Жаңалықтар

Қазақстанда ірі қара етін экспорттауға енгізілген шектеу ауыл шаруашылығы саласына айтарлықтай кері әсер етіп отыр. Мәжіліс депутатына фермерлер, ет өңдеушілер мен салалық бірлестіктер тарапынан көптеп шағымдар келіп түскен. Депутат Темір Қырықбаев осы мәселе бойынша ҚР Бәсекелестікті қорғау және дамыту агенттігінің төрағасы Марат Омаров пен Ауыл шаруашылығы министрі Айдарбек Сапаровқа сауал жолдады.

Тек бір компанияға рұқсат берілді

Оңтүстік өңірде ет экспорттау құқығы тек бір ғана компанияға берілген. Аталған компания Өзбекстанға күніне небәрі 150–200 бас ірі қара мал жөнелтіп отыр. Ал шектеулерге дейін бұл көрсеткіш күніне 1000 басқа дейін жеткен. Бұл өзге фермерлердің наразылығын туғызып, нарықтағы теңсіздікке себеп болуда.

Мәжіліс депутаттары Ерлан Саиров пен Мархабат Жайымбетов аудан әкімдерін сайлауды уақытша тоқтата тұруды ұсынды.

Бұл туралы депутаттар бүгінгі Мәжілістің отырысында сөз қозғады. Атап айтқанда, Ерлан Саиров депутаттық сауалында еліміз соңғы 5 жылда айтарлықтай ірі қадамдар жасап, бүгінде әрбір жексенбі сайын ауыл, аудан, қала әкімдерінің сайлауы өтіп жатқанын айтты. Алайда мәселенің пысықтайтын тұстары да бар.

«Әлі де сайланып жатқан ауыл әкімдерінің құзыретін, олардың әлеуметтік-экономикалық мүмкіндігін реттеу қажет екеніне көзіміз жетіп отыр. Заң аясында ауыл әкімдерінің құзыретін әлі де кеңейтуіміз қажет. Төртінші бюджетті қалыптастыру тетіктерін заңмен пысықтауымыз тиіс», – деді депутат.

Ерлан Саировтың айтуынша, еліміз...

Кондиционер құлап қайтыс болған фельдшердің ісіне қатысты қылмыстық іс қозғалды ма? Бұл сұраққа Ішкі істер министрінің орынбасары Санжар Әділов жауап берді.

«Кешенді сот құрылыс экспертизасын тағайындадық, оның ішінде кондиционерге де, құлаған қасбетке де қатысты. Шынымен де жәбірленушімен қиын жағдай болды. Фельдшер қайтыс болды. Арнайы қызмет, тез жетуі керек төтенше жағдай қызметкерлерінің жұмысына құқықтық баға береміз», – деді ол.

Әділовтің сөзінше, төтенше жағдай қызметкерлері өз міндетін дұрыс орындамаса, оларды да жауапқа тартуы мүмкін.

«Бізде Қылмыстық кодекс аясында қылмыстың орын алуына себеп болған жағдайларға ұсыныс енгізуге негіз бар. Бұйрықты орындамаған, уақытылы келмеген...

Бішкекте сайлаушыларды сатып алумен айналысқан топтың әрекеті әшкереленді. Бұл туралы ІІБ баспасөз қызметі хабарлаған.

ІІБ-нің экстремизм мен заңсыз миграцияға қарсы күрес қызметінің жедел уәкілдерінің айтуынша, белгілі бір кандидаттың пайдасына дауыс беру үшін сайлаушыларға ақша ұсынған топтың заңсыз әрекеті анықталды.

Kaktus.kg ақпаратына қарағанда, «Сайлаушылардың даусын сатып алу» бойынша қылмыстық іс қозғалды.

Жогорку Кенешке №22 округ бойынша депутаттыққа кандидат А.Л.-ның жақын туыстары, атап айтқанда, 1988 жылы туған қызы И.С. және 1998 жылы туған жиені Т.Ш. сайлаушыларды сатып алу схемасын ұйымдастырған.

Олар 360 мың сом көлемінде ақша берген.  Бұл қаражат кандидаттың сайлауалды штабында берілген.

Сондай-ақ, Қырғызстанда мемлекеттік қызметкерлерге «лайк» басуға тыйым

Елдің 13 өңірінде оқушылар қашықтан оқуға жіберілді. Бұл туралы денсаулық вице-министрі Тимур Сұлтанғазиев айтты.

«Қазірге дейін 13 өңірде шамамен 11,5 мыңнан аса сынып қашықтан оқуға жіберілді. Бұл шамамен 250 мыңнан аса бала онлайн оқып жатыр дегенді білдіреді», – дейді ол.

19 қарашаға дейін Астана қаласы, Шығыс Қазақстан, Абай, Жамбыл, Қостанай, Ақмола, Қарағанды облыстарында оқушылар қашықтан оқуға жіберілген еді. Бұған ЖРВИ және тұмаумен жұқтырғандардың көбейгені себеп болған.

Қазақстан президенті Қасым-Жомарт Тоқаев Қырғызстанға барды.

Мемлекет басшысы Бішкекте өтетін ҰҚШҰ Ұжымдық қауіпсіздік кеңесінің отырысына қатысады.

Тоқаевты Манас әуежайынан Қырғызстан министрлер кабинетінің төрағасы – Қырғызстан президенті әкімшілігінің басшысы Адылбек Қасымалиев қарсы алды.

2023 жылдың қаңтарынан бері ҰҚШҰ бас хатшысы болған Иманғали Тасмағамбетовтің бұл қызметтен кететіні айтылды. 2026 жылдан бастап ҰҚШҰ-ның бас хатшысы қызметін Қырғызстанның өкілі Таалатбек Масадықов атқармақ. 

Мәжіліс депутаттары дәрігерлерге шабуыл жасағаны үшін жазаны күшейтетін заң жобасын алғашқы оқылымда мақұлдады.

Депутат Асхат Аймағамбетовтің айтуынша, соңғы 5 жылда дәрігерлерге 280 шабуыл тіркелген.

«Бұл – айсбергтің тек ұшы ғана. Шынайы санды кемінде 10-ға көбейтуге болады. Көптеген медицина қызметкері арыз жазбайды, өйткені олардың қорғау табатынына сенімдері жоқ, бұған қоса тергеуге уақыт жоғалтқысы келмейді», – деді депутат.

Ол заңнамаға түзетулер енгізудің қажеттілігін нақты мысалмен түсіндірді:

«Қостанай қаласында тәжірибелі уролог дәрігер қабылдау жүргізіп жатқанда, күтпеген жерден жанжал шығып, оған шабуыл жасалады. Салдары өте ауыр: дәрігердің бас сүйегі сынып, миына гематома жиналып...

Образды толықтырып қана қоймай, сізді жеке тұлға ретінде ашып көрсетіп тұру үшін парфюмді қалай таңдау керек? Қазір ароматтың неше түрі бар. Себебі нота, концентрация, маусым, жас ерекшелігіне қарай таңдау көп. Бұрын мұндай ньюанстарға көбі мән бере бермейтін. Ал қазір тренд өзгерген. Қолданып жүрген затыңыз сіз туралы мол ақпарат береді. Олай болса, бүгінгі материалымызда ерлерге арналған парфюм таңдағанда не нәрсеге мән беру керек, өзіңізге үйлесетін ароматты қалай таба аласыз — осы туралы айтайық. Kursiv.Media тілшісі толыққанды гайд дайындады.

Білуіңіз керек басты ақпарат: иіссудың қандай түрлері болады?

Алдымен ароматтың концентрациясын мән беру керек.

Яғни сіз алайын деп тұрған иіссудің исі қанша...

Шымкент тұрғындары әлеуметтік желіде қалада ауа ластанып, белгісіз иіс шыға бастағанын, түтін басқаны жөнінде апта бойы жазып жатыр. Бірі күйіктің иісі десе, енді бірі оны газ және күкірт иісіне теңеп жүр. Кейбірі иіс терезені жапсаң да сезілетінін айтып, шағымданған. Сасыған иістен мезі болған жұрт тиісті мекемелерден мұны бақылауға алуды сұрайды.

Қаладағы иіс қайдан шықты?

Тұрғындардың айтуынша, ауа, әсіресе, таңертең және кешке ластанып, белгісіз иіс анық байқалады. Бұл бір күн емес, аптаға созылды. Енді түтіннің иісіне бензин, өртенген баллонның иісі сияқты түсініксіз бірақ жағымсыз иіс қосылған.

«ҚазақГазАймақ» мекемесінің дерегінше, газдың иісіне қатысты тұрғындар жиі шағымданған. Мамандар айтылған мекенжайларға барып, сараптама...

12 жылға сотталған Хасан Қасымбаевтың адвокаттары сот үкіміне апелляциялық шағым түсірді. Бұл туралы сот кабинетінде көрсетілген.

Хасан Қасымбаевтың есімі жасөспірім Шерзат Полаттың қазасынан кейін атала бастады. Талғардағы қылмыстың «Хуторлықтар» ұйымдасқан қылмыстық тобымен байланысы бары айтылды.

Қасымбаевқа қатысты қылмыстық іс бойынша сот процесі 20 тамызда басталды. Сотталушылар қатарында алты адам бар. Олар: Хасан Қасымбаев, Руслан Әлиев, Мадияр Қалимжанов, Сайлау Ақтанов, Нұрмұхамет Сұлтанбеков және Данияр Аскаров.

Оларға Қылмыстық кодекстің үш бабы – адам ұрлау, қасақана ауыр дене жарақатын келтіру, қорқытып алу әрекетін жасады деген айып тағылған. Қасымбаев үш бап бойынша да кінәлі деп танылды.

Кезінде «Банк ЦентрКредитті» басқарған экономист Ғалым Құсайынов 2026 жылдан бастап жаңа тұрғын үй бағасы күрт көтеріледі деп есептейді. Қосылған құн салығын 16%-ға көтеруді көздейтін жаңа Салық кодексіне қатысты пікірін маман Telegram-дағы арнасына жазды.

Құсайыновтың есептеуінше, қазір бірінші нарықта 1 шаршы метр бағасы 500 мың, ал өзіндік құны 400 мың болса, құрылыс компаниясына шамамен 80 мың теңге қалады.

2026 жылдан бастап 16% ҚҚС енгізілгенде бір шаршы метрдің таза сату бағасы 420 мың, ал өзіндік құны 352 мың теңге болады. Мұндай жағдайда салық төлеуге дейінгі пайда 68 мың, таза пайда – 54,4 мың теңге болып қалады.

Мәжілістің жалпы отырысында «ҚР Қылмыстық кодексі мен Қылмыстық-процестік кодекске толықтырулар енгізу туралы» заң жобасы бірінші оқылымда мақұлданды.

Заң жобасына дауыс беру кезінде 18 депутат қалыс қалды, 1 депутат қарсы болды, қалғандары қолдады.

Аталмыш заң жобасын депутат Асхат Аймағамбетов таныстырды. Талқылау барысында депутат Президент Қасым-Жомарт Тоқаевтың медициналық персоналға жасалған шабуылдар үшін жазаны күшейту туралы тапсырмасын бірнеше рет жүктегенін атап өтті.

Айтуынша, қылмыстық кодексте дәл осылай, ерекше мәртебемен қорғалатын бірқатар мамандық бар. Олардың қатарында полицейлер, құтқарушылар, арнайы қызмет және құқық қорғау органдарының қызметкерлері (380-1-бап), судьялар мен сот қызметкерлері, прокурорлар, әкімдер, депутаттар, салық инспекторлары тағы басқа (380-бап) билік өкілдері бар.

Қазақстандық психологтар ажырасқан ата-ана рухани тұрғыдан тірі өлікке айналса, балаларының отбасын құруын қиындататынын айтып отыр.

«Менің тәжірибемде бір қыз «отбасын құрмаймын, құрбыммен бірге тұра беремін» дегенді айтқан болатын», – дейді психолог Лимана Құттыбекқызы.  Жас қыз отбасы құру ұрпақ жалғастыру үшін керек екенін түсінеді. Бірақ ол үшін отбасын құрмай-ақ, ешкіммен жанжалдаспай-ақ, ЭКО жасату оңтайлы екенін айтқан.   

Құрғақ сандар

Қазақстан ажырасу бойынша әлемдегі екінші ел болып отыр деген пікір кең таралып келеді. Ұлттық статистика бойынша, биыл елімізде жарты жыл ішінде 51,4 мың неке тіркелсе,  21,5 мың отбасының шаңырағы ортасына түскен.

Ал 2014 жылы 11 айдың ішінде 48,4 мың неке

Италия ұлттық қылмыстық кодексіне фемицидті жеке қылмыс ретінде енгізді. Бұл бап ең жоғары жаза ретінде өмір бойына бас бостандығынан айыруды көздейді.

Заң президент қол қойғаннан кейін күшіне енді. Бұл Еуропада әйел құқықтарын қорғауға бағытталған ең көп талқыланған реформалардың бірі болды.

Бастаманы премьер-министр Джорджия Мелони бастаған үкімет ұсынған. Ол 2025 жылдың 7 наурызында министрлер кабинеті отырысынан кейін заң жобасын жариялап, әйелдерге қарсы зорлыққа жүйелі түрде жауап берудің маңызын атап өтті.

Фемицид – әйелді оның жынысына байланысты қасақана өлтіру. Яғни бұл жай ғана адам өлтіру емес, гендерлік себеппен жасалған қылмыс.

БҰҰ Есірткі және қылмыс жөніндегі басқармасының ғаламдық зерттеуіне сәйкес, 2023 жылы қаза...

Абай облысында қатты тұрмыстық қалдықтар полигонының құрылысы басталды. Семей іргесіндегі нысанды түрік компаниясы 8 млрд теңгеге салады. Бұл туралы өңір әкімдігі хабарлады.

Семейде көпір салған түріктер

26 қарашада облыс әкімі Берік Уәли Семей қаласының іргесінде бой көтеретін қатты тұрмыстық қалдықтар полигонының құрылыс алаңында болды. Мердігер нысанды таныстырды.

Құрылысты Maхimsan түрік компаниясы жүргізеді. Жоба құны – 8 млрд теңге. Полигон жылына 300 мың тонна қатты тұрмыс қалдығын қабылдайды. Сұрыптау цехы бір жылда 75 мың тонна өңдейді.

25 жыл бұрын дәл осы түрік компаниясы облыс орталығындағы көпір құрылысына қатысқан.

«Енді, міне, тағы бір үлкен жобаға...

Солтүстік Қазақстан облысынан көшіп жатқандар көбейді. Бұл туралы Жоғары аудиторлық палатаның облысқа жүргізген мемлекеттік аудиттің қорытындысында айтылған.

«Облыста халықтың табиғи өсімі азайып, теріс көші-қон сальдосы байқалады», – делінген ақпаратта.

Ал білім беру саласында үш ауысымды және апат жағдайындағы мектептер проблемасы шешілмеген.

«17 мектепте спорт залы жоқ, 24 мектеп белгілі бір пәндерге арналған кабинет ашылмаған. Медициналық мекемелердің шамамен 74%-ы тозған», – деп хабарлады палата.

Палата төрағасы Әлихан Смайылов өңір бойынша көтерме және бөлшек сауда саласында жұмыс істейтін кәсіпорындар кірісі едәуір төмендегенін айтады. Мемлекеттік кірістер комитетінің мәліметі бойынша көлем...

«Нұр-Мұқасан» тобының жаңа солисіне жасалған шабуылға қатысты тергеу ісі бойынша әнші Мұқасан Шахзадаев ұсталды. Бұл туралы жәбірленуші Ғалымжан Сүлейменнің адвокаты Инга Иманбай хабарлады.

Алайда полиция Мұқасан Шахзадаевтың ұсталғаны жөнінде әзірге ресми мәлімдеме жасаған жоқ. Инга Иманбайдың айтуынша, әншіге қатысты жедел-тергеу шаралары басталып кеткен.

Жәбірленушінің жағдайы ауыр. Қазір отадан кейін, ауруханада ем қабылдап жатыр. Алған соққылардан оның қолы мен мұрны сынғаны белгілі болды.

Адвокат Инга Иманбай істің қылмыстық квалификациясына тоқталып, ҚР Қылмыстық кодексінің 107-бабының 2-бөлігіне «Алдын ала сөз байласқан адамдар тобының денсаулыққа қасақана зиян келтіруі» сәйкес қаралып жатқанын айтты.

«Бұл бап бойынша үш жылға дейін...

QAMS инвесторлар қауымдастығы Бас прокуратураға ресми сұрау жолдады. Сарапшылардың сөзінше, Қазақстанда жасанды интеллектің құқықтық мәртебесіне байланысты үлкен заңдық проблема туындауы мүмкін. Бұл инвесторлардың мүдделеріне және қордың мәмілелеріне әсер етеді деп есептейді.

Акционерлер қордың директорлар кеңесіне жасанды интеллекті енгізу заңды ма, жоқ па, ол бизнес пен инвесторларға құқықтық қиындық тудырмай ма деген сұраққа жауап іздейді.

Қазақстан заңдарына сәйкес, роботтың жеке тұлға ретінде құқығы мен міндеті жоқ. Сондықтан ол директор болып тағайындала алмайды және дауыс бере алмайды. QAMS заңгерлері үкіметтің қарапайым қаулысы ЖИ-ға мұндай өкілеттік бере ала ма деп сұрап отыр. Егер бере алмаса, онда робот қатысқан барлық шешімді сотта жарамсыз ету...

Мәжілісте қылмыстық іс жүргізу кодексіне толықтырулар енгізу мәселесі қаралып жатыр. Атап айтқанда, құжат медицина қызметкерлерінің кәсіби қызметін қорғаудың құқықтық және ұйымдастырушылық негіздерін жетілдіруге бағытталған.

Заң жобасы медицина қызметкерлері немесе жедел жәрдем жүргізушілеріне күш көрсету фактілері үшін қылмыстық жауапкершілікті күшейтуді көздейді.

Әйтсе де, депутат Абзал Құспан дәрігерлер мен науқастардың арасындағы қарым-қатынасты қылмыстандыруға қарсы екенін айтады.

«Медиктерді арнайы субъект ретінде тануға мен қарсымын. Мына күйінде заң қабылданбауы керек. Себебі біз Қылмыстық кодекстің құрылымын қатты бұзып алдық. Бұл мемлекеттік басқаруға байланысты бөлімде тұр. Жалпы және ерекше бөлім бар. Ерекше бөлім 18 тараудан тұрады. Біздің келіспей отырғанымыз – қорқыту жайттары...

Бурабай ауданындағы танымал туристік аумақтарда казино ашылатыны жайлы ақпарат тарады. Осы орайда жергілікті тұрғындар экологияға алаңдаушылық білдіріп, ойын бизнесін басқа жерге көшіруді талап етуде.

Әкімдік қаулысына сәйкес, Бурабай ауданындағы бірқатар танымал туристік аймақта казино салу көзделген. Оның аумағына Щучинск қаласындағы Щучье көлінің оңтүстік-шығыс жағалауы, «Светлый санаторийі» мен «Щучинск санаторийі» шағынаудандары кіріп отыр. Сонымен қатар, бұл тізімде Үлкен Шабақты көлінің солтүстік-батыс бөлігі, Текекөл маңы, Бурабай кенті мен Сарыбұлақ және Оқжетпес ауылдары да бар.

Алайда бұл жергілікті тұрғындар мен тұрақты демалушылардың наразылығын тудырды. Сол себепті азаматтар e-Petition платформасында аумақта ойын бизнесін жүргізуге тыйым салуды талап етіп, петиция жариялады.

Петиция авторыны...

Алматы қаласында кафе мен мейрамханалар жабылып жатқаны туралы видео әлеуметтік желілерде таралды. Блогер назарына іліккен мекемелердің жартысы жақында ғана жұмысын тоқтатқан.

Алматылықтар үрейі

«Шынымды айтсам, қатты алаңдаймын, 2026 жылы не болатынын елестетудің өзі қорқынышты. Мекеме жабық тұрғанын көргенде төбе шашым тік тұрады», – деп жазды автор.

Instagram-да жарияланған бейнероликке пікір қалдырғандар екіге жарылды. Бірі қалада бос тұрған үй-жайлар шынымен көбейіп барады десе, тағы біреулер жаппай жабылып жатыр деуге әлі ерте деп есептейді.

Республиканың басым бөлігінде ауа температурасы төмендейді. Синоптиктер болжамына сәйкес, солтүстікте түнде -13°С суық болады.

Ел аумағында жауын-шашын жаумайды. Тек солтүстік және шығыс өңірде кей жерде қар аралас жаңбыр жаууы ықтимал.

Алайда 29 қараша түнде солтүстік өңірлерде термометр бағаны минус -8…-13°С дейін төмендеуі мүмкін. Ал оңтүстікте -2…-7°С дейін төмендейді.

Ірі қалалардағы ауа райы

27 қарашада Астанада күндіз күн бұлтты, ауа температурасы +1 градусты көрсетеді. Түнде -3°С суық болады.

28 қарашада таңертең және түнде -4…-5°С көрсетеді. 29 қараша таңертең -6 градус болса, түнде қар аралас жаңбыр жауады.

Алматыда үш күн қатарынан күн ашық болады. Күндіз +7, түнде +4 градусты...

28 қарашада Қазақстанның Ұлттық банкі базалық мөлшерлеме бойынша 2025 жылдың соңғы шешімін қабылдайды. Бұл шешім елдің экономикалық жағдайы мен инфляция деңгейі, сондай-ақ әлемдік нарықтағы өзгерістерді ескере отырып қабылданатын маңызды қадам болады. Қазіргі уақытта инфляцияның өсуі мен теңгенің тұрақтылығы, сондай-ақ кредиттік белсенділіктің артуы Ұлттық банк үшін қосымша назар аударуды қажет етеді. Осыған байланысты, сарапшылар мен экономистер реттеушінің мөлшерлемені қалай өзгертуі мүмкін екендігі туралы түрлі болжамдар жасап отыр. Алдағы отырыс экономиканың даму қарқынын, сыртқы факторларды және ішкі инфляциялық процестерді есепке ала отырып, стратегиялық шешімдердің қабылдануына ықпал ететін болады.

Ал біз беделді қаржы институттарының базалық мөлшерлемеге байланысты  болжамын топтастырып, талдап...

Ақтау қалалық сотында өңірдің көлік прокуратурасының бір қызметкеріне қатысты сот басталды. Бұл туралы жергілікті Lada.kz хабарлады.

Басылым мәліметінше, 26 қарашада қалалық сотта көлік прокурорының үстінен қозғалған қылмыстық іс қарала бастады. Сотталушыға алаяқтық жасады деген айып тағылған.

Мәліметтерге қарағанда, күдікті 2025 жылғы 9 арашада ұсталған. Оны қолға түсіру жөніндегі арнайы операцияны Маңғыстау арнайы қызметі мен Бас прокуратура бірлесіп жүргізген.

Басылым оқырмандары прокурорды ұстау кезінде 2,5 млн теңге алынғанын хабарлаған. Мәліметті прокуратурадағылар жоққа шығармады, бірақ растаған да жоқ.

Lada.kz күдіктінің 2024 жылдан бері қызметтегі міндеттерін атқарғанын, бала күтімі бойынша демалыста болғанын жазды.

Естеріңізге сала кетейік, биыл жазда Маңғыстауда полицияның бес...