Жаңалықтар

Geely Galaxy M7 жаңа плагин-гибрид кроссоверін таныстырды. Carnewschina мәліметінше, Galaxy M7 – M-сериясындағы флагмандық M9 моделінен кейін шыққан екінші кроссовер.

Негізгі техникалық көрсеткіштері көңіл көншітерлік: электр қуатымен 225 шақырымға дейін жүре алады, ал аккумуляторы толық таусылған жағдайда 100 шақырымға небәрі 3,35 литр отын жұмсайды.

Geely Atlas-қа ұқсас

Пішіні мен өлшемдері жағынан Galaxy M7 Geely Atlas моделіне жақын. Кроссовердің ұзындығы 4770 мм, ал дөңгелек базасы 2785 мм, яғни бұл толыққанды отбасылық SUV. Сыртқы келбеті заманауи әрі ұстамды стильде жасалған, алдыңғы бөлігі жабық, жіңішке фаралар тұтас жарық жолағымен біріктірілген, ал артқы бөлігі барынша қарапайым.

Салон және жабдықталуы

Салонда...

Атырау облысында 82 жастағы кейуананың өліміне қатысты қылмыстық іс сотта қаралып жатыр.

Облыстық полиция департаментінің дерегінше, қайғылы оқиға өткен жылдың мамыр айында болған. Сол күні үйде енесі мен келіні ғана отырған. 38 жастағы келіні енесіне ас үй пышағымен тап берген. Ол енесінің басы мен денесіне кемінде төрт рет пышақ жарақатын салған. Кейуана аудандық ауруханаға жеткізілгенімен, алған жарақаттарынан көз жұмған.

Аталған дерек бойынша Қылмыстық кодекстің 99-бабы бойынша іс қозғалып, күдікті әйел қамауға алынды. Сараптама қорытындысына сәйкес, күдіктіден созылмалы психикалық ауру – параноидты шизофрения анықталды.

Қазіргі уақытта іс Атырау облысының мамандандырылған ауданаралық қылмыстық істер жөніндегі сотында қаралып жатыр.

Нұрлан Имам спорттың дамуына рухани үлес қосқаны үшін америкалықтардың қолынан Sport Oskar 2026 халықаралық сыйлығын алды.

Бұл туралы блогер Жұлдызай Смайлова өз парақшасында жариялады.

«Бүгін біздің ағатай (Нұрлан Имам – ред.) Американың төрінде бір емес, бірнеше марапат алды. Спорт, өнер саласына қосқаны үшін, әлемде бейбітшілік болсын деген ұранмен сыйлық алды. Құтты болсын, аға!» – деді Смайлова.

Нұрлан Байжігітұлы түрлі кәде-сыйлықтарға толы үстелдің басында қол бұлғап, құттықтауға ризашылығын білдірді.  Жұлдызай Смайлова бүкіл сыйлықтың қазақстандықтардың үстелінде тұрғанын мақтанышпен жеткізді.

Нұрлан Имамның өзі де алған марапаттарын көрсетіп түскен фото-суреттерін жариялады.  

Нұрлан Байжігітұлы 2024 жылы қаңтар айында...

Ұлттық статистика бюросы (ҰСБ) Қазақстандағы халық саны бойынша жаңа ақпарат жариялады. Жаңа дерек бойынша, 2026 жылғы 1 қаңтардағы жағдайға сай, Қазақстан халқының саны – 20 495 975 адам.

Оның ішінде:

– 10 477 240 адам – әйел,
– 10 018 735 адам – еркек.

Бюроның нақтылауынша, қала халқының саны – 13 млн, ауыл халқы 7 млн-ға тең.

2025 жылдың басымен салыстырғанда халық саны 212 576 адамға өсті, оның ішінде:

– табиғи өсім есебінен – 196 423 адам,
– көші-қон сальдосы есебінен – 16 153 адам.

Қытайда қоймалар мен дүкендерде ЖИ-роботтарды қолдану артып келеді. 2025 жылы қытайлық AgiBot компаниясы 5 100-ден астам гуманоид роботты жеткізді. Бұл – әлемдік нарықтың шамамен 40 %-ы. ЖИ-робототехника секторы қарқынды дамып, қазірдің өзінде әлем бойынша еңбек нарығына, өндіріс пен логистика саласына әсер ете бастады. Бұл туралы Kursiv.media Xinhua агенттігіне сілтеме жасап хабарлайды.

Енгізу ауқымы

Салалық есепке сәйкес, AgiBot 2025 жылы гуманоид роботтарды жеткізу көлемі бойынша әлемде көш бастады. Бұл роботтар жасанды интеллект пен адам қимылына ұқсас механизмдерді пайдалана отырып, қоймаларда, өндірісте және қызмет көрсету саласында түрлі міндеттерді орындайды. Олардың қатарына сәлемдемелерді өңдеу, тауарларды сақтау, клиенттермен жұмыс істеу сияқты...

Ресми ақпарат бойынша елде бір жылда 200-ге тарта балаға буллинг жасалған. Жауапты тарапқа әкімшілік құқық бұзушылық туралы кодекстің 127-2-бабы негізінде шара қолданылған. Бұл туралы Оқу-ағарту министрлігі балалардың құқықтарын қорғау комитеті төрағасының орынбасары Юлия Овечкина айтты.

Маманның айтуынша, бұл көрсеткіш өңірлер мен қалаларда болып жатқан жағдайды нақты көрсетпейді.

«Өңірлердегі рейтингті жасау кезінде бұл көрсеткішке қараудың қажеті жоқ. Себебі бұл буллингтің нақты санын емес, қанша адамның мұны хабарлауға дайын екенін көрсетеді. Сол себепті бұл дерек елдегі нақты көрсеткіш емес», – дейді Овечкина орталық коммуникациялар қызметіндегі брифингте.

Айта кетейік, әкімшілік құқық бұзушылық туралы кодекстің 127-2-бабына сәйкес кем дегенде...

Қазақстанда қытайлық BYD автокомпаниясының жаңа BYD Seal 6 DM-i көлігі ресми түрде сертификатталды. Бұл туралы «Казстандарт» базасында жарияланған Көлік құралы типін мақұлдау құжаттарынан белгілі болды.

Атауы халықаралық нұсқамен бірдей болғанымен, Қазақстан нарығына арналған модель көлемі ұлғайтылған әрі техникалық сипаттамалары жақсартылған гибридті седан болмақ.

Үлкейтілген өлшемдер

Қазақстанда сатылатын нұсқа халықаралық Seal 6 моделінен едәуір үлкен. Егер жаһандық нұсқасының ұзындығы 4830 мм болса, отандық нарыққа сертификатталған көліктің ұзындығы 4980 мм деп көрсетілген.

Ал доңғалақ базасы 2790 мм орнына 2900 мм болады. Осылайша, көлік ішкі кеңдігі бойынша Е-класс седандарымен бәсекелесе алады.

Құжаттардағы мәліметке сүйенсек, Қазақстанда Seal 6 атауымен іс жүзінде...

2026 жылдың қаңтарында Қазақстанның өңдеу өнеркәсібіндегі іскерлік ахуал біршама әлсіреді. Freedom Holding Corp. пен S&P Global әзірлеген Өңдеу өнеркәсібі өндірістік индексінің (PMI®) мәліметіне сәйкес, көрсеткіш 49,8 деңгейіне дейін төмендеп, бейтарап 50,0 шегінен төмен қалыптасты. Бұл соңғы сегіз айда саладағы операциялық жағдайдың қайта нашарлағанын аңғартады

Нарықтағы баға факторы қысым тудырып келіп отыр. Қаңтар айында қосылған құн салығының (ҚҚС) өсуі өндіріс секторындағы инфляциялық қысымды күрт күшейтті. Сауалнамаға қатысқан компаниялардың шамамен 44 пайызы ресурс құнының қымбаттағанын атап өткен. Нәтижесінде шикізат пен қызмет бағасының өсу қарқыны 2022 жылғы қарашадан бергі ең жоғары деңгейге жетті.

Шығындардың артуы өндірушілерді дайын өнім бағасын көтеруге...

Лос-Анжелесте 68-рет «Грэмми» сыйлығын табыстау шарасы өтті. Бұл – музыка әлеміндегі ең беделді сыйдың бірі. Осы жолы рэпер Кендрик Ламар, Билли Айлиш пен Леди Гаганың жолы болды.

«Біз мал емеспіз»

Грэмми бойынша барлығы 95 номинация бар. Бірақ салтанатты жиында оның тек тоғызы ғана марапатталады. Ең басты номинация – «Жыл альбомы». Биыл бұл санатта пуэрториколық рэпер Бэд Банни жеңімпаз болды. Оның «Debi Tirar Mas Fotos» альбомы толығымен испан тілінде жазылған.

Сыйлығын алуға шыққан Банни ерекше сөз сөйледі. Ол Америкадағы мигранттарға қатысты саясатты, ICE иммиграциялық қызмет агенттерінің әрекетін сынады.

«Біз жабайы емеспіз, мал емеспіз, бөтен...

Дариға Бадықованың бұрынғы күйеуі Мұсаев Дархан кино түсіруге кіріскенін мәлімдеді. Көрермендерден қолдау күтетінін жасырмады.

Десе де, ол қандай кино түсіретіні, онда қай актерлер ойнайтыны жөнінде ашып айтпады.

«Киноның жұмыстары басталды. Мен бұл уақытқа дейін босқа жүрген жоқпын. Қазақстанның түкпір-түкпірінде жүрдім. Өзіме серіктес іздедім. Идея іздедім. Нарықты зерттедік. Аллаға шүкір, таптым. Өзіме керекті таптым. Алдағы уақытта осы киномдағы актерлар жөніндегі мәлімдеме жасайтын боламын. Әсіресе, басты рөлдегі актер жөнінде өте қызықты мәлімдеме жасайтын боламын. Күтіңіздер. Назарларыңызға рахмет! Қолдауларыңызды күтемін. Алла жар болсын, барлықтарыңызға», – деді Дархан Мұсаев.

Оқырмандары актердің бастамасына қолдау білдіріп жатыр. Бастаған ісіне сәттілік тілеп...

Ақмола облысының прокуратурасы Бурабай кентіндегі Сейфуллин атындағы мектепте тамақтандыруды ұйымдастыруға қатысты заңбұзушылықтар анықталғанын мәлімдеді.

Тексеру қорытындысы бойынша мектеп директоры қызметінен босатылған. Ал аудандық білім бөлімінің бір қызметкері тәртіптік жауапкершілікке тартылған.

«Мектеп әкімшілігі жеткізушінің біліктілік талаптарына сәйкестігін тиісті түрде тексермей, мектептегі тамақтануды ұйымдастыруына жол берген. Сөйтіп бұл жағдай кәмелетке толмағандардың өмірі мен денсаулығына айтарлықтай қауіп төндірген. Прокуратураның талап етуімен жеткізушімен жасалған келісімшарт бұзылды. Сондай-ақ оны мемлекеттік сатып алуға жауапсыз қатысушы деп тану үшін сотқа талап арыз берілді», – делінген хабарламада.

Прокуратура дерегінше, конкурс жеңімпазы ретінде танылған жеткізуші іс жүзінде жұмыс істемейтін қызметкерлерді көрсеткен...

Италияның Милан және Кортина-д’Ампеццо қалаларында өтетін Қысқы Олимпиада ойындарына қатысатын Қазақстан құрамасының жарыс күнтізбесі жарияланды. Туризм және спорт министрлігінің мәліметінше, Қазақстан атына 36 спортшы бірнеше спорт түрінен медаль үшін бақ сынайды.

6 ақпан күні Қысқы олимпиаданың ашылу салтанаты өтеді. Ашылу салтанатын Qazaqstan және Qazsport арналары тікелей эфирде көрсетеді.

Төменде Қазақстан спортшылары қатысатын негізгі жарыстар кестесі берілген.

7 ақпан

17:00 – Шаңғы жарысы, скиатлон (әйелдер): Надежда Степашкина, Ксения Шалыгина, Анна Мельник, Дарья Ряжко
20:00 – Конькимен жүгіру, 3000 м (әйелдер): Надежда Морозова, Елизавета Голубева

8 ақпан

16:30 – Шаңғы жарысы, скиатлон (ерлер): Әмірғали Мұратбеков, Виталий Пухкало, Наиль Башмаков
...

Қырғызстанда биологиялық жынысты өзгертуге, оның ішінде медицинаның араласуына толық тыйым салу ұсынылды.

Отбасы кодексіне енгізілетін өзгерістер

Отбасы кодексінде жаңа бап енгізіледі, онда биологиялық жыныс отбасылық қатынастарды реттеу, некеге тұру, ана мен әкені анықтау үшін бірден-бір мойындалған санат ретінде белгіленеді. Құжатқа сәйкес, адамның жынысы тек туған кезде анықталған биологиялық белгілер бойынша анықталады және бұл жазба азаматтың өтінішімен, медициналық қорытынды негізінде немесе сот шешімімен өзгертілмейді.

Сондай-ақ құжатта жынысты өзгертуге бағытталған хирургиялық операциялар мен гормондық терапияларға тікелей тыйым енгізіледі. Медициналық араласуға тек жыныстың туа біткен даму аномалияларын емдеу жағдайында ғана рұқсат беріледі және ол тек ресми медициналық негіздер болғанда жүзеге...

Премьер-министр Олжас Бектенов жаңа Конституция жобасын халыққа түсіндіру бойынша кеңес өткізді.

Жиынға Үкімет мүшелері мен өңір әкімдері қатысқан. Премьер-министр барлық деңгейдегі министрліктер мен әкімдіктерге жаңа Конституция жобасын халыққа жан-жақты түсіндіру жұмыстарын күшейтуді тапсырған.

«Жалған әрі бұрмаланған ақпараттармен күресуге баса назар аударылды. Әлеуметтік желілер мен мессенджерлерде шындыққа жанаспайтын арандатушылық сипаттағы жарияланымдар тіркелуде. Ішкі істер министрлігіне «Заң мен тәртіп» қағидатына сәйкес, жалған мәліметтерді таратқаны үшін қатаң құқықтық әрекет және жауапкершілікке тартуды қамтамасыз ету тапсырылды», – делінген Үкімет таратқан хабарламада.

Үйлестіру Премьер-министрдің орынбасары – мәдениет және ақпарат министрі Аида Балаеваға жүктеліп отыр.

Айта кетейік, Конституциялық реформалар...

2026 жылғы 30 қаңтарда АҚШ Әділет министрлігі атышулы Джеффри Эпштейннің зорлық-зомбылық қылмыстарын зерттеуге қатысы бар 3 млн құжатты жариялады. Құпия файлдарда Қазақстан элитасындағы адамдардың аты-жөні аталады. Олардың арасында Мәсімов, Шөкеев, Қазыханов және басқа да шенеуніктер мен топ-менеджерлер бар.

Мәсімовті танисың ба?

Америкалық қаржыгер Джеффри Эпштейн әлемнің көптеген елін қамтитын элита қауымдастығын құрып, кем дегенде 1 мың кәмелет жасқа толмаған қыз бен әйелдерді жезөкшелікпен айналысуға итермелеген. Олардың көбі ықпалды адамдардың зорлық-зомбылығына ұшыраған.

АҚШ үкіметі жариялаған миллиондаған құжаттарда кәсіпкердің Қазақстан элитасына да көз тігіп, олармен байланыс орнатып үлгергенін айғақтайтын файлдар бар. Хаттардың бірін Эпштейнге бұрынғы қазақ премьер-министрінің «көршісі» жазған.

Air Astana әуе компаниясы Кипрдің Ларнака қаласына бағытталған маусымдық тікелей рейстерге билет сатуды бастады. Компания баспасөз қызметінің хабарлауынша, рейстер 2026 жылдың жаз мезгілінде Астана мен Алматы қалаларынан орындалады.

Астанадан ұшу кестесі

Елордадан Ларнакаға рейстер 2 маусым мен 5 қыркүйек аралығында аптасына екі рет – сейсенбі және сенбі күндері жүзеге асырылады. Ұшақтар таңертең және күндіз ұшады, ал Ларнакадан кері рейстер күннің екінші жартысында орындалады.

Ұшу ұзақтығы Ларнакаға дейін шамамен 5 сағат 40 минут, ал кері бағытта сәл қысқарақ болады.

Алматыдан рейстер

Алматыдан Ларнакаға рейстер 4 маусым мен 6 қыркүйек аралығында бейсенбі және жексенбі күндері жоспарланған. Алматыдан ұшу...

Әйелдерге арналған «Ұмай» ипотекалық бағдарламасы қайтадан қашан іске қосылатыны әзірге белгісіз. Қазіргі кезде «Отбасы банк» пен Азия даму банкі арасында бас келісімді бекіту процесі жүріп жатыр

«Отбасы банкінің» Алматы филиалы директорының орынбасары Кәмшат Оңалбаеваның айтуынша, қос банк арасындағы келісім бекітілген соң, бағдарламаның шарттарын нақтыланады.

Оның сөзінше, «Ұмай» ипотекасының шарттары аталған келісімге қол қойылғаннан кейін ғана ресми түрде жарияланады.

«Ұмай» бағдарламасы алғаш рет 2021 жылы іске қосылып, 2023 жылға дейін жұмыс істеген. Кейін уақытша тоқтаған. Аталған ипотекалық бағдарламаны 2025 жылы іске қосу жоспарланғанымен, бірнеше рет кейінге қалдырылды.

Бұл бағдарлама бойынша әйелдер 50 млн теңгеге дейін бағаланатын үй ала алады...

Қытай халық республикасының төрағасы Си Цзиньпин юаньды жаһандық резервтік валюта ретінде тануға шақырды. Бұл туралы Financial Times басылымы хабарлады.

Си мәлімдемесі

Қытай коммунистік партиясының орталық комитетіне қарайтын ресми баспасөз орталығы болып саналатын «Цюши» журналында Си Цзиньпин ел халықаралық саудада, инвестицияда және валюта нарықтарында кеңінен қолданылатын «қуатты валюта» құруы қажет екенін мәлімдеді. Басылым Қытай басшылығы юаньды халықаралық деңгейге көтеруге ұзақ уақыт бойы ұмтылғанын жазады.

Си Цзиньпиннің айтуынша, Қытайға ақша-кредит саясатын басқару үшін «қуатты орталық банк», сондай-ақ жаһандық капиталды тартып, әлемдік бағаларға әсер ете алатын бәсекеге қабілетті қаржы институттары қажет.

Белгісіздік жағдайы

FT Қытайдың мәлімдемелері жаһандық нарықтардағы белгісіздіктің артуы аясында жасалып жатқанын жазады...

Сәкен Майғазиев жақында немере сүйетінін айтып, сүйінші сұрады. «Алла қаласа, анасы екеуміз ата-әже атануға ниеттіміз» деп жазды әнші.

Әнші бұл жаңалықты ерекше сезіммен қабылдап отырғаны көрінеді. Тіпті, қуанышын әлеуметтік желіде оқырмандарымен бөлісуді жөн көрген.

«Ең бастысы, қыз болса да, ұл болса да, иманды, білімді, саналы, өнерлі, жан-жақты болып өскенін қалаймын. Алланың сүйген құлы болсын деп тілеймін. Дені сау болсын деп тілеймін. Алла жар болсын, сіздерге де жұғысты болсын! Ұрпақтарымыз салиқалы болсын!» – деді Сәкен Майғазиев.

«МузАРТ» тобының әншісі жариялаған рилсте отбасы болып, өмір есігін ашқалы отырған сәбидің қыз немесе ұл болатынын болжап жатқаны...

Қазақстандағы микроқаржы ұйымдарына (МҚҰ) қойылатын талап күшейеді. Қаржы нарығын реттеу және дамыту агенттігі (ҚНРДА) МҚҰ-лардың иелері мен коллекторлық агенттіктерге қойылатын талапты қатаңдатып жатыр.

Басты өзгерістің бірі – микроқаржы ұйымын басқаратын адамдарға қатысты болып отыр. Енді топ-менеджерлер жұбайы, ата-анасы, балалары және бауырлары жайлы ақпаратты да көрсетуі керек.

Одан бөлек бұрынғы жұмысындағы беделі, ол жерден не үшін кеткеніне де ерекше мән береді. Егер бұрынғы жұмыс беруші қызметкерді Еңбек Кодексіндегі бап бойынша жұмыстан шығарса, онда жаңа микроқаржы ұйымына басшы болып тағайындала алмайды. Яғни мансабындағы ұрыс-керіс немесе жайсыз оқиғалар болса, оның қаржы секторындағы болашағына әсер етуі мүмкін.

Коллекторлар үшін «қара тізім...

Ішкі істер министрлігі көлік жүргізуді үйрететін жеке курстардың жұмысына қатысты маңызды мәлімдеме жасады.

Тек лицензиясы бар автомектептер

ІІМ атап өткендей, болашақ жүргізушілерді дайындау тек лицензиясы бар автомектептерде жүргізілуі тиіс. Курстың оқу бағдарламасының ішінде міндетті түрде практикалық сабақтар кіреді. Жүргізу дағдыларын тек онлайн форматта толық меңгеру мүмкін емес.

ІІМ Әкімшілік полиция комитеті төрағасының орынбасары Әлібек Кеңіспаевтың айтуынша, жүргізу дағдылары нақты жол жағдайында ғана қалыптасады. Онлайн курстар толыққанды оқытуды алмастыра алмайды.

Қағаз құжат қажет емес

Тағы бір маңызды жайт – құжаттар. ІІМ автомектепті тәмәмдап шыққандарға курстың аяқтағаны туралы қағаз куәлік алу қажет еместігін атап өтті. Оқу туралы...

Қаңтар айында республикалық бюджетке трансферт бөлу үшін Ұлттық қордан 350 млн доллар сатылған. Ал ақпан айында 350-450 млн доллар сату жоспарланған. Бұл туралы бас банктің валюта нарығы туралы хабарламасында жазылған.

Өткен айда теңге бағамы 0,9%-ға нығайып, 1 АҚШ доллары 501,24 теңге деңгейінде қалыптасты. Ұлттық Банк валюта нарығына интервенция жасамай, операцияларды бейтарап әрі жоспарлы режимде жүргізді.

Қазақстан қор биржасындағы валюта саудасының орташа бір күндік көлемі бір айда 359 млн доллардан 306 млн долларға дейін төмендеді. Ал қаңтар айындағы жалпы сауда-саттық көлемі 5,8 млрд АҚШ долларын құрады.

«Республикалық бюджетке трансферт бөлу үшін Ұлтты...

Қытайдың «Күтпеген отбасы» фильмінің премьерасында әйгілі актер Джеки Чан (шынайы аты – Чань Кунсан) көрерменді толқытқан мәлімдеме жасады.

Актер өзінің өлімінен кейін ғана жарыққа шығатын арнайы ән дайындағанын айтты. Оның атауы мен мәтіні әзірге жария етілмеген. Джеки Чан шығарманың көрермендер мен жақындарына арналған қоштасу хаты секілді әсер қалдыруы үшін командасына оны алдын ала дайындауды тапсырғанын жеткізді.

Сөз барысында актер өмірдің өткіншілігі туралы да ой қозғап, соңғы жылдары көптеген әріптестері мен достарынан айырылғанын айтты.

«Адамдар ерте ме, кеш пе өмірден өтеді, бәріміз де қартаямыз. Өмір өте нәзік», – деді актер.

Еске сала кетейік, бұған дейін Джеки...

АҚШ ФРЖ отырысы және нарық реакциясы

Нарықтың назарында екі басты оқиға болды. Федералды резерв жүйесінің (ФРЖ) отырыс қорытындысын «біршама қатал» (ястребиный) деп сипаттауға болады.

Мөлшерлеме: Реттеуші күткеніміздей базалық мөлшерлемені 3,75% деңгейінде өзгертпес қалдырды. Алайда экономиканың қарқынды өсімін, еңбек нарығының тұрақталуын және инфляцияның әлі де жоғары екенін атап өтті.

Джером Пауэлл: Баспасөз мәслихатында ФРЖ басшысы арандатушы сұрақтарға жауап беруден бас тартты. Ол мамыр айындағы отставкадан кейін басқарушылар кеңесінде қалатыны немесе қалмайтыны туралы тіс жармады және өзіне қатысты қозғалған қылмыстық іске түсініктеме бермеді.

Болжамдар: 10 жылдық мемлекеттік облигациялардың (treasuries) кірістілігі 4,23%-дан 4,27%-ға дейін өсті. Наурыз бен сәуір айларында мөлшерлеме төмендейді деген сенім азайды. Ендігі негізгі сценарий – жеңілдету тек маусым айында болуы...