Жаңалықтар

Қазақстандық теннисші Елена Рыбакина ауруына байланысты Париждегі Олимпиадада өнер көрсете алмағаны үшін жанкүйерлерден кешірім сұрап, әлеуметтік желіде бейнежазба жариялады.

«Құрметті жанкүйерлер, Отандастарым!

Париждегі Олимпиада ойындарында Қазақстан құрамасы сапында өнер көрсете алмағаным өте өкінішті.

Мен командамен бірге белсенді дайындалдып, өкінішке қарай, дәл жарыс басталар алдында сырқатанып қалдым. Дене қызуым қатты көтеріліп, тыныс алуым да қиын болды, дәрігерлер менің кортқа шығуыма қатаң тыйым салды. Барлық қазақстандық жанкүйерлерден үміттеріңіз бен сенімдеріңізді ақтамағаным үшін кешірім сұраймын! Бұл жағдай өзіме де қатты тиді, өйткені мен Олимпиада ойындарында жақсы нәтижеге қол жеткізу үшін көп дайындалдым.
Токиода өткен Олимпиадада жүлдеге қол жеткізу үшін маған сәл ғана жетпеді. Сол...

Қазақстан билігі ел аумағына автомобиль, су және теміржол көлігімен бидай әкелуге тыйым салу мерзімі жарты жылға ұзарды. Ауыл шаруашылығы министрлігінің тиісті құжаты «Ашық» НҚА порталына орналастырылды.

«Қазақстан Республикасының аумағы арқылы бидайдың транзитін, сондай-ақ олардың Қазақстан Республикасының аумағы арқылы Еуразиялық экономикалық одаққа мүше бір мемлекеттің аумағынан Еуразиялық экономикалық одаққа мүше екінші мемлекеттің аумағына орын ауыстыруын қоспағанда, Қазақстан Республикасының аумағына үшінші елдерден және Еуразиялық экономикалық одақ елдерінен көліктің барлық түрлерімен бидай әкелуге 2024 жылғы 31 желтоқсанға дейінгі мерзімге тыйым салу енгізілсін», – деп жазылған бұйрықта.

Үкімет барлық транзит түрімен бидай әкелуге тыйымды 2024 жылды...

Қазақстандықтар 2024 жылғы 1-3 тамыз аралығында мемлекеттік онкология орталықтарында онкологтың білікті консультациясын мен өкпенің төмен дозалы компьютерлік томографиясынан тегін өте алады. Бұл туралы Денсаулық сақтау министрлігі хабарлады.

Министрліктің мәліметінше, «Дүниежүзілік өкпе обырына қарсы күрес» күні қарсаңында өкпе обырының профилактикасына арналған ашық есік күндері өтеді.

Ашық есік күндері шеңберінде барлық ниет білдіруші онкологтың тегін кеңесін ала алады. Керек болса, өкпенің төмен дозалы компьютерлік томографиясынан (ТДКТ) өтеді. Бұл қызметтер өкпе обырының ықтимал белгілерін ерте анықтау және тұрақты тексерулердің маңызы туралы халықтың хабардар болуын арттыруға бағытталған.

Өкпе обыры – Қазақстандағы ең көп таралған онкологиялық аурулардың бірі. Жыл сайын шамамен 3500 жаңа жағдай анықталады...

Ветеринариялық және фитосанитарлық қадағалау жөніндегі федералдық қызмет Қазақстаннан Ресейге жеткізілетін көкөністер, жемістер, тұқымдарға бақылауды күшейтуді сұрайды.

Қызметтің хабарлауынша, бұл мәселе ведомство басшысының орынбасары Юлия Швабаускене мен ҚР Ауыл шаруашылығы министрлігінің агроөнеркәсіп кешеніндегі мемлекеттік инспекция комитетінің төрағасы Дархан Әбдікәрімовтің келіссөздері барысында талқыланған.

2024 жылғы 26 шілдедегі «Аргус-Фито» ФСИС деректері бойынша, Қазақстаннан Ресей Федерациясына 232 мың тонна жеміс пен көкөніс импортталған. Бұл бір жыл бұрынғыдан (194,9 мың тонна) 19%-ға артық. Бірақ Ресей тарапы ЕАЭО үшін карантиндік объектілерді анықтау жағдайларының көбеюіне алаңдап отырғанын жеткізді. Бүгінге дейін мұндай 34 жағдай тіркелген.

 «Сонымен қатар, ресейлік тарап 2024 жылы елге әкелінетін карантинге жатқызылған өнімн...

«Астана» халықаралық қаржы орталығы құрылғалы бері Қазақстанға 12 миллиард доллардан астам инвестиция тартылған. Бұл туралы қаржы орталығының басқарушысы Ренат Бектұров Президент қабылдауында айтты.

Тартылған инвестиция көлемі 2025 жылға белгіленген мақсатты көрсеткіштен асып кеткен. АХҚО құрылғалы орталық қатысушылары бюджетке 115 млрд теңге салық төлеген. Оның 29,8 миллиард теңгесі осы жылдың бірінші жартыжылдығында түсті.

Ренат Бектұровтың айтуынша, салықтың өсуіне қаржы орталығына қатысушылар қатарының артуы мен компаниялар қызметінің жандануы себеп.

Жыл басынан бері қаржы орталығына жаңадан 500 компания тіркелген. Қазіргі кезде орталық қатысушыларының саны 3 мыңнан асқан. АХҚО юрисдикциясындағы компаниялар 7600-ден астам жұмыс орнын ашты.

Президент Қасым-Жомарт Тоқаев Ренат...

«Қазақстандық ШОБ бизнес-барометрі» (ШОБ ББ) кешенді зерттеуі аясында United Research Technologies Group (URTG) тоқсан сайын ел ішіндегі өндірістік және өндірістік емес салалардағы микро, шағын және орта бизнестің 500 өкілі арасында сауалнама жүргізіп келеді. Іріктеме аймақтық және салалық квоталар (оның ішінде сауда, өңдеу және тау-кен өнеркәсіптері, ауыл шаруашылығы, құрылыс және қызмет көрсету салалары бар) мен халықтың жалпы санына шаққандағы кәсіпкерлік субъектілерінің санын және оның елдің ЖІӨ-ге қосқан үлесін көрсете отырып, бизнес ауқымына сай құрастырылды.

Сонымен 2024 жылдың ІІ тоқсаны айтарлықтай жоғары нәтжелер көрсетті (алдыңғы үш тоқсанмен салыстырғанда) және бұл қазақстандық ойыншылар нарық ішінде бұған дейін бетпе-бет келген экономикалық, табиғи, климаттық қиындықтарға...

«Атамекен» ұлттық кәсіпкерлік палатасының бизнеске пайдасынан гөрі зияны көп. Өйткені кәсіпкерлердің мүддесін қорғау да, қолдау да айтарлықтай байқалмайды. Осылай деп шағымданған «Парасат» Кәсіпкерлер альянсының Үйлестіру кеңесі Үкіметке «Атамекен» ҰКП-ның жұмысын өзгерту немесе тарату туралы петиция жолдады.

Петиция жариялаған наразы топ «кәсіпкерлер есебінен күн көріп отырған пайдасы жоқ құрылымды тарататын кез жетті» деген уәж айтады.

«Өздеріңіз білетіндей, бір кәсіпкерлік субъектісіне шаққандағы міндетті мүшелік жарнаның орташа мөлшері 387 660 теңгені құрайды, жылына 11 186 760  теңге. Өзіңіз ойлап қараңызшы, бизнестен түсетін алымдар сомасы жылына ондаған миллиард теңгені құрайды», – делінген петиция мәтінінде.  

Петиция ҚР Үкіметінің, сондай-а...

2024 жылдың бірінші тоқсанында Алматының жалпы өңірлік өнімі 4,7% өсіп, 5,3 трлн теңгені құрады. Бұл туралы Алматының экономика басқармасы хабарлады.

Басқарманың мәліметінше, қысқамерзімді экономикалық индикатор 0,6%-ға өсіп, 102,4% көрсетті. 2024 жылы экономиканың өсімі 5,5% деңгейінде болады деп болжанып отыр. Сондай-ақ көлік, құрылыс, тұрғын үйді пайдалануға беру, байланыс және сауда сияқты салалар өсімнің қозғаушы күшіне айналған.

Айта кетейік, 2023 жылы Алматының жалпы өңірлік өнімі 24,8 трлн теңге болды. Бұл – соңғы 10 жылдағы рекордтық көрсеткіш.

Былтыр Алматы экономикасына 1 трлн теңгеден астам инвестиция тартылды, бұл ретте жеке инвестициялар 7,3%-ға артқан. Биыл шаһардың әлеуметтік-экономикалық даумына тартылатын инвестиция көлемі жыл соңына дейін...

Жапон банкі 2024 жылдың 31 шілдесінде екі күндік кеңестен кейін өзінің негізгі пайыздық мөлшерлемесін 0-0,1%-дан 0,25%-ға дейін көтерді деп хабарлады реттеуші мәлімдемеде.

Орталық банк басшылары коммерциялық банктердің депозиттері бойынша қысқамерзімді мөлшерлемені осылайша көтеруді бірауыздан қолдады.

Сарапшылар базалық мөлшерлеме өсетінін болжамаған еді деп хабарлайды Trading Economics.

Bloomberg дерегінше, аталған ел 1990 жылдан бері инфляциямен күресіп, 2007 жылдан бері екінші рет мұндай қадамға барып отыр.

Жапония банкі сондай-ақ ақша-несие саясатын қалыпқа келтіру үшін 2026 жылдың қаңтар-наурыз айларында ай сайынғы мемлекеттік облигацияларды сатып алуды қазіргі 6 трлн иеннен 3 трлн иенге (20 млрд доллар) дейін азайтатынын мәлімдеді.

2024 жылдың тамыз...

Шәкен Айманов атындағы «Қазақфильм» киностудиясының президенті Азамат Сатыбалды қызметінен кетті. Бұл ақпаратты актер «Курсив» корреспондентіне растады.

Журналистерге берген жауабында ол Қытайдағы үлкен жобаға қатысатынын, сол себепті қызметінен кетіп бара жатқанын айтқан.

Алайда Мәдениет және ақпарат министрлігі бұл ақпараттың шындыққа жанаспайтынын мәлімдеді.

«ҚР Мәдениет және ақпарат министрлігі Шәкен Айманов атындағы «Қазақфильм» ұлттық киностудиясының президенті Азамат Сатыбалдының қызметінен босатылғаны туралы ақпарат шындыққа жанаспайтынын хабарлайды», – деп жауап берді «Курсивтің» сауалына министрліктің баспасөз қызметі.

Азамат Сатыбалды бұл қызметке 2023 жылдың 28 шілдесінде тағайындалған болатын. Яғни актер киностудияны дәл бір жыл басқарған. Ал оған дейін «Қазақфильм...

Алакөл – тұзды ағынсыз көл. Ол Алматы және Шығыс Қазақстан облыстарының шекарасында орналасқан. Бұл ауыл көптен туристік аймаққа айналған. Соған байланысты мұнда бизнес те дамып келеді. Kursiv Media тілшісі туристік аймаққа барып, ішкі туризм қаншалық қолжетімді екенін білу үшін бағалармен танысып қайтты.

Алакөлде биыл адам көп. Мұндағы басты кәсіптердің бірі – жалдамалы жатақ орын. Клиенттің сұранысы мен қалтасына қарай кәсіп өкілдері түрлі нұсқа ұсынады. Мысалы, тәулігіне 18 мың сұрайтын пансионаттар бар. 

«Радуга» демалыс орнында бір бөлменің жалдау құны тәулігіне адам басына 10 мың теңгеден басталады. Оған үш мезгіл тамақ та кіреді. Бөлмелерде теледидар, тоңазытқыш пен желдеткіш те бар. 

Жазғы...

Астана қалалық сот алқасы «Майқайың» кенішіндегі апатқа жұмыс беруші кінәлі екенін растады. Сот автобус апаты компаниядағы жауапты тұлғалар жұмысына салғырт қарағаннан болған деп шешті.

Биыл 4 қаңтарда «Майқайыңалтын» АҚ-на тиесілі «Майқайың» жерасты кеніші аумағында «КӘАҚҚ РОШ» ЖШС-нің 4 құтқарушысы мінген автобус апатқа ұшырап, 4 адам қаза тапты.

Сол жағдайдан кейін Еңбек министрлігі арнайы комиссия құрды. Тергеу бұл жағдайға компанияның толық кінәлі деп тапқан.

«Майқайың» кенішіндегі апатқа қатысты сот шешімі 16 сәуірде шыққан болатын. Астана соты іс материалдарын зерттей келе, апаттың болуына «Майқайыңалтын» компаниясын 100% кінәлі деп таныды.

Алайда «Майқайыңалтын» АҚ өзінің қатысы жоқ екенін алға тартып, комиссия...

iPhone өндіруші Apple Intelligence атты жасанды интеллектісінің техникалық құжаттамасын жариялады. Одан нейрожелі бас компания Alphabet-тің Tensor Processing Unit (TPU) деген өз чипінде жұмыс істейтін Google-дің бұлтты қуатының базасында орналасқаны белгілі болды. Apple осылайша Nvidia чипіне ұрынбай, арзан жолын тапқан деп жазадыCNBC.

Толығырақ

Apple жариялаған техникалық құжаттамада өзінің ЖИ-і туралы біршама мәлімет бар. Apple Intelligence жүйесінің негізіндегі жасанды интеллект модельдерінің Google әзірлеген Tensor Processing Unit (TPU) процессорларында алдын ала оқытылғаны белгілі болды. Онда компания 2015 жылдан бері бұлтты сервер құрастырып келеді. Бұл жағдай технологиялық алпауыттардың алдыңғы қатарлы ЖИ үлгілерін оқыту үшін Nvidia-ның баламасын іздеп жатқанын көрсетеді деп...

Су тасқынынан зардап шеккен кәсіпкерлердің шығынын өтеу үшін Үкімет резервінен 12,1 млрд теңге қаражат бөлінген. Оның 5,8 млрд теңгесі 374 кәсіпкерге төленеді. Бұл жайлы Ұлттық экономика министрлігінің баспасөз қызметі хабарлады.

Баспасөз қызметінің хабарлауынша, су тасқынынан зардап шеккен кәсіпкерлердің 82,1%-ының өтініші мақұлданған.

«Қазіргі уақытта кәсіпкерлердің мүліктік шығындарын өтеу үшін Үкімет резервінен 12,1 млрд теңге сомасында қаражат бөлінді. Жергілікті атқарушы органдар ұсынған мәліметтерге сәйкес, 2024 жылғы 30 шілдедегі жағдай бойынша ШОКС тарапынан 9,3 млрд теңге сомасына 455 өтінім келіп түскен, оның ішінде 374 өтінім (82,1%) 5,8 млрд теңгеден астам сомаға мақұлданды», – деп хабарлайды баспасөз қызметі.

Бүгінде өтемақы алуға...

«Қазгидромет» Қазақстанның 13 облысында дауылды ескерту жариялады. Кей өңірлерде +40 градусқа дейін ыстық болып, шаңды дауыл тұрып жаңбыр жауады.

Абай және Шығыс Қазақстан облыстарында найзағай ойнап, желдің екпіні 15-20 м/с құрайды. Күндіз облыстың оңтүстігінде 36 градус қатты ыстық болады. Сондай-ақ облыс бойынша жоғары өрт қауіпі бар.

Ұлытау облысының батысында 35-37 градусқа дейін күн ысиды. Облыстың басым бөлігінде жоғары өрт қауіпі сақталады, Жезқазған қаласында күндіз 35 градус қатты ыстық күтіледі.

Қарағанды облысының солтүстік-батысында найзағай ойнап, оңтүстік-батыстан екпіні 15-20 м/с жел соғады. Облыстың солтүстік-батысында және оңтүстігінде жоғары өрт қауіпі бар.

Күндіз Түркістан облысының тауларында найзағай ойнап, кейбірі аудандарында екпін...

Биыл еліміздегі жоғары оқу орындарында сараланған грант моделі енгізіледі. Бұл пилоттық жоба ретінде алғаш рет енгізіліп отыр. Сараланған грант деген не және ол қай мамандықтарға бөлінді? Сараланған грант иегері болуы үшін талапкер қандай талаптарға сай болу  керек? Осы сұрақтардың жауабын білу үшін «Курсив» Ғылым және жоғары білім минитстрлігіне ресми сауал жолдады.

Енді студенттер оқу ақысының тең жартысын өзі төлесе, қалғанын мемлекет өтеп береді. Жоғарғы оқу орнына түсетін талапкерлерге алғаш рет осындай жеңілдік жасалып отыр. Сараланған гранттың басты артықшылығы осында. Ғылым және жоғарғы білім министрлігінің мәліметіне сүйенсек, 50 пайыздық білім грантына осы жылы 300 сараланған грант бөлінген. Бір ескеретіні мемлекет ұсынған бұл жеңілдік барлық мамандыққа бірдей...

Қолданбалы экономиканы зерттеу орталығы (AERC) Қазақстанның 2024 жылғы экономикалық өсімінің болжамын 4,2%-дан 4%-ға төмендетті. Орталық тоқсан сайынғы макроэкономикалық шолуын жариялады.

Cарапшылар болжамының төмендеуіне экономиканың бірқатар саласындағы өнім өндірудің баяулауы мен 2024 жылдың бірінші жартыжылдығында негізгі капиталға салынған ивестицияның азаюы негіз болған.

Есесіне Қазақстанның сауда серіктестері – Ресей, ЕО мен Қытайдың экономикасын 2,1 пайыз өсім көрсетуі ықтимал. Бұл болжам сәуір айындағы болжамнан сәл жоғары.

AERC сарапшыларының 2024 жылғы инфляцияға қатысты болжамы 8,4%-ға (9,1%) дейін жақсарды. Биыл мұнай құны барреліне 87,5 долларға дейін арзандауы мүмкін. Бұған дейін 89 доллар деңгейінде қалыптасады деген болжам жасалған.

Доллар/теңге жұбына қатысты...

Денсаулық министрлігі дәрі-дәрмек бағасын бақылап отыру үшін Dari.kz қосымшасын іске қосты. Ведомство осылайша дәріханалардағы өнім бағасын қадағалап отырмақшы. Бұл жайлы Денсаулық министрлігінің баспасөз қызметі хабарлады.

«Денсаулық сақтау министрлігі азаматтарға дәрі-дәрмектің шекті бөлшек сауда бағасын бақылау үшін Dari.kz мобилдік қосымшасын пайдалануды ұсынады. Бұл өмірлік маңызды дәрі-дәрмектерге баға белгілеудің қолжетімділігі мен әділдігін қамтамасыз етуге мүмкіндік береді», – делінген баспасөз хабарламасында.

Баспасөз қызметінің хабарлауынша, Dari.kz қосымшасының көмегімен пайдаланушылар бағаның тым қымбаттап кеткені жөнінде оңай және жылдам хабарлай алады.

Пайдаланушылар баға жайлы хабарлау үшін дәрі-дәрмектің түбіртегі мен қаптамасының суретін жүктеуі керек. Содан кейін ⁠Денсаулық сақтау министрліг...

Англияның Саутпорт қаласында балалар би клубына жасалған шабуылдан кейін жаппай тәртіпсіздік орын алды.

The Guardian басылымының хабарлауынша, полиция күдіктіні ұстаған соң, жүздеген тұрған жергілікті мешітке жиналып, ғимарат пен полицияға тас пен шыны бөтелке лақтырған.

Тәртіп сақшыларының бірінің мұрны сынған. Шерушілер полиция көліктерін өртеп, қиратты. Оларға жауап ретінде тәртіп сақшылары көзден жас ағызатын газ қолданды.

Саутпортқа жақын маңдағы Бэнкстің 17 жасар тұрғыны балаларға шабуыл жасады деген күдікпен қамауға алынды. Ол үш балаға пышақпен шабуыл жасаған. Салдарынан тоғыз, алты және жеті жастағы қыз қаза тауып, тағы сегіз бала пышақққа түскен. Олардың бесеуі ауыр халде жатыр. Тағы екі ересек адам ауыр жарақат...

Израиль Ливан астанасы – Бейрут қаласына соққы жасады. Израиль әскерилері бұл соққының мақсаты – Хезболланың аға қолбасшысының көзін жою деп түсіндірген.

Ол Израильдің солтүстігіндегі Мадждал Шамс ауылындағы 12 баланың өліміне кінәлі деп танылған. Бұл туралы Times of Israel басылымы Израиль қорғаныс күштерінің (IDF) мәлімдемесіне сілтеме жасап жазады.

«Израиль қорғаныс күштері Бейрутте Мадждал Шамстағы балалар мен бейбіт тұрғынның өліміне жауапты қолбасшыға қарсы мақсатта соққы жасады», – делінген IDF мәлімдемесінде.

Шабуыл «Хезболла» ұйымының Бейруттың Дахия ауданындағы ғимараттарының біріне жасалған. Бұл – Израиль армиясының соңғы алты айдағы Ливанға бағытталған алғашқы соққысы.

AFP агенттігінің дереккөзі соққының Израильге қарсы...

Қазақстанда жеті банк жаңа және қайталама нарықтағы баспанаға ипотека береді. Krisha.kz порталы елдегі қаржы ұйымдарындағы тұрғын үй заемдарын зерттеп, шарттары ең тиімді банктерді атады. Бастапқы және қайталама тұрғын үй нарығындағы ең тиімді ипотека мемлекеттік «Отбасы банк» ұсынатын жобалар. Сонымен қатар Halyk Bank пен Altyn Bank серіктестік бағдарламалары (40%-ы Halyk Bank-ке тиесілі) тиімді шарттар ұсынады. Қайталама тұрғын үй үшін – ForteBank және Freedom Bank бағдарламасы арқылы тұрғын үйге несие алған дұрыс.

Жаңа тұрғын үй нарығы

Қазіргі таңда Freedom Bank, «Еуразиялық банк», «ЦентрКредит Банк», ForteBank, «Отбасы банк», Altyn Bank және Halyk Bank арқылы жаңа тұрғын үйді несиеге рәсімдеуге болады. Олардың көпшіліг...

Ауыл шаруашылығы министрлігі мемлекеттік инспектор мен кәсіпкер арасындағы кикілжіңге байланысты түсініктеме берді. Бұл оқиға 22 шілде күні болған. Алматы қаласында заңсыз салынған нысан иесі мекеме бұйрығын орындауды талап еткен жер ресурстарын басқару департаментінің өкіліне пышақ ала жүгірген. Абырой болғанда, пышақтамаған, бірақ соққыға жыққан. Қазіргі уақытта инспектор ауруханада ем алып жатыр.

«Маусым айында департаментке келіп түскен өтініш негізінде кәсіпкерге қатысты ҚР Жер заңнамасының сақталуына тексеру жұмыстары басталды. Тексеру барысында кәсіпкер А. құжаттарсыз учаскеде сауда павильонын орнатып, жалпы ауданы 0,0012 га мемлекеттік меншік жерін өз бетінше иеленгені анықталды. ӘҚБтК-нің 136-бабы бойынша шаралар қабылданды және 21 маусымда осы павильонды...

Forbes тізіміндегі медиа менеджер Абылайхан Камаладин Rams Qazaqstan компаниясын сотқа бермек. Бұл туралы ол өзінің Instagram парақшасында жазды. Блогер «RAMS-тан зардап шеккендерге» жүгініп, компанияның жұмысына шағымдарын жіберуді өтінді. Сондай-ақ блогер Әмір Тәжібаевпен бірге осы жағдай туралы фильм түсіретінін мәлімдеді.

«Біздің Rams Qazaqstan компаниясымен келіссөздеріміз аяқталды. Өзара келісе алмадық. Ақшамды қайтару үшін компанияны ресми түрде сотқа беремін», – деп жазды Камаладин. 

Оның айтуынша, Rams Qazaqstan құрылыс компанияларына қомақты қаржы қарыз.

«Қазір Rams Qazaqstan барлық пәтер мен коммерциялық үй-жайға үлкен жеңілдіктер мен сатылым жариялады. Үлкен жеңілдікпен. Оны алудың қажеті жоқ. Жеңілдіктер құрылыс...

«Кселл» компаниясы «Курсивтің» сұрауына жауап ретінде ұялы байланыс операторлары – Activ және Kcell желілері бойынша мәселе туындағанын растады. Тұтынушылардың шамамен 20%-ы техникалық ақау салдарын байқаған. Компания қазір оның себебін анықтап жатыр.

«Қазір компанияның техникалық мамандары ақаудың себебін анықтауда, сонымен бірге қалпына келтіру жұмыстары белсенді жүргізілуде», – деп түсіндірді Kcell баспасөз қызметі.

Компания өз тұтынушыларынан «қолайсыздықтар үшін» кешірім сұрайды. Компанияның веб-сайттары қалыпты жұмыс істеп тұр.

Kcell ұялы байланыс операторы 2023 жылға қарапайым акциялар бойынша дивидендтер төлемеу туралы шешім қабылдады. Былтыр компанияның таза табысы 18,5 пайызға төмендеген.

31 желтоқсандағы жағдай бойынша Kcell ұялы байланыс операторының бақылау пакет...