Жаңалықтар

Астананың жергілікті бюджетінің жалпы шығыны 1 трлн 483 млрд теңге болды. Бұл туралы қаланың Экономика және бюджеттік жоспарлау басқармасының басшысы Айжан Түгелбаева айтты.

Қала қазынасына түскен қаражат 111,4 млрд теңгеге дейін артқан. Оның 86,4 млрд теңгесі салық түсімдерінен жиналған.

«Қала белсенді дамып жатыр, орта есеппен экономика өсімі 10% деңгейінде. Халық саны орташа 7,5%-ға көбейді. Құрылыс секторында белсенділік 8,2%-ға артты. Көлік және логистика саласында өсім 30%-ды құрады. Сауда көлемі 3%-ға өсті», – деді қалалық мәслихаттың кезектен тыс отырысында.

Оның айтуынша, жыл басынан бері қоғамдық көліктің субсидияланатын бағыттар саны 110-ға дейін көбейіп, жолаушылар ағыны 12%-ға артқан. Биыл қалада...

Дүниежүзілік көшпенділер ойындары дирекциясының бұрынғы жетекшісі Наиль Нұров аса ірі мөлшерде пара алды деген күдікпен қамауға алынды. Бұл туралы журналист Михаил Козачков өзінің Telegram-арнасында хабарлады.

Мәліметтерге сүйенсек, 59 жастағы экс-шенеунік Астана қаласының тергеу изоляторында отырғанына екі аптаға жуықтаған.

Істің мән-жайы: не үшін айыпталып жатыр?

Наиль Нұров 2024 жылы Қазақстанда өткен Дүниежүзілік көшпенділер ойындарына дайындық жұмыстарын басқарған болатын. Шара аяқталғаннан кейін, құзырлы органдар тарапынан кейбір нысандардың құрылысына қатысты сұрақтар туындаған.

Тергеу нұсқасы бойынша дирекция басшысы құны 500 млн теңгеден асатын этноауылды тұрғызу туралы келісімшарт жасаған. Осыдан кейін мердігерден жоба құнының 10 пайызы көлемінде ақша талап еткен. Құқық қорғау органдары ақшаны...

Қостанай облысы Арқалық маңындағы қалдық үйінділерінен глинозем өндірмек болған кәсіпкердің деп басы дауға қалған.

Ол «ірі көлемде ұрлық жасады (ҚК 188-бап, 4-бөлім, 3-тармақ); заңсыз кәсіпкерлікпен айналысты, аса ірі көлемде табыс алу мақсатында (ҚК 214-бап, 2-бөлім, 2-тармақ); қылмыстық жолмен алынған ақшаны немесе мүлікті заңдастыруды деген күдікпен қылмыстық жауапкершілікке тартылып, іс сотқа жеткен.

Айыптау актісіне сәйкес, кәсіпкер 2024 жылғы қазан мен 2025 жылғы тамыз аралығында Арқалық кен орнының Арқалық учаскелеріндегі үйінділерден техногендік минералдық түзілімдерді алып, оларды сақтауды, өңдеуді және ЖШС арқылы саз түрінде өткізуді ұйымдастырған деп айыпталған. Аталған әрекеттердің салдарынан Қазақстан Республикасы Өнеркәсіп және құрылыс министрлігіне 795 млн теңгеден астам мөлшерде аса ірі залал келтірілген деп көрсетілген.

Алайда сот барысында өндірілген шикізатты ұрланған мүлік деп тануға...

Бүгін Астанада «FOC 2026: Fats and Oils Conference» халықаралық конференциясы өтті.

Жиынға әлемнің 18 елінен 330-дан аса делегат қатысып, май өңдеу өнеркәсібінің даму үрдісі мен болашағын талқылады.

Форумда Сауда және интеграция вице-министрі Әсет Нүсіпов май өңдеу саласының жаһандық азық-түлік қауіпсіздігін қамтамасыз етудегі стратегиялық маңызы артқанын атап өтті.

Министрдің орынбасары Қазақстан біртіндеп шикізат экспортынан жоғары қосылған құны бар өнім өндіруге, терең өңдеуді дамытуға және жаңа экспорттық нарықтарды игеріп жатқанын жеткізді. Бүгінде нақты нәтиже де бар.

«Мысалы, былтыр Қазақстан күнбағыс майын экспорттау көлемі жөнінен әлемде алтыншы орынға көтерілсе, Қытай нарығында екінші орынды иеленді. Сондай-ақ 2025 жылдың қорытындысы бойынша...

Ұлттық банк төрағасы Тимур Сүлейменов базалық мөлшерлемені төмендету кезеңін бастауға әлі ерте деп есептейді.

5 маусымда Ақша-кредит саясаты жөніндегі комитет базалық мөлшерлемені 18 пайыздан 17 пайызға дейін төмендетті.

Тимур Сүлейменовтің түсіндіруінше, алдағы уақытта шешімдердің барлығы базалық мөлшерлемені төмендету бойынша қабылдануы тиіс. Алайда Ұлттық банк төрағасы дәл қазір мұндай тұрақты үдеріс басталды деуге әлі ерте екенін айтты.

«Себебі, қазіргі уақытта байқалып отырған оң динамика мен қол жеткізілген нәтижелерге қарамастан, тәуекелдер әлі де жеткілікті. Сондықтан біз алдын ала жария түрде уәде бергіміз келмейді. Инфляция біз болжаған траекторияға сай төмендейді деп үміттенеміз. Егер солай болса, мөлшерлемені одан...

Nike компаниясы 11 маусымда АҚШ, Мексика және Канадада басталатын футболдан Әлем чемпионатына арналған «Rip The Script» атты алты минуттық жаңа бейнеролигін таныстырды.

Жобаға спорт пен шоу-бизнес әлемінің 30-дан астам жұлдызы тартылған. Олардың арасында футбол аңыздары мен бүгінгі жұлдыздары: Криштиану Роналду, Килиан Мбаппе, Эрлинг Холанд, Винисиус Жуниор, Эрик Кантона, Роналдиньо, Златан Ибрагимович, Дидье Дрогба және қақпашы Хорхе Кампос бар.

Басқа спорт түрлерінен баскетболшы Леброн Джеймс енген.

Шоу–бизнес пен медиа өкілдерінен реалити-шоу жұлдызы әрі кәсіпкер Ким Кардашьян, актерлер Джейсон Судейсис («Тед Лассо» сериалының басты кейіпкері) және Ченнинг Татум, рэперлер Трэвис Скотт пен Young Miko, K-pop жұлдызы, әнші LISA, сондай-ақ тележүргізуші Кейт Скотт...

Танымал әзілкеш Тұрсынбек Қабатовтың екінші әйелі Айман Талғатқызы не үшін бренд киім кимейтінін түсіндірді.

Бұған әлеуметтік желідегі сын түрткі болып отыр. Оқырмандардың бірі Айман Талғатқызының талғамына сын айтқан. «Үстіңізден брендтің біреуін көрмедім, базар ғой» деп пікір жазған.

Тұрсынбек Қабатовтың әйелі бренд кимейтініне арланбайтынын айтып, тұщымды жауап берген.

«Енді кәдімгі адам емеспіз бе? Неге бренд киюім керек? Дым көрмегендей, брендтің бәрін жапсыра алмайды екенмін. Маған ол мақтаныш немесе дәреже емес. Бренд шығаратындардың өзі сол брендті кимейтінін білесіз бе? Бүтін киетін киім мен талғам болса, сол бренд. Сен не кисеңде үйлесе кетсе, демек, сен брендсің!» – деп жазды Айман...

Елдегі полиция бөлімшелерінде пайдалану мерзімі әлдеқашан өтіп кеткен мыңдаған қызметтік көлік әлі қолданыста жүр. Бұл туралы Ішкі істер министрлігі Kursiv.media сауалына берген жауабында мәлімдеді.

7 жылдан асқан 9 мыңнан аса қызметтік көлік бар

Ведомствоның мәліметінше, ішкі істер органдарының балансында пайдалану мерзімі 7 жылдан асқан 9345 автокөлік бар. Соған қарамастан министрлік бұл көліктер техникалық тұрғыдан пайдалануға жарамды екенін атап өтті.

«Бұл жағдай барлық өңірде орын алған. Жаңа автокөліктерді бөлер кезде жағдайы күрделі аудандарға басымдық беріледі. Сондай-ақ өңірдің географиялық және жол ерекшеліктері ескерілуге тиіс», – деп мәлімдеді.

ІІМ түсіндіруінше, полиция бөлімдерінің қызметтік көліктері облыстық бюджет есебінен...

Air Astana әуекомпаниясы Дубайға тұрақты рейстерін қайта бастайды. Компанияның мәліметінше, Алматы – Дубай – Алматы бағыты бойынша рейстер 20 маусымнан, ал Астана – Дубай – Астана бағыты 10 шілдеден басталады.

Алматы – Дубай – Алматы бағыты бойынша рейстер кестесі:

Астана – Дубай – Астана бағыты бойынша рейстер кестесі:

Ұлттық банк төрағасы Тимур Сүлейменов базалық мөлшерлеменің 17%-ға дейін төмендеуі халыққа қалай және қашан әсер ете бастайтынын айтты.

Айтуынша, базалық мөлшерлеменің 1 пайызға төмендеуі қазақстандықтардың өміріне бірден әсер ете қоймайды.

«1 пайыздық төмендеуден бірден үлкен нәтиже күтуге әлі ерте. Мұндағы ең басты жетістік – біз инфляцияны төмендетіп жатырмыз. Баға өсімін 13 пайыз деңгейінен 10,4 пайызға дейін түсірдік. Шамамен 3 пайызға жуық төмендеді. Бұл жаман көрсеткіш емес. Дегенмен алда әлі атқарылатын жұмыс өте көп, босаңсуға болмайды», – деді ол.

Тимур Сүлейменов базалық мөлшерлемеден кейін несие пайыздары өзгеретінін айтты. Яғни бизнеске де, қарапайым халыққа...

Қазақстанда базалық мөлшерлеме 17%-ға дейін төмендеген соң депозит шарттары нашарлап кетпей ме? Ұлттық банк төрағасы Тимур Сүлейменов 5 маусымда Астанада өткен брифингте осы сауалға жауап берді.

Естеріңізге сала кетейік, Ұлттық банк жұма күні базалық мөлшерлемені 18%-дан 17%-ға дейін түсірді. Мұндай шешім қаржы саласына, соның ішінде депозит шарттарына да әсер етеді.

«Оның депозитке қандай әсері бар? Әдетте ол базалық мөлшерлемеге сүйенеді. Қорын депозитте ұстап, оны сақтап қалғысы келетін азаматтарға айтарым: нақты инфляция мен депозит мөлшерлемесінің айырмасын ескеру. Қазір нақты инфляция көлемі 10,4% болса, ал депозит мөлшерлемесі шамамен 19-20%. Ол бір пайызға түскеннің өзінде, депозит мөлшерлемес...

Астанада Болгария және Италия елдерімен өзара құрмет белгісі ретінде екі көшеге еуропалық атау беру ұсынылды. Бұл туралы мәслихаттың кезектен тыс сессиясында Тілдерді дамыту және архив ісі басқармасы басшысының орынбасары Досжан Исабек мәлімдеді.

Жобалық атауы Е-524 көшесіне София атауын беру ұсынылып отыр. Бұған дейін Болгария астанасындағы ұзындығы бір шақырымнан асатын көшелердің біріне Астана атауы берілген болатын.

«Біз атауын берейін деп отырған көше Нұра ауданында орналасқан, ұзындығы – 535 метр. Онда Hilton қонақүйі, Ұлттық татуласу мұражайы, Жер және адам ұлттық мұражайы орналасқан», – деді Досжан Исабек.

Сонымен қатар елордадағы «Астана Арена» спорт кешені мен «Алау» мұз айдыны...

Ұлттық банк төрағасы Тимур Сүлейменов базалық мөлшерлемені 17%-ға дейін түсіруге инфляцияның төмендеуі әсер еткенін айтты. Бірақ топ-менеджер инфляцияны толық ауыздықтадық деп айтуға әлі ерте екенін ескертті.

«Инфляцияның сәуір және мамыр айларында баяулауы, сонымен бірге соған қатысты болжамдардың жақсаруы бүгін бізге базалық мөлшерлемені түсіруге мүмкіндік берді. Дегенмен инфляцияны жеңдік, ауыздықтадық деп айтуға болмайды», – деп мәлімдеді ҰБ басшысы.

Реттеуші банк мәліметінше, 2026 жылғы мамыр айының қорытындысы бойынша жылдық инфляция 10,4% болған. Ал азық-түлік инфляциясы 10,7%-ға дейін төмендеген. Дегенмен азық-түлікке жатпайтын инфляция көрсеткіші 11,7% деңгейінде сақталды.

Мамырда айлық инфляция 0,7%-ға дейін баяулаған (сәуірде – 0,8%). Базалық және маусымдық факторлар...

Вьетнамдық Green SM сервисі Қазақстан такси нарығына шығу жоспарын таныстырып, Алматыда алғашқы тұсаукесерін өткізді. Бұл туралы такси блогері Юсуф YouTube арнасында хабарлады.

Компания жұмыс шарттарын, бонус жүйесін және VinFast VF6 электромобильдерін жалға беру бағдарламасын таныстырды. Алайда жүргізушілерде сервис жұмысына қатысты бірқатар сұрақ туындады.

Green SM не ұсынады

Кездесу барысында компания өкілдері сервис тек өздерінің VinFast электромобильдерімен жұмыс істейтінін айтты. Жүргізушілерге 17% комиссия ұсынылып, қалған 83% табыс өздерінде қалатыны хабарланды.

«Біз таксопарктермен жұмыс істемейміз, біз тікелей жүргізушілермен жұмыс істейміз», – деді Green SM өкілі.

Агрегатор апта сайын төлем жүйесін ұсынып, электромобильдерді күніне...

Ұлттық банк 5 маусымда базалық мөлшерлемені 17%-ға дейін түсіру туралы маңызды шешім қабылдаған күні доллар айтарлықтай қымбаттады. Түскі сағат 12:30-да KASE-де 1 доллар 488,60 теңге болды.

Бір күн бұрын – 4 маусымда Қазақстан қор биржасында (KASE) АҚШ валютасының саудасы 484,70 теңгемен жабылған. Енді бүгін доллардың шамамен 4 теңгеге қымбаттағанын көріп отырмыз.

Елдегі валюта айырбастау мекемелері көк қағазды 490 теңгеден саудалай бастады. kurs.kz мәліметінше, қазір Алматы қаласындағы ақша айырбастайтын пунктер 1 долларды 488,5 теңгеден қабылдап, 490 теңгеден сатып жатыр. Астанадағы бағам: 483 және 490 теңге.

Айта кетейік, 2026 жылғы сәуірдің аяғында доллар 459 теңгеге дейін арзандаған. Содан...

Алматыда қоғамдық көлік жүйесі жаңа бағыттармен, заманауи техникамен толықпақ. Мегаполисте 6 маусымнан бастап екі жаңа №134 және №140 маршрут іске қосылады.

Қала тұрғындары үйреніп қалған дәстүрлі жасыл автобустардың орнына қанық қызыл түсті автобустар шығады.

Бюджетке салмақ салмайтын жеке инвестиция

Алматы қаласы әкімдігі баспасөз қызметінің хабарлауынша, жаңа бағыттарды «NomadBus» ЖШС жеке тасымалдаушысы қолданысқа енгізеді. Автобустарды сатып алу толығымен тасымалдаушының жеке инвестициясы есебінен қаржыландырылған, яғни қала бюджетінен ешқандай қаражат жұмсалмаған.

Аталғакн бағыттар бойынша «Yutong» маркалы 23 жаңа автобус қызмет көрсетеді. Ұзындығы 12 метр, едені төмен орналасқан заманауи электрлі автобустарға 90 жолаушыға дейін сыяды. Сондай-ақ жаңа жылжымалы құрам жайлылығымен, жол үстінде бірқалыпты...

4 маусымда Алматыда тағы жер сілкінісі тіркелді. Бірақ қала тұрғындарының барлығына бірдей ескерту барған жоқ. KursivMedia жер сілкінісі кезінде дабыл қағатын жүйенің қалай жұмыс істейтінін анықтап көруге тырысты.

Неге хабарлама келмеді?

Алматыдағы Төтенше жағдай департаменті өкілдерінің түсіндіруінше, хабарлау жүйесі жер сілкінісі 5 және одан жоғары балл болған жағдайда ғана автоматты түрде іске қосылады.

«Әлсіз жер сілкіністері кезінде хабарламалар жіберілмейді, себебі олар ықтимал қауіпті жағдайларға жатпайды және халықты жаппай құлақтандыруды қажет етпейді. Бұл артық алаңдаушылық пен дүрбелеңнің алдын алу мақсатында жүзеге асырылады», – дейді ведомстводағылар.

Бұған дейін 17 ақпанда да жер сілкініс...

Актриса, продюсер Айнұр Ілиясова «бұрынғы жігітін» қалыңдық көйлегімен қарсы алып таңғалдырды. Олардың шаңырақ көтергеніне он жыл болған.

Ол күйеуін «бұрынғы жігітім» деп атап, фитнес білезік сыйлағанын көрсетті.

«Кеше қызық бір нәрсе болды. Той көйлегімді шкафтан шығарып, киіп көрдім. Құдайға шүкір, әлі де шақ екен. Сол сәтте бәріміз қуанып кеттік. Әсіресе қыздарым мәз болды. Олар әкелеріне: «Көзіңізді жұмыңызшы, мама сізге тосынсый жасайды» деп, кішкентай құпияларын ұйымдастырып жүр. Бірі видеоға түсіріп, бірі бағыт беріп, бәрі абыр-сабыр», – деді актриса.

Айтуынша, онжылдықтарында той көйлегін киіп, күйеуінің алдына шыққан. Алғашында актрисаның жары не болып жатқанын түсінбей қалған. Сосын жүзі өзгеріп, күлімдеп, қуанып кетіпті.

«Сол сәтте...

Big Data мен машиналық үйрету Freedom Holding Corp. компаниясына жол қозғалысы камераларының деректерін талдау арқылы сақтандыру құнын бағалауға көмектеседі. Жасанды интеллект пен сот шешімдерінің парсингі арқылы тәуліктің қай уақытында жол-көлік оқиғасына кім кінәлі болғанын түсінуге болады. Бұл тәуекелдерді дәл жіктей алмайтын бәсекелестерді ығыстырып, «жақсы» жүргізушілерге 30-40%-ға дейін кэшбэк беруге мүмкіндік туғызады. Бұл туралы Freedom Holding Corp. бас атқарушы директоры Тимур Турлов Стэнфорд студенттерінің алдында сөйлеген сөзінде мәлімдеді.

2025 жылдың жазында Стэнфорд бизнес жоғары мектебінде Freedom Holding Corp. цифрлық экожүйесінің кейсі жарық көрді. Онда MBA студенттеріне арналған стратегия, бизнес-модель, басқарушылық шешімдер, сондай-ақ NASDAQ-тағы листинг, IT-өнімдерді іске қосу, ішкі трансформация және...

5 маусымда Ұлттық банк базалық мөлшерлеме шегіне қатысты маңызды шешім шығарды. Қаржы саласын реттеуші мекеме оны 17% деңгейінде белгіледі. Осы уақытқа дейін ҰБ мөлшерлемені 18% көлемінде ұстап келген.

«Бұл шешім кезекті болжамды раундтың нәтижесіне, негізгі макроэкономикалық көрсеткіштер мен инфляция тәуекелдері теңгерімінің жаңартылған бағалауына сүйеніп қабылданды» – деп түсіндірді ҰБ.

Инфляция баяулады

Реттеуші мекеме осындай шешім қабылдаған уақытта жылдық инфляцияның баяулау үрдісін ескерген. Биыл мамыр айының қорытындысы бойынша ол 10,4% болды. Азық-түлік инфляциясы 10,7%-ға дейін төмендеді.

«Бұған жеміс-жидек пен көкөніс, әлеуметтік маңызы бар азық-түлік тауарлары мен жекелеген импорттық тауарлар бағасы өсімін...

Алматы қаласы жазғы маусымды ауқымды мәдени шарамен қарсы алуға дайын. Қала әкімдігінің қолдауымен шаһарда музыка, гастрономия және жергілікті креативті индустрия өкілдерінің басын қосатын мүлдем жаңа «ALMATY SUMMER FEST» фестивалі іске қосылады.

Фестиваль алаңы: Ашық аспан астындағы концерттер

Ауқымды шараның негізгі локациясы ретінде Алатау ауданында орналасқан «Алатау» дәстүрлі өнер театры таңдап алынды. Жаз бойы бұл театрдың айналасы үлкен фестиваль алаңына айналмақ. Ұйымдастырушылардың мәліметінше, мұнда маусым бойы елімізге танымал өнер жұлдыздары мен шығармашылық ұжымдардың қатысуымен ашық аспан астындағы концерттер тұрақты түрде өтіп тұрады.

Салтанатты ашылу: Сахнада кімдер өнер көрсетеді?

«ALMATY SUMMER FEST» фестивалінің ресми ашылуы 6 маусым күні сағат 18:00-де...

2026 жылдың басынан бері Каспий теңізіне 6,16 млрд текше метр су бағытталды. Бұл туралы Су ресурстары және ирригация министрі Нұржан Нұржігітов айтты.

Жайық-Каспий бассейндік инспекциясының мәліметінше, соңғы 2,5 жылда Каспий теңізіне 35 млрд текше метрден астам су жіберілген. Оның ішінде шамамен 17 млрд текше метрден астам су 2024 жылы тіркелген ауқымды су тасқыны кезеңіне тиесілі. Ал 2026 жылдың басынан бері Каспий теңізіне 6,16 млрд текше метр су бағытталды.

Былтыр қабылданған Су кодексіне сәйкес кәсіпорындар бес жылдық мерзімге арналған айналымды сумен жабдықтау жүйесіне көшу жоспарын әзірлеуге міндетті.

Қазіргі уақытта осындай 168 жоспар әзірленген. Мұндай құжаттарды еліміздегі барлық кәсіпорын дайындауы...

Актер Жахан Отарғалиев үшінші әйелі Ақтолқын Сейітке махаббаты мен ризашылығын білдіріп, жүрек тебірентер жазба қалдырды.

Ол жарымен бірге шетелде, жардың үстінен теңізге қарап, құшақтасып тұрған фото-суретті жариялаған. Оның астына әйеліне жылы лебіз білдірген.

«Кім не десе, о десін. Жан баласы сенбегенде сен сендің. Жаным, құлаған сәтте артына қарамастан, бұрылып кеткенде, жағдайым былай тұрсын, сәлем беруге жарамағанда, бұрыш бұрыштан мені жамандап, өмірі жақсылық жасамағандай, енді мені тұрмастай өсек айтқанда, сен ғана «мен саған сенемін» дедің», – деп жазды актер.

Жахан Отарғалиев жарының бұл ісін ешқашан ұмытпайтынын айтқан. Ол үшін және қыздарының бақытты болуы үшін қолынан келгенн...

Әлеуметтік медициналық сақтандыру қорының басқарушы директоры қызметіне Сәуле Башеева тағайындалды. МӘМС жүйесін басқаратын мекемеде мұндай қызмет жаңадан ашылып жатыр.

Ауыс-түйіс

Медициналық сақтандыру қорындағы ауыс-түйіс туралы мәлімет Қаржылық есептілік депозитарийіне жолданған ақпаратта бар. Сонда жарияланған құжатқа сәйкес, үкімет Сәуле Башееваны басқарушы директор қызметіне тағайындау туралы шешімді 2 маусымда қабылдаған.

Айта кетейік, бұған дейін осы қорда басқарушы директор қызметі болған жоқ. Соған қарағанда, басшылық құрамындағы мұндай қызмет жаңадан ашылып жатыр.

Құжатқа сәйкес, қор басқармасында алты адам бар. Олар: