Жаңалықтар

Кейбір энергия өндіруші компаниялардың тарифі 40%-ға дейін қымбаттауы мүмкін. Бұл туралы Энергетика министрлігінің «Ашық НҚА» порталында орналастырылған бұйрығында жазылған.

«Электр энергиясына шекті тарифтерді бекіту туралы» қаулыға сәйкес, 2024 және 2025 жылдары электр энергиясының шекті тарифінің көтерілуі Қазақстандағы 60 энергия өндіруші компанияның 8-іне әсер етуі мүмкін.

«Түзету энергия өндіруші ұйымдарға тәуелді емес электр энергиясын өндіруге кететін негізгі шығындардың ұлғаюына байланысты, атап айтқанда, отын, жалақы және жанармай (оның ішінде газға және оны жеткізуге 2024 жылғы 1 шілдеден бастап баға өсуі) шығындарына байланысты», – делінген қаулыда.

Құжатқа сәйкес, Ақтөбедегі «Қазхром» Трансұлттық компаниясының тарифі 40,5%-ға көтерілуі мүмкін. Тариф...

Бүгін, 9 тамызда, «Бәйтерек» ҰБХ» АҚ мен «Атамекен» ҰКП пилоттық отандық экополияларды құру туралы төрт инвестициялық меморандумға қол қойғаны туралы хабарлады.

Мұның аясында Түркістан облысында құны 84 млрд теңгелік «Шардара» экспорттық агроөнеркәсіптік кластері» жобасы, Алматы облысында 29 млрд теңгелік «Шеңгелді көпсалалы кластері», Жетісу облысында 25 млрд теңгелік «Aksu-Boskan қант кластері», БҚО-да 25 млрд теңгелік «Бірлік асыл тұқымды қой кластері» жобаларына қолдау көрсетіледі.

Қолдау инфрақұрылымды құрудан бастап орта және шағын бизнес кәсіпорындарын ортақ экожүйеге біріктіруге дейінгі жобалық қаржыландырудың толық циклін көздейді.

«Біз кооперацияның жаңа форматы ретінде экополияларды құру үшін айтарлықтай мүмкіндікті көріп отырмыз. Бұл тек инновациялық шешім ғана емес, Қазақстанда тұрақты және бәсекеге қабілетті бизнест...

Гидра аралындағы қарағайлы орман өртіне қатысты жауапкершілікті жеке чартерлік яхтаның капитаны өз мойнына алды. Бұл жайлы Грекия басылымдары хабарлады. Айта кетейік, ормандағы өрт қазақстандық мультимиллионерлер отшашу ұйымдастырғаннан кейін басталған.

Грекия басылымдарының хабарлауынша, 2 тамыз күні яхта капитаны экипаждың басқа мүшелерін ақтап, түсініктеме берген.

Өз сөзінде жеке кеме капитаны 15 отшашу жиынтығын алып, оны тасқа қойып, теңізге қарай бағыттағанын айтқан. Тұтатқаннан кейін оның 14-і аралдан алыс, теңізге қарай атылған. Ал біреуі кері бұрылып, аралдың тік беткейіне түскен. Салдарынан от шыққан.

«Капитан мұны басқа экипаж мүшелерінің көмегінсіз өз бастамасымен орындағанын, жалға алушылар бұйрық бермегенін...

12 шілдеде Джеки Чанның көптен күткен «Аңыз» атты фильмі жарық көрді. Фильмнің саундтрегі ретінде Димаш Құдайбергеннің орындауындағы This Love әні шырқалды. Ән 5 шілдеде музыкалық платформаларда шыққан.

Джеки Чанның өзі басты рөлді сомдаған жаңа фильмнің сюжеті, археолог Джек туралы және оның шәкірттерімен бірге өң мен түстің арасында көпір болып тұрған артефакты тапқаны туралы баяндайды. Археолог мұздық қазбалары кезінде табылған жәдігерлердің текстурасы өзінің түсінде көрген нефрит кулонын еске түсіретінін айтады.

This Love әнін Джеки Чанмен ұзақ жылдар бойы жұмыс істеген Оскардың музыкалық қазылар алқасының мүшесі, маэстро Натан Ванг жазған. Жаңа ән Ванг мырза мен Димаштың үшінші бірлескен туындысы.

2020 жылы Димаш...

Қазақстандағы орташа жалақы 400 мыңнан асты. Бүгінде елдегі орташа айлық көрсеткіші 403 251 теңгені құрап отыр. Ұлттық статистика бюросы осындай мәлімет келтірді. Ал ең жоғары және төмен жалақыны қай маман иелері алады? Статистика бюросы бұған қатысты да деректер ұсынды.

Бюроның 2024 жылғы екінші тоқсандағы есебіне сәйкес, кәсіпкерлік қызметпен айналысатын шағын кәсіпорындарда жұмыс істейтіндерді қоспағанда, Қазақстанда жалдамалы қызметкерлердің жалақы қоры үш айда 4,6 трлн теңгені құраған.

Бүгінде жалдамалы қызметтегілердің нақты саны 3,8 миллионға жуықтап отыр. Осылайша, бір қызметкердің орташа айлық номиналды жалақысы 403 251 теңге мөлшерінде болып отыр. Ал жалақының медиандық мәні 278 296 теңгені құрайды.  

Қазақстанда ең жоғары...

Ұлттық банктің еншілес ұйымы – «Қазақстанның орнықтылық қоры» (ҚОҚ) 2024 жылдың І жартыжылдығында 26,4 млрд теңге таза пайда тапқан. Орнықтылық қоры – «7-20-25» және «Баспана-Хит» ипотекалық бағдарламаларының негізгі операторы.

Компанияның аудиттелмеген аралық қаржы есебі Қазақстан қор биржасының сайтына орналастырылған.

Қордың жарты жылдағы жалпы пайыздық кірісі 96 млрд теңгеге жеткен. Пайыздық шығысы 76 млрд теңгені құраған. Нәтижесінде қордың биыл алты айда тапқан таза пайдасы өсіп, жарты жылда 26 млрд теңгеден асты. 2023 жылдың қорытындысында 40,5 млрд теңге таза пайда тапқан еді.

Орнықтылық қорының активтері 2023 жылдың қорытындысымен салыстырғанда 2,67%-ға өсіп, 3,97 трлн теңгеден 4,08 трлн теңгеге жеткен...

2004 жылы қайғылы қазаға ұшыраған белгілі қазақстандық кәсіпкер Ержан Тәтішевтің отбасы мен жақындары «Мұратхан Тоқмәди шартты түрде мерзімінен бұрын босатылуы мүмкін» деген ақпаратқа қатты алаңдайтындарын мәлімдеді.

Айта кетейік, Мұратхан Тоқмәди 2018 жылы Ержан Тәтішевті тапсырыспен өлтіргені үшін кінәлі деп танылып, он жыл бес айға бас бостандығынан айырылды.

«Оның кінәсі сотта жеке мойындауы мен ұзақ сот процесі арқылы дәлелденді. Соған қарамастан, сот оны небәрі 10 жарым жылға бас бостандығынан айыруға үкім шығарды, ал прокурорлар 12 жыл сұраған еді. Тәтішевтің отбасы бұл үкімді осындай ауыр қылмыс үшін тым жеңіл деп санайды», – деп жазылған Тәтішев отбасының мәлімдемесінде.

Сондай-ақ Тәтішевтің отбасы...

Қазақстан Үкіметі мен Макао Арнайы әкімшілік ауданының Үкіметі 14 күнге дейінгі мерзімге визалық талаптардан өзара босату туралы келісімге келген. Құжатқа ҚР премьер-министрі Олжас Бектенов қол қойды. 7 тамыздан бастап құжат күшіне енді.

«Келісім екі тарап арасындағы сауда-экономикалық, мәдени-гуманитарлық және туристік ынтымақтастықты дамытуға қосымша серпін береді», – делінген хабарламада.

Макао – Қытайдағы арнайы әкімшілік автономиялық аймақ. Оңтүстік Қытай теңізінде орналасқан аралда негізінен ойын бизнесі қатты дамыған. Аймақтың Қытайда ресми ойын бизнесін жүргізуге рұқсаты бар.

Сондай-ақ 2024 жылдың 6 қаңтарынан бастап қазақстандықтар Сейшель Республикасына визасыз бара алады. Қазақстан Үкіметі мен Сейшель Республикасының Үкіметі 2023 жылды...

FlyArystan компаниясы 3,7 млн теңге айыппұл төлейді. Компания рейс кешіктірілген кезде жолаушыларды қонақ үйге орналастырмаған және жолаушыларға әуежайдан қонақ үйге дейін және кері қарай трансфер ұйымдастырмаған. Бұл жайлы Азаматтық авиация комитеті хабарлады.

«Алматы – Астана бағыты бойынша рейс кешіктірілген кезде қызметтерді ұсынбағанына байланысты «FlyArystan» әуекомпаниясына қатысты «Әкімшілік құқықбұзушылық туралы» ҚР Кодексінің 567-бабының 2-бөлігі бойынша әкімшілік құқық бұзушылық туралы хаттама жасалып, авиакомпанияға 1 000 АЕК (3 692 000 теңге) мөлшерінде айыппұл салынды»,- делінген комитет хабарламасында.

Жалпы ережеге сәйкес, рейстер кешіккен кезде жолаушыларға қонақүйден орын ұсынылып, әуежай мен қонақүй арасында жол жүру маршруты қарастырылуы керек.

Қасым-Жомарт Тоқаев Орталық Азия елдерінің басшыларын геосаяси сын-қатерлерге қарсы бірігуге шақырды. Орталық Азия Іскерлік кеңесін құру туралы ұсынысты қолдайтынын мәлімдеді. Президент су саясатына қатысты да маңызды үндеу тастады.

Бүгін, 9 тамызда, елордада Мемлекет басшысы Тоқаевтың төрағалығымен Орталық Азия мемлекеттері басшыларының VI Консультативтік кездесуі өтті.  

Жиында қазақ басшысы Консультативтік кездесулердің нәтижесі бұрын-соңды болмаған деңгейге шықанын мәлім етті. Бірлескен күш-жігердің арқасында жылдар бойы қордаланған мәселелер шешіліп жатқанын тілге тиек етті.

«Шекара, сумен қамтамасыз ету, миграция мәселелері жоспарлы түрде реттеліп, өзара саудадағы көптеген кедергі жойылды. Шекарадағы өткізу пунктері жаңғыртылып жатыр. Көлік қатынасының мүмкіндіктері кеңейіп, жаңа бағыттар ашылуда...

«Өнеркәсіпті дамыту қоры» АҚ (ҚДБ арқылы «Бәйтерекке» тиесілі) 2024 жылың қаңтар-маусымындағы қаржылық нәтижелерін жариялады. Компанияның есебін Қазақстан қор биржасы (KASE) ұсынды.

Таза пайыздық кіріс 24,8 млрд теңгені құрады. Операциялық қызметтен түскен кіріс 22,3 млрд теңгені құрады. Былтырғы жылдың сәйкес кезеңінде көрсеткіштер 15 млрд теңге шамасында болған.

Қор активтері 2023 жылғы 1,7 трлн теңгеден 1,9 трлн теңгеге дейін артқан. Міндеттемелері – былтырғы 1,3 трлн теңгеден 1,5 трлн теңгеге дейін өсті.

«Активтер лизингтік компанияларға және басқа ұйымдарға берілген несиелер көлемінің ұлғаюына байланысты артты», – деп жазылған есепте.

Қордың жеке капиталы 1,9 трлн теңгеге өст...

Beeline брендімен жұмыс істейтін «Кар-Тел» байланыс операторының 2024 жылдың ІІ тоқсандағы түсімі 19%-ға өскен. Оған елдегі елдегі интернет-трафиктің өсуі себеп болған. Beeline Kazakhstan – халықаралық Veon тобына кіреді.

Байланыс операторының екінші тоқсандағы табысы 100,3 млрд теңгені құраған. Бұл бір жыл бұрынғы көрсеткіштен 18,8%-ға артық. Осы ретте қызмет көрсетуден түскен кіріс 18,9%-ға өсіп, 97,2 млрд теңгені құраған.

«Beeline Қазақстан 2024 жылдың ІІ тоқсанында нарықтағы үлесін арттыруды жалғастырды. Кіріс былтырғымен салыстырғанда шамамен 19%-ға өсті және EBITDA-да 19,5%-ға өсті», – делінген қаржы есебінде.

Beeline компаниясы клиенттерінің 76%-ы 4G интернетін пайдаланады. Multiplay тұтынушылары жыл басынан бер...

Елде 2029 жылы болуы мүмкін су тапшылығының алдын алу мақсатында жауапты министрлік саладағы заң бұзушылық үшін жауапкершілікті күшейтпек. Тиісті заң жобасын Су ресурстары және ирригация министрлігі «Ашық НҚА» порталында ашық талқылауға шығарды.

«2024 жылдың бірінші жартыжылдығында 55 тексеру жүргізілді, олардың нәтижесінде 103 бұзушылық анықталды және 7 млрд теңге өндіріп алынды», – делінген құжатта.

Ақпаратқа сәйкес, 2024 жылдың басынан бері өткен жылдың осы кезеңіндегі статистикамен пара-пар заң бұзушылық тіркелген. 

Өрескел бұзушылықтар жасаудың салдары мыналар:

– су ресурстарының сарқылуы мен ластануы, бұл жасанды түрде пайдаланылуы мүмкін су тапшылығын тудырады және су объектілерін қалпына келтіруге мемлекеттің шығындарына...

FlyArystan әуекомпаниясы кәмелетке толмаған Зере Галиеваны рейске жібермей, әуежайда жалғыз қалдырған. Бұл жайлы Зеренің анасы Жазира Мусина өзінің фейсбуктегі парақшасында жазды.

Қыздың анасының айтуынша, Зере егіздің сыңары. Сол күні егіздер Зере мен Зәуре сенімді өкілімен бірге Америкадан Орал қаласына келе жатқан. Оралға балалар Астана қаласы арқылы ұшуы керек болған.

Бірақ ұшу құжаттарының дұрыстығына қарамастан, әуе компаниясы Зәурені рейске өткізіп, Зерені рәсімдемей қойған. Компания өкілдері Зеренің уәкілетті ұстазына бұл жағдайдың техникалық ақауларға байланысты туындағанын айтқан. Жағдай реттелген соң, баланы ұшаққа отырғызатынына сендірген. Алайда 12 жастағы қыз сол күні қараусыз Астана әуежайында рейстен қалып қойған.

Жазира Мусина қызыны...

BlackRock активтерінің әлемдегі ең ірі басқарушысы үш биржа қорын құруды жоспарлап отыр. Бұл қорлар «Таңдаулы жетіліктің» акцияларынсыз-ақ жұмыс істейді. Жапония Банкінің қазіргі аяқ алысынан кейін Nikkei акциялары қайта төмендеп жатыр. АҚШ-тағы кірістіліктің төмендеуіне қарамастан, дамушы нарықтарға салынған инвестициялар артып отыр. Осы және өзге де тақырыптар туралы 8 тамыздағы шолуымыздан оқыңыз.

BlackRock технология алыптарынсыз-ақ биржа қорларын құрады

BlackRock активтерінің әлемдегі ең ірі басқарушысы технологиялық алыптарға иек артпай-ақ, үш биржа қорын құруды жоспарлап отыр. Бұл инвесторларға «Таңдаулы жетілікке» қарсы тұруға немесе олардан мүлдем қашық жүруге жол ашады, деп жазды Bloomberg. Уолл-Стрит активтердің «Таңдаулы жетілікке» шоғырлану қаупі туралы дауласып жатқанда, BlackRock...

Freedom Broker Air Astana әуе компаниясының акцияларына қатысты болжамын жаңартты. Брокер әуе компаниясына тиесілі 1 акцияның мақсатты бағасы 1130 теңгені құрауы мүмкін деп болжайды.

Мамыр айындағы болжаммен салыстырғанда акцияның мақсатты бағасы төмендеген. Дегенмен брокер алдағы уақытта Air Astana бағалы қағаздары 38 % өсім көрсетуге әлеуетті деп тұжырымдайды.

Жақында әуе компаниясы 2024 жылдың І жартыжылындағы қаржы нәтижесін шығарған. Жыл басынан бергі жолаушылар ағыны сарапшылардың болжамынан асып түсті. Бұл компанияның қаржы нәтижесіне жағымды әсер еткені анық.

Қаржы есебінде компания EBITDAR көрсеткішінің сәл азайғанын жазады. Егер бір реттік кіріс пен шығынды есепке алмасақ, көрсеткіш бұған дейінгі деңгейінде қалған. Соның есебінен нақты...

Астанада болған дауыл мен бұршақтың салдарынан Air Astana әуе компаниясының кейбір рейстері кешігуі мүмкін. Бұл туралы әуе компанияның баспасөз қызметі хабарлады.

Қазіргі уақытта әуе компания бұршақтың салдарынан төрт ұшақтың зақымдалғанын анықтады. Әуе компания инженерлері қажетті тексеру және жөндеу жұмыстарын жүргізіп жатыр. Жөндеу жұмыстары бірнеше күннен кейін аяқталады. Жолаушыларымыздан әуежайға жол тартпас бұрын рейс статусын әуе компания сайтында тексерулерін сұраймыз, – делінген хабарламада.

Естеріңізге сала кетейік, бұған дейін Астана әуежайында бір айда үш ұшақ зақымданған еді. 8 тамызда Air Astana әуе кемесі Астана-Атырау бағыты бойынша КС 983 рейсін орындауға жоспарланған ұшақ қатты жел кезінде...

«Шұбаркөл Көмір» АҚ 2023 жылға қарапайым акциялар бойынша дивиденд төлемейді. Бұл жайлы компанияның Қазақстан қор биржасының ресми сайтында жариялаған ақпаратында жазылған.

«Шұбаркөл Көмір» АҚ (Қарағанды) 2024 жылғы 2 тамызда өткен акционерлерінің жылдық жалпы жиналысының шешімдері туралы KASE-ге хабарлады.

Компания акционерлердің жалпы жиналысын өткізіп, қоғамның 2023 жылға аудиттелген жылдық қаржылық есептілігін бекіту туралы шешім қабылдаған. Сонымен бірге жиналыста компания 2023 жылғы 26 419 746 мың теңге таза табысын бөлмеу туралы шешім қабылдаған.

«Қоғамның 2023 жылға арналған қарапайым акциялары бойынша дивидендтер есептелмейді және төленбейді»,- делінген құжатта.

Ал артықшылықты акциялар бойынша дивидендтер бойынша...

Үкімет Атырау әуежайын қатарлық инвесторға сатуға рұқсат берді. Стратегиялық объектілерді иеліктен шығару туралы тиісті қаулы Қазақстан Республикасы нормативтік құқықтық актілерінің ақпараттық-құқықтық жүйесінде жарияланды.

«Mağdenli Yer Hizmetleri ve Taşıma A.Ş.» компаниясына «АТМА – Атырау әуежайы және тасымалдау» акционерлік қоғамының өз меншігіндегі акциялар пакетінің 50 %-ын, сондай-ақ «Атырау» әлеуметтік-кәсіпкерлік корпорациясы» акционерлік қоғамының өз меншігіндегі акциялар пакетінің 50 %-ын «QazAir Investments LLC» компаниясының пайдасына иеліктен шығару жөнінде мәміле жасасуына рұқсат етілсін», – деп жазылған Үкімет басшысы қол қойған қаулыда.

QazAir Investments LLC 2023 жылдың сәуір айында Дохада (Қатар) тіркелген. Жарғылық капиталы 300 мың АҚШ долларын құрайды. Ашы...

Қазақстан қажыгерлер қауымдастығының сараптамалық орталығы қаржы нарығы қатысушыларының кезекті сауалнамасы нәтижелерін жариялады.

«Қаржы нарығы сарапшыларының көпшілігі (63%) инфляциялық процестердің бір жарым жыл бойы үздіксіз баяулауынан кейін, шілдеде бірінші рет жеделдегенін айтады. Соған сәйкес ҚР ҰБ тамызда өтетін ақша-кредит саясаты кеңесінде базалық мөлшерлемені сақтап қалуы мүмкін деп санайды. Ал қалған бөлігі (37%) сақтықпен базалық бөлшерлеме 25 тармаққа төмендеу мүмкіндігін қарастырады», – деп хабарлады Қазақстан қажыгерлер қауымдастығы.

Сонымен бірге сарапшылар тамызда жылдық инфляциялық болжамдарын өзгерткен жоқ. Дегенмен көрсеткіштің 5%-дан жоғары болуы (8,1%) елдегі монетарлық шарттардың сол күйі қалуына ықпал етеді.

«Бір жыл ішінде базалы...

Венесуэла президенті Николас Мадуро Х әлеуметтік желісі ұлтараздықты, фашизмді насихаттап, азаматтық соғысқа шақырады деп айыптап елде пайдалануға тыйым салды. Бұл жайлы шетел БАҚ-тары хабарлады.

Венесуэланың Ұлттық телекоммуникациялар комиссиясы Х әлеуметтік желісін ел заңдарын бірнеше рет бұзды деп мәлімдеген. Солайша комиссия әлеуметтік желінің жұмысын он күнге тоқтатқан.

Президент Николас Мадуро Венесуэлада Х-тен бөлек TikTok, WhatsApp және Instagram желілерін шектеуді бірнеше рет ұсынған. Мадуро бұл әлеуметтік желілерді де өшпенділік тудырады деп кінәлаған.

«Twitter, X деп аталатын әлеуметтік желі Илон Маскке тиесілі. Әлеуметтік желі ережелерді бұзды. Өшпенділік пен фашизмге, азаматтық соғысқа шақырады. Венесуэлалықтар арасындағы текетірес...

Астанада ауыр жүк көлігін тиеген трал LRT конструкциясын қиратып кетті. Салдарынан үш жаяу жүргінші зардап шекті.

Кеше, 8 тамызда, кешкілік уақытта болған апат жайында зардап шеккендердің бірі, музыкант Роман Ойченко өзінің Instagram парақшасында баяндап берді.

«Біз қойылымнан кейін қайтып бара жатқан едік, LRT өткелінен өтпек болған жүк көлігі кенеттен соғылды, сыртындағы құрастырылған құрылымы үстімізге құлады, есімді жиып үлгердім, бет-ауызым қанға боялды, тас блоктың кішкене бір бөлігі басыма түсіпті, жарақат алдым. Жалпы жағдайым бірқалыпты, бастысы аман қалдық, алайда қорқып қалдық. Жедел жәрдеммен ауруханаға тексерілуге ​​бара жатырмыз, нейрохирургке тексеруге жіберді », – деп жазды Астана тұрғыны.

Оқыс...

Ішкі істер министрлігі жүйелі түрде Qarmet, Kazakhmys, Kazakhaltyn кен орындарынан алтын мен қымбат металл ұрлап келген қылмыстық топтың құрықталғанын хабарлады.

ІІМ хабарлауынша, компаниялардың жұмыскерлерімен сөз байласып, кәсіпорындардың, оның ішінде Qarmet, «Қазақмыс», «Қазақалтын» алтындарын, металл сынықтарын және басқа да өнімдерін ұрлау бойынша заңсыз схемаларын жасаған бірнеше қылмыстық топтарды ұстау жұмыстары жүргізілген.

Қылмыстық істердің, оның ішінде ұйымдасқан қылмыстық топ құру, басшылық ету және қатысу фактілері бойынша ондаған эпизодтар тергелуде, – дейді ІІМ ресми өкілі Қуандық Алпыс.

Тергеу-тексеру шаралары барысында құрамында алтыны бар қоспаларды қайта өңдеумен айналысатын 19 заңсыз цех жойылған. Ол цехтардан 10 тоннадан...

Жапон премьер-министрі Фумио Кисида Жапониядағы жер сілкінісінен кейін, қауіпсіздік шараларына көңіл бөлу үшін Орталық Азияға жоспарланған сапарын тоқтатады.

Жапон БАҚ беттеріндегі бұл ақпаратты Қазақстан сыртқы істер министрлігінің ресми өкілі Айбек Смадияров та растады.

«Қазақстандағы Жапония елшілігінің хабарлауынша, елдегі жер сілкінісіне байланысты премьер-министр Фумио Кишиданың Қазақстанға сапарын өткізуден бас тарту туралы шешім қабылданды», – деді Айбек Смадияров, «Курсив» тілшісінің сауалына.

The Japan News ақпаратына сүйенсек, шешім бейсенбі, 8 тамыз күні, Миядзаки Префектурасында болған қатты жер сілкінісінен кейін қабылданды. 

Жоспар бойынша 9-11 тамыз күндері аралығында Кишида Қазақстанға, Өзбекстанға және Моңғолияға баруы керек еді, сондай-ақ 9-тамыз күн...