыс әзірленбеген. Холдинг менеджменті бекітілген жоспарларды кейіннен төмендетіп отырған. Яғни бастапқыда қойылған мақсаттарды «жеңілдетіп», өзгертіп жіберген. Осыған орай аудиторлар даму жоспарының орындалуына бақылауды күшейту қажет деген ескерту...

Ұлыбритания «Лукойл» (Ресей) мұнай компаниясына қарсы санкцияларының мерзімін 2026 жылға қалдырды. Бұл туралы Kursiv.Media Bloomberg мәліметіне сүйене отырып хабарлады.

Ағылшын үкіметінің «Лукойлға» қатысты шектеулері 2025 жылғы 28 қарашада күшіне енуі тиіс болған. Санкцияға санаулы сағат қалғанда Лондон шешімін өзгертті.

Енді «Лукойл» мен оның шетелдегі еншілес компанияларына қатысты шектеулер 2026 жылғы 26 ақпанда күшіне енеді.

Bloomberg Лондонның мұндай шешімін «батыс үкіметтері энергетика гигантын қудалауда аса сақтықпен әрекет ететінін көрсетті» деп сипаттады.

Ұлыбритания Ресейдің мұнай компанияларына санкция салатынын 2025 жылғы 15 қазанда жариялаған. Шектеулерден сескенген «Лукойл» артынша шетелдегі активтерін сататынын мәлімдеген.

22 қазанда АҚШ...

Сауда министрлігі Батыс Қазақстан облысындағы ас тұзына қатысты жағдайды түсіндірді. Бұған дейін тұзды Ресей тарабы жеткізіп келген. Алайда көрші ел тұз жөнелтуді тоқтатуына байланысты тапшылық пайда болған.

Жергілікті «Мой город» редакциясының хабарлауынша, тұрғындар бірнеше күннен бері базар мен дүкен сөрелерінен тұз таба алмай жүр.

Министрліктің хабарлауынша, бұған дейін тұрғындарға қажет тұздың шамамен 80%-ын Соль-Илецк қаласындағы «Руссоль» жеткізіп келген. Ол облыстан 270 шақырым жерде орналасқан.

«Тұз жөнелту тоқтату себебін анықтау мақсатында жергілікті атқарушы органдар делегациясы Ресей Федерациясының Орынбор облысына жіберілген», – делінген ақпаратта.

Зауыт тұз жөнелтуді тоқтатқан соң облыс Қызылорда облысындағы «Аралтұз» АҚ және...

Үкімет Қостанай облысындағы жылу және сумен жабдықтау жүйелерін жедел жаңғырту үшін резервтен шамамен 2,2 млрд теңге бөлді. Тиісті Қаулыға Премьер-министр Олжас Бектенов қол қойды.

Қаражат қайда жұмсалады

Қаражат Қостанай, Жітіқара, Арқалық қалаларын жылумен жабдықтау және Рудныйды сумен жабдықтау нысандарын жөндеуге бағытталған.

Қостанай ЖЭО-ның 1955 жылы салынған негізгі бу құбырына жөндеу жүргізуге 188 млн теңге қарастырылған. Бұл құбыр соңғы рет 2012 жылы ғана ішінара жөнделген. Жаңғырту алдағы қыс маусымында ЖЭО жұмысының сенімділігін арттыруға тиіс.

Жітіқара қаласы

Қаладағы 11 шағын ауданға жылу жеткізетін желілерді жөндеуге 389 млн теңге бөлінді:

Қытайдың Гонконг қаласындағы алапат өрттен қаза тапқандар саны 94-ке жетті. Полиция құрылысты жүргізген компаниялардың басшыларын ұстады, деп хабарлады Reuters.

Өрт сөндірушілер 26 қарашада түстен кейін тұтанған алапат өртті жұма күні таңертең ғана ырықтай алды. Құтқарушылар оны бүгін кешке қарай толық сөндіруді көздеп отыр.

Қала тарихында кейінгі 80 жылдағы ең ірі өрттен қаза тапқандар жүзге жақындап қалды. Тағы ондаған адам із-түссіз жоғалған. Отқа оранған «Ван Фук Корт» тұрғын үй кешенінде 4 мыңға жуық адам тұрады.

Қытай полициясы Prestige Construction құрылыс компаниясының екі директоры мен бір инженерін ұстады. Оларға «қауіпті материалдарды пайдалану арқылы абайсызда кісі өлтірді» деген айып тағылған.

Нұрлан Еспанов концерт алдында әнші Өмірқұл Айниязов пен Серік Ибрагимовтың сахнаға киетін костюмдерін келеке етті.

«Ойбай, қарасаңыздаршы. Мынау Шоқан Уәлиханов атамызға ұқсап жүр. Иығына пагон қойсаң болды», – деп сөз қағытты Өмірқұл Айниязовтың костюмін көрсетіп.

Тіпті, Өмірқұл Айниязовтың сахналық киіміне қарап, біресе Ұлыбританияның императорына, біресе Криштиану Роналдуға теңеді.

«Қып-қызыл болып киініп алыпсың. Бұқа көрсе, сені қуып кетпесінші. Не деген ою мынау!» – деп те қалжыңға басты.

Серік Ибрагимов те сыбағасыз қалмады. Нұрлан Еспанов қазақы қалжыңмен оны да түйреп өтті.

«Серікті қарасаңыздаршы. Мына шалбарының ішіне екі адам...

Ішкі істер министрлігі зергерлік бұйымдарды ұрлағаны үшін іздеуде жүрген қазақстандықты ұстады. 33 жастағы әйел Ыстанбұлда ұсталған.

Оған қылмыстық кодекстің 188-бабы 4-бөлігі (ұрлық) бойынша қылмыс жасады деген күдікпен халықаралық іздеу жарияланған.

«2021 жылдың желтоқсанынан 2022 жылдың маусымына дейін Астанадағы зергерлік дүкендердің бірінде сатушы болып жұмыс істеп, құны 156 млн теңгеден асатын бұйымдарды ұрлап кеткен», – деп хабарлады полиция.

27 қарашада түрік құқық қорғау органдары көмегімен күдікті Қазақстанға депортацияланып, қамауға алынды.

Айта кетейік, бұған дейін қаржылық мониторинг агенттігі Беларусь азаматы «Mellstroy» лақап атымен танымал блогер Андрей Буримге халықаралық іздеу жариялады.

Кувейтте мемлекеттік қызметкер жұмысқа бармаса да, он жыл бойы жалақы алып келген. Сот оны айыпты деп тауып, бес жылға түрмеге қамады деп жазады жергілікті басылым.

Айыпты ұзақ уақыт бойы жұмысқа бармай жүрген. Бірақ соған қарамастан 104 мың кувейт динар немесе 174 млн теңге жалақы алған. Оның бұл әрекетін неге он жыл бойы ешкім байқамағаны түсініксіз.

Сот оны жұмысынан босатып, бес жылға бас бостандығынан айырды. Алған барлық қаржысын мемлекетке қайтаруға міндетті. Әрі 312 мың динар немесе 524 млн теңге көлемінде айыппұл салды.

Дархан Сатыбалды басқараған Алматы әкімдігі шаһардағы ауа сапасына қатысты ресми дерекке ғана сенуге кеңес берді. Қала билігі жеке құрылғылар тарататын ақпаратты «сенімсіз» деп есептейді.

Ресми мәліметке сенуге бола ма

Әкімдіктің мәліметінше, Алматы қаласында атмосфералық ауаның жағдайы тек «Қазгидромет» бақылау бекеттерінен алынған мәліметтер негізінде жүргізіледі.

«Бұл қызметтің барлық құрылғысы сертификатталған, мемлекеттік тізімге енгізілген және міндетті тексеруден өткен. Ресми ақпарат көздеріне ғана сенуге шақырамыз», – деп таратты Алматының экология және қоршаған орта басқармасы.

Басқарманың дерегінше, қала аумағында 16 стационарлық бақылау бекеті орнатылған.

Мекеме түрлі жекеменшік немесе калибрленбеген құрылғылар тарататын ақпарат «ресми емес» деп отыр...

Семейде ерекше бала тәрбиелеп отырған ата-ана ұлдарына тәрбиеші тарапынан қорлық көрсетілгенін айтады. Педагогтің балаға дөрекі қараған сәті бейнебақылау камерасына түсіп қалған.

KTK арнасының хабарлауынша, бес жастағы баланың сөйлеу қабілеті кешеуілдеген. Ол болған жағдайды түсіндіріп айта алмаған, тек жылаумен болған. Себебін түсінбеген ата-анасы бақшадағы бейнежазбаны қарайды. Кадрларда тәрбиеші баланы жиі тартып, дөрекі әрекет жасағаны байқалады. Ал баланы ұйықтататын кезде тәрбиеші оның үстіне көрпені жауып, өзі үстінен басып отырған.

«Бұл видеоны көргенде бірден 102-ге қоңырау шалдым. Полиция келіп, іс қозғады. Бұл 10 қыркүйектен бері жүріп жатыр. Осы істі соңына дейін жеткізуге көмектесіңіздер, ол енді жұмыс істемеу...

«Қайрат» шабуылшысы Дастан Сәтбаев «Дарын» сыйлығының иегері атанды. Алайда жас футболшы Астанадағы салтанатты жиынға қатыса алмады. Оның себебін алматылық клуб түсіндірді.

26 қарашада Астана қаласында кәсіби салада жетістікке жеткен дарынды жастарға берілетін «Дарын» сыйлығын марапаттау рәсімі өтті. «Қайрат» шабуылшысы Дастан Сәтбаев «Спорт» саласы бойынша жеңімпаз деп танылды.

«Бұл – оның еңбегі мен тәртібінің, отандық футболдың дамуына қосқан үлесінің де нәтижесі», – деп бағалады «Қайрат» футбол клубы.

Шабуылшы елордадағы салтанатты жиынға қатыса алмаған. Себебін клубтың баспасөз қызметі былай деп түсіндірді:

«Чемпиондар лигасының матчтарына дайындық кестесінің тығыздығына байланысты Дастан салтанатқа өзі қатыса алмады. Оның орнына ол...

«Союз» кемесі ғарышқа аттанғаннан кейін Байқоңыр айлағында ұшу алаңы зақымданғаны анықталды. Бұл туралы «Роскосмос» хабарлады.

Бір күн бұрын, 27 қарашада түсте Байқоңырдан «Союс МС-28» кемесі әуеге көтерілген. Ол Халықаралық ғарыш станциясына сапарлаған үш ғарышкерді орбитаға алып шыққан. Кеше станциямен сәтті түйіскен. Экипаждың үш мүшесінің де жағдайы жақсы.

Зымыран ұшырылғаннан кейін ғарыш айлағының жағдайы тексерілген. Оның айтарлықтай зақымданғаны сол кезде анықталған.

«Зымыран ұшқаннан кейін зақымдану болып тұрады, сол себепті оны тексеру тәжірибесі баяғыдан бар. Қазір ғарыш айлағының жағдайына баға беріліп жатыр», – деп хабарлады «Роскосмос».

Бұған қоса, ресейлік компания айлақты жөндеуге қажетт...